الأربعاء، ديسمبر 31، 2008

أحنا مين...أحنا فين.....أحنا أمتى


السلام عليكم ورحمة الله تعالى وبركاته
الاختلاف والتباين اللى احنا فيه الايام دى
من إنفعالات وشجب ورفض ورفض الرفض كمان
يصور او يلخص حالنا كأمة اسلامية او أمة عربية
ويلخصها اكتر صورتين او تلاتة ومن غير كلام كثير
(مع انى كان نفسى ارغى)


لكن معلش
مرة تانية الجايات اكتر من الرايحات
نجى للصور


دى ياسيدى جزيرة اة جزيرة اهدها امير عربى مسلم لزوجته
وسامعاكى ياللى بتقولى كتنا
(نيلة فى حظنا الهباب)



والصورة التانية اديكو شايفنها







طب احنا فين من الصورتين دول
احنا يامصريين او السواد الاعظم منا على ماأعتقد وأظن
احنا مابين الاتنين دول

0

ايوة

ايوة احنا حزب الوسط




لكن




0
لكن




0
لكن




0
لكن




0
حيطلع من بينا واحدة زى دى
ايوة دى


دى بتدى

الامل
والامل موجود وحيفضل موجود
لان ربنا قال



فَإِنَّ مَعَ الْعُسْرِ يُسْرًا.



إِنَّ مَعَ الْعُسْرِ يُسْرًا.



**********



*****



**



شئنا ام ابينا سنة بتنتهى



وسنة جديدة بتبدى



وصدق محمد عبد الوهاب



لما كان يستعجب من الناس اللى بتحتفل بأعياد ميلادهم



ويقول احتفل بسنة راحت من عمرى ازاى!!!



وجهة نظر برضة



ولا ايه



رأيكم؟

هناك 29 تعليقًا:

احمد العربي يقول...

صورة الطفلة البائعة التلميذة, المجاهدة في حياتها وفي دراستها يبكي العين و يحزن القلب و لكن يبعث في الروح الأمل, لأنها تملك العزيمة التي يحتاجها الكثير في بلادنا....
تحياتي

شمس النهار يقول...

احلا حاجه ان الانسان يعيش وعنده امل
ومايقنتطش من رحمة الله
كل سنه وانت طيبه
وجوزك كده يجيب لك جزيره صغننه علي قدك

هانى زينهم يقول...

والله يا جماعة مش عايز احبطكو بس البنت دى انا قابلت زيها كتير فى وسط البلد واكتشفت انها طريقة جديدة للتسول .وبالفعل اهم حاجة الامل بس لما يبقى امل حقيقى . يا رب يا دكتور اشوفلك جزيرة زى دى كدة . وعلى فكرة انا رديت على تعليق حضرتك عندى يا ريت تشرفينى وتقريه . كل سنة وحضرتك طيبة ويا رب يعيد عليكى الايام بخير .

khaled يقول...

فَإِنَّ مَعَ الْعُسْرِ يُسْرًا.
إِنَّ مَعَ الْعُسْرِ يُسْرًا.
ما أروعها لقد أثلجتى صدرى بصورة البنت المجتهدة التى لا تعرف لليأس طريق ... دائماً نعيش بالأمل
تحياتي

جنّي يقول...

فعلا بماذا نحتفل ..

بكرامتنا العربية التي سحقتها اسرائيل ؟

ام نحتفل بتقصيرنا مع اخواننا في غزة ..

ام بذنوبنا الكثيرة ..

ادعي لاخوانك في غزة اللهم سدد رميهم

وفاء بركات يقول...

