كنز....ولقيته.....

كاتب الموضوع: White heart Jul 2 2003, 12:10 AM
[size=24]الليلة الكبيرة قبه سيدنا الولى دول نوروها ... محلى الليالى و الناس بيزوروها قبه سيدنا الولى فى الجو عاليا .. محلى الليالى لما طوروها حمص حمص قبل ما ينقص عمال يرقص..يرقص.. يرقص ... و يقول اللى شاف حمص و لا كالشى .. حب و تلوع و لا طالشى يسترك حات حبه بقرش..هاهاها حمص .. حمص .. حمص ..طعميه..اللوز...عجميه..اراجوز الليله الكبيرة يا عمى و العالم كتيرة ماليين الشوارع م- دول فلاحين و دول صعايدة .. دول من القنال و دول رشايدة يا حضرة الأراجوز قوللى .. نعم يا عمدة عايز ايه؟ منين يروحوا المتولى .. امدحنا ليه و صلى عليه ..اللهم صلى عليه تمشى كدة عل-طول عل-طول لحد ما تلاقى عمارة .. لحد ماقلاقى عمارة تدخل يمين تلقى بتاع فول، دكانته على ناصيه حارة..دكانته على ناصيه حارة تدخل يمينك و شمالك .. شارعين و فى التالت تكسر .. شارعين و فى التالت اكسر على اليمين واخد بالك، و تمشى على طول تتمخطر..و أمشى على طول و اتمختر تفضل كدة تمشى و تلف..و تخش من مطرح ما طلعت..و أخش من مطرح ما طلعت و لما تلقى مقله لب .. ولما القى مقله لب، تعرف بأنك تهت و ضعت ايوة دى وصفه هايلة.. دى وصفه سهله.. دى وصفه هايله.. دى وصفه سهله مع السلامه .. مع السلامه .. مع السلامه يابو عمه مايله فتح عينك تاكل ملبن .. فينك .. فينكـ و اوعى لجيبك للعيب عيبك قرب، جرب، نشن، وسطن ايدك..وسطن اضرب.. طاخ يحميك يابنى تبقى غالبنى قرب خدلك حته ملبن فريرة للعيل .. يابو العيال ميل .. خدلك 7 طراطير زمارة شخليله .. عصفورة ياحليله .. طراطير ياواد طراطير طراطير .. طراطير .. طراطير الليله الليله السيرك الفرجه تساوى جنيه قولوا هيه .. هيه.. هيه بمناسبه هذا المولد ياولاد برنامج سواريه قولوا هيه .. هيه .. هيه فى-السيرك شجيع يهجم عل-سبع و يركب دوغرى عليه قولوا هيه .. هيه .. هيه وبنات قمرات زى الشربات حلوين مش عارف بيقولوا ايه .. هيه .. هيه و كمان بلياتشو تعالوا اسمعوا ناتشو و شوفوا هايعمل ايه قولوا هيه .. هيه .. هيه السمك مقلى كل و برقلى .. صنف زى الفل .. ... المختار .. فشه أو ممبار.. يالله سمى وكل يالله .. اسعى .. اسعى .. اسعى .. خدلك صورة 6ف9 اسعى .. اسعى .. اسعى .. العب كورة ... ناس ممبلدنا هناك اهم .. روح يابراهيم اندهلهم.. سلامات .. سلامات ..سلامات .. سلامات عل-بلديات الحضرة و ال..... يالله بنا نشكر يا وله... شفت فنام صاحب المقام دة ابهه .. ابهه .. ابهه ويمامه حايمه عليه .. تسبح ربها .. يانور النبى .. يا نور النبى ميل لفوق و قول حى ...باحبها ..حبها ..حبها صحونى م-النوم خدت بعضى و تنى جاى .. تانى جاى يا ام المطهر رشى الملح 7 مرات ... لمقامه الطاهر رشى و قيدى 7 شمعات يا عريس يا صغير علقه تفوت ولا حد يموت .. لابس و مغير .. و هاتشرب مرقه كتكوت بالزمه دة 7 عيل .. مكتوب من وقت و تيل قول شالله يا معلم عقبال اولادك واحد مظبوط و 2 مصرى .. ع-النار حاضر جايلك دغرى مسا التماسى .. مسا التماسى .. يا ورد قاعد على الكراسى هات شاى يا دقدق .. عينى .. وراسى .. سمعنا يا ريس حنتيله للصبح معاك السهيرة ... سمعنا .. سمعنا .. سمعنا يا غزال يا غزال .. العشق حلال .. موال يا شفتاك فص فراوله و انا لا قوة و لا حول ودوبتنى قلبى علاوله ... اه يا غزال .. اه يا غزال يا رب يا عالم بالحال تهدى حبيبى و يصبح عال و اغنى و أرقع بالموال و اقول ياااااااااااا ليل وقف يا ريس حنتيرة .. فيه ناس هنا قاعدة كتيرة و لا حد قال هات تعميرة و لا واحد شاى أه اللى هايطلب راح يقعد و اللى ما يطلبش يبعد يالله حنا بنا نخرخ يا مسعد شارع التروماى... انا شجيع السيما .. ابو شنب بريمه .. اول ما قول هالىهوب واصرخلى صرخه السبع يتكهرب و يبقى فرخه.. حالا بالا ساصارع اسد انما ايه متوحش و هاخلى وجهه شوارع تصقيفه يا ناس ما يصحش اهو جه اهو جه .. تصقيفه بقى تصقيفه امال .. تشجيعه امال تعالالى لالى لالى يا حبيبى تعالالى اوعد يا رب اوعد ادى كمان قهوة يالله بنا يا مسعد ندخل على سهوة ايوة على سهوة طار فى الهوا شاشى وانت ما تدراشى .. يا جدع رد شاورلى شاورلى عليه حكم الهوا ماشى .. اصل الهوا ماشى هوا العصارى يا واد على سطح جارى .. يا واد خدنى ورمانى رمانى عليه هوا العصارى اهين يا نارى منك يا جارى خدنى ورمانى رمانى عليه هوا العصارى .. ماشى كلامى اللى هايطلب راح يقعد .. و اللى ما يطلبش يبعد يالله بنا يا مسعد نخرخ شارع التروماى ورينا القوة يابنى انت و هو .. مين عندة القوة و عامللى فتوة يقدر بجدارة على زق الطارة و يفرقع بمبه... وسع .. وسع .. وسع انا ازق الطارة و اضرب ميت بمبه انا-لاسطى عمارة من درب شكامبه ... صيتى من القلعه .. للقلعه .. لسويقه الالا..لالالا صيتى من القلعه .. للقلعه دانا واكل السمعه طب يالله تعالى .. لا يا عم سعيدة هااو دى البدله جديدة ههاهها سعيدة يابو بدله جديدة يا ولاد الحلال .. بنتى تايهه طول كده رجلها الشمال .. فيها خلخال زى دة زحمه يا ولداه كام عيل تاه فريرة للعيل ... الليله الكبيرة يا عمى و العالم كتيرة ماليين.

مش ممكن اخيرآ لاقيت كلام اوبريت الليلة الكبيرة للفنان الراحل صلاح جاهين وللموسيقار الراحل ايضآ سيد مكاوى.حبيت اكتبهم للمنفعه العامه حيث انا سنين وايام وانا بسمع اغانى الاوبريت ده وفيه اجزاء لم استطع ابدآ افهم او اعرف كلماته ومنها طبعآ حتة العمده لما بيسأل الاراجوز عن الطريق.....اخر تماخيخ لجاهين ومكاوى....زوالله يرحم امواتنا جميعآ..