الجمعة، مارس 05، 2010

نقطة سودا بقت بيضا..!!!! أزاى؟!


اقولكم على سر ماحدش يعرفه

الأ اقرب المقربين الىّ من أهلى
وصديقة أو أتنين من زميلات الدراسة
وواحد فقط من أصحابى المـــــــــدونين
سر لحد دلوقتى بأخجل اقوله لزمـــيلتى
المقربة لىّ فى الشغل مع أنـــــها خريجة
نفس الكلية (طب عين شمس ولنا الفخر)
وكمان نفس الدفعة بس ما كناش اصحاب
مقربين أيام الدراسة يعنى صباح الخير
والمعايدات والمجاملات المالوفة بين
الزملاء .المهم ايه السر بقى زهقتينا
دا أكيد انتـــــــو اللى بتقـــــــــولوا

ز
ز

ز

ز

ز

ز

ز


ز

ز


ز

جالى ملحق يعنى دور تانى

الشر برا وبعيد يارب عن الطلبة

كلهم يارب يارب يارب يارب يارب
الملحق جالى فى الفارماكولوجى
يالهوتىىىىىىىىىىىى

ودى كانوا يقولولك اللى يجيب
فيها دور تانى يعرف أنه عايد
السنة مفيششششششش فايدة
مايحاوووووووووووولش:(
المهم اقولك الدكتور رئيس
القسم الله يرحمه كان شديد
اوى وصعب خالص والمادة
نفسها باااااااااااااااااااااااايخة
ويشهد بهذا كتير من الناس
يجوز ناس بتحبها ماهى
الأذواق بتختلف لكنى
شخصياً وباقى اللى
أعرفهم من عـــامة
البشر اللى درسوها
بيقولوا كده عليها .المهم النجاح
كان من 60% فى المادة دى لكن
بعيد عنكم 3/4الدفعة جابوا ملحق فيها
على سنتى السعيدة ومجلس الكلية والجامعة
أعاد التصحيح وخلى النجاح من 50% بـــس
وناس من اللى أعرفهم نجحوا واتشال من عليهم
الهم الأزلى بتاع (دور تانى فى الفرما يالهوىىىى)
مش عايزة أقولكم كانت حالتى شكلها ايه؟والبكا اللى بكيته
والدموع اللى نزلتها ساعتها كانت أد ايه؟مش علشان الملـــحق
نفسه لكن علشان المادة وصعوبتها وأن الأحتمال الأكبر إعادة السنة
يالهوتىىىىىىىىىىىىىىىىىىىىىىى
بقيت كل يوم أعيط واطلب أصحابى وشئون الطلبة مفيش اخبار أنهم
ممكن يعدلوا النجاح ويخلوه من 40%بس يقولوووووووووووا
لألألأأحتمال بعيدددددددددددددددددددددددددددددددددددددددددددد
وغير وارد بالمرة!!!يابّاى يابّاى يابّاى .
فاتت حـــــــــــــــــــــاجة بتاعة
10أيام وأنا فى الحال دا وأنتم عارفين
الأيام ساعات بتسرقنا واحنا زى ما أحنا
ونفسيتى فى الحضيض وتعبانة اوى
وبقى متهيأللى لو كنت مت كان يبقى أحسن!
طيب يارب أعمل ايه وأسوى ايه؟
لأجل ما أخرج من الحالة دى وافوق لنفسى وأصحى
لروحى بقى عارفين ساعتها شىء آلهى
والله
ألهمنى أنى أصلى !حتقولولى هووووووو
أنت ما كنتيش بتصلى؟؟
OH OH OH NOOO !!!
لأ كنت والله لكن ما اكدبش
عليكم مش بانتظام او بأستمرار:
رمضان, اوقات الامتحانات, أوقات الشدايد
عايزة حاجة من ربنا سبحانه وتعالى
(وش مكسوف)
كده يعنى فالبالتالى وقت النتيجة
والمشكلة دى ما كنتش بصلى المهم قمت أتوضيت وصـــــليت ونويت
عدم القطع أبداً والحمد لله رب العالمين مدوامة عليها من ساعتها
بفضل الله سبحانه وتعالى وكل ما أفتكر الملحق أفتكر المداومة
على الصلاة الحمد لله ونقطة سودا بقت بيضا بفضل الله
انا عارفة كلكوا بتسألوا وتتسآلوا ها وعملتى ايه فى الملحق ؟
لأ مش حأقلولكوا
.....
............
.................
...................

