الجمعة، أبريل 18، 2008

اتقى الله فى ابنائك

هذه قصة قصيرة
ورسالة منى
إلى كل أم
لقد وهبت نعمة عظيمة
فأحفظيها وصونيها
وأتقي الله فى اولادك
وتخيري لنفسك أطايب الدعوات
حتى لو كنتي غاضبه منهم.
فإلى كل من تدعي على أبنائها
باللعن والسب والشتم فلتتقي الله
..وتذكري أن دعوة الوالدين مستجابة
وهذه القصة سمعتها من شيخ فاضل
حين ذكرها في خطبة الجمعة يقول
كان هناك غلام صغير
يقوم ببعض الأخطاء البسيطة
كباقي الصبية وفي يوم غضبت منه أمه
وقالت (اسمعي أيتها الأمهات غضبت منه)
قالت "اذهب جعلك الله إمام للحرمين"
هنا بكى الشيخ وهو يردد بصوت خاشع
فها أنا ذا يااماه إمام للحرمين ...
إذا الغلام الصغير كان هو الشيخ السديس نفسه
...الله اكبر...والله
إنها قصه تحمل في طياتها رسالة إلى كل أم
فهل من متعظ...؟
حسبك من الغضب
وتذكر وصية رسول الله لنا **لا تغضب**
وحاذر من الدعاء على نفسك او اولادك
وكل ما يخصك ويهمك امره
فقد يقابل الدعاء ساعة اجابة ....!!!!!
عندها لا ينفع الندم........
عافانا الله واياكم من الغضب وشروره

هناك 8 تعليقات:

الباحث عن الحقيقة يقول...

نصيحة جميلة
اهم حاجه فيها ان الابن لما يشوف امه بتدعي بكلام وحش
راح يتعلم منها
يعني كمان مش بس بتأثر في نفسيته
وكمان في سلوكياته وألفاظه بعد كده
وطريقة تعامله مع الاخرين
شكرا بوست جميل وكلمة مهمه فعلا

الفارس الملثم يقول...

بداية حبيت اسلم واقول صباح الخير , عشان ما زرتش المدونة امبارح اصلي النت كان قاطع طول الليل ..

ثانيا: قصة فعلا تحمل معني رائع , يجب ان يدركها الاباء والابناء علي حد سواء ..

تحياتي وتقديري
محمد

Unknown يقول...

السلام عليكم ورحمة الله وبركاته
الباحث عن الحقيقة**
نطالب الاطفال بما لا نفعله نحن: الهدوء, الطاعة , سماع الكلام ,فلو فعلا مبادئنا كانت اخلاقنا لتعلم الاطفال بكل سهولةويسر.
وتقبل تحياتى
norahaty

Unknown يقول...

السلام عليكم ورحمة الله وبركاته
محمد**
الفارس الملثم**
حمدآ لله على الوصل بعد الانقطاع ويارب ما يجيب لنا قطع تانى وبعيد عن السامعين يارب.....يارب
ويالله نغير الموضوع احسن النت عندنا بيتلكك وخصوصآ زى ما قلت لك فى العطلات الرسمية
القدوة :من احسن وسائل التربية ,بس ازاى ؟وضغوط الحياة خلت الكل سواء اب وام واولاد متوترين وكل حاجة عايزنها على الجاهز وفى برشامة يشربوها ويصبحوا متربيييييييين ...ياحلاوة ما كان حد غلب!!
ربنا يرحمنا وعلى رأى مدون معانا (القادم اخطر)!!!!!
ومرة تانيه حمدالله على السلامة.

بنات صاحبة الجلالة يقول...

مشاء الله بجد موضوعك حلو اوي و برضوا حتى لو الام دعت علي اولادها بيبقي قلبها بيقول بعد الشر عليهم احنا نفسنا امهاتنا تدعي بقي نبقي رؤساء تحرير هههههههه طالما الدعوات مستجابة بجد فعلا انتي هايلة في موضوعاتك لازم كل يوم الصبح قبل مانبدا في اي شغل ندخل مدونتك

لكي خالص التحية

Unknown يقول...

السلام عليكم ورحمة الله وبركاته
بنات صاحبة الجلالة**
(هو كده بنات يعنى بنات ولا يهمكوا)
فىّ مثل بلدى بيقول ادعى على ابنى واكره اللى يقول امين بمعنى انه كلام من ورا القلب
بس برضه مش عايزينه وعايزين الدعوات الصالحات من الامهات لكل البنوتات
ان ربنا يقويهم ويهديهم سبل الصلاح والنجاح ويبعد عنهم شياطين الانس والجن
اللهم امين يارب العالمين
وتسلموا من الشر كله يارب
norahaty

الفارس الملثم يقول...

ايه ده مفيش النهاردة بوست جديد , هو النت عملها ولا ايه؟؟؟؟؟؟؟؟؟؟

Unknown يقول...

السلام عليكم ورحمة الله وبركاته
محمد
الفارس الملثم

حدثت بعض المشاكل الفنية ادت الى تاخير ظهور البوست فى الميعاد
وكمان فعلا النت وانا ما كنا فى المود امبارح وربنا يجيب العواقب سليمة
سلام يامحمد ومتشكرة لاهتمامك ومتابعتك المستمرة للمدونة واللى بينزل عليها.
وسلامو عليكو
norahaty