الأربعاء، فبراير 25، 2009

.......فرصة..........

فى الافق
تلوح لى
فرصة
للسعادة
ولكنى
لن أغتنمها
ولن أستغلها
فأنا
أخاف التجربة
حلوها
قبل مرها!
.............
يقول
أرسطو
السعادة غاية بحد ذاتها
والحياة السعيدة هي التي يحياها المرء وفق الفضيلة
ويقول ايضا
أنّ السّعادة يجب أن تكون إلى حدّ ما رهن إرادة من يبحث عنها

هناك 76 تعليقًا:

ايوشة يقول...

فعلا عندك حق احنا بنخاف من اى تجربة
والسعادة موجودة فعلا بس احنا مش بنعرف نوصلها

norahaty يقول...

تسلمى ويسلم قولك واقوالك كلها ياأيوشة لكنك صغيرة ولابد لك من التجربة العمر والايام امامك
فلا تخافى حبيبتى (خليها على الله)

موناليزا يقول...

الفرص مابتجيش كتير
ارى ان تنتهزى هذه الفرصة حتى لا يحدث ندم فيما بعد

romansy يقول...

خوضى التجربه وهنخسر ايه
ممكن نكسب نفسنا
ممكن نكسب اشياء مش متوقعه
ولو خسرنا
يبقى يبقى الوضع على ما هو عليه

norahaty يقول...

موناليزا
ولكنى أخااااااااااف
من التجربة ومن المجهول
ولا حيلة لى فى هذا الخوف

norahaty يقول...

Romansy
حأخسر راحة بالى
وما استقريت عليه
طوال حياتى من اعتياد

حسام غانم يقول...

الإنسان بطبيعته بيخاف من التغيير

norahaty يقول...

حسام غانم
عندك حق الف مرة

المعتصم يقول...

بسم الله الرحمن الرحيم
السلام عليكم ورحمة الله وبركاته
اختنا الكريمة الدكتورة
تحياتى
ايه ده ؟
ايه ده ؟
ايه ده ؟
يعنى هو احنا نعيش طول عمرنا ندور على السعاده ولما نلاقيها نخاف !!!!!!!!!!!
ازاى يعنى ؟؟؟؟؟؟
انا شايف انك تنتهزى الفرصه وماتضيعيش وقت
بسررررررررررررررررررررررعه
وحتى بعد كده لو لا قدر الله اعقبها الم وايه يعنى مااحنا عيشين فى حياتنا علشان نتعلم ونجرب ولازم يكون فيه الم علشان يكون فيه سعادة
انتهزى الفرصه بدل ماتعيشى فى رتابه وملل الاعتياد وبعدين تتخنقى من حياتك
ده رأيى وطبعا اولا واخيرا اللى انتى عاوزاه هو اللى تعمليه (يعنى تسمعى الكلام وتنتهزى الفرصه برضو علشان انا مش ديموقراطى)
ههههههههههههههههههههه
تحياتى ودمتى بكل خير وود
والسلام عليكم ورحمة الله وبركاته

norahaty يقول...

المعتصم
ولكن خوفى كبير
اخاف التجربة
واخاف التغير

مذكرات مشاغب يقول...

انتي لو شفتي فيلم جيم كاري الاخير اللي باسم yes man
كان بيناقش نفس الموضوع ده
ان الانسان بيخاف من المجهول ومبيحاولش يواجه خوفه ويغامر
وفي الاخر وصل الفيلم ان الانسان مش لازم يغامر في كل حاجه
لازم تبقى مغامرته محسوبه
بس الحسبه ديه ازاي
الله اعلم

بتهيالي تجربي الفرصه
وحتى لو مكنتش سعيده
فالواحد بيستفيد من تجاربه

تحياتي

norahaty يقول...

مذكرات مشاغب
ماشى أحاول اشوف الفيلم
لكن التجربة أخاف منها!

المعتصم يقول...

تخافى تخافى
طب ماكده عمرك ماهتعملى حاجه خالص
لو خفنا اننا نفشل فى اى حاجه يبقى عمرنا ماهنعمل حاجه
يعنى مكنتيش خايفه وانتى داخله كلية الطب ؟؟؟؟
يعنى مش خايفه لا قدر الله انك تفشلى فى علاج مريض ؟؟؟؟
ومع ذلك انتى دكتورة ولازم تعالجى المرضى وربنا يسترها وتنجحى وماتفشليش
يبقى لازم فى كل حاجه تانيه فى حياتنا نجرب ونشوف هننجح ولا لأ
انما الاستسلام للخوف ده كارثة وامر مش كويس
شوفتى المثل اللى بيقولك وقوع البلا ولا انتظارة
اهو انتى بحياتك العاديه والنظام اللى معتوده عليه والرتابه دى بتطبقى مبدأ انتظاره
لانه كده كده هيقع (لاقدر الله يعنى) يبقى احنا نستغل اى فرصه تجيلنا ونستمتع بيها ونسيب اللى بعد كده على الله
ســــــــــــلام ويارب تكونى ابتديتى تقتنعى
وابقى شوفى الفيلم ولو انى مش بحب جيم كارى
ســـــــــــــلام

TIMMY !! يقول...

مش عارف ليه الكلام اللي قبل أرسطوا ده " خبط " في دماغي جامد قوي ليه ؟؟

احتمال لأنه بيوصف حالتي مثلا أو حاجة ,

ساعات فعلا الواحد بيلاقي فرص , بس بيخاف من التجربة , حتى لو كانت نسبة نجاحها كبيرة , لأنه بيبص و يركز على نسبة الفشل الصغيرة !!
ده أنا :( !!

حسن حنفى يقول...

صدقيني اللي يخاف من التجربه هيضيع عليه حاجات كتير اوووي

كل واحد مننا لازم يجرب ويقع ويجرب وينجح والا مش هيعرف يعيش

د/عرفه يقول...

زى ما بيقولوا الحياه فرص
استغلى الفرصه ومتفرطيش فيها يمكن مترجعش تانى

بالنسبه للتغير ده
أظن أن ده من اكبر العوائق الموجوده عندنا هنا فى مصر الناس بتحب الاستقرار جدا وبتخاف من التغيير
حتى تلاقيهم قعدوا فى وادى النيل ومتنقلوش لبقى مصر من ايام الفراعنه

أحــوال الهـوي يقول...

اولا لا افهم الخوف من التجربه و تلوح في افقها احتمالات السعادة
و ما علاقة قول ارسطو بالتجربه

انه تعريف للسعادة
دكتورتنا العزيزة المؤمنة المتدينه نقية القلب و السريرة
نقيم خطانا نعم و لكن ان نتراجع خوفا من الفشل لا
كم من مرة اضعنا فرصا لم نغتنمها و تعلمنا من ديننا عدم الخوف بل و الاستخارة في امورنا ثم المضي فيها فاذا قدر الله لنا فيها الخير كملت و اذا كانت فيها شر لنا في ديننا و دنيانا عفانا الله منها

اتحدث عن تجاربي الشخصية التي قادتني فيه الاستخارة دائما الي الخير

تحياتي

الفقيرة إلى الله أم البنات يقول...

نور الخوف من المجهول طبيع بشريه
بس لو مش هندخل تجربه جديده علشان خايفين من المجهول هنفضل فى مكانا
تدخلى وانت متوكله على الله وطبعا مستخير الله
ربنا يوفقك

mohamed ghalia يقول...

أنّ السّعادة يجب أن تكون إلى حدّ ما، رهن إرادة من يبحث عنها
أتفق وبشدة مع تلك الكلمات

هانى زينهم يقول...