طيب أتحيلوا عليا شوية

كمااااااااااااااان شوية

لأ كمان ما ينفعش كدهـ
طيب كفاية كده ما تهونوش عليا

ذاكرت كويس وبصراحة أعترف أنى

أكتشفت أد ايه أنا ما كنتش مذاكرة والحمد

والشكر لله نجحت وطلعت السنة اللى بعدها مع

باقى زملائى وزميلاتى فى الدفعة وماتأخرتش عنهم
ولولولولوىىىىىىىىىىىىىى لكل الناجحين
وربنا يصبر ويوفق اللى ما أتوفق تتعوض بأذن الله....
فلكل حصـــــــان كبوة
ولكل فــــارس هفوة
زى ما بــــــيقولوا

هناك 100 من التعليقات:

romansy يقول...

يا صباح الملاحق
اخبارك ايه يا دكتور
كتير كتير كتير بيعدى علينا ازمات بس بايمانا ان شاء الله بنعديها
وبعدين دا ملحق واحد بس
اومال اللى بيشيلوا بادسته يعملوا ايه

حفيدة عرابى يقول...

حلو الدرس ده قوى
انا اتعلمت ياأبلة:)
ان الابتلاء بيكون رحمة وحب من ربنا سبحانه وتعالى لعباده اللى بعدوا شوية عن طريقه
ايه يعنى دور تانى فى البتاعة الغريبةاللى قلت عليها دى:)
مقابل نعمة ربناعليك بالانتظام فى الصلاة
مبروك المحنة التى أسفرت عن منحة
وعقبالنا جميعا نعرف نقرأ الرسائل الربانية صح

Unknown يقول...

حقيقي بوست زي العسل
وما تزعليش وماتتكسفيش أبدا أبدا
فصدقيني كل واحد مننا كان عنده ملحق أو اكتر في حياته مش بالضرورة في الدراسة لكن في أي مجال تاني في الحياة حاجة يعني فشل فيها..والشاطر هو اللي يحول الفشل ده لنجاح ويستفيد منه زي ما عملتي وزي ما بيقولوا "لكل جواد كبوة"
وعلى فكرة دراسة الطب دي اساسا صعبة جدا جدا فحقيقي الله يكون في عونكوا وعون كل الدكاترة..

مع خالص تحياتي

لــــ زهــــــراء ــــولا يقول...

دكتوره نوراااااااااااا
-*-*-*-*-*-*-*-*-*-*-*-

بصراحه حسيت انى اقرا سيناريو فيلم بجد اسلوبك تحفه اوى اوى
فكرتنيى لما كنت فى الكليه وكنت فى سنه تالته ومعايا ماده من سنه اولى وكنا فى اللجنه 5 طلبه فاشلين طبعا ههههههههههههه
واللجنه بقى عباره عن شارع طووويل يعنى على مدى الشووووووف والمنظر تلاقى طالب قاعد كده وحاجه بقى وجع قلب ...............


بس شكلك كنتى طالبه شطووووووووره اموووووووووره

بجد كل بلاء بداخله حكمه خفيه
ربنا يكرمك ويفرح قلبك ويسعدك ياااااااااار


زهراء

هراء لا داعى له ..... يقول...

الحمد لله

ربنا بيبتلينا علشان يفوقنا و يطهرنا من ذنوبنا

AHMED SAMIR يقول...

معلش معلش..........المؤمن دائما مصاب
مع ان الفارماكولوجي كانت مادتي المفضلة في الكلية
معلش تعوضيها ان شاء الله

Kiara يقول...

صباح الفل

والله اقولك حاجه

مش في احسن من ربنا نحكيلة ونلجاله

اتعلمتى من الكبوة صح

ربنا يرزق الناس كلها اللي تتمناه

ويصلح احوالهم

KEBLAWYAT يقول...

السلام عليكم

اولا ..

الف مبروك ع النجاح فى الفارما .. هى متأخره كام سنه انا عارف .. بس مبروك برضه :)

ثانيا ..

ياخبر .. الفارما دى من الذ و اجمل المواد اللى ف الدنيا اصلا

ثالثا ..

بما انك يا دكتوره كنتى فى عين شمس .. تعرفى دكتور ياسر عبد الرحيم بتاع الجراحه ؟
هو عامة اللى بناخد معه كورس جراحه ..

غير معرف يقول...

lol
وكمان، ما يقع إلا الشاطر :-)

سمع هوص (Abo 3li) يقول...

معقولة حد يجيب ملحق في ال فارموكوشولوجي... ده حتي من اسمها بينلها مادة سهلة ولذيذة اوي...
متتكسفيش من الملحق يادكتورة.. عادي لكل جواد كبوة زي مقولتي..
انا عن نفسي عمري مجبت ملحق... بس عمري مسيبت درجة واحدة من درجات الرأفة... هعهعهعهعهعهعهعه... وعادي جدا... مكنتش بكون مكسوف...

والحمدلله ان دي كانت نقطة تحولة عندك للاحسن... ربنا يكرمك يارب... ويوفقك..

