الجمعة، أكتوبر 17، 2008

درسٌ لىّ





سرك فى قلبك
قلبك انت وحدك
ان لم تحفظه
فلن يحفظه غيرك
تعلمت الدرس
نعم تعلمت الدرس
ان ليس كل ما احسه صحيحآ
ان ليس كل ما احبه خيرا
وان ليس كل ما اكرهه شرا
ان ليس كل ما اراه حقيقى
وان ليس كل ما لا اراه خيال
لابد وان اترك مساحة للاحتمال
بالخطأ او الصواب


.............


هى تجربة مررت بها

هناك 63 تعليقًا:

kochia يقول...

ان ليس كل ما احسه صحيحآ
ان ليس كل ما احبه خيرا
وان ليس كل ما اكرهه شرا
ان ليس كل ما اراه حقيقى
وان ليس كل ما لا اراه خيال

حقا ما قلتي
هي حكمة الحياة لمن يريد الاستفادة بها
تحياتي

nona يقول...

اختى نور
تجربة المتنى تجربة علمتنى
بس دة مايخلناش نقف قدام الشى دة انما نتعلم منة و نستمر الى الامام دائما
ارجو من الله ان يبعد عنكى كل شر و حزن و ان يملى حياتك بما يسعدك دائما

Hina wi Hinak يقول...

وما أجمل ما ذكرتي وتعلمتي!

romansy يقول...

دا مش درس ليكى بس
دا درس لنا كلنا
ساعات الانسان بيشوف لؤلؤه جميله بتبرق
بس لاسف مش تكون اصليه

مستر محمد سلامه يقول...

عندك حق
صحيح لازم الواحد يتأكد
و لازم نتوخى الحيطه و الحذر
بس لسه فيه اصدقاء مخلصين

زى الهوا يقول...

حلو بس اهم حاجة نستفيد من تجاربنا ومانقعش فى نفس الاخطاء تانى

الفارس الملثم يقول...

رغم ان الكلمات اللي بتحملها البوست لها معني عميق , لكنها اشعرتني انها تحمل ورائها مرارة ما او اكتشاف حمل الم لك

اتمني ان تكوني بخير , واحيانا نحتاج لكن يشاركنا اسرارانا حتي لا يقتلنا الصمت , فالقلوب تنوء بحمل الاسرار وحدها

تحياتي وتقديري

Frustrated يقول...

مدهش!! كل كلمة كتبتيها سمعت معايا!! كلامك صح الف في المائة

حسن حنفى يقول...

شكرا عل مشاركتنا هذه التجربه وبجد التجربه مفيده

تحياتي

مها يقول...

نوراهاتى
فى كلماتك حكمة غابت عننا وسط زحمة الحياة والناس وتعقد العلاقات الاجتماعية والدرس فى تجربة زى دى بيكون فعلا صحيح قاسى.. ورغم كدة
فيه ناس للأسف .. ما بتتعلمش

دمتى مشرقة ومتألقة

ahmed_k يقول...

السر يظل سرا مالم نتفوه به
فإن خرج منا ما عاد سرا
والثقه بالآخرين مطلوبه
ولكن بحدود
وقديما قالوا
حرص وما تخونش


مع خالص تحياتي

ضد التيار يقول...

ان ليس كل ما احسه صحيحآ
ان ليس كل ما احبه خيرا
وان ليس كل ما اكرهه شرا
ان ليس كل ما اراه حقيقى
وان ليس كل ما لا اراه خيال

صدقتى حقاً

ghoneem يقول...

السلام عليكم

طبيبتنا الفاضلة
كل عام وانت بألف خير يااااااارب

افتقدت زيارة مدونتك والتجول والتزود منها جدا جدا جدا

وسعيد جدا بعودتي الي عالم التدوين واني لقيت حضرتك متواجدة ومنورة زي ما انت دايما ان شاء الله

درس لحضرتك
ودرس لينا كلنا
الحياة كلها دروس وحصص ومذاكرة وامتحانات ومين بينجح ومين بيسقط ومين بيعدي ف المتحان ويسقط ف غيره
ربنا يبارك لكي ويكرمك ويحفظك ويوفقك الي الصواب دوما ان شاء الله وتخرجي من هذه التجربة أفضل وأقوي ان شاء الله

أماالفول
احنا مش بنسيبه أصلا عشان نرجعله
بألف هنا وشفا يارب

عجايب الدنيا السبعة
موضوع جميل ورائع وصور جميلة فعلا ودعوة للتفاؤل

نكتفي ولنا عودة

طبعا كل شكري لدوام مرورك ومتابعتك وتشجيعك ودعواتك واعتباري صديق

دمتي بخير ودامت زياراتك وكتاباتك

تحياتي

بالتوفيق.................

blue-wave يقول...

