السبت، ديسمبر 05، 2009

ايه رأيكم ؟

ايه رأيكم فى الجو الجميل الايام دى
نروح رحلة لحد
ليبيا
ايوووة
ليبيا
علشان نتفرج على
معرض لأعمال ولوحات
لفنان ليبى يمكن غير
معروف
لكن الفضل لله أولاً
ثم للشبكة العنكبوتية ثانياً
ومن غير ما نروح ولا نيجى
حنشوف اعماله ورسوماته
واللى قرر هو انه ينشرها على النت

الطموح والمستحيل




الكُتــــــــاب


جبروت الثمانين
*******



ترونها انتم بأنفسكم

ايه رأيكم

بقى

فى الرحلة
الحلوة دى!

هناك 114 تعليقًا:

norahaty يقول...

والحمد لله رب العالمين

نهــــــــــار يقول...

السلام عليكم ورحمة الله وبركاته....
صور جميله ..
ولفته جميله منك يا دكتوره إنك تعرفينا على فنان ليبي ...
نحن بالفعل محتاجين أن يكون بين الوطن العربي تعارف أكثر ..
....
دمتِ بخير

نهــــــــــار يقول...

لا مش معقولـــه
أنا أول تعليق

نهــــــــــار يقول...

طيب الثالثه ثابته....
.....
في أمـــان الله

تركي الغامدي يقول...

المكرمة جداً نور ... كنت قد زرت مدونة الأخ الكبير عمراً ومقاماً الفنان الليبي علي مادي ، بعد اطلاعي عليها بالصدفة ، وهكذا كما تفضلت أختي الكريمة ما قد يكون لهذه الشبكة العنكبوتية من تواصل جميل بين البشر لنشر الإبداع والخير في أبهى صوره .
شكراً على هذاالإيثار الجميل .

سهيل ولى الدين علام يقول...

دكتوره ومحترمه وفنانه.
اتمنى لكى السعاده والتوفيق,,

salwaa يقول...

لوحات جميله وصادقه تشى بتفاصيل دقيقه
ووثوب وانطلاق..
شكرا لتعريفنا بالفنان الليبى..
وشكرا لمرورك بمدونتى وقمت باصلاح الخطأ
وازلة التأكيد..

karim يقول...

لوحات روعة حقيقى تستاهلى عليها رحلة بس لايطاليا بقى وتشوفى الفن على اصولة, تحياتى

لورنس العرب يقول...

لوحات فنان محترم
ربنا يكرمه ويتشهر وياخد نصيب من لاعبي كرة القدم

مها يقول...

عجبتني جدا صورة الكُتاب.. فنان ملهم اتمنى له النجاح الكبير دوماً .. بس فى البرد ده خلينا نشجع من بعيييييد

:))))))

أحمـــــــــــــد أبو العلا يقول...

بقالي مرتين مش عارف اعلق عندك في البوست اللي فات واللي قابله

اللوح جميله وفكره رائعه بصراحه انه ينشرها على النت, ده ان دل بيدل على رقي الفكر وان مش كل فن بفلوس, فيه فن تمنه الحقيقي اعجاب الناس بيه

واحد من العمال يقول...

لوحات رائعه وتكاد تنطق بما يريد الفنان
الشبكه العنكبوتيه
بها كل ماهو مفيد
وبها أيضاً الضار
ولكن نحن من نختار
أى أختيارك هو أنتِ
وأختيارك رائع ومفيد وفنان

ودمتِ فى أمان الله

لولا وزهراء يقول...

تسلم الايادى يا دكتورتنا الجميله
حلو اوى الواحد او يصحو من النوم يروح رحله هى فعلا ليبيا قريبه مش بعيده بس بجد الرحله تحفه والصوره جميله
بصراحه كده الواحد عرف فايده جديده للشبكه العنكبوتيه انها عرفتنى على ناس جديديه ورسومات تحفه
لوحة سيدتى الجميله تحفه شعرت ان وجه السيده هينطق بالكلمات
كمان صزرة المليحه عجبتنى
بسم الله ما شاء الله عليكى يا دكتوره متالقه على طول
كل موضوع بيكون اجمل واحلى
اتمنى لكى مزيد من التقدم والنجاح

لـــــولا

لولا وزهراء يقول...

