الجمعة، ديسمبر 11، 2009

......ومش عايزينهم يخافوا ......




ومش عايزينهم يخـــافوا !

ومش عايزنهم يقلقوا !

ويشّرعوا القوانين

ويعملوا الاستفتاءات

اللى بتدل على الخوف

من إسلامنا و منا

نحن البشر

المسلمين !

تحضرنى مقولة هنا لا أنساها

(والعهدة على من حكاها لى وانا صغيرة)

انه ابان العدوان الثلاثى على مصر

عرض شو أن لاى

رئيس وزراء الصين

على جمال عبد الناصر

أن يمده

بالعدد

الذى يريده من البشر

ليرصهم امام الدبابات والمدافع والطائرات

وفى النهاية

كل هذه الاسلحة ستنتهى

والذخيرة ستفنى

ولكن سيبقى بعض البشر

القادرين على رد العدوان

الأنسان

هومفتاح الحل لكل زمـان

====================

عارفة أن ناس كتير حيقولوا

(العدد فى الليمون )

بمعنى انها كثرة بغير فايدة !

لكن أقولكم

لأ

ولنا فى الصين أكبر مثال

نكتر ونتحسن

ايه المشكلة؟

(معظم أن لم يكن كل)

برامج تنظيم الأسرة ممولة

(من الخارج)

ياترى قدرت اوصل اللى عايزة أقوله؟

---------

هناك 77 تعليقًا:

اللؤلؤة يقول...

السلام عليكم
الصين إستطاعت أن تستفيد
جيداً من الثروة البشرية التى
لديها أما نحن فجعلناها علئاً علينا
خالص تقديرى

norahaty يقول...

أستاذنا اللؤلؤة
وعليكم السلام ورحمة
الله تعالى وبركاتـــه
كلامـك مضبوط
تحـضرنى كلمة شيخنا
الشعراوى رحمة الله
عليه: ليه نخاف من
زيادة النسل؟ليه
ما نرى فى كل مولود
جديد :فم واحد يأكل
وأيدين اتنين ينتجوا!

أحــوال الهـوي يقول...

الفساد يا دكتورة

الكبير بيسرق و يستثمر خارج مصر بالتالي مافيش فرص عمل تكفي و لا قوة دافعه للاستثمار في البلد

كل المشاريع استهلاكيه و ليست انتاجيه

قري سياحيه في الساحل ورؤوس اموال مجمده
الخ

تحياتي

blue-wave يقول...

ومين بس بيفكر يستفيد من الثروة البشريه الهائله اللى موجودة؟؟
ربنا يهدى

خواطر شابة يقول...

الان عددنا ليس قليل ومع ذلك انظري الى ترتيبنا بين الامم.
نعم هم خائفون ومرعوبون ليس من كثرثنا فنحن الان كغثاء السيل رعبهم هو من الاسلام كدين هم فهموا واستوعبوا مالم نستوعبه نحن فهموا انه مصدر قوة ورعبهم يزداد كلما أزداد عدد معتنقيه من مواطنيهم وهذا ما يحدث بكثرة ولله الحمد لي صديقة مغربية مقيمة في امريكا تقول لي انه في كل صلاة جمعة يكون هناك معتنقون جدد للاسلام هذا يا عزيزتي مايرعبهم لانحن فنحن يصدق علينا فعلا العدد في الليمون
تحياتي لك

osama44 اسامه 44 يقول...

انا معاكى
\ان موصوع تنظيم الاسره شغل اعداء الاسلام
للحد من كثرتهم
المهم الا ىنكون غثاء كغثاء السيل
اشكرك

norahaty يقول...

أحوال الهوى
والهوى أحوال
مضبوط رأيك ياأفندم
الصين ربنا بعت لهم
القادة المخلصين اللى
بيعملوا للبلد وليس
للكلام والهيصة المحلية!

norahaty يقول...

blue -wave
دول كمـــان
عايزين يموتوا
الموجودين خالص!

norahaty يقول...

خواطــر شابة
لمّا رئيس الوزراء
الصينى عرض انه
يبعت الناس
ليوقفوا
طوابير
كان عارف ومتأكد
انهم حيقفوا ليه؟لانهم
(أمنوا)بفكرة الثورة
الشيـوعية بتاعتهم وأخلصوا
لها: برضه ليه؟لانهم كانوا عارفين
انها لصالحهم وزعمائهم وصلوهم لأعتناقها كعقيدة ......
وأحنا عندنا الأسلام أحسن دين
ولكننا وللأسف نأخذ بقشورهـ.

norahaty يقول...

اسامه 44
ربنا يصلح شأننا
عدداً وكماً وكيفاً
ياأسامة يارب .

Angel يقول...


مساء الخير

عندك حق والله يا نوره
ودايما بابا لما بيتكلم في الموضوع ده يضرب لي الصين كمثال فعلاً

مش عارفه ليه بيحسسوني أن الكثافة السكانية ندنا هي سبب كل شيء سيء في البلد ومن ساعة ما مسكوا الحكم وهما خنقين الناس بتنظيم الأسرة

يارب هون

مش عارفه اقول ايه

Angel love

لولا وزهراء يقول...

احلى سلام على احلى دكتوره تورا فى الدنيا كلها
كلامك صح والله فعلا احنا ما شاء الله عددنا فى زياده بس ياترى العدد ده بيعمل ايه
ياترى فعلا الاسلام استفاد من العدد ده كله
تعالى نفكر بصوت عالى مع بعض هو احنا قدرنا اننا نستقيد من كل هذا العدد الهائل

تقبلى ارق امنياتى لكى بالسعاده

زهراء

د/ أحمد لاشين يقول...

