الخميس، فبراير 19، 2009

.......صداقة

اللهم سترك:اللهم سترك :اللهم سترك

::::::::::::::::::::


انسة
جميلة
صغيرة
ظهرت بشارعنا
من دون أن يعلم
احد من هى
ومن اهلها
ما أصلها

وما فصلها
فقط عقد برقبتها يقول انها
ينطبق عليها القول (عزيز قوم ذل)..!
لكن الكل صار بها مشغول
كثيرون خطبوا ودها وهى لا تبالى باحد
تختفى فترات فلا يعلم احد اين ذهبت ولا متى تاتى
احيانا تختفى اياما حتى ييأس الكل من عودتها
لتعود فى الصباح جميلة مشرقة كما هى
تتخذ من عتبة بيتاً مجلسا مفضلا لها
لتطل من فوقه على ما يجرى حولها
وهى فى جلستها المتأملة

وكانها ملكة متوجة
سلطانها لا ينازعها فيه احد
الكل حولها ينظر اليها من دُون ان يجرأعلى الاقتراب
ثم بدات صداقة وأُلفة غريبة بينها وبين سيدة اجنبية
جاءت فى مهمة عمل قصيرة بالقاهرة
صاروا الاثنتين يقضيان
فترة بعد
الظهر
سويا على عتبة البيت
او فى شرفة السيدة
تجلسان ولا تتكلمان فقط تجلسان معا
حينما كنت تنظر اليهما تحس بطمأنينة غريبة تسرى بينهما
ماسرها؟

لا اعلم !كل ما أعلمه أن الجميلة الصغيرة لا تنفر من السيدة
وهى السريعة النفور والجفول من كل احد.
ثم بدأت حركة غريبة تدب على حياة السيدتين
تذهبان الاثنتين سويا فى مشاوير لا يعلمها الا هما لتعودان سويا
تعاودا الجلوس بالشرفة
أو على العتبة
ثم انتهت مهمة السيدة
وأختقت الجميلة من المكان
ولما سألنا علمنا أن السيدة أخذتها معها الى بلدها
بعد أن استصدرت الاوراق والتطعيمات المطلوبة
وأسمتها ريتا
وصار كثيرون بالشارع يقولون
يابختك ياريتا
يابختك ياريتا
يابختك ياريتا
ياااااااااااااريتنا كنا ريتا
بقى أن اقول شيئاً واحدا
أن ريتا
.
.
.
.
كلبة

(قصة حقيقية حدثت بشارعنا )

هناك 103 تعليقات:

مذكرات مشاغب يقول...

يا خبر ابيض
وانا اللي كل شويه اقرا النص الاولاني اكتر من مره عشان مش فاهم
وفي الاخر تطلع انها كلبه
بس بجد حاجه مؤثره وجميله
وعلى فكره علاقة البني ادم بالحيوان او بالكلاب بتكون علاقه خاصه واكثر اخلاصا من اي حد

تحياتي

BAsMA يقول...

ههههههههههههه


حلوة القصه
حلوة ا
بس كلبه .... انا توقعت كدة فى اول النص ....اصل مين دى اللى الكل هيبقى مشغل بيها كدة ....معدش فى وحدة تشغل حد
هههههههههه

mohamed ghalia يقول...

ههههههههههههههههههههه
طلعت كلبه فى الأخر
قد ايه الناس دى بتحترم الحيوانات !
دمتى بكل الود

Habiba يقول...

وحياه ربنا انا قلت كده برضو
:)

وربنا قلت كلبه ياناس بس فى الاخر حضرتك قلتى السيدتين قلت انا شكلى خرفت

بس وربنا انا بفهم :)

wesoooooooooo يقول...

حلوه أووووووووووووى القصه
واسلوبك جميل أوى كمان
قد ايه فعلا الناس دول عندهم رفق بالحيوان
مدونه أكثر من رائعه ان شاء الله مش هتكون اخر زياره

ghorBty يقول...

يا بختها حلوة ديه

قصه جميله واسلوب اجمل

فيها تشويق وتسلسل جميل

دمتم بخير

غربتي

M.M.F يقول...

هههههههههههههه

قصة حلوة
وأسلوبك أحلى

:)

ايوشة يقول...

ههههههههههههه كلبة بنت محظوظة صحيح
دى ناس هايفة والله

الفقيرة إلى الله أم البنات يقول...