يا صباح الرقه والجمال والهدووووووووووء يا اجمل نورا فى الدنيا كلها
الواحد بصره اتمتع بجد من جمال وروعة الصور
صورة طفلوه بريئه نقلتنى الى عالك طفولى مليئ بامرح والشقاوه رغم ان الصوره بها دموع لكنها روعه التفاصيل تحفه اوى اوى
بجد مش عارفه اقول ايه
شكرا يا دكتوره او تسلم الايادى او ايه الجمال ده كله او .....
ربنا يعزك
فى انتظار المزيد وكل ما هو جديد
تقبلى تحياتى ودعواتى

زهراء

اللؤلؤة يقول...

د/ نور
السلام عليكم
جميل ان نخرج من جو
التدوين التقليدى
لتذهبى بنا فى رحلة
إلى ليبيا كى نشاهد
أعمال فنان مبدع
خالص تقديرى

اللؤلؤة يقول...

دكتورة نور
السلام عليكم
كم من الأشخاص المبدعين
يجدون أمامهم عراقبل
وصعوبات تحول بينهم
وبين الشهرة لأننا أصبحنا
فى مجتمعاتنا العربيةلا
نشاهد إلا الغث
خالص تقديرى

اللؤلؤة يقول...

دكتورة نور
السلام عليكم
إلى متى سيظل هؤلاء المبدعون مدفونون
ويظهر على السطح ويأخذ كل الشهرة
ويسلط عليه الإعلام من هم أنصاف المبدعين
خالص تقديرى

blue-wave يقول...

اكيد حلوة طبعا

Dr Ibrahim يقول...

ايه رحلة من غير ساندوتشات:)

أم مالك يقول...

حبيبتى الدكتورة
جاية اسلم عليكى واقولك
كل سنة وانتى طيبة
واطلب دعواتك ان تتحسن ظروفى الصحية
والتى تحول بينى وبين التواصل معاكم
احبك فى الله

عاشقة القمر يقول...

بجد صورة جميلةتحفة وبداعه
ليه مش نزلت بوست طلبتي مني عايزها تنزليها في مدونه

همس الاحباب يقول...

كل سنة وحضرتك طيبة
فعلا رحلة ممتعة
وانه فنان رائع ومبدع حقا
جزاكى الله خيرا
تحياتى

خواطر شابة يقول...

شكرا لك غلى هذه الرحلة الممتعة وعلى تعرفنا على فنان جميل
تحياتي

ياريح هدي يقول...

السلام عليكم.
الدكتوره والأنسانه الطيبة والراقية نور ،من أعماق قلبي أشكرك علي هذه المفاجأه الراقية والسعيدة بالنسبة لي،
لايسعفني التعبير لكي أرد لك صنيعك وشكرك علي هذه المفاجأه السارة، وشكر كل الزوار المحترمين وثناءهم الحسن علي اللوحات ،وأشكر الأستاذالمتألق تركي الغامدي الذي تشرفت بزيارته من قبل في مدونتي .
تحياتي لك أيته الدكتورة الأنسانه ولك مني الف تحية ولك مني كل الشكر والوفاء.
كل عام وانت بخير .

أ / أحمد عبد المنعم يقول...

بسم الله الرحمن الرحيم

الأخت الفاضلة د/ نور

رحلة موفقة بإذن الله
نحن فى عالمنا نفتقد إلى علم رائع هو قراءة اللوحات وهو أحد أجزاء فن الرسم .

إن الكثير ممن يقفون أمام اللوحات أشبه برجل أمى يقف أمام لوحة مدون عليها رسالة ( العلم نور )
ينظر ويتأمل ألوانها ولعله يهز رأسه إعجابا .بل قد يعلن مضون الرسالة قائلا إنها تقول ( البحر يغرق من لا يعرف العوم لذا يجب أن نرتدى مايوهات ) .
هل لمثل ذلك الرجل من معرفة بمضمون الرسالة ؟؟ ما تعليقنا عليه فى أنفسنا إذا كنا نجيد القراءة .
أبسط شىء سنشفق عليه ونصمت كى لا نحرجه

نحن فى حاجة شديدة إلى محو أميتنا الفنية فى جميع أنواع الفنون حتى نؤهل أنفسنا إلى حضارة حقيقية ترنو إليها نفوسنا فلا نكتفى بأن ننظر إلى إبداعات المبدعين ونهز رءوسنا ونكتب تعليقا لو علمنا حقيقة الفن لضحكنا من انفسنا .
انا لا أتحدث عن زائرى المدونة ( حاشانى )بل أستغل الفرصة للتذكير بهذا الأمر .
لابد من محو أميتنا الفنية

ഒരു നുറുങ്ങ് يقول...