تحياتي علي النصيحة اللطيفة دي

richardCatheart يقول...

ههههههههههه دا اسمه كلام بردو تسيبينا نتحايل عليكى كل دا نشفتى ريقى معاكى
هههههههه

بصى كتير بتحصل حاجات فى حياتنا بنتقهر ونقول ليه بس كده يارب انا معملتش حاجه واحشه و و و و بس نظرتنا القصيره كابنى ادمين بشر مابتخلناش نشوف حكمه ربنا عز وجل هو كان عايزك وقعك مره روحتيله ورجعتى ووقعك تانى روحتيله وورجعتى ونفضل كده المره دى وقعتى روحتيله مارجعتيش فضلتى معه وداومتى على الصلاه ومحاوله القرب الدايم منه عز وجل امر بسيط يمكن ناس كتير ماتخدش بالها منه لكن ديما عز وجل بيدينا فرصه واتنين وتلاته هو وحده اعلم ليه هل لانه عز وجل بيبقى شايف البنى ادم كويس وشايف جوه منه خير او نور يا نور ويمكن لانه عز وجل عنده كل الرحمه ولا نه عارف ضعفنا هو وحده اعلم بس الاكيد ان مع الله ديما فى فرص يارب نعرف تستغلها

ولما تيبقى عندك ولاد ان شاء الله اوعى تقوللهم انك بتتطلعى الاولى الدفعه ههههههههه
زى اغلب الابهات والامهات دا مش هايفدهم
اللى هايفدهم حقيقى الموقف اللى قولتيه فعلا نقطه بيضاء ربنا يكرمك ويكتر نقطك البيضاء
هههههههههه والله فاكرتين بنقط الامور اللى عند تيكو فى البلوجه هههههههههههه

تسلمى على البوسط وتقبلى مرورى

شمس النهار يقول...

اولا شكرا علي سؤالك علي

ودور تاني دور تاني
انسي بقا واديكي بتصلي اهو وعال العال


سلامي

أ / أحمد عبد المنعم يقول...

بسم الله الرحمن الرحيم

الأخت الفاضلة : د نورا

العنوان يوجز المضمون
وأجمل شىء للمرء أن يحيل لحظات الإخفاق إلى أمل ونجاح وانطلاق .

z!zOoOo يقول...

السلام عليكم

ازيك يا دكتورتنا الي معادتش سنين

D:

بهزر طبعا ههههههههه

علي فكره ناس كتير بتحط دايما في دماغها إن النكبه او الابتلاء او اي شيء بيصيب الانسان إنه شر

بس عشان إحنا بشر ونظرتنا دايما بشريه بيملاها الخوف وعدم البصيره

فبتكون اليد الالاهيه احن علينا مننا ومن تفكيرنا في نفسنا

وفكرتيني بالجماعه الملحدين

يقولولك طيب مثلا ليه فيه براكين وكوارث وما إلي ذلك

وكان احد الردود الي عجبتني قوي رد دكتور مصطفي محمود الله يرحمه

قال اولا البراكين لمابتحصل الارض بتنفس عن نفسها وبتطلع الكبت الي فيها ولو ده ماحصلش الارض تنفجر

وبعدين قال إن الطبيعي إن الارض ساكنه وفيها جمال وسكون والشيء الشاذ هو الكوارث

يعني مثلا زي ما إحنا بننجح علطول مثلا الغريب إننا نسقط او مثلا بنطلع السلم علطول الشيء الغريب إننا نقع

يعني الطبيعي دايم والشاذ لحظات وبيمر

وقال كمان إن حتي احنا كبشر شايفين إن البركان مثلا شر وكارثه قال طيب ماهو في نهايه الشر خير

وده بيظهر في إن بعد البركان مابيطلع ناره وحمم بتلاقي ثروات الارض طلعت

وإحنا استفدنا بيها ولولا البركان ماكناش هنوصلها غير ببحث طويل وتكاليف باهظه جدا

فاهماني يعني مش دايما بيبقي اي إبتلاء شر بس إحنا عشان مانعلمش دايما بنهاجم ونزعل ونفتكر إن ده شر

علي العموم الموضوع ده هتكلم عليه إن شاء الله بإستفاضهعشان تعم الفايده

بس دايما لازم نفتكر الجمله ديه

وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

لأن فعلا ربنا يعلم الي مانعلموش إحنا

معلش طولت عليكي

بس موضوع بسيط وفيه مغزي حلو قوي يارب يوصل للكل ونعرف نطبقه

:)

تحياتي

عمرو جويلى يقول...

د/نور
السلام عليكم
كثير من الأزمات التى نمربها
لابد أن نستخلص منها العبر
والدروس
خالص تقديرى

karim يقول...

كلنا اتعرضنا للموقف دة من عدم الصلاة وفى كتير لسة كدة,ربنا بهدى الكل, تحياتى

dr/shiko يقول...

جميلة اوي التدوينة دي .. لانها بتفكرني بحاجات الواحد بيعملها ويندم عليها .. والحمد لله اني ربنا كرمك بالانتظام في الصلاة ويارب يديمها عليكي نعمة ويحفظها من الزوال ويهدينا واياكي الي سواء السبيل .. وما يكتبش علينا اننا نشوف وش الدور التاني طول ما احنا في الكلية دي اللي مش عارف حنتخرج منها نعمل ايه ؟؟؟ههههههههههههههه

قلم رصاص يقول...

قدر الله وماشاء فعل
واحييكي يادكتور على التماسك
واييييييه الذكريات دي بس

دايما الناس بتحب تتفاخر ببعض ذكرياتها التي تجعلها تشعر بالزهو والفخر بين الاخرين
ولو حد منهم مثلا كان عنده مادة ولا حاجة ..عمره ماهيفكر يكتب عن الموضوع دا ابداااااااااااا ههههههههههههههه

بجد أحييكي والله على البوست والفكره

ويارب من نجاح الى نجاح
والتوفيق حليفكم ان شاء الله

تقبلي مروري وتقديري واحترامي

Unknown يقول...

ازيك يا دكتورة
ومبروك النجاح وياستى ياما بتمر ظروف على الواحد الحمد لله انها عدت على خير
وانك رجعتى لربنا
لذلك يبتلى الله عباده

اه نسيت اقولك


سررك فى بيررررررررررر

غير معرف يقول...

السلام عليكم
ازيك يادكتوره
جزاكم الله خيرا على التدوينه
احيانا المواقف الصعبه بتكون فايده لينا
وده اللى لازم يعمله الناس انهم يستفيدوا منها للاحسن
ورب ضاره نافعه
سبحان الله
موقف زي ده فادك بشكل كبير
كان ممكن يعدى وبرضه تنجحى لكن من غير فايده
بس الحمد لله ربنا انعم عليكي بفايده كبيره
ده بصراحه درس ليا ولكل الناس انهم يحاولوا يستفيدوا من المحن وتبقى منح
ربنا يكرمك ويسعدك

ليس فقيرا من يحب يقول...

صح كلامك يادكتورنا

لكل جواد كبوة

رب ضرة نافعه

ربنا يوفقك وييسرلك امورك دايما

يارب تكونى بالف خير

Tamer Nabil Moussa يقول...

الف الف مبررروك

هو كدة وكدة الحياة لاتدوم على حال ومن جد وجد

ربنا يوفقك ويكرمك

مع خالص تحياتى

كلمات من نور يقول...

ربي ينجحك ويسدد خطاكي دايما ويوفقك لما يحب ويرضى ودايما تكوني قريبة منه فنحن غذا ما اتينا الله نمشي آتانا مهرولا كما قال في الحديث القدسي الشريف ..أسأل الله لنا دوام القرب منه و الفوز بالجنة والنجاة من النار....تحياتي

الشاعر الفنان أحمد فتحى فؤاد يقول...

الف مبروك عالنجاح ... متأخرة شوية؟ معلش
الأهم مبروك الدرس
ربنا يهدينا يا رب إلى سواء السبيل
شكرا على الدرس الرائع

تــركــي الــغــامــدي يقول...

مش مشكلة ملحق مقدور عليه وياما ملاحق في حياتنا ... لكن تظل العزيمة بعد توفيق الله تعالى والتوكل عليه مطية المؤمن .
تحياتي ودعائي بالتوفيق .

فكرة من الزمن ده يقول...

ايوة كده اعترفو
هههههه
متخافيش سرك في بيييير
بلوجر المخروم
تحياتي

عاشقة القمر يقول...

سلام عليكم
عسى تكرهوشي هو خيرا لكم
ملحقه خليك تغير نقطه اسواد
لي الخير
مبروك النحاج مبروك ينتظم الصلاه

مجداوية يقول...

السلام عليكم

لأن كل أمر المسلم خير

ومن المحن تأتي المنح

الازهرى يقول...

لكل حصان كبوة

ولكن ليس كل حصان يقوم من كبوته وينهض ليواصل مسيرته من جديد

تحياتى على القرارات الصارمة
وجزاك الله خيرا على صلاتك وصالح أعمالك

غير معرف يقول...

بارك الله فيك

" ولئن شكرتم لأزيدنكم"

ربنا يزيدك :)

غير معرف يقول...

رفعتى معنوياتى

اصل جبت النتيجة وكانت حاجة تشرف الصراحة مع انى متعودة على حاجات تشرف زى كده بس بتتستر الحمد لله
هههههههههه

تصدقى فعلا ربنا عمره ما بيوقعنا فى مشكلة الا عشان يرفعنا ويعملنا ويخلينا احسن ويقربنا منه

جنّي يقول...

