الأحد، مارس 15، 2009

.......أوووووم اووووووم وبسرعة قبل ما أنام......


يسألنى معلق فى التدوينة السابقة لما أدون؟

سُئل هذا السؤال للدكتور طه حسين (وهو من هو )

من قبل فاجاب لاننى احب الكتابة!

الإجابة بسيطة وصريحة وصادقة فى وقت واحد اليس كذلك؟

وانا ايضا احب ان اكتب وان يقرأ الناس ما اكتب

وليس من الضرورى ان اكتب ليقوم الناس بثورة على حكامهم او على انظمتهم الحاكمة

يكفينى ان اكتب

شىء قد يرسم بسمة على فم انسان ما

أو يسمع سورة من القرآن الكريم لصوت جميل قد يتأثر بها وبه فيحفظها

ويعرف تفسيرها .

قد اقول كلمة أواسى بها انسانا فقد عزيز لديه وقد أقرأ

الفاتحة لانسان مات لم تعلم عنه شيئا من قبل ولكن كتابتك على النت وقراءتك

لما يُكتب اعلمتك به.

قد تغير كلمة ما قرأتها فى مكان ما من سلوكك الحياتى

اليومى فتتفكر فى سلوك ما ليس بالحميد
ليس من الضرورى ان يتغير سلوكك

بكلمة
فأناوانت بشر لنا افكارنا وعقليتنا ولسنا بالسحرة ولا المردّة

وبالتالى كلمتى وكلمتك لن تغير انسانا

بين يوم وليلة

.سلوك بنات سيدنا شعيب أعتبره منهجاُ لنساء المسلمين.. كيف؟

يقول تعالى فى كتابه الكريم

بسم الله الرحمن الرحيم

( وَلَمَّا وَرَدَ مَاءَ مَدْيَنَ وَجَدَ عَلَيْهِ أُمَّةً مِّنَ النَّاسِ يَسْقُونَ

وَوَجَدَ مِن دُونِهِمُ امْرَأَتَيْنِ تَذُودَانِ

قَالَ مَا خَطْبُكُمَا

قَالَتَا لَا نَسْقِي حَتَّى يُصْدِرَ الرِّعَاءُ وَأَبُونَا شَيْخٌ كَبِيرٌ)

القصص (اية23)

صدق الله العظيم

اى ان للنساء دور وللرجال دور

ودورىفى الكتابة اعرفه وكما شرحت لك

ولا اكتب ليقال كاتبة فهذا شرف لا أدعيه

ولست بالمتخصصة فى الكتابة

ولكن وكما قلت احب الكتابة

تسألنى تكتبى لتفضفضى وتقابلى صويحباتك؟

اترى أن الفضفضة بما يعتمل فى نفسك شىء قليل الاهمية ؟

اترى ان تخرج ما تخاف أو تكره الى التدوين او النت عديم الشأن بالعكس !

فى بعض الاحيان كتابة المشكلة فى حد ذاتها بداية الحل لها !

ولما لا اكتب لاقابل صويحباتى اهذا عيب؟

ايكون عيبا ان تعتز بمعرفة انسان لم ولن تراه ولكنك تألم وتفرح له ؟

ووالله هذا ما أحسه مع بعض ممن اعرفهم على النت وكأنى معهم

رحم الله امرؤ عرف قدر نفسه اليس كذلك ؟

وانا اقول لك تامر مبروك قادر على شىء

انا لست بقادرة عليه فلكل منا قدراته

وقدراتى اعرفها

كما اعرف قدرات نظامى وللاسف
تصرفاته

فى بعض الامور لا استطيع مواجهتها فانا أضعف من ذلك

ورحم الله أمرؤ عرف قدر نفسه
(قد يغضب البعض من أقوالى هذه ولكنى وكما قلت صريحة)
*ولا تنسوا التصويت على الأستفتاء*
يهمنى رأيكم
جدا جدا
جدا

هناك 84 تعليقًا:

norahaty يقول...

صراحة لم اعهد هذا
منذ زمن طويل
فلعل المانع
خيرا

هانى زينهم يقول...

السبب واضح يا دكتور . حضرتك كاتبة الموضوع بتاريخ قديم فما ظهرش فى الريدر اللى اغلب المدونين عاملينه انا شخصيا جاى هنا صدفة فلقيت موضوعين مش واحد . احنا بنكتب يا دكتور عشان احنا عايزين نكتب بس وزى ما حصرتك كاتبة فى التعليقات ما دام ما بنجرحش يبقى ما فيش مشكلة .ثانيا بالنسبة للتصويت انا ما فهمتش اوى وخصوصا ان حضرتك كتبتى انك قافلة التعليقات وبعدين لقيتها مفتوحة . عموما انا رأيي ان الالتزام قدرات زيه زى اى حاجة فى الدنيا . ما احناش ملايكة ولا احنا شياطين . احنا بشر بنعمل اللى نقدر عليه ولا يكلف الله نفسا الا وسعها . تحياتى يا دكتور وظبطى التاريخ عشان فى ناس كتير بتابع عن طريق الريدر بس من كتر المدونات اللى بيتابعوها .

norahaty يقول...