صح
المهم انك خرجتى من التجربه دى بالنتايج دى
تحياتى

كـــيــــــــارا يقول...

ان ليس كل ما اراه حقيقى
وان ليس كل ما لا اراه خيال
لابد وان اترك مساحة للاحتمال
بالخطأ او الصواب

-------

الحمد لله انك خرجتي بخبره من التجربه

وصدقيني انتي الكسبانه

كريم بهي يقول...

سرك فى قلبك
قلبك انت وحدك
ان لم تحفظه
فلن يحفظه غيرك

مش اعارضك ... لان ممكن تلاقى قلب تعتبره قلبك بردو ويحفظ سرك زي قلبك وزيك

لكن تجربتك ان كان بهذا العمق فانها تجربة
غالية جدا وعميقة جدا

عجبنى اوي:
ن ليس كل ما احبه خيرا
وان ليس كل ما اكرهه شرا
ان ليس كل ما اراه حقيقى
وان ليس كل ما لا اراه خيال

بجد عميقة اوي جدا خالص
فعلا لابد ان نترك مساحة واسعة للصواب والخطأ

تحياتى لتجربتك العميقة اعمق من قاعى محيط الايام والحياة

انا رديت على الكومنت بتاعك عندي فى البوست المئوي
وميرسى لكلامك الجميل وملحوظتك الرائعة

كريم بهي

تحياتى

M.K يقول...

السلام عليكم...
يكفيكي أنكي أدركتي هذه الحكمه..
والانسان ابن التجربه..
دمتي بخير..

محمد عبد الباسط يقول...

الحقيقة والواقع تتغير على حساب اهوائنا واحاسيسنا ومشاعرنا يعنى حضرتك ممكن تشوفي صورة باحساسك ومشاعرك وغيرك يراه من منظور اخر متغاير تماما عنك

لا تحسبوه شرا لكم بل هو خير

تشرفت بتعليقى على كتاباتكم كما تشرفت بزيارة مدونتكم الرشيدة

حلم كبير

rovy يقول...

السلام عليكم

كلماتك هى حكم و مواعظ اختى الحبيبه

كم انتى حكيمه لأنكى تعلمتى من تجربتك و اردتى ان تعلمى غيرك ايضا ..

جزاكى الرحمن كل الخير ..

تقديرى و تحياتى

وفاء بركات يقول...

السلام عليكم
الإنسان طول مهو عايش في الدنيا بيتعلم ويشوف كتير ...ولخيانه الأمانه من صفات المنافقين ....
تناسي هذا الأمر ولاتنسيه ويعيش المعلم ولا يتعلم ...
ولاتنسي أن هناك من يحبك في الله قلوب احبتك دون ان تراك احبت فيك الروح
الحلوه والكلمه الطيبه
قلبي معاكي

GiGi يقول...

معاكى حق وانتى صح
هى دي الحياه
تحياتى

البحث عن أنا شىء جنونى يقول...

اختى الجميلة الرقيقه ... الحكيمه
نعم نتعلم من الحياة الكثير

تكسرنا احيانا تكشر عن انيابها احيانا .. وترسم الابتسامه ربما

جميل جدا ما خطته اناملك وعقلك الذى استفاد بصدق من الحياة

لكى كامل الاحترام

و :)

من بعيد .. بكتبلك

صابر وراضى يقول...

وعليكم السلاااااااااام
ااااااااااااااااااااااه يا دكتوره اه

اوعى تفكر يقول...

كل الكلام اللى انتى قلتى صحيح
كما قال رسول الله صل الله عليه وسلم
إستعينوا على قضاء حوائجكم بالصبر والكتمان

TeVa يقول...