جميله
تسلم إيدك
احيانا يكون للحيوانات حظ افضل من الانسان
نتيجة جحود الانسان
دمتى بخييير

TIMMY !! يقول...

كلبة !!!!

أنا برضه أقول إن " الخواجات " ما يستنضفوش غير كده :)

Amgad يقول...

ازيك يا دكتورة اخبارك ايه
يا رب تكوني بخير دايما ويكون كل شيء تمام
جميل اوي اسلوبك في القصة
ولكن من كونها كلبة لم يكن مفاجئا اوي لان طول الوقت فيه علامات استفهام
تحياتي ودمتي بخير وتقبلي عودتي بعد انقطاع

مها يقول...

ههههههههههههه
القصة مكتوبة بحرفية عالية ومنتهى التشويق والاثارة والنهاية غير المتوقعة بالمرة

رائعة دوما يا صديقتي
كل امنياتي الحلوة

ahmed_k يقول...

ههههههههههه
ريتا طلعت كلبه
وأنا اللي كنت معتقد إنها بنت مشتها الخوجايه مشي بطال وافتكرتك بتشتميها
طلعت في الآخر كلبه بحق وحقيقي ههههههه

إسلوبك جميل يا دكتوره

دمتي مبدعة متالقه

EMMY BABY يقول...

ههههههههههههههههههههههههههه كلبة وانا اقول ايه ده خدتها معاها ازاى

وازاى يعنى بتختفى


بس جميلة يا نورهاتى

سفروتة يقول...

ههههههههههههههههههههههههههههههههههه
يالهوي
تطلع في الاخر كلبة؟؟
الناس الاجانب دول بجد عندهم ولع شديد بالحيوانات
وبيحترموا الدكتور البيطري بطريقة ... مش زي عندنا

انا ان شاء الله ناوية اتخصص في مجال الحيوانات الاليفة
بس ربنا يسهل
ادعيلنا يا دكتورة

علي فكرة انا مجاش في بالي خالص ان النهاية هتكون كده .. بجد تسلمي ع الاسلوب الرائع ده

دمتي بكل ود
:)

محمد عبد الباسط يقول...

رائع اسلوبكم
ساعات ممكن نلاقى فى الحيوانات اللى منالقهوش فى البنى ادم للاسف

تقبلوا تحياتي

حلم كبير

هانى زينهم يقول...

يا سلااااااااااااام !! كلبة ؟!!
عارفة يا دكتور انى حلم حياتى انى اسافر اى بلد فى العالم واسيب البلد دى . يعنى ريتا بتاعة شارعكو دى حققت اللى انا فشلت فى تحقيقه طول عمرى . الله يسامحك يا دكتور . انا هاقوم ادور على اى مخدر قوى واخد منه العلبة كلها وانتحر بقى ما دام ريتا نجحت فى اللى انا فشلت فيه !!

محمد يقول...

سلامو عليكم دوكتورتي العزيزة الطيبة

مساء جميل ليوم اجمل .. يوم الجمعة .. كل جمعة وانتي طيبة واحسن كتير

القصة حلوة اوييييييييي

هههههههههههههههه

بس انا افتكرتها "قطة" والله لكن طلعت كلبة

ههههههههههه

مدونة عاملة زي ماء النيل زي مابيقولوا .. اغيب اغيب وبرضه بحن ليها

وكل مرة شوق جديد وابتسامة بلاقيها هنا في الدونة

دمتي بكل الود د-نورا

حسن حنفى يقول...

هههههههههههه

ربنا يسامحك

وانا عمال اقول ايه ده

وحاسس اني غبي كده

وفي الاخر تطلع كلبه

:d

Dr.A.S. black armor يقول...

جميلة قوى القصة ...فيها ايحاءات بالصداقة والوفاء والغربة... بالرغم من انها طلعت كلبة الا انها جميلة قوى
دمتى مبدعة

وفاء بركات يقول...

يااااااااااااااخبر دى طلعت كلبه
بس بجد حكايه مؤثره ....
أسلوبك في الكتابه غايه في الجمال
دمت أخت وصديقه

أحــوال الهـوي يقول...

norahaty

يا دكتورة
سلمك الله من كل سوء و شر
اول رساله ارد عليها بعد رجوعي الي مقري في الغربه
و فيه امنيه من انسانه احترمها و اقدرها لشخصها و صفاتها المتميزة

و فقك الله الي مستقبل علمي زاهر و سترك الله في الدنيا و الاخرة

تحياتي

أحــوال الهـوي يقول...