السلام عليكم ورحمة
الله تعالى وبركاته
أستاذ /هانى زينهم
شكرررررررررررررراً
ياجابر بخاطرى ربنا يجبر
بخاطرك يا رب ياأبو ملك
وتفرح بها وبأخواتها بأذن الله
ومش حازيد كلمة على كلامك المضبوط
فنحن نكتب لاننا نحب الكتابة.
اما التاريخ فلا اعرف له
اصلاحاً اكثر مما هو
؟؟؟ايه الغلط
اللى فيه
قولى؟
مش النهاردةالاحد 15/ 3 /2009
ايه الغلط اللى فيه بقى؟
ربنا يطمنا على حضرتك
ويخليك لاسرتك يارب

romysaa يقول...

انا فى الحقيقة متابعة مدونة حضرتك من زمان . بس يمكن اول مرة اعلق عشان لسة عاملة المدونة بتاعتى . انا عملت مدونتى عشان ما ليش اصحاب وكان نفسى الاقى متنفس حقيقى اقدر اقول فيه على اللى تاعبنى لحد ما اعرفوش وفى نفس الوقت يفيدنى . سعيدة بمرورى هنا ويا رب تقبلينى صديقة جديدة .

اهو ده عيبه يقول...

اولا ازيك
شئ جميل انك تكتبى لمجرد انك حابه كده او عايزة تقولى حاجه لنفسك بس بصوت عالى شوية ويقدر غيرك يقراها جايز تاثر فيه بشكل او باخر

سعدت بزيارتك لمدونتى ومكنتش اقصد بحكاية القائمة انى اتابع مدونات بعينها لكن انى اقدر من خلالها اوصل لمدونات غيرها مضافه عندهم

norahaty يقول...

السلام عليكم ورحمة
الله تعالى وبركاته
romysaa
ياأهلا وسهلا بالمتكلمون
بعد صمت طويل :) :):)
اسعدنى كلامك وكأنى اسمع
صوتك .وانا يسعدنى ان
اكون صديقتك ولى
عظيم السرور
لهذا

norahaty يقول...

السلام عليكم ورحمة
الله تعالى وبركاته
اهو ده عبيه
وانا الاسعد بالزيارة
وبرد الزيارة كمان :)
اعلم ماذا تقصدين
واناايضا قصدت ان
يكون لك اصدقاء
بغير عدد:)فأينما
ذهبتى ستجدين روابط
لمدونات اخرى وردود كذلك
تختارين منها ما تريدين
تحياتى لك ونحن نتشارك
بداية التدوين فى
شهر فبراير2008

maha zein يقول...

كلامك كله اقناع
ومنسق تنسيق رائع
لو اتسألت نفس السؤال كنت ممكن معرفش اجاوب بنفس التنسيق والسلسة وان كان الكلام ده هو فعلا اللى بيدور جوايا

ربنا يبارك فيكي

assafo anaroze يقول...

سيدتي
يسعد مساك وينولك مرادك
********
اكتب لاني اريد ان اكتب احب الكتابة احتاجها للتنفيس عن نفسي عن مشاكلي و همومي
متفق معاك مئة المية كلنا لنا نفس الشيء
من اجل كلمة تسوي بها سلوك انسان معين و من اجل بسمة انسان حزين و يلاقي سلواه هنا كل ده عظيم و ممتاز
و ده منطلق التغيير انك تحاولي توعي الجيل ده بمشاكله و همومه و تنفسي عنه و توعيه بحجم المسؤوليات اللي عليه اتجاه نفسه و وطنه
اكيد رحم الله عبدا عرف قدر نفسه و كل منا يعمل انطلاقا من قدرته
سيدتي
بس ليه لا نحاول وفق هذه الملكة التي نملكها و هذا الوعي البسيط الذي نملكه ان نسخر اقلامنا و مدوناتنا و حتى انفسنا من اجل توعية الشعوب كل على قدر استطاعته من اجل التغيير المنشود من اجل مستقبل اخر يمكن فيه لكل طفل صغير يحصل على الحليب و الدواء و الغذاء و المبيت و الملبس
ليه منحاول من اجل الخبز للجميع و اعادة ثرواتنا المنهوبة من الراسمال ربما قد يتبين انني اخطب بحماسة و مثالي و بحلم كثير بس مسافة الالف ميل تبتدئ بخطوة
ولو كل واحد عمل قد ما يقدر حنوصل اكيد
norahaty
اكيد تامر قدر يواجه الفساد انطلاقا من قدرته و كفاحيته وايضا انطلاقا من ايمانه العميق بعدالة القضية
الايمان ده هو اللي بيحركنا بالرغم من قدراتنا المحدودة اننا نحاول و نصرخ ونقول لا ده عيب و ده حرام لازم نواجه
*******
اكيد موازين القوى مش لصالحنا عارف وده كمان زي ما عندنا في المغرب بس طول الوقت نخرج للشارع و نتظاهر و نقول لا بالرغم من القمع و الاعتقال
بس عدالة قضايا الشعب هي اللي تحرك الجميع ومن اجل الشعب الكادح الفقير بنعاود الكرة يمكن نوصل لحاجة و يمكن لا بس يكفينا شرف اننا قلنا لا في الوقت الذي ينتظر فيه المسؤولين نقول نعم و نساوم
***********
سيدتي كل التقدير لك ولقلمك المبدع و لروح الحوار والاحترام الذي تتميزين به و لشعب مصر الابي
*********
ليدم تواصلنا
مودتي

سلوى يقول...

