تعالوا احكى لكم على اللى حصل واللى وصل
معانا
فى مكافحتنا للعدوى
قصدى فى مقاومتنا لتعليمات البيه مدير الفرع
طبعا كلنا
حاولنا نفهم من المدير المباشر بتاعنا السر فى الامر
نفسه
عمل ودن من طين ومن عجين
وعلى قولة: انا عبد المأمور
تصدقوا دكتور أد الدنيا و مدير
يقول انا عبد المامور
يبقى العبد يقول!!او يعمل ايه؟
حتى لما ظبطناه
(ايوة ظبطناه هو كبير عن الظبط يعنى!)
داخل من الباب الرئيسى
مسكنا فى خناقوه وليه كده واشمعنى انت والكلام ده كله
قالك معليش نسيت
اخر مرة والكلام اللى انتم عارفينه كله
بعدين ياسادة اتفقنا نيجى مثلا الساعة 7وربع
وننتظر بعضنا على الباب
وندخل كلنا سوا ونشوف حيعملوا ايه؟
واحد بس اللى جه وانتظر باقى الزملاء محدش جه
ولما لقى نفسه حيتاخر دخل من الباب الامامى
ليفاجىء
ان باقى الزملاء جم من الباب الخلفى!!
ومضوا عادى ونسيوا
(اللى اتفقوا عليه امبارح)
واتنده عليه فى الميكرفون
و(هُدد )
لو اتكررت منه تانى مرة
حيخصم نص الحوافز زى ما قلتلكم
برضه بعضاً منا يعانى من شلل اطفال قديم
ومشكلات فى الركب بعيد عنكم
طلبوا اعفائهم من
الدخول من الباب الخلفى للظروف الانسانية
البيه المدير المباشر رفض وقالهم معلش
(اسمعوا اللى جاية دى)
تعالو ورنوا مسيد كول للانسة بتاعة الكروت
وهى تختم الكارت وانتوتعالوا على مهلكم
من الباب الخلفى برضة
(حنينينينينيني اوى الراجل ده)
برضه الجماعة بتوع الاسنان عندنا
عتااااااااويل كباراوى
ودايما على راسهم ريشة واللى عايزينه بينفذوه
لانهم مديرين عموم من زمان
وكمان
(الاهم بصراحة )
لهم وسايط وقرايب كتار وكبار بالهيئة
وما كبير الا ربنا
سبحانه وتعالى
المهم حاولوا التمرد
وكلام فى سركم
شتموا مدير الفرع ورئيس الهيئة كمان
وتبرع
ابن الحلال بتوصيل
(الكلام اضعاف مضاعفة للمشتوم!)
وعنها وعينكم ما تشوف الا النور
كل يوم لجنة مخصوصة لقسم الاسنان
اول مرة
العدد الاجمالى للأطباء بالنسبة لعدد المرضى
انتم كتيراوى بالنسبة لعدد العيانين:من المستحسن ان
تنقلوا لاماكن اخرى محتاجة
(لخدامتكم فى الفيوم مثلا او السويس مثلا!)
مرة تانية
ايه ده فين الملفات والدفاتر بتاعة تسجيل المرضى ليوم
الاحد الثانى من فبراير لما قبل الميلاد :فاهمين قصدى؟
...بالضبط تلاكيك
تالت لجنة
ازاى العيان ده كاتبينوه
(محمد احمد احمد مثلا)
وبعد كده مرة تانية كاتبينوه محمد احمد بس؟؟
ازاى كاتبينوه مرة عنده 50 سنة ومرة عنده 50ونص؟؟
زى ما بقولكم تلاكيك
برضه ما سكتناش
حاولنا
رحنا للواد عزوز اللى على الباب
قالك عينيى يادكترة تعالوا بدرى
ومالكوش دعوة مش حأكتب اسمكم
انتى خيركم عليا كتير
وفعلا مش حاكذب عليكم كنت حفوت تانى يوم من الباب
الرئيسى
ولا من شاف ولا من درى
طالما ان(الواد عزوز)مش حيكتب اسمى
لكن تقول ايه فى (بنت الحلال)
شافت واحدة فاتت وراحت اتخنقت عند المدير واشمعنى فلانة تفوت وانا لأ
والواد عزوز خد فيها مسكين جزا
والله زى ما بقولوكوا
المهم احنا حلينها ازاى الحين ؟
عاملينها زى سباق التتابع بمعنى
اللى يشوف فينا حد جاى من اخرالشارع
يبلغ اللى فى اوله اللى يبلغ اللى على السلم وهكذا
برضه المسدكول حلت شوية
ولو ان الهانم مديرة الشئون الادارية لازمن ولابدن تشوفك
بنفسها
ومعلش يادكتورة
دى امانة ومسئولية رنى على الموظفة وتعالى
براحتك
راحتك دى لا تتعدى الدقيقة
او الاتنين مش ساعة يعنى احسن حد يفهمنى غلط
بس لازم نشوف حضرتك
اصلك بتوحشينى!
(وخداين بالكم بوحشها !!)
واهى ايام وبتعدى ومعها
العمر بيعدى كمان
لكن حنعمل ايه؟
لازمن ولابدن
تعدى
*
*
*
*
*
ومش حانسى
ومش حانسى
الاستفتاء
اللى على ايدك الشمال
للى مش عمله
وهانت
**
.jpg)
هناك 53 تعليقًا:
بسلم بس واعلق بكرة
علشان الفجر ادن
وتانى تعليق كمان
فرصة بقى كله نايم
ههههههههههههه
السلام عليكم و رحمة الله و بركاته
:)
شر البلية ما يضحك..
انا كمان عايز اسلم..و ارجع تاني ان شاء الله
تحياتي
السلام عليكم ورحمة
الله تعالى وبركاته
د/عرفه
وعليكم السلام ورحمة
الله تعالى وبركاته
تقبل الله منا ومنكم
بأذن الله صالح الاعمال
السلام عليكم ورحمة
الله تعالى وبركاته
د/عرفه
لأ بقى :)المدونة لها اصحاب:)
كانوا مغمضين بس مش نايمين :)
سمااااااح المرة دى
لكن لو اتكررت
برضه سماح:)
السلام عليكم ورحمة
الله تعالى وبركاته
جنون عاقل
عليكم السلام ورحمة
الله تعالى وبركاته
ونحن بأنتظارك
احنا مدينك
العذر
سكتك بعيد
من حقك تستريح
من وعثاء السفر:):)
:))))))))))
انا شايفاه اني بقيت استخدم كلام المتني كتير
كم ذا بمصر من المضحكات و لكنه ضحك كالبكا
تيجي نعمل مدونة نسميها مضحكات مصر :)
ماعلينا علي العموم سأنصحك نصيحة اخت تسبقك في العمل الحكومي بسنوات
اصبر علي مدير السو ء اما يرحل او تيجي له مصيبة تاخده صدقيني دي وصفة مجربة :)))))
السلام عليكم ورحمة
الله تعالى وبركاته
حبيبتى أم احمد
نهارك ابيض
لو عملناها مش
حنلاحق على المواضيع:)
وللاسف (البضاعة =الادارة)
من سىء الى اسوء الى اسوء منه:(
بسم الله الرحمن الرحيم
السلام عليكم ورحمة الله وبركاته
تحياتى يادكتورة نور
ههههههههههههههههههههههههه
بجد صعابنين عليا
وبعدين محاولات تمرد ايه اللى عاوزين تعملوها
انتوا لازمكم انقلاب مش مجرد محاولة تمرد
وانا شايف انه طالما بتوع الاسنان المسنودين ماعرفوش يعملوا حاجه وهيروحو يتفسحو فى الفيوم يبقى انتو تسلمو امركم لله وتنتظرو لغاية ماتيجى الافتكاسه الجديده اللى بعد دى من المدير اللى جاى بعد ده علشان تعرفو ان دى كانت ارحم
واهو برضو ربنا مسهلها يعنى ميسد كول من هنا على حد يشوفك فى اخر الشارع يزمر من هنا واهى ماشيه
ههههههههههههههههههههههههههههههه
عملنا كل حاجه فى مستشفياتنا فى مصر مش فاضل غير حضور الدكاترة ومن الباب الورانى زى الحراميه(لامؤاخذه يادكتورة انا مااقصدش حاجه والله )
بس يعنى ييجى يشوفو عندنا هنا الدكتور بييجى المستشفى الساعه عشرة وبيمشى عشرة الا ربع
هههههههههههههههههههههههههههههه
ربنا يصبركم على مابالكم
تحياتى ودمتِ بكل خير وود
والسلام عليكم ورحمة الله وبركاته
السلام عليكم ورحمة
الله تعالى وبركاته
أستاذ المعتصم
ياأهلا ب أهل الجوانى يامرحب
انا نقصاك ياسيدنا؟بتخرط على قلبى بصل:)بتحسرنى على ما نحن فيه :)
طيب ياأستاذ مصطفى مردودة
لك فى اول تغير وزارى جاى:)
حاعينك وزير بدون وزارة:)
معلش يا نور اللي عاوز يشتغل في الحكومي لازم يستحمل قرفها,
كل واحد ما بيصدق يطلع زرازيره وزرابينه على اللي تحت منه ويعد يتنطط عليه,
يلا ربنا يكون في العون.