عندما يحسد الانسان الكلاب ؟؟؟


طبعا انا شاهت بام راسي كيف يعامل هؤلاء الكلاب من رفاهية فوق الوصف شاهدت احدهم يقوم بشراء بالطو فرو بمايوازي الفين جنيه لابن المحظوظه الكلب و اذكر انني يومها قلت هذا المبلغ من الممكن ان يقي 10 بني ادمين من البرد ايضا

تحياتي

د/عرفه يقول...

ههههههههههههههههه
بعد كل ده كلبه
كنت بحسبك بتحكى فيلم


وشكرا لزيارتك ومنتظر دايما قتراحاتك معانا

rovy يقول...

يا نهار ابيض .. كلبه !!
و ياليت كلنا ريتا !!
اهان على الناس نفوسهم الى هذه الدرجه؟؟
ربنا يستر ..
طبعا الرحمه بالحيوان مطلوبه واكيده و لكن لا يمكن ان يتمنى الانسان الذى فضله الرحمن على سائر المخلوقات بان يتحول كلبه !! و لا ايه ؟؟
للدرجه دى فيه ناس يائسه حقا ؟؟

دمتى بكل خير و فى حفظ الله

تقديرى و تحياتى

شمس النهار يقول...

قصه لطيفه
حتي الحيوان لايسكن الا للأنسان الطيب الحنون

nour shahen يقول...

هههههههههههههههه
والله انتى سكره
تطلع فى الأخر كلبه

بس تعرفى سردتى القصه بطريقه بجد جميله جدا ومشوقه لا وكمان نهاية رائعه وخفيفة الظل

دايما موفقه يا قمرتى يا رب

تحياتى

المعتصم يقول...

بسم الله الرحمن الرحيم
السلام عليكم ورحمةالله وبركاته
أختنا الكريمة
تحياتى
اولا اشكر مرورك على مدونتى المتواضعه
ثانيا فى احيان كثيرة يكون الحيوان اوفى (للاسف)فى صداقته من الانسان
موضوع جميل جدا
تقبلى مرورى وتحياتى
ودمتى بكل خير وود
والسلام عليكم ورحمة الله وبركاته

المحارب المتيم يقول...

الدكتورة نورا

يا بختك ياريتا

هربتى من بلد الظلم

خرجتى من مصر وسجونها

ياريتنا كنا ريتا

تحيتى لموضوعك

محاولة لكسر الصمت يقول...

ربما قد تمر علي-كغيري- لحظات اقولها بقلب دام..(يا بختك يا ريتا)........

عاشــــــ النقاب ـقــــة"نونو" يقول...

كلبة!!!))))))

dodda يقول...

:0)

الحمد لله انها خدت الكلبه
مش راجل من رجالة الشارع
والمعنى فى يطن الشاعر

اصحى يا مصر : اسلام ديو يقول...

هههههههههههههه انتى اكيد من سكان المعادى
بتحصل المواقف دى كتير هناك هههه
ملحوظة المدونة بتاعتك جميلة جداً وبصراحة انا اول مرة ازورها واسمحيلى انى اكون من احد زوارها ودمتى بود

enjy يقول...

فكرتنى بشحيبر................حلوة

L.G. يقول...

في الأول قلت قطة لما طلعت ريتا كلبة قلت كويس اصل بيني وبينهم عداوة

لن أفتقد ريتا

في بيت صديقة لي قطة ولدت قطط سماوية العينين يجعلوك تحبي القطط مهما كنت من جمالهم سبحان الله

أحد قاطني الشارع سرقهم كلهم من أمهم وراح باعهم قصة حقيقية أيضا
ده الفرق بين الأجنبي والمصري اللي مش لاقي هو ياكل
تحياتي

عمرو يقول...

الناس دى يا دكتوره بتحترم كل شىء و بتقدره بدءا بالاٍنسان اللى كرمه الله فى البر و البحر مرورا بالحيوان و النبات و الجماد و وصولا للزباله اللى بيتعاملوا معاها بمنتهى الحرص و الاٍحترام حرصا على الثروه اللى بتستخرج منها و خوفا على تأثيراتها الضاره على البيئه
فى فرنسا عاملين دورات مياه فى الحدائق و الشوارع للكلاب و بصراحه دورات مياه آخر شياكه و نضافه
يعنى مش حأقول أكتر من كده ..

