الأحد، مارس 01، 2009

..........النهاردة اول مارس!!!


اول مااااااااااااااارس النهاردة
يوم كان حيمرعلى زى ما مر قبل هذا كتير
لولا ان الست اللى أستأذنت تدخل
قبل
دورها فى الكشف فكرتنى بيه
معلش ياستى الدكتورة
اصل ابنى رايح يستلم الشغل النهاردة
نسى الكارنية بتاعه معايا
وانا رايحة اوديهوله
خلص كلية الطب
وحيبدأ سنة الامتياز النهاردة
يااااااااااااااااااااااااااااااااااخبر
الامتياز
اه صحيح !!احنا بندأ الامتياز فى شهر مارس
بعد ستة اعوام من العذاب
فى كلية الطب والعذاب
لأ كده غلط
فى كلية
العذاب والطب
لتبدأ بعدهم
سنوات الشغل والعذاب
برضه كده غلط
لتبدأ بعدهم سنوات العذاب والشغل
والله ماهى نظرة تشاؤمية ولا حاجة
لكن نظرة حقيقية من بعد ممارسة المهنة
سنوات كتيرة
مش حأقولك ياللى بتسأل كام !
ملكش دعوة!
مش حأقولك حاجة غريبة الناس دى!
المهم اليوم ده رحت استلم
ابص لاسمى ياخويا فى الكشف
الاقينى نساء
اكره فروع الطب الى قلبى !
طيب أمرى لله
رحت على مستشفى النساء والولادة
فين الاسامى ياعمى بتوع الامتياز
اللى هناك عندك دى
ابص!ابص!أبص!
ياوووووووووقعة سوثا
ياووووووووووووقعة زرقا
ياااااااااااااااااااااااااااااااااااااااااقعة فحلوقى !
اية دا :نوبتشية بليل
من الساعة 8مساءا
اول يوم
فى الشغل
نوبتشية
وبليل
ونساء
وووووو
وووووووووو
ووووووووووووو
ولادة
رجعت تانى البيت
ومعلش ياعم
محمود السواق
ماكنتش لسه اتعلمت السواقة
ابقى تعاللى بليل احنا أسفين يعنى حنسهرك
(وفى عقل بالى وانت راجل كبير وكبّارة بتنام من العشا )
لأ معلش مفيش حاجة
ده هو اللى بيقول
المهم
مش حأقولكو الجو كان شكله ايه ليلتها
بالظبط زى مابتقولى كده
مكمل للجو العام
وزى ما بيجى فى الافلام العربى
مطر ورياح وصواعق وعواصف كمان
انا فاكرة عملت ليلتها
(ولحد الان ما أعرف ليه)
شنطة ولا بتاعة الرحلات الخلوية
ولا كأنى رايحة الصحرا مش المستشفى
اللى بقى لى سنتين بروحها
سندوتشات وترمس شاى
ولب وسودانى
وووووووو
حمص
اصل
بموت فيه
ومش حأنسى
الخيار
طبعا
رحت
لقيت كل اللى معايا فى الجروب
ناس ماعرفهاش خالص
وكمان اللى زود الموضوع
بنين
اى
صبيان
اى
رجال
وكل واحد والتانى
بلاااااااااااااااااااااااااااكار
على رأى عزت ابو عوف
طبعا بقيت عماله اوسع لنفسى مكان بينهم
وكأنى بحفر فى الصخر
وكل شوية
لوسمحت
لو سمحت
ل
و
و
و
و
اوووووووووو
ايه فيه ايه؟
صباعى يادكتورررر
انا مالى بيه؟
انت دايس عليه حضرتك!
ايه؟
انت دايس على صباعى !
اممممممم
اممممم
امممم
اه طيب
معلش
الحوار اللى فات ده اتكررر ررر
كتير فى هذه الليلة
وبعدها طبعا
لكن الحقيقة
بعد كده بقينا
زملاء
عاديييييين خالص
وحتى معلش مابقوش يقولوها!!
المهم الليلة دى
انا فاكرة كذا حالة ولادة جت
ومش حأكذب النواب هم
اللى عملوا كل حاجة و أحنا كنا بنتفرج
يمكن غيرنا بعد كده بقى بيشتغل بأيده
لكن وللاسف
احنا كنا
متفرجين
ومشوارجية
بمعنى خدوا العيان ده للاشعة
العيان ده للتحليل
روحوا بنك الدم
خدوا التاريخ المرضى للحالة
او كتابة الروبورتات
وهكذا
لكن برضة اشتغلنا كتير
فى العيادة الخارجية
من ضمن او اكتر حاجة فاكراها فى الليلة
دى اول مرة اشوف
وعلى الطبيعة
والحقيقة
ولادة طفل
شىء
ربانى
الهى
سبحان الله
قرأت كتير وذاكرت كتير
لكن تشوف بعينك
عينك اللى هى
فى ام رأسك
دى حاجة تانية
منظر لايمكن
تنساه
سبحان ربى العظيم
انا فاكرة كانت بنت
وزى القمر!
سموها ساعتها
فط النور
اصلها اتولدت وقت اذان الفجر
بالضبط
امها كانت من العزبة
اللى جنب الكلية زمان
عزبة القرود
(هكذا كانوا يسمونها)
او عرب المحمدى
الحين اصبحت
جناين وحدائق.
وعلى أد برضة ما كنت فرحانة
انى خلصت الكلية
وارتحت من المذاكرة والامتحانات
على قد ما كنت حاسة ان فيه حاجة نقصانى
ونقصانى كتير
وحاجة كبيرة اوى
اوى
اوى
اوى
امى
توفت قبل امتحاناتات
البكالوريوس
بشهرين
فقط
لكن دى حكاية تانية
خليها
لمرة تانية
بأذن
الله
تعالى
وتسلمولى من الشر كله
ويفرحكوا المولّى
باحبابكوا
جميعا

هناك 94 تعليقًا:

هانى زينهم يقول...

