الأحد، مارس 22، 2009

..........صبحية حفلة عيد الام









آى ....آى

أى....أى......اى
.... اى .....اى........آى

بقى ياربى أنا اللى بهرب من حفلاية واحدية احضر حفلتين فى ليلة واحدة
ايه ده ؟حرررام لما انا دماغى وكأن فيها شواكيش مش شاكوش واحد
الحكاية انى حضرت (بالحقيقة تقدروا تقولوا اتسحلت سحل) كده
لاول حفلة ودى كانت فى النادى بتاعنا ولازم ياطنط تيجى
ولو ما جيتيش حنيجى احنا !!!يانهار مش فايت تيجوا ايه
كفاية اللى عندى اجى انا اسهل

وفعلا على الساعة اربعة تقريبا
روحت وخدت بنت اختى التانية
اللى ربنا يكرمها يارب
بعريس ابن حلال يفرحها
هى وكل بنت منتظرة الجواز
ولو تعرف الحقيقة
ولو بس تيجى تسمع كلام بنت اختى التانية
اللى لسه متجوزة السنه اللى فاتت
وكنا بحتفل بالسبوع بتاع بنتها
فى العيد الكبير اللى فات ده
المهم ما أطولش عليكوا روحت وقلت هربت
من( الضيافة والضيوف)وطبعا لازم يكرمونا
لان زوج اختى عضو مجلس الادارة بتاع النادى
يكرمونا ازاى ياعم الحلو انت الله يكرموهم يارب
يقعدونا اول صف ....ماشى... جميل؟
لا مش جميل لانه لزم جنب الميكرفون والسماعات

وعينكم ما تشوف الا كل خير يارب
رحنا من هنا والخبط والرزع
وفرقة الموسيقى العربية
وفرقة الفنون الشعبية
وفرقة حسب الله
وفرقة التراث
مرة يعزفوا ست الحبايب ياحبيبة
ومرة تانية يعزفوا (هابى بيرث داى تو يوو)وانا
فى عقل بالى اسأل ايه اللى جاب ده لدى!!أتاريهم بتوع
النادى بيوفروا بالمرة وبيعملوا شوية شغل
وبيحتفلوا وبالمرة
بمواليد شهر يناير وفبراير ومارس من أعضاء النادى
واهو كله توفير واحتفالات.
وطبعاً الساحر والاراجوزوشوية اكروبات
وطاااخ طيييخ طوووووووووخ لما مش عايزة اقولكم
دماغى كانت حتنفجر
صبرت لمّا الحفلة خلصت بالطول ولا بالعرض ومروحة بقى
افرااااااااااااااااج بقى لحسن السير والسلوك

لألألألألألأ انتى رايحة فين ياطنط
مروحيين ياحبيبتى
لا احنا جاين معاكم
جايين معنا فين ؟
عندك
ليه؟
ليه ايه ؟
ايوة ليه؟مش انا جيت اهوه وشفتونى وشفتكم وخلاص

لا ياطنط احنا متعودين نسهر الليلة دى عندك
..عايزة تغيرى عوايدنا فال مش كويس ده !
من الاخر وعلشان ما أطولش عليكم وعلى نفسى كمان
جم معاى طبعاً وبدأت الحفلة التانية

واللى ما شفتهمش فى الحفلة شفتهم فى البيت
والحاضر يعزم الغايب ويعزم جيرانه كمان لو عايز
كانت لمة وقعدة ما خلصت الا الساعة يمكن عشرة بليل
كنت كل شوية (اتسرق)منهم
واجى اريح هنا شوية فى الاوضة والمدونة
طبعاًالشقة بقت تضرب تقلب لكن واحدة منهم

كتر خيرها رتبت كل حاجة قبل ماتمشى تشكر كتير
الصبح ما بقيت قادرة اقوم ولا أروح الشغل
لكن وزى العوايد انا ماضية لزميلتى
(سأقوم بالعمل)وبالتالى كان لازم اروح
وفعلا روحت وأنقضى اليوم بسلام
وادى اللى بناخده من الحفلات
نسيت أقول جالى
طبعا هدايا
عيد الام
منهم
لكن مش حاقولكم عليها ........كده الله

***ما تنسوا الاستفتاء***
****معلش لحوحة ولجوجة انا****

هناك 68 تعليقًا:

ذو الوجه المبتسم يقول...