السلام عليكم

ولان العودة لله كانت باخلاص فاستمرت النقطة البيضاء وازالت السوداء ..

رزقنا الله واياك الاخلاص

تحيتي

sony2000 يقول...

طب الحمد لله انها جت علي خير
ونطلع من الحاجه دي بأيه:الصلاه ثم الصلاه
وبعدها المذاكره
يارب ديما من نجاح لنجاح
تقبلي مروري وتحياتي

Mostafa Abdelmoneam Badr يقول...

- اقولكم على سر ماحدش يعرفه

- جالى ملحق يعنى دور تانى

-بقيت كل يوم أعيط واطلب أصحابى وشئون الطلبة

- (((((((الأيام ساعات بتسرقنا واحنا زى ما أحنا ونفسيتى فى الحضيض وتعبانة اوىوبقى متهيأللى لو كنت مت كان يبقى أحسن!)))))))

- شىء آلهى والله ألهمنى أنى أصلى

- أتوضيت وصـــــليت ونويت
عدم القطع أبداً والحمد لله رب العالمين مدوامة عليها من ساعتها """بفضل الله سبحانه وتعالى"""

- ذاكرت كويس وبصراحة أعترف أنى
أكتشفت أد ايه أنا ما كنتش مذاكرة والحمد
والشكر لله نجحت

- وربنا يصبر ويوفق اللى ما أتوفق تتعوض بأذن الل

Mostafa Abdelmoneam Badr يقول...

إيه أنا لسة ما كملتش

يا دوب باسجل خد الكلمتين وجرى

المهم "آى ثينك إن الشيئ الإلهى ده عندك مهم ومحترم"
يعنى فيكى شىء لله
ربنا ينور طريقك
أنا هاقوم أصلى و بجد إدعيلى.

حصان المرجيحة يقول...

يا ستي الف مبروك
ده انا لما شيلت مادة و كنت اول مرة اشيل مواد في حياتي للاسف طلعت دور نوفمبر
و عرفت ان كل دور نوفمبر بيدخل الجيش و فعلا دخلت
احمدي ربنا ان مالكيش جيش ههههههه
و عايزين نغير المثل اللي بيقول
لكل حصان كبوة
و يبقي لكل حصان مرجيحة

Unknown يقول...

romansy
ايه يارومنــسى:)
انت حتذلنا ولا ايه؟
ما قولنا نجحنا والحمد
لله :).يشيل 6مواد!!
لأ دا ربنا يصبره صحيح
ويقويه وياخد بيده
آمين يااااااااااااارب

Unknown يقول...

حبيبتى حفيدة عرابى
أتعلمتِ طيب :)ويارب
كلنا نتعلم أن فعلاً قرصة
ودن صغيرررة كده ممكن تصحصح
الواحد لمصلحته ومستقبله.

Unknown يقول...

Heba
دا من ذوقك
ياهبة ولطفك .
صعبة اوى وياريت
المقابل يستاهل بس
حب الناس ودعواتهم
كتير بيعوضوا المقابل
المادى.الحمد لله.

Unknown يقول...

لولا وزهراء
شطورة ايه بقى
يازهرة خلى الطابق
مستور :)دا ربنا هو
اللى كان رحــيم بى
وبالوالدين كمان:)
ربنا سبحانه وتعالى
دايماً ستّار للولايا.

Unknown يقول...

هراء لا داعى له
الف مليون حمد وشكر.
ونعم المُنعم فى كل شىء.

Unknown يقول...

AHMED SAMIR
الحمد لله نجحنا وخلصنا
كمان واشتغلنا يادكتور
هذا من فضل الله سبحانه
وتعالى.

Unknown يقول...

كيــــــــــــارا
مساء النور ياكوكى
والحمد لله ربنا يرزقنا
حُسن النظر فى أمور حياتنا.

Unknown يقول...

قــبلاوى
وعليكم السلام ورحمة
الله تعالى وبركــاته
اولاً الله يبرك فيك ولك
ثانياً:انت عبقرى بدال
بتحب الفارما دا رأيى
ثالثاً:للأسف ما حصليش
الشرف لكن أعرف مثلاً
دكتور سمير ابوزيد ودكتور
محمد نجيب وكتير غيرهم.دعواتى
بالتوفيق يارب فى كليتنا الجميلة:)

Unknown يقول...

Hina wi Hinak
:)صح
بس الحمـد لله
الشاطر وقــع
وقام وقف تانى:)

Unknown يقول...

سمع هوص (Abo 3li)
لذيذة!صح ما اللى
مايعرفهاش يقول كده
عدوووك دى عاملة زى
اللوغاريتمات
وعايزينك تحفظها!

