الثلاثاء، ديسمبر 08، 2009

أنــا عندى مشكلة ترررم وحاجـات تانية كمان

بأختصـــــــــار

علشان الدنيا برد

وكمان بدرى

والناس مش فاضية
ومفيش وقت عندكم
المشكلة هى ان تعليقاتى وتعليقات ناس تانين كمان
بتُحذف من مدونات السادة المدونين

الجيران وجيران الجيران كمان
فى الاول لاحظت ان بعض المدونين ما بيردوش عليا
وخاصة اللى عاملين كومنت مودريشين
الحقيقة صعبت عليا روحى اوىىىى
لكن قلت يااااااابت يابت معلش
لحد امبارح أو أول أمبارح
لمّا زميل فاضل بعت يسألنى
أنتِ حذفتى تعليقك ليه من عندى؟
وطبعاً أأأأأأأنا لا حذفت ولا عملت حاجة
ولو كنت حذفت كان حيبقى مكتوب

(حُذف بواسطةالمؤلف)

صح كده؟
هنا بقى

ابتدى فرفوررر

يلعب فى نفوخى
وقعدت دورت فى كام

مدونة عزيزة

عليا
لقيت الحكاية دى حصلت فى كذا مدونة
ولقيت كمان أنى مش التعليق
بتاعى بس
لأ فيه تعليق لحد تانى أتحذف عند مدونة عارفاها كويس
بمعنى عارفة مين اللى علق ومين ما علق
فهل ياترى حد يعرف ايه السبب؟
وايه العلاج؟

دى المشكلة
أما
الحاجات التانية
فكنت عايزة

أعرف لو سمحتم
أزاى أعمل

رابط


لموضوع ليا عند مدونة تانية

(سواء صديقة أو غير صديقة)
وكمان وبالمرة فهمونى

(ربنا يخليكوا يارب )
ازاى مدونة بقى لها
تسعةأشهر أو أكثر مقفولة

أوبالأصح

ماوضع فيها موضوع جديد

ومع ذلك تلاقى العداد بتاع

المدونةعامل 100زائر يومياً
كيفففففففففف؟

أخر حاجة بقى

جابوا كابل للجهاز اللى بالفرع

يعنى من النهاردة

حنروح الهرم

وبس


ومش حنروح مدينة نصر

دا انا شفت الويل فى الكام مرة اللى رحتهم

وكمان شفت العجب من سواقين التاكسى

والميكروباصازززززات

ابقى أحكى عنهم بعدين لكن المهم

الحمد لله

من النهاردة حنرررررررروح الهررررررررررم

تررررررم ترررررررررم

ترررررررم


هناك 82 تعليقًا:

norahaty يقول...

اللهم ستـــرك
يارب العالمين

خواطر شابة يقول...

بداية تحية طيبة
تانيا أدخلي لمدونة قلم رصاص كاتب تدوينة جميلة عن هذا الموضوع وعارض مساعدته لمن يرغب
يالله يابخث من وفق راسين في الحلال هههه
تحياتي لك

لولا وزهراء يقول...

القمر نورا
هى فعلا مشكله بس للاسف مش لاقيه لها اى حل او يمكن لانى لسه جديده فى عالم التدوين
على العموم انتى مش تزعلى لعله خير
انتى اى حرف تكتبيه بيكون شرف على اى مدونه
والله الكلام ده مش مجالمه ده من اعماق اعماق قلبى
ومبروووووووووووك انك هترجعى تانى الهرم ربنا يوفقك ويكتب لكى الخير والسعاده والتوفيق

زهراء

عاشقة القمر يقول...

انا حصلت مع كثير بس ساعدني فيها همس الاحباب انا دايما مغلبوها معاي كثير
بجد انا مش عارفه شكروا زي كلمة شكرا مش بتكفي له

اللؤلؤة يقول...

د/ نور
السلام عليكم
للأسف لم أسمع عن هذه
المشكلة من قبل
ولذلك لا أجد لها حلا@
وميروووك إنتقالكم إلى الهرم
خالص تقديرى

Dr Ibrahim يقول...