السلام عليكم ورحمة الله وبركاته

والله مش عارف اهنيك ولا ايه :))

اصل حضرتك اتأخرتي قوي عشان توصلي للحقيقة غير المرة بالمرة

أصل اتذكر أن عمرو ابن العاص بيقول
"إن ضاق صدرك بسرك فصدر غيرك اضيق اضيق به"

ولو فكرنا هتلاقيها كده فعلا .
إذا كنت انا مش عارف استحمله امال غيري هيستحمله ازاي ؟

عموما أهنيك على سلامة الوصول :))
وتعيشي وتشوفي حكم كده علطول :)

وفرفشي كده وزجططي ههههه

سلام

وفاء بركات يقول...

السلام عليكم
انتي فين جيت ولم اجد الجديد....إنشاء الله يكون خير طمنيني عليكي
لك كل تقدير واحترام

momken يقول...

كلام مليان حكم

حلو اوى انا اتعلمت ببلاش وواضح انك اتعلمتى غالى اوى

ربنا يخفف همك وشكرا للدرس

تحياتى

موناليزا يقول...

جميلة هى هذه الخبرات الواقعية
والاجمل مشاركتك لنا بها

آية مش هنا يقول...

اه يا نور ...
في الدنيا دي مبنتعلمش من غير جرح و ألم ...

الشاطر فعلا

اللي عارف انه هيعيشهم هيعيشهم .. و حالف يتعلم منهم ...


ملايين ممكن يعدوا بتجارب ينجرحوا فيها او يفشلوا ..

قليلين اللي بيطلعوا بالكلام ده
و قليلين اوي اللي بيقولوا اهي تجربة و عدت


تحياتي لك :)

norahaty يقول...

السلام عليكم ورحمة الله تعالى وبركاته
kochia
حكمة الحياةدى
ساعات بنتعلمها
بالطريقة الصعبة!!
احتراماتى ودعواتى لكى
دايمآ للتعلم بطريقة اسهل
من اللى اتعلمت انا بيها !!

norahaty يقول...

السلام عليكم ورحمة الله تعالى وبركاته
nona
(تجربة المتنى تجربة علمتنى)
اهو انا من ساعة ما سمعت
المثل ده منك وانا ماشية
طول الوقت اقوله لكل حد
اعرفه ......عجبنى اوى اوى
كتر خيرك ان عرفتنا حاجة حلوة
زى المثل ده وجازاكى الله كل الخير
على مشاعرك الطيبة وتمنياتك الجميلة

norahaty يقول...

السلام عليكم ورحمة الله تعالى وبركاته
Hina wi Hinak
منكم نستفيد يافندم
انت وكلماتك من كتاب
تعريف الحياة
تشكراتى
واحتراماتى

norahaty يقول...

السلام عليكم ورحمة الله تعالى وبركاته
romansy
ادعو الله ان
يستفيد الكل من
تجارب الاخريين ولا
يحتاجون للمرور بها
حتى يتعلموا ويحفظوا!!
تحياتى رومانسى للمرور
والتعليق الجميل كمان.

norahaty يقول...

السلام عليكم ورحمة الله تعالى وبركاته
مستر محمد سلامة
الاصدقاء المخلصين صاروا الحين
عملة نادرة اوى اوى اوى يامستر
ربنا يرزقك ويرزقنا بهم فى كل مكان
تحياتى يافندم للمرور والتعليق

norahaty يقول...

السلام عليكم ورحمة الله وبركاته
زى الهوا
ماسمى الانسان انسان
الا لان ينسى !!!!!!!
ندعوا الله الا ينسينا
ما تعلمنا (ونحفظه كده)
علشان ما نتألم مرة تانيه !!
تحياتى للمرور والتعليق كمان.

norahaty يقول...

السلام عليكم ورحمة الله وبركاته
محمدالفارس الملثم
الحمدلله يامحمد وزى ما
بتقول nonaتجربة آلمتنى
=تجربة علمتنى , بس بطريقة
مؤلمة شوية واهو اللى على وش
الدنيا ياما بيقاسى منها وفيها.
تحياتى يامحمد وتشكراتى لشعورك
الصااااااااااااااااااااااادق

norahaty يقول...

السلام عليكم ورحمة الله وبركاته
frustrated
الحمد لله يافندم
عارفة ليه (سمع )الكلام
معاك لانه فعلا فعلا فعلا
عن تجربة حقيقية والم حقيقى
ادعوا الله ان يجنبك اياه .
تحياتى لكى.

norahaty يقول...

السلام عليكم ورحمة الله تعالى وبركاته
حسن حنفى
التجربة مفيدة صح ياحسن
لكن مؤلمة اوى اوى اوى
ادعو الله أن يجنبك الالام .
تحياتى.

norahaty يقول...

السلام عليكم ورحمة الله وبركاته
مها الغالية
(فيه ناس للأسف
ما بتتعلمش)
عارفاهم والله
يامها عارفاهم
كووووووووويس
(بشوفهم لما ابص
فى المرايه كل مره).
ربنا يستر ويتعلموا
المرة دى....دعواتى لكى
بالصحة والعافية والسعادة.

norahaty يقول...

السلام عليكم ورحمة الله تعالى وبركاته
ahmed-k
(حرص وما تخونش)
زى ما بتقول كده
مثل دايما كنت اسمعه
لكن اخيرا فهمته جدآآآآ
تحياتى واحتراماتى
استاذ احمد للتعليق.

norahaty يقول...

السلام عليكم ورحمة الله تعالى وبركاته
ضد التيار
ماهو الكلام صدق
لانه عن تجربة حقيقيه
تحياتى.

norahaty يقول...

السلام عليكم ورحمة الله تعالى وبركاته
ghoneem
مرحب بيك ياطبيب ويازميل وياصديق
وحشتنا جولاتك فى مدونتنا المتواضعة .
الدرس :ادعو الله الا تمر بالالم اللى فيه وان تتعلم بدونه يارب!!!
اما
الفول:فانا كنت سايباه
خالص طول شهر رمضان
والكام يوم اللى بعده
لحد مامقدرتش اقاوم
واشتريناه واكلناه كمان.
وعجائب الدنيا
وصنع الله العظيم
ليس لهم من عد
ولا حصر سبحانه
وتعالى الله العظيم
تمنياتى لك ومبرررروك
النجاح مقدمآ فى كل
نواحى الحياة
تحياتى دكتور
احمد غنيم.

norahaty يقول...

السلام عليكم ورحمة الله تعالى وبركاته
blue -wave
التجربة خير معلم
يادكتور عمرو ....
وتشكراتى ياافندم.

norahaty يقول...

السلام عليكم ورحمة الله وبركاته
كيارا العزيزة
الحمد لله فى كل حال
وربنا يجنبك الآم
التجارب الشديدة
وتشكراتى للتعليق
الجميييييييييييييل

norahaty يقول...

السلام عليكم ورحمة الله وبركاته
كريم بهى
مبرررررررروك
التدوينة المائة
وعقبال المائة بعد المليون
الثانية .متشكرة للكلام الجميل
ده ومش عارفة استحقه ولا لأ؟لكن
اللى عارفاه انى كتبته عن تجربةفعلآ
ومرة تانية وتالتةوووو شكرآآآآآآ

norahaty يقول...

السلام عليكم ورحمة الله تعالى وبركاته
m.k
ادركتها والله
ووعيتُها وفهمتها
ادعو الله الا انساها
تحياتى وتشكراتى

norahaty يقول...

السلام عليكم ورحمة الله تعالى وبركاته
محمد عبد الباسط
(لا تحسبوه شرا لكم بل هو خير )
هو ده حال المؤمن: دائما خير
كما قال رسول الله صلوات ربى
عليه وسلامه .ادعو الله ان يرضينا
بما قسم لنا ونساله الشكر على كل حال
تشرفت انا بمرروركم وتعليقكم يافندم
تحياتى واحتراماتى

norahaty يقول...

السلام عليكم ورحمة الله وبركاته
rovy
ام ياسمين
الغالية
وجزاكى الله الخير كله
وطمئنكى على حبيباتك
كلهن يارب .التجربة خيرمعلم
ياروفى بس ساعات بتبقى((مؤلمة))
وقاكى الله شر الالم والعذاب يارب .
احتراماتى ودعواتى.

norahaty يقول...

