الجمعة، يوليو 17، 2009

...........عيد ميلاد مدام وفاء

النهاردة 17-7

عرفتها من النت وبالرغم من انى ما شفتها

لكن والله كأنى شفتها وعرفتها من سنين طويلة

وده من كلامها فى مدونتها اللى لما تقرأها تحس كأنك جالس معها
وكأنك قاعد فى البلكونة وياها وقدمكوا صينية الشاى

او القهوة وبتتكلموا مع بعض
فى اللى حصل واللى وصل
من اوائل الناس
الحلوة اللى اتعرفت عليهم
هنا بالنت والحمد لله
المعرفة دى مستمرية
الى الان
ويارب
على طول
ولان المدام وفاء ست صعيدية وجدعة
وما يضحكش عليها بتورتية
ولا حبة بتى فورررررررر
عملت لها عيد الميلاد المخصوص ده
بالهبر
اى اللحمة
وارجو انها تتقبل منى التحية البسيطة دى
عربون للمحبة وعرفان
لصداقة ارجو ان تستمر
واتفضلوا
ياجمـــــــــــــاعة
........
.....
...
.


1-نفتتح بالشوربة


كفتةللغاوى كفتة
الشيش طاوووق للى مابيحبوا
اللحمة(بكرة يندموا)


4-ورق العنب للى عااااااااااايز




ندخل على المهم :الفتة
وبعدين الاهم:اللحمة للعطشان وللزوران وللى عايز يبلع

ميه تروى العطشان وتطفى نار الحران
وفيه كمان مشروبات بجميع الانواع


جبت البياع بنفسه


وانتوا اختاروا اللى عايزينه


والحلوووووللحلوييييييين



وبالف الف الف هنا وشفا للموجوديين


............
ولو سمحتوا ياجماعة التعليقات مش حتكون لىّ




انا فقط كنت محظوظة


وعرفت التاريخ


كل لحظة وانتى بألف خير


يافوفو

ياحبيبتى

وربنا يعطيكى الصحة والعمر


وتتهنى بأولادك وأحفادك كمان وكمان

ويخلى وينجح مقاصد اللى عرفنا ببعض

فى الاول خالص.

هناك 75 تعليقًا:

على عبدالله يقول...

السلام عليكم

اهل الصعيد يلدياتنا ولازم نرحب ببيهم
كل عام وانت بالف خير وصحة وعفية
وبارك الله فى عمرك

احسن حاجة عملتيها موضوع ((هبر اللحمة)) اصلى مش بحب اكل اللحمة غير هبر هبر على ابوها :)
يا سلام ع المحشى
وياحبذا لو كان معاهم كام جوز حمام على كام دكر بط
:)
يا سلام ع الفروت سلات
:)


السلام عليكم

Unknown يقول...

السلام عليكم ورحمة
الله تعالى وبركاته
واهالى الجيزة ينادون
ويحيوووووووووووووون
ويبابيعووووووووووون
اهالى الصعيد الكرام
سواءالجالسين هنا او هناك
بالهنا والشفا ياأستاذ على
اما عن دكر البط فهذا مسئولية
مدام وفـــــاء صاحبة المناسبة
وعدتنى به من مدة بس المهم النت عندها يتصلح وترد علينا قول
معايـــــــــــــــــــــا
يارب يارب يارب يارب يارب

♥نبع الغرام♥♪≈ يقول...

السلام عليكم


اختى الفضل جزاكى الله كل الخير على وفائك لصحبتك

ويارب يديم الود بينكم

كل سنه وهى طيبه ومليون مبروك
وعقبال ميت سنه

تحياتى

ايناس

MaNoO يقول...

من أهم الناس الى اثرت فيا فى عالم التدوين ست مصرية بجد على ابوه زى مابيقولوا كلامها من القلب لاننا بنحس انها جارتنا حد من جمب البت حد من العائلة نقعد بقى وناكل مع بعض يلا يادكتورة بس نقول لأستاذتنا كل سنة وحضرتك بالف صحة وسلامة وبتقدميلنا نصائح المن اللى هتعملمنا اكتر واكتر
وتظل مدونتك منورة دايما بكل جديد
تقبلى احترامى
مانوووو

مجداوية يقول...