أولا يا دكتورة لو سمحت شيلى الموسيقى اللى فى المدونة لاننا بتعصب لأان كل شوية بتتحمل ومبعرفش ادخل المدونة الا من الريدر أقرأ واجى بسرعة اضغط على ارسل تعليق قبل ما تحمل الاغنيات دى أو الموسيقىا او الاناشيد الله أعلم حضرتك حاطة ايه

المهم
معرفش ايه ا لمشكلة بتاعت التعليقات دى
الى الان مواجهتهاش الحمد لله

ثانيا ازاى تحط لينك فى تعليق بطريقة ظريفة ولا ازاى
لو كان زى دا
موضوع إنفلونزا الخنازيرمن هنا
يبقى حضرتك هبعتها على الميل لانها كود مينفعش يتكتب هنا لانها هتتحول علطول وتبقى زى ما حضرتك شايفاها

ثالثاً مدونة مبيتكتبش فيها مواضيع والزوار بيزيدي إيه المشكلة
هو المدونة مفتوحة للمدونين بس لا طبعا
مش فيه حد لو بحث عن كلمة فى جوجل مش ممكن المدونة تطلعله
أهو هو كده انا مثلا عدد الزوار عندى طبقا لأخر الإحصائيات
60 % بيأتى من تحويل من مواقع تانية
زى البلوجرز والفيس بوك ومواضيع منشورة فى جروبى على ا لياهو غير المنتديات

20% من محركات البحث كجوجل والياهو

20% ناس بتزور المدونة دايماً مباشرة

يعنى مش المدونين اللى بيدخلوا بس
وهكذا يعنى المدون الذكى بيكتب مواضيع يتبحث عليها وتيجى فى محركات البحث والناس تتداولها والناس طلباها

أى خدمات تانية
فى رعاية الله

فكرة من الزمن ده يقول...

ازيك ادكتر وحشتيني
واستريحت اوي اوي اوي
لما عرفت اعلق في اول بوست
لاني كان بجيلي احباط اوي
لما اجي اعلق ومالقيش قول وماتجرحش عشان اكليك عليها
وافضل ادور في بوست قديم لما انام وانا قاعدة
بس الحمدلله انك رجعتي تصدقي كنت حاسة انك غايبة عننا
اما موضوع حذف التعليقات فحقيقي مش عارفة
لكن اناعندي مشكلة تانية اني بلاقي عندي مكتوب مثلا عدد التعليقات 5 افتح اقرا الاقيهم 4 فقط
تفتكري يكون حد حذف تعليق قبل ما ادخل
تصوري ممكن
والله لسة واحدة بالي
هههههههههه

بالتوفيق دايما ياجميل
تحياتي

Dr Ibrahim يقول...

ومثلا المدونة الطبية محدش بيدخلها من المدونين خالص
إلا إن عدد الزوار يوميا لا يقل عن 80 زائر و60 % من محركات البحث
مثلا يعنى

عمــود نــور يقول...

فعلا حاجه تضايق ان حد يشيل تعليقى يبقى اكرملى انى مادخلش مجدونتة تانى
بس هل انتى تعلقاتك قوية؟؟ او تضايق ؟

ثانيا انتى رايحه فين ف الهرم هههههههههه انا ساكن هناااك ههههههههههه يبقى جران

Angel يقول...


مساء الخير
أزيك يا نوره

بصي يا حبيبتي بالنسبة للتعليقات اللي بتتحذف بالطريقة اللي بتقولي عليها دي
يبقى الشخص صاحب المدونة ده في حد عارف الباسوورد بتاعه واحتمال يكون شخص متمكن وبيعملها مع مدونين كتير والله أعلم

المشكلة التانية اللي هي العداد بيقرأ عداد زوار وهي مقفله أصلا العدادات مش بتقرأ بطريقة سليمة 100%
وكمان ممكن ادخل المدونة دي عن طريق النسخة المخبأة ودي ليها طرق
بس مفيش قلق ولا حاجة لأن العدد ده بيبقى مش صحيح أحياناً لأن أحيانا بدخل مدونتي ويكتبلي الأون لاين ناو صفر ومش بيحسبني وبيجيب لي دول كده غريبة أحيانا

حكاية بقى الهرم ومدينة نصر أنا مش فاهمة الموضوع وحياتك
(:

دمت بكل ود وحب واحترام

Angel love

Angel يقول...


اه صحيح بالنسبة لــ ازاي تعملي لينك عند موضوعات صحباتك

في صفحة البوست نفسها في الأخر بتلاقي مكتوب روابط الرسالة دوسي عليها وتحطي اللينك اللي انتي حابه تحطيه بس على فكرة في ناس بتلغي اظاهر روابط الرسالة من إعدادات البلوجر

تركي الغامدي يقول...

المكرمة نور ... مع حفظ الألقاب يادكتوره ... أحياناً أجد نفسي أمام تلك المقول الشهيرة : قل كلمتك وامضي ... ولايعنيني أن يُنشر التعليق من عدمه ... أما بالنسبة لملحوظاتك فيما يتعلق بعالم التدوين ... فتأكدي أن ماينفع الناس يبقى ، ولهذا تتعدد أهداف المدونين ، ومدى جديتهم من عدمهم !
دمت بخير ، وريحي دماغك فالجيد يفرض نفسه والمحبه من الله تعالى على كل حال جعلنا الله تعالى جميعاً من أحبابه وأحباب خلقه ... اللهم آمين

essam يقول...

