=1=منظر عام رائع فى الليل
=2=ديزنى باريس..رائعة
=3=الهرم الزجاجى
=4=مبنى الحكم وكنيسة نوتردام
=5=قوس النصر
=6=احد الانوار على طريق
الكساندر الثالث و في الافق برج ايفل.
=7= نوتري دام و نهر السين بالليل
=8=برج ايفل
=9=قوس النصر و الاليسية بالليل
=10=بارفيس دي شالوت و برج ايفل
;;;;;;;;;;;;;;;;;;;;;;;;;;;;;;;;;;;;;;;;
=7= نوتري دام و نهر السين بالليل
=8=برج ايفل
=9=قوس النصر و الاليسية بالليل
=10=بارفيس دي شالوت و برج ايفل
=-=-=-=-=-=-
الله كانت رحلة جميلة
الله كانت رحلة جميلة
هى ايه دى ؟
رحلة باريس ,انت مش شايفة الصور؟؟
انتى رحتى باريس!!!
مرتين :مرة فى سنة ؟؟مش فاكرة
و تانى مرة؟
النهارده
ياسلام!!!!!!!
اه فيها ايه؟؟!!!
وشفتى ايه على كده؟
شفت حاجات كتير بس الصور اهه اتفرجوا
وشوفوا الجمال الخارجى لعاصمة النور كما يقال
الجمال الخارجى؟؟قصدك ايه؟
قصدى دى باريس اللى احنا بنشوفها كسواح
ومتفرجين للافلام وللصور وكده
لكن فيه ناس انا اعرفهم مش شايفين حاجه
من كل الجمال ده!!!
ازاى؟؟
يعنى مش شايفين غير غربتهم ووحدتهم وبعدهم عن الاهل
والاحباب والاصدقاء وحتى لما حاولوا يكونوا صداقات جديدة
فشلوا فى مرات متتالية ومروا بتجارب كثيرة فاشلة
جعلتهم يكفرون بالصداقة فى الغربة خاصة مع ابناء وطنهم
للدرجة دى؟
نعم ,فهم يقولون ان الاخرين لا يبغون من صداقتك هناك
الا توفير نفقات معيشتهم على حسابك
ازاى؟
العيش مجانآ فى حجرتك او شقتك
بحجة:ياخى ما انت كده كده دافع
الايجار فيها ايه لما يستفيد منك شويه
بصحيح فيها ايه لما تساعده؟؟!!
بلاش دى!!!طب واخذ اشياءك
واستعمالها بدون أذنك
وعدم اهتمامه بنظافة المكان
والمحافظة عليه
لأ ما يصحش!!
شفت ازاى؟؟
المهم ان صديقى اغلق نفسه وقلبه دون الاخرين
قلبه؟
نعم على حب مستحيل التنعم به وكأن دنياه ناقصة لالام جديدة
يقول لىّ انه فكر بالانتحار مرات عديدة ولكن وجه امه الباكى
وتصوره لحزنها بعد رحيله منعه من ذلك
حاولت معه كثيرآ الخروج من تللك الدائرة الجهنمية
دائرة الحزن والرثاء للنفس ولومها فى نفس الوقت
ولكنى لم افلح وكأنه اصم اذنيه دون الاستماع لهذا
ولماذا لا يعود الى بلده طالما انه غير سعيد هناك
يقول ان هناك امور معلقة له لابد من انهائها قبل الرجوع
ويتسائل هل هناك فرق ؟
هل سيسعد هنا ؟
مادام قد حصر سعادته فى شخص واحد فأنى له السعادة
**انا ادعو له ليل نهار ان يخرجه الله مما هو فيه
وان يزيل عنه المه وهمه وعذاباته التى احتضنها بقلبه
طوال هذى السنين.
امين
...............
...............
ملحوظة
طارت حلاوة باريس بعد هذه القصة
اعتقد هذا.!!!!!!
تحديث للبوست وإعادة نشرة اليوم لظروف فنية.
هناك 10 تعليقات:
بداية صور رائعة بجد يا دكتوره ..
وبالنسبه لحكاية باريس ,انتي صح رحتيها قبل كده ولا سافرتي اليها بخيالك مممممممم
بالتاكيد مهما كانت باريس دوله جميله لكن الغربه وافتقاد دفء العلاقات الانسانيه والحب بتكون شديدة القسوه علي النفس ..
واذا كان صديقك يشعر بكل تلك المشاعر السلبيه فلماذا هذا التعذيب للنفس فليرجع لوطنه مهما كانت النتائج
تحياتي وتقديري
محمد
لسلام عليكم ورحمة الله وبركاته
محمد**
الفارس الملثم
اولا نورت المدونة وحمد لله على سلامتك.
ثانيآانا سافرت فعلا باريس اول مرة اللى قلت عليها
(بحق وحقبق مش تخيلات)
وما اقدر الوم عليه او اشور عليه كل واحد ادرى بظروفه وبمصلحته وربنا يهدى الكل للخير.
اللهم امين.
