الأحد، سبتمبر 27، 2009

انا عندى زكااااااااااان


ايوة عندى زكاااااان وبرد ورشح
وسخونية ومفشفشنى على الاخر
قافل مناخيرى ومخلينى بتكلم واتنفس من بقى
ومخلى كلامى نصه طاير
معلش
وسامعاك ياللى بتقول
انفلونزا الفراخ والقطط والحاجات التانية
لا ياسيدى اللى عندى
انفلونزا العيانين
يوم الاربع والخميس اللى فاتوا كل اللى
شفتهم كان عندهم رشح
وكل واحد يشرح ويتكلم عن اللى بيشتكى منه
واخر واحد ربنا يسهله بقى
كح الكحة المعتبره فى وشى
حتقولولى ما لبستى الماسك ليه؟
حأقولكم
بكرهه
كرهـ العمى كده
جربت فعلاً ما قدرتش
خنق روحى والدنيا مش ناقصة خنقة
انا بعمل بالنصيحة اللى بقولها للعيانين
(الراحة والسوائل الدافية )
وبس
يعنى لا مضادات حيوية ولا غيره
طالما انه رشح وزكام وكان الله بالسر عليم
خدت اجازة

(اعتيادى واخدين بالكم مش مرضى)

امبارح والنهاردة
يمكن كمان اللى مزود التعب انى صايمة الستة البيض
يعنى مفيش سوائل ولا ليمونادة(بكرهها عمى هى كمان)
لكن هانت النهاردة السادس والاخير بأذن الله
وربنا يتقبل منا جميعا

اشوفكم على خير
وياريت اللى يجيب هدايا
يسيبها على الباب علشان مش حاقدر افتح
الله !
مش بقول تعبانة وملازمة الفراش !
متعكم الله بالصحة والعافية

هناك 64 تعليقًا:

norahaty يقول...

الف سلامة
عليا وعلى
الناس كلها
يـــــــــــــــــارب

خالد فوده يقول...

لالا الف سلامه علي حضرتك
وربنا يشفيكي يااااااااااااااااااارب


بس المانجه لاتجوز للعيانين

دي عاوزه مشروب سخن D:D:D:

شفاكي الله وعافاكي

كل مره حضرتك تكلميني وانا واوف لاين

norahaty يقول...

خالد فوده
تجوززززززز ياخالد
صدقنىهو انت العيان
ولا انا؟ وانت الدكتور
ولا أنا؟فبقى ملكش حجة
انا عيانة ودكتورة كمان
يعنى عارفة مصلحتى :):):)
نورتنى ياخــــالد وشرفتنى.
وبعدين اوووف لاين ولا اون لاين
المهم الكلام يوصل .........صح؟

Ana Keda يقول...

ألف ألف ألف مليون سلامة يا دوك ،، بإذن الله تقومي وتخفي وتبقي زي الفل ، ربنا يتم شفاكي على خير .

هو أنا كده ممكن أتعدي منك عشان علقت هنا ؟ تصدقي شكلي اتعديت آآآآآ
أشوفك على خير
سلام

norahaty يقول...

Ana Keda
لأ ماتخافش انا
واخدة احتياطاتى
ومدياها ديتووووول
لما قلت ياكفى وزيادة:)

Angel يقول...


ألف ألف ألف سلامة يا جميل

من انفلونزا العيانين
وأي انفلونزا تانية (:

خلي بالك من صحتك

وإن شاء الله متشوفيش شر


Angel love

norahaty يقول...

Angle
تسلمى وتعيشى يارب
ماصدق انك ملاك اسم
على مسمى فعلاً.ربنا
يخليكِ واشوفك فرحانة
دايماً يــــــــــــــــارب

غير معرف يقول...

الف سلامة علي الدكتورة نور
انا كمان جالي دور برد بس قلب معايا بقيئ شديد
الحمد لله اتعافيت منه بسرعة
اتصل بالدكتور الخاص ولا ايه



تامر

norahaty يقول...

غيــــر معرف
تامر
سلامتك يافندم
حمدلله على السلامة
بركة انــــــه مشى
طواااااااالى عقبالى
(اتصل بالدكتور الخاص ولا ايه)
ازعل منك بعدين؟امال انا ايه؟

شهد الملكات يقول...

ألف سلامة عليكى
إيه يا قمر ده باب النجار مخلع و لا ايه؟

لينك مدونتك اللى عندى مش عارفة ليه مش بيجيب آخر بوستاتك
مستقصدك تقريبا
و إذ فجأة أدخل علشان أشوفك مش بتكتبى ليه بقالك كتير
ألاقى كل البوستات دى و اللينك اللى فى مدونتى نايم على نفسه
يللا معلش

ربنا يشفيكى يا رب
فى رعاية الله
السلام عليكم

واحد من العمال يقول...

ألف مليون سلامه
وكل عام وحضرتك بخير حال

Aaya يقول...

السلام عليكم ورحمة الله وبركاته

كل عام وحضرتك بخير
وسنة سعيدة على حضرتك
وألف سلامة على حضرتك من
<< انفلونزا العيانين >>
:)

تقبلي مروري المتواضع

..
آية

سبهللة يقول...

اولا
الف سلامة عليكى
شفاكى الله وعفاكى
ثانيا
دى اول مرة ادخل عندك
ياريت لو سمحتى تبقى تغيرى لون الخط اللى بتكتبى بيه
اللون فاتح اوى ومش واضح
تحياتى لكى
وبالتوفيق ان شاء الله

well يقول...

الف سلامة عليكى ييا نور وربنا يشفيكى ويشفى كل مريض ....اسيب الهدايا على الباب ولا هتخديها ...بسرعة علشان تقيلة

سمكه واحده يقول...

الله الله
لا بقي يبقي نغير الكلام ونقول
تعباااااااانه
انا حد يقولي ان انا غلطانه؟
الف سلامه عليكي يا جمر
بقي اول مره تشرفيني في المدونه تبقي تعبانه وانا عشطانه لالالا ياله خير
ربنا يجعله في ميزان حسناتك ان شاء الله
وتقومي بالف سلامه
بشوف تعليقاتك كتير في المدونات
فرصه سعيده بس نسلم علي بعض من بعيد الله يخليكي عشان البرد بس
عشان مهو حرام ابقي عطشانه وتعبانه خبطتين في الراس توجع
(وش مطلع لسانه)
الف سلامه عليكي يا جميل
تحياتي

لاجئ الى متى يقول...

سلامتها ام حسن
من العين ومن الحسد

الف سلامة عليكي
انا حاولت اجيب هدية واجي
مثلا
جبت علبة شاكليطا
وجبت بوكيه ورد
وجبت 7 كيلو تفاح
وجبت 19 رطل برتقال

بس ما مرقوني على الحدود
على كل حال سلامتك

عطش الصبار يقول...

دكتوره
الف سلامه
زيارتك مدونتى اسعدتنى ونورتنى
انا برضه واللهى عندى نفس الاعراض
عموما زيارتك للمدونه خففتنى
تقبلى تحياتى

Hina wi Hinak يقول...

Feel better and get well soon

م/محمود فوزى يقول...

الف سلامه عليكي يادكتوره
يارب تقومي منها بسرعه

بس يعنى مش المفروض ان الدكتور ميقولش انا عيان
هو باب النجار مخلع ولا ايه

ربنا معاكي
هو فى الظروف الحاليه من رعب الانفلونزا اللى ماسك الناس اليومين دول
فاعتقد ان صعب اجيب هديه
لكن ده السبب المعلن انما السبب الحقيقي احنا فى اخر الشهر
ربنا يسترنا
ههههههههههههههههههههه

ربنا يديكي الصحه

شوكولاتة يقول...

الف سلامة عليكي يانور وربنا ينقبل منك الصيام
وأنا عندي نفس المشكلة إن الريدر عندي مش بيقرا اخر بوستاتك
حاولي تعرفي ايه المشكلة بالظبط

تحياتي

العيسوى الصغير يقول...

الهدية كام كليو برتقال وكام كليو جوافة وكام علبة فوار فيتامين C
كده

وليسون كمان وحبة البركة ياهلا

Yusuf يقول...

الف سلامة عليكي يادكتورة

بس من غير ادوية ينفع

انا لما بحس باحتقان ف زوري او بدايات رشح بشتري صيدلية عشان البرد ده ميطولش

ربنا يشفيكي يارب

حاسوباتيه يقول...

الف مليون سلامه عليكي وتقومي بالسلامه يارب وخلي بالك بقى من نفسك حد يا شيخه مايحبش اللمون غريبه بجد لازم تشربيه طبعا والف سلامه عليكي

صحيح نسيت الهديه معلش بقى ههههههههههه

محمد عتلم يقول...

تلتلاف سلامه عليكى ... وانشالله فيروس الانفلونزا هوا اللى يجيله برد ويعطس ويكح ويتنيل على عينه ويروح للدكتور يديله حقنه ومتحوقش فيه وياخد ادويه وميحوش برضه وهوا طالع من المستشفى تخبطه عربيه وتنكسر رجله ويقعد فى البيت متجبس لاهوا عارف يتحرك ولا هوا عارف يخف من البرد
الف سلامه عليكى

funky girl يقول...

الف سلامة عليكي و ان اء الله ربنا يقومك بالسلامة كدا و يبعدك عن الانفلونزا و كل التبعه :)

عبد من عباد الله يقول...

ايه المدونه اللي تقلق دي بقااااا

الف الف سلامه عليكي و ربنا يشفيكي ان شاء الله و تبقي احسن و يا ريت تاخدي اجازه من المدونه و من النت كله هههههههههه


كل سنه و انتي طيبه و ربنا يتقبل منك السته من شوال

مجرد مدونة يقول...

شفاكم الله وعافاكم
بس مش المفروض بردو ان الدكاترة بياخدوا مناعة ولا ايه؟؟
وبعدين ايه حكاية بلاش ادوية دى؟ احنا كده هنزعل كصيادلة!!

عاليا حليم يقول...

هههههههههههههه

و لا يهمك و لا تحطي في بالك انفلونزا القطط و الفراخ
:))إن شاء الله و تقومي على خير و سلام

---------------

لما تفوقي إبقى عدي عليا عاوزة رأيك ضروري في البوست الجديد

نهــــــــــار يقول...

السلام عليكم...
ألف سلامه يادكتوره ....
طهور أن شاء الله ...
....
وتقبل الله منا ومنكِ صالح الأعمال..
...
في امان الله

Beram ElMasry يقول...

الأخت العزيزة الغالية norahaty
حفظك الله من كل مكروه وأدام عليك فضله ونعمه ولك جزيل تقديري وأحترامي وشكرا علي تفضلك بالزيارة مع خالص تحياتي والسلام ولا سلام مع قتلة الأنبياء والأطفال بني إسرائيل .

المعلم محمد صاحب المطعم - طعمية سخنة يقول...

انا سبتلك ورقة و عديتها من تحت الباب
و بقول فيها الف سلامة عليكي يا دوك

امبارح و انا في الكورس واد جاي في وسطنا و انا و هو معندناش برد لأني لسه قايم من دور بسخونية بوظ عنيا و اسناني

جاي خايف علي نفسه و اي حد يتنفس يقوله بعيد

روح و بيكلمني بالليل ع الميل بيقولي خلاص معنتش هخاف ! اتعديت ههههه

الف سلامة يا دووووووك

المعلم محمد صاحب المطعم - طعمية سخنة يقول...

دكتورة : كنسلي العروسة بقي :D

جالي عرض من ميمي :D

mimi on September 29, 2009 11:23 AM said...

جايلي ايميل من رومانيا أن فيه وفد مكون من 15 عضو هيكونوا في أستضافتي من 25 أكتوبر


يارب ألاقيلك واحدة تنفعك

ابقي تعالي وأختار

هوديهم الاسماعيلية والاسكندرية وبورسعيد والقاهرة

شوف تحب تشوفها فين

انت مرزق يابني

أضحك بقي وأفرجها ياعم

خدلك للأفراح تأشيرة




المهم انا عندي عريس بس مهره غالي اوووووي شوفي العروسة هتدفعله مهر كان و عمولتي و احاول اقنعه

mimi يقول...

أنف سنامة عنيكي

أأأأقصد ألف سلامة عليكي

كيتوفان نوفلو سيبتازول
بالكيز وان تو ثري بانادول

norahaty يقول...

شهد الملكات
وأحلى الملكات
كمـــــــــــــــان
مش اللنك اللى عندك بس:(
دا فى كل المدونات الصديقة:(
هى مشكلة فعلاً ومش عارفة لها
حل ادينى عملت استغاثة لأهل
بلوجر الكرام وحاشوف
يقولولى ايه؟
ومتشكرة لسؤالك
ولاستفسارك عنى
ياأحلى الملكات

norahaty يقول...

واحد من العمال
الله يسلمك يافندم
وربنا يشفى كل مريض
يــــــــــــــــــــارب

norahaty يقول...

Aaya
عليكم السلام ورحمة
الله تعالى وبركاته
كل لحظة وانتِ بألف خير
ياأية يارب وربنا يبعد
عنك كل الانفلونزات المعروفة
والمجهولة المصدر والشخصية .
مرورك جميل مثل اسمك
يــــــــاأيـــــــة.

norahaty يقول...

سبهللة
اللهم أمين
يارب العالمين
لىً ولجميع العيانين
وحاضر أحاول أغير الخط
لوناً وحجماً بس لمّا تتحل
مشكلة الريدر دى:(
شكراً لمرروك الجميل.

norahaty يقول...

well
الله يسلمك من
كل شر ومرددة لك
فى الافراح خليها عندك
هدايا جميلة تُشكر عليها:)

norahaty يقول...

سمكة واحدة
كدا برضة؟
خايفة منى:)
لأ ياسكر ما تخافيش
تعالى لخالتوووووو:)
وسلامتك من العطش
وربنا يروى العطاشى
كلهم لاجل خاطرك ياسمكة
وفرحتينى بالمرور الجميل ده

norahaty يقول...

لاجىء الى متى
الله يسلمك
ويبارك لك
يارب كل دا
هدايا كلفت
نفسك كتير :)
ومش زعلانه اد
ما زعلانة على
البرتقال الفلسطينى
ما فى احلى ولا اشهى منه
تسلم للزيارة وللهدايا
وربنا قادر يشيل كل
الحدود بين بلادنا
يـــــــــارب.

norahaty يقول...

عطش الصبـــار
الف لابأس عنك
وسلامتك الف سلامة
حاولى تستريحى وتاخدى
سوائل دافية بكثرة
وربنا هو الشافى
من قبل ومن بعد.

norahaty يقول...

Hina wi Hinak
Thank you
very much.

norahaty يقول...

م/محمود فوزى
الله يسملك من
كل شر يارب
الله!يعنى مش الدكتور
دا أنسان بيتعب زى
اى انسان؟وبيحتاج
مشاركة اصحابه فى
التعب بتاعه دا؟
والمشاركة دى ياريت
ممكن معنوية ويااااريت
عينية :)بس معلش سماح
اخر الشهر وخارجين من عيد
وداخلين على مدارس وحكايتنا
حكاية مالها أخر:) ربنا يستر
وكفاية مرورك الجميل ب2كيلو
جوافة و3كيلو موز بحالهم :)

norahaty يقول...

شوكلاتة
ياشوكولاتة
يـــاشوكولاتة
الله يسلمك يارب
(ياحلوووووة)
وادينى ببحث
وادينى كمان
عملت بوست
مخصوص للسؤال.
مرورك سكر زيادة.

norahaty يقول...

العيسوى الصغير
كل ده !ياخبر:)
متشكريين خالص:)
هدية مقبولة ومردودة
لكم فى الافراح بأذن الله

norahaty يقول...

Yusuf
الله يسلمك يايوسف
وصدقنى سرعة أخذ
الدواء فى كل شىء
مش كويسة لازم تعطى
جسمك فرصة لبناء
اجسامه المضادة.
وربنا ما يحوجك
لدوا ابدا يارب.

norahaty يقول...

حاسوباتية
الله يسلمك يارب
عارفة الليمون الناس
كلها تاخده تخف انا بقى
اخده اعيا اكتر ومعدتى
تتقلب وتبقى حكايتى حكاية
وسماح المرة دى من غير هدية
انما لو اتكررت حتبقى سامية:)
ومتشكرة لمرورك الجميل ياحاسوباتية

norahaty يقول...

عتليموووو
أزيك يافنان؟
فينك من زمان:)
(بكتب اغانى اهوه علشانك)
وايه الصورة الجديدة دى
الله على رأى الخلييجين
ولا اروع !جميلة :)
شلفط الفيروس
ياعتلم كل دا دعا عليه:)
نورتينى بالمرور والتعليق
يافنان وماتغبش كتير تانى

norahaty يقول...

funky girl
الله يسلمك
يابنوتة يارب
ويسلم الناس كلها
من الشر كله.

norahaty يقول...

عبد من عباد الله
لأ ما تخافش خالص:)
حذ الماسك ده والبسه
وانت هنا متخاااافش
وياريت ينفع كنت عملت
كده من زمان لكن بقى
الجماااااااااااهير
تنادينى عودى ياهاميس:)
اقوم ما أصدق وأرجع
على طوووووووووووول

norahaty يقول...