لأ مقدرتيش توصلي
ومين هيخاف ؟؟؟
ومن مين ؟؟؟
ويُقضى الأمر حين تغيب تيْمٌ ولا يُستأمرون وهم حضور
العدد لم يكن يوما مقياسا للفوز في معركة
وتاريخنا شاهد ودليل
فالعيب ليس في كثرة العدد
كما ان العيب ليست في قلته
الصين الان تفرض ضريبة وغرامة لتقليل النسل
واليابان واسرائيل تشجع النسل
اعتقد انه موضوع هامشي
لا الزيادة تعنينا ولا النقصان يضرنا
المهم هو الكيف
بدلا من ان نتحدث عن تنظيم الاسرة او زيادة النسل فلنشغل انفسنا بما يفيد
وقد سمعت الشيخ القرضاوي يقول :"بمن سيباهي الرسول يوم القيامة ؟؟!! بعدد كغثاء السيل !!!!"
نقطة وحيدة في الموضوع تهمني وهي التأكيد علي ان الرزق بيد الله فلا الانجاب يفقر ولا التنظيم يغني

اسرائيل التي لا يتجاوز تعدادها تعداد القاهرة تنتج اكثر منا
والصين التي يبلغ سكان قرية من قراها تعداد سكاننا تنتج ما غزت العالم به

ننسي العدد ونتكلم في موضوع يهمنا احسن :):):)

وبعدين متخيلة ان امريكا او غيرها هيخاف من عددنا ؟؟؟
او صورة الحجيج والمصلين هتخوفهم ؟؟؟
بأمارة ايه ؟
بالعاطفة نتحدث
وبالعلم يخططون

Tamer Nabil يقول...

مشكلة المجتمع عندنا انة بيرمى سؤ الاحوال فى شتى ميادين الحياة على السكان وانهم كتار ولازم ننظم النسل عشان نحس بالتنمية والازدهار وهو ضحك على الدقون بجد

ما زى ما قولتى عدد سكان الصين ضعفنا كم مرة ورغم كدة شوفى هما اية واحنا اية

ربنا يهدى ويغير الحال فى نفوس الضعفاء

مع خالص تحياتى

norahaty يقول...

Angel
مساء النور حبيبتى
حجة واخترعوها ليرموا
عليها فشلهم كقادة
لأن التنمية هى
مسئوليتهم هم أولاً
وآمين لكل دعواتك.

norahaty يقول...

لولا وزهـراء
الله يخليكوا يارب
هذا من ذوقكم بجد
الاستفادة من هذا
العدد مسئولة
حكوماتنا اولا
والافراد ثانياً
هذا رأيى والله أعلم.
ونورتينى يازهرة بوجودك.

norahaty يقول...

د/أحمد لاشـين
حتى ولو بكثرةالعدد
فقط فهو مطلوب !
ايوة ليه لأ!
امريكا كلها
تخاف من أسامة بن لادن!
اليس كذلك؟أم هذا غير صحيح؟
الفكرة الصحيحة وأعتناقها
والعمل عليها.اسرائيل تأتيها
خلاصة عقول(يهود العالم) وأموالهم
ايضاً !اسرائيل ليست ال6مليون صهيونى فقط اسرائيل وراها لوبى يعمل لها
فى كل مكان ليس فى اسرائيل فقط
بل فى كل مكان من العـالم.
سؤالى هو :كيف أفلحت الصين
فى بث روح حب العمل والاخلاص فيه؟
وهل هى روح حب العمل فقط أم
الخوف من العقاب ايضاً والذى
يطبق على(الكبير والصغير)

norahaty يقول...

Tamer Nabil
صح! السكان مفروض
ثروة لو أستغلت
بشكل صحيح ووجهوا
لكل مناحى الحياة
ووضعت ثروات بلادهم
فى خدمة مصلحتهم فعلاً
كان حال بلادنا اتغيرت تماماً

غير معرف يقول...

السلام عليكم يا دكتورة نور
اهم ثراوتنا هي عقولنا
ودي الحاجة المغيبة فينا بفعل عوامل كتيرة ومن جهات كتير بدون ان انعفي نفسنا من مسئوليتها
هو فعلا الأنسان هو اكبر قيمة
الحكومة فعلا مسئولة والأفراد مقصرين
العدد ممكن ميزة وممكن عيب


تامر

غير معرف يقول...

الصين صعب اوي اننا نقارن نفسنا بيها
وانا مش مقتنع زي ما مدير شركة بيقولي انهم بيستغلوا المساجين فتبقئ التكلفة قليلة
اذا اخدنا العدد كمقياس
الصين تقارن بالهند
هنا فرق رغم ان الفترة اللي فاتت علي استحياء بدأ يتقال في الأسواق المنتج الهندي
ورغم انها داخلة وخصوصا علي القطاع التكنولوجي وبتحقق فيه نجاح من مؤشرات تصديرها للبرمجيات
بس لسه قدامها وقت
مع العلم ان 600 مليون مازالوا فيها تحت خط الفقر


تامر

غير معرف يقول...

اذا كان علينا ان نقارن
فاليابان مش الصين
عدد السكان بينا وبينهم مش كبير
امكانياتها في الثروات الطبيعية مش عالي
لكن فعلا استثمرت في الأنسان
مصر تمتلك ثروات اكتر من اليابان
دا النموذج اللي بيسقط دايما
وهو اكتر نموذج علينا ان نستفيد منه
حتي بمنطق الدين
فالدولة دي محافظة ومتقدمة جدا
بصراحة شايف
يحصل احلال لكلمة ياباني مش صيني



تامر

مجداوية يقول...

السلام عليكم

كم من فئة قليلة غلبت فئة كثيرة بإذن الله
صدق الله العظيم
مئة صابرة يغلبوا مئتين وألف يغلبوا ألفين

العبرة ليست بالعدد ولكن بالعدة
والمؤمن القوي خير من المؤمن الضعيف

صحيح أنهم يخافون أن ينقلب هذا العدد الضخم الضعيف في يوم لمارد لا قبل لهم به لكن بالنظر إلى أحوالنا نجد أنهم فشلوا في خطة تنظيم الأسرة لكنهم نجحوا في غزونا فكريا وثقافيا واضعافنا

الثروة البشرية نعمة اذا منتجة ونقمة اذا كانت مستهلكة فقط فعددنا الآن نقمة وبالفعل كغثاء السيل فرسول الله صلى الله عليه وسلم لا ينطق عن الهوى

غير معرف يقول...

