السبت، فبراير 14، 2009

........الضنا غالى .....


تحديث هااااااااااااااااااام

*********
*****
****












  • يقولون



  • أن الضنا غالى
    وان الضنا مابيهونش Bulleted List
    وادعى على ولدى واكره اللى يقول امين
    وان القطة نطت باولادها سبعة اسطح من خوفها عليهم
    وأن وان وان وكثير من الاقوال عن حنان الام وعطفها وحنوها على ابنائها
    ولكن ماذا تقول فيمن جاءت متأخرة تسأل


عن مستشار جراحة الاطفال فلما علمت


انه
ذهب ولن يحضر الا الاسبوع القادم


استدارت وبعزم قوتها


(ضربت بنتها بالقلم على وشها )


ولم تكتف بهذا


ولكنها قالت


عجبك يابوز الفقر


اهو مشى ادينا لسه حنستنى للاسبوع الجاى
الخضة والمفاجأة والقسوة صدمونى
ومش انا بس لكن حتى الحكيمة اللى معايا بلمّت من الموقف
ولما فوقنا من المنظر طبعا زعقنا لها وكلمناها
لكن هل ينفع فيها كلام
هل تتغير طبيعتها لمجرد الكلام
لا اعتقد
فى بلاد لا تدين بالاسلام
مثل هذه الام ينزع عنها اطفالها بالقانون
طالما انها ليست امينة فى تربيتها لهم
فهل هذا احسن لهم
لا ادرى
مرة قرأت حكاية حقيقية
حدثت لسيدة مصرية ايام ان كانت بصحبة
زوجها وطفلهما بالخارج(النمسا) للدراسة
تقول السيدة انها كانت بالسوبرماركت
حين ما ابتعد طفلها عنها
لتجده بعد ذلك
محاطا بالرعاية من قبل إدارة المكان
ونسيت السيدة الامر
لتفاجا بعد عدة ايام بزيارة مفاجئة
من الادارة الخاصة بشئون الاطفال (حاجة زى رعاية الاحداث عندنا )بس مع الاختلاف
ليتيقنوا من مدى رعايتهالاطفالها (وفلذة كبدها زى ما بنقول احنا)ولا لأ
ولما استفسرت عن الامر
قالوا لها ان العاملة التى وجدت الطفل ابلغتهم بالحادثة


سألت طب وهى مالها دا ابنى انا؟؟


فقالوا لها


ما معناه يعنى


غلطانة ياماما
لان كل انسان فى البلد ومن قبلهم الحكومة يعتبرون ان الطفل
هو مسئولية المجتمع اولا قبل ان يكون مسئولية اهله...كيف؟
لانه ان صلح فهذا يعود بالنفع على المجتمع ككل
اما ان فسد فيضر بالمجتمع ككل
كلام جميل اوى وحقيقى كمان
نرجع للست هانم اللى ضربت
بنتها
ماحدش يقولى حالة فردية
غيرها كثير وأن اختلفت صورة القسوة
ماحدش يقولى انفعال ونرفزة
ماحدش يقولى معذورة واتضايقت
محدش يقولى الضغط عليها كتير
كل هذا لايبرر قسوتها هذه على طفلتها التى لم يتعد عمرها الخمس سنوات
لشى ء لا يد لها فيه بل واجب ان هى(الام )اللى تنضرب صراحة
ولو كان بايدى لكنت عملتها لانها هى اللى اخرت البنت وليس العكس.
كلام كتير عايزة اقوله
لكن الوقت اتاخر
وكمان اخاف انكم تزهقوا منى
يعنى من ضمن الكلام مثلا
لمثل هذه الطفلة هل ممكن (ام بديلة )تكون احن عليها من امها
اعلم ان لا تبّنى فى الاسلام
بس لما يكون فعلا اسلامنا صح ومش مجرد شعارات
وهل (وعفواً يعنى)التعقيم الاجبارى لمثل هذه وغيرها


وازواجهن
ممن يلدن ليلقوا بأطفالهم الى الشوارع
هل التعقيم الاجبارى ساعتها حلال؟
زى ما قلت كتير اسئلة عايزة اسألها
لكن الوقت اتاخر ولابد من
الانتهاء الان
صلاة الفجر
والعمل ومواعيده (وبواختها)
.