اللهم سترك يا رب

حاجه عجيبة يا دكتور
مش عارف السبب بس ممكن يغيري الباسوورد بتاعك يمكن يكون حد قدر يهاك عليه

جربي

كفانا الله شر الدليت و جعلك متواصلة معنا دائما

كل سنه و انت طيبة طبعا بعد لما اللحمه حلصت

تحياتي

لولا وزهراء يقول...

دكتوره نورااااااااااا
اكيد فيه خلل فى حاجه هى ايه بقى الله اعلى واعلم
بس انا كمان نفسى اعرف السبب يمكن يكون فى زعل بينك وبين الانترنت وقال يحذف الردود بتاعتك :D
ربنا يسهل ونعرف السبب الغريب العجيب ده ايه

لولا

soly88 يقول...

أزيك عامله أيه
واشكرك جدا على اهتمامك

م/محمود فوزى يقول...

السلام عليكم
ازيك يادكتوره
ربنا يبعد عنكي المشاكل

بصراحه موضوع حذف التعليقات ده غريب بالنسبه لى
مش عارف بالظبط فيه ايه
ممكن يكون فيه هاكر او حاجه زي كده مش عارف
حاولى تغيرى كلمه السر بتاعتك وربنا المستعان

اما المدونه اللى مفيهاش موضوع جديد وعدادها بيزيد فده ممكن يكون فيه حد بيفتحها كذا مره سواء من صاحبها او حد عايز يشوف المدونه ومتابعها قوي ومنتظر
والاحتمال التانى ضعيف
او ممكن يكون فيه لعبه معينه بتتلعب فى العداد
برضه بصراحه انا معرفش لانى اصلا مش باحط العداد عندي فى مدونة ليا
وربنا يستر ماحدش ياخدنى مخالفه

الف مبروك على النقل
واضح ان الهرم بالنسبه لك اقرب بكتير
ربنا يسهل لك كل خير
اما المكروباصات دي فدي لها قصص كتير جدا عند اغلب المصريين واسالى مجرب
ربنا يصلح الاحوال
معلش طولت عليكي

Asmaa Fathi يقول...

ياااااااااااااااه دي مشكلة بجد

اعرفي وقوليلي تحسبا لحاجة زي كده اوكشن

وربنا يبعد عنا مشاكل التدوين

تحياتي

موناليزا يقول...

بالنسبة لمشكلة حذف التعليقات حصلت برضه فى مدونتى
لقيت انى رديت على ناس تعليقهم معادتش موجود أصلا:)
ولذلك عايزين نعرف برضه ايه اللى بيحصل وليه

اما عن ترك رابط فى المدونة بصى ياستى
يا إما تعملى على العنوان اللى انتى عايزاه كوبى وباست
يا اما فيه طريقة وانتى بتكتبى الموضوع اصلا هتلاقى جنب حجم الخط والالوان حاجة كده مربعة لونها أخضر لما تضغطى عليه ممكن تحطى جواها الرابط اللى انت عايزاه بس قبلها تبقى كاتبة الجملة فى الموضوع ومعلمة عليها وهى هتتعمل رابط على طول
بصى لمزيد من الشرح المفصل نوارة صاحبة مدونة فن الجمال كانت شرحهالى عندها فى موضوع بس انا مش معايا رابط الموضوع ممن تدخلى عندها وتدورى فى المواضيع القديمة من شهرين تلاتة تقريبا

donya يقول...

مساء الخير
مشكلت التعليق حصلت لي كتير جدا
لكن علشان التعليق يتشال للأبد من مدونت حد لازم يكون صاحب المدونه نفسه هو اللي شالها مش المعلق
وده زعلني جدا
علشان بكده يبقي صاحب المدونه هو اللي شال تعليقي
لكن في ساعات التعليق مابيتنشرش اصلا
بيحصل غلط في النت
فلازم لما تنشري تعليق تتأكدي انه اتنشر
لكن لو عامل موديريشن مش هتعرفي

اما الباقي الاخوه المدونين جاوبه عليه

ومبروك النقل

تحياتي

راجى يقول...

نفسى اعرف ايه حكاية الهرم دى؟
:))))

غير معرف يقول...

ازيك يا دكتورة نور
حمدا لله علي سلامة الوصول للهرم
عقبالي انا كمان




تامر

الشعب لابد له من حكومه تشكمه يقول...

بلوجر كله مهيس من فتره مش فاهمه ليه.
انا باه بسيب كومنتات عند حد تمام واهى بلاقيها منشوره عاادى جدا,بعد يومين الاقيها اختفت:)

norahaty يقول...