اللي بيتابع سياسة بس برؤية اوسع
قبل الأزمة المالية العالمية كان بيحصل تصحيحات في مساحة الأدوار العالمية
الأدوار هي ببساطة مقياس نمو
شوفي
الولايات المتحدة
كتلة اليورو ومنها كيان لوحده المانيا يعني المانيا لوحدها قطب
روسيا
الصين
الهند
اليابان

مش عيب اننا نعمل اقتباسات اذا كانت صحيحة
مش عيب اننا نطبق اتجاهات ناجحة لدول حتي لو هنعتبرها كنماذج
قدامنا 7 نماذج
بس اليابان هي التجربة الأصح لينا
مش مهم اي نموذح بس نتقدم ونتطور


تامر

مجداوية يقول...

بقراءة العليقات أؤيد كلام الدكتور أحمد لاشين وأتوقف عند تعقيبك أن أمريكا تخاف بن لادن !!!
اذا كانوا لا يخافون الله هل سيخافون من بن لادن !!!!!

من كل الأحداث التى حدثت بعد هجوم 11 سبتمبر أكاد أجزم أن هذا مخطط صهيوني أمريكي ولكن لأن العلم عند الله وعند من مهد لهم الطريق فلا أستطيع أن أقول أنا على يقين
أما تجربة الصين فهي سياسة دولة ودولتنا لا تريد نهضة لنا بالنسبة لها إحنا كده فلة ومش فارق معاها طبعاً

غير معرف يقول...

اما بخصوص العدد بالنسبة لينا وموضوع تنظيم النسل وعلاقتة بقول النبي تناسلوا فأنب مباه بكم الأمم
هو مش رأي لأني مش باعرف في الدين
هو تعليق مطلوب سؤال لمن يعلم
النبي لما قال المقولة دي
النداء هنا موجه للصحابة هما اللي يتكاثروا لأنهم خير قرن
يعني فيه خصوصية لفئة مش عمومية لأمة
من رأيي
ان دا هيبقئ فيه اتساق مع فكرة غثاء السيل ومش يبقئ فيه تعارض بينهم

اقصد الخصوصية لفئة مش عمومية بلاغ لأمة


تامر

غير معرف يقول...

زي موضوع النقاب والأستشهاد بالأية
( يا ايها النبي قل لأزواجك وبناتك ونساء المؤمنين يدنين عليهن من جلابيبهن )
خدي خط تحت نساء المؤمنين
عمرك مالاحظتي ان 3 تصنيفات
مسلم
مؤمن
محسن
النداء هنا مش وجه للعموم لأنو لو كان كده كان خاطب القاعدة الأوسع وقال نساء المسلمين
الخطاب هنا موجه لفئة
نساء المؤمنين
في التدرج الهرمي لهم فالمؤمنين اقل بكتير من المسلمين
زي المحسنين ما هما اقل القليل

انا اقصد
الفرق في الخصوصية والعمومية

انا عارف انها اراء تحتاج مراجعة واذا كانت خطأ فأنا اول من يتراجع عنها
فقط تحتاج متخصصين



تامر

مجداوية يقول...

أما أن الصور تفرح فهي بالفعل تفرح ويا ليت هذا العدد يفرح أخلاقاً وتعاملاُ وتحضراً والميزة فيه رغم ضعفنا أنه يغيظ الكافرين ولكنهم لا يهابونه لأننا إيه ؟
أيوة
كغثاء السيل

مجداوية يقول...

معلش اسمحيلي يا دكتورة أرد على الأستاذ تامر شكلي حابات في مدونتك الليلة دي

أستاذ تامر

الفرق بين المسلم والمؤمن ايه ؟

المسلم نطق الشهادتين فأصبح مسلما أما المؤمن فعمل بهما

خطاب الله للمؤمنين بيكون في التكليف ونساء المؤمنين هو نداء للتكليف لأنك لن تنفذ أوامر الله إلا اذا كنت مؤمنا

والنقاب لا يخص فئة لأن الايمان محله القلب فكيف تعرف مافي القلب فالله هو العليم بما في القلوب لذا فنداؤه لمن آمن به وأطاعه نهيا أو أمراً

أنا أدرس فس نعهد الدعاة في السنة الثالثة وأعلم ما أتكلم عنه والله أعلى وأعلم

ولكن لن أجزم بفرضيته رغم اقتناعي الشخصي أنه هو الفرض لأن الفقهاء لم يجمعوا على فرضيته ولكن عليه يكن الحجاب وهو فرض بالاجماع وهو ما فسر بعض الفقهاء به الآيه أن المقصود هو الحجاب فكيف يكون الحجاب لفئة دون فئة ؟ !!!!

وفهمي للآية الكريمة هو تدرج النداء من زوجات الرسول لبناته لنساء المؤمنين تدرج خطاب للتكليف وليس تدرج لفرضية التكليف وليسوا لأنهن فئة أخرى لأن أزواج الرسول وبناته قدوة لغيرهن من المؤمنات لأن في المجموع كلهن نساء مؤمنات
و مسلمات بالطبع


قال تعالى في سورة الحجرات

قَالَتِ الْأَعْرَابُ آمَنَّا ۖ قُلْ لَمْ تُؤْمِنُوا وَلَٰكِنْ قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ ۖ وَإِنْ تُطِيعُوا اللَّهَ وَرَسُولَهُ لَا يَلِتْكُمْ مِنْ أَعْمَالِكُمْ شَيْئًا ۚ إِنَّ اللَّهَ غَفُورٌ رَحِيمٌ (14)
إِنَّمَا الْمُؤْمِنُونَ الَّذِينَ آمَنُوا بِاللَّهِ وَرَسُولِهِ ثُمَّ لَمْ يَرْتَابُوا وَجَاهَدُوا بِأَمْوَالِهِمْ وَأَنْفُسِهِمْ فِي سَبِيلِ اللَّهِ ۚ أُولَٰئِكَ هُمُ الصَّادِقُونَ (15)

صدق الله العظيم

أحمد شريف يقول...