هناك 78 تعليقًا:

الفقيرة إلى الله أم البنات يقول...

بصى يا نور
توجيه الانفعال على الاطفال
هو إعادةتوجيه العنف مرة أخرى
يعنى هى تعرضت لهنف وبعد شويه حولت العنف لابنتها
بس طبعا بننفعل على أولادنا وبنزعق وبنضرب
انا مش ام لها جناحين رغم انى معنديش اغلى بنتين فى الدنيا
بس اوقات بنفعل عليهم
بس بينى وبينك ومن ساعة ما سمعت جمله اتقالت عن حديث عن الرسول
معناها لانى موصلنيش الحديث كامل
ان الانسان لما يستقوى على حد
لازم يفتكر ربنا
انا بصراحه وقت ما بناتى ينرفزونى.زساعات افتكر الجملة دى..وامسك نفسى ..وامشيها زعيق
بصراحه وبينى وبينك..بزعل قوى قوى لما اعصابى بتفلت
وبوستك ده هيخلينى اتذكر اكثر انى منفعلش على بناتى

صحيح متوصلش للست دى بس برض بتعصب وده خطأ

اقر واعترف انى ان شاء الله مش هاعنف بناتى..على قدر استطاعتى واسأل الله ان يقوينى ويقوى كل الامهات
لانى بحترم الام اللى بتمسك نفسها عن ولادها

نور دمتى بخير
نسيت ااقولك ان الثقافه والبيئه هى السبب فى العنف الغير عادى...والعصبيه الجاهليه

رحلتنا في الحياة يقول...

جايز فعلا بعض الامهات قاسية فى تعاملهم مع الابناء بس مش قسوة طبيعية ربنا خلق المراة دائما حنونة وعطوفة اللى زى دول طفرات
مش هنكر انى فى لحظات كتير بتعصب على اولاد اختى واضربهم وساعات بقول لنفسى ياترى لما ربنا يكرمنى باولاد عمل فيهم كده لكن ابص لاخواتى واشوف ازاى مش بيقدروا حتى يزهقوا للطفل فى بعض المرات اللى بيغلط فيها بستعجب
الام ام فى كل وقت جايز العصبية والنرفزة ليها دور بس مش مبرر للعنف بالشكل ده
وربنا يصلح الاحوال
بس اللى متاكدة منه مفيش واحدة هتكون احن على الاولاد اكتر من امهم مهما الوقت طال اكيد هيجى لحظة وتعمل فيهم اكتر من الام القاسية علشان هى مش تعبت فيهم ولا حست بيهم

romansy يقول...

التفاهم مطلوب
واحساس لامومه دا اجمل احساس فى الدنيا
بس لو فيه تفاهم بين الام وبنتها وتعتبرها اختها فى حاجات كتير هتتغير

غير معرف يقول...

عارفة الموقفدة فكرني من كام يوم كنت راكب المترو وكان شاب قاعد ومقعد ابنه الصغير طفل ماكملش سنة ونص عمال يعيط والتاني بيضربو علي وشه وبيزعق فيه انت بتعيط ليه وحماته او امه قاعدة جنبه بتقوله ماتضربهوش بيزعق فيها لاء دة بيستهبل هو حد عمله حاجة علشان يعيط انا كنت هتغاظ بجد بيتعامل معاه كانه راجل كبير مش طفل رضيع للأسف
في ناس كتير مش بتقدر النعمة اللي عندها
زي الراجل دة والست دي مش مقدرين ان الاطفال دول نعمةربنا عليهم وانهم زينة الحياة الدنيا وفي ناس كتير قوي غيرهم اعلى واغني منها بيستنشقو علي ضفر طفل صغير
مش عارف الحل هل يكون حملات توعية يقوم بيها خريجون اقسام الاجتماع والخدمة الاجتماعية وعلم النفس
مش عارف بس اكيد انا بستبعد اختيار العقم الأجباري
لك كل التحية والود

mohamed ghalia يقول...

هو الموقف ده فعلا يتكرر
ياريت فعلا نعمل بتعاليم دينا واكيد حالنا هيتصلح كتير
دمتى بكل الود

Ola يقول...