السـلام عليكم ورحمة الله...
صور جميلة جدا..
مبروك،والف مبروك..من قارة الهند..
تعجبني هدا اللوحة واعمال الفن ...
ولكم جزيل الشكر يا دكتورة!

Angel يقول...


مساء الخير
نوره ..

يا مساء الحنان والفرشة والألوان

ايه ده وكمان عزمانا كلنا والتذاكر على حسابك
(:

بجد ماشاء الله مبدع في الرسم وفي الفكرة كمان


عجبتني أوي أول لوحة مختلفة
وليها معاني كتير ومليانة إصرار وعزيمة

بجد شكراً يا نوره

الله يسعد أيامك


Angel love



Angel love

ahmed_k يقول...

رسمات رائعه جدا يا دكتوره
وأكثر ما أعجبني فيهم لوحة جبروت الثمانين فللرجل فيها هيبة ووقار

شكرا جزيلا يا دكتوره على اللوحات الجميله ولفته طيبه مك
تقبلي أخلص تحياتي

م/محمود فوزى يقول...

السلام عليكم
ازيك يادكتوره
جزاكم الله خيرا على الفكره الجديده دي
فيها صور حلوة معبره
طبعا مع التحفظ على بعض اللوحات
ربنا يبارك فيكي ويوفقك

كلمات من نور يقول...

ليبيا؟؟؟؟؟؟ لا الجو بارد و أنا عظامي مش حمل سفر...اه كده ليبيا جت لغاية عندنا...فكرة جميلة يا دكتورة ربي يبارك فيكي ...

أبو العريف يقول...

ازيك يا دكتوره

انا بقي عازمك علي رحله للفيوم

او السعوديه زي ما تحبي بقي

طبعا مش هتشوفي معرض ولا حاجه

هما تلت اربع لوح وبالرصاص كمان

Tamer Nabil يقول...

رسومات جميلة

وجميل عرضك للفنان وتعريفنا بة

ربنا يوفقك

مع خالص تحياتى

Lady E يقول...

حلوة الرحلة دي :)

بحب الرسم اوي والرسومات بجد جميله ومبدعه

قلم رصاص يقول...

جزاكِ الله خيرا دكتوره نورا

وفعلا يبدو انه فنانا حقيقيا

في امان الله

mhmdwahab يقول...

مرة ثانية اهلا دكتورة نورة فى تعقيبك على سوبر ماركت يوضح انك قد فهمتى المعنى اما فضيحة فلم يكن هناك اى تعليق لا ادرى اهى صعبة ام انى لم استطيع ان اوضح المضمون المهم هى تظهر شخص من هولاء اصحاب الحب او المتعة الزائفة واردت ان تكون نهايتة مفجعة اسف ان كنت اجبرتك على قراءة شى مبهم بس بالسبة الى صورة الكتاب هل المعلم يمسك فى يدة كربك ولا اية دة؟

mhmdwahab يقول...

كذلك تكلمت عن هولاء المنافقين والذين يتخذون من الحشمة او اللبس المحتشم ستار يخفى وراءة حاجات تشيب على راءى توفيق الدقن

norahaty يقول...

نهــــــار
وعليكم السلام ورحمة
الله تعالى وبركـــاته
كلامك مضبوط يانهار
ولو دورانا فى بلادنا
ياما حنلاقى من الموهبين
والفنانين اللى يغنونا
عن الاجانب وقيمهم
المختلفة عنا جداً

norahaty يقول...

نهـــــار
ايوووووووة
أنتِ البريمــو:)

norahaty يقول...

نهـــار
ليه ماشية؟
خلـيكِ شوية:)

norahaty يقول...

أستاذ تركى الغامدى
الشكر لله سبحانه وتعالى
وقد زرت انا ايضاً
مدونة الاستاذ على
من قبل اليوم
وأعجبتنى
اعماله
فنتويت عمل
التدوينة هذه وقد كان.

norahaty يقول...

سهيل ولى الدين علام
شكراً لحضرتك
ولكلماتك الجميـلة
وارجو ان اكون جديرة بها

norahaty يقول...

salwaa
الشكــر لله
سبحانه وتعالى
نورتنا ياسلوى.

norahaty يقول...