مين اللى قال ان السعادة هى الحاجات اللى احنا بنشوف فيها سعادتنا ؟؟احيانا بنقعد نحرك ونفرك عشان نعمل حاجة معتقدين ان سعادتنا مستخبية ورا بابها ومستنية بس نقتحلها وهى تغرقنا نيجى نفتح الباب تغرقنا التعاسة . ما علينا اصل المود مهبب بعيد عنك يا دكتورة نهايته ما تعمليش حاجة وخليكى كدة احسن ما دام مبسوطة
رب يوم مضى بكيت منه
فلما مضى بكيت عليه

سلوى يقول...

حتى السعاده هنخاف منها

يا عزيزتي كل شئ فيه الحلو والمر
وبالمر بتعرفي معنى الحلو

ربنا يسعدك ويوفقك إن شاء الله

واحدة مفروسة يقول...

يا بنتى انتى دكتورة
يعنى شجاعة
ادخلى بقلب جامد و اتوكلي على ربك
هوه اللى ناصيتنا بيده
ادخلى التجربه و سبيها على ربنا
و اللى تخافي منه مايجيش احسن منه
ربنا يسعدك دايما يارب

GiGi يقول...

فعلا معظمنا زيك وكل جيلنا ده بيخاف من الفرصه وبنخاف للتجربه يعنى نرضى نكون فى وضع اسوء عن اننا نجرب ونفشل
وعلشان كده احنا ضايعين

Maybe Soon يقول...

السعادة مع وجود الفضيلة...
الله...حقا سعادة...

الخوف شئ طبيعي...

ادعوكي لقراءة آخر بوست لي...
و طبعا هو...

عن الخوف :)

تحياتي

z!zOoOo يقول...

السلام عليكم

د/ نورا

يارب تكوني بخير

بصي انا مقتنع بكلام أرسطو

كتير الواحد بيستني الفرصه والسعاده

ولما بتجيله بيبقي خايف يجازف

لكن انا شايف إن السعاده ميدورش عليها .. لأني في مقوله مقتنع بيها جدا وهي:

إذا أرت السعاده طويلا ستجدها .ولكن كما وجد العجوز نظارته أخر مره ..

وجدها علي أنفه :)

تحياتي

عمرو يقول...

الاٍنسان بطبعه بيخاف من المجهول
من كل ما هو مجهول له
و بالطبع التجربه التانيه بتكون مجهوله للاٍنسان فى كل شىء يعنى لازم يخاف منها لكن فى رأيى المتواضع غلط أنه يبقى عنده فوبيا من التجربه التانيه
توكلى على الله مدبر الأمر بقلب مفتوح و عقل متوازن و سلمى الشأن لله هو نعم المدبرين و آملى خيرا باٍذنه و أدعيه من قلبك مخلصه أن يوفر لك الخير فى تجربتك و اٍن شاء الله سيوفقك و يجعل حياتك مليئه بالبهجه و المسرات

حاول تفتكرنى يقول...

التغيير دائما يأتي
فلا يوجد شىء ثابت ابدا الثابت الوحيد فى عالمنا هو التغيير

والحكمة تقتضى منا بعض الشجاعة ، والشجاعة لا تعني خلو القلوب من الخوف ، ولكن السيطرة عليه

أقوال ارسطو عن السعادة ، قالها وهو يبحث فى علم المنطق ، والمنطق يتنافي كليا مع الثبات ، بل يطالب بالتجربة ، والتجربة معناها أكتساب الخبرات حتى لا نقع فى يوم من الايام فريسة لضربات نجهلها

ارسطو لو عرف موضوع الخوف من التجربة هيزعل أوي

تحياتي

funckydoctor يقول...

نخشى النجربة ولكن قد نفقد الفرصة للأبد
وكلما زادت المخاطرة زاد الربح
فهى موازنة بين هل سيتحق الناتج المخاطرة أم لا
وإن كانت السعادة هى الناتج فلما لا نحاول
وفقك الله

blue-wave يقول...

بيقولوا من خاف سلم
لكن انا بقول
من خاف ندم
تحياتى

مدحت محمد يقول...

من وجهة نظرى السعادة هى راحة البال

من غير عنـــوان يقول...

الغاليه نورا

هناك مقوله تقول

الحياة رحله وليست غايه..
_____________________

لأنها لو أصبحت غايه.. فنهايتها معروفه ومؤكده.. إذن ... لابد من الإستمتاع بالرحله..

والتجربه.. طالما محسوبه..وليس بها ما يغضب الله ورسوله الحبيب..فأهلا بها..

استخيري الله.. وتوكلي عليه... وسينصرك ويسعدك..

وكما قال الفيلسوف.. السم الذي لا يميتني.. يزيدني قوة.. ( وأزيد طالما في إطار الشرع)

خايفه من ايه يا نورا.. حد يخاف من السعاده...

أمنياتي

أعيدي قراءة المعتصم... عمرو.. أحوال الهوى

مجداوية يقول...

السلام عليكم

من خاف سلم
واللي تعرفه أحسن من اللي متعرفوش

لكل كلام غير القرآن وأحاديث الرسول الصحيحة نسبة من الصواب والخطأ,,والنسبة تعلو وتهبط بالتبادل مع الصواب والخطأ على حسب تجربة الانسان

أنا مثلك أخاف التغيير لكن أدرك إني أفوت على نفسي أشياء كثيرة قد تكون أفضل ألف مرة من الحال الذي إخترته فهو ليس خوفا فقط بل قناعة لأن بعدم وجود تلك القناعة سيدفعك عدم الرضا للتغلب على خوفك ,,فقناعتك بحالك أكبر من خوفك ,,لو تغيرت القناعة لسبب ما سيزول الخوف ,,لكن السعادة لا تخيف أبدا فلا تحرمي نفسك منها ان كانت سترضيكي وتكفيكي أكثر مما أنت فيه

أسأل الله أن يكفيكي ويرضيكي دائما

salma mohamed يقول...

صحيح البشر بيبقى عندهم خوف من اي موقف مقدمين عليه,
بس السعادة تستاهل التضحية والتغلب على الخوف للوصول ليها,
لو لقيتي الفرصه اوعي تضيعيها.

salma mohamed يقول...

حبيت بس اضيف السطرين دول:
الحياة حولنا ليست كاملة - فإن كنا نؤجل سعادتنا إلى أن تصبح الحياة كما نرغبها أن تكون أو إلى أن تصبح الظروف كما نريد ، فإننا بذلك نمنع أنفسنا من المتعة والسعادة.

Bongo يقول...

و مين فينا مبيخافش من التجارب الجديدة ؟!

ده في طبيعتنا الانسانية

بس لو مجربتيش تخوضيها مش هتعرفي ابدا كان ممكن تحقق لك السعادة و لا لأ

هتفضلي تقولي : " كان ممكن احقق بعض السعادة من التجربة دي .. يا خسارة "
حتي لو خسرتي حاجة زي راحة بالك , هتبقي عرفتي نهاية التجربة دي

و مين عارف , ممكن متخسريش حاجة فيها و تبقي حققتي سعادة وقتية مؤقتة او سعادة دائمة من تجربتك

توكلي علي الله و متضيعيهاش :)

ليلى فى عالم ادم يقول...

فى مثل بيقول
تجرب وتفشل اشرف لك من انك ماتجربش خالص

وفى قول تانى بيقول " لو حاولت هتكون فرصة نجاحك 50% اما لو ماحاولتش خااالص ففرصة فشلك 100%

الواحد لازم يستغل فرص السعادة لما تجيله لان الفرص دى فى الدنيا قليلة اوى

soly88 يقول...

السعاده ليست فرصه تغتنم
ولكنها حاله تنتابنا ونشعر بها
اما الفرصه فهى تعبير عن زواج مناسب او وظيفه مغريه

ahmed_k يقول...

خللي إعتمادك دايما على الله
فهو لا يقدر لنا إلا الأصلح
ولو علمتم الغيب لأخترتم الواقع

فتوكلي على الله وأستخيريه
فهو نعم المولى ونعم الوكيل

الازهرى يقول...

التجربة والخطأ واعادة التجربة
هى سبيل التقدم
ولكن ان نقف عند كل ولا نحاول ثانية فسوف نفقد الكثير من السعادة لانها لا تأتى الا لمن يجد فى البحث عنها

تحياتى دوما

على عبدالله يقول...

السلام عليكم

اقولك على حاجة كويسة

صلى استخارة ...
ثم
"اعقلها وتوكل "
من يتهيب صعود الجبال
يعش ابد الدهر بين الحفر

اه ايه رايك ؟؟
توكلى على الله
وان اراد الله ان يتم الامر .. سيتمه لا محالة
والا فلا راد لقضائه

(احمد سكر ) يقول...

السلام عليككم

ازيك يادكتوره

انتى خايفه من التجارب السابقه

او من التجارب اللى مرت قدامك

او خايفه من بعض التجارب الفاشله

بس اللى بتهربى منه دا

شىء لابد منه

علشان الحياه تستمر

اللى بتهربى منه فى علم الله وحده عواقبه

ان كانت خير او شر

بس باذن الله خير

لان عملك بأذن الله خير

توكلى على الله

وصلى صلاة الاستخاره

وتمنايتى بالتوفيق

ارجو تطمنينى عليكى حتى برساله

هنتظرها

دمتى بكل الود

احمد

وفاء بركات يقول...

السلام عليكم ورحمة
الله وبركاته
التجربه يعني حاجه جديده إضافه جديده
لخبرتنا ممكن تكون بسمه وممكن تكون دمعه بس في النهايه حنتعلم منها
انا عارفه إنك بتعملي بالمقوله اللي بتقول
اللي نعرفه أحسن من اللي منعرفوش
إستخيرى ربك ولو فيها خير ليكي ربنا
ييسرهالك ولو شر يبعدها عنك...
أتمني لك كل خير وفرح

bar2ash يقول...

السلام عليكم

اقولك نصيحة مجرب

ويفوز باللذات كل مجازف
بس اقولك علي حاجه كمان
لو كان الموضوع له علاقه بقلبك وانتي احساسك مرهف
نصيحه بلاش تجربي
لانها صعبه

تحياتي

شمس النهار يقول...

انت كده اخدتي القرار والا ايه
طيب انصحك تقري عند محاسن صابر وعند عمرو بدر اقري البوستيين والتعليقات كلها
وربنا يوفقك للقرار السليم

norahaty يقول...

السلام عليكم ورحمة
الله تعالى وبركاته
المعتصم
(من خاف سلم يامعتصم :)
الله تصدق تنفع مطلع اغنية :)
ما أنا فيه اعلمه منذ سنين
اما المجهول والتجربة
فهذا شىء لا ادرى
عنه شيئا وهو
ما أخاف
منه
جداً

norahaty يقول...

السلام عليكم ورحمة
الله تعالى وبركاته
TIMMY!!
سلامة دماغك من الخبط :)
احنا مالناش دعوة :)
انت اللى ما
اعطيتش
اشارة:)
ولو سمحت فيه
واحدة واقفة
جنبك ومركزة
فى نسبة الفشل
الصغيرة اوى
دى انا برضه:)

norahaty يقول...

السلام عليكم ورحمة
الله تعالى وبركاته
حسن حنفى
مش فى كل حاجة ياحسن
ساعات احتمال الوقوع
بيبقى من فوق جبل ..خطر جدا
ساعتها التجربة!كلامى مضبوط؟

norahaty يقول...