خواطر شـابة
كتر خيرك وخير قلم
دهب على سعيه خيراً
حالاً اشوف التدوينة
وشكرررررررررررررراً

norahaty يقول...

لولا وزهرة
الله يبارك فيكِ
وعليكِ دايمـــــا
دا بس من ذوقك
يازهــــــــــــــــراء
ربنا يديم المعروف بيننا.

norahaty يقول...

عاشـقة القمـر
وأنا بشكره معـاكِ
أستاذ خالد همس الأحباب
أنسان يستاهل الشكر فعلاً.

norahaty يقول...

اللؤلؤة
وعليكم السلام ورحمة
الله تعالى وبركاتــه
الله يبارك فى حضرتك
يارب.متشكرة لك.

اقصوصه يقول...

وديني وياج

يعني خديني معاكي :)

norahaty يقول...

Dr.Ibrahim
ايووووووووووة
خلينا فى المهم:)
المشكلة ان ممكن تعليق
زى تعليق حضرتك دا ممكن
يتشال من هنا أو من أى
مدونة أخرى من غير ما تكون
حضرتك ولا صاحب المدونة لكم
دخل بهذا :عرفت قصدى بقى:)
وشكراً وصلنى الكود ووصلنى الرد
برضه متشكرة لحضرتك .حضرتك
بتكتب جديد دايماً وكمان حاطط
روابط لكتب للتحميل وأناشيد
وكده بمعنى حاجات ممكن يدخل لها
جمهور كثير لكن المدونة اللى
قصدى عليها ليس بها شىءالا
تدوينات عادية !

norahaty يقول...

فكـرة من الزمن دهـ
الله يسلمك بعد الشر
عنك من الأحباط يارب
دانا اعمل تدوينة
للتعليقات وبس لأجل
ما تناميش ياحبيبتى
وأنتِ زعلانة هو أحنا
عندنا كام فكرة ياغالية:)
واللى بيحصل عندك حصل عندى
وحياتك بس ما حبتش أطول عليكم
وأعتقد زى الاصحاب ما بيقولوا
بلوجر(مبسوط)شوووووووية:)
ومتشكرة يافكرة لحضورك.

norahaty يقول...

Dr Ibrahim
أفادكم الله بس ارجع
أقولك لأن فيها مواضيع
كلاسكية بمعنى فعلاً محركات
البحث تيجى علشان كلمة
(جروح)مثلاً او أنفلونزا
أو (زكام)صح؟

norahaty يقول...

عمـود نـور
ماهو المشكلة أن محدش
شال التعليق:هو اتشال
من نفســه!!عجيبة صح؟
رايحة اول الهرم أنت
ساكن هنــــاك؟:)

norahaty يقول...

Angel
صباح الفل ياسُكرة
حكاية الهرم:هى دورة
تدريبية اترشحت لها
على اساس انها فى الهرم
لكن أتضح بعد هذا
انها فى أخر مدين نصر :(
بالنسبة لى سفررررررررر
لكن الحمد لله أنا كتبتها
فى تدوينة سابقة بعنوان
أنا أتبعت ياجماعة)

norahaty يقول...

Angle
مرة عملت كده
لقيت الموضوع بتاع
الصديق أتنشر عندى!!
مش عارفة أزاى؟؟

norahaty يقول...

أستاذ تركى الغامدى
اللهم آمين يارب العالمين
لكل دعواتك الطيبة وحاااضر
أحاول اريح دماغى واعمل
بالنصيحة الطيبة دى.

norahaty يقول...

essam
اللهم آمين
يـارب العالمين
لأ لسه عندنا:أبعت
لك (حتة مخصوصـة:):)؟.

norahaty يقول...

لولا وزهـراء
بالعكس يا لولا دا بلوجر
(مبسوط)شووووووووووووووية
ومهيس على الأخر دليل
أنه ماشى على مزاجه
يحذف ويرجع !!
أخر أنبساط:)

norahaty يقول...

solly88
الحمد لله أنا بخير.
يارب تكونوا أنتم بخير
على طول .ربنا يوفقكم.

norahaty يقول...

م/ محمود فوزى
وعليكم السلام ورحمة
الله تعالى وبركــاته
ربنا يبعد عنك وعننا
كلنا يارب شر الهــاكر
و(الهاكررررررررررين)
المكرووووباصات دول
حبايبى :(:(:(:(:(
هو أنا أقدر ازعلهم
بس تصدق ياباشمهندس
رجعونى لأيام وذكريات
مرة(من المرار والمرارة بعيد عنك)
ايام الكلية الحمد لله أهى خلصت
اشكرك يارب اشكرك يارب
اشكررررررررررررررك يارب

norahaty يقول...