Karim
ايطاليا!وماله
ايدى على كتفك
اعمل رحلة سهلة
زى دى وأحنا نروح
كلنا معاك:)

norahaty يقول...

لورنس العرب
لاعبين الكورة !
متفكرنيش ياأستاذ
معتز بهم خلاص كل الاولاد
عايزين طلعوا زيهم من
الدعاية اللى عليهم:(

norahaty يقول...

مـــها الغالية
ليه بس!دا الجو جميل
ياريت يــــفضل
كده على طول:)

norahaty يقول...

أحمد ابو العلا
ايوة يافـنـدم
اصل التعليقــات
كانت مقفولة فيهم
(فن تمنه الحقيقي
اعجاب الناس بيه)
صح كلامك اوى يااستاذ
احمد .

norahaty يقول...

واحد من العمال
شكراًلكلامك
ومش بس النت
الدنيا كلها فيها
الجيد والردىء والعاقل
من يحسن الأختيار.

norahaty يقول...

لولا وزهـراء
ولسه ياما حتعرفى
ناس وحاجات ومحتاجات
يالولا مع الأيام.انا بقى
لوحة سيدتى الجميلة فكرتنى
بنادية لطفى زمان وكأنها هى
مش عارفة ليه يمكن الشبه!

micheal يقول...

بعشق اللوحات اللي يكون فيها تعبير واللي تخليني أسرح في معناها لدرجة أحس أنها بتنطق وده ينطبق على أغلب لوحاته اللي شفتها
شكرا للبوست الجميل
تحياتي

norahaty يقول...

لولا وزهـراء
وصباح النور يازهرة
منورانى دايماً أنت ولولا.
أما اللوحة فهى جميلة
وتمثل فى رأيى بــداية
(طريق طويل)للمعرفة
والعلم .

norahaty يقول...

اللؤلؤة
وعليكم السلام ورحمة
الله تعالى وبركاته
التغير حلو
مش كده:)

norahaty يقول...

اللؤلؤة
وعليكم السلام ورحمة
الله تعـالى وبركاته
كلامك مضبوط وكأن
مسئولى الاعـــلام
متخصصين فقـط فى
الفن الهــــابط:(

norahaty يقول...

اللؤلؤة
وعليكم السلام ورحمة
الله تعالى وبركـاته
الى أن يقضى الله
امراً كان مفعولا
ويرسل من يُقظنا
من غفلتنا:يارب.
شرفنى مرورك وكلامك
ياأستاذنا وحمدلله
على السلامة

norahaty يقول...

blu -wave
فعلاً حلوة

norahaty يقول...

Dr Ibrahim
ايوة اصلها
رحلة مجانية:)

norahaty يقول...

أم مـالك
وأنتِ بالف خير
يارب .ربنا يكتب لك
تمام الشفاءأنتِ وكل مريض
يـــــــــــــــــارب.

norahaty يقول...

عـاشقة القمر
حاضر عــيونى:)
أنا بس منتظرة
الوقت المنـاسب
لانك لسه منزله
موضوعك وبالتالى
لازم اترك فترة كده
حتى لا يمّل المدونين:)

norahaty يقول...

همس الأحبــاب
وأنت بالف صحـة
وسلامة ياأبو همس وشابى
ومبسوطة أن الرحلة أعجبتك.

norahaty يقول...

خواطر شـابة
الشكر لله اولاً
ثم للأستاذ على
أنه عرفنا على
انتاجه وشغله.
نورتينا بوجودك.

norahaty يقول...

ياريح هدى
وعليكم السلام ورحمة
الله تعالى وبركاته
أهلاً أهلاً بصاحب الحفل
أحنا اللى متشكريين
لحضرتك على إطلاعنـا
وأمتاعنا بهذا الفن
شكراً لك استاذ على.

norahaty يقول...

أ/أحمـد عبد المنعم
يخيل الىً أن قرأءة
اللوحات الفنية
أنطباع أولاً واحساس
ُثم بعد ذلك تعليم ودراسة
مثل الغناء أو التمثيل
أو أى فن أخر: موهبة
اولاً ثم دراسة.
وشكراً للتذكير
شرفتنا أستاذ أحمد.

ضكتور جدا يقول...

السلام عليكم

لوحات جميلة

وشكرا على الرحلة الحلوة

تحياتي

norahaty يقول...