السلام عليكم،
على العموم انتي معظم الصور اللي انتي استخدمتيها هي صور لحيوانات مفترسة!! بس أعتقد انهم أحن من المذكورة:)

أحــوال الهـوي يقول...

تعرفي يا دكتوره
الامثله كثيره جدا لمثل هذه الحالات و بيبقي نفسي اتخانق مع الاب او الام الجهلة دول و انا اؤيد الفقيرة إلى الله أم البنات في وجهة نظرها

تحياتي

مذكرات مشاغب يقول...

طيب ايه رايك في اللي بيقتل اولاده عشان مشكله حصلتله
ده بيحب اولاده؟؟؟
اكيد بيحبهم بس هو مش مناسب لتربيتهم
فكرتيني بفيلم لشين بين كان قايم فيه بدور اب معاق ذهنيا
تفكيره تفكير طفل عنده 8 سنين وبنته عنها تسع سنين
يعني تقدر تضحك عليه وتمشيه
وكانت المحكمه عايزه البنت يتم تبنيها
وعلى الرغم ان ابنت بتموت في ابوها وهو بيحبها
وان وجهة نظر الفيلم كانت مع ان الاب هو اللي يربي
لكني كنت مختلف مع راي الفيلم
وان الحب وحده مش كفايه في التربيه
لازم يكون اللي بيربي عنده ابسط قواعد التربيه
وطبعا الحب شئ مهم جدا
لكني بقول انه لا يكفي لوحده

مش عارف انتي بتتكلمي في موضوع محير يطول فيه الجدل
انا كمان بسال نفس سؤالك وان كنت بميل اكتر لانتزاع الطفل من اب او ام غير قادر على التربيه

تحياتي

وحـــــــــــى القلم يقول...

ان لله وانا اليه راجعون
مؤسف للغايه
كدت ابكى
هو ساعات طبعا بيصدر انفعالات من الام تحت ضغوط معينه يعنى الحاجات الغريبه اللى طالعه اليومين دول زى مش عارفه لو اهلك بيؤذوك اتصل برقم مش عارف كام ويتم عقاب ولى الأمر دى بتعلم الاولاد العقوق
اعرف واحده لما تزعق لأولادها يقولولها هنتصل بالرقم نخبرهم انك بتأذينا
صراحه دى قلة احترام وعقوق
برضه فى بلاد اوروبا نفس الوضع
بس دى صعبه اوى مش عارفه ايه ذنب البنيه المسكينه دى؟؟؟
هى دى تستاهل تتهزق وعلى رأيك تنضرب هى

Abd-Allah ibn Aadam يقول...

للأسف الواحد بيتخنق من المناظر اللي زي دي ,

الناس دي بتخلف و خلاص , عادة عندهم إن اللي يتجوز يخلف , و بعدين يلعن العيال و سنينها ,

و العيال ياعيني ذنبهم إيه ؟ حد كان قالكم تخلفونا ؟؟

حاجة تعقد بصراحة و تحرق الدم ,

مش قد الخلفة و التربية ما تخلفوش !!

Mafrousa يقول...

و الله يا نورا مش عارفة اقولك ايه بعد القصة اللى انتى حكتيها

حبيبتى النوعية ديه من الامهات هيه اللى بتدفع اولادها لأن يكونوا اما شخصيات عدائية
اما شخصيات منطوية و مكسورة و مغلوبة على امرها
لاحول ولا قوة الا بلله و الله الاهل همه اللى عاوزين يتربوا من اول وجديد
و الفروض الصراحة ان يكون فيه قانون يجرم تلك الافعال و السلوكيات

تحياتي ليكي
و اللى يعيش ياما يشوف
ديه علامة من علامات يوم القيامة
بكرة البنت ديه تكبر و تقتل امها زي ما بنسمع من قصص مالية صفحات الحوادث
الراجل اللى قتل ابوه و امه
و الاب اللى قتل اولادة

ربنا يلطف بينا يارب

blue-wave يقول...

هيا يعنى جت على كدا؟
ما احنا غلط فى كل حاجه
وعلشان كدا الأطفال بتتربى غلط وبتطلع على الغلط

موناليزا يقول...

يحضرنى الان عذا الحديث الشريف"كفى بالمرء إثماُ أن يضيع من يعول"

نـــــور يقول...