مجرد مدونة
وشفى مرضانا جميعاً
يارب .بناخد مناعة
ياصيدلى بس (النق وحش)
والدوا خليه للحاجات
الجامدة المستدعيه له
مش البرد وكده:)وكمان
هو انا اقدر ازعل
الصيادلة لاشممكن ابداً:)

norahaty يقول...

عاليا حليم
لأانا مش حاطة
الحمد لله شايلة
الموضوع من دماغى
ومطنسسسسسة خالص.
وحاضر اخلص واشوف الجديد.

norahaty يقول...

نهـــــــــار
وعليكم السلام
الله يسلمك يارب
ويبعد عنك الشر كله
مرورك نور ونهار يانهار

norahaty يقول...

Beram ElMasry
الله يسلمك استاذنا
يارب ويتم شفاءك
انت وكل مريــض
وانا اللى متشكرة
على مرورك وتعليقك.

norahaty يقول...

المعلم محمد صاحب المطعم
--- طعمية سخنة---
ورقة!فين الهدايا؟
يامعلم كده الاخوة:)
أما زميك دا فربنا
ياخد بيده فى الدور
فعلا بيبوظ الاسنان
كانت بتوجعنى اوى
ساعتها لكن الحمد
لله خفيت:)وفضيت :)
ربنا ينجح مقاصدك
يامعلم يارب بس
فى ايه الكورسات
اللى بياخدها
المعلمين دى؟

norahaty يقول...

المعلم محمد صاحب المطعم
-----طعمية سخنة----
ماشى ماشى يامعلم
زى ما تحب وكيف ما تريد
أحنا عايزين الخير
للبلد ولاهل البلد :)
شرفتنا ونورتنا
يامعلم محمد
ياصاحب المطعم

norahaty يقول...

mimi
الله يسلمك ياميمى
متشكريين على الروشتة
المجانية دى بس ياريت
تغيرها ب3كيلو مانجو
يبقى كتر خيرك:):)
نورتينـــــــــــــا
ياميمى ميماياه

norahaty يقول...

بسم الله الرحيم الرحيم
(وَإِذَا مَرِضْتُ فَهُوَ يَشْفِينِ)
صدق الله العظيم.
سورةالشعراء
اية 80.
والحمد لله رب العالمين
والصلاة والسلام على
خاتم النبيين وأمام
المرسلين سيدنا محمد
وآله وصحبه ومن
أهتدى بهديه الى
يوم الدين.آمين.

أم أحمد المصرية يقول...

حبيبتي
كل سنة و انت طيبة معلش متأخرة شوية :)
بس قلت استني لما تصوموا السته البيض
بجد بجد وحشتيني

norahaty يقول...

لولولوىىىى
أم أحمد المصرية
رجعت ياجماعة
لوىىىلوىىى
الف حمد لله على
ســـلامتك انتِ
كيف حالك؟والاسرة؟
يارب تكونوا فى أسعد
حــال دايماً.منتظريين
تدويناتك الجميلة
وحمدلله على السلامة:)

غير معرف يقول...

الف مليون سلامه الملاك البرئ الجميل كان تعبان وانا مش اعرف
كده انا زعلانه من نفسى اوى اوى
الف مليوووووون سلامه لو كنت اعرف كنت جبت اكبر باقة ورد فى الدنيا كلها
ومعايا عصاير ومشروبات ساخنه جيت لغاية عندك
بعد الشر عنكى يا قمرايه
ربنا يعفو عنك ويكتب لكى السلامه يااااااااارب

norahaty يقول...

غير معرفة
الله يسلمك يارب
مش حاقدر اقول
بعد الكلام الجميل
دا غير شكررررررر
ررررررررررررررررر
ررررررررررررررررررر
ررررررررررررررررررررر
ررررررررررررررررررررررر
ررررررررررررررررررررررررراً
كفاية كدة ولا أكمل .......
متشكرة جداً لذوقِـــــك ولكلامِك

زهراء يقول...

تسلمى على ذوقك
على فكره انا اللى كتبت الملاك البرئ بس نسيت اكتب اسمى
يارب تكونى بقيتى فى احس حال ياااااااااااااااااارب

norahaty يقول...

زهــــراء
الله يسلمك .انا
أحسن كتير والحمد لله
ومرة تانية متشكرين
لذوقك الجميل يازهراء.