السلام عليكم ورحمة
الله تعالى وبركاته
د/عرفة
زى ما قلت
ما انا فيه اعلمه
من سنوات بعيدة فلما
التغير والتوقعات والاحتمالات !!

norahaty يقول...

السلام عليكم ورحمة
الله تعالى وبركاته
احوال الهوى
والهوى احوال
اعلم والله كل ماتقول
يادكتور لكن بعيد عنك
الخووووووووووووووووووف
الشديد واللى بيصل لحد المرض
فى بعض الاحيان:(

norahaty يقول...

السلام عليكم ورحمة
الله تعالى وبركاته
الفقيرة الى الله أم البنات
لا استطيع الدخول فى كل التجارب
هناك تجارب عدم الدخول فيها اسلم!

norahaty يقول...

السلام عليكم ورحمة
الله تعالى وبركاته
mohamed ghalia
عجبك كلام ارسطو؟
طبعا ماهو مش اى كلام:)
كلام فلاسفة كبار!

norahaty يقول...

السلام عليكم ورحمة
الله تعالى وبركاته
أستاذ/هانى زينهم
سلامتك يامستر وسلامة المود؟
مالك بس فيه ايه ؟الف لاباس
عليك وعلى مودك يارجل ياطيب.

norahaty يقول...

السلام عليكم ورحمة
الله تعالى وبكاته
سلوى
للاسف ممكن تخافى من
الحلو اكتر من المر
تتخافى تتحرمنى منه
بعد ما تعودتى
أو تتاملى فيه
وشكراًلدعواتك

norahaty يقول...

السلام عليكم ورحمة
الله تعالى وبركاته
واحدة مفروسة
والله انا شجااااااااعة
بس مش فى كل الحاجاااات
بمشى فى الضلمة لوحدى :)
لكن المجهول ده بيرعبنى بجد:(

norahaty يقول...

السلام عليكم ورحمة
الله تعالى وبركاته
GiGi
سلامتك وسلامة الجيل
كله من الضياع :)

norahaty يقول...

السلام عليكم ورحمة
الله تعالى وبركاته
Maybe Soon
طاعة الله سبحانه وتعالى
بتعطى للانسان سعادة
داخلية لا توصف!
وتم بحمد الله
الزيارة
يافندم

norahaty يقول...

السلام عليكم ورحمة
الله تعالى وبركاته
Z!zOoOo
معنى كلامك يازيزو ان
سعادتنا موجودة لدينا
او هى على مدى البصر منا
صح كده اللى فهمته؟

norahaty يقول...

السلام عليكم ورحمة
الله تعالى وبركاته
أستاذ/عمرو
اقول لك ثانية استاذنا
ما انا فيه اعلمه من سنوات
اما التجربة فلا
ادرى ما هو مخبىء فيها!
ومتشكرة اوى على تمنياتك
وكلماتك الطيبة
النابعة من
نفس طيبة .

norahaty يقول...

السلام عليكم ورحمة
الله تعالى وبركاته
حاول تفتكرنى
(ارسطو لو عرف موضوع الخوف من التجربة هيزعل أوي )
يعنى ما أزعلش سى ارسطو:)
وازعل انا مثلاً:)
نورتنا بعد
غياب :)

norahaty يقول...

السلام عليكم ورحمة
الله تعالى وبركاته
funckydoctor
متشكرة لتمنياتك الطيبة
ووفقك الله انت كمان فى دراستك
وامتحاناتك والباطنة وال...
ووماتعدش كتير.ربنا ينجحكم كلكم

norahaty يقول...

السلام عليكم ورحمة
الله تعالى وبركاته
blue-wave
شجاع انت كتير
واضح وباين عليك

norahaty يقول...

السلام عليكم ورحمة
الله تعالى وبركاته
من غير عنوان
كلامك جميل ياباشمهندس
ماأجد له رد عندى الا
كتر خيرك الف مرة جزاك
الله كل الخير على نصيحتك .

norahaty يقول...