السلام عليكم
اولا كل سنه وحضرتك طيبه وعقبال 100 سنه فى بلوجر

وثانيا مش عارفه ازاى فى ام تعمل كده وان كان موجود من الصنف ده كتير اوى

وثالثا بحزن اوى اوى لما الاقى ناس لا تمت للاسلام بصله بيستخدموا سلوكيات ديننا على انها التحضر بعينه وهى اتقباس لاخلاقيات ديننا اللى احنا اساسا مش عارفين نعمل بيها واحنا اولى الناس بيها

وثالثا زى ما الكدب كدب ومافيهوش الوان كله حرام
هيبقى التعقيم الاجبارى مافيهوش استثناء وكله حرام
وساعه مالناس دى تخلف اولاد وماتعرفش تربيها
نعاقب الناس مش نمنع عنهم نعمه ربنا انعم عليهم بيها!!!
لانها هبه من الله وهو وحده اللى حقه ينزعها ممن وهبه اياها

اللهم عافينا يارب
تحيات لحرتك دايما يادكتور
وجزاكم الله خيرا

salma mohamed يقول...

حبيبتي الدكتورة نور:
بجد مش عارفة اقول ايه على الست دي ومش هقول الام دي لانها ما تستهلش تبقى ام,وماصنتش النعمة اللي ربنا اديهالها وغيرها مش لاقي ضفر عيل,
لكن ارجع واقول كلنا بنغلط,ومحدش عارف ايه الظروف اللي كانت جوه الست دي وقتها خلتها تعمل (الغلطة) دي,
ربنا يهديها ويهدينا.

حسن حنفى يقول...

للاسف دي مش حاله فرديه

ودي بتتكرر كتير اووي

ومعظم الاطفال دي بتطلع فيما بعد اقسي من ابائها او من امهاتها

للاسف الام مش تعرف ان الطفل ده اما يكبر مش هيقف جنبها بالعكس ده هيتمرد عليها وده اللي بيحصل غالبا

في مجتمعنا التربيه اعتقد محتاجه تظبيط كتير لان بقت اما رفاهيه مطلقه او قسوه واجحاف مطلق

تسنيم محمود حسين يقول...

السلام عليكم ورحمة الله وبركاته

هناك أمهات تحتاج الى التربية أولا قبل تربية أطفالها...ومثل هذه الأم وغيرها فإنه شئ نادر بل وشاذ فى مجتمعنا....
ولو علمت كل أم تربى بأنها هكذا تنزع ثقة ابنهااوابنتها بنفسهم والله لماجرأت ان تضربهم....ولاسيما أنهاتضرب ابنتها لأجل شئ لاعلاقة للبنت فيه....
هدانا الله وأرشدنا الى مافيه الخير....
وهدى الله الأمهات اللائى يظنون ان التربية بالضرب.....

والسلام عليكم ورحمة الله وبركاته

dodda يقول...

لا حول ولا قوه الا بالله

الوضع ده بنشوفه كتيييييير
اللى ميعرفش يعامل الطفل على انه طفل
ميخلفش احسن
دة نماذج بتورد للمجتمع مرضى نفسييين

د/عرفه يقول...

فعلا موقف محزن
وده سبب رئيسى أن العيال الصغيره بتطلع مهزوزه ومش واثقه فى نفسها
وفعلا مفيش أى مبرر يخلى أم تضرب بنتها بالمنظر ده أبدا

Gannah يقول...

السلام عليكم
ازيك يا دكتورة؟؟
المشهد ده بيتكرر كتير حتى بين المصريين اللى موجودين خارج مصر واللى المفروض الضغوط الاقتصادية اللى بنتهمها انها ورا العصبية والقسوة اللى بقت الناس فيها اخف
ومع ذلك ممكن تلاقى ام بتضرب طفلة صغيرة لا تتعدى 3 سنوات فى الشارع لسبب تافه جداا ناهيك عن الصوت العالى والزعيق بسبب ومن غير سبب
لو طبقنا القوانين اللى فى الخارج كتير من الاطفال لازم يبعدوا عن اسرهم
تخيلى كمان ان ده كان وانتى والممرضة موجودين امال لما بتكون فى البيت معاها وتغلط البنت زى اى طفلة هتعمