الأربعاء، مارس 05، 2008

السلام على من اتبع الهدى.






















دعوة عامةللكل والحاضر يعلم الغايب انا عامله عزومة لكل اهل البلوجات واللى عايز يجى اهلا وسهلا والعنوان طبعآ معرروف http://.......hgn/ الى اخره



المنيو(قائمة الطعام) : صينية مكرونه بالخضار فى الفرن وبانيه وعصيرفاكهة طازج:فراولة او كيوى والحلو ايس كريم .



ملاحظة:أرجو عدم اصطحاب الاطفال(اكبر من 25 سنه)وكل واحد يجى يجيب هديه(انا مش بأشرط) بس يعنى مايجى ايده فاضيه ويعمل نفسه مش واخد باله(انشالله علبة لبان شكلتس.......فاهمين) والدعوه مفتوحه الى ما شاء الله لها ان تفتح وادينى قلت اهوه الحاضر يعلم الغايب يالله بقى انا مستنيه والاكل جاهز.










هناك 3 تعليقات:

غير معرف يقول...

سفره دايمه

Wael يقول...

ولو انك مقولتيش ايه هى المناسبة ,
واللينك بتاع العزومة بايظ اساسا وباين عليها اشتغالة
انما انا جاى برضو لانى " شامم " بأنفى " المكرونية " ريحة مكرونة فى الفرن فعلا .

احجزولى كرسى بس D:

norahaty يقول...

يابيه ده انت تشرف والله ولو ماشالك اللينك بتاعى نستلف لنك الجيران(الناس لبعضيهم ياراجل) المهم قولى حتجى امتى وانا ابعت للك اميل هنا يجيبك على طول.اقولك على طريقة نجيب الريحانى "ضحكنا بقى نشتغل )عايزه اعرف اوصل البلوج بتاعتى للعالميه ايوه ازاى ؟؟حته واحدة ليه لأ ؟؟لا بجد عايزة اعرف ازاى اوصل لجوجل مفيش طريق مختصر؟لما تشرح كل خطوه بالرسم وزى ماقلت لحضرتك يابروفسير جدتك(انا) جتلها طسة الكومبيوتر على كبر.وكمان ماقلتش لك انا ما رحتش دوره ولا يحزنون وهو حتة مساعدة من المفاعيس اولاد اخواتى (ادفعى ياخالتى) على سوال اهل البر والتقوى(زى حضرتك اراجل ياطيب وصلت الحاله للى انت شفته من ساعة اول مره شوفتها للنهاردة.ايه رأيك.خلاص حاضر حخلص احنا (تفخيم شويه )فى غاية السرور لرد حضرتك علىّ مع الكم الكتير من الرسائل اللى عندك.اقولك كفايه كده والسلام عليكم.(صينية المكرونه فى الفرن استوت)