السلام عليكم

ربنا يديم محبتكم في الله
وكل سنة وانتي طيبة يا أختنا الحبيبة وفاء وبصحة وسعادة
وبألف هنا وشفا

Unknown يقول...

عاشقة الاحزان
السلام عليكم ورحمة
الله تعالى وبركاته
وجزاكِ الله كل الخير
على مرورك وكلماتك
الطيبة.احتراماتى
وسلامـــــــــاتى

Unknown يقول...

MaNoO
السلام عليكم ورحمة
الله تعالى وبركاته
فعلا يامانوو مدام وفاء
تحس كانها جارة عزيزة اكلت
وشربت وعاشت معانا سنين طويلة
ربنا يعطيها الصحة والقوة وراحة
البال وينجحك يامانووا يارب وتُبشرُبنابالاخبار الجميلة.

Unknown يقول...

مجداوية
السلام عليكم ورحمة
الله تعالى وبركاته
اللهم آمين يارب العالمين
ويجمعنا جميعاًحب الله وحب
رسول الله صلى الله عليه وسلم
نورتينا وشرفتينا يامجداوية.

عبد من عباد الله يقول...

كل سنه و الاستاذه وفاء طيبه و بصحه و سلامه ان شاء الله ...

انا عن نفسي بسميها ام المدونين

Unknown يقول...

عبد من عباد الله
السلام عليكم ورحمة
الله تعالى وبركاته
ولك الف حق فى هذه
التسمية فحنان قلبها
يفيض امومة على من تعرفهم
جميعاً.

عمرو يقول...

كل سنه و حضرتك طيبه يا مدام وفاء و أتمنى لك حياه سعيده مديده مليئه بحب الله و الخير و المسرات ..
و برضو لا يفوتنى أنى أشكر حضرتك لأنك كنتى السبب فى العزومه الرائعه اللى عملتها لنا الدكتوره رغم أن الريجيم كده باظ و راح فى الكازوزه بس معلش نمشيها النهارد لخبطه بمناسبة عيد الميلاد ..
تقبلا تحياتى و تقديرى ..

ahmed_k يقول...

كل سنه ومدام وفاء طيبه وبير وسعاده
وعقبال ميييييية سنه
ودايما صاحبة واجب يا دكتوره
ادام الله الحب فيه بينكما

خالص تحياتي

أ / أحمد عبد المنعم يقول...

بسم الله الرحمن الرحيم
الأخت الفاضلة : نور

جميل أن ينشر المرء الحب على الناس جميعا
وجميل أن يحتفل الإنسان بأفراح الآخرين

لذا قال الشاعر معبرا عن هذه الأحاسيس :
إذا نعمة وافت لغيرى شكرت كأن لى فها نصيبا
أدام الله الود بينكما والحب الخالص وجعل هذه المعرفة معرفة خير

أما بالنسبة للأكل
فالدكتورة نور مصرة على أن تشعرنا بالجوع دائما بعرضها لأصناف رائعة من الطعام ولكن
هل هذه الأطعمة من صنعك أنت أم أنها من زيارة المطعم السابق ؟؟

سما أحمد يقول...

كل سنة وهي وانتي طيبين
عقبال مية سنة تقضيها بسعادة وهناء ورضى

الازهرى يقول...

كل لحظة ومدا وفاء
وكل احبابها واصحابها
فى خير وسعادة وهناء وسرور

وعقبال 100 فى صحبة ومحبة

Hesham يقول...

اولا كل سنه وانتى طيبه يامدام وفاء وكمان اهنيكى على صديقتك الجميله هذا الكلام موجهه لمدام وفاء
اما الكلام الموجه ليكى فرغم وفائك لمدام وفاء الا انى اعتب عليكى لان السفرة والأكل اللى انتى عازمه مدام وفاء عليه جوعنى تماما وبما انى عايش لوحدى وطبعا مش عارف اطبخ الكلام دا بدات احقد واحسد مدام وفاء
بارك الله فيكم وفى الصداقه

محمد عبد الباسط يقول...

عيد ميلاد دسم جدا

كل عام وانتم الى الله اقرب وعلى طاعته ادوم
وادام الله اخوتكم ورزقكم حسن الخاتمة

حلم كبير

TIMMY !! يقول...

كل سنة و مدام وفاء طيبة ,

و خلوها من غير لحمة خفيف خفيف أحسن :)

لاسع افندى يقول...

كل سنه وهى طيبه....ودايما عامر


تحياتى

وحي القلم يقول...

السلام عليكم

كل سنة ومدام وفاء بخير وربنا يعيد عليها الايام بخير دايما

وحي القلم يقول...

ايه كمية الاكل دي كلها

أنا لسه ماتغدتش

أبو العريف يقول...

ايه عيد الميلاد اللي يجوع ده
اولا كل سنه وهي طيبه
وعقبال 2546454546 سنه

بس حرام يعني
ورق عنب وفته وحاجات كده
واحنا محرومين المطاعم مبهدلانا

ههههههههههههههههههههههه


كل سنه وانتو اصدقاء اكتر


تحياتي

فشكووول يقول...

السلام عليكم نور
كل سنه وانت طيبه انت والست وفاء هانم بركات
عيد ميلاد سعيد لها ولكى ولكل الحبايب
كل سنه وانتم بخير يارب
انا ح اروح عند المدام وفاء بركات عشان اعيد عليها
بس انت مش ح تلاقى ولا حتة اكل ولا حتة حلاوه ولا حتة لحمه ولا حتى حتة فواكه عشان انا خدتهم كلهم واكلتهم
تحياتى

mohamed ghalia يقول...

كل سنة وهى طيبة
ربنا يسعدها دايما

Dr Ahmed Said@Black Armor يقول...

كل عام وانتى ومدام وفاء بالف خير وسلام وعقبال مية سنة تدوين
وادام الله عليكم الاخوة والمحبة
وابعد عنكم العين
علشان الصداقة والاخوة بقت بتتنظر اليومين دول

شريكة في المطعم يقول...

السلام عليكم

كل سنة ومدام وفاء طيبة وبخير ان شاء الله
وربنا يديم المحبة والصداقة

أحــوال الهـوي يقول...

يا و عدي علي عيد الميلاد دي و ليمه يا دكتور لازم نطفي تاشمع الاول لان بعد الاكل مافيش نفس ننفخ

بصراح ربنا يديم المحبه بينكم و الاستاذة و فاء و ىاريت كنت كتبت عنوان البلوجر بتاعها علشان نهنيها و نعرف الشخصية العظيمة دي


عقبال ميت سنه

تحياتي

ليس فقيرا من يحب يقول...

السلام عليكم

كل سنه وانتى طيبه يا مدام وفاء وعقبال 90 سنه وربنا يديم المحبه بينكم


تحذير هام

اياكم حد يمد ايده على المحشى دا ليا لوحدى انا حذرتكم اهه ههههههههههههههههه

فى رعايه الله

Somaya Kamal El Din يقول...

كل سنة وانتى طيبة يا مدام وفاء

يا سلااااااااام على فكرة احنا بلديات بعض ان رده صعيدية تمام

assafo anaroze يقول...

عيد ميلاد مبارك مدام وفاء
مودتي يا نورا

أمل حمدي يقول...

كل سنة وانت طيبة وبخير يارب يا وفاء

وشكرا لنور انها اعطتني فرصة تهنئتها

والسفرة جميلة والاكل يجنن

وكل سنة وانتم بكل خير

Unknown يقول...

