من كام يوم كده
عقبال الحبايب
جبت
شــوز
بردون يعنى
جزمة جديدة
وكالعادة وربنا ما يقطع لنا عادة
دوخت عقبال ما لبستها
وكأنى زى ما اختى بتقولى
هو أنت ما بتبقاش رجليكى معاكى
وأنت بتشتريها؟
والله بتبقى معايا
بس
مش عارفة ايه اللى بيحصل
المهم دخت السبعتاشر دوخة
(أيوة أنا حسبتهم كانوا سبعتاشر مش سبعة)
على لبيسة فى البيت طبعاً
ما لقيتش
افتكرت ساعتها
الاميرات
والملكات
اللى اكيد حد بيلبسهم ويقلعهم
الشوز
بردون يعنى
لكن قبل ما أنسى نفسى
والحمد لله بسرعة
افتكرت
اللى ما بيقدرش يلّبس نفسه
الجزمة
واللى ما عندوهوش جزمة
واللى كمان ما بيقدرش يمشى
و
و
و
و
خلعت الشوز
بعد الدوخة دى
قمت صليت ركعتين شكر لله
لعله يغفر لى
ما قدمت وما آخرت
وما أسررت وما أعلنت
وما هو أعلم به منى
اللهم آمين
يارب العالمين
(كان ماله القباب ..وحش!)
.jpg)
هناك 93 تعليقًا:
الحمد لله
والشكر لله
والفضل لله
دة شى طبيعى لما بنروح نشترى حاجة الموظف المسئول بيبقى عايز يبيع لنا اى حاجة والسلام المهم انة يرضى خزينة المحل حتى لو على حساب الزبون وياريت تكون بس جزمة دة انا عندى شوية قمصان و جاكت جلد ليسو على مقاسى بس البية كان حلفلى انة يا سلام متفصل علية
على فكرة انا لحقت اعلق فى الموضوع السابق على الحرقرق و معلش سمحينى نزلت نقد لما قلت يابس لانى صعب علية نفسى افتكرت اختى اللى كانت قبلى و عميلها معايا الفرق كان 7 سنوات واية بقى عمله فيها مدرسة و بتدرب علية.بس و حياتك لما بقى عندى 10 سنوات خت حقى منها و ضربتها علقة وشديتها من شعرها ومن ساعتها وانا اخوها حببها
بس حلو قوى الدور الشعبى دة مرة سندوتش طعمية والمرة دى قبقاب المرة الجاية الملاية اللف والبرقع بتوع زمان يا سلام يا سلام على لبس النسوان ايام زمان اوعى تزعلى و تقولى نسوان اية راح اقول يعنى هى جت علية ما انتم عملتوها مسلسل
ألف مبروك علي الأرض ,:)
أنا كمان بيحصل معايا كده
ربنا يغفرلك
ويرحمك ويكرمك
قول امين
ماشاء الله عليكى
فعلا لازم الواحد دايما يفتكر نعم الله عليه فى كل وقت ويشكره
الحمد لك والشكر لك يارب
السلام عليكم
امين يارب يغفر ليكي ما تقدم من زنب وما تاخر
ويغفر ليا يارب العاليمن امين
ويغفر لكل المسلمين يارب
مشكله الشوز بقي
هههههههههههههههه
انا كمان بتجنن من الموضواع ده
كل اما اجيب حاجه ليه ارجع البيت اديها لاختي الصغير واخلص
ههههههههههه يا تري رجلي بتكبر
والشوز بيصغر
عملت حاجه جمده انا بقي
اشتري حاجه من محل بزات محلات الاحزيه
اخر بيها لبسها
هههههههههههههه تبقي توريني هتصغر ازي بقي
تحياتي ليكي
اتمني التوفيق
أولا باللهجة المغربية لما حد يشتري شئ جديد نقول له بصحتك فأنا سأقول لك بصحتك الجزمة تذوبيها بالصحة والسلامة
ووفقا لسنة نبينا سأقول لك "إلبِسْ جَدِيداً وعِشْ حميداً ومُتْ شهيداً".
تعرفي لو كنا بنستحضر نعم ربنا في كل اللي بنعمله مكانش لسانا ابدا توقف عن الشكر ومع ذلك عمرنا ماحنوفي نعم ربنا حقها
الحمد لله فعلا على نعمه التى لا تعد ولا تحصى ....وجميل انك تاملتى وتذكرتى فى هذا الموقف نعم الله عليكى ولو تاملتى هذا فى كل مواقف حياتك ستجدى الكثير والكثييييييييييييير من النعم التى نغفل عنها والتى تستحق ان نسجد لله شكرا لها ليلا ونهارا.......
تحياتى لكى
السلام عليكم
وإن تعدوا نعمة الله لا تحصوها
ومبروك على الأرض
خالص تقديرى
تعرفي يانور,
انا لفيت مش على اللبيسه انا لفيت على شوز اشتريه ست شهور,اه والله,
اصلي عندي شوزات بالهبل,بس كلها مش مقضية الغرض,اللي كعبها عالي بخليها لخرجات السياره والمناسبات,او ماتنفعش غير لموسم بعينه,او لون مش مناسب لكل اللبس,
ولفيت 3 مدن منهم في محافظات تانيه علشان الاقي طلبي البسيط بس كل اللي في الاسواق هو اللي مكلكع (:,
واخييييييييرا جبت من 3 اسابيع الحمد لله,
وحق لي ان اقولك دعاء الحذاء الجديد
تبلي ويخلف الله(عليا وعليكِ) (:
ارق واغلى دكتوره نورا
مبروك على الشووووز الجديد
اسمحى لى انى اقول لك نصحيه فى موضوع شراء الاحذيه لما تيجى تنزلى تشترى شوز جديد لازم يكون بالنهار يعنى قبل العصر وبعدين البسى اليمين قبل الشمال وانتظرى ثوانى قبل ارتداء ارتذاء الاخرى اذا شعرتى ان رجلك فيها الم رجلك اليمين اقصد يبقى المقاس مش مضبوط يعنى تجيبى مقاس اكبر
معاكى حق ماله القبقاب تحفه كده وشكله بسيط وعلى الاقل كان رخيص وابن حلال
تقبلى ارق امنياتى بالسعاده
زهراء
دكتوره نورا
ازى حضرتك يارب تكونى بخير وسعاده
بوست جميل اوى وخفيف جدا
انتى عارفه انها مشكله لما الواحد يشترى جزمه جديد بردون يعنى شوز او حذاء
لما يرجع البيت يلاقى ان رجله كبرت مره واحده حاجه تجنن
عندك حق هو القبقاب ماله يعنى على الاقل كان سعره رخيص مش زى سعر الاحذيه اللى بقيت نار يا حبيبى نار
ربنا يوفقك ويكرمك ويفرح قلبك
لـــــــــولا
خلى بالك ان القبقاب ينفع برضة فى اى خناقة لازم نرجع للقبقاب وكل واحد يمشى و معاة اثين من القبقيب واحد لبسة فى رجلة و التانى نضرب بة الاعداء
والله عسل
تصدقى انا كمان
من كام يوم اشتريت شوز
وبقالى فترة
بعانى نفس معاناتك دى
مش عارفة
بقول
يمكن السن هعمل ايه :)
لا مش وحش خالص
حتى انا نفسي اجربه :)
الف سلامة عليك من السبعتاشر دوخة
ان شاء الله اليهود و الامريكان هما اللي يدوخوا :)))
الحمد لله حمدا كثيرا طيبا علي حالنا الافضل من كثيرين
مبروك على الارض و عليكى
و المره الجايه ابقى خدى رجليكى معاكى
السلام عليكم هذا أولاً
أما عن ثانياً فودي أن أضحك بعد إذنك يعني هههههه
وثالثاً : تعيشي وتلبسي
ورابعاً : ملحوقة ينفع تبدليه ولا المحل كاتب لأ ، روحي بدليها أو حتى رجعيها ولو المحل قالك لأ قوليله أنت كده مخالف للقانون لأني من حقي أرجعها أو أبدلها في خلال 14 يوم حسب قوانين حماية المستهلك ولو رفض اتصلي فوراً بجهاز حماية المستخدم وصدقيني هتجدي رد فعل جاد وعن تجربة
الحمدلله على نعمة الإسلام وكفى بها من نعمة ...الحمدلله إحنا في نعم كتير ..
خليني أضحكك يا نورهاتي من حوالي ما يقرب على ربع قرن كده وزي الأيام دي كان فرحي وبعد ما لبست وخلصت جيت أحط رجلي في الحذاء أوبس مش بتدخل ورجليا وارمين من كتر اللف والدوران عالمحلات قبل الفرح .قمت معيطه ومكياجي باظ والكل يهديني ..قوم إيه أختك مقاس رجلها 35 بعيد عنك وكانت أختي الصغرى أيامها بدأت مرحلة النمو ورجلها مقاس رجلي ..سلفتني الحذاء ومش عارفه ليه دايما نقول لامؤاخذه عليه ...ونزلت اتصورت ورحت على محل الأحذية وقفنا عالباب ونزلت أختي بالحتة السوارية شايلة حذاء سندريلا والناس في الشارع تقول إيه : باين عليهم بيصوروا فيلم.ما هو فعلا ولا الافلام ...المهم لقيتها طالعه تقولي مافيش نفس الموديل مقاس 36 ..قلتلها ازاي؟؟؟؟؟؟؟؟؟ جوزي يقولي : يا ستي هي يعني حتبان من تحت الفستان أي حاجه والسلام ..أقولهم شكلها مش حلو ومش عاطفييييييييييييييي .المهم أخدت الحذاء مرغمة ولبسته ورحت الفرح وكان مع الأسف أعلى من حذائي فقلت لزوجي شوف يا سيدي مش عايزني أقع و أفضحك أدام الناس كلبش فيا الا مش عارفه أمشي بالحذاء العجيب داه .وبالفعل كانت دي المرة الوحيدة اللي كلبش فيا حتى يومنا هذا .......يلا معلش الشراء داه أصله محتاج متخصصين..
مساء الخير
هههههههههه
ضحكتيني
وانا السخونيه بتاعت الالفنوزن مدروخه نافوخييييييي
تحياتي
مااااااله القبقاب
أخر حلاوة يادكتور ده حتى مفيد للصحة ههههههههههههههه
سلام عليكم
إزيك دكتورة
يارب تكونى تمام
هههههههههههه
صعبان عليا حالك
هههههههههههههههه
يلا مبروك على الارض
انا برضه كده
بتعب جامد اوى على ما ألاقى شوز
ازيك
اولا مبروك الشوز الجديد
ثانيا ماله القبقاب ومعاه خلخال
ده حتي غنوا للقبقاب
حد غني للشوز
كل سنه وانتي طيبه
السلام عليكم
ياسلام على القبقاب وزمن القبقاب كنا زى اليابانيات بالظبط ,, متهيألي محدش لبس القبقاب من شباب اليومين دول ؟
أنا زي فؤاد المهندس بالنسبة للجزم ضعيفة جدا قدام أى شوز حريمي شكلها حلو آخر واحدة من نفس النوع اللي جبتيه لكن أنا طلعت حدقة واشترطت أشتري الجزمة باللبيسة وقد كان
بس مأخدتش الكتالوج عن كيفية ارتداءها وبتحصل معركة بيني وبينها وسلاح اللبيسة بس تهون قدام شياكتها
أو هكذا أظن إنها شيك يعني
:)
أضحك الله سنك يا دكتورة
الحمد لله إني مش لوحدي اللي بأشتري جزم ورجلي مش معايا
وجميل شكر الله على النعم
ربنا يبارك فيكِ
مبروك على الأرض:))
السلام عليكم
لله كل الحمد حبيبتى اكيد ..
الحمد لله و لله الحمد والشكر و يا رب يديم علينا جميعا نعمه التى لا تعد و لا تحصى سبحانه ارحم الراحمين و اكرم الاكرمين ..
تدوينه رائعه يا دكتوره و أجمل ما بها أن نتذكر الله و نعمه علينا فى كل وقت و كل الاحوال ..
تحياتى لكى غاليتى دوما
بجد عندك حق ماله القباب على الاقل بيناسب جميع المقاسات
بجد انا بحقد عليك جبت شوز حته واحده يا بختك هههههههههههههههه
دمتى بشوزك انيقه هههههههه
ههههههههههههههههه
حضرتك تسائلتي في اخر البوست :
ماله القبقاب .. وحش ؟
طيب ماهي الصورة اللي حاطاها فعلا شبه القبقاب فعلا ههههههههههه
كل سنة وانتي طيبة
وربنا يغفر لنا جميعا ماتقدم وما تأخر من ذنب
في حفظ الله
مين قال إنه القبقاب وحش .. بس حنقول إيه للصرعات اللي صرعتنا!!
mhmdwahab
محمد عبد الوهاب
وعليكم السلام ورحمة
الله تعالى وبركـاته
؟؟؟؟؟ !!!مش فاهمة!!
mhmdwahab
محمد عبد الوهاب
طيب أعمل خير واتبرع
بيهم لحد يستفيد منهم.
mhmdwahab
محمد عبد الوهاب
حصل خير وقلبك ابيض
مفيش حساب بين الأخوات.
mhmdwahab
محمد عبد الوهاب
زورونا تجدوا الجديد
والمفيد دائما دائما
البيرونى
الله يبارك فيك
كلنا هذا الانسان:)
اللى مش عارف يتغير
اللــهم آمين
يارب العالمين
يغفر لنا جميعاً
عمود نور
الحمد لله من نعمه
عليا تذكرى دائما له.
lostlove
وعليكم السلام ورحمة
الله تعالى وبــركاته
تفكيرة وفاكرة جميلة
حأبقى أجربها .شكراً
ونورتينا فى أول زيارة
خواطر شابة
الله يصح بدنك يارب
ويسعدك ويهنيك فى
دنياكِ وأخراكِ.
جزاكِ الله خيراً
ABOALI
زى ما بتقول
وكلنا بنقـــول
نّعم الله لا تُـــعد
ولا تحصى وإن حاولنا!
اللؤلؤة
وعليكم السلام ورحمة
الله تعالى وبركــاته
مضبوط يااستاذنا
وأضيف وإن حـاولنا !
salma mohamed
أنتِ حتقوليلى على
اللف على شوز مريح
انيق شيك متين مناسب
يبقى بتدورى على سراب
وللأسف ودى خلاصة الخلاصة :)
اكيد اقصد انك من زمان لم تزورى مدونتى هيكون اية قصدى لازم اقولها بشكل مباشر؟
لولا وزهـراء
زهرة الجميلة
حاأحاول أعمل بالنصيحة
ولو انى عارفة مشكلتى رجلى
مش الشوز !!!
منورانى يازهووورة
لولا وزهراء
لولا ياجميلة
القباب جميل جداً
بس تعملى ايه بقى
فى التقاليع الفاضية:)
معلش ياستى تعيشى و تلفى و تجيبى محديش بيتعلم ببلاش, انا كنت كدة بردوا بقيت اريح نفسى واجيب اكبر درجة واخلص وبتبقى تمام مش ناقصة زنقة فى الرجل كمان كفاية الدنيا اللى احنا فيها, تحياتى
mhmdwahab
محمد عبد الوهاب
لأ خناقات ايه!دا
انا مسكينة وماليش
فيه ووووووواصل :)
لقد خلقنا الله احرارا
لأ السن مالوش دعوة
دا التعود لازم
ندوخ لأجـــل
الأيــافـة
والشياكة!
أقصوصة
ماشى !لما تنزلى
مصر المرة الجاية
اشترى واحد من
أى بازار!
أم أحمد المصرية
آمين يارب العالمين
هم واللى زيهم واللى
يتعاون معاهم يارب.
حالنا احسن والحمد لله.
كلام عيب
الله يبارك فــيكم
كنت وخداها وحياتكم:)
أحمـد شـريف
وعليكم السلام ورحمة
الله تعــالى وبركـاته
اضحك ولا يهمك احنا
عايزين الناس مبسوطة
اما انى أرجع حاجة أى
حاجة فهذا من رابع
المستحيلات قول خجل!
قول كسوف! قول خوف!
انما الخلاصة أستحالة
ارجع اى شىء اشتريته
كلمـات من نور
تصدقى انها حلت مع
واحدة من بنات اخواتى
لكن اللى نفع بقى ان
مقاس رجل والدتها هو
نفس المقاس اضطرت تنزل
مخصوص اشترت واحدة جديدة
للعروسة واتحلت المشكلة:)
donya
صباح الفل
والف لا بأس
عنك يادنيا
عليك بالراحة
التامة والسوائل
الدافية بكثــــرة
mohamed ghalia
ماهو دا رأيى برضه
اخر شياكة وحلاوة:)
د/عرفه
وعليكم السلام ورحمة
الله تعالى وبركاتـــه
الحمد لله رب العالمين
انا بخير انت كيف
حالك وحال المذاكرة
والامتحانات ربنا
يوفقك انت وكل
الطلبة يارب.
شموسة البرنسيسة
الله يبارك فيكِ
يارب وعلى رأيك
غنت شادية للقبقاب
لكن مين بقى عبّر الشوز!
كل لحظة وانتِ بألف خير .
مجداويــة
وعليكم السلام ورحمة
الله تعـالى وبركاته
ومين سمعك احب الشياكة
واللى يحب الشياكة لازمن
ولابدن يخلى رجليه تستحمل :)
blue -wave
اللى يبارك فيك
ولك يادكتور:):)
rovy
وعليكم السلام ورحمة
الله تعالى وبركاته
الحمد لله كما ينبغى
له الحمد لعظيم قدره
وجليل صنعه.
اسامه 44
القبقاب جميل
بس تعمل ايه بقى
فى التحكمات الفاضية
بتاعة الناس والوظيفة:)
قلم دهب 24
ايه شبه دى!دا
قبقاب بحق حقيق:)
وكل لحظة وأنت بخير
الشجرة الأم
على رأيك :)هم
يطلعوا الموضة وأحنا
نقاسى.نورتينى بالزيارة.
الف مبروك علي الحذاء يا افندم
اتذكر كلمة لأحمد مطر
وطبعا لا اتفق معه فيها
طبعا قال برضه يعني مأخدش برأيي وسحب القصيدة :):):):)
فقال :
صحت من قسوة حالي
فوق نعلي كل اصحاب المعالي
قيل لي عيب فكررت مقالي
قيل لي عيب وكررت مقالي
ثم لما قيل لي عيب
تنبهت الى سوء عباراتي
وخففت انفعالي
ثم قدمت اعتذارا.. لنعالي
طبعا ده كله بمناسبة الحذاء الجديد
وماليش دعوة
حضرتك اللي اشتريتي مش انا
وربنا يكرمك وتدوبيه في طاعة الله :):)
السلام عليكم..
الحمدوالشكر لله...
ولكن ايضا أمرنا بأن نلبس لباس حسن ما دمنا قد أنعم علينا بالمال ..
.....
بس بجد يا دكتوره هي رجلك بتكون فين وإنتي في المحل بتشتري ..
أنا بقايس وبمشي فيها في المحل السبعتاشر مره وبعدين بشتري...
إبقي خديني معاك وإنتي رايحه تشتري المره الجايه
....
دمتِ بخير
اللهم لك الحمد على ما انعمت به واوليت
اللهم لك الحمد حمدا كثيرا طيبا مباركا فيه
انا كمان اشتريت يوم السبت واد انما ايه على مقاسى تمام
نية صافية وقلب ابيض بقى
اسمحيلى بقى اغيظك
لأنى الجزمه بتيجى على مقاسى بالمللي
ومن غير أى لبيسه او فرش او حاجه
لأنى اصلا بلبس تقريبا مقاس أطفال
والأجمل بقى انها مش بتدووووب
وممكن تقعد فرجلى كاااام سنه
كفايه عليكى كدة
مبروك على الأرض :) لون مش عارف الموضوع دا تفسيره إيه..
المهم يعنى مثلا حضرتك عايزة تقوليلنا بعد ما صليتى ركعتين لله هتعملى ايه بالجزمة الجديدة هتتبرعى بيها وتضحى بيها أو تشيلى الجزمة القديمة وتوديها لحد محتاجها أو هتصلحيها وهتخليها حلوة وجديدة وتوديها لحد محتاجها؟
اسئلة دارت فى خلدى فيجب ان يتضمن كلامنا عمل نقوم به....
بارك الله فيكم على تذكركم المحتاجين والفقراء فغيركم لا يعرف من هم اصلا او لا يلقى لهم بالاً
أختى الفاضلة: د/ norahaty
مبروك ....
وسلمتِ من الدوخة.
تقبلى مرورى وتقديرى واحترامى
أخوك
محمد
انا ليا واحد صاحبي كل لما ينزل يشتري جزمه لا يجد شيء على مقاسه
لدرجه اني الحقيقه اتعقدت من الموضوع ده
كل لما يدخل محل لا يجد مقاسه !
الحمد لله انك اشتريتي
السلام عليكم
دكتوره نورا
الف مبروك على الجزمه الجديده
عقبال العربيه الجديده
كويس انك متنسيش الغلابه او اصحاب الظروف الخاصه فى دعائك
فعلا لازم نحمد ربنا على كل شىء
الحمد لله
الف مبروك
وربنا يكرمك ويوفقك للخير
الحمد لله على نعمه والشكر له
ربنا يديم علينا نعمه امين يارب
ومبروك على الشوز
كل سنة وانتى طيبة
الحمد لله على نعمه التى لا تعد ولا تحصى
مبروك
والحمد لله
جات العواقب سليمة ..)
ههههههه ال17 دوخه معلش
انا كمان بفتكر سندريلا لما كانوا بيدوروا على مين صاحبة الشوز لما بلبس الشوز ويكون ضيق عااااااا
الحمد لله على نعمه حمدا كثيرا
د/ أحمد لاشين
الله يبارك فيك
جميلة كلمات احمد مطر
بس ارجع وأقولك هو
غلطان انه مسمعش
كلامك بكرة يندم:)
نهــــــــــار
وعليكم السلام ورحمة
الله تعالى وبركـاته
بصى أصل دى عوايد
ماقدرش ابطلها :)
ابطلها ازاى يعنى:)
الازهرى
الف حمد وشكر لك
يارب العالمين
انما قصدك ايه
يعن:)اننا
نيتنا معكرة
شووووووووووية
وقلبنا منقط برتقالى:)
صفــــــاء
تغظينى ليه ياصفاء:)
دا حتى انتى شاعرة
ورقيقة:المفروض يعنى:)
Dr Ibrahim
الله يبارك لحضرتك
مش حاكذب عليك
حاخليه بحالتها
لأيام الشتا
الممطرة والارض
(الموحلة)عرفت
بقى مصيرها ايه؟
محمد الجرايحى
الله يسلمك ويبارك
فى حضرتك يااستاذنا.
لورنس العـرب
عارفاه انا صنف
الناس دول:مساكين:)
م/ محمود فوزى
الله يبارك لحضرتك
وما اكدبش عليك
شوز جديد اهــ
لكن عربية جديدة
لألألألألألألألألألألألألألألألأ
وربنا يخلى التاكسيات:)
شفـقــة و إحســــان
الحمد لله الف مرة
كل عام وانت بخير
أم .. بوبه
الحمد لله كما
ينبغى لجليل
وجهه ولعظيم
سلطانه
محمد سعد القويري
الله يبارك فيك
ربنا معانا دايماً
Lady E
ايوة عارفاها
البلد كلها بتلف
عليها وهى لا حاسه
ولا دارية ولا عارفة!
سبحان الله
والحمد لله
ولا آله الا الله
ولا حول ولا قوة
الا بالله والصلاة
والسلام على رسول
الله وآله وصحبه
ومن أهتدى بهداه
الى يوم الديــن.
مش عايزه عربيه جديده
براحتك
عقبال ياستى الفيلا الجديده
وحشه دي كمان
ههههههههههههههههه
ربنا يوفقك ويكرمك
م/ محمود فوزى
ويكرمك يارب
تصدقنى لو قلت لك
شكراً مش عايزة !
عايزة الستر والرضا
ومش اكتر ولا أقل من هذا
(بيتنا حلو اوى ياباشمهندس
والحمد والشكر لله ربنا يديمها نعمة)
سعدت بالمرور من هنا والتوقف للقراءة
تحياتي
Libyan-AME
أنا الأسعد بهذا
المرور وبالتعرف
الى مدونتك القّيمة
ياباشمهندس رامـــز
إرسال تعليق