السلام عليكم
تعرفى بجد انتى فظيعة
ايه يا بنتى ده
انتى مصدقتى نقول لك اكتبى
كل دقيقة ببوست جديد
هههههههههههههههههه
بس بجد انا مبسوط جدا
ياريتنى زيك باكتب كتير قوووى كده وافضفض
ربنا يسعدك يارب
وتحضري فى اليوم الواحد عشر حفلات
بس افتكرينا معاكى بحاجة
يعنى وحد بيبسي
حتة جاتوه
اى حاجة يعنى
هههههههههه
تقبلى تحياتى

موناليزا يقول...

كل سنة وانتى طيبة

أنا حر يقول...

كل سنة وانت طيبة وكل ام طيبة
بس في نفس الوقت ربنا معاكي من حالة الصداع المستعصية اللي نتجت عن الاحتفال
السنة الجاية حاولي تهربي شهر مارس كله بره البلد تغيير جو وفي نفس الوقت راحة من الحفلات
:)
تحياتي

د/عرفه يقول...

سلام عليكم
كل سنه وانتى طيبه
انا برضه مش بحب الحفلات دى
بس فكرتينى بايام زمان
مدرسه الابتدائى بتاع سنه اولى مره جيبتلها هديه فى عيد الام
وهى لما صدقت بقيت كل سنه لازم اجيبلها هديه حتى بعد ما مشيت من الفصل بتاعى
لا ومش بس كده لا فى عيد ميلادى كمان لازم اجيبلها كيكه
ههههههههههههه
ايام
طولت عليكِ
تحياتى

مسدس صغير يقول...

بوست هايل
حفلة سعيدة
وربنا يرزق بنت اختك بعريس زيى كده او حتى احسن.هههههه
وكل سنة وانتى طيبة.

شمس النهار يقول...

الله يكون في عونك انا عارفه الحفلات دي بتكون دوشه ازاي
بس انا بحب العيال الدوشجيه بحس انهم كلهم حيويه ونشاط وذكاء
وفي اي تجمع في اطفال تلاقيني معاهم بنلعب ومالناش صوت غير الضحك
واهليهم يستغربوا
كل سنه وكل ست بخير وسعاده

assafo anaroze يقول...

سيدتي
اهوا ليلة يفرحوا بك كم طنط عنجهم عشان يفرحوا يها
على كل عيد و انت بالف خير يا ست الكل
و كل الامهات بالف خير
مودتي

يــوم جــديد يقول...

يا طنط عندنا حفلة ولازم تيجي
ماتخافيش هنقعدك في الصف الأول
ههههه

سبحان الله اللي قاعد قدام بيحسد اللي وراه عشان بعيد عن السماعات
واللي قاعد ورا مش شايف وبيقول يا بخته اللي قدام

المهم إنك أدخلتي السرور على قلوب المسلمين
ربنا يتقبل منك
وعلقة تفوت والكل مبسوط :)

جنّي يقول...

السلام عليكم

كل عام وانتم بخير

اكيد انتي عارفة ان الصوت العالي قد يسبب الصمم على المدى البعيد .. واحنا مش حفلاتنا بس اللي كلها صخب دا كل مكان تقريبا الشارع والمواصلات والبيت والمدرسة حتى المستشفيات التي يستوجب فيها توفير الراحة ..

ضوضاء وتلوث سمعي شديد ..
محتاجين نغير سلوكياتنا التي تضرنا ..

سجود يقول...

جزاكم الله خير
بس احنا بقي بنجيب لمدرسه كنا بنحبها اوي كانت دخلت لنا في اخر سنه لينا في المدرسه وانا اخدت نمره تليفونها وكنت بتصل بيها بس فتره انقطعت لان النمره ضاعت ودلوقتي لو اتصلت مش هتفتكرني بس خير وجزاكم الله خير ذكرتينا بحاجات كتير ماضي
مدونه قل يا قلم

رابطه مدونون من اجل فلسطين يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

mohamed ghalia يقول...