استاذ عمرو بدر
السلام عليكم ورحمة
الله تعالى وبركاته
وكل لحظة وانت بالف خير
استاذعمرو وإن كان على
الرجيم عوضه بكرة ماشيها
النهاردة لخبطة:)لاجل الغالية
المدام وفـــــاء بـــــركات
وبالاصالة عن نفسى وبالنيابة
عن فوفو حبيبتى اللى النت يظهر
فاصل عندها بشكرك جدا جدا جدا جدا

Unknown يقول...

ahmed_k
السلام عليكم ورحمة
الله تعالى وبركاته
وحضرتك بالف خير وصحة يارب
ودايماً منورانا فى مناسباتنا
السعيدة كده على طول.
متشكريين أستاذ احمد.

Unknown يقول...

أ/أحمد عبد المنعم
السلام عليكم ورحمة
الله تعالى وبركاته
(إذا نعمة وافت لغيرى
شكرت كأن لى فها نصيبا)
الله اهو دا فعلا منتهى الايثار
او حب الخير للاخر كأنه لك تماماً
اما الاكل فهو صنع (جوجل بكتشرز)
استر علىّ ربنا يستر على وللايانا
يارب.المطعم السابق:كنت معزووومة:)
ونورتنا وشرفتنا أستاذ أحمد.

Unknown يقول...

سما احمد
السلام عليكم ورحمة
الله تعالى وبركاته
وانتِ بالف خير وصحة
وعافية يارب.نورتينا
ياسمـــــــــــــــا

Unknown يقول...

الازهرى
السلام عليكم ورحمة
الله تعالى وبركاته
وانت طيب وامين لكل
دعواتك الطيبة وجعل
الله لك نصيباً فيها:)

Unknown يقول...

Hesham
السلام عليكم ورحمة
الله تعالى وبركاته
وانت طيب يافندم
اما العتب مالكش حق فيه؟
هو انا منعت حد من حاجة؟
اللى نفسك فيه :اتفضل خده:)
ربنا يقصر الغربة بالسلامة ويجتمع
شمل الاحباب والاهل كلهم وساعتها يعملوا لك اللى نفسك فيه:)
يـــــــــــــــــــارب

Unknown يقول...

محمد عبد الباسط
السلام عليكم ورحمة
الله تعالى وبركاته
طبعاً!اكل بيوت عز ووز:)
مش اكل معسكرات صيفية:)
وكل لحظة وانت بالف خير .

Unknown يقول...

TIMMY
السلام عليكم ورحمة
الله تعالى وبركاته
وانت طيب ياتيمى
لكن عايزها قرديحى(:!!
ياعيب الشوم ياولاد (:
عايز الناس تاكل وشنا :)
لأ معلش انا مش حاسمع كلامك
المرة دى :لحمة يعنى لحمة هو كده:)

Unknown يقول...

لاسع افندى
السلام عليكم ورحمة
الله تعالى وبركاته
وحضرتك بخير وعافية
وعامر بضيوفه
واصحابه يارب

Unknown يقول...

مصعب صلاح
السلام عليكم ورحمة
الله تعالى وبركاته
وانت طيب يارب
وناجح دايما :)

Unknown يقول...

مصعب صلاح
اللى نفسك فيه
خده ولا يهمكش:)

Unknown يقول...

ابو العريف
السلام عليكم ورحمة
الله تعالى وبركاته
وانت طيب يارب
وربنا يقرب
البعيد
وترجع بالسلامة
واللى نفسك فيه
خـــــــــــــده
ما يهمكــــــــــش:)

Unknown يقول...

استاذنا فشكوووول هنا
يامرحبا يامرحبا يامرحبا
السلام عليكم ورحمة
الله تعالى وبركاته
وانت بالف خير وصحة وعافية
ادعى معايا استاذنا النت
والنور والكومبيوتر كمان :)
يتصلحوا عند استاذتنا وترد
علينا يارب:)اما الاكل فلا يهمك
خد اللى نفسك فيه(عندنا كتير
فى الثلاجة والديب فريزر:)
نورتنا استاذ فشكوووول

كلمات من نور يقول...

كل عام و أنتي إلى الله أقرب ولطاعته أدوم و أتقى


وشكرا عالوليمة الرائعة دي يا دكتورة كده الدكاتره تبوظ الدايت؟؟ههههههه

Unknown يقول...

mohamed ghalia
السلام عليكم ورحمة
الله تعالى وبركاته
وانت بالف خير وصحة
يامحمد يارب وينجحك
ويُصلح شأنك وشأن
شباب المسلمين
اجمعين .يارب.

Unknown يقول...

Dr.A.S.black armor
السلام عليكم ورحمة
الله تعالى وبركاته
اللهم امين يارب العالمين
وجزاك الله خيراً بدعواتك
ولك مثلها وأحسن يارب.

Unknown يقول...

شريكة فى المطعم
السلام عليكم ورحمة
الله تعالى وبركاته
وانتِ بالف خير
ونورتينا
وشرفتينا
بالمرور
والتعليق

Unknown يقول...

احوال الهوى
السلام عليكم ورحمة
الله تعالى وبركاته
لأ يافندم مفيش شمع
والكلام البسيط دا
لحمة ولا شىء سواها
وتم عمل اللازم بلون
مخالف (كنت عاملاه من الاول
لكن بنفس اللون يمكن لاجل
هذا حضرتك ما اخدت بالك.)

Unknown يقول...

ليس فقيراً من يحب
السلام عليكم ورحمة
الله تعالى وبركاته
وانت بالف خير وصحة يارب
ومعلش بقى :كــــــــــــل
اللى نفسه فى حاجة يتفضل ياخدها
الخير واجد والحمد لله رب العالمين يبقى
ليه نقطرها على البشر:)ونعملك غيره
(المحشى)لو عايزة بس انتى شاورى:)

Unknown يقول...

Somaya Kamal El Din
السلام عليكم ورحمة
الله تعالى وبركاته
بلديات!!!!قلتلى بقى :)
اتارى الظرافة واللطافة واحدة:)
نورتينا وشرفتينا سمية
:::::::::كلمة كده بس:
ايه الحكايةمع مدونتك
على رأى ابو العريف
راكباها(والعياذ بالله منه)عفريت!!
ما راضية تستقبل ولا تضع تعليقات!!
شوفى الحل ايه؟

Unknown يقول...

assafo anarose
السلام عليكم ورحمة
الله تعالى وبركاته
وانت بالف خير
وصحة يااسافو
يـــــــارب

Unknown يقول...

مــاما أمولة
السلام عليكم ورحمة
الله تعالى وبركاته
وانتِ بألف خير وصحة وعافية
يارب ودايماً منورانا فى الفرح
كده على طول والف هنا وشفا:)

Unknown يقول...

كلمات من نور
السلام عليكم ورحمة
الله تعالى وبركاته
اللهم أمين يارب العالمين
الف هنا وشفا:عجبك الاكل:)
نورتينا وشرفتينا.

blue-wave يقول...

ايه العيد ميلاد الجامد دا؟؟:))
كل سنه وهيا طيبه

وفاء بركات يقول...

السلام عليكم ورحمة
الله وبركاته
جزاكي الله عني خيرا ياحبيبة قلبي .. الله
الله علي مفاجأتك الحلوه... رقيقه زى عادتك ومجامله ربنا يبارك لي فيك وفي عمرك
ويعوضك خير ياأم قلب أبيض من الفله وأرق من زهر الياسمين ..
ومن كل قلبي بشكر كل اللي هناني عندك وحضر عيد الميلاد الأبهة ده والجله القناوى
اللي ميتها تروى العطاشه والأصناف كلها روعه كلفتي نفسك يادكتوره يترد لك في الفرح إن شاء الله ....
والبطه موجوده بس عن نفكر نتاوى الريش فين ولا نديبها بريشها ..
حاولت أزور مدونه مدونه وأشكرهم بس
عم نتنت مزنجر حبيتين..
جلنا نتشكرلهم إهنه م البيت بيتنا
برديكي ومحناشي حدا حد غريب ..
لفته رقيقه بحيكي عليها وربنا يسعدك زى مأسعدتيني .
واللي يحب يشرفيني العنوان
wafaabrkat.blogspot.com
ياألف أهلا وسهلا

ام البنات يقول...