أكتبي
يكفي أنك تحبين الكتابه

ويكفي أنك تكتبين ماا يفيد
ليس إسفافا ولا كلمات بلا معنى

mohamed ghalia يقول...

أنا معاكى انا بدون عشان بحب الكتابة
ودى أفضل إجابةتقال

mohamed يقول...

أشكرك لزيارتك
مدونتاى هما
مشاعر وأفكار
http://kalamfekalamm.blogspot.com/
والاخرى شوية كلام

http://kalamfekalamm-mohamed.blogspot.com/

لماذا أدون؟
حتى أقول بعضا مما بصدرى وعقلى
وهل للتدوين أهميه؟
رب كلمه تقال توقظ وعيا بحق او توقف
باطل أن يزداد طغيانا وربما ترد حقا
لمن فقده وربما تكون شاهدا لى يوم الحساب
تحياتى لكى واحترامى

غير معرف يقول...

بادون عشان عايز ادون .

المعتصم يقول...

بسم الله الرحمن الرحيم
السلام عليكم ورحمة الله وبركاته
تحياتى يادكتورة
جميل جداً ردك
وجميلة اكتر صراحتك
والمانع خير ان شاء الله
ههههههههههه
حصل معايا فى بوست كنت كتبته من فترة ان واحد بعت لى ايميل يقولى انى انسان تافه وكل اللى بكتبه تافه زيى وانه مافيش ولا موضوع من مواضيعى اللى فى المدونه له هدف او موضوع له قضيه او بيناقش فكر

رديت عليه بس بصراحه معرفتش ارد زى ردك الجميل ده
انا قلت له انا حر اكتب اللى انا عايزة وكمان انا مش قايل انى نجيب محفوظ او العقاد
وطالما ان المواضيع مش عاجبه سيادتك وشايف انها تافهه ياريت ماتبقاش تشرفنى تانى بمرورك والا انت هتبقى شخص تافه بجد
ههههههههههههههه

بس انا عاوز اعرف هو ايه الاستفتاء وعن ايه ؟؟
عن اذا كنتى متحررة ولا لأ؟؟
ازاى يعنى
معلش طولى بالك انتِ بتتعاملى مع صعايده
ياريت توضيح اكتر لوسمحتى
تحياتى ودمتِ بكل خير وود
والسلام عليكم ورحمة الله وبركاته

عبده يقول...

بصراحة علشان اتكلم من غير
كسوف لانى بتكسف من البنات ووشى يحمر وابقى نيلة ولبخة كده ومعرفش ارد اؤل ايه اهو هنا بئا الواحد بيدرب شوية .

غير معرف يقول...

سلام عليكم:
اكتبى يا دكتورة.. لا بد من الكتابة والتنفيس عن النفس افضل من كبت ما يدور داخل النفس.. طالما أننا نكتب ما هو هادف.. لعل ذلك يفيدنا نفسياً ويفيد غيرنا.. فعرض أى موضوع له حل او ليس له حل عندنا فقد نجد من عنده حل له .. أو نتشارك فيه..فالكتابه شئ جميل ومحمود.. طالما أننا بكتبتنا هذه لم نغضب الله عز وجل.. فالفضفضه شئ جميل..
منصور

عمرو يقول...

التدوين عندى هو شكل من أشكال التواصل الاٍنسانى اللى بيجعل الشخص لا يشعر اٍنه وحيد فة هذه الحياه العبثيه اللى كل أيامها أغرب من بعض
أنا عن نفسى تعلمت كتير جدا من التدوين و آمل اٍنى أكون أفدت غيرى أيضا من خبرات حياتى اللى أكتسبتها من عمرى الطويل المديد اللى لا يقاس بالسنين و لكن يقاس بكم الخبرات المتراكمه
دونى و اٍكتبى و خللى دايما فى جيبك نوته صغيره و قلم علشان تدونى ملاحظاتك عن الحياه و الناس فى وقتها و فرغى ده على الكى بورد و أفيدى الناس بما أفاض الله عليكى من علم و معرفه و ستكون فى ميزان حسناتك اٍن شاء الله
تقبلى تحياتى و تقديرى

Sweet Violet يقول...