السلام عليكم
أولا بتمني من كل قلبي أن السنه الجديده
تيجي ومعاها كل خير ليكي ولكل الناس
وتزول معاها كل ألم حست بيه روح بتمشي علي الأرض وبتنفس الحياة..
سنه كلها أمل وعمل حب وصفاء أخاء
ورضا ....
ثانيا ياترى اللي عايش في جزيره ملكه حاسس بالنعمه دى والحافي راضي باللي هو فيه والطفله الجميله دى بتحلم بأيه
دايما بردد بكره أحسن من النهارده..
يارب عشمي فيك كبير مؤمنه وموحده بقدرتك وعظمتك مايمر هذا العام إلا وأنت بعزتك وجلالك محقق أحلامنا وقاهر أعدائنا وفك قيد أسرانا وراحم موتانا
وناصر أخوه لينا لاحول لهم ولاقوة ومفرج كربنا وموحد قلوبنا علي محبتك ورسولك محمد صلي الله عليه وسلم ..
اللهم رد الغائب وأشفي المرضي وإجعل ياربنا لكل داء دواء ..طمن كل أم علي ولدها ولاتحرم أبن من أمه وتصبر يارب من أبتلي ..اللهم أعفو عنا وأغفر لنا وإرحمنا ياأرحم الراحمين اللهم أمييييين وأسكن صاحبة هذه المدونه في العللين بعد عمر طويل بجوار الرسول العظيم
هي وكل من تحب في جنةونعيم أمييين أميييين

عمرو يقول...

صباح الخير يا دكتوره فى أول صباح من السنه الجديده ربنا يجعلها أحسن من اللى فاتت
طيب اللى أهدى زوجته جزيره عمل كده ليه ؟
يعنى زوجته حتستعملها فى أيه ؟؟!!
متهيألى أنها هديه غير مفيده بالمره لأن الزوج لما بيهدى زوجته هديه بيفكر الأول الهديه دى حتكون ذات جدوى لها و لا لأ ؟؟
طيب الجزيره دى حتكون ذات جدوى للزوجه اٍزاى يعنى ؟؟
لا هى حتلبسها و لا هى تشربها و لا تاكلها يبقى فايدتها أيه ؟؟
أنا شايف أنها هديه رخمه و ليس لها داعى
الأمل موجود و لكن لابد من وجود مقومات لتحقيق هذا الأمل لأن الآمال لا تتحقق بالصدفه فماذا قدمنا نحن من بوادر لتحقيق آمالنا ؟
أعتقد لا شىء .. و الله المعين

من غير عنـــوان يقول...

لا حياة مع اليأس ولا يأس مع الحياة

أتخيل أن نعمل نحن المصريين للعام 2050
لعل أحفادنا يعيشون أفضل

تناول ممتاز

أمنياتي

Unknown يقول...

الكل يحتفل
وغزة تمومت
والعالم يقتل الابرياء

TIMMY !! يقول...

السلام عليكم يا دكتورة ...

بصراحة كلما قرات موضوعا عن العرب و اللي بيعملوه لا أجد تعليقا ..

فعلا احنا رجنا لأصلنا " أذل قوم " ,

طبيعة العرب إنهم زبالة !! و آسف على اللفظ بس هي دي الحقيقة , و أنا لا أعني بالعب الخليج بس , لكن كل العرب دلوقتي ..

احنا ناس بتاخد على قفاها من أيام الجاهلية ..

و مذلولين طول عمرنا , و بنقتل في بعضنا و كل واحد واخد له إمارة و مكوش عليا و يولع الناس التانيين , و زي ما قال القائل " كان أحدنا يقتل أخاه على حفنة من الكلأ و الماء " !!

لم يهذب هذا الجشع و هذا التمزق إلا الإسلام حين تمسكوا به و جعلوه دستورا و ليس حينما صار كلمة في البطاقة أو مصحفا في السيارة !!

يالا .. خليهم لحد ما الدور ييجي عليهم ..

سفروتة يقول...

مساء الخير يا دكتورة

احيانا الصور بتبقي ابلغ من الكلام وبتعبر عن كل اللي نفسنا نقوله من مجرد نظرة واحدة

مش عارفة مبقتش تفرق معايا بصراحة سنة جديدة من سنة قديمة ... كلها ايام ربنا
المهم بس اننا نعمل حاجة كويسة في حياتنا تخلينا نحب ايامنا دي

دمتي بكل ود
:)

romansy يقول...

جميل قوى المفارقات بين الصور بس احنا ان شاء الله الامل موجود فى حياتنا

والدليل الصوره اللى انتى جايباها
واكيد منها كتير
كل سنه وانتى طيبه

GiGi world يقول...

فعلا نحتفل بايه وعشان ايه وكل ده بيحصل
ربنا ينصرنا ويحرر اراضينا يارب
احببت شخصيتك حقيقه من التعليقات ربنا يعزك

Unknown يقول...