كل سنه وهى طيبه وبخير وبسعاده
سيدة راقيه وجميله ومجامله
ربنا يسعدها
وانت يا نور يا حبيبتى ربنا يسعدك ويبارك فيك
المحبه شئ لا يوجد الا فى قلوب خضراء لا تعرف الغل

دمت بخير يا حبيتى

صوت من مصر يقول...

كل سنه وهى طيبه انا عاوز كوبايه عرق سوس

Unknown يقول...

blue-wave
السلام عليكم ورحمة
الله تعالى وبركاته
يادكتور دا من فضلة
خـــــيرك حاجة بسيطة
وكل لحظة وانت بألف خير
ياربــــــــــــــــ

Unknown يقول...

مدام وفــــــــاء
هنا !يامرحبا يامرحبا
كل لحظة وانتى بألف خير
ياحبيبتى ودايماً بصحة
وعافية.حمدلله على سلامتك
وسلامة النت المهم انك
حضرت:كل شىء أذن حضـــر:)
عرفت احضر طيب:)من بعض خيرك
ياأستاذة والله يعلم انا لما اقرأ
كلامك وكأنى جالسة معاكِ اسمعك واشوفك.
اما عن البطة فخليها شوية الايام والمناسبات جاية كتير والاكل كتير
اهوه بالكفايــــــــــــــة
ربنا يخليك ويعطيكى الصحة والقوة
وما يحرمنا فى حبنا لله وللرسول .
مرة تانية كل لحظة وانتِ بخير

Unknown يقول...

واحد من العمال
السلام عليكم ورحمة
الله تعالى وبركاته
بــــارك الله فيك
وأصلح شأنك وشأن
المسلمين اجمعـــــين
صاحبة العيد اهى عندك
قولها كل اللى انت عايزة
الحق النت اووووووووام عندها
قبل ما ياخد فى وشه ويعمل عمايله
المعتادة اياها.
نورتنا وشرفتنا ياأفندم

Unknown يقول...

أم البنات
السلام عليكم ورحمة
الله تعالى وبركاته
كيف حالك ياست ياطيبة
ربنا يأخذ بيدك ويقويك
ويصبر قلبك ويعطيك القوة
ودايماًمنورانا بكلامك وبوجودك
ويديم علينا نعمة الايمان والاسلام
الحب فى الله ولله.

Unknown يقول...

صوت من مصر
السلام عليكم ورحمة
الله تعالى وبركاته
وانت بألف خير
يامحمد يارب
واللى عايزة خده
براحتك خالص:اطلب
تلاقــــــــــــى:)

Mona يقول...

أولا شكرا لزيارتك لمدونتى وثانيا ربنا يديم المعروف بينك وبين السيدة الفاضلة وفاء ولفتة رقيقة منك العيد الميلاد :)

Unknown يقول...

Mona
السلام عليكم ورحمة
الله تعالى وبركاته
الشكر لله ثم لمدونتك
الجديرة بالزيارة
وبتكرار الزيارة.

غير معرف يقول...

كل سنه وهى طيبه عقبال مايه سنه
طبعا مش هاسال هى كام دلوقتى
عشان مانضربش
لان لا يصح ان تسال واحده عن سنها
حتى لا تتحمل العواقب
هههههههههههههههههه

ربنا يعطيها الصحه ويوفقها
المدونه بتاعته اول مره ازورها
بالفعل اشعر بالالفه والموده بها

ربنا يكرمها ويكرمك
مش عارف ليه باجى متاخر فى الاكلات
ياريت تبقى تحوشي ليا نايب من الاول

Unknown يقول...

م/محمود فوزى
السلام عليكم ورحمة
الله تعالى وبركاته
يافندم ولا يهمك
بدرى أومتأخر مش مشكلة
المهم تشرفنا وتنورنا
وماتخافش (مدكنين )
حاجات للمتأخريين
كله فى التمام
وعال العال:)
وفعلاااااااااا
ذووووق ذووووووق
ما سالتش عن السن
واوعى تسأل حذارى:)

بنت أبيها يقول...

