سالتنى جارتى الست سنيه :ايه ياست الدكتوره انفلوانزا الطيور دى ياختى ؟يعنى لا مؤخذه الفرخه حتكح وتعطس زى البنى ادمين؟
قلت لها لأ ياستى الحاجه ده نوع من الامراض( الحقيقه اضطريت اقولها ميكروبات علشان اقرب لها الصوره شويه)المهم قلتها ان الميكروبات دى بتصيب الفرخه تخليها تموت والميكروب يخرج مع الفضلات بتاعة الفرخه العيانه وطبعآ الفضلات دى لما تجف وتنتشر فى الجو وتختلط بالتراب يشمها الانسان وتيجى له العدوى
سالتنى والعدوى دى اعراضها ايه؟
قلتلها زى البرد بس اشد يعنى رعشه وسخونيه ووجع شديد بالجسم وكحه واحتقان فى الحلق وساعات التهاب ورمد بالعينين
الست بقى لونها زى الليمونه الصابحه وقالت ياخبر ابيض!! ما احنا كلنا عندنا الاعراض دى ,ماهو شتا وانتى عارفه بقى, طمنتها ان معظم ان لم يكن كل الحالات اللى ظهرت كانت بتتعامل مع الطيور الحيه مباشرة سواءآ فى المزارع او (العشش المنزليه
سالتنى وده مالوش علاج؟ قلت لها ممكن الشفاء من الاصابه اذا شخصت بسرعه مع تعاطى المضادات الحيويه والراحه التامه
سالتى السؤال المهم خالص يعنى اكل الفراخ ولا لأ؟قلت لها تاكليها ولا تخافى لان الميكروب(زى ما اتفقنا مش حتعرف جارتى كلمة فيروس)بيموت عند درجة حراره 70 مئئوية ودى درجه قليله كتير عن الحراره بتاعه تسويه الفرخه قلت لى ريحتى قلبى ربنا يريح قلبك(امين يارب) وسمعتها بتنادى على البواب علشان يشترىجوزين فراخ عتاقى ويدبحهم ويوديهم للشواء )
تعقيب............يقول بعض الخبثاء انها هوجه مقصود بها الترويج ""للفراخ المجمدة"""لصالح احد المستثمرين 000بس هى هوجه جامدة شويه وخلت الاسعار بقت نار يعنى كيلو البنيه وصل سعره 35 جنيه......ربنا يرحمنا من هذا الغلاء؟؟؟؟؟
ترررم وحاجـات تانية كمان
عُكاشنا ....بوابنا
ليست هناك تعليقات:
إرسال تعليق