ده 1 مارس ال34 اللى بيعدى عليا يا دكتور . وما فيش جديد . مارس زى فبراير زى ابريل كلها ايام وبنعيشها على رأى تالف الذكر عمرو دياب !!
ربنا يسعدك يا دكتور ويجعل مارساتك كلها هنا وسرور وفبرايراتك وابريلاتك وديسمبراتك كمان .

سفروتة يقول...

اكيد طبعا يوم لا ينسي
في كده دايما في حياة كل بني ادم تواريخ لا يمكن انه ينساها
ربنا يكرمك يا دكتورة
ويقويكي علي الشغل
دمتي بكل ود
:)

مذكرات مشاغب يقول...

حراااااااااااااااااااااااااااااام عليكي يا شيخه
راعي ان لسه فيه ناس متعرفش المستقبل
طيب اضحكي علينا
واسينا
حسسينا اننا بعد الوقت ده كله هنتدلع ونتنغنغ
انما تصدينا بالشكل ده حرام عليكي
طيب انا في ساته دلوقتي
يعني اعمل ايه
اسقط يعني ولا اهبب ايه
ربنا يستر

تحياتي

حسام غانم يقول...

اووووووووووه

ايه اليأس ده

هو مفيش حاجة تفرح في الكلية دي ؟

ربنا معانا

المعتصم يقول...

بسم الله الرحمن الرحيم
السلام عليكم ورحمة الله وبركاته
أزيك ياست الدكتورة
تحياتى
ياستى كل مارس وانتى طيبه
وبعدين يعنى هو انتى فاكرة انه انتو بس اللى متعذبين ؟؟
ما كلنا كنا متعذبين فى الكليات بتاعتنا
يعنى انا مثلا كنت فى تجارة مااقولكيش على العذاب
صحيان بدرى ومواصلات وتزويغ من المحاضرات وقعاد على الكافيتريا وجمال على ماينزلنا الطلبات يوجع قلبنا ياااااااااااااااه كانت ايام اسكتى يادكتورة ماتقلبيش المواجع هههههههههههههههههههههههههههههههه
وبعد ماخلصنا برضو عذاب (بس ده عذاب بجد المره دى)مافيش شغل وبعد كده لو اتوجد بيبقى بهدله
والحمد لله
كل مارس وانتى طيبه
(يعنى طلعتى بتاعة نسا يبقى المدان هتكشف عندك ببلاش بقى وانتى اولى من الغريب ولا ايه ؟؟؟؟؟؟؟؟)
هههههههههههههههههههههههه
تحياتى ودمتى بكل خير وود
والسلام عليكم ورحمة الله وبركاته

وفاء بركات يقول...

السلام عليكم
كل سنه وإنت طيبه
وتعيشي وتفتكرى الحاجه الله يرحمهاويرحم
أمواتنا جميعا
دمت بصحه وعافيه

mohamed ghalia يقول...

يادكتورة تعيشى وتفتكرى
لسه يامه هتشوفى ههههههههههههه
دمتى بكل الود

romansy يقول...

اليوم دا محفور فى ذاكرتك
ومش هيتنسى علشان ممكن تكونى قدرتى تحققى حلمك
وتكونى فيه نبشوشيه باليل كمان
الحمد لله ربنا وفقك

اقصوصه يقول...

ذكريات جميله

يلا اللي يصبر ينول

وانتي صبرتي ونلتي

ما في احلى من الراحه بعد التعب

والتجربه الاولى لها طعمها المميز دوم

حسن حنفى يقول...

ربنا يكون في عون حضرتك :d

ايوشة يقول...

ربنا يكرمك دايما يادكتورة ويوفقك معلش اتعبوا شوية بئا انتم مهمتكم مش سهلة

أنا من كنت محتاجاً يقول...

يااااااه

لسة فاكرة اليوم الرائع دا
أنا منتظره بفارغ الصبر وهانت فاضلي سنة وأخش في المعمعة

بس بأمانة النسا والولادة من أجمل وأحسن فروع الطب

صوت من مصر يقول...

1 من مارس يوم على ما اظن انهمحتاج تفكير شويه صح

ahmed_k يقول...

بالتأكيد أول خطوات الحياة العمليه
لا يمكن ان تنسى
مثلها مثل الأيام الول في الكليه
أو في المدرسه
أنتي عارفه أنا لسه متذكر أول يوم رحت فيه المدرسه اولى إبتدائي لا يمكن ينمحي من ذاكرتي
وطبعا البدايات دوما صعبه
ولكن مع التعود يتحول لسهل


تقبلي خالص تحياتي

عمرو يقول...

كل 1 مارس و أنتى طيبه يا دكتوره
فى حياة كل واحد فينا يوم أو أتنين مرتبطين عنده بذكرى ما لا تنمحى أبدا
بس ليه نبرة الشجن فى كلماتك ؟

mostafa rayan يقول...

عارفة في حاجة بلاحظهادايما الناس بتبص لمهنةالطب بنظرةاكبار بينما اللي فيها طالع عينهم ومخنوقين منها
مرةكنت بتكلم مع صديقة على النت بتشتغل دكتورة بقولها اتي كان نفسي ادخل طب قالتلي الحمد له انك مادخلتش هيطلع عينك ومش هتلاقي دخل مناسب
يلا تعيشي وتفتكري
وكل واحدمارس وانتي طيبة

iBRAHiM sAllAm يقول...

السلام عليكم و رحمة الله ,

إزيك يا دكتورة نور ,
طبعا أنا ما كنتش في امتياز و لا طب من أصله ,

بس أختي كانت ,
و لسه مخلصة امتيازها امبارح , يعني بدأته من سنة برضه ,
و جالها التكليف بعيد عندك في .... مرسى مطروح !! رغم إنها جايبة ج ج !!

المهم , أغلط شوية بقى في مهنة الطب :) أصلها مهنة خنيقة , و فيها فروع " مقرفة " بصراحة زي النساء و الجلدية و غيرها ,

الحمد لله الذي لم يجعلنا أطباء بشريين , و جعلنا " أطباء ماكينات " :) :) :)

أحــوال الهـوي يقول...

كليات القمة و المجاميع الكبيرة و الامواس و الدحيحه كلها القاب تبشر بوجود استعدادات خاصه لمخلوقات من نوع خاص سوف يستعبدون طول حياتهم في المذاكرة و التحصيل
و حتي اخر العمر في كد و تحديث لقفزات العلم في مجال الطب و اقابل دائما عميد اطباء العظام في مصر الدكتور حسن الظاهر و عمره تخطي السبعين و هو مازال يحضر ندوات علميه بين ارجاء المعمورة

انت اخترت الطريق و علو شأنك فيه يعني الكد و العمل
و كل مارس و انت طيبه

تحياتي يا دكتورة

salma mohamed يقول...

كل سنه وانت طيبه
انا حاسه بيكي لاني بكره الطب فانا عشت ايامه مع اخويا الاكبر مني,هو حاليا في النيابه بس تخصص عناية مركزه,
كان دخوله الكليه دي غم على البيت كله ياما اتحبس وحبسنا معاه وورانا ايام وليالي...,مش هقولك انتي عارفه,
بصراحة انا مش بحب المهنه دي لاني شيفاها من بدايتها مع اخويا وفي نهايتها بعد الرستأه والاستقرار المهني زي والدي ووالدتي رحمة الله عليها وعلى والدتك,
يلا مش هقفل نفسك اكتر من كده(:

rovy يقول...

السلام عليكم و رحمة الله
اختى الحبيبه الغالية اولا عاوزه اشكرك جدا عن سؤالك الغالى ربنا ما يحرمنى منك ابدا .. معلش انا فعلا كنت مقصرة جدا اليومين اللى فاتوا و ده لظروف عائليه .. زوج اختى كان مريض و كان فى العناية المركزه لمدة يومين .. هو دلوقت الحمد لله احسن و ده طبعا كان مخلينى غير متواجده فى بيتى و مش عارفه ادخل على النت .. المهم انى سعدت جدا بمرورك الغالى عندى و سؤالك الكريم
بالنسبه للبوست ربنا يخليكى يا احلى دكتور و تعيشى و تحكى لنا ذكرياتك و حكاياتك اللى بتبدعى فى كتابتها باسلوبك السلس الجميل اللى بيوصل للقلب على طول
دمتى بكل ود
تحياتى

ghorBty يقول...

السلام عليكم

ربنا معاك ويعينك يارب

بس برضوه رغم التعب تبقي مهنه مهمه جدا

جددي نيه وانت نازله هتلاقي ربك بيسهل لك كل شئ

واطلبي الاجر والثواب من الله هتلاقي نفسك مستمتعه بالتعب ومش هتحسي به

ربنا يسر لك الامور ويصلح لك الاحوال

استمتعت بالبوست جدا وبمدونتك الجميله

غربتي

دموعي وابتسامتي يقول...

لكل مهنة ضريبتها ليها حلوها ومرها ولكن يكفي ان تسمعي دعاء من قدر لهم الشفاء علي يديكي يكفي ان يمكنك الله من انقاذ طفل صغير وغيره

وفقك الله لما يحب ويرضي

ghoneem يقول...

بعد اتحية

يا طبيبة ويا زميلة ويا صديقة
أخبار حضرتك ايه ..؟؟
يارب تكوني بخير وفي أحسن حا ان شاء الله

ونعود لجولاتنا بعد روقان البال حبتي كدة ويارب ألحق أكمل الجول بتاعي ومحدش يقاطعني

ونبدأ بال ضنا غالي
موضوع القسوة من الأمهات مع الأبناء زادت جدا ف الأيام دي ..ولما الصغير بيكبر يتحول هو الي الشخص القاسي علي أمه ..والسبب طبعا وبكل تأكيد الحالة الايمانية المتردية اللي وصلنا ليها ..الأهالي بس بيكتفو بالخلفة وانهم يأكلو العيال ويشربوهم"ويسمموهم "وخلاص..والعيال طبعا مش بتتربي ومش وبتلاقي حنان ورعاية ..فتكبر عندها عدم اتزان نفسي
لكن ف الغرب همة بردو بيظهر عليهمالمثالية ولكنهم عندهم مشاكل كتي ف التربية ودلوقتي ظهرت هذه المشاكل بصورة واضحة جدااااااا ف المدارس اللي هية المفروض أماكن التعليم والتربية
بس تسلم ايدك موضوع مهم وموقف بنمر بيه كتييييير ف أيامنا