Unknown يقول...

richardCatheart
معلـش من نفسى:)
دا حتى انا حنــيت
على طول:) تسلــمى
يارب على الكلام الحلو
ده اللى ينفع تدوينة
فى حد ذاتها.

Unknown يقول...

البرنسيسة شموسة
نورتينا بعد غياب
وبركة انك رجعت بالسلامة.

Unknown يقول...

أ/أحمد عبد المنعم
الحمد لله يااستاذأحمد
دا فضل ربنا علىّ أن
هدانى لهذا الف حمد وشكر.

Unknown يقول...

عمرو جويلى
وعليكم السلام ورحمة
الله تعالى وبركاتــه
الحمد لله استاذ عمرو
الف حمد وشكر لله من
قبل ومن بعد.

Unknown يقول...

z!zOoOo
بيبقى قصور فى فهمنا
للأمور يازيزو وزى ما
بيقولوا من علامات حب
الرب للعبد كثرة الأبتلاء.
نورتنا يازيزووو.

Unknown يقول...

karim
ربنا يهدينا
ويهدى الجميع
ياكريم.آمين.

Unknown يقول...

dr-shiko
اللهم آمين
يارب العالمين
ما تخافش يادكتور
لما حتتخرج أكيد
حتعرف حتعمل ايه؟
حتعالج المرضى بس كدهـ:)

Unknown يقول...

قلم دهــب
ماهو ما جتنيش
الشجاعة دى الا على
النت بس:)يعنى ما قولتهاش
لصحبتى لحد النهاردة:تصدق؟:)
وكمان حاجة لو كنت بعيد عن
الناس كلها سقطت مكنتش اكيد
حاحكيها:لاشممكن ابداً:)

Unknown يقول...

نـهر الحب
الحمد لله ياأنوسة
الف حمد وشكر لله.
نعمة كبيرة أشكره
عليها :دوام الصلاة.

Unknown يقول...

م-محمود فوزى
وعليكم السلام ورحمة
الله تعالى وبركـاته
الحمد لله رب العالمين
ان فهمنى وهدانى الى ما
هدانى اليه.ربنا
ارحم علينا من
أنفسنا.

Unknown يقول...

ليس فقيرا من يحب
اللهم آمين يارب
العالمين لنا ولكِ
يارانيا يارب.

Unknown يقول...

Tamer Nabil
الله يبارك لك
يااستاذ تامر
ربنا يكرمك يارب.

Unknown يقول...

كلمات من نور
الشكر لله رب العالمين
الذى هدانا لحمده
وعبادته.ربنا
يرحمنا ويعفو
عنا يارب.

Unknown يقول...

الشاعر الفنان
أحمد فتحى فؤاد
بارك الله فيك
يااستاذ أحمد
وهدنا واياكم
سواء الصراط.

Unknown يقول...

تركـى الغامدى
بارك الله فيك
استاذ تركـى
وجزاكم خيراً
على كلامك الطيب.

Unknown يقول...

فكرة من الزمن ده
ليه بس يافكرة؟!
دا انا بقول انك
طيبة وأميرة خلى
السر فى بير معلش.

Unknown يقول...

عاشقة القمر
حمدلله على السلامة
ياسمية نورتينى كيفك
وكيف الأحوال كلها؟
وصح الف حمد :ملحق
جاب معاه الــنجاح
وكمان مداومة الصلاة.

Unknown يقول...

أُخيتى مجداوية
وعليكم السلام ورحمة
الله تعالى وبركـاته
وزى ما قولتى أمر
المؤمن كله خير
أن أُعطى شكر
وأن مُنع صبر
الف حمد وشكر لله.

Unknown يقول...

الأزهــرى
الحمد لله انه
ساعدنى على
الوقوف مرة
تانية ياأزهرى.

Unknown يقول...

غيـر معرف
الشكر لله رب
العـالمين.

Unknown يقول...

star in the sky
ربنا أحنا علينا
من أنفسنا ومافى شىء
بيحصل لنا الأ لمصلحتنا.

Unknown يقول...

جنّى
وعليكم السلام ورحمة
الله تعالى وبركاته
الحمد لله يااستاذ
سعيد نعمة ومداومة
عليها:الصلاة.

Unknown يقول...

sony2000
الف حمد وشكر
لله رب العالمين.
ربنا يديمها يارب

Unknown يقول...

مع أصــرارى
وعزمى وتصميمى:)
قوووول اللى أنت
عايزه المهم أنك
تنورنا تانى :)

Unknown يقول...

مع أصــرارى
وعزمى وتصميمى
دا ذوقك وكمال
أخلاقك اللى بيظهر
لك كل هذا.

Unknown يقول...

