......انا مهما ذاكرت مدبلر!!!

انا مهما ذاكرت مدبلر

أنا مهما عملت هشيل

مش ممكن يوم هتغير

ولا ممكن أجيب تقدير !!

يارب أطلع نضيف

اليوم مكعبل من أوله

مش كفاية ما جاليش نوم طول الليل

من ساعة ما عرفت ان النتيجة ظهرت

..قمت الصبح مستعجل

ومتسربع كعادتي عشان ألحقلي مكان

أعرف أشوف منه النتيجة كويس

قبل الزحمة والمرمطة وتقطيع الهدوم .

.ربع ساعة على بال ما أخويا الصغير طلع من الحمام

وكمان نصف ساعة على بال ما طلعت أنا من الحمام

ما حدش فيكوا شاف الشراب بتاعي ؟

.! ياجماعة لو حد شافه

يقول أنا عاوز الحق اشوف النتيجة ..

نزلت الشارع وانا متسربع على الأخر

وبالبس القميص وانا نازل على السلم .

.يادي الفضايح هو ده اللي واخدينه من الامتحانات

السربعة

على ما فيش !!

أنا دلوقتي بكلمكوا من الأتوبيس .. ياترى ايه اخبار

النتيجة

.. يارب طلعنا منها على خير يارب

، يارب انا مش عاوز جيد جدا

ولا جيد !

كفاية عليا أطلع نضيف

، قعدت أصبر نفسي واقول ما فيش حاجة تستاهل

انت كده ولا كده هتتخرج

وهتبقى عاوز تبيع المؤهل بتاعك

حتى لو هايجيبلك نص كيلو كنافة

وهايبقى هاين عليك تدعى. على التعليم العالي

اللي هوا ما طلعش عالي ولا حاجة

هو عالي بس عشان بيعلي الضغط عند البني أدم .

الحمد لله وصلت بالسلامة

الواحد حاطط قلبه على ايده من كتر الرعب

( أأأ.. قصدي حاطط ايدي على رجلي )

اعذروني ياجماعة الواحد مرعوب قوي من النتيجة

رغم ان انا عارف ان العملية ماشية " بزرميط "

يعني لو جاوبت هاشيل المادة

ولو ما جاوبتش

هانجح واجيب تقدير كمان واللي ما يشتري يتفرج

... مش بقولك تعليم عالي !!!!

ايه اللي انا سامعه ده!!

هي الطالبة دي طالعة تزرغت ليه ؟؟

هو العميد بيجوز ولا ايه ؟!

وايه دي كمان طالعة تصوت ليه ؟!!

هو العميد ما استحملش الفرحة بتاعة جوازه ومات .

لما نسأل الشاب الحليوة اللي طالع من على الباب

،كابتن سؤال : هيّ طلعت ولا لسة ؟؟

ابتسم ابتسامة عريضة وقال :

الواد كان عنده حق إوعي تقوليله لأ

الواد كان عنده حق إوعي تقوليله لأ

لاحول ولا قوة الا بالله

الواد مخه فوت من النتيجة استر يا اللي بتستر

لما الواحد يدخل ويتأكد بنفسه

ياللا بقى الواحد يدخل برجله الشمال

زي كل مرة ويقول الدعاء

(أعوذ بالله من الخبث والخبائث)

جمعاوي يصرخ :

معقول ..

معقول

كل ده ولسه ما علقوش النتيجة

دي لو كانت نتيجة الشمرلي بتاعة السنة الجاية

كان زمانها

اتعلقت

واحدابن حلال رد عليا وقال: ما هي النتيجة اتعلقت من

خمس دقايق!

جمعاوي : امال هي راحت فين انا مش شايف حاجة

ابن الحلال رد وقال :

كل واحد كان بيلاقي النتيجة بتاعته مش عجباه

كان بيكعور الكشف اللي فيه نتيجته

ويرميه في الزبالة

انت رقم جلوسك كام ياجمعاوي ؟

ليه يعني ؟! ... 120 ياسيدي

رد وقال :

هتلاقي النتيجة بتاعتك في برميل الزبالة رقم 3

وساعتها ما حاسيتش بنفسي

عملت للخلف در وانا بغني واقول

في البحر سمكة بتزوق سمكة

ع الشط واقف صياد بشبكة

يارب تنجح

يا تتح

يارب

تنجح يا تتح

:::::::::::::::::

طبعا مش محتاجة كلام

الموضوع

(سالفاه) من النت

مين صاحبه الاصلى بقى

الله ورسوله أعلى واعلم

لانى لقيته فى كذا منتدى

بس الحقيقة

كلاهم كلهم كلاتهم

اولاد حلال زيىّ

وقايلين انه منقول

ومفيش حد ناسبه لنفففففففففسه

وبالتالى ياسادة ياكرام الموضوع

حق مشاع للجميع

:::::::::

ودعواتى لله تعالى

ان يوفق الجميع

يـــــــارب