Heba Sayed يقول...

والله اسلوبك جميل ياعسل


دمتى بخير

maxbeta3zaman يقول...

أتااااارى مبيتكلموش ...وانا اللى خمنت تكون خرسا والا فاقده الذاكره ووراها حكايه ...عموما رب كلب يرق له قلب ويكون خير من ألف آدمى ..بس على الله ماتلاقوش بعد شويه ورق معلق على الشجر ومداخل العمارات بيعلن عن مكافأة سبعتاشر جنيه لمن يجد الكلبة لوسى ذات الرخصة الدولية والأصول الأرمنتية ااو الشواواية والتى هربت من البيت طفشانا من البتلو بالعضم

bar2ash يقول...

السلام عليكم

ازيك يا دكتوره

عارف عارف

ياه يابرقش انت لسه فاكر والحجات دي

انا عارف اني مقصر والله
بس بجد غصب عني


المهم


مش عارف ليه انا الوحيد اللي بختلف مع اللي بيقولوا ان الكلب اوفي من الانسان



انا رأي ان الانسان لو كان انسان بجد

اوفي من اي حد

دمتي بخير

برقش

نهر الحب يقول...

انسة
جميلة
صغيرة
!!!!!!!!!!!!!!
وكلبة فى الاخر ؟
طيب فعلا يا بختها بالوصف
والكل اللى بينشدوا ودها

z!zOoOo يقول...

السلام عليكم

د/نورا

أسئل الله أن تكون بافضل حال

والله كويس إن الكلبه لقيت الي يأن وحدتها .. والسيده كذلك

أظن هما الاتنين حاسيين بوحده وحسوا ببعض وتألفوا وتوافقوا مع بعض

وفعلا ريتا حققت الي إحنا مش عارفين نحققه ( ربنا يجعلنا من بركاتك يا ريتا هانم)

دمتي سيدتي بكل ود

وأتمني أن أسعد دوما بزياراتك العطره

تحياتي العطره

وفي رعايه الله

z!zOoOo يقول...

السلام عليكم

متشكر علي سؤالك وتواصلك

لكن هو فيه غايه أهم من وصل الرحم ؟؟

أعتقد إني بحس بسعاده لما باجي اتطمن عليكم .. مش أخواتي بقي انا حر :)

اصل جديدي فيه سياسه وانا مش عايز اتحبس هههههههههههههه

علم وينفذ يا فندم

تحياتي

z!zOoOo يقول...

تم يا فندم

وشكرا للتنبيه وتوجيهاتكم

تحياتي

راجى يقول...

يا بخت بخيت ببخيته:)

رئيس التحرير يقول...

بسم الله الرحمن الرحيم
السلام عليكم ورحمه الله وبركاته
اشكركم اولا علي زيارتكم الكريمه
ثانيا : احوالنا ..زي ما عندكم عندنا ولا يسأل عن الحال غير رب الحال.
ثالثا:الاحوال بتتغير لا يركد الا الماء في بركه او مستنقع...يجب ان نتغير مع متغيرات الزمن علي الأقل..
ويا بختنا ويا بخت ريتا!!!
لكم كل الود والتقدير...

حاول تفتكرنى يقول...

انت أول جائزة مالية احصل عليها فى حياتي ، فى مسابقة للتصوير الفوتوغرافي فى المدرسة الاعدادية

الصورة كانت لكلبو فى شارعنا ، وكانت نائمة وتقوم بإرضاع ثلاث قطط صغيرة ماتت أمهم اثناء ولادتهم - برضه فى نفس الشارع - وكانت صورة فعلا عجيبة

ولكن الاعجب أنها اسمها ريتا ايضا

وبعد حصولى على الجائزة الكبيرة نوعا ما منذ عشرون عاما ، كان لسان حال زملائي فى الفصل يقول
( يا بخت اللى صور ريتا )

تحياتي

على عبدالله يقول...

السلام عليكم

اضحك الله سنك

د.آيه يقول...

هههههههههه
حتة مقلب ..
بس حلوة..
تحياتى

دموعي وابتسامتي يقول...

لاحول ولا قوة الا بالله الناس بتحسد الكلاب علي السفر برة والله ياجماعه مصر احسن من الف بلد تانية محدش بيعرف قيمتها الا بيشوف غربة برة

حلو الموضوع اول زيارة لمدونة شيقة

المعتصم يقول...

بسم الله الرحمن الرحيم
السلام عليكم يادكتورة
تحياتى
شوفى حضرتك لو عاوزة تاخد بيتين من القصيده المنشورة ماشى انا موافق
ولو عاوزة حاجه تانى جديده يبقى خدى من القصيدة دى
تدفق في البـطـحـاء بعد تبهطل = وقعقع في البيداء غير مزركلِ
وســار بأركان العقيش مقرنصاً = وهام بكل القارطات بشنكــلِ
يقول وما بال البـحاط مـقرطماً ِ = ويسعى دواماً بين هك وهنكـلِ
إذا أقـبـل البعـراط طاح بهمةٍ = وإن أقرط المحطوش ناء بكلكلِ
اى خدمه يادكتورة بس يارب بعد كده تبقى تكرمينا فى الفوزيته
هههههههههههههههههه
تحياتى ودمتى بكل خير
والسلام عليكم ورحمة الله وبركاته

hasona يقول...

السلام عليكم
قصة
بها عٍبرة وعًبرة

norahaty يقول...

السلامة عليكم ورحمة
الله تعالى وبركاته
مذكرات مشاغب
شفت يامشاغب احنا
كمان بنعرف نشاغب
مش انت بس ...:)

norahaty يقول...

لسلام عليكم ورحمة
الله تعالى وبركاته
BAsMA
عجبتك ؟طييييييييب
كويس يابسوم بس بلاش التشاؤم
لسه فيه ناس بتحب وبتتحب كمان
دورى كويس انتى بس وانتى حتلاقى :)

norahaty يقول...

السلام عليكم ورحمة
الله تعالى وبركاته
Habiba
طول عمرك نبيهة
وذكية ولمااااااحة
وانا برضه بقول كده:)

norahaty يقول...

السلام عليكم ورحمة
الله تعالى وبركاته
wesoooooooooo
عجبتك؟طيب كويييييس
وتشرفينا ويشرفونا
اهل المحلة كلاااتهم :)

norahaty يقول...

السلام عليكم ورحمة
الله تعالى وبركاته
ghorBty
بعضهم حسدها زى
ما انتى شايفة!؟

norahaty يقول...

السلام عليكم ورحمة
الله تعالى وبركاته
M.M.F
جبتك الحكاية؟
وكمان أضحكتك!
طيببببب كويس:)

norahaty يقول...

السلام عليكم ورحمة
الله تعالى وبركاته
أيوشة
فى اللى احظ منها!
مابتسمعى عن اصحاب
الملايين اللى بيسيبوا
ثرواتهم كلها (لكلابهم
وقططهم وحيوانتهم الاليفة )

norahaty يقول...

السلام عليكم ورحمة
الله تعالى وبركاته
الفقيرة الى الله أم البنات
تسلمى ويسلم عمرك يارب
ويخليك ويقويكى ويعطيى
الصحة والعافية والرضا
ياااااااااااااااااارب

norahaty يقول...

السلام عليكم ورحمة
الله تعالى وبركاته
TIMMY
طول عمرك تفهمها
وهى طايرة ياتيمى:)

norahaty يقول...

السلام عليكم ورحمة
الله تعالى وبركاته
Amgad
الحمد لله ياباشمهندس
كيفك انت؟ وكيف حال
المذاكرة؟يارب النجاح
للكل والتوفيق للكل .
وحمدلله على الرجوع والسلامة:)

norahaty يقول...

السلام عليكم ورحمة
الله تعالى وبركاته
الغالية مها
اضحك الله سنك دائما
ويارب دايما منورانا

norahaty يقول...

السلام عليكم ورحمة
الله تعالى وبركاته
ahmed_K
شفت ازاى؟ظلمت ريتا
البريئة وصديقتها :).
الست عايزة تعمل خير:)

norahaty يقول...

السلام عليكم ورحمة
الله تعالى وبركاته
EMMY BABY
عجبتك؟طيب كويس
ويارب دايما فرحانه
ومبسوطة كده ياسكر.

norahaty يقول...

السلام عليكم ورحمة
الله تعالى وبركاته
سفروتة
ورينا شطارتك وتبقى
اشهر (طبيبة بيطرية
للحيوانات المدللة
الاليفة لنجوم ونجمات
المسرح والسينما والتليفزيون)
وربنا ينجح ويوفق الطلللللللبة
كلااااااااااااااااااااااااااااتهم.

norahaty يقول...

