الجمعة، فبراير 29، 2008

الضيوف وعمايلهم





مزاجى مش هو بعد ماعرفت ان ضيوفنا الاعزاء مش ماشين النهاردة وشكل الحكاية حترسى على الصيف الجاى




الحكايه من الاول ان الفرح اياه ده خلص والحمد لله زىما قلت قبل كده لكن له توابع(زى توابع زلزال 992 لوكنتوا فاكرين)والتوابع ساعات بتبقى اقوى من الزلزال(اه والله)اوعلى الاقل ده اللى حصل فى الزلزال بتاعنا,قصدى (ضيوفنا).المهم صحيت الصبح وانا كلى امل واشراق ان الجماعه مسافرين خلاص النهارده0000وانتو مستعجلين ليه ياجماعه؟ده اللى كنت ناويه اقوله لو تم المراد من رب العباد لكن لاقيتهم نايمين والدنيا ولا على بالهم0000 ايه ياجماعة انتو حتتاخروا على السفر اصحوا بقى000000لا ماهو احنا مش مسافرين النهارده 00000ليه ؟طلعت من بقى بالغصب عنى000 اصل ورانا شوية حاجات عايزين نخلصها. امال ناوين امتى ان شاء الله ,وبرضه طلعت منى غصب00000000الجمعه الجايه ان شاء الله




يالهوتىىىىىىىىىىىىىىىىىىىىىىىىىىىىىى دى بقى ماطلعتش منى علشان الدنيا لفت بى وكنت حافقد الوعى من الخضه000000000000




طب اعمل ايه ياربى؟ده انا باحمل هم حد يزورنى يوم الجمعه يقوموا هم يقعدوا 4 اسابيع 00صبرنى يارب




ده على راى الست عفاف راضى فى اغنية: وحدى قاعدة فى البيت( يابختها فى نعمة مش حاسه بيها)المهم الست عفاف بتقول ايه000والنبى ده حرام!!!!!!!!




علشان كده حاولت اخفف عن نفسى وجبت كام نكته من النت يمكن يفرفشونى !!!!!ارجو هذا




كبابجى اتجوز000 ليلة الدخله فرش السرير بقدونس000000ها ها ها




كفايه كده النهارده علشان اقوم اشوف الجماعة اللى هنا دول حياكلوا ايه

هناك تعليقان (2):

jim يقول...

wow cool blog :) my friend from macks solicitors.com translated it for me :) amazing"

norahaty يقول...

THANK YOU,THANK YOU,THANK YOU.......YOU RAISED MY SPIRIT UP .YOU R ALWAYS WELCAMED TO MY BLOG.NORAHATY .....NB:ALWAYS LEAVE COMMENTS PLEASE,THANKS AGAIN.