بجد عجبنى ردك جداااا

بس انا عايزة افهم حاجه ايه حكايه الاسئله دى

انتى مش اول واحده على فكرة تتسال السؤال ده او حد ينتقد كتابتها

هو ليه عايزين يحتكروا الكتابه على ناس معينه فقط ؟

ربنا يهدى يارب

اما بقى عن التصويت

انا صوت لكن فى حاجه انا مافهمتهاش الصراحه و انا بختار

انتى سألتى سؤال لكن فى اسئله جوه السؤال الاساسى

عموما انا جاوبت على السؤال و مش عارفه بقى الاسئله التانيه دى ايه لان مافيش ليه اختيارات

تحياتى (:

مع اصرارى يقول...

ازى الدكاترة اللى منورين
ابتساماتك وتفاؤلاتك وجبرك للخواطر
وحيويتك وأملك وسؤالك عليناوزهورك وتورتاتك و....
ربنا يبارك فيكى

بـسـمـــة صـــــلاح يقول...

ردك عجبني اوي اوي اوي
وانا بردو بكتب لاني بجد بحب اكتب كل حاجه
مش معنى كدا انها تكون تافهه لازم بردو الواحد يحسب حسابه بيكتب ايه حاجه مفيده حاجه متجيبش ذنوب
المهم الله يبارك فيكي
وعلى فكرة انا جايبه لاب توب بقالي شهر
هع هع هع شفتي الاسراف
بس مشاركه مع اختي بفلوسنا احنا الاتنين
اللي هي صاحبة مدونة شوشو هانم
عقبال العربيه والطياره
ههههههههههههههههههههههه
نورتيني وبفرح لما بتجيلي
يلا كفايه رغي
يلا ربنا يسعدك ياحبيبتي
تحيـ بسومةــاتي(:

assafo anroze يقول...

norahaty
في تعليق ل sweet violet احب اني ارد عليه
بتقول : هو ليه عايزين يحتكروا الكتابه على ناس معينه فقط ؟
ربنا يهدى يارب
***********
حاجاوبها و اقول انت فهما الموضوع غلط انا و norahaty اتناقشنا على قدرة الواحد مننا علشان يحارب بقلمه الفساد و قالت انها وكثير غيرها مش قادرين يواجهو النضام و الفساد و قالت ان كل واحد يعمل اللي يقدر عليه و امكانياتها ما بتسمحش لها انها تتجاوز خطوط معينة
بس ادي اصل الحكاية اما اني احتكر الكتابة كلام فاضي مش حقيقة و ابدا لن ادعي اني اقدر اكتب افضل كن اي كان لان كل واحد مننا له اسلوب خاص به و امكانياته في الكتابة و كل واحد لازم نحترمه ونقدره على مجهوداته
مودتي

Sweet Violet يقول...

استاذ assafo anroze

انا عايزة بس اوضح حاجه لو حضرتك لحظت اول الكومنت هتلاقى انا بقول ايه حكايه الاسئله دى لانى شوفتها عند كذا حد .. و للأسف كان فعلا الاسئله عباره عن طلب احتكار الكتابه فقط لناس معينه

يعنى انا مش قصدت حضرتك بالمعنى الحرفى انك عايز تعمل احتكار للكتابه .. انا اقصد عامه

ارجو اكون وضحت وجهه نظرى (:

و ارجو norahaty انك تتقبلى رجوعى للتوضيح (:

دمتم بكل ود

jonoon 3aqel يقول...

مش عارف اعلق ع اللي قلتيه..
لكن جميل جدا اخلاص النيه لله..و محاولة كتابة مايفيد بأي شي..او اي انسان

جزاك المولى خير جزاء...

التصويت...هو يعني لو موافق احط صح و لو مش موافق ما حطش؟؟؟؟
الله يبعد الشر عنك و عن الكل يارب..

تحياتي

حسن حنفى يقول...

اعتقد ان كل واحد عمل المدونه لسبب مختلف فيه اللي عملها علشان يعرف ناس جداد علشان يكون رأي يكون شخصيه وفيه اللي عملها علشان يفضفض حتي لو لنفسه واعتقد انها فادت كتير اوي مننا وعرفتهم بناس بيقفوا جنبهم من غير حتي ما يشوفوهم و عرفت ناس كتير مننا حاجات في شخصياتهم يمكن مش كانوا واخدين بالهم منها وصلحت في كتير مننا

كل واحد دخل التدوين بغرض مختلف فيه اللي عرف يحقق غرضه وفيه اللي مش عرف في اللي استفاد من التدوين وفيه اللي كان التدوين ده وبال عليه

rovy يقول...

السلام عليكم
ازيك يا دكتوره
يارب دايما تكونى بكل خير غاليتى

كل كلمه كتبتيها عن التدوين و احساسك به صح و عجبتنى و حسيتها جدا
دمتى سالمه و مدونه قريبه من قلوبنا

ارق تحياتى

TIMMY !! يقول...

فعلا .. الفضفضة ,

تعرفي يا دكتورة لو هتكتبي و ما حدش هيقرأ لك هتحسي براحه برضه ,
الكتابة دي فعلا نعمة ,
.
.
.
.

آه صحيح , أنا مش لوحدي اللي بيحجز أول تعليق أهه :)

الربان يقول...

تحياتي

اتفق مع حضرتك تماما...ان الهدف من الكتابة او التدوين يمكن ان يكون هو حب التدوين او الكتابة و التواصل مع
الاخرين...

و ليس بالضرورة ان نتفق علي امر ما او قضية بعينها...و قد يقرأ أحدهم
تدوينة لحضرتك او لاخر و يشرح الله صدره
الي امر ما ...او يضيف الي معلوماته شيأ جديدا...

ايضا اتفق مع حضرتك اننا يمكن لنا هنا
من خلال التدوين ان نتعرف علي أشخاص
محترمين...و ان نتحاب في الله...رغم اننا لا نري بعضنا...و يكفي ان يدعو لك احدهم بظهر الغيب....

تحياتي و تقديري لردودك الصائبة.

assafo anaroze يقول...

مساء النور
sweet violet
وصل المعنى و اسف اني فهمت مرادك بشكل خاطئ
مودتي norahaty

Gannah يقول...

اعتقد اننا لا نحتاج ان نبرر اننا نكتب
يكفى اننا نفعل شيئا نحبه ونشعر انه ذات قيمة
أسبابك تحترم جدااا وأغلبنا يتمنى أن تكون لكلماته ولو أثرا بسيطا فى حياة الأخرين
أنا شخصيا كل تدوينة أقرأها هى رحلة مجانية فى عقل شخص ما ودائما ما تكون هناك فائدة ما
وخاصة اذا استشعرت الصدق فى كلماته فما يخرج من القلب يصل الى القلب
---------------
التصويت لم يكن واضحا بالنسبة لى فلم استطع الاجابة ..عذرا يا دكتورة
تحياتى

بس خلاص ... يقول...

السلام عليكم
راى ياست الكل ان التدوين ظاهره صحيه ليجدفيها الناس التواصل الاجتماعى الذى فقدناه كثيرا ..وكمان تقدرى تكتبى كل مايدور بداخلك دون تحفظ او رقابه الا من ضميرك فقط

TeVa يقول...

السلام عليكم ورحمة الله وبركاته

أنا مش شايف ان في مشكلة من التدوين طالما احنا في حدود الادب ,,

السؤال هو النية ايه ؟
وطبعا دا سؤال مينفعش حد يساله لحد لانه ببساطة ملوش دعوى بالموضوع دا !!
وربنا اللي بيحساب عليه ,,
بس الواحد المفروض يساله لنفسه بس ..


بس اللي انا ملاحظة بجد وبقت حاجة "تقرف" لا مؤاخذة ان في ناس بتدون مش حبا في الكتابة ولا غيره.
بس عشان التعليقات والشهرة بين الناس وخلاص ,, وأنا قابلت النوعية دي كتير ,, وأحيانا باصاب بخيبة أمل لما بكتشف حقيقتهم لانهم على المدونة حاجة تانية خالص و تمام المثالية ملاك ياخواتي !!

و ربنا يهدي

أنا حر يقول...

اعتقد ان التدوين تجربة ليها اسبابها واهدافها
انا بصراحة مقتنع ان مجرد الكتابة بهدف الكتابة ده شيء جيد لانها من الاساس عمل جيد
مدونة متميزة
تحياتي

mostafa rayan يقول...

بصي جايز اكون مش فاهم ايه القصة قوي
بس مش شرط اني اكتب علشان كل اللي قلتيه دة لآء في سبب وجيه جدا للكتابة هواني عايز اكتب واطلع اللي جوايا ومن غير ليه
لك كل الود والتحية

mostafa rayan يقول...

ملحوظة مهمة
مش شرط اني علشان اكتب لازم تكون الكتابة هادفة او الااخرين شايفنها هادفة
لاء خالص ممكن تكون مش اكتر من تهييس
بس انا من حقي اهيس واخرج اللي جوايا طالما مااذتش حد وغلطت فيه
دون الدخول في مزنق تحديد هوية ما يسمى بالكتابة الهادفة

mostafa rayan يقول...

تعليق تالت
المهم في التدوين ان لا ياخذ وقتنا كله
ولا يا خذنا من القرأة في الكتاب ولا يطغى على حياتنا الاجتماعية الواقعية
تحياتي لك

soly88 يقول...

عزيزتى
لم لايكون السؤال لماذا لاتكتب ؟

تامر علي يقول...

أوافقك في معظم آرائك ...بالإضافة إلى ذلك فالتدوين عالم كبير به الكثير من الاتجاهات الفكرية ووجود اشخاص ذوي فكر معتدل شيء ضروري في أي وسط متعدد الاتجاهات

شكراً للطرح المثمر

Sherif يقول...

يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
التاريخ : الاحد 5 ابريل 2009
الميعاد : 7 مساءا

فى انتظار تشريفك

maxbeta3zaman يقول...

هل كان سؤالا استنكاريا ؟ أم هو تاج مما يقلوظه البعض للبعض ليعرفوا جوانب أخرى من صفات واتجاهات الصديق الذي يعرفونه فقط من كتاباته وتعليقاته ..ان كان استنكاريا أو فيه تهكم ..فعدم التعليق والرد أولى وإن كان تاجا مقلوظا على مقاس دماغ حضرتك بالضبط فنعم القول ما قلت ..هناك إنسانه اسمها أمة الله ترسل لى على البريد على فترات رسائل فيها من المعانى والدعوات والنصح الدينى والدلالة على الخير الكثير دون ما معرفة ..ولا يزيدنى كرمها هذا إلا الدعاء لها بظهر الغيب ..لا أعرفها ولكنى أسعد جدا بما ترسله من كلمات مفيدةأو تدل على موقع فيه كتب قيمة ..نحن نتعلم من بعضنا البعض ونتواصل كتابة وهذا هو لب الموضوع فى المدونات

assafo anaroze يقول...

يسعد مساك
مرور للتحية و السلام
"الامازيغ بين التاريخ و الحاضر"
في انتظارك
مودتي

Beram ElMasry يقول...

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

من غير عنـــوان يقول...

أكتب لمن يقرأ

واقرأ لك

تحياتي


اسلوب ممتاز

من غير عنـــوان يقول...

الإستفتاء مغلق

salma mohamed يقول...

آسفة على التأخير,
انتِ بتكتبي علشان انتِ عاوزه تكتبي وعلشان في ناس عاوزه تقرألك (:

zidane يقول...

أيه الكلام الكبييير ده أنتي قولتي كل اللي أنا كنت عايز أقوله

صحيح أنا مش عارف أنا بكتب ليه بس بستريح جدا لما أقول وأتكلم وأعبر عن رأيي بصراحة وبجرأة وباحترام

استمري وربنا يعينك ويخليلنا صراحتك بس بلاش الصراحة مع الدمايطة

norahaty يقول...

السلام عليكم ورحمة
الله تعالى وبركاته
maha zein
متشكرة لكلامك
واكيييييييييد
لو أتسألت السؤال
حتردى بأحسن من أجابتى
الف مرة بس كلامك من ذوقك.

norahaty يقول...

السلام عليكم ورحمة
الله تعالى وبركاته
assafo anaroze
تعليقك تدونية سيد اسيافو
افتخر بوجودها على مدونتى:)
ولااستطيع ان أضيف لها اى شىء
الا جملة واحدة قلتها انت
(من اجل كلمة تسوي بها سلوك
انسان معين )وفعلا هى جملة قرأتها
مرة فى جرنال(قبل النت والكومبيوتر)
غيرت من سلوكى انا شخصياً.
احكى عنها بتدوينة
خاصة إن شاء الله
وشكرا اسيافو

norahaty يقول...

السلام عليكم ورحمة
الله تعالى وبركاته
سلوى
نعم احبها والله
من ايام المدرسة
ومواضيع التعبير
والانشاء وخلافه.

norahaty يقول...

السلام عليكم ورحمة
الله تعالى وبركاته
mohamed ghalia
وانا كمان احب
الكتابة يامحمد

norahaty يقول...

السلام عليكم ورحمة
الله تعالى وبركاته
mohamed
انا الاسعد بالزيارة
والتعرف الى مدونتك

norahaty يقول...

السلام عليكم ورحمة
الله تعالى وبركاته
غير معرف
اوجزت فأبلغت

norahaty يقول...

السلام عليكم ورحمة
الله تعالى وبركاته
المعتصم
قلبك ابيض ياأستاذ
ولا يهمك ولا تنرفز نفسك
اللى يضيقك بعد كده ....
كأنه هوا ومر انساه
نريد اعصابك حديد
حتى تجبلنا الجديد:)

norahaty يقول...

السلام عليكم ورحمة
الله تعالى وبركاته
عبده
طيب واهى فايدة
جديدة ودلتنا عليها

norahaty يقول...

السلام عليكم ورحمة
الله تعالى وبركاته
استاذ منصور
(فالفضفضه شئ جميل)
كما تقول انت ياأستاذ
ولكن ليس كل ما يعتمل فى
نفوسنا يمكن ان نفضفض به :(

norahaty يقول...

السلام عليكم ورحمة
الله تعالى وبركاته
أستاذ/عمرو بدر
التحية والتقدير لحضرتك
ياأستاذ ولكلامك الصح فى
كل شىء.خبراتك وأرائك تفيد
من يريد ان يستفيد فعلا
افادك الله
ياأستاذ
عمرو.

norahaty يقول...

السلام عليكم ورحمة
الله تعالى وبركاته
Sweet Violet
السؤال كان فى رد المعلق
assafo anaroze
فى التدوينة الى قبل دى
عن الهدف من التدوين
والحمد لله فقد اجبته
بما يناسب المقام والمقال.

norahaty يقول...