صداقة
بقي ريتا كلبة بقي
هههههههههههههههههه
انت قولتي انسة وجميلة وعزيز قوم ذل
وكده يطلع ف الاخر كلبة
ماشي بس ع العموم حلوة يعني ملعوبة
موضوع الصداقة ده بقي ..ولا صداقة ايه بقي خلاص ماهي باظت انت خليتي مش هينفع كلام
ههههههههههههههههههه

فرصة
ليه بس يبقي فرصة للسعادة ولا تغتنميها ..دي حتي اسمها فرصة
طبعا الله أعلم بالخير وكتير فرص بنظنها الخير وهي عكس هذا تماما
ولكن ان كان الأمر فيه طاعة ووفق الفضيلة وتشعرين أنك مرتاحة له
فلماذا تخافي من خوض التجربة
انا ع العموم يعني أعشق التجارب ولما أجد فرصة أحاول اغتنامها
طبعا تمنياتي ليكي بكل الخير

هصلي العشا ولنا عودة ان شاء الله
استمتعت كثيرا بجولتي

تحياتي

بالتوفيق..........................

ghoneem يقول...

عدنا
وبعد التحية
وخالص التقدير

أول مارس
أنا بدأته ف أول سبتمبر ولله الحمد
ههههههههههههه
بس لا يمنع طبعا اني شفت وبشوف وهشوف كل اللي حضرتك مريتي بيه
بتبقي ذكريات جملة والله وبالذات أول حاة ف كل حاجة ديبتبقي فعلا ذكريات جميلة جدااااااااااااااااا
ربنا يارب يوفك دايما ونسمع عنك كل خير ونشوفك ياااااااارب أكبر دكتورة ف الجمهورية "بفتح الجيم"

وربنا يارب يرحم والدتك ونلحق بها يارب ف الفردوس الأعلي ان شاء الله

مواضيعك دايما جميلة ودونتك والي اليوم تعبر عن أحوالنا بالفعل

تحياتي وخالص تقديري

بالتوفيق.....................

ghoneem يقول...

معلش صحيح قبل ماأنسي

أنا كاتب موضوع ف مدونة جددة يايت أعرف رأيك
http://nazratolife.blogspot.com/

تحياتي

بالتوفيق.....................

د/عرفه يقول...

ازيك يا دكتوره
ههههههههههههه
فعلا ضحكت جدا
اصل انا النهارده كنت لسه شايفهم وهما لسه رايحين شايليين البلاطى وواقفين قدام المستشفى
قولت فى نفسى ان شاء الله كلها سنه واحده ونكون فى نفس الموقف ده
تتحول فيه من اعلى طالب فى الكليه
لأقلل شخصيه فى المستشفى حياه جديده
وتلاقى كله قاعد يتنطط عليك
حتى الممرضات هيعدوا يتريقوا علينا
وتلاقى يا عينى الإمتياز سرحانين فى المستشفى لا يفقهوا اى شىء
انا معرفش بتخيل بس نفسى بعد سنه
ربنا يدينا ويديلك طوله العمر

saragebaly يقول...

كل 1 مارس وانتي طيبة وبكل خير

وتعيشي وتفتكري الذكريات الجميلة

جميل اوي اننا نفتكر ذكرياتنا الجميلة

ربنا يكرمك دايما ويوفقك في حياتك ومستقبل

تحياتي لكي وكل الحب

سارة

بوح القلم يقول...

اختي الكريمه ..
كل عام وانتي بخير ...

وتمر السنوات وتفتكري الي سار

الله يعينك على مهنة الطب ..فهي متعبه في الدراسه وفي العمل ..لكنها من افضل المهن ..

اسعدني تواجدي في مدونتك فهي جميله .

شفقة هانم واحسان بك يقول...

جميلة اوى استرجاع الذكريات ده بجد ساعات الواحد بيحب يقعد يفتكر اللى كان بيحصله زمان
بس بقولك ايه انتى بتدلعى يا دكتورة وهو حد طايل يبقى دكتور دى احسن وامتع مهنة فى الدنيا يكفى انه بيتولد على ايدك مولود جديد وبفضل ربنا وفضلك بتقدرى تشفى مريض وتعالجيه
تحياتى شفقة

عاشقه وغلبانه يقول...

هو اول مارس ده علامه مميزه للدرجه دي....؟؟؟؟

اديني استلمته من يومين

وكان يوم مايعلم بيه الا ربنا
فصل الشتا سايب الايام كلها وجاي يمطر يوميها

ربنا يستر باين عليها سنه فل
هههههههههههههههههههه

فكرى يقول...

كل سنة وانتى
طيبة وبصحة وسلامة
ياست الدكتورة

Gannah يقول...