سلام الله عليكم ورحمته وبركاته
بارك الله بك وفيك

دعيني ذهب لمثالٍ قريب
في غزو العراق الأخير من قبل أمريكا وفور إنطلاقها أعلنت مصر التعبئة العامة وبدأ الجيش المصري وقتها مناورات بالذخيرة الحية ( هذا كان أمراً إحتياطياً ليكن الجيش في حذره لو قامت أي دولة من الدول الموجودة وقتها في المنطقة بالإعتداء على مصر )

ووقتها انقلبت أمريكا وأوروبا رأساً على عقب خوفاً من أن تحارب مصر بجوار العراق وأتى نائب الرئيس الأمريكي والمبعوث الأوروبي وهاتك يا لقاءات وحوارات وووو

هذا حدث من قريب ويحدث وسيحدث لأن من يحاربوا يحاربوا عن حق

غير معرف يقول...

مجدواية
جزاكي الله خيرا علي اللي قلتيه
انا قلت فقط ان رايي يحتما الخطأ قبل الصواب
اذا كنتي متخصصة وهو دا راي الدين فرأيي خطأ وانتي صح
وبالأصالة عن نفسي والنيابة عنك اغتذر للدكتورة نور
لأني انا وانتي في مدونتها

وربنا يجزيكي خير ومش محتاجة للحدة
في النهاية مجرد اراء


تامر

لورنس العرب يقول...

نحن لا نملك الثروة البشريه فقط
بل نملك أيضا الأرض والنيل وجميع مقومات الحياه والتقدم
العيب كل العيب في الادراه وهذا في كل البلاد العربية بلا استثناء
نستيع ان نكون مثل الصين خلال عشر سنوات او اكثر قليلا
وعندها لن يستطيع احد ان يفتح فمه معنا ويفعل بنا ما يشاء كما يحدث الآن

أحمد شريف يقول...

دكتور : أحمد لاشين اسرائيل ليست قوة إقتصادية ولا حاجة

اسرائيل تتلقى دعم إقتصادي مباشر من أمريكا وغيرها مثل ألمانيا وإقتصادها ضعيف ... لا تغتر بها

ودولنا العربية اقتصادها قوي خاصة السعودية ومصر
انظر هنا
http://ahmedsherif-eg.blogspot.com/2009/06/blog-post.html

مجداوية يقول...

اضافة أخرى يا أستاذ تامر وأرجو أن تسامحيني يا دكتورة للخروج عن موضوع التدوينة ولكن لابد من الرد لعدم الخلط
لأن المدونة يرتادها الكثيرون وكلمة الحق أمانة


هذا حديث لرسول الله صلى الله عليه وسلم في صحيح البخاري

كان النبي صلى الله عليه وسلم بارزا يوما للناس ، فأتاه جبريل فقال : ما الإيمان ؟ قال : أن تؤمن بالله وملائكته وبلقائه ورسله وتؤمن بالبعث . قال : ما الإسلام ؟ قال : الإسلام : أن تعبد الله ولا تشرك به ، وتقيم الصلاة ، وتؤدي الزكاة المفروضة ، وتصوم رمضان . قال : ما الإحسان ؟ قال : أن تعبد الله كأنك تراه ، فإن لم تكن تراه فإنه يراك .

فتصنيفك الثلاثي يجب أن يكون في كل مسلم
لأن المسلم ,مؤمن ,محسن
فهى درجات للفرد الواحد

وبالقياس على الآية التي استشهدت بها هل أمر الصلاة كانت لأهل رسول الله فقط أو لفئة فقط ؟
بالطبع لا
فهي فرض على كل مسلم مؤمن

قال تعالى:
وَأْمُرْ أَهْلَكَ بِالصَّلَاةِ وَاصْطَبِرْ عَلَيْهَا ۖ لَا نَسْأَلُكَ رِزْقًا ۖ نَحْنُ نَرْزُقُكَ ۗ وَالْعَاقِبَةُ لِلتَّقْوَىٰ (132)

صدق الله العظيم
ولكن دائما التكليف لرسول الله ولأهله أولا كخطاب وبالتبعية لجميع المؤمنين المسلمين

Dr Ibrahim يقول...

أيون
بس برده بالعقل
لو العدد كتر وان فيه ناس عايز تشتغل وتعمل حاجة لبلدها
بس الناس دى مش قادرة تعمل الحاجة دى اساسا ولا ليهم فرص ولا اكل ولا شرب
يبقوا ميجوش احسن
يعنى بدون تموليل خارجى او تمويل داخلى

د/ أحمد لاشين يقول...

استاذتي الفاضلة دكتورة نور
اليهود في العالم كله 14 مليون
يحركهم غريزة البقاء او الفناء
ان لم يتحركوا ويصنعوا الاحداث ويصنعوا الثروة فسيموتون
الصين تحركها نفس الغريزة
ان لم يتحركوا ويغزو اسواق العالم سيموتون جوعا
هكذا يفكرون

وبعدين بلاش كلمة يطبق علي الكبير دي عشان منزعلش من بعض
انا معاكي القانون يطبق علي الجميع
من الصغير وحتي اللي قبل الكبير بشوية :):):)
نطالب بكده الان ولما يحصل ربنا يفرجها
لكن حضرتك فاتحة مدونة من سنة والا سنتين والراجل سايبكم تتكلموا
وهو قاعد من عشرتاشر سنة وجاية تتكلمي عن تطبيق القانون وعليه كمان :):):)
هي فوضي والا ايه ؟
الكبير كبير

وبعدين انا حاسس بميول عدوانية كده في طريقة كلامك :)
عايزة عيال كتير ليه ؟؟؟
اكيد عشان تعملي مظاهرات :):):)
بس احب اطمنك
مهما تنجبوا هنعين قوات امن مركزي اكتر برضه :):):)

تقبلي خالص تحياتي
وآسف لأني لما بأتكلم في السياسة الناس بتزعل مني

مجداوية يقول...

إظاهر يا دكتورة نور إني وصلت للنقطة العمياء وتحول الشىء إلى نقيضه دون أن أدري
تحولت الجدية إلى حدة !!!
:)))
أنا بأعتذر عن الحدة الغير متعمدة إطلاقاً يا أستاذ تامر ولكن واجبي كمسلمة أن أرد إذا لزم الأمر فقول ما أعرفه أمانة وواجب

اعتذاري يا دكتورة لشغل مساحة من مدونتك في مناقشة جانبية

تحياتي وتقديري

أبو العريف يقول...

السلام عليكم

ازيك يا دكتوره

ايوه كده

ارفعي من روحنا للمعدنيه


اللهم انصر الاسلام

واعز المسلمين

د/ أحمد لاشين يقول...

اختنا الفاضلة ماجدة يشرفني ويسعدني ان تشاركيني الرأي
اخي الفاضل احمد شريف من قال ان اسرائيل ليست قوة !!!
هي قوة عسكرية نووية
وتصنع الطائرات تبيعها لدولة بحجم الهند التي لا يجاوز سكان اسرائيل شارعا في الهند
تصنع اححدث الاسلحة وتبيعها لتركيا والمانيا وغيرها وصفقات السلاح هذه معلنة ويمكنني ان اجمع لحضرتك بعض الارقام

وقوة علمية لديها التطور التقني بما لا نجد له مثيل عندنا فجامعاتها لها مكانة علمية وعالمية متميزة فهي تصرف ببذخ علي العلم والتعليم واي تصنيف عالمي سواء التصنيفات الصينية او الاوروبية او الامريكية تظهر مدي تفوق اسرائيل

اسرائيل قوة اقتصادية فالاقتصاد يلحق ركب العلم اينما حل وحضرتك ممكن تتابع علي الموقع العربي لحكومتهم تفاصيل الموازنات وغيرها وتعلم مدي قوتها الاقتصادية
والدعم الامريكي لها اقتصاديا وعسكريا لا يقلل من قوتها فهذا جزء من نفوذها الدولي

وللأسف قوة اعلامية خارقة تسيطر علي العقل الامريكي والاوروبي من خلال تملك اللوبي الصهيوني لوسائل الاعلام الاكبر والاوسع انتشارا في العالم
في وقت لازلنا داخل الشرنقة النرجسية الخاصة بنا

لا ادري كيف نتحدث عمن تفوق علينا باستخفاف هكذا

عندنا في الفلاحين مثل بيقول "اذا كان عدوك نملة فلا تنم له"
حضرتك بتهون من قوتهم ليه ؟

النموذج الاسرائيلي لولا الظلم في حقنا كمسلمين وفلسطينيين لكانوا قوة عظمي
وقديما قال ابن تيمية ان الله ليقيم دولة العدل وان كانت كافرة ولا يقيم دولة الظلم ولو كانت مسلمة

ليست امجاد الماضي فقط هي التي ستحيينا
ولا تقليل قوة عدونا هي التي ستجعلنا اقوياء

النظر للحاضر واستشراف المستقبل بعين بصيرة وعقل حكيم نري العيوب بحق ونصحح واقعنا وقتها سننهض من كبوتنا

معلش آسف علي الاطالة وعلي الاحتلال الذي حدث للمدونة وعلي حديثي في السياسة التي لا احبها

وانا مش معاهم ولا معاكو :):):):)


وعشان تحرمي تتكلمي في السياسة تاني يا دكتورة :):):)


دمتم بخير

لولا وزهراء يقول...

دكتوره نورا اعتذر على التاخير بس الله يسامحه النت طلع عين خلاص ~x(
كلامك جميل جدا وما اقدرش اقول حاجه عنه بس ياترى احنا نظام العدد فى الليمون او نقدر نستفيد بالعدد ده كله
ياترى كل مولود جديد بنقول انه هيمعل فى المستقبل انتاج جديد او بنقول كل عيل ومعاه رزقه ونظام التواكل شغال الله ينور
تسلمى يا دكتوره واعتذر مره تانيه على التاخير

norahaty يقول...

آن آن آن بقى!!
ايه الخناقة دى
كل دا يحصل وانا
مش موجودة؟دول هم
ساعتين اللى غبتهم !
على العموم المدونة
بتاعتكم والبيت بيتكم
اتناقشوا براحتكم
وأستأذن أنا لان
ميعاد النوم:(
وصل وأن
شاء الله
ارد رد
جماعى بكرة
لكن عايزة أقول كلمة
اسرائيل مش لوحدها اسرائيل
وراها يهود العالم كلهم ودا المهم!
وماقدرش ابطل أتكلم فى السياسة
لان الحياة سياسة !
ونكمل بكرة
السلام عليكم .

د/ أحمد لاشين يقول...

كلهم دي يا دكتورة يعني 14 مليون
اللي برة واللي جوة واللي علي المريخ كمان
عددهم 14 مليون يهودي بس
شوفي عدد سكان القاهرة كام كده وهتعرفي الفرق
وبعدين تكلمي في السياسة براحتك بس لوحدك :):)
انا لي مذهب خاص بي
لا سياسة في الكلام ولا كلام في السياسة
خليني مرتاح شوية عالنت بعيد عن السياسة والا هأسيبه وامشي :):)

أ / أحمد عبد المنعم يقول...

بسم الله الرحمن الرحيم

الأخت الفاضلة : دكتورة نورا

الأبناء رزق الرحمن لا يخافه ولا يهابه إلا من جهل حقيقة الرزق .
والقيمة الوطنية للنسل تبدو وقت الحروب التى لا تبعد عنا كثيرا بل لعلها تدق الباب بين الحين والحين لكنا ( لن نخضع لأى استفزاز !!!! )

لكن لى كلمة فى الأمر يجب أن يكون هناك وعى تربوى مواز للوعى الإنجابى الإيجابى ولا يكون الأول مبرر لغياب الثانى ولكن لنتعلم التربية الحقة ولنكون فى أبنائنا شخصيات ذات فعالية مجتمعية حينها سيعلمون قيمة الثروة البشرية وكيف يبنون وطنهم وكيف يتكسبون رزقهم .

هناك مثل منتشر فى المدارس

( حجة البليد مس التختة )

الحكومات المقصرة والخاملة والدكتاتورية ترجع جميع مشكلاتها إلى أسباب أخرى و منها زيادة النسل
على أن الحكومات العاقلة العاملة على تقدم وطنها تنظر إلى الفرد على أنه الفاعل الحقيقى فى بناء المجتمع ...

أ / أحمد عبد المنعم يقول...

( حجة البليد مسح التختة )

لقد خلقنا الله احرارا يقول...

تسلم ايديك
فعلا
لازم يخافوا
بس المهم
نفضل زى مااحنا بعد مانرجع من هناك
مقتنعة جدا بوجهة نظرك الخاصة بتحديد النسل
ودايما بقول
اننا من الثروات
اللى لازم الحكومات تفكر تنميها وتستغلها ازاى
تحياتى لك

Yusuf يقول...

ازيك يادكتورة

طبعا فكرتك وصلت

وبجد لا تعليق

معلش الفترة اللي فاتت كنت مشغول ف الامتحانات

تحياتي

كلمات من نور يقول...

نورهاتي يا عزيزة

خلينا ورا اوروبا و أمريكا نسمع كلامهم ونتبعهم حتى لو دخلوا جوا جحر وهذا ليس بكلامي بل كلام نبي الأمة التي كانت خير أمة أخرجت للناس... لو أفقنا يا فتاتي وعدنا إلى الدين الحنيف وفكرنا وتدبرنا وقريتنا القرآن بقلوب مفتوحه غير مقفله بأقفال التتبع والجاهلية حننصر أمتنا وحينها سينصرنا الله ويثبت أقدامنا..

ربي يبارك فيكي ويزيد من أمثالك لإفاقة هذه الأمة.

مسدس صغير يقول...

المفيد فى كل ذلك بإثارة هذه المشاكل حول الاسلاموالمسلمين يجعل كثير من الغربيين يبحث ليعرف ما الاسلام وكيف يعيش هؤلاء الارهابيون
ليرى العجب العجاب ويعرف هذا الدين ويعرف تسامحه واخلاقه فيدخلون فى دين الله افواجا ليصدق قول الله تعالى " يريدون ليطفئوا نور الله بأفواههم والله متم نوره ولو كره الكافرون"
ويصدق قوله تعالى " ويمكرون ويمكر الله والله خير الماكرين "

تركي الغامدي يقول...

المكرمة نور ... لقد طرحت موضوعاً شائكاً ... ذي أبعاد ثلاثة ... الأول خاص بالإسلام فالواقع يؤكد ما أشار إليه القرآن الكريم من حتمية الصراع بين الإيمان والكفر ... والبعد الثاني أن معادلة النصر تختلف من أمة إلى أخرى ... والبعد الثالث ... يؤكد علاقة عالمنا بالعالم المتقدم ومدى تأثيره في حياتنا اليوم .

قلم رصاص يقول...


السلام عليكم

أجزتي وأنجزتي يادكتوره

هم من جعلوا الإسلام عدوا لهم ولكن هو لم يكن بالعدو فهو الدين الحق الذى أتى لهداية البشرية جمعاء.

وفعلا اللي واجعني جدا عاملي مراره انه الناس عندنا مش بيحسوا ولابيفهموا ..لما يصدقوا النظام ويصدقوا كلامه ان زيادة النسل هي سبب مشاكلهم .. وبيتناسوا عن عمد النموذج الصيني الذي اطاح ويطيح في اليوم ألف مره بالنظرية المصرية الغبيه في هذا الموضوع

عزيزتي .. الإارادة السياسية لنهضة الأمة ماتت ووراها التراب منذ مات عبد الناصر .. ولكن لم يبقى لنا سوى مشيئة الله وإرادة الناس التي هي في سبات عميق ولكنها لم تمت بعون الله

دمتي في امان الله

norahaty يقول...

السلام عليكم ورحمة
الله تعالى وبركـاته
وصباح الخير والخيرات
الاعتراف بالحق فضيلة
وأنا أعترف انى لا استطيع
الرد على كل الكلام اللى
أتقال!!لتشعبه وتنوعه
ولأختلافه! كل منا يرى
وجهة نظر مش كده
ولا أنا غلطانه؟

norahaty يقول...

(نكتر ونتحسن
ايه المشكلة؟)
جملة قلتها فى
معرض كلامـى
اى أنى أؤيد
تحُسننا نوعياً ايضاً!

TIMMY !! يقول...

السلام عليكم يا دكتورة ,

عمر ما كانت الموارد البشرية عبء على أي دولة , بخلاف مصر المتخلفة ,
و أكبر مثال على ذلك كما ذكرتِ : الصين ,

للأسف الفساد الإداري اللي احنا عايشين فيه هو اللي عامل المشكلة دي ,

TeVa يقول...

من فضلك زوروا عيادات النجمة الذهبية ، اسأل استشير !!
وخد بالك إن عدم تنظيم الأسرة هو المشكلة ، الحمد لله البلد مفيهاش سرقة البلد فيها تعليم زي الفل ، يا جماعة البلد دي فيها قانون ، بس الناس الوحشين هما اللي كتير .....


طبعا دا مش أنا ، دول هما :)


ولاحول ولا قوة إلا بالله مش عارف والله الناس دول بيفكروا ازاي ؟؟

زادهم الله خوفاً إلى خوفهم ، وزادنا فرحاً بكثرة عددنا ...

فشكووول يقول...

السلام عليكم نورهاتى

اشكرك على السؤال عنى وتعليقك فى فشكول

عايز اقول حاجه يا نورهاتى

ان الكثره من غير عقل تكون كسره
لكن لو بالعقل تعمل المستحيل
بس يا ترى احنا عندنا عقل ... هو دا السؤال؟

تحياتى

محمد عتلم يقول...