Asma Fathi
ماشى حاضـر:)
حنعرف كلنا مع بعض:)

norahaty يقول...

موناليزا
ارتحت انا يامونى
لتفسير أن بلوجر
بعافية ومبسوط شوية
ومتشكرة لذوقك حأشوف
حاضر التدوينة اللى
قصدك عليها جزاكِ
الله خيراً

norahaty يقول...

donya
صباح الفـل
الله يبارك فيكِ
ومش صاحب المدونة
اللى شال التعليق
ده انا متأكـــدة
منــه لأنه متجاوب
عليه فليه يكتب على
تعليق هو أو هى حذفته!

norahaty يقول...

أستاذ راجى
الموضوع موجود فى
التدوينة دى
أنا أتبعت ياجماعة)

norahaty يقول...

أستاذ تامر
انت فين مــن
زماااااااااان؟
أنت كمان عايز
تـــروح الهرم؟
ربنا ييسرك
لك الأمور

norahaty يقول...

الشعب لابد له من حكومة تشكمه
بالظبط دا اللى حصل
واللى على اساسه
المدون سألنى ليه
انا حذفت
التعليق
وأنا طبعاً لا حذفت
حاجة ولا محتاجة:بررررريئة:)

norahaty يقول...

أقــصوصة
ماشى تعالى:)

كلمات من نور يقول...

نـــورهاتي

مبروك الانتقال إلى الهرم بدلا من سفرك لمدينة نصر..

وفعلا المدونات احنا محتاجين فيها دروس خصوصية..بس تعرفي طبعا أستاذتي أم البنات دايما تحل لي مشكلات المدونة بتاعتي حسب عليها عفاريت كل فترة الاقي حاجات غريبة كده فاقول لها الحقيني وتدخل تقولي ايه العفاريت اللي كانت في المدونة دي؟؟؟؟؟؟؟؟؟؟

المهم من فترة أنا كنت على اليوتيوب بادور على حاجه ولقيتهم حاطين ملفات كتير قوي للبوج وازاي تعملي المدونة وازاي وازاي..حاحاول افتكر الرابط عندي موجود لسه والا بخ مع الكمبيوتر لما مات من اسبوع ..بس انتي جربي ولو وصلتي لحلول ياريت نحطها ولو في مدونة نجمع فيها مشاكل المدونات العامة..خالص تحياتي

د/ أحمد لاشين يقول...

السلام عليكم
كده عرفت ليه صعبان عليكي حالنا
اكيد عشان صعبان عليكي اننا بندون ومحدش بيعبرنا
ولما حضرتك علقتي عند الناس ومحدش رد صعب عليكي حالك :):):):)
والله صعبان علي حالنا
ربنا يعينك يادكتورة
ويوفقك لكل خير
ومبروك الانقال من هناك الي هناك
واعتقد التعليقات كافية في نطاق اسئلة حضرتك
ربنا يكرمك وييسرلك
ومتنسيش ان لي 4 بلكونات كده عند حضرتك
وايجارهم هآخده اخر الشهر :):):)

صيدلانيه طالعه نازله يقول...

ازيك يا نور كل سنه و انتى طيبه
موضوع التعليقات ده حصل مره او اتنين معايا بس ملفتش نظرى انه يكون عمل مدبر و بفعل فاعل
اصل انا مليش فى التكنيك قوىو بالتالى مش حاقدر افيدك فى السؤال التانى برضه

mhmdwahab يقول...

اية رايك بدل ما تروحى الهر م انا يشرفنى حضورك الى المبروكة وبعيد عن زحمة الهرم سواء فيصل او شارع الهرم
ادعوكم لزيارتى فى بيتى بمدينة المبروكة عاصمة مصر الجديدة
http://mabroukaa.blogspot.com

أبو العريف يقول...

ازيك يا دكتوره

والله موضوع التعليقات ده مابخدش بالي منه

لاني بقالي فتره مقصر مع كل البشر

وبالتالي ياوب لو لحقت اعلق

مش بلحق اشوف الرد او حتي التعليق اتنشر ولا لا


بس فعلا البلوجر بيهيس اليومين دول جدااا

أ / أحمد عبد المنعم يقول...

بسم الله الرحمن الرحيم

الأخت الفاضلة / نورا

لم تقابلنى هذه المشكلة من قبل
لكن مقابلتك لها كأنها قد واجهتنى لذا سوف أبحث معك عن حل لها بإذن الله ولعلى أصل إلى شىءأفيدك به

هل الانتقال هو انتقال الأسرة إلى الهرم؟ ( هذا ما فهمته )

إن كان كذلك فمبارك البيت الجديد
ولابد من عزومتنا على عوزمة على شرف البيت الجديد.

osama44 اسامه 44 يقول...