ياااه يا نورا فكرتينى بالايام دى
انا برضه مكنتش بحب تخصص النساء والولادة بس برضه فاكره الولادات اللى حضرتها واد ايه كنت بنظر بدهشة فى كل مرة وكأنى اشاهد احدى عجائب الدنيا
سبحان الله
انا اخدتها من قاصرها واخدت تخصص اكاديمى
لانى اشتغلت 9 شهور تكليف فى وزارة الصحة توبونى
لكن بيوحشنى التعامل مع المرضى بس برضه بقول اهو احنا بنعلم الطلبة وده فى النهاية بيصب فى مصلحة المريض
ونرجو الثواب من الله
الله يرحم والدتك ويجعل مثواها الجنة
تحياتى

Maybe Soon يقول...

غرامي..أو حلمي..الطب..

لكن استخرت و قررت ادرس هندسة..
لسه في حاجه ف قلبي كده بتتحرك كل اما يقولوا طب..
ههههههههههههه

الحمدلله على كل حال..

شكرا ع البوست الجميل

تحياتي

Maybe Soon يقول...

رحم الله والدتك و اسكنها فسيح جناته

الفقيرة إلى الله أم البنات يقول...

نور
ذكريات ...دائماتحركنا ذكرياتنا
انا على علاقه بكلية الطب بس لان كانت صديقة عمرى طبيبه رغم انى محاسبه واثناء الدراسه كنا نتبادل الزيارات ..وحضرت معها محاضرات اناتومى..ياه كم هو قاسى ان تشاهدى العشرات من الطلبه والطالبات متكالبين على الجثث لتشريحها والتعلم
واصعب ما رأيت ...جثث كانت مازلت بهيئتها...لا إله إلا الله
مهنتكم دراسيا وفعليا صعبه
اعانك الله ورزقك القلب الطيب

ورحم امك وجعل منزلها الفردوس الاعلى

موناليزا يقول...

ربنا يرحم مامتك ويغفرلها
وتعيشى وتفتكرى
سؤال جانبى ليه مابتحبيش تخصص النسا؟
طب انتى تخصص ايه دلؤتى؟

نهر الحب يقول...

ربنا معاكى يارب
ويسعدك ويوفقك يارب

نور الدين يقول...

جميل جدا بساطة كلامك
بجد رغم أن كلامك اشبه بمذكرات إلا أنه ابهجنى جدا
وألف سلامة ياستى على صباعك
وأنا عارف أحساس اطباء النوباتجية دول كان بيبان لما بتعامل معاهم
أبقى رايح أكشف على القولون مثلا يودينى عظام لأن سيادته كان نايم ويكتبلى على حلبة حصى وأحيانا موغات
وقبل ما يعملى جراحة فى المخ يفوق فجأة ويقولى أنت مالك أقوله جنبى حضرتك تاعبنى......
هو انا هموت ولا إيه يادكتور
يقولى طب ايه اللى جابك هنا الحجرة اللى جنب اللى جنبك
..
أيه الرغى اللى بقوله دة

على كل قلمك هايل
تحياتى لك
نورالدين محمود

MaNoO يقول...

أنا أول مرة ازور مدونتك يعنى يكون فى اليوم دا اللى شكلك بتحبيه أوى
بس عموما عرافة فى ايام كدا نحس اننا بنكرهها بس منرضاش نشيلها من حياتنا لانها بتكلم الحياةزى المواقف بالضبط
كل سنة وانتى طيبة بمناسبة اليوم وتحياتى واتمنى التواصل بالمدونات

غير معرف يقول...

T7ish wi tftikri!:)

شمس النهار يقول...

في فعلا ايام مابتتنسيش من عمر الانسان
زي اول مافقت من البنج بعد ولادتي لطفلتي الاولي وانا بشوفها لأول مره بعد ماقعدنا مع بعض 9شهور مانشوفش بعض بس حاسيين ببعض
واخيرا اتقابلناكانت لحظه جميله اختلطت فيها الدموع بالضحك

جنّي يقول...

السلام عليكم

كيف حالك اختنا الدكتورة لعلك بخير والحمد الله ..

واذا كانت عملية الولادة تقربك لله تعالى فلماذا هذا القسم اكره شئ لقلبك ؟

ارى ان النساء اقرب لطب النسا والولادةمن الرجال حتى يسهل التفاهم بين الطبيبة والمريضة اكثر من الطبيب

تحيتي

hayatcemresi يقول...

السلام عليكم ورحمة الله وبركاته….
Which are your verse of Koran?(your to be influenced)
Please write me orijinal arabic.
Example:
وَمَا أَصَابَكُم مِّن مُّصِيبَةٍ فَبِمَا كَسَبَتْ أَيْدِيكُمْ وَيَعْفُو عَن كَثِيرٍ
الشورى
30
في امان الله

Sweet Violet يقول...

كل 1 مارس و انتى طيبه ياقمر

ربنا يوفقك ياقمر فى حياتك (:

Wael يقول...

D:

خوفتينى يا دوك (:

بوست زى العسل كالعادة

ربنا يعيد عليكى ال ايام بخير يابروف

norahaty يقول...

السلام عليكم ورحمة
الله تعالى وبركاته
أستاذ/هانى زينهم
يارب عقبال مارس ال34 بعد المائةالاولى وانت بصحة وعافية وبركة وبصحبة
الاحباب والاهل الطيبين ومن غير
توالف ولا سوالف :)
كمان

norahaty يقول...

السلام عليكم ورحمة
الله تعالى وبركاته
سفروتة
والله محفور فى الانفخ
وكأنه حصل امبارح!
وشكرا لدعواتك
وشدى حيييييلك

norahaty يقول...