يلا استحملى الصوت العالى شوية
ههههههههههه
ربنا يسعدك دايما

soly88 يقول...

من الواضح انك تتمتعين بحب اطفال العيله
كل عيد ام وانت بسعاده

الفقيرة إلى الله أم البنات يقول...

كل سنه وانتم طيبين
وربنا يجعل ايام اعياد واحتفلات
ومعك حد بيساعد


ممكن لينك موضوع الدموع احطه مع التدوينه
معرفتش الالقيه امبارح

Gannah يقول...

انتى عاملة زيى بالظبط مش بحب الدوشة ابدا
كل عام وانتى وكل ام بخير
ربنا يبارك فى كل الاطفال
مش هتقولى برضه الهدايا كانت ايه؟؟:)
تحياتى

كفايـة طيبـة يقول...

كل سنة وانتى حلوة
والف سلامة عليكي من الصداع :)

عمرو يقول...

علشان بيحبوكى فقعدوكى فى الصف الأول :))
كل سنه و أنتى طيبه يا دكتوره و ربنا يفرحك بيهم و يفرحهم بيكى
ليا بس ملحوظه فعلا محيرانى و هى ليه الدوشه كلما علت كلما أ‘تبر ده اٍهلان عن البهجه ؟؟!!
ظبعا السلوك ده عندنا اٍحنا بس كعرب ..

rovy يقول...

كل سنه و انتى طيبه غاليتى و بالف خير

معلش علقة تفوت .. )

ربنا يخلى كل احبابك يارب و يخليكى لهم و يرزقك كل السعاده

دمتى بكل خير و سعاده

ارق تحياتى

كيــــــــــــارا يقول...

اللمه حلووه برده

كل سنه وانتي طيبه

حسن حنفى يقول...

كل سنه وكل ام طيبه

ههههههه

كل ده من حفليتن

يلا ربنا يكون في عونك يارب

الحمد لله مش بروح حفلات الثانويه احسن حجه ولا ايه :d

حاول تفتكرنى يقول...

كل سنة وأنت بخير

TIMMY !! يقول...

أنا بكره الحفلات و الصوت العالي جدا ,

و الحمد لله , لسه ما بقيتش " طنط " :) علشان يمسكوا فيها أحضر حفلات :)

الربان يقول...

تحياتي

الله يكون في عونك...انا لا احب مثل هذه
الاحتفالات...و الصداع مباشرة يكون حليفي...

ياريت اننا نقدر ظروف بعض...يعني لو اعتذرت عن عدم الحضور ..يبقي صاحب الدعوة يقدر و لا يتمسك و يحلف...

تحياتي و تقديري

بـسـمـــة صـــــلاح يقول...

ههههههههههههههههههههه
هموت عليكي من الدحك
والله انت عثل خالث مالث
هوا انتي أم ولا ايه؟؟
كل سنه وكل ام في العالم بخير
والابهات كمان
انا فاتني بوستين لازم اقراهم ان شاء الله
معلش بتأخر في الزيارة بس والله العيا بتاعي وكمان امتحناتي الدوريه((نظام امتحانات في السعوديه ربنا يحرقهم))
قرفاني
ربنا يعين
دمت بكل ود
تحيـ بسومة ــاتي(:

مها يقول...

هههههههههه...ومن الحب ما قتل..!!
فعلاً حالة الصخب المرعبة في حفلاتنا وأفراحنا ظاهرة مثيرة للدهشة.. يعني لو مفرجناش الكرة الأرضية كلها علينا وصرخنا لوش الصبح ما ينفعش نفرح!!!
هيا كدة الشعوب العربية.. شعوب حنجورية.. أنا فاكرة لما كنا في المدرسة كنت استغرب قوي من المدرسة لما تشخط فيا واحنا بنغني نشيد الصباح وتقولي: ايه ده؟؟ انت بتغني لنفسك؟؟ زعقي شوية..شايفة الباقيين بيغنوا "جامد" ازاي؟؟
وطبعا المساكين علشان ينولوا رضا المعلمة السامي يفضلوا يصرخوا لحد ما حناجرهم تنشق.. على طريقة "علي صوتك بالغنا وإديني أكتر" هههههههههههه

وفاء بركات يقول...

السلام عليكم ورحمة
الله وبركاته
كل سنه وانت طيبه .وربنا يديم عليكي الفرح و تفرحي بأبنة أختك وبناتي وكل بنوتتنا يارب .. وبالنسبه للصداع
مؤكد كان صداع لذيذ لإن اللمه حلوه
ربنا يحبب فيك خلقه.
كل سنه وانت وكل الأمهات بخير ويرحم الأمهات الأموات اللهم أمين.

ايوشة يقول...

كل سنة وانتى طيبة وعلشان بيحبوكى اكيد بيحبوا يقعدوا معاكى دايما

من غير عنـــوان يقول...

كل سنه وكل الأمهات بخير ويوجعوا لنا دماغنا

أمنياتي

assafo anaroze يقول...

سيدتي
في انتظارك في مدونتي الجديدة التي تحمل نفس اسم القديمة بس على البلوج سبوت
مودتي

حنين القلب يقول...

يعنى مش فيه فايده
حاولتى تروحى علشان تهربى منهم
راحوا كمان جم كملوا السهرة عندك

المهم كل سنه وانتى طيبه
وجالك هدايا كتير

يا بختك انا مش بحسد انا بقر بس
ههههههههههههه

تقبلى مرورى

Beram ElMasry يقول...

السلام عليكم ورحمة الله وبركاته
اتمنى زيارتكم لمدونتى وابداء الراى فى الموضوع المطروح السلام ومن نسالم ، فلا تتاخروا ولا تبخلو ا بالمشاركة
لك تحياتى والسلام عليكم ، ولا سلام مع اليهود
بيرم المصرى

عاشــــــ النقاب ـقــــة"نونو" يقول...

السلام عليكم
وحشااااااااااااااااااااااني
كل عام وحضرتك الى الرحمن اقرب والى طاعته ادوم
معلش حفلة تفوت ربا يكرمك ويبارك لك يارب
تحياتي

فاطمة يقول...

مدونه جميله

norahaty يقول...

السلام عليكم ورحمة
الله تعالى وبركاته
ونبدأ الرد وربنا
يستر والنور مايتقطع
او النت يعمل (عمايله)
او الكومبيوتر تجى له(الحاله)

norahaty يقول...

السلام عليكم ورحمة
الله تعالى وبركاته
ذّو الوجه المبتسم
((من شر حاسد إذاحسد))
عاجبك ادينى بقالى يومين
ما كتبت شىء!وبيبسى ايه
اللى انت عايزه ده!دا انت
فى السعوية اللى كل الحاجات
الساقعة فيها (بالريال)
وخد التانية مجانا:):)

norahaty يقول...

السلام عليكم ورحمة
الله تعالى وبركاته
موناليزا
وكل لحظة وانتِ
بالف خير ياموونى

norahaty يقول...

السلام عليكم ورحمة
الله تعالى وبركاته
أنا حر
وانت طيب يافندم
بس اهرب على فين قولىّ؟
بلدنا وبيتنا مفيش
احلى منهم فى عينى:)

norahaty يقول...

السلام عليكم ورحمة
الله تعالى وبركاته
د/عرفة
لأ الحمد لله على ايامنا
ماكنش فيه الحاجات دى
هى حفلة واحدة فى نهاية
العام الدراسى ونتصور
(حضرة الناظر)وحضرات
(السادة االمدرسين والمدرسات)
وندفع خمسة جنيه بالقوة والعافية كمان علشان ناخد الصورة :)
نقولهم مش عاوزيين:) مفيش
فايدة لاززززززززززم
ندفع وناخد صورة:)

norahaty يقول...

السلام عليكم ورحمة
الله تعالى وبركاته
مسدس صغير
يااااااارب
ياااااااااارب
يااااااااااااارب
هى وكل اللى نفسه يارب
وكل لحظة وانت بخير وطيب وسعيد.

norahaty يقول...