لسلام عليكم ورحمة
الله تعالى وبركاته
ونجاوب بكرة إن شاء
الله على التعليقات.

Unknown يقول...

لسام عليكم ورحمة
الله تعالى وبركاته
أستاذ/أحمد العربى
كلامك صح أستاذ احمد منظر الطفلة
(يبكي العين و يحزن القلب و لكن يبعث في الروح الأمل, لأنها تملك العزيمة التي يحتاجها الكثير في بلادنا)
وانا والله فى احيان كتيرة منهم لان بتتكاتر علينا الهموم قى لحيان كثيرة لكن ارجع وافتكر الاية:
(ان مع العسر يسرا
ان مع العسر يسرا)
على طول اصحى لنفسى وأستعيذ بالله من الشيطان الرجيم)....
شرفتنا ونورتنا فى اول زيارة

Unknown يقول...

السلام عليكم ورحمة
الله تعالى وبركاته
شمس النهار
اكيد لاننا مأموريين بالامل والصبر
قال تعالى فى سورة يوسف(يَا بَنِيَّ اذْهَبُواْ فَتَحَسَّسُواْ مِن يُوسُفَ وَأَخِيهِ وَلاَ تَيْأَسُواْ مِن رَّوْحِ اللّهِ إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ)صدق الله العظيم فنعوذ بالله ان نكون منهم .
وكل لحظة وانتى بالف خير.
نورتنا ياحاجّة شمس النهار.

Unknown يقول...

السلام عليكم ورحمة
الله تعالى وبركاته
أستاذ /هانى زينهم
وفرضا إن كانت وسيلة جديدة للسؤال (يكفينا ويكفيك شره يارب )فالعيب او الذنب علينا افراد ودولة ان لم نعفها عنه .انت اللى بتشرفنى وبتنورنى بحضورك وتعليقك ياحاج هانى ياأبو ملك.

Unknown يقول...

السلام عليكم ورحمة
الله تعالى وبركاته
khaled
تعرف استاذ خالد انا يمكن قلت الحكاية دى قبل كده والله والله كتير فى اوقات شدة الاقى السورة والايتين جاين لى لاما من راديو لاما صفحة من المصحف تُفتح لوحدها لاما من جريدة اشوفهم مكتوبين امامى والله فعلا بيشرحوا قلبى ويردونى الى دنياالامل بسرعة.
ونورتنا وشرفتنا
أستاذ خالد
بالمرور والتعليق

Unknown يقول...

السلام عليكم ورحمة
الله تعالى وبركاته
جنىّ
كما تقول استاذ سعيد
اوان الاحتفال لم يأتى بعد
سوف يأتى بأذن الله لأن ربك
هو القائل فى سورة الصافات
(ولقد سبقت كلمتنا لعبادنا المرسلين , انهم هم المنصورون , وان جندنا لهم
الغالبون)ًصدق الله العظيم.
شرفتنا ونورتنا أستاذ جنىّ
وكما تدعو انت ادعو انا ايضا
اللهم أنصر المجاهدين فى كل مكان.
اللهم أنصر المجاهدين فى كل مكان
اللهم أنصر المجاهدين فى كل مكان

Unknown يقول...

السلام عليكم ورحمة
الله تعالى وبركاته
أستاذة/وفاء بركات
وأنا معاكى بتمنى الخير والسعادة والامن لكل المسلمين والمؤمنين فى العالم كله
(يارب عشمي فيك كبير مؤمنه وموحده بقدرتك وعظمتك مايمر هذا العام إلا وأنت بعزتك وجلالك محقق أحلامنا وقاهر أعدائنا وفك قيد أسرانا وراحم موتانا
وناصر أخوه لينا لاحول لهم ولاقوة ومفرج كربنا وموحد قلوبنا علي محبتك ورسولك محمد صلي الله عليه وسلم ..
اللهم رد الغائب وأشفي المرضي وإجعل ياربنا لكل داء دواء ..طمن كل أم علي ولدها ولاتحرم أبن من أمه وتصبر يارب من أبتلي ..اللهم أعفو عنا وأغفر لنا وإرحمنا ياأرحم الراحمين اللهم أمييييين وأسكن صاحبة هذه المدونه في العللين بعد عمر طويل بجوار الرسول العظيم
هي وكل من تحب في جنةونعيم أمييييين) وانا اقول اميين لكى ولنا وللمسلمين اجمعين. اميييين أميييين
شرفتينا ونورتينا
بالمرور والتعليق
ياأستاذة وفاء

Unknown يقول...