السلام عليكم ورحمة
الله تعالى وبركاته
مذكرات مشاغب
الحق علىّ؟عايزة انورك؟
واوريك الحقيقة اللىمنتظراك
ياطبيب المستقبل إن شاء الله؟
كمل بقى اللى فاضل
وربنا معااااااك
بكرة احلى من
النهاااااردة

norahaty يقول...

السلام عليكم ورحمة
الله تعالى وبركاته
حسام غانم
فيه يافندم
حيندهوا عليك
من بعييييييد
يااااااادكتور :)
الشىء الوحيد الباقى
من الفرحة الاولى
لدخول كلية
الطب!

norahaty يقول...

السلام عليكم ورحمة
الله تعالى وبركاته
المعتصم
الله يسلمك يافندم
والله انا عارفة دى غيّة
عند الناس السؤال للسؤال فقط!
وفعلا مفيش حد بيتعب أد بتوع التجارة
شقيانين وتعبانين ياحبة عينى ياضنايا:(

norahaty يقول...

السلام عليكم ورحمة
الله تعالى وبركاته
أستاذة/وفاء بركات
اللهم امين يارب العالمين .
شرفتينى ونورتينى ياأستاذة.

norahaty يقول...

السلام عليكم ورحمة
الله تعالى وبركاته
mohamd ghalia
الله يخليك يامحمد
وتنجح وتخلص الكلية
وتحكى لنا برضه عن اول
يوم شغل لك بأذن الله

norahaty يقول...

السلام عليكم ورحمة
الله تعالى وبركاته
romansy
والله علشان حاجات كتيرة
ياأستاذ احمد بس اكترها
افتقادى للفرحة الحقيقية
لعدم وجود الوالدة الله يرحمها.

norahaty يقول...

السلام عليكم ورحمة
الله تعالى وبركاته
أقصوصة
الله يخليكى يارب
وتخلصى المعهد انتى
كمان وتشتغلين وتحكى
لنا:اليوم الاول لاقصوصة
فى العمل (بس ماتنسى مفتاح
السيارة بالله عليكى مش عايزيين عطلة!)

norahaty يقول...

السلام عليكم ورحمة
الله تعالى وبركاته
حسن حنفى
الله يخليك ياحسن
وشد حيلك الامتحانات
قربت وربنا ينجحك يارب

norahaty يقول...

السلام عليكم ورحمة
الله تعالى وبركاته
أيوشة
ويكرمك يارب
ويحشن شأنك وشأن
المسلمين أجمعين.

norahaty يقول...

السلام عليكم ورحمة
الله تعالى وبركاته
انت من كنت محتاجا
واغناك الله من فضله
هااااااااااااااانت
يادكتور بعد سنة إن
شاء الله تعالى وتبقى زميل
فى النقابة .يوفقك المولىّ
فيما تحب ويرضى.

norahaty يقول...

السلام عليكم وحمة
الله تعالى وبركاته
صوت من مصر
محتاج تفكير !من ناحية ايه؟

norahaty يقول...

السلام عليكم ورحمة
الله تعالى وبركاته
ahmed_k
عارف بقى انا اتمحت
تماما بتاتا فتاتا
الاربع سنين بتوع
ابتدائى!بداية
الذاكرة عندى
من سنة خمسة :)
مش عارفة ليه:)!؟

norahaty يقول...

السلام عليكم ورحمة
الله تعالى وبركاته
أستاذ/عمرو
الله يخليك ياأفندم :)
عارف ليه الشجن أو الحزن
لان حاجتين اتحققوا والولدة مش
موجودة:خلصت الكلية واتعلمت
السواقة !كان نفسى كانت تبقى موجودة:(وتحضر معايا الحاجتين دول
رحمة الله عليها رحمة واسعة هى واموات
المسلمين اجمعين.

norahaty يقول...

السلام عليكم ورحمة
الله تعالى وبركاته
mostafa rayan
كلامك مضبوط ومش الطب بس كل المهن يعنى مثلا الناس كلها حاسدة المدرسين علشان الدروس الخصوصية وكده:) لكن لو تعرف هم بيتعبوا اد ايه ؟والضغوط عليهم اد ايه؟ماكان حد حسدهم ابد!

norahaty يقول...

ونكمل بعد الصلاة
إن شاء الله تعالى

norahaty يقول...

السلام عليكم ورحمة
الله تعالى وبركاته
iBRAHiM sALLAm
الحمدلله يافندم انت ازيك ياباشمهندس؟عامل ايه؟
مبروك لاختك النجاح وربنا
يوفقها بس مطروح...:(:(:(
صعب شوية مش كده؟طيب حتعملوا ايه ؟
حتجيبوا واسطة ؟:( ربنا يسويها بمعرفته ياطبيب المعدات والماكينات:)

norahaty يقول...

السلام عليكم ورحمة
الله تعالى وبركاته
أحوال الهوى
والهوى احوال
مظلوووووووووم
يااااااااابيه :(
اهى امنيات وطلبات الاهل وكنا بنفذها زى العيال الشاطرين بدون ارادة حقيقية منا او منى انا بالصراحة:(
والمكتوب على الجبين لازم تشوفه العين.
...........
كلمة على جنب كده
ارجو ان تكون بخير والا تطول
فترة انقطاعك عن التدوين وإن
حدث وقررت عدم العودة له فعلى
الاقل طمنا على اخبارك واحوالك
ياأحوااااااااااااااااااااااال
اااااااااااااااااااااااااااالهوى
والهوى اااااااااااااااااااااحوال.

norahaty يقول...