اكرمك الله بجد مش عارف اقولك ايه
لازم نشوف حل ففى الموضوع ده
عمل فريق بحث مع معاودة الاتصال

z!zOoOo يقول...

علي فكره انا لسه معلق عندك النهارده ومش لاقي تعليقي

صحيح ياريت لو تعرفي حاجه عن دكتور ابراهيم برقش تطمنيني عليه عشان غيبته طالت قوي

او لو حد يعرفله نمره تليفون ياريت يقولي عليها

مصطفى أبوزيد يقول...


السلام عليكم

اولا كان نفسيي افيدك في موضوع اللينك بس انا جيت متأخر و الاخوه ما شاء الله قالولك كل الطرق اللي ممكن تعملي بيها اللينك

ثانيا موضوع الكومنتس اللي بتتحذف طالما ان مش مكتوب حذف بواسطة كذا يبقى مستحيل صاحب التعليق يكون هو اللي مسحه و لازم صاحب المدونه اللي يحذفه
اما لو صاحب المدونه محذفوش يبقى البلوجر بيخرف و ده وارد

ثالثا بقى دي اول زياره ليا لمدونتك حضرتك و ان شاء الله مش الاخيره

رابعا و انا عارف اني طولت عليكي
اكيد هقول سلامو عليكم

قلم رصاص يقول...


السلام عليكم
ورحمة الله وبركاته

ازيك يادكتورة نوره

معلهش اتأخرت في الرد على بوست حضرتك
بس ظروف بقى هنعمل ايه

بخصوص البوست فحضرتك حاطه ليستة بروبليم محتاجه كونسلتو هههههههههههههه

بس ماشاء الله بخصوص الأسئلة الاخوة والاخوات جابو كويس جدا اهه وانا استفدت برضه ..!

اما بخصوص الاستفسار الاهم وهو حذف التلعيقات .. فانا بارجح جدا ان أقوى ماهو اقرب للحقيقة هو ان موقع البلوجر فيه مشاكل فنيه جدا اليومين دول بسبب الضغظ الرهيب على سيرفرات الموقع خصوصا وان الخدمة المقدمة وهي التدوين مجانية وده بيدي سرعه انتشار رهيبة للخدمة وبالتالي الموقع اعبائه زادت عن المحتمل ..!

انا متوقع انهم يكونوا بيعملوا صيانه للسيرفرات وبيكبروا فيها عشان يقدروا يستمروا في تقديم الخدمه .. واظن جدا ان ده نتج عنه مشاكل مانحن بصددها دلوقتي.

طبعاالهاكينج وارد جدا ولكني استبعده مع التدوين .. لأن معظم القرصنة يستهدفون المواقع والمنتديات .

واي خدمة انا تحت امرك

في امان الله

norahaty يقول...

كلمات من نور
الله يبارك فيكِ
ياأم الابناء جزاكِ
الله أنتِ وأم البنـات
خيراًعلى المتابعة والمعاونة

norahaty يقول...

د/أحمـد لاشين
ده ممكن تقول سبب
اُضيف للأسباب اللى
مصعبنه علىّ حـالنا
وبعدين تعالى هنا :هو
أنت عايزنى ابيع (ملك الحكومة)!
اللى انا رايحة فيه دا ملك الحكومة
مكان شغل بس مش سكن:) لما الاقى سكن
جديد حأبقى اعطيك 6بلكونات مش
خمسة بس:) ومتشكرة لحضورك
ولتعليقك اللطيف :).

norahaty يقول...

صيدلانية طالعة نازلة
الحمد لله رب العالمين
أنت أزيك يازميلة
المهــن الطبيـــة؟
طيب ربنا يسهل
ويرزقنا أحنا
الاتنين حد
يقولنا
خليكِ متابعة.

norahaty يقول...

mhmdwahab
مرواحى الهرم مش
أختيارى دا أجبارى
زى ما رحت قبل كدا مدينة
نصر:شغل وعمل.أما المبروكة
فحاضر أجى اشوفها بس
معاك وسيلة انتقال
ولا حتدينى بدل:)

norahaty يقول...

أبو العريف
الحمد له ياباشمهندس
أنت أزيك؟ربنا يقويك
فى شغلك وفى غربتك كمان
وترجع لنا متابع زى
زمـــــــان.

norahaty يقول...

أ/أحمد عبد المنعم
كتر خيرك ربنا يخليك
اما الأنتقال فهذا
للعمل وليس السكن
ولك عندى عزومة كبيرة
اوووووووووووووووووووى
لو عزلت بس اعزل ازاى
والبيت ملكنا:)صعب!
ممكن حضرتك تقرأ
الموضوع بالتفصيل
هنــا

norahaty يقول...

اسامه 44
ربنا جميعاً
ياأسامة فى
بلوجر وفى
الدنيا كلها
-------------
لى سؤال ياأسامة
لو سمحت :فى صفحة
التعريف بك مكتوب
(اسامه ايو كريم)
هل فعلاً تقصد (ايو)
ولا (أبو ) كريم ؟

norahaty يقول...

z!zOoOo
ربنا يستر يازيزو
بس يمكن قصدك على
التعليق فى التدوينة
السابقة لأنك فعلاً واضع
تعليق فيها أمبارح
أما دكتور برقش
وللأسف ما اعرف
حاجة عنه
ربنا يسترها
عليه ويطمنا قريباً

norahaty يقول...

مصطفى أبو زيد
وعليكم السلام ورحمة
الله تعـالى وبركـاتـه
اولاً :حضورك كفاية:)
ثانياً:أحتمال كبير
موافقاك عليه جداً
ثالثاً:يحصل لىّ عظيم
السـرور يافندم.
رابعاً:خطأ خطأ خطأ!
حضرتك نورتنا وآنستنا
وعليكم السلام ورحمة
الله تعـــــــالى وبركـاته

norahaty يقول...

قـــلم دهــب
فعلاً كلامك مضبوط
أحتمال كبير جداً
وعلشان كده أنا
عملت نسخة أحتياطى
زى ما أنت قلت فى
تدوينتك الجديدة:
شرحهاممتاز حقيقى
متشكريين لك
مانتحرمــــــــش:)

د/ أحمد لاشين يقول...

ربنا يكرمك يا افندم
وبالطبع حضرتك انتقلتي الي مكان عمل
انا فهمتها وهي طايرة طبعا :)
بس في الموضوع السابق حضرتك وعدتي تنشري اعمالي الفنية المبتكرة التي لم يرها انس ولا جان قبل ذلك عندك في المدونة عملا بالمبدأ القانوني المساواة بالمثل والمبدأ الدستوري ان المواطنين سواء لا يفرق بينهم الطول او القصر والحاجات دي
يعني نشرتي اللوحات الفنية وقلتي ان عندك اربع بلكونات فأعتقد كنتي تقصدي انهم عندك في البيت
عشان تنشري اعمالي فيهم صح :):):)
فبأطالب بحقي الذي شهدت عليه البلوجر اذا :):):)
ربنا يكرمك ويسعدك

ذو الوجه المبتسم يقول...

السلام عليكم
ازيك يا دكتورة
كل سنة وانتى طيبة

مشكلة حذف تعليق ممكن تحصل بالفعل
قد يكون صاحب المدونة اللى علقتى فيها هو اللى حذفه ... لكن لو شخص اخر اللى بيحذف يبقي بصراحة ملهاش الا رد واحد
ان الشخص ده معندهوش ضمير

تحياتى لاختى الجميلة

micheal يقول...

ملاحظ فعلا موضوع التعليقات اللي بتختفي ده
كويس أنه محصلش معايا لحد الان هنا
:)
بخصوص اللينك فمش حعرف أفتي فيها
:)
تحياتي

العيسوى الصغير يقول...

مشكلة بس يا ترى
ممكن ايرو
مش عارف اما اللنك
فى الرد ولا التدوين
الرد انا حاولت باشكال كتير كانت النتيجة نص عادى اى كود مش شغال

ولكن فى التدوين بتظلل الجزء ونختار كلمة الارتباط ونكتب اللنك

norahaty يقول...

د/ أحمد لاشين
ويكرمك يادكتـور
أحمد يارب.وانا عند
وعدى حدد لى أعمالك
الفنية المبتكرة التى
لم يرها أنس ولا جــآن
وأنا أعمل لها تدوينة
خـاصة تليق بالمقـام.

norahaty يقول...

ذو الوجه المبتسم
وعليكم السلام ورحمة
الله تعالى وبركــاته
حمد لله على السلامة
أستاذ ولا أقول
ياحــاج ناجى
حج مبرور
وذنب مغفور
إن شـاء الله
حمدلله على السلامة.

norahaty يقول...

micheal
ربنا يستر
يامايكل كفاية
عليك الأنترفيوهـات
دى لوحدها تجيب الجنان!

norahaty يقول...