السلام عليكم ورحمة
الله تعالى وبركاته
محمد عبد الباسط
بيقولوا لك كفاية
انه (الحيوان يعنى)
لا بيتكلم ولا بيصدعك
بالكلام ولا ينقل اسرارك
او اخبارك لاحد اخر:):)

norahaty يقول...

السلام عليكم ورحمة
الله تعالى وبركاته
أستاذ/هانى
ايه بس ياعمُنا مالك
الف لابأس عنك وعلى
النفساووووووووووية
بتاعة الانت يامستر
رررررررررررررررروق
ياأبو ملك دى البصة
فى وش ملك بالدنيا
ومافيها .لاباس عنك
ياأستاذ هانى شدة وتزول
بأذن اللى خلقك وخلقنى
وخالق الكون كلااااااته.

norahaty يقول...

السلام عليكم ورحمة
الله تعالى وبركاته
محمد شمندينا الكبير
وما كبير الا الله
مساء جميل مساء الخميس
يامحمد احب الاوقات لى
ولو انه بيطير والله يامحمد
الوقت بيجرى (تقولش راكب عجلة:)
منورنا دايما وماتحرمنا الزيارة والسؤال يادكتور محمد ياشمندينا.

norahaty يقول...

السلام عليكم ورحمة
الله تعالى وبركاته
حسن حنفى
ربنا يسامحنا جميعا يارب
ويغفرنا ويتوب علينا
قااااااااادر ياكريم
يارب تنجح ياحسن
وتجيب مجموع اددددد
كدددددددددددددددة

norahaty يقول...

السلام عليكم ورحمة
الله تعالى وبركاته
Dr.A.S.black armor
شكرا ياافندم وسعيدة
انها اعجبتك.حمدلله على
السلامة وفى انتظار جديدك :)

norahaty يقول...

السلام عليكم ورحمة
الله تعالى وبركاته
استاذة/ وفاء بركات
شفتى المفاجأت بتاعة شارعنا
ياأستاذة واللى بيورد عليه
كل يوم ناس جديدة وحكايات
جديدة كمان.تدوم محبتك ليّ يارب
ومتعك الله بالصحة والعافية .

norahaty يقول...

السلام عليكم ورحمة
الله تعالى وبركاته
احوال الهوى
والهوى احوال
تسلم يارب ويسلم عمرك
وترجع سالم غانم لبيتك
واولادك وبلدك بأذن الله
تعالى .دعواتى لحضرتك
ولكل غايب عن اهله
وناسه بالسلامة.

norahaty يقول...

السلام عليكم ورحمة
الله تعالى وبركاته
احوال الهوى
والله يادكتور الواحد مش
قادر يفسر السلوك ده من
جة الناس دول :افتقاد للصداقة؟
افتقاد للحنان ؟افتقاد للاحساس؟
مش عارفة لان برضه عندهم (ناس محتاجة ومشرديين وزى كده طب ليه ما بيصرفو الفلوس دى عليهم؟

norahaty يقول...

السلام عليكم ورحمة
الله تعالى وبركاته
د/عرفة
كانت الاحداث ساعتها
او وقت وقوعها زى المسلسلات
بالضبط كل يوم تسمع خبر عنهم
لحد ماسافروا(بالسلامة )هم الاثنين:)
بل انت اللى لازم اشكرك لوضعك الرابط
للمدونة وزى ما كانوا بيقولوا لنا
(الى الامام دائما يادكتور عرفة)

norahaty يقول...

السلام عليكم ورحمة
الله تعالى وبركاته
rovy
شفتى ازاى ؟طلعت دوج:)
بس للاسف فعلا ساعات ضغوط
الحياة بتخلى الواحد يتمنى
انه لم يولد اصلا :)
متشكرة لكلامك ياروفى
الجميل وربنا يخليكى
ويحفظ لك بناتك يارب.

norahaty يقول...

السلام عليكم ورحمة
الله تعالى وبركاته
nour shahen
انتى اللى سكر مكرر كمان
والحمدلله ان الحكاية عجبتك
ودايما منورانا يانور.

norahaty يقول...

السلام عليكم ورحمة
الله تعالى وبركاته
المعتصم
لا شكر على واجب يافندم
احنا جيران المدونات وواجب
الجارالقديم يسأل عن الجار الجديد:)
وثانياً يمكن لان مفيش مابينهم تعارض للمصالح او مفيش بينهم(لا سلف ولا نسب!)

norahaty يقول...

السلام عليكم ورحمة
الله تعالى وبركاته
المحارب المتيم
عرفة الشاعر
ليه بس كده ياشُباب
امال مين حيعمّر بلدنا
لما الكل عايز يفوتها !!
يارب شدة وحتزول بأذن الله

norahaty يقول...

السلام عليكم ورحمة
الله تعالى وبركاته
محاولة لكسر الصمت
اللهم اخرجنا من
هذه اللحظات على خير
ولا تعرضنا لها كثيرا

norahaty يقول...

السلام عليكم ورحمة
الله تعالى وبركاته
عاشقة النقاب نونو
اه هو ده اللى حصل:)

norahaty يقول...

السلام عليكم ورحمة
الله تعالى وبركاته
dodda
نعم والناس مزاجات
وهى مزاجها كده
والمعنى عند الشاعر
برضه:):):):)

norahaty يقول...

السلام عليكم ورحمة
الله تعالى وبركاته
أصحى يامصر:إسلام دايو
وللاسف يافندم:( كان نفسى والله :)
حضرتك شرفتنا ونورتنا وارجو ان تكرر
الزيارة كمان كماااااااااااااااان
كل مرة ستجد بعون الله مااااااا يسرك

norahaty يقول...

السلام عليكم ورحمة
الله تعالى وبركاته
enjy
مين شحيبر......؟

norahaty يقول...

السلام عليكم ورحمة
الله تعالى وبركاته
L.G
اختلاف الاولويات عزيزتى
هو اللى عمل الفرق ده:(

norahaty يقول...

السلام عليكم ورحمة
الله تعالى وبركاته
استاذ/عمرو
كلامك صح لحد كبير وماأنساش لما جارتنا
حكت لنا انها لما كانت فى ايطاليا عند
ابنها ازاى جارتهم اخدتها تتفسح فى الجنينة وهناك شفت (الست ياستى الدكتورة اخر شياكة ولابسه
اللى على الحبل كله وجايه
تفسح الكلب المهم (البيه
عملها فى وسط الجنينة!!
راحت من سكات عادى
خالص مسحتها
بالمناديل
الورق!
ورمتها فى
اقرب سلةللمهملات
موجودة من غير ما حد يقولها
تعمل كده !!من نفسها..شفتى ازاى)
لن احكى لك استاذ عمرو مقدار التعجب
فى صوت ووش الست وهى بتحكى وكأنها اعجوبة!!

norahaty يقول...

السلام عليكم ورحمة
الله تعالى وبركاته
Heba Sayed
ده بس من ذوقك
ياسكرة اوىىى

norahaty يقول...

السلام عليكم ورحمة
الله تعالى وبركاته
ماكس بتاع زمان
والحين وبكرة كمان
عرفت بقى هما كانوا قاعديين ليه
ساكتين مع بعض ولا نفس ولاwhisper
على رأى مدرسة لاولاد اختى زمان!!

norahaty يقول...

السلام عليكم ورحمة
الله تعالى وبركاته
Bar2ash
هلا هلا هلاهلا نورت برقش
صيدلى المنصورة والدقهلية
كلاااااااااااااااااااااتها
وكل واحد حر فى رأيه بقى
يابرقش ومش حنتخانق ولا
نختلف كل واحد حر فى
رأيه وده رأيىّ:)
نورتنا برقش
ويارب خير.

norahaty يقول...

السلام عليكم ورحمة
الله تعالى وبركاته
نهر الحب
اهى سافرت بره
ويمكن كمان تاخذ
الجنسية الاجنبية :)

norahaty يقول...

السلام عليكم ورحمة
الله تعالى وبركاته
z!zOoOo
الحمدلله يافندم
يارب انت كمان
تكون بخير.واتمنى لك
والله كل السعادة وانك
تحقق ماتصبو اليه من راحة
بال وهدوء سريرة.

norahaty يقول...

السلام عليكم ورحمة
الله تعالى وبركاته
z!zOoOo
العفو مرة تانية يافندم
وصلة الرحم مافى اهم منها ولا أحسن كمان وربنا يجعلنا ممن يصُلنها ولا يقطعُنها.والسياسة زى ما قال صديق قبل هذا .....(أفهم انت بقى)

norahaty يقول...