السلام عليكم ورحمة
الله تعالى وبركاته
البرنسيسة شموسة
عندنا يامرحبا
حبيبتى لو بتحبيهم كده
قوليلى على العنوان بس
و(شم النسيم الجاى)ان شاء
الله ابعتهم عليكى ما تحملى هم:)
يارب يفرحك ببنوتاتك كلهم
وتشوفى احفاد احفادهم كمان

norahaty يقول...

السلام عليكم ورحمة
الله تعالى وبركاته
assafo anaroze
(كم طنط عندهم
عشان يفرحوا يها)
هو حاليا 2بس المتوافر
فى مصر مفيش غيرى :)
شفت الهنا:):)
كل لحظة وانت بخير سنيور
اسيافو:بس قولى هو عندكم
الاحتفال باليوم ده زى هنا؟

norahaty يقول...

السلام عليكم ورحمة
الله تعالى وبركاته
يوم جديد
(وعلقة تفوت والكل مبسوط :)
جديدة عليّ دى
لكن اكيد اللى قال
الجملة دى مش هو
اللى خد العلقة:)
صح ولا غلط؟:)

norahaty يقول...

السلام عليكم ورحمة
الله تعالى وبركاته
جنّى
الدوووووووووشة
جننتنى خلاص الدوشة
الانسان بيتكلم فى المحمول
وصوته يمكن يوصل للى بيكلمه
من غير موبايل وممكن ابعد كمان:)
(نغير سلوكياتنا)!!صعب!صعيب ,أصعب!

norahaty يقول...

السلام عليكم ورحمة
الله تعالى وبركاته
سجود
الحب فى الله ولله
ودوام الحب فى الله
من عظائم النعم من
الله على الانسان.حاولى
تتصلى بيها ومين عارف؟
يمكن الود بينكم تانى :)

norahaty يقول...

السلام عليكم ورحمة
الله تعالى وبركاته
رابطة مدونون من أجل فلسطين
شكراًللتذكرة وكلل الله سعيكم
وسعينا بالنجاح بأذن الله .

norahaty يقول...

السلام عليكم ورحمة
الله تعالى وبركاته
mohame ghalia
ادينى مستحمله:)
والله مستحملة كتير
وكتيييييييييير:)

norahaty يقول...

السلام عليكم ورحمة
الله تعالى وبركاته
soly88
نعمة عظيمة
احمدالله انى اتمتع بها:)
وكل لحظة وانت بخير سولى.

norahaty يقول...

السلام عليكم ورحمة
الله تعالى وبركاته
الفقيرة الى الله ام البنات
الحمد لله (طلعت ذوق ورتبت
كل حاجة فعلا قبل ما تمشى)
وحاضر اخلص الردود وابعته
على مدونتك وشكرا جزيلا لكِ
جزاكِ الله كل خير .

norahaty يقول...

السلام عليكم ورحمة
الله تعالى وبركاته
Gannah
كل لحظة وانتِ بالف خير
يادكتورة امممممممممم
الهديا: طيب هاتى ودنك
(وووشووشووووشووووووووش)
ماتقوليش لحد بقى ماشى:)

norahaty يقول...

كفاية طيبة
كل لحظةوأنتِ بالف خير
الصداع...الحمد لله راااح:)

norahaty يقول...

السلام عليكم ورحمة
الله تعالى وبركاته
استاذ/عمرو
وانت بالف خير يافندم
عندك حق بس مش فى الافراح
والمأتم كمان.عارف كان فيه
اغنية لاحمد عدوية الله يشفيه
(زحمة يادنيا زحمة )
انا بقول بقى
(دوشة يادنيا دوشة).

norahaty يقول...

السلام عليكم ورحمة
الله تعالى وبركاته
rovy
وانتِ بألف صحة وسلامة يارب
يارب ياروفى لنا كلنا مايحرم
حد من أحبابه ابداً ويطمنك
على بناتك يارب .

norahaty يقول...

السلامة عليكم ورحمة
الله تعالى وبركاته
كيارا
حلوة اوى:)
ادينى بس العنوان
وشم النسيم حيكونوا
نصهم عندك :)والنص
التانى عند شموسة:)

norahaty يقول...

السلام عليكم ورحمة
الله تعالى وبركاته
حسن حنفى
وانت طيب ياحسن يارب
بس لألألأ الحفلة احسن من
المذاكرة وكمان
ثانوية عامة :(
ذاكر ياحسن وربنا
ينجحك يارب انت
وكل تلامذة العالم:)

norahaty يقول...