السلام عليكم ورحمة
الله تعالى وبركاته
مع اصرارى
((((استاذ مصطفى)))
عندنا يامرحبا يامرحبا :)
الف مليون حمدلله على السلامة
الحمد لله رب العالمين الف حمد وشكر.
اطمئننت عليك وعلى الاستاذ احمد كمال
فى يوم او يومين متوالين.ربنا يرد كل
غايب سالم غانم إن شاء الله
الف حمدلله على السلامة
وحمداً لله رب العالمين

norahaty يقول...

السلام عليكم ورحمة
الله تعالى وبركاته
بسمة صلاح
اهلا اهلا بالشباب والحيوية
بقى شوشو هانم اختك شوفى ازاى:)
حاجة جميلة والله وانتم الاتنين كتباتكم
احلى من بعض.وووووووووواعى اللاب توب يشغلك عن المذاكرة يابسوووووووووووم
دى ثانوية عامة ومطلوب منك مجموع
كبيييييييييييييييييييييييييير

norahaty يقول...

السلام عليكم ورحمة
الله تعالى وبركاته
assafo anroze
جاوبت انت بما يكفى
وزيادة فشكراً لردك
الشافى .ودايما الاختلاف
فى الرأى
لا يفسد
للود قضية
مادام الاحترام موجود
ولغة الحوار راقية
كلغتك ولغة
sweet violet
شرررررفتونا

norahaty يقول...

السلام عليكم ورحمة
الله تعالى وبركاته
Sweet Violet
كلامك مضبوط صحيح
انا لقيت السؤال
لماذا تدون او ليه
بتكتب بعد ما عملت
الموضوع ده حتى بقيت
مكسوووووووووووفة
واقول الحين يقولوا انى
((غشيته منهم))لكن وزى
الاستاذ اسيفو ما أوضح
هو رد على محاورة للتعليق.
ورجوعك للتعليق ابهجنى جداااا:)

norahaty يقول...

السلام عليكم ورحمة
الله تعالى وبركاته
jonoon 3aqel
وجزاك خير للحضور والتعليق
وفعلا مطلوب منك إذا موافق
حط صح أما إذا غير موافق اتركها
خاليية كما هى .اللهم امين لىّ
ولك ولجميع المسلمين.

norahaty يقول...

السلام عليكم ورحمة
الله تعالى وبركاته
حسن حنفى
(انا شاكة فيك ياحسن:)
كلامك بسم الله ماشاء الله
اكبر من سنك بكتير
ربنا يحفظك وينجحك
وتجيب مجموع اددددد
كددددددددددددددددده
يااااااااااااااااااارب.

norahaty يقول...

السلام عليكم ورحمة
الله تعالى وبركاته
rovy
ازيك انتِ وازاى اميراتك الصغار
ربنا يخليهم لكِ ويخليك لهن
وتفضل رقتك الواضحة
فى كل كلمة تكتبيها
او تقوليها .

norahaty يقول...

السلام عليكم ورحمة
الله تعالى وبركاته
TIMMY!!
عارف ياتيمى كل ما ازهق من
الشغل والدوشة وكده ارجع لنفسى
واحمد ربنا على نعمة التعليم والكتابة والقراءة
.
.
.
.
.
.
.
ماكان حجز
فهمتنى غلط وظلمتنى :(
ده كان استغراب واستفهام ؟
لان ولا حد علق من ساعة ما حطيت
التدوينة بليل لتانى يوم الصبح !
شفت ازاى ظلمتنننننننننننننننى

norahaty يقول...

وعفواً نكمل غداً
إن شاء الله تعالى
ان كان فى العمر بقية

norahaty يقول...

السلام عليكم ورحمة
الله تعالى وبركاته
الربان
الحمد لله رب العالمين
يارب نكون متفقون
على الخير دايما.
شاكرة لك زيارتك
الكريمة وكلماتك الطيبة

norahaty يقول...

السلام عليكم ورحمة
الله تعالى وبركاته
assafo anaroze
حصل خير ومفيش زعل
مااااااااااااشى:)

norahaty يقول...

السلام عليكم ورحمة
الله تعالى وبركاته
Gannah
هو ليس تبرير دكتورة
بل قولى شرح وفرصة
للفضفضة لمعلق شرفنى
لاول مرة وكمان للناس
تقرأ و(تعمل رحلة)زى
ما بتقولى فيما افكر فيه.
*ليه التصويت مش واضح؟
مطلوب من حضرتك الموافقة
فوضح علامة صحاو عدم الموافقة
فتركها خالية.يمكن انا مش عاملة
الاسئلة مضبوط ؟مش عارفة بس على
العموم هو اول استفتاء
اعمله وربنا يسهل
القادم يكون
احسن.

norahaty يقول...

السلام عليكم ورحمة
الله تعالى وبركاته
بس خلاص
( تقدرى تكتبى كل مايدور بداخلك دون تحفظ او رقابه الا من ضميرك فقط)
كلامك مضبوط وكمان جميل.

norahaty يقول...