السلام عليكم ورحمة
الله تعالى وبركاته
salma mohamed
وانتى طيبة ياحبيبتى
وانا والله حاسة كأنك بتتكلمى
باللى انا عايزة اقوله ويمكن احسن كمان لانك بتتكلمى من واقع الخبرة والتجربة وهما احسن معلم.
رحم الله والدتك ووالدتى
واموات المسلمين أجمعين.

norahaty يقول...

السلام عليكم ورحمة
الله تعالى وبركاته
rovy
ربنا يطمنك على احبابك جميعا
وشفى الله جميع مرضى المسلمين .ارجو
ان يتعافى سريعا ويريح بالك يارب.
متشكرة لكلماتك ودعواتك اوى اوى اوى

norahaty يقول...

السلام عليكم وحمة
الله تعالى وبركاته
ghorBty
اللهم امين .
من ناحية مهنة مهمة فهى مهمة:)
ولا اعرف الان مهنة اخرى استطيع عملها ! ربنا ييسر أمورنا جميعا
نورتيناااااااااااااااااااااا
بالزيارة الاولى يااااااااغربتى

norahaty يقول...

السلام عليكم ورحمة
الله تعالى وبركاته
دموعى وابتسامتى
كلامك مضبوط كل مهنة ولها ضريبتها
وعلى رأى (الست ريا أخت الست سكينة:ماحدش بياكلها بالساهل
ياأُختى:))
نورتينا حضرة
المحامية الهمامة.

norahaty يقول...

السلام عليكم ورحمة
الله تعالى وبركاته
ghoneem
ياطبيب ويازميلى وياصديقى الغايب من زمن طويل حمدلله على السلامة ويارب يدوم
روقان البال يارب وما نتحرم من جولاتك المتميزة يادكتور أحمد يارب
الضنا غالى :اكيد بتشوف كتير فى المستشفى من صنف الست هانم اياها
اللى بتورد للمجتمع اطفال مشوهين نفسياًللاسف الشديد. بس حأقولك الغربة الفرق بينا وبينهم انهم بيعترفوا بالاخطاء ام هنا فلا والف مليون لا!!
ريتا :معلش:حقك عليا :المرة الجاية يمكن تكون قطة !مين عارف.
فرصة:لان كل شىء نصيب (واللى اعرفه أحسن من اللى ماعرفوش)اعمل ايه بقى!
أول مارس اول سبتمبر مش مشكلة:)المهم المشوار للعمل والكفاح بدأ:)
انا الاسعد والله ياطبيب بالتعرف الى حضرتك ويوفقك المولىّ الى ما يحب ويرضى.

norahaty يقول...

السلام عليكم ورحمة
الله تعالى وبركاته
ghoneem
تم المراد من رب العباد يافندم
فعلا مدونة جديدة وجميلة ربنا يوفقكم .دعواتى وأحتراماتى

norahaty يقول...

السلام عليكم ورحمة
الله تعالى وبركاته
د/عرفة
يارب دايما مبسوط وكلها سنة
وتجرب كمان مش تشوف بس لأ تجرب:(
ربنا ينجح مقاصدك ويجبر بخاطرك يارب
انت وكل تلامذة وطلاب العالم العربى
ةالاسلامى والغربى علشان خاطرك :)

norahaty يقول...

السلام عليكم ورحمة
الله تعالى وبركاته
saragebaly
اللهم امين يارب العالمين
ويبارك لك فى صحتك وعينك وعافيتك
نورتينى ياساااااااااااااااااارة

norahaty يقول...

السلام عليكم ورحمة
الله تعالى وبركاته
بوح القلم
كل لحظة وانتِ بالف خير
وصحة وعافية وبركة
والله يعين الجميع
(على لقمة العيش)
كما نسمى نحن الشغل
هنا فى مصر.
احتراماتى بوح:)

norahaty يقول...

السلام عليكم ورحمة
الله تعالى وبركاته
شفقة هانم واحسان بك
هلا هلا هلا منورينا بجد :)
كلهه بفضل الله سبحانه وتعالى
وزى ما أحد الفلاسفة العظام
مش عارفة مين الحقيقة:)المهم
قالنا ايه؟الله هو من يشفى
اما الطبيب فيقبض الاتعاب
(بينق علينا الراجل ده:(
نورتونى انت الاتنين جدا جدا جدا

norahaty يقول...

السلام عليكم ورحمة
الله تعالى وبركاته
عاشقة وغلبانة
اهلا بالزميلة الدكتورة
الاهلاوية زى حلاتى وللابد :)
سبحان الله لما المطرة مطرت يومها
كأنى بشوف فيلم سينمائى مر
بى قبل كده....
على العموم
ربنا يعينك

norahaty يقول...

السلام عليكم ورحمة
الله تعالى وبركاته
فكرى
وانت طيب يافندم:)

norahaty يقول...

السلام عليكم ورحمة
الله تعالى وبركاته
Gannah
ايام لاتُنسى يادكتورة على الاقل بالنسبة لىّ الحمد لله رب العالمين
التعامل مع المرضى اساسى فى
حياتى كان فيه كذا فرصة
انى اتحول للعمل الادارى
او الاكاديمى لكن فعلا
انا بحب التعامل
مع العيانين
بالرغم يمكن من كلام كتير
بقوله عن الزهق من معاملة الناس
لكن حقيقى حقيقى حقيقى انا بحب التعامل مع العيانين :):)
ورحم الله جميع موتى المسلمين.

norahaty يقول...

السلام عليكم ورحمة
الله تعالى وبركاته
Maybe Soon
الخيرة فيما اختاره الله
طالما هو اختار لك هذا
على العموم ملحوقة :خلص
الهندسة وادرس الطب:)

norahaty يقول...

السلام عليكم ورحمة
الله تعالى وبركاته
Maybe Son
رحم الله موتى المسلمين أجمعين.

norahaty يقول...

السلام عليكم ورحمة
الله تعالى وبركاته
الفقيرة الى الله أم البنات
أحكى لكى عن اول مرة رأيت فيها
(جثة)بالمشرحة ....لم ارى شيئاً:(
الفورمالين هيج عينيى جدا وبقت الدموع نازلة بحر وانفى ......بقيت مش ملاحقة علىعينى ولا مناخيرى اضطريت امشى قبل الراوند وقعدت ما أكل لحوم من تاثير الريحة :( ذكريات كتير اوى عن المكان ده بالذات لكن مش وقتها بقى.
رحم الله جميع موتى المسلمين.

norahaty يقول...

السلام عليكم ورحمة
الله تعالى وبركاته
موناليزا
رحم الله جميع موتى المسلمين .
وطب امراض النساء الصراحة :(
اُحرجت منه اوى ما استهوانى عارفة
يامونى لو كان ينفع دراسة (طب الولادة من غير طب النساء)كنت اخترتها :)

norahaty يقول...

السلام عليكم ورحمة
الله تعالى وبركاته
نهر الحب
الله يخليكى
ويبارك فيكى.

norahaty يقول...

السلام عليكم ورحمة
الله تعالى وبركاته
نور الدين
وهو فيه حد يروح يكشف على القولون الساعة 4 الفجر يعنى ؟حتقولى عرفتى ازاى؟مش الدكتور كان( سيادته نايم)
عندك النهار طوووووووووووووووووويل
ما افتكرتش القولون الا بليل :)حاجة غريبة خالص العيانين المدلعين دول :)
نورتنا يانور الدين وارغى زى ما أنت عايز بس بلاش الكشوفات الليلية دى :)

norahaty يقول...

السلام عليكم ورحمة
الله تعالى وبركاته
MaNoO
نورتنا فى اول زيارة
اما اليوم المشهور والمشهود
بتاع اول يوم الشغل فأكيد
لا ينسى! يتنسى ازاى بس؟
يلا ما علينا ربنا يسهل
على الايام اللى باقية:(

norahaty يقول...

غير معرف
عشت يا غير معرف:)
هو مأتم ولا ايه؟

norahaty يقول...

السلام عليكم ورحمة
الله تعالى وبركاته
شموسة النهار
البرنسيسة
احيانا بتبقى لحظات او ثوانى حتى ومع ذلك تفضل حية ومحسوسة فى وجدننا .
ربنا يفرحك ببناتك يارب

norahaty يقول...

السلام علكم ورحمة
الله تعالى وبركاته
جنّى
الحمدلله رب العالمين
كيف حالك انت وكيف حال الاجازة
القصيرة التى قضيتها بالقاهرة ؟
لم ارتاح لها نفسيا ومنذ اول يوم درستها فيه !الفرجة والمشاهدة شىء اما العمل فشىء اخر :بالاختصار استاذ سعيد مهنة متعبة جدا ولا مواعيد محددة لها .

norahaty يقول...

السلام عليكم ورحمة
الله تعالى وبركاته
hayatcemresi
بسم الله الرحمن الرحيم
(قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ)التوبة أية 51

norahaty يقول...

السلام عليكم ورحمة
الله تعالى وبركاته
Sweet Violet
كل لحظة وانتى
بألف خير يارب

norahaty يقول...

السلام عليكم ورحمة
الله تعالى وبركاته
Wael
لأ بقولك ايه اجمد كده :)
احنا عندنا دكاترة تخاف برضة:)
هانت يابروفسير وكلها حاجة بسيطة
وتشتغل وتشوف وتسأل وتسأل
هى الاجازة امتى بقى؟
نورتنا يابروفسير .

norahaty يقول...

والحمد لله رب العالمين
والصلاة والسلام على
خاتم الانبياء والمرسلين
سيدنا محمد ومن اهتدى
بهديه الى يوم الدين

ليلى فى عالم ادم يقول...

اولا وقبل اى حاجة : البقاء لله فى مامتك وربنا يرحمها

ثانيا سنة الامتياز دى بتتعلمى فيها مادة ماخدتيهاش فى ال6 سنين اللى فاتو
مادة requestology
ربنا معاكى ويوفقك

norahaty يقول...

السلام عليكم ورحمة
الله تعالى وبركاته
ليلى فى عالم ادم
اولا وقبل كل شىء
خلينى ارحب بيكى لاول
مرة عندنا:يامرحبا
يامرحبا يامرحبا
وrequstologyعلمته
الكلية لنا من اول يوم
بدأًمن (فراش القسم)الى
عميد الكلية مروراًبالاساتذة:(
ومتشكرة لكى دعواتى وتمنياتك الطيبة

norahaty يقول...

الحمد لله
رب العالمين