العيسوى الصغير
اللنك فى الرد الحمد
لله اتعلمته خلاص لو
بتحب أبعت الصيغة لك
أنا مستعدة:
جربها كذا مرة وهى حتوصل
لكن انا قصدى على عمل
رابط لموضوع ليا فى أخر أو على اخر
موضوع مدون اخر؟كلامى مش مفهوم
معلش:(.ومتشكرة لردك.

واحد من العمال يقول...

السلام عليكم

الرابط الملرفق به ماتريدين
http://ta3leem-khaled.blogspot.com/search/label/%D8%A7%D9%83%D9%88%D8%A7%D8%AF

وتجولى فى مواضيع أكواد حتعجبك قوى
وأنا تعلمت منها الكثير
أضافه رابط
شريط أخبار خاص
ومجموعه أكواد رائعه
وكل مايلزم المدون من أكواد
وهى مدونه تهتم بتطوير المدونات
------
أنا ممكن أتأخر فى الرد بس لازم أرد

ودمتِ بخير حال

د/ أحمد لاشين يقول...

يا دكتورة ربنا يعزك
اعمالي دي مجرد مفتاح اخد به 4 بلكونات
واسقع الارض وبعدين ابيعها زي البهوات اللي فوق
وفي الاخر مفيش اعمال ولا مشاريع
بس نضمن 4 بلكونات ينفعوا العيال لو جم من الاصل :):):)
عارفة طبعا قصة تاجر البندقية
انا كده تاجر البلكونات :):):)
يارب ما اكون ضيف تقيل عند حضرتك
بس ايجار البلكونات ممكن تضيفه عالرصيد بتاعي في البنك
بس ياريت بالدولار
يعني تفتكريني بدعوتين من حضرتك واكون شاكر وممنون

rovy يقول...

السلام عليكم اختى الحبيبه ..وحشااانى جداا
اعتذر لتأخرى فى ان أعيد عليكى و ده لعدم تواصلى الفتره السابقه لبعض الظروف التى ابعدتنى الايام السابقه فأرجو ان تعذرينى و كل عام وانتى بالف خير يارب و اتمنى ان تكون مشكلة الكومنت
عندك اتحلت و بالنسبة لسؤالك واضح انى جيت متأخر جداا واكيد فيه اخوه كثير جاوبوا عليه و الحمد لله انك مبسوطه دلوقت فى الهرم انا كمان مبسوطه علشانك :)
تحياتى و تقديرى لكى دوما

norahaty يقول...

واحـد من العمال
وعليكم السلام ورحمة
الله تعـالى وبركـاته
أنا شفت المدونة المقصودة
فعلاً جميلة وفيها حاجات ممتازة
جزاك اللهم خيراً انت تشرفنا
أى وقت دى مدونتك تنورها.

norahaty يقول...

د/أحمد لاشــين
ربنا يعز الأسلام
والمسلمين جميــــعاً
أقولك ايه أحسن من
التسقيع والبلكونات
الستر من رب العالميــن
والرضا من رب العالمين
لو فزت بالاتنين دول
يبقى فزت ونعم الفوز.

norahaty يقول...

rovy
وعليكم السلام ورحمة
الله تعالى وبركاتــه
حبيبتى أنتِ فى بالى دايما
دا انا اللى مفروض أعتذر
عن تقصيرى ربنا يحل لك كل
المشاكل ويبعد عنك المنغصات
ويخليلك البنات ويصلح شأنهن
يارب.الحمد لله الكومنتس
بترجع شوية وتغيب شوية
(بمزاجها)لكن كلام الزملاء
عن ممكن يكون فيه تحديث
وتجديد للسيرفرات ويكون
السبب فى اللخبطة دى
كل دا (طمنى شوية)
ربنا يطمنى عليكم
كلكم يـــارب.

norahaty يقول...

الحمد لله رب العالمين
والصلاة والسلام على
خـاتم المرسيلين سيدنا
محمد وآله وصحبه ومن
أهتدى بهديه الى يوم الدين

مجداوية يقول...

السلام عليكم
ألف مبروك انتقالك للهررررررم تررررم ترررم دي غير الهرم اللي في الجيزة ؟
:))))

لما تعرفي كل الاجابات للأسئلة اللي سألتيها ياريت تعرضيها لأني كمان نفسي أعرف ,, أما حكاية التعليقات أعتقد إنها عيب من البلوجر لأنها بتظهر وتختفي ثم تظهر ثم تختفي ثم ,,,على حسب

عرفتي بقى لما لفيتي بالميكروباظاااات الدنيا ظاااااايه ليه
:)

norahaty يقول...

مجداويــة
الله يبارك فيكِ
وعليكِ بأذن الله
وحاضر لما أعرف حأقول
ولو أنى ارجح فعلاً أحتمال
بيعمل صيانه للسيرفرات بتاعته
وربنا يسهــــــل