السلام عليكم ورحمة
الله تعالى وبركاته
حبيبتى سلمى
مش معقول!
انا لسه جاية
من عندك فى المدونة!
(كل واحد ما بيصدق
يطلع زرازيره وزرابينه)
ايوة ياسلمى بيطلع كل
العقد والفيونكات بتاعته
من اول ما كان فى K G
لحد ما بقى رئيس مجلس إدارة:(
ههههههههههههههههههههههههههههه
ياه ليه بس يا دكتوره نور ؟؟
غيرانه ليه من البيه مدير الفرع
ده راجل محترم
هههههههههههههههههههههههههههههههه
بهزر معاكي والله قبل ما تمسكي في خناقي
عقبال كده ما تبقي رئيسة فرع قد الدنيا
وساعتها انا عارف هتطلعي غلك في الدكاتره الغلابه
ومش هتخليهم يدخلو من البوابه الخلفيه
لا هتخليهم يتشعلقو على المواسير ويدخلو من السقف
ههههههههههههههههههههههههههههههه
ربنا يسترها معاكو ومع النظام المقفل ده
تحياتي
وانا اعرف منين انك كنتي في مدونتي؟
انتي ماسبتيش بصمتك علشان كده ما اخدتش بالي,
بس عموما القلوب عند بعضها,
واهلا بيكِ في مدونتي في اي وقت.
السلام عليكم ورحمة
الله تعالى وبركاته
مشاغب ياااامشاغب
انا مش غيرانة لو سمحت :)
انا حاقدة وحاسدة وشريرة :)
على امثال الطبيب المحترم اياه
الله يسامحهم علمونا الغيرة والحقد
طب يستنى عليا لما امسك السرير
حاناااااااام نوووووووووووم
ههههههههههههههههههههههههه
نورتنا يامشاغب
السلام عليكم ورحمة
الله تعالى وبركاته
حبيبتى سلمى
انا تركت بصمتى
فى المدونة التانية بتاعتك
الاولانية انتى قافلةالتعليقات :(
كيف اترك فيها اى كومنت ؟:)
ازيك يا نورهتى
تحياتى
اصل المدير الفاضى يعمل قاضى
وآهى تحكمات وخلاص
الباب الاولاونى
ولا الباب التانى
حتفرق ايه
عشان تعرفوا اننا عبيد كلنا فى بلد كلها عبيد
اشكرك على العيديه فى فشكول وكل سنه وانت طيبه
وتبقى دكتوره كبيره
وتحياتى
عارفة يا دكتور سعد زغلول قال ما فيش فايدة سنة كام ؟. سنة 20 . يعنى من 89 سنة ما حصلش حاجة جديدة تغير المقولة دى. عايزة حضرتك بقى تغيرى اوامر المدير فى اسبوع ؟! يا اخى ده ده . الدال الاولى تحتيها كسرة والتانية فوقيها فاتحة !!
نور انا فتحت التعليقات من زماااااااان,
من موضوعين فاتوا,
ولو اخدتي بالك هتلاقي تعليقات موجوده.
الله يكون فى عونك يا دكتوره
كله بس فى الاول كده وبعدين كل شئ بيتنسى
صدقينى دى عاده الشعب المصرى مبيقدرش يصمد اكتر من شهر
لازم يحصل مخالفات
انتى قدها وقدود
اصبرى بس
هههههه
ما خلاص بقى يا ( نوراهاتي )
هتضلميها في وشنا ليه
خلينا في حلم المستقبل المشرق
والمكانة الاجتماعية
بس أنا عجبني الموقف بتاع لما اتفقتوا تستنوا بعض وما جاش غير واحد
هو ده الشعب المصري
وبرضه كمان بتتكرر التعبيرات الخليجي
انت ليكي أصول خليجية ولا ايه ؟
يااااااااااااااااااااه
كل الحاجت الحلوة دي مستنيانا لما نخلص
شوقتيني والله
ههههههههههههههههههههههههه
مدونة جميلة قريت معظمها
تسلم ايدك
اسئلة الاستفتاء عايزه اجوبه اكتر
يعنى مثلا لو مسكته تقتله ؟
انا ؟ طيب انا مين انا لست السلطه
ولكن ارى انه يقتل تعزيرا = تخويفا وده جايز
وكمان صدقا هل ترى انها مسئوله ؟
على حسب الحاله قد تكون احيانا شريك فى المسئوليه ، بما لا ينفى المسئوليه طبعا عن المغتصب