السلام عليكم ورحمة
الله تعالى وبركاته
استاذ /عمرو
صباح النور يافندم فى تانى يوم:)
ودعواتى لك بالصحة والعافيه دائما وابدا وللمسلمين جميعاً.
وعلى العكس انا شايفهاهدية ممتازة!
اقولك ازاى لاما تروح هى تقعد فيها وتريحه شويه منها :)لاما هو اللى يروح يقعد فيها ويستريح منها :)
وأعذرنى فى الكلام ده بس حبيت اخفف من الحزن اللى ملأ الجو عندنا من منظر الاحداث اللى أحنا فيها.
نورتنى أستاذ /عمرو
بالمرور والتعليق

Unknown يقول...

السلام عليكم ورحمة
الله تعالى وبركاته
من غير عنوان
فعلا ياباشمهندس لان بالامل فى الله والعمل الجاد المستمر نصل الا ما نريد ونبغى .
ويارب نبدأ لاجل مانلحق 2050
مش علشانا :)طبعا لكن للقادمين
ليذكرونا بالخير كما نذكر نحن امجاد ماضينا
شرفتنى بالمرور والتعليق
ياباشمهندس محمد البنا

Unknown يقول...

السلام عليكم ورحمة
الله تعالى وبركاته
أحمد بدر الدين
كما كنا نحتفل نحن بكأس الامم الافريقية والعبّارة ومن عليها تأكلهم اسماك القرش وغياهب البحر الاحمر.العالم ظالم وقاسى على كل ضعيف وللاسف والالم
شرفتنى استاذ /أحمد
بالمرور والتعليق

Unknown يقول...

السلام عليكم ورحمة
الله تعالى وبركاته
TiMmY
صح كلامك ياتيمى بس بلاش (...)
الاسلام يضيف الكثير من التهذيب والتأديب لكل من يعتنقه عن صدق
اليس رسولنا القائل (بُعثت لاتمم مكارم الاخلاق)صدق رسول الله صلى الله عليه وسلم
وربنا يستر ونفوق ويفوقوا قبل فوات الاوان.
شرفتنا ونورتنا
بالمرور والتعليق
ياتيمى

Unknown يقول...

السلام عليكم ورحمة
الله تعالى وبركاته
سفروته
ليه بس كده؟دى انتى لسه فى بداية الشباب !!إن شاء الله تحققى كل حاجة حلوة انتى عايزاها .الامل والصبر صدقينى مهمين اوى لنكمل حياتنا
ونورتينى بتعليقك
ويارب ماأتحرم منه
ولا منك ابدا

Unknown يقول...

السلام عليكم ورحمة
الله تعالى وبركاته
romansy
أيوة استاذ أحمد
الامل موجود وحيفضل
موجود بأذن الله تعالى
وكل لحظة وانت بالف خير
ونورتنى بالمرور والتعليق

Unknown يقول...

السلام عليكم ورحمة
الله تعالى وبركاته
GiGi
معلش بأذن الله ربنا حينصرهم وينصرنا بس لازم نرجع لدينا ومش بقصد صلاة وصوم وزى اسلامى وبس لكن كمان وبنفس القدر من الاهمية أخلاق وعمل صادق دؤوب
وشرفتينى ونورتينى
فى اول زيارة لكى هنا
وجعل الله لك نصيبا فى دعواتك

Unknown يقول...

الحمد لله رب العالمين
والصلاة والسلام على خاتم
المرسلين سيدنا محمد
ومن أهتدى بهداه
الى يوم الدين.
اللهم انى ادعوك بلسانى وقلبى
اللهم انصر الاسلام والمسلمين
واهزم الشرك والمشركين
اعداءك أعداء الدين
امين امين امين امين .

غير معرف يقول...

how can you write a so cool blog,i am watting your new post in the future!