السلام عليكم ورحمة
الله تعالى وبركاته
اخيتى مجداوية
جزاكى الله خيرا على كلامك
واسال الله لكى المثل
أن يكفيكى ويرضيكى
دائماً وابداً

norahaty يقول...

السلام عليكم ورحمة
الله تعالى وبركاته
مدحت محمد
ومن وجهة نظرى
راحة البال فى الرضا

norahaty يقول...

السلام عليكم ورحمة
الله تعالى وبركاته
Salma Mohamed
حاضررررررررررر
ياسلمى اول بس ما
الاقيها حأمسكها كويس:)

norahaty يقول...

السلام عليكم ورحمة
الله تعالى وبركاته
Salma Mohamed
وانا كمان اضيفهم هنا
للمنفعة العامة وللجميع
(الحياة حولنا ليست كاملة - فإن كنا نؤجل سعادتنا إلى أن تصبح الحياة كما نرغبها أن تكون أو إلى أن تصبح الظروف كما نريد ، فإننا بذلك نمنع أنفسنا من المتعة والسعادة.)

norahaty يقول...

السلام عليكم ورحمة
الله تعالى وبركاته
Bongo
كلامك صح ومضبوط
بس تعملى ايه
فى الناس
(الخوافة مووووت
من حاجات وحاجات)

norahaty يقول...

السلام عليكم ورحمة
الله تعالى وبركاته
ليلى فى عالم ادم
(الواحد لازم يستغل فرص السعادة لما تجيله لان الفرص دى فى الدنيا قليلة اوى)رايك كده؟
ربنا يسهل:)

norahaty يقول...

السلام عليكم ورحمة
الله تعالى وبركاته
soly88
انت رأيك كده؟
على كده انا حاليا
وبوضعى هذا فى
منتهى السعادة:)

norahaty يقول...

السلام عليكم ورحمة
الله تعالى وبركاته
ahmed_K
ونعم بالله ياأستاذ احمد
وكفى بالله وليا وكفى بالله نصيرا

norahaty يقول...

السلام عليكم ورحمة
الله تعالى وبركاته
الازهرى
لكن هناك تجارب
مهلكة عدم الدخول
فيها اسلم واحسن !
وشرفتنا فى اول زيارة
لك عندنا ياأزهري.

norahaty يقول...

السلام عليكم ورحمة
الله تعالى وبركاته
على عبد الله
وعليكم السلام
حصل يافندم
ثلاث مرات
ولم ارى
شيئاً
ولم يتغير خوفى
ولا قلقى تجاه الامر!
والحمدلله فى كل الامور

norahaty يقول...

السلام عليكم ورحمة
الله تعالى وبركاته
أحمد سكر
ونعم بالله ياأبو التشلدرين
ونعم بالله هو مدبر الامر
وأدينى صليت الحمد لله
متشكرين على
دعواتك
الطيبة.

norahaty يقول...

السلام عليكم ورحمة
الله تعالى وبركانه
أستاذة /وفاءبركات
يامرحبا يامرحبا
( بتعملى بالمقوله
اللي بتقول
اللي نعرفه أحسن
من اللي منعرفوش)
اه والله يااستاذة :)
بسببها قعدت فى طب عين شمس
ومانقلتش لطب القاهرة
وشفت (الهنا)كله فى
المواصلااااااات
يلا الحمد لله
رب العالمين.

norahaty يقول...

السلام عليكم ورحمة
الله تعالى وبركاته
bar2ash
حاضر يادكتور
مش حأجرب حاجة
ما اعرفهاش من
قبل كده.

norahaty يقول...

السلام عليكم ورحمة
الله تعالى وبركاته
شمس النهار
يابرنسيسة
كما يدعوكى
الاستاذ عمرو
وهو فعلا عرف
يوصفك بهذا اللقب
الجمييييييييييييل
كتر الف خيرك لاهتمامك
ويقعدلك فى بناتك بأذن الله