كشخص يضع مالا عيانا بيانا يقول للسارق اسرق وانا غفلان عن المال وعارضه للسرقه....ولا نعفى السارق وان كان صاحب المال ملوم
اما هل تنصحها بالجراحه؟
فلا ...ليه ؟....لانها بداية طريق الكدب على الزوج الجديد = تمهيد للكدب
لانها طالما هتعمل جراحها يبقى هتخبى عنه
واظن من حقه يعرف
اما عن تبليغ السلطات ....فطبعا وده هيفيدها بعدين فى الارتباط
وربمنا معاها طبعا فهى دائما ضحيه
واحيانا فقط بتكون شريك فى المسئوليه او على الاقل خالص ملومه.....احيانا
مدونه جميله
شفتي المشكله مش بس في القرار المشكله ان احنا اصلا وحشين مع بعض جد مابنعرفش نعمل عمل منظم والا نعترض بشياكه والتزام
لو اتحدوا الناس دي كلها بما فيهم المدير هتلاقي الدنيا جميله
او حد يعمل شكوي بأسم الكل وتطرق القنوات الشرعيه لكن تقول ايه بقا
خلالالالالالالالالالالالاص هانت
ربنا يعينك
نورا
اسمحلي اسالك انتو مش عندكوا نقابات
و من حقها انها تطالب بتحسين اوضاعكم
ولو مافيش نقابات انتوا كاشخاص ليه ترضوا بالوضع ده ليه متنضلوش كلكم من اجل تغيير الاوضاع
لا يضيع حق ورائه طالب بس مش حيجيك كده لازم نضحي و نناضل علشان حقوقنا
مودتي
السلام عليكم
ازيك يا دكتورة
أخبارك ايه ؟
أقولك نصيحة متعمليش بيها
سيبك من الشغل مع الحكومة
تحياتي
عادي جداااااااااااااااااا
المهم محدش رايح السلوم؟ عشان عاوز معسل من هناك
دكتورة نور
مش عارفه ااقولك إيه
ينفع تسيبى العمل الحكومى؟؟؟
ولا مستحيل؟
او حتى تاخدى أجازة وتشتغلى فى مكان منظم وانسانى
بس لو كل الملتزمين وأحسبك على خير هربوا من هذا الجحيم
من سيرعى الغلابه بإذن من الله غيركم؟
اسأل الله لك طولة البال
والصبر الجميل
وبرودة الاعصاب
ياااااه انتم فى معاناه اسوء شئ الروتين حاجة مقرفة ايه ده :(
السلام عليكم
مديركم ما شاء الله عليه بيجي في الهايفة ويتصدر ..
لأ غريبه بجد,
انتِ مظبطة مواعيدك معايا اللحظة اللي علقتي فيها في مدونتي كنت انا في مدونتك (:
السلام عليكم
ياأحب الناس لقلبي كنت حتجنن ادخل مدونتك واجي اعلق الماوس مش بيستجيب
دخلت عند الأستاذ فشكول لقيتك قلت أجرب وادخل مدونتك عن طريق رأس الرجاء الصالح وفعلا نفعت الحمد الله
بالنسبه للموضوع ده بيحضرني حكاية ابن جحا لما سأل أبوه جحا وقال له
يابا علمني الهيافه رد جحا وقال له تعاله في الفرغه وإتصدر .
لك مني الف سلام
السلام عليكم ورحمة
الله تعالى وبركاته
استاذ فشكوووول
اهى التحكمات دى اللى مضايقه
الواحد يااستاذ :كلنا بنى ادميين:)
لكن تقول ايه فى الناس لما تنسى
اصلها وفصلها ومنبعها
ومستقررررررررررها
فى النهاية.
شرفتنا
استاذ
فشكول
السلام عليكم ورحمة
الله تعالى وبركاته
أستاذ/هانى زينهم
مش بس من ايام
سعد زغلول يامستر
ده من ايام حتشبسوت
ومن قبلها كمان واحنا
على نفس النظام:
تقديس المسئول لنفسه!
السلام عليكم ورحمة
الله تعالى وبركاته
Salma Mohamed
وانا علقت الحمد لله
على الموضعين الجديد
والقديم :ومعلش
ما تعتّبى على
العتب على
النظر والسهو:(
السلام عليكم ورحمة
الله تعالى وبركاته
romansy
الله يخليك يارومنسى
ادين صاااااااااابرة
لما نشوف:)بس اصلها مش
كده وبس لأهناك كتير مضايقات
تانية ولكن لم اذكرها:انتم مش ناقصين!