حصان المرجيحة
الحمد لله ولو أن
شوية(الستات)دول
بتوع المساوة مش
حيجيبوها البر الأ
لما الستات يتجندوا:(
لكل حصان مرجيحة!!!
فكرة ليه لأ؟:)

hamosa يقول...

الحلو في الحكاية انك اتعلمتي من المشكلة ,, عرفتي ان الله بيكون مع عبده طول ماعبده معاه ,,

الله يثبتنا ,, آمين

وعشان السر ولايهمك حفرنا هنا ودفنا هنا D:

يا مراكبي يقول...

:-)

طيب هو الفارماكولوجى ده كلمة كويسة يعني ما فيهاش حاجة؟

:-)

لو دققتي شوية مع كل واحد وحاصرتيه شوية هتلاقي إن برضه عنده نقطة سودا وبقت بيضا .. بس كل واحد وظروفة

المهم إن الشيء الرائع في الموقف ده إنه قربك من ربنا أكثر .. ورب ضارة نافعة

ومبروووك النجاح في البتاعة اللي مش عارف أنطقها دي

أبو العريف يقول...

ازيك يا احلي دكتوره ف مصر

اخبارك يا ست الكل

متشكر جداااا علي سؤالك يا دكتوره

والله مش عارف بقيت مالي لا عارف اكتب ولا اقرا

ولا ازاكر

ولا ارسم

ولا اعمل ايها حاجه

دانا حتي بطلت اطبخ ورحمت اصحابي من وجع بطنهم ( مبقوش ينفعوا الدكاترا )

وريحت جيراني من الانفجارات بتاعة المطبخ



بعد ما قريت البوست

فاكره لما كنت طلبت عنوان العياده

عشان ابقي اكشف ببلاااااااااااااااااش

انا بسحب الطلب ده

بوتااااااااااااااااتااااااااااااا

لالالالالالالالالالالالالا

انا مش مستغني عن الفارماكولوجى


هو ايه الكولجي ده

مهرة سالم يقول...

السلام عليكم ...
مبرروك يا دكتوره ...
سبحان الله أمر المؤمن كله خير ...
...
دمت في خير ..

د/ أحمد لاشين يقول...

مارلين مونرو انتحرت بالسيانيد
وبالتالي كان له تأثير جميل علي بشرتها
فقالوا انها فاتنة حتي في وفاتها -طبعا بسبب لون بشرتها من السيانيد-
المهم فيه ناس كده كل حاجة لهم حلوة :):):):)
يعني معاكسة بسيطة :):):):)
اقصد ربنا بيبعت المنحة في وسط المنحة
وربنا يكرمك
وياريت كل الشعب المصري يجيب ملاحق ويصلوا :):):)
بس فعلا فيها لمحة جميلة
وهي مسألة الخوف من الله
والثقة في انه وحده القادر علي انقاذنا من المصائب عدما تنتهي اسباب البشر
دام ذوقك وحسك وخوفك من الله ودامت صلاتك منتظمة
ربنا يكرمك يا دكتورة

Haytham Alsayes يقول...

من وسط المحنة تيجى المنحة سبحان الله
انا مشابه ليكي شوية ماكنتش باصلي والحمد لله بقيت مدوام عليها ودة كله بسبب ايه ؟
كنت في الكلية وانا راجع اتسرق مني الموبايل الل كنت جايبه جديد ومن بعدها بقيت باصلي
هههههههههه
بجد هو دة الل حصل حسيت انا دة عقاب من ربنا وبعدها ربنا هداني له
اسف علي الاطالة
اول مرة ادخل مدونتك وان شاء الله ساكون متابع جيد ليكي
ارجو التواصل وشكرا

gmr14 يقول...

اوووبس شكلي جيت متأخر.. ما بعد الملحق..
ما شاء الله تبارك الله ومبرووووك النجاح.. دنيا واخره ان شاء الله..
جميل منك مشاركتك تجاربك.. والاجمل انك عرفتي طريقك فيها..
كل الاماني لك بالتوفيق.. واتمنى يكون آخر ملحق.. مش كل مرة تسلم الجرة يادكتورة..
تحية ومودة..

mhmdwahab يقول...

السلام عليكم
انا جيت اهو و من غير عزومة
اعلق و لا ماعلقشى اعلق و لا ما علقشى طيب اتحيلى انت علية شوية ولا بلاش بعدين تزعلى و انا عارفك شرانية حتى عينك اهو بتطلع شرار.ندخل بقى فى الموضوع.دة يدل انك بتراجعى نفسك ولا تصرى على المضى قدما فى الخطاء و ياريت كل الناس تعمل كدة ولا يصرون على سلوكياتهم

micheal يقول...

طب والله قصة فيها مغزى ومعني وتستاهل أننا نتحايل عليكي..عقبال ما أعرف كلمة نجاح دي في حياتي
:)

rovy يقول...