ഒരു നുറുങ്ങ്
وعليكم السلام ورحمة
الله تعالى وبركاته
الله يبارك فيك ولك
سررت غاية السرور
بزيارتك وتعليقك
كنت اتسأل من يزورونى من
الهند كل اليوم واليوم عرفت
فأهلاً وسهلاً بك وارجو ان تجيد
العربية أو الأنجليزية حتى
يتم التواصل بين عدد
اكبر من المدونات .
and welcome to
norahaty blogspot:)

norahaty يقول...

Angel
صباح الفل والورد
بجميع الوانه واشكاله
فعلاً كلامك مضبوط جداً
فنان موهوب اوى
اجرة التذاكر
عليا ذهاب فقط
أما العودة فعليكِ:)
مووووووووووووووووافقة:)

norahaty يقول...

ahmed_K
ودى كانت أول
لوحـة له شفتها
وعجبتنى جداً وخلتنى
اشوف باقى اللوحات
سعيدة بزيارتك يااستاذ
أحمد وحمدلله على السلامة.

norahaty يقول...

م/محمود فوزى
الحمد لله يافندم
أزيك أنت؟ يارب
تكون بخير .
أحترم وجهة نظرك
وقرأت تعليقــك
عند الفنان نفسه
جزاك الله خيراً
على غيرتـك
على ديننا
الحنيف.

norahaty يقول...

كلمـات من نور
وفيكِ يارب ويشفى
مرضانا جميعاً ونقعد
احنا معشر الأطباء
من غير شغل :)لكن
لأ نشتغل فى الوقاية:)

norahaty يقول...

أبو العريف
الحمد لله رب العالمين
فييييييييين دى الرحلة!
انا رحت جرى على مدونتك
مالقيت رحلة لا للسعودية
ولا للفيوم ولا حتى الاسكيمو:)
منتظرينك ترجع وتقولنا أمتى:)

norahaty يقول...

Tamer Nabil
وشكراً لك لمرورك
وتعليقك يااستاذ نبيل.

mohamed ghalia يقول...

حلوة الفكرة وجميلة اللوحات

norahaty يقول...

Lady E
اتبسطى :طيب:)
وياترى بترسمى ولا حب
من بعيد لبعيد لو لكِ
انتاج ورسومات وريها لنا
وأحنا نحكم :موهوبة ولا موهوبة برضه:))

norahaty يقول...

قلم دهـب
وجزاك الله أحسن
الجزاء أن شاء الله

norahaty يقول...

mhmdwahab
بالعكس المعنى وصل
وكذلك التعليق بأن
الانسان لا يعرف أين
ولا متى ولا كيف تكون
نهايته وعلى ذلك فلنتقى
الله ولنحفظ أنفسنا وكرامتنا
أحياء حتى تصان بعد رحيلنا.
(كدهـ انا فهمت المعنى ولا لأ؟)
وأجيب على تساؤلك فأقول
انها المنشة والعصا على
ما أعتقد كما أضيف لما
لا تسأل صاحب اللوحة نفسه
فهكذا أنت وأنا وكل من سيدخل
مدونته بالأجــــابة الأكيدة:)

norahaty يقول...

mhmdwahab
عُــُلم يافندم.

norahaty يقول...

micheal
الشكر لله اولاً
ثم للفنان ثانياً
ثم لك وللذواقة ثالثاً!

norahaty يقول...

ودائماً وابداً
الحمد لله رب العالمين

norahaty يقول...

ضكتور جداً
وعليكم السلام ورحمة
الله تعالى وبركـاته
مبسوطة انها أعجبتك.

norahaty يقول...

mohamed ghalia
ربنا يوفقك
يامحمد يارب.

د/ أحمد لاشين يقول...

معلش سؤال برئ جدا
براءة الذئب من دم ابن يعقوب
هي الدعاية دي ببلاش ؟؟؟
يعني قصدي لو صحيت في يوم ولقيت نفسي فنان هتنشري اعمالي الفنية مثلا :):):)
ربنا يكرمك يا دكتورة
لوحات بديعة حقا

محمد سعد القويري يقول...

الأخت الفاضلة :: norahaty ::
تحية طيبة

ورحلة ليبية

ماتعة

دمت بخير

momken يقول...

فنان فعلا ماشاء
احساسه عالىة اوى وافكاره عميقه


تسلم ايدك


تحياتى

الربان يقول...

تحياتي

ليس بغريب علي حضرتك ان تضيفي الي معلوماتنا...جزاكي الله خيرا.