السلام عليكم ورحمة
الله تعالى وبركاته
حسام غانم
حاضر يافندم
خلاااااااااص
لأ ابداً مين قال؟
دى الدنيا حتى ربيع
وورد فى كل مكان وخلينا
نحلم ببكره اللى احلى :)
ياسيدى ولا اصول خليجى ولا انجليزى
هو لو كان انا كنت قعدت هنا دقيقة؟
كنت خدت الونّيت وعلى مهرجان دبى عدل
السلام عليكم ورحمة
الله تعالى وبركاته
محمود ابو العزم
اه شفت بقى؟
يلا شد حيلك
وتعالى خد
من الخيرات الكتير
اللى احنا المتخرجين
مش ملاحقين عليها :)
وشكراً لقراءتك واعجابك:)
السلام عليكم ورحمة
الله تعالى وبركاته
انسان وبس!
بأذن الله الاستفتاء
نرد عليه كله بعد ما يخلص
يعنى بأذن الله بعد يومين او تلاتة
وكمان بعد اذنك انا حأحط التعليق بتاعك تانى إن شاء الله فى التدوينة اللى حنعملها مخصوص للموضوع ده
وياريت تبقى تشرفنا وتنورنا
تانى يومها .
السلام عليكم ورحمة
الله تعالى وبركاته
انسان وبس
شكراً يافندم
ده من ذوقك
السلام عليكم ورحمة
الله تعالى وبركاته
البرنسيسة شموسة
العمل الجماعى عندنا مشكلة كبيرة!
لازم تلاقى لاما حد يخالف الكل !
لاما حد عايز يبقى الزعيم !
والقنوات الشرعية للاسف
ودن من طين وودن من عجين
الامر لا يهمها وللاسف!
السلام عليكم ورحمة
الله تعالى وبركاته
mohamed ghalia
ربنا يصبرنا يارب:)
السلام عليكم ورحمة
الله تعالى وبركاته
assafo anaroze
ما انا قلت لك من قبل ياأسافو
النقابات وللاسف فى (جيب)الادارة
لاتعمل الا فى مصلحة الادارة
اما عن العمل الجماعى
ادينا بنحاول زى
ما حكيت هنا :)
السلام عليكم ورحمة
الله تعالى وبركاته
مصعب صلاح
الحمد لله يامصعب
كيف حالك انت؟
ومن غير ما تقول :
الحين ما ينفعش اعمل بها:(
فات الاوان يامصعب من زمااان:(
السلام عليكم ورحمة
الله تعالى وبركاته
المعلم محمد صاحب المطعم
---طعمية سخنة ---
البلوج اللى جنبنا:)
السلام عليكم ورحمة
الله تعالى وبركاته
حبيبتى ام الغاليات
---ام البنات---
ما ينفعش الان
جربت العمل الغير حكومى
فترة من الفترات :نفس الصراع
مع الادارة عايزينك تجيبى الفلوس من
الناس ولو بالعافية والكذب .
ومع الزملاء :مشكلات وبردون(مقالب)
وحاجات كتير الواحد يخجل يقولها :(
اللهم امين لكل الدعوات ورزقك الله مثلها واكثر فأنت فى احتاج لها جداً
السلام عليكم ورحمة
الله تعالى وبركاته
أيوشة
معلش ياسكر
ربنا يرحمنا ويسامحنا
ويرزقنا الجميع الصبر
على ما نحن فيه يارب.
نورتيناايوشة.
السلام عليكم ورحمة
الله تعالى وبركاته
جنّى
وللاسف ياأستاذ
عمل بنصيحة جحا لابنه:(
السلام عليكم ورحمة
الله تعالى وبركاته
Salma Mohamed
القلوب عند
بعضها حبيبتى:)
السلام عليكم ورحمة
الله تعالى وبركاته
أستاذة/وفاء بركات
وانتِ ايضا حبيبة الى قلبى جدا
ممكن يكون الماوس عايز يتغير ياأستاذة
عمل مرةمعاى كده وبقى يعلق كل شوية
واضطر اقفل الجهاز واعمل ريستارت وكده وبعدين غيرت الماوس :)الحمد
لله اتحلت.وكلامك مضبوط والله
(تعالى فى الفارغة واتصدر)
الدرس الاول والاخير للادارة
الان وللاسف ومش عندنا بس لأ
فى اغلب المصالح ربنا يرحمنا
نورتينا وشرفتينا
ياأستاذة واشترى
مااااوس جديد
عايزين نشوفك دايماً
السلام عليكم
ردا علي هذا البوست والبوست اللي قبله أقول لحضرتك هذا الحوار الذى دار بين جحا وأبنه
الإبن يابا علمني الهيافه
جحا تعالي في الفرغه وإتصدر
ربنا معاكم
إرسال تعليق