السلام عليكم يا دكتوره نور ..
أزيك حبيبتى يا رب تكونى بكل الخير يا رب دائما ..
جميله أوى الحكايه دى .. و كده أصبحتى مدانه للملحق :) الحمد لله على كل شىء
صدقينى كل حد فينا أخذ قرصة ودن أو ربما ألم حتى يستيقظ .. المهم أننا نستيقظ و نلحق نفسنا .. أد أيه ربنا سبحانه و تعالى رحمن و رحيم بعباده .. لله كل الحمد دائما ..

تحياتى لكى غاليتى و خالص مودتى

Mona يقول...

مبروك ياقمرة يارب دايما فى نجاح مستمر أن شاءالله

Unknown يقول...

hamosa
دا ستر ربنا
سبحانه وتعالى
علىّ أنه فهمنى
وعرفنى أعمل أيه.
وربنا يستر عليك زى
ما سترت علىّ:)

Unknown يقول...

يامـراكبى
دا كلمة كويسة جداً
ياباشمهندس أخت الفسيولوجى
وبنت عم البارازيتولوجى لزم:)
الف حمد وشكر لله كانت حتبقى وقعة
(سودا بعيد عنك)لكن ربنا ستر.

Unknown يقول...

ابو العــريف
العارف كل حاجة
عال الحمد لله أنت
أخبارك ايه؟انفض
عنك غبار الكسل التدوينى
دا وارجع لنا بقى بمواضيعك
الحلوة :مستنظرينك جامد.

Unknown يقول...

نهـــــار
ونعّم بالله يانهار
فعلاً امورنا كلها خير
الف حمد وشكر لله رب العالمين.

Unknown يقول...

د/أحمد لاشين
ربنا يهدى الجميع
يارب لما يحب ويرضى
ويجعلنا من الذين
يستمعون القول
فيتبعون أحســـنه

Unknown يقول...

Haytham Alsayes
سبحان الله!معوض مُخلف
ربنا وأهوه عوضك بأحسن
من الموبايل:المدوامة على
الصلاة اد ايه بتريح الواحد
الحمد لله الف حمد وشكر.نورتنا.

Unknown يقول...

gmr14
ولا يهمك:)
المهم أنا نجحت
وأنت جيتِ.والله كانت
أول ملحق وأخر ملحق:)
الف مليون حمد وشكر لله.

Unknown يقول...

mhmdwahab
شرفت أستاذ محمد :)
وهو حد يتعزم فى مدونته؟!
وفعلاً انا كتير اراجع نفسى
واقعد احاسبها واتندم واقول
ياريتنى عملت ياريتنى سويت وخصوصاً
فى تصرفاتى ساعة الغضب او النرفزة.

Unknown يقول...

micheal
ليه بس كده
يامايكل؟ما انت
ناجح اهوة وبتشتغل
وحتبقى كاتب يُشار
اليه بالبنان
(حلوة بالبنان دى؟:))

Unknown يقول...

rovy
وعليكم السلام ورحمة
الله تعالى وبركاته
الحمد لله أنا بخير
أنتِ ازيك وأزى
البنات يارب
دايماً بخير وصحة.
ربنا يلهمنا حسن
الفهم لأمور حياتنا
وحسن تدبر الحوادث
والأشارات.

Unknown يقول...

Mona
الله يبارك لك
ويبارك فيكِ
ويعطيـــكِ
ويحمــــيكِ.

خواطر شابة يقول...

تحياتي دكتورة وفعلا عسى ان تكرهوا شيئا ويجعل الله فيه خيرا كثيرا
دمت بكل الود سيدتي

mhmdwahab يقول...

السلام عليكم
كدة بقى المدونة اصبحت مدونة ترفيهية تثقفية نموذجية مشتركة بنين و بنات و مديرتها دكتورة كمان اية العز دة يا ترى الرسوم هتبقى بكام؟ و هل فى تخفيض لى؟

TIMMY !! يقول...

هههههههه

الفارما دي فعلا البعبع بتاع الطب ,
دي أول مادة - و تقريبا المادة الوحيدة - اللي اختي أخدت فيها كورس أيام الكلية ,

أما بالنسبة لشيلان المادة , فسبحان الله , كم من محنة في طيها منحة ,

Unknown يقول...

خواطر شابة
مضبوط كلامك
فالأمور بخواتمها .

Unknown يقول...

mhmdwahab
المدونة تتشـرف
بانضمامك اليها
ياأستاذ محمد:)

Unknown يقول...

TIMMY !!
بعبع كبير ياتيمى
لكن الحمد لله رب العالمين
تغلبنا عليه من غير درس:)
لكن بفضل الله وبركته الحمد لله.