ايه ده

كل ده من ورايا

الحفلة تتعمل وتخلص وانا مش هنا

كل عام وانتي الى الله اقرب يا استاذة وفاء

كل سنة وانتي بالف خير وصحة

Unknown يقول...

بنت ابيها
السلام عليكم ورحمة
الله تعالى وبركاته
حاولت دعوتك للحضور
من اول الوليمة لانى
اعلم أن مدام وفاء
تحبك ولكنى عجزت عن
الوصول اليكِ ولا
اعلم لماذا؟على
العموم لا تخافى
المدام وفاء
حتجيب دكر البط
وتيجى هى وعدت به
بس مش عارفة تودى
الريش فين؟؟
نورتينا بنت ابيها

hasona يقول...

السلام عليكم


كل سنة وهي بخير و سعادة وهنا
كل سنة وانتن مجتعتين عليا خير دائما
كل سنة تعدي عليكم وأنتم في زيادة
ربنا يجمعنا جميعا علي كتابه الحكيم
،،،،
جيت لقيت حضرتك قافلة التعليق في الموضوع الاخير
قولت أكيد عايزة تستريح من الرد علينا

فلفت نظري هذه الموضوع وعيد ميلاد لاستاذة / وفاء

،،،
ومع ذلك لن أحرم من التعليق علي هذه القصة الجميلة

لأني سمعتها أول مرة من شيخنا الجليل الامام / محمد الشعراوي رحمه الله عليه

وكان يتحدث ان هناك امور عادية تمر علي الانسان العادي مرورا سريعا
لكن العالم المتفكر في خلق الله يستنبط منها أشياءاً وأشياءأ

ولأن هناك من العلم والحكمة من يمن الله به علي عباده ويصطفيهم به

Unknown يقول...

hasona
السلام عليكم ورحمة
الله تعالى وبركاته
فعلا صدقت فالله يمّن بعلمه على من يشاء
اشياء وامور بسيطة نغفل نحن عنها ولكن من وهبه الله منحة الفهم
السريع او سرعة البديهة
يقدر بفضل الله وبقدرته
استخلاص النتائج
والعظات.
وشرفتنا ونورتنا يا؟؟
لا ادرى هل اقول ياحسونة كما هو مكتوب ولكنك تقول انها غلطة لا تدرى عنها شيئاً!!!
ام اقول يامحمد كما تقول انت انه اسمك!
ايضاً فرصة لان أسالك:الم يحن الوقت لتمتلك مدونة خاصة بك؟تعرض فيها
افكارك واخبارك وحتى تعليقاتك على
مدونات الاخريين؟
ارجو التفكير فى الامر فسيعدنا جميعاً
ان تنضم الى مجتمع المدونين.

Asmaa Fathi يقول...

أسفــــــــــــــه جدا على التأخير

أتى عارفه انى مش ممكن أتأخر عن متابعة مدونتك ولكنها الظوف وخصوصا عندما يتعلق البوست بحبيبة قلبى أبله وفا

كل سنه وهي بالف خير وربنا يديها الصحه وطول العمر

انا عارفه انى مقصره جدا فى حقها حتى فى التليفون بس هى قلبها كبيرررررررررررر وهتقدر ظروفي

تحياتى ليكى ولها

Unknown يقول...

gana magde
السلام عليكم ورحمة
الله تعالى وبركاته
وانتى بالف خير وصحة وعافية
يارب ومش مهم بدرى ولا متاخر
المهم انك جيتى وهذا هو المهم:)

أنستونا يقول...

السلام عليكم بصراحه ده احلى عيد ميلاد شفته فى حياتى تورته مين و بتى فور ايه
مفيش احلى من البروتين
كل عام و انت بالف خير يا مدام وفاء
و جزاكى الله خير يا دكتوره

Unknown يقول...

أنستونا
السلام عليكم ورحمة
الله تعالى وبركاته
بجد عجبتك الفكرة؟
بالهنا والشفا:):)
ومن بعض ما عندكم
البامية الويكة
وكفتة الجمــــبرى
وحاجات حلوة كتير