ومرة تانيةحمدلله على سلامتك
ومتشكرة للمرور والتعليق
وتقبل تحياتى
norahaty
السلام عليكم
الصور حلوة والقصة واقعية وبتتكرر في اي غربة لنا صديق في امريكا يعاني الامرين هو الاخر وهو نصراني تخيلي ويقول لزوجي الحرام محاط به من كل جانب فمما بالك ما سيعانيه المسلم
وزوجي عندما كان في السعودية ايضا يحكي لي انه ولا ثانية هنية في البعد عن بلدي واهلي واصحابي حتى وان كانوا متعبين ربنا يديم علينا نعمة حب بلدنا ويكرمها كدة وتحبنا يارب
ربنا يكرم صاحب القصة ويثبته على الايمان يارب ويهون عليه غربته
تحياتي وتقديري
بعيد عن أي حاجة تانية
انا فرحان ليك بجد ، لأن باريس هي باريس
عقبالي كده ...
بس سؤال صغيور ... رحلة عمل ولا أجازة ولا إيه ... الفضول وحش أوي
ألف حمد لله على السلامة
N.B: نظام الإمتحانات عندنا في كليتنا العظيمة غبي وهي قصة يطول شرحها .. لكن المهم إننا هنمتحن باطنة واطفال على مدار شهر ونصف تقريباً ونخلص قبل 3 أيام من نهاية رمضان ... وكل سنة وإحنا طيبين
السلام عليكم ورحمة الله وبركاته
nonoymm
الصور حلوة والحقبقة احلى واحلى ,ومش حاقولك على النظافة والنظام فى كل شىء حولك واستغلال كل شبر من الارض حواليك للاكثار من الجمال والاكثار من امتاع الناس به.
الغربة انا جربتها وعارفة يعنى ايه وازاى ممكن تتمكن منك حتى لا يصير لاى شىء طعم فى الحياة
وربنا يهدى الجميع للخير.
السلام عليكم ورحمة الله وبركاته
انا من كنت محتاجآ**
واغناك الله من فضله
تشكر للشعور الطيب ده وعقبالك ياسيدى لو نفسك فيها اوى كده
هى كانت رحلة اجازة وفسحة ومتعة لم تتكرر(حاجه زى ما بيقولوا اتدخت من بق الاسد....ولن استطيع الشرح اكثر من ذلك)
والله يسلمك من كل شر ان شاء الله
وتفاءل خيرآان شاء الله
فات الكتير ومابقى الا اقل القليل يامن كنت محتاجآ
بالنجاح والتوفيق فبها جميعآ
ماكدبش اللي قال إن الغربة مرة...، إحساس وحش أوي هو أن تشعر أنك غريب...، بيزيد من مرارته ووحشته إحساس آخر أسوأ، هو الوحدة... الغربة والوحدة معا، من أخطر ما قد يعانيه أي إنسان، ولو صاحبهما مشاكل أخرى كالفشل، أو عدم وجود أصدقاء، ممكن ده يؤدي إلى الكثير من الأفكار السلبية
السلام عليكم ورحمة الله وبركاته
Hina wi Hinak
اكيد احساس صعب ومر كمان وخاصة لما تزيد المدة,ويصير جدرآ بينك وبين اهلك او معارفك هنا :ما فى احداث مشتركة او حكايات او تجارب جديدة بينكم .
انا جربتها مثل ما قلت ,ولاحظت انه بتقدم الشهور صار الحديث بينى وبينهم هنا لا يتجاوز :ازيكم؟ عاملين ايه؟ايه اخباركم ؟وهكذا....
ومثل ما قلت لو صاحب هذا فشل فى تحقيق النجاح المنشود اوفى تكوين صداقات جديدة.....فلا تستبعد الافكار الهدامة.
باريس روعه طبعا والصور اظهرت الجمال الخارجي زي ماقلتي بس دا حال اي بلد غير بلدنا الاول الواحد يبقي مبهور بالجمال دا بس لما تقابله مشاكل في انه ازاي يقألم نفسه ويعيش في الغربة وسط ناس عاداتهم وافكارهم مختلفة وكمان للاسف زي ماقلتي اهل البلد لما بيصدقوا يلاقوا حد من بلدهم ويلزقوا فيه هههههههههه " بس من خرج من داره اتقل مقداره " وبعدين ازى تروحي باريس من غير ماتخدينا معاكي هههههههه
ربنا يحلي ايامك يارب
لكي خالص التحية يادكتورة نور
السلام عليكم ورحمة الله وبركاته
بنات صاحبة الجلالة
ما يعرف الغربة الا اللى جربها
وكمان ما يعرف ظروف الانسان الا صاحبها
ربنا يهدى الناس كلها لما فيه الخير
وبعدين احنا منطقنا منطق بنات سيدنا شعيب كما حدث القرآن عنهن
++لا نسقى حتى يصدر الرعاء
(اى لا نسقى ماشيتنا واغنامنا الا بعد
ان تشرب اغنام الاخرين نحن اصحاب الارض اساسآ حفا؟ صونآ لكرامتنا
++وابونا شيخ كبير
وكبر سن ابانا هو ما دفعنا الى الخروج للعمل.
إرسال تعليق