دول مش خايفين وبس
دول مرعوبين بس محدش فيهم بيبين اى حاجه
انا جاى امسى عليكى

norahaty يقول...

السلام عليكم جميعاً ورحمة
الله تعــالى وبركاتـــه
انا بصراحة عايزة
أقول أو أعمل حاجة
مابحبهاش خاااااااالص
لكن مضطرة لها لكن فعلاً
النقاش فى هذا الموضوع
من الممكن الا ينتهى !
وعلى هذا :
أستاذنااللؤلؤة
دكتورنا أحوال الهوى
دكتورنا عمرو فاروق
خواطرنا المغربية الشابة
أسامة وثورة قلمه اللى أنظلم
انجل الجميلة الرقيقة
لولا وزهـراء العزيزتين
د/أحمد لاشين زميل المهنة
أستاذ تامر نبيل
أستاذ تــامر
حبيبتى مجداوية
أستاذ أحمد شريف
كيميائى لورنس العرب.
دكتور إبراهــيم
باشمهندس أبو العـريف
أ/ أحمد عبد المنعم
استاذة لقد خلقنا الله أحرارا
الباشمهندس يوسف .
أم الأبناء كلمات من نور
محامينا مسدس صغير
أستاذ تركى الغامدى
محامينا قــلم دهب
باشمهندس تيمى
باشمهنس مصطفى
أستاذنا فشكوووووول
فناننا محمد عتلم
لكل اللى فوق دول
ولكل من يجىءبعدهم
(إن جــــــاء أحد)
شكررررررررررررراً
لمشاركتكم الاراء
معى ومع بعضنا البعض.

م/محمود فوزى يقول...

السلام عليكم
جزاكم الله خيرا على الموضوع
طبعا لازم يخافوا لانهم ظلمونا كتير وبيفتروا علينا
يخافوا لان الاسلام دين عظيم ومهما ضعف المسلمين فالاسلام فيه عوامل تنهض بالامه مره اخرى باذن الله وتعيد بوصله المجتمع للصحيح

ومن تلك العوامل الحج
فاجتماع الحجاج السنوى والاجتماع الاسبوعي لصلاه الجمعه وصلاه العيدين من عوامل تجميع المسلمين دوريا
هذا بالطبع بخلاف الصلوات الخمس اليوميه

اما العدد فليست المشكله فى العدد المشكله فى ادارة العدد وتطوير العدد نفسه
اى توعيه الناس وادارة الموارد البشريه والماديه
مثلا تركيا تقريبا نفس عدد سكان مصر ونسبه الزياده السكانيه
ولكن تطورت بشكل خرافى فى السنوات القليله الاخيره بعد تولى حزب العداله والتنميه الاسلامى هناك فى بدايات الالفيه الجديده
وبالتالى كما قلت الاداره عليها عامل كبير وطبعا خلفها أناس واعون ويتحركون لتطوير بلدهم

أشكرك مره اخرى
ربنا يرحمنا

محمد الجرايحى يقول...

السلام عليكم ورحمة الله وبركاته
البشر هم الثروة الحقيقية ولكن الأهم كيف يتم استغلالها الاستغلال الأمثل والصحيح

تقديرى واحترامى
أخوك
محمد

نور الدين يقول...

برافو يانورا
والله الصور دى هزتنى اكتر من الف مقال
وفعلا فليموتو بغيظهم تجمع الحجيج والتقاء ملايين المسلمين على صيحات التكبير والتهليل تزلزل قلوبهم
وهى خير دليل على أننا أمة واحدة شاء من شاء وأبى من ابى
انة واحدة بشهادة لا إله إلا الله
وواحدة برسولنا المعظم صلى الله عليه وسلم وبكتابنا الخالد
واحدة بتوحيدها
وصدقتى اختى الكريمة العدد هو ذخيرة لم يتم تفعيلها بعد
واليهود يخشون من القنبلة الذرية بضم الذال أكثر من القنبلة الذرية بفتح الذال
عقل نابه ونهج قويم كما هو عهدى بك ايتها الاخت الفاضلة
لله درك
أخوك ِ
...........
نورالدين محمود

Heba Faruq يقول...

معك حق تماما
وحرب اكتوبر خير دليل
فنحن لم ننتصر فيها بقوة سلاحنا الهزيل طبعا بالمقارنة باسلحتهم لكن انتصرنا بقوة إيمان جنودنا وشجاعتهم التي بهرت العدو نفسه
فليتنا فعلا نتعلم من الصين ونحاول الاستفادة من الثروة البشرية لدينا

Sonnet يقول...

السلام عليكم
الصور جميلة للغاية
تحياتي لمدونتك

الفقيرة إلى الله أم البنات يقول...

نسأل الله علوة الهمه
ونسأله حسن الخلق والخاتمه
استمتعت بالنقاش والحوارات

mhmdwahab يقول...

هل حضرتك تخصص نساء وتوليد؟ فى صعوبة فى امور الزواج مثل اسكن وخلافة لية مانخرج من الزنقة القاهرية الى اماكن اخرى ونتوسع ونعمر زى ما احنا عيزين بس فية حاجة هل لو شخص بسيط تقدم بطلب فتاة متعلمة ومثقفة مثلك مثلا وقال لكى واشطرت عليكى نخلف دستة اولااد توافقى؟

mhmdwahab يقول...

احب ان اوضح شى اخر ان عدد المسلمين فى العالم ليس كبيرا انما نحن قلة النسبة هى 1:6 يعنى عود فى حزمة ومظهر الحجاج فى عرفة فهو مجرد تجمع سنوى لا يدل على حجم عدد المسلمين الحقيقى شى اخر ان سلوكيات وثقافة الزواج تختلف من انسان الى اخر مثلا ارى ان الفقراء ينجبون اكثر من الاغنياء عندنا انا فى المنطقة البوابين من اماكن عديدة فى مصر وظروف المكان صعبة ورغم ذلك وفى غرفة صغيرة تحت بير السلم يتزوجون وينجبون الكثير بخلاف الطبقة الوسطى فهم فى تدهور وضياع

mhmdwahab يقول...

http://altahrosh.blogspot.com

اقصوصه يقول...