السلام عليكم ورحمة الله تعالى وبركاته
الاستاذة وفاء بركات
(قلبي معاكي)
وده العشم والله
ياأستاذة وما احسه
ربنا ما يحرمنى من اصدقاء
اوفياء مثلك ومثل غيرك ممن
احسست بمساندتهم فى اوقات كتيرة
تشكراتى ياأستاذة للكلام الجميل.

norahaty يقول...

السلام عليكم ورحمة الله تعالى وبركاته
gigi
الحياة اشكال والوان
ربنا يقوينا على
الوانها
كلها
تحياتى

norahaty يقول...

السلام عليكم ورحمة الله وبركاته
البحث عن انا شىء مجنون
زى ما قلت وقالوا الناس قبلى
الحياة الوان واشكال واحوال كمان
ربنا يهدينا ويهدى الناس للاستفادة من تجاربهم وتجارب الاخريين
وتحياتى وتشكراتى
يافندم للمرور
والتعليق الجميل .

norahaty يقول...

السلام عليكم ورحمة الله وبركاته
صابر وراضى
الف سلاااااام
يااااااااافندم
من هناااااااااا

norahaty يقول...

السلام عليكم ورحمة الله تعالى وبركاته
اوعى تفكر
(إستعينوا على قضاء
حوائجكم بالصبر والكتمان)
وهل بعد قول رسول الله قول
تشكراتى يافندم للمرور والتعليق .

norahaty يقول...

السلام عليكم ورحمة الله تعالى وبركاته
TeVa
معلش ياهندزة
اتاخرنا فى الوصول
للحقائق العظيمة دى !!
بس للاسف والالم وصلنا لها
بالتجربة الشخصية!!!!!
متشكريين على التهنئة
وادعو الله ان يجنبك مثلها
نهنيك على النجاح والتخرج معلش !
سلام ياهندز وربنا ينجحك
انت ومن كان مثلك

norahaty يقول...

السلام عليكم ورحمة الله تعالى وبركاته
الاستاذة وفاء بركات
نحن هنا والحمد لله
وربنا ما يحرمنى من
سؤالك ولا اطمئنانك
ياررررررررررررررررب

norahaty يقول...

السلام عليكم ورحمة الله تعالى وبركاته
momken
شكرآ للدعوة
وجزاكى الله الخير
وجنبك الآم التجربة
اللهم امين يارب العالمين
تحياتى واحتراماتى
للمرور
والتعليق

norahaty يقول...

السلام عليكم ورحمة الله تعالى وبركاته
موناليزا
والاجمل والاجمل والاجمل
هو حضورك وتعليقك
الجمييييييييييييل

norahaty يقول...

السلام عليكم ورحمة الله تعالى وبركاته
آية مش هنا
ماهو احنا بنقى عارفين بس تقدرى تقولى شفوى يعنى لكن المعرفة العملى دى بتبقى حاااااااااااااااااااااااجة
تاااااااااااااااااااااااااااانية
خااااااااااااااااااااااااااااالص
وقاكى الله الآلام كلها يارب
وربنا يستر ونتعلم منها.
تحياتى واحتراماتى.

د/ رامي شهاب الدين يقول...

تجربتك تجربة رائعة ، ياريت تكونى إستفدتى منها


فليس كل مايلمع ذهبا


دمتى بكل الود .. تحياتى

norahaty يقول...

السلام عليكم ورحمة الله تعالى وبركاته
د/رامى شهاب الدين
يارب يادكتور وما اغلط تانى
حتى لا ارى ما رأيت المرة السابقة
وربنا ينورنا بصيرتنا قبل بصرنا
شكرآ للمرور والتعليق.

عاشــــــ النقاب ـقــــة"نونو" يقول...

يعيش المعلم ويتعلم
لازم نتقرص علشان نحرص
نصايحك غالية
وحشاني

norahaty يقول...

السلام عليكم ورحمة الله تعالى وبركاته
نونو العزيزة
الدرس المرة دى
كاااااااااااان
صعب ااااااااوى
لكن الحمد لله رب العالمين
عدى ومر بسلااااااااااام
تسلملى وما اتحرم من مرورك
ولا اتحرم من تعليقاتك الحلوة .

غير معرف يقول...

~..........................................