المحافظ الهمام انقذ بنت عبد السلام
**********************
آل ايه ياختى
المحافظ كان فى جولة فجائية
وخللى بالك من فجائية
للمستشفى الحكومية
فى محافظته الذكية
لقى وليه قاعدة
تهرول
وتصوت وتولول
يادهوتى يالهوتى
ياخرابى
ياعرابى
ياحوستى
يالوصتى
بسرعة درى وقام وجرى
علشان يشوف الامور
ويرسى على الدور
ايه يافرحانة
مالك زعلانة
ومن الهم كربانة
:قالت
بنتى يابيه قرصها التعبان
اللى كل ليلة يبان
ويعمل عملته
ويكرر فعلته
جبت البت وجيت
اطلب الشفاء
من اهل الطب والدواء
سألت عن الترياق
قالوللى واق واق
انا سهمت ومن الحيرة بلمت
قالولى الترياق غير متوفر
وسابو البت تفرفر
آم المحافظ وقف واتنطر
وبسرعة أمر
روحى على الجامعى
وهناك راح تسمعى
اللى يريحك
و يسرك و يفرحك
لكن البيه ما كان يعرف
ان الترياق شاحح
وفاكر نفسه آ فالح
لكن ولو هاتو وكيل الوزارة
وبالسيارة
يروح يجيب المصل
ويجى قبل العصر
وكان وصار
والمصل اتحط
ومن المخازن فط
طب لما هو موجود
وعلى الرفوف مسنود
وفى المخازن مركود!!
لكن تقول ايه !!
ولا ايه ولا ايه !!
ومين عليه ومين ليه
والبت بقت عال العال
وصحتها فى منتهى الجمال
والحمد والشكر لله
*****************
من وحى حادثة حقيقية
نشرت فى الصحف المصرية
هناك 14 تعليقًا:
هههههههههههههه
والله الكلام دمه خفيف وزي العسل ولو انه بيعبر عن واقع مرير و مؤلم
انا حبيت اصبح بس المدونة لسه قافلة ,,ههههههههههه ,, صباح الفل علينا وعالكل باذن الله وتحية معطرة بذكر الله مخصوص لاطيب دكتورة في عالم النت وعالم البشر كله
مين ؟؟
كيف ؟؟
ليه ؟؟
فين ؟؟
ايه ؟؟
صباح الخير
من وحي مسرحية
معلـّق ما فهمش حاجة
..
صار لازم أطباء بلا حدود هههههه
صباح الخير يا دكتوره , معلش اتاخرت عليكي ,كنت بجاوب علي تاجات مممممم
ليكي عندي تاج في مدونتي التانيه ثرثره مع نفسي
http://mygrazydreams.blogspot.com/
لما تجي من الشغل ابقي خديه
والله يا دكتوره ربنا يجعل للبلد دى امل على ايديكم لان حالة الطب فى مصر لا تسر مريض ولا طبيب من كل الأحوال. بس سيبك انتى اسلوب طرح الموضوع بالسخريه الخفيفه اللى فيه واسلوب الأبيات حلو جدا .....بالتوفيق وشكرا
عسل يا نور عسل جدااااااا
بجد ضحكت اوي وانا بقراها
هي دي مستشفياتك يا مصر
بس بجد لذيذة مووووووووت
ميرسي لسؤالك عليا انا كنت مسافرة لسة بدري عالنبطشيات ههههههههههه
السلام عليكم ورحمة الله وبركاته
محمد
حمدلله على السلامةوياسيدى يسعد صباحك ومساك دايمآ كده
بس ايه المدونة قافلة دى يامحمد؟انت عايز تجيب لنا مشكلة؟
احنا فاتحين 24 ساعة فى اليوم
7ايام فى الاسبوع
365 يوم فى السنة
بس احنا (بنتقل )على الزوار علشان نشوف غلاوتنا!!!
بأعتبار احنا بليل دلوقتى
فمساء الفل
ونهارك
(بكرةان شاء الله)
ابيض
تسلم يامحمد للكلام
الطيب يا
شمندينا.
السلام عليكم ورحمة الله وبركاته
لاجىء الى متى
(راجع ان شاء الله)
تشكر يافندم
(معلق مافهمش حاجة!!)
وكمان صار لازم
اطباء بلا حدود!!
لأ ما تخاف ان شاء الله
تتحل من عنده من غير
عمليات ولا دوا
(تعرف انا اكره ما علىّ
انى اخد دوا بأى شكل كان
لانى عارفه الاضرار كلها
لكن للضرورة احكام)
انشاء الله مش حتفرح فىّ
ولا فى المدونة
وما حنحتاج
لا اطباء
ولا دواء
تسلم للمرور
والتعليق الحلو
السلام عليكم ورحمة الله وبركاته
محمد الفارس الملثم
مساء الانوار يامحمد
تشكر يامحمد على التدبيسة دى
استنى على!طيب طيب طيب!!!!
وحالروح اخد التاج حاضر
لكن استأذنك احطه فى الخزنة
شويه مع ال4 ايوة ياسيدى
ال4 تاجات اللى قبله
وحاخد لهم يومين أجازة
مخصوص وارد عليهم.
تشكررررررررررررات
مررررررررررررررررات
كتيررررررررررررررات
السلام عليكم ورحمة الله وبركاته
mohamed dawod
احنا اللى مشكريين يافندم للكلام الحلو ده
وإذاكان على الطب والدوا
فطبيعى (المنظومة كلها تعبانة)
واحنا قطاع من ضمن المنظومة
لازم نبقى تعبانين ومتعبين كمان
(كلمةفى سرك من ضمن ادعيتى
فى اثناء الشغل انى لا احتاج لطبيب
ولا دوا لان الاثنيين........(اعرف انا بقى )احسن حد يزعل منى ودول اعضاء النقابة وما قدرش على زعلهم)
مرة تانية شكرآللمرور
والتعليق ياصاحب
الدبابيس.
السلام عليكم ورحمة الله وبركاته
blue nile
حمدلله على سلامتك من السفر
(كيف حال من كنت عندهم؟)
وحال مستشفياتنا جميل ايوة جميل
(انتى عايزاهم يزعلوا منى ويرفعوا
علىّ قضية ان كلامى هوا اللى جابهم
وررررررررررررررررررررررررررررررا
مرة تانية حمدلله على سلامتك
D:
مقدرش عالحاجات ديه , والبوست ميه ميه , والمعنى بتاعه وصل , ودمك يا دكتورة زى العسل (:
السلام عليكم ورحمة الله وبركاته
Wael.
الدكتور وائل عندنا
يامرحبا يامرحبا
وكمان عجبه الكلام
ياسلام ياسلام
من نحن الا:
KG فى مدرسة حضرتك
يابروفسيييييييييييير
DDDDDDDDDDDDDDDDDDD(:
vfkh dogd; gkh dhvf
ترجمة
=ربنا يخليك لنا يارب
نهارك ابيض.
حلوه اوى
السلام عليكم ورحمةالله وبركاته
dodda
ياللى اسمك على اسم بنت اختى
حبيبتى
الله يحلىّ
ايامك
يارب
بطاعة
الله
ورضاه
امين
يارب.
إرسال تعليق