اكيد وصلت

بس يا ترى

الله بيعطينا عمر

لين الوقت اللي تكون فيه

اعدادنا الكبيره

قادره على تحريك ساكن؟

mhmdwahab يقول...

شكرا على مرورك وتقرير cnn يظهر اهتمامهم بموضوع التعداد وعلى الرغم من كدة هما برضة اكثر ربنا يرحمنا و يهدى الجميع

salma mohamed يقول...

شيئ جميل ومهم ومفيد ان يكون عدد المسلمين كبير,لكن المسلمين قولا وعملا,وليس مسلمين اليوم الذين ينتمون للاسلام اسما فقط على اوراقهم الرسميه,
نحن الان من نهاب الدول اللااسلاميه,وهم لايهابونا, فهم يعلمون جيدا مدى ضعفنا في كل نواحي الحياة ولن نقوى الا اذا طبقنا الشريعه تطبيقا عمليا في كل امور حياتنا,
هم فقط يعملون لاستمرار ضعفنا وعدم صحوتنا وايقاظنا من سباتنا العميق,
لقد انطبق علينا قول رسول الله صلى الله عليه وسلم:
"يوشك الامم ان تداعى عليكم كما تداعى الاكلة الى قصعتها" فقال قائل: ومن قلة نحن يومئذ؟ قال: "بل انتم يومئذ كثير، ولكنكم غثاء كغثاء السيل، ولينزعن الله من صدور عدوكم المهابة منكم، وليقذفن الله في قلوبكم الوهن" فقال قائل: يارسول الله، وما الوهن؟ قال: "حب الدنيا وكراهية الموت".

نهــــــــــار يقول...

السلام عليكم ورحمة الله وبركاته..
بالطبع المنظر مخيف ..
لهم ..
ولكن المخيف أكثر والذي دوما ما يخبئ أن كل هؤلاء من مختلف بقاع الأرض ومن أعراق ولغات مختلفه بمجرد أن يقول الإمام إستوا
يقف الجميع جنبا إلى جنب رغم جهل أكثرهم بهذه الكلمه..
.......
سبحان الله ...
الثروة البشريه نعمه نجهل إستغلالها الإستغالال الصحيح الذي وجدت له..
....
في امان الله

mohamed ghalia يقول...

المورد البشرى اكيد عنصر مهم جدااااااا
اهم عنصر من عناصر التقدم والحضارة
بس المشكلةى فى التوظيف الأمثل ليه

رفقة عمر يقول...

سعدت جدا بزياره حضرتك مدونتى
فعلا احنا كتير بس محتاجين حسن اداره
احنا نفتقد حسن الادارة
ونفتقد قياده فاهمه وليس لها مصالح شخصيه لكى تقود كل هذه الاعداد
وقتها ممكن نبقى حاجه ويخافنا الاخرون
لكن احنا ماشين بالبركه المهم المصلحه الشخصيه لقيادتنا الرشيده

همس الاحباب يقول...

غالبا الث روة البشرية هى العامل المشترك فى الانتاج والنجاح والتقدم
مهما تتطورت التكنولوجيا واصبحت مسيطرة فالانسان هو من اخترعها وهو من يديرها
اما خوف الغرب من المسلمين فده شىء طبيعى
لان فى اتحادهم قوة لا يستهان بها
تحياتى وتقديرى

!!! عارفة ... مش عارف ليه يقول...

الزيادة السكانية عمرها ما كنت عبء

الخطأ في خطط التنمية غير المجدية

وغياب الرغبة والإرادة لدى الدولة

لتنمية مواردها البشرية.

وفي مثلين صغيرين يوضحوا أهمية الثروة البشرية بالإضافة للأمثلة اللي وضحتيها

الأول : هو رعب إسرائيل من عودة فلسطينيين 48 لأراضيهم حتى تبقى الغلبة السكانية لها ضد دويلة مهلهلة

الثاني : هو بالرغم من الثورة المادية الطائلة التي كان يتمتع بها صدام حسين لم يستطيع أن يقهر بها الثورة البشرية التي في حوزة إيران

وإسرائيل تعي الدرس تماماً
ونحن عوناً لها في مسعاها..

خالص تقديري
وليد

عمــود نــور يقول...

مهما كنا كتير ومها كانت قوتنا مش هنعمل اى حاجه الا لما نتقى الله فى كل حاجه ونراعى ربنا ونعرف ايه هو دينا
على ما اتذكر حديث رسول الله صلى الله علية وسلم (من قلتنا يا رسول الله؟؟
الصين عرفت ازاى تستفيد من الثورة البشرية اللى عندها بدليل ان الماوس والكى بورد اللى كتبتى بيهم الموضوع من الصين

soly88 يقول...

دايما عامله مشاكل
بصى يا ستى
واحد عنده عشر عيال ومكبر دماغه وسايبهم مطلوقين فى الشارع
وواحد تانى (غير الأولانى )عنده برده عشره زيهم بس بيجرى ويتعب ويجد علشان يعلمهم ويحافظ على صحتهم
هو ده الفرق انظرى للشارع المصرى مبدور عيال شكلها تعبان وعيان لا تعليم ولا صحه
علشان كده كترت حوادث القتل والأغتصاب
أتفق تماما مع ما قاله د. أحمد لاشين

mhmdwahab يقول...

يجب تشجيع الطبقات المتوسطة على الزواج والانجاب فهم اكثر الطبقات تعليم وثقافة ولكن الظروف المادية تقف حائل بينهم فيلم الزواج على الطريقة العصرية لحسن يوسف وسعاد حسنى منذ اكثر من 35 سنة قدم حلا لهذا الموقف وهو افضل من الزواج العرفى وافضل من علاقة الصداقة على النظام الغربى يعنى يبقى زواج رسمى ولكن كل واحد منهم يعيش فى بيت اهلة الى ان يفرجة الله لو فى حلول اخرى نرحب بها

أنسان296 يقول...

عجبنى كلامك