ياريت بعض الاخوة الفنانين او ممن لهم مبول او هواية فنيه يعمل مدونة يوضح فيها معني الفن و اهميته للحياة...و ايضا كيف نقرأ لوحة او عمل فني...من حيث اجادة الفنان لاستخدام ادواته مثل الضوء و الالوان و نوعيتها...الخ

كان علي ايامنا بالمدرسة الثانوية ندرس مادة " التذوق الفني " اعتقد الان
الغيت هذه المادة....


تحياتي و تقديري لحضرتك و خالص الشكر لحضرتك لاسهماتك في التثقيف و الموضوعات الجادة .

م/محمود فوزى يقول...

السلام عليكم
جزاكم الله خيرا على متابعتك وكلامك الجميل
وهذا اقل ما يجب ان اقوم به
ربنا يسعدكم ويوفقكم دوما لما فيه الخير

well يقول...

لوحات جميلة ومحترمة فيها ابداع وفكرة

تحياتى

واحده من الناس يقول...

سالخير عليكو
بصى بقاانا بموووووووووت ف اى حاجه تخص الرسم وبجد عجبتنى جداااااااااا اللوحات دى
واضح جدا ان زوقك عالى اوى اوى
انا فرحانه انى جيت هنا وهجيلك تانى
:)

Sherif يقول...

فكرة جديدة ومبتكرة

هذا الرجل وغيره يثبت ان الفن لاارض له ولاجنسية

هو يحمل باسبور ينتمى فيه الى الانسانية كلها .. وكثيرا ما يرد على ذهنى سؤال .. لماذا لا يحكم الفنانون العالم

فهم عالاقل يحبون .. ولا يعرفون الكراهية لانهم لم يتعلموها

بنت مصرية يقول...

جميله جدا المدونة وحلوة قوي الرحلة
اتمنى رحلات كتير هنا
تحياتي

osama44 اسامه 44 يقول...

بجد حلوه
فنان بجد
اشكرك على اللوحات الجميله

اوراق قديمة يقول...

السلام عليكم ورحمة الله
اختى وصديقتى العزيزة الدكتورة نورا
اللوحات جميلة جدا وانا اعشق الرسم واللوحات واحب ات اتاملها واعيش بداخلها
شكرا على اختياراتك
والف الف شكر لسؤالك عنى فى مرضى ووقوفك جنبى وهكذا يكون الاصدقاء
سلمت من كل شر واسعد الله قلبك
ام محمد

المعلم محمد صاحب المطعم - طعمية سخنة يقول...

سلامو عليكم
ازيك يا دكتووووووورة
علي فكرة اخر تعليق لحضرتك عندي النجار كان صاحي اوي و نشر في ثانية التعليق و الرد
يلا ما علينا هههههه
عاجبني اوي انك بتحطي اعمال فنان تشكيلي و ساعات صور فوتغرافية تضحك

عاجبني حالة تنوع الصور و الحالات بجانب البوستات

بس بقولك ايه مفيش فلوس تمن الرحلة بتاعة ليبيا دي ؟ اصلي عاوز اروح اتفرج بنفسي

عجباني الصور كتيييييييير

تحياتي

norahaty يقول...

د/احمد لاشــين
ياسلام!من غير ما
استنى وتستنى أبعت
اللوحات أو فنـك
أياً كان نوعه وأنا
أنشره:عندى 4 بلكونات:)
ما تحملش هم انت بس:)
نورتنا يادكتور.

norahaty يقول...

أ/محمد سعد القويرى
على خيرة الله
والحمـــد لله
أنك سعدت
بالرحلة

norahaty يقول...

momken
صح الاستاذ على
الشويهيدى فنان
غالى وانا سعيدة
بمعرفة مدونـــته

norahaty يقول...

الربـان
فكرة عظيمة لو
نفذوها تبقى مكسب
لنا جميعاً: فن وعلم
نورتنا يافندم وحمد
لله على السلامــــة

norahaty يقول...

م/محمود فوزى
وعليكم السلام ورحمة
الله تعـالى وبركـاته
الشكر لله يافندم
انا ما قلت الا الحق.

norahaty يقول...

well
شكراً لكلامك
ولذوقك ياويل
نورتنــــــــا

norahaty يقول...

واحدة من الناس
مساء النور عليكِ
نورتنى ونورتى المدونة
وياريت تنورينا على طول.

norahaty يقول...