السلام عليكم ورحمة الله تعالى وبركاته
TiMmY!!
ربنا يسهل وتبقى
أوووووووووووونكل
وتحضر حفلات وايه كمان
تجيب هداياوعديات
وحاجات ومحتاجات:)

norahaty يقول...

السلام عليكم ورحمة
الله تعالى وبركاته
الربان
ياريت يسمعوا الكلام ده:)
ده التمسك حتى فى الاكل والحلفان
ياسبحان الله !يعنى هو يعرف اكتر
منى انا شبعابة ولا لأ يحلفوا فى الاكل كمان والا ما يبقوا قاموا بواجب الضيافة.

norahaty يقول...

السلام عليك ورحمة
الله تعالى وبركاته
بسوووووووووووومة
انا طنط يابيبى
ليس لطفل واحد ولا اثنين
ولا ثلاثةولاااااااااااااا
يعنى ربنا يخللى لكتير
(علشان العدد بس!!)
وربنا يخليكِ يارب
بلاش الكلمة دى ابدا تقوليها
((((((((ربنا يحرقهم))))))))
ما تدعى بها ابدا هم مسلمون !

norahaty يقول...

السلام عليكم ورحمة
الله تعالى وبركاته
مها الغالية
طبعنا كده !نغيره ازاى؟صعب
متهيألى عايز تغير جينات
وزرع جينات عصافير
وبلابل ايه رأيك؟

norahaty يقول...

السلام عليكم ورحمة
الله تعالى وبركاته
استاذة وفاء
ياأهلا ياأهلا
وكل لحظة وانتِ
بألف خير ياأستاذة
وامين لكل دعواتك الطيبة
اما عن اللمة الحلوة زى كيارا وشموسة
شم النسيم الجاى حأبعت لحضرتك شوية ايه رأيك؟
ومرة تانية كل سنة
وانتِ بالف خير وصحة

norahaty يقول...

السلام عليكم ورحمة
الله تعالى وبركاته
أيوشة
وانتِ بالف خير وصحة
ويخليلك احبابك يارب.

norahaty يقول...

السلام عليكم ورحم
الله تعالى وبركاته
من غير عنوان
آمين يارب لكل كل كل
دعواتك ياباشمهندس

norahaty يقول...

السلام عليكم ورحمة
الله تعالى وبركاته
assafo anaroze
مبروووووووووووك
العتبة الجديدة
اسافوا:)وتمت
الزيارة
والحمد لله
مبرووووك.

norahaty يقول...

السلام عليكم ورحمة
الله تعالى وبركاته
حنين القلب
وكل لحظة وانتِ بألف خير يارب
ياستو ما تحدسديش تاخديهم انتِ
وتاخدى الهدايا بتاعتهم؟
لو اوكى ادينى العنوان
ابعتهم شم النسيم
الجاى بأذن الله تعالى:)

norahaty يقول...

السلام عليكم ورحمة
الله تعالى وبركاته
استاذ/بيرم المصرى
حااااااضر يافندم
من عيونى.اخلص
الردود واجى.

norahaty يقول...

السلام عليكم ورحمة
الله تعالى وبركاته
عاشقة النقاب
ام يوسف
واخواته
ربنا يحفظ ويخلى يارب
الله يخليك ويبارك فيكِ
وفى اولادك وبيتك ويرزقك
بر اطفالك وعطفهم عليكِ
كل لحظة وانتِ بالف خير

norahaty يقول...

السلام عليكم ورحمة
الله تعالى وبركاته
فاطمة
شكرا لك
انت الاجمل:)

وفاء بركات يقول...

السلام عليكم
انا في إنتظارهم وحيبقي أجمل شم نسيم
لو حضرتك شرفتيني في بني سوافيا ..
لك مني خالص التحيه

norahaty يقول...

السلام عليكم ورحمة
الله تعالى وبركاته
الشرف لينا ياأستاذة
وفاء وتحياتى واحتراماتى
لبنى سوفيا واهالى
بنى سوفيا الكرام.