السلام عليكم ورحمة
الله تعالى وبركاته
z!zOoOo
العفو يافندم
وتمت الزيارة
والحمدلله رب العالمين.

norahaty يقول...

السلام عليكم ورحمة
الله تعالى وبركاته
راجى
!!المثل بيقولك ايه:
ابويا راضى وانا راضى
ومالك ومالنا انت ياقاضى!
ريتاموافقة وصحبتها موافقة
يبقى خلاص:)

norahaty يقول...

السلام عليكم ورحمة
الله تعالى وبركاته
رئيس التحرير
اولا :العفو يافندم
ثانيا: مادمنا قد اوكلنا امرنا اليه
يبقى الف مليون حمد وشكر يافندم.
ثالثا :ربنا يجعل تغيرنا الى الاحسن .
رابعاً: يابخت من رضى عنه ربه..صح؟
اسعدتنا زيارتك حضرة الاستاذ
حسين حامد رئيس التحرير
(ابو يحيى حفظه الله)

norahaty يقول...

السلام عليكم ورحمة
الله تعالى وبركاته
حاول تفتكرنى
انا اول جائزة لىّ
كانت دفتر توفير البريد
وبه(...)وكان مبلغا كبيرا
فى هذا الوقت اللى هو من ..سنه:)

norahaty يقول...

السلام عليكم ورحمة
الله تعالى وبركاته
على عبد الله
شكراً لامنياتك الطيبة يافندم

norahaty يقول...

السلام عليكم ورحمة
الله تعالى وبركاته
د.اية
ليه مقلب ؟
الست وخداها وهى عارفة
مين ريتا ومختاراها
بأرادتها الحرة
بدون تزوير
ولا تزويق:)
نورتنا :)

norahaty يقول...

دموعى وابتسامتى
دائما ابدا لا حول
ولا قوة الا بالله
العلّى العظيم
كلامك صح وانا جربتها
وفعلا بشتاقى لها كبلد مش
بس اهل وناس وكده لأ كبلد
معنى قد لا يحسه الا من جربه.
ونورتينا فى اول زيارة لنا
حضرة المحامية .

norahaty يقول...

السلام عليكم ورحمة
الله تعالى وبركاته
المعتصم
متشكرين تشنكراالمنتشكرين
بالتشنكرى يا أستاذ معتصما واحنا
مش قدك ياسيدى ولا قد الاصمعى ولا ابى العلاء وغيرهم من العظماء فى مثل هذا المجال وهديتك مقبولة استاذ معتصم :)

norahaty يقول...

السلام عليكم ورحمة
الله تعالى وبركاته
hasona
العاقل
من نظر وعبر
وقرأ وأعتبر.
شكرا لمرورك
يافندم ولو انى
كنت افضل ان ارد
لك الزيارة ولكنك
تفضل القراءة فقط
وتعبر عن رأيك دون
الارتباط بمدونة واحدة
(رأي لك قرأته فى مكان أخر)

soly88 يقول...

يحدث مثل ذلك احيانا للبشر
الأغتراب ان لاتجد من يهتم بك

norahaty يقول...

السلام عليكم ورحمة
الله تعالى وبركاته
soly88
(الأغتراب ان لاتجد
من يهتم بك)
كلام جميل وقس على
هذا ألا تجد من يفهمك!
نورتنا بالزيارة والتعليق .

hasona يقول...

السلام عليكم ورحمة الله وبركاته

وصل حال الناس الي عدم الاحساس بأدميتهم
وبأنهم بني آدمين لهم أحلام كثيرة
وفي لحظات من اليأس يتخلون عن لك الاحلام
ويتمونو الوصل الي القمة حتي ولو كانوا حيوانات
وكأن كل صداقة يجب أن يكون من وراءها مصلحة ما

تغيرت المفاهيم
،،،
،،،،
،،،،،
ردا علي تعليقك
ويمكن حضرتك كما قولتي قرءتيه ي غير موضوع

لكن كما وضحت
أني لست صاحب مدونة
أب القراءة
ولا أملك من الوقت الكثير
لأن التدوين ليس فقط كتابة
والقاء كلمة
وانما مسئولية
ويتعبه الاقرار بتحمل الامانة


شكرا لك
وكل سنة وانت بكل خير
تحياني