Sherif
بالضبط الموسيقى
والرسم والرياضة
وحاجات حلوة كتير
ممكن كتير من الناس
بيستمتعوا بها بنفس القدر.
فكرتك هايلة ياأستاذ شريف
بس للأسف مين اللى حيمكنهم
من هذا ؟؟

norahaty يقول...

بنت مصرية
متشكرة أن المدونة
عجبتك واتمنى تنورينا دايماً

norahaty يقول...

أسامـة 44
الحمد لله أنها عجبتك
ومتشكرة لذوقـك

norahaty يقول...

اوراق قديمة
وعليكم السلام ورحمة
الله تعالى وبركاتـه
حمدلله على سلامتك
الف مرة ويارب
يعطيكِ الصحة والقوة.

norahaty يقول...

المعلم محمد صاحب
المطعم هنا
يامرحبا يامرحبا
نوررررررررررتنا
يامعلم وأنت بس
تعالى دايماً وانت
حتلاقى الجديد
والجميل
والمفيد
إن شاء الله
وبعدين فلوس ايه
بس :اقولك أدفع انت
وانا ابقى اسدد على راحتى:)

شفـقــة و إحســــان يقول...

حلوة اوى جدا جدا بجد اللوحات معبرة جدا
ميرسى على اختياراتك للفن الراقى

Lady E يقول...

حب من بعيد لبعيد وحب من غير امل كمان :) بحب الرسم جدا بس مش بعرف ارسم

موضوع الموهبة في الكتاب اللي بكتبه ان شاء الله
وناوية ابعت لحضرتك نسخة من مواضيعه ع الايميل علشان تقولي لي رأيك لأن رأيك قيم ويهمني جدا:)

نهر الحب يقول...

بجد رحلة جميلة
تسلم الايادى ويسلم ذوقك يا نور
ميرسى لكى جدا

Angel يقول...


صباح الخيييييييير
أنا قلت اجي اصبح واسلم

يارب تكوني بخير

استعدي بقى عشان أنا قريب هنزل تاج عندي وهدبسك فيه D:


Angel love


norahaty يقول...

شفقة هـانم
وإحسان بـك
يامرحبا يامرحبا
مرسى لكم أنتم وللأستاذ
على الشويهيدى اللى سمح
لنا برؤية هذه الرسوم الجميلة

norahaty يقول...

Lady
زى بالضبط:)لما كان
يطلب منى موضوع للرسم
زمان وفيه اشخاص كنت ارسمهم
روووووووس بس :)يعنى دواير
دواير وخلاص.وانا فى انتظار
المسودة والكتاب(رأيك هذا
أعتز به جداً:فرحتينى)

norahaty يقول...

نــهر الحب
يسلم ذوقك أنتِ
وقلبك الطيب يارب

norahaty يقول...

Angel
يسعد صباحك
وأيامك كلها
وأنا بالانتظار
ياحبيبتى بسرررعة:)

المعلم محمد صاحب المطعم - طعمية سخنة يقول...

لا مفيناش من كده
انا عاوز فلوس
و لو عاوزة انتي بعدين ابقي اسددلك انا
هههه

norahaty يقول...

المعلم محمد صاحب المطعم
أممممممم طب وبعدين
فى المشكلة دى
يامعلمى
اقولك شوف لنا
حد أبن حلال يسلفنا
أحنا الأتنين ولك وله الشكر:)

z!zOoOo يقول...

السلام عليكم

ازيك يا دكتوره

يارب تكوني بخير

شكرا علي الرحله الجميله ديه

بس انا بقول خلينا في بلدنا أحسن

كفيانا بهدله

حتي ودينا جنينه الحيوانات احسن من بره البلد

D:

من خرج من داره اتقل مقداره

D:

يارب تكوني بخير دايما

وتمتعينا برحلاتك يا دكتوره

تحياتي

norahaty يقول...

z!zOoOo
وعليكم السلام ورحمة
الله تعالى وبركاتــه
أنا بخير والحمد لله
كيف حالك أنت؟
طيب ليه بس!
دول بيقولوا
فى السفر سبـع
فوائد ومقدارنا
وقيمتنا وهيبتنا محفوظة
والحمدلله مش هزيمة فى ماتش أو
مانشيت فى جريدة هو اللى حيقلل
قيمتنا ابداً.نورتنى يازيزو
وطمنا عليك دايما ما
تغبش كتيرررررررر.