السلام عليكم ورحمة
الله تعالى وبركاته
TeVa
النية ما يعلمها الا اللى خالقنا
يابشمهندس ربنا يحسن نيتنا يارب
وإن كان على (الناس ام 7وشوش)
دول حتلاقيهم فى حتت كتيييييير
مش النت بس.......عود نفسك
احسن حيجيلك أكتئاب كده!

norahaty يقول...

السلام عليكم ورحمة
الله تعالى وبركاته
انا حر
(الكتابة بهدف الكتابة )
رأى وجيه ولازم يحترم
طالما انت تحب
الكتابة
ولا توذى بها أحد.
وشكرا كثيرا لكلماتك

norahaty يقول...

السلام عليكم ورحمة
الله تعالى وبركاته
mostafa rayan
( في سبب وجيه جدا للكتابة هواني عايز اكتب واطلع اللي جوايا
ومن غير ليه)لأ حضرتك كده
فاهم جدا كمان.
ولك كل الاحترام .

norahaty يقول...

السلام عليكم ورحمة
الله تعالى وبركاته
mastafa rayan
( انا من حقي اهيس
واخرج اللي جوايا
طالما مااذتش حد
وغلطت فيه)وده
برضه كلام
مضبوط.

norahaty يقول...

السلام عليكم ورحمة
الله تعالى وبركاته
mosafa rayan
للاسف مش التدوين
لكن النت عامة واخد
كتيييييييير من وقتى
اعترف واقر للاسف:(

norahaty يقول...

السلام عليكم ورحمة
الله تعالى وبركاته
soly88
( لماذا لاتكتب )
صح سولى ليه لأ؟
فكرة لتدوينة
جديدة إن شاء الله تعالى
تكون انت صاحب الفكرة:)
واكون انا صاحبة الكلام.

norahaty يقول...

السلام عليكم ورحمة
الله تعالى وبركاته
تامر على
شكراً لرأيك استاذ تامر
والحقيقة الواحد اتعرف على
كتير ناس متعددى الافكار
وزى ما اهل زمان
بيقولوا
(معرفة الناس كنوز)
وانا الحمد لله بقى عندى
مغارة (على بابا) كنوز.

norahaty يقول...

السلام عليكم ورحمة
الله تعالى وبركاته
Sherif
تمنياتى بالنجاح ياأستاذ شريف
والشرف لنا احنا بدعوتك لنا.
مرة تانية دعواتى بالنجاح.

norahaty يقول...

السلام عليكم ورحمة
الله تعالى وبركاته
ماكس بتاع زمان
ودلوقتى وبكرة كمان
لأ يافندم مفيش استنكار ولا حاجة
تقدر تقول مداخلة وكمان المعلق
ضيف جديد ومن المغرب (واخد بالك )
يعنى تقدر تقول اننا والحمد لله تعالى
(بننتشر وننتشر وننتشر ونستمرررر)
وزى ما حضرتك قلت على صديقتك فى الله
لامة الله نتعلم من بعضنا البعض
الخير طبعا ونتواصل فى الخير
كمان وده هو لب الموضوع
ولو حتى بدعاء بظهر
الغيب لانسان
لا تعلم عنه
شيئاً

norahaty يقول...

السلام عليكم ورحمة
الله تعالى وبركاته
assafo anarze
اسعد الله اوقاتك
تم يافندم الحمد لله
(وارجو الا يغضبك
رايىّ) تحياتى .

norahaty يقول...

السلام عليكم ورحمة
الله تعالى وبركاته
الاستاذ بيرم المصرى
جهدك مشكور والله
ياأستاذ فى هذا الموضوع
ربنا ينصرنا عليهم يارب

norahaty يقول...

السلام عليكم ورحمة
الله تعالى وبركاته
من غير عنوان
ده اسلوب حضرتك
اللى بيخجلنا من
فرط ما فيه من جمال
ويشعرنى احيانا وكانى
اكتب (نعكشة الفراخ)
كما كانوا يقولون لنا
فى المدرسة فى
مراحلنا
الاولى

norahaty يقول...

السلام عليكم ورحمة
الله تعالى وبركاته
من غير عنوان
لأ يافندم
مفتوح لسه .

norahaty يقول...

السلام عليكم ورحمة
الله تعالى وبركاته
Salma Mohamed
ياحبيبتى ليه تتأسفى؟
مادام جيتى يبقى خلاص
ده هو المهم حضورك
وقرأتك للموضوع
وكان:)(طمع بقى وعشم
كمان فى الله ثم فيكى)
اقولك وكمان تعليقك الجميل

norahaty يقول...

السلام عليكم ورحمة
الله تعالى وبركاته
Zidane
فعلا تعبير الانسان عن رأيه ونفسه
وفى حدود الادب والاحترام كتير بيريح
وشكرا لكلامك ودعوتك وان كان
على الدمايطة فهم
حبيببببببببابى ياراجل !
(انت عايز توقع بينا ولا ايه:)
نورتنا استاذ زيدان.