شحنة عاطفية

صباح الخير لكم كلكم
واتفضلوا معنا كلوا دونات
(الصراحة انا ما احبهاش اوى
لكن قالك ايه اللى احلى من العسل
قالك الخل لو كان ببلاش
وهم جه(الدونات يعنى ياأخى)لحد عندى هدية
وقال كمان وجع البطن ولا دلق الطبيخ
ودلق الطبيخ حرررررررام
يبقى ناكل الدونات ولو ما نحبهوش
نسيت اقول الهدية من (ع ) ابن اختى(حبيبى ده اوى)
ولحد دلوقتى مش عارفة ليه؟
عامل عامله وعايز يخبى؟(لكن على مين..دا انا خالتو!! )
ولا عايز حاجة وقدم السبت الاول لاجل ما يلاقى الاحد
ولا شحنة عاطفية مفاجئة (لاتكرر كثيرآ جت له؟؟!!!)
تساؤلات واسئلة ؟؟؟؟؟؟؟؟؟؟؟؟؟؟؟؟؟؟؟؟؟؟
وان مالحقتش اقوم دلوقتى مش حلاقى لا الدونات ولا الاجابات
سلام ونهاركم ابيض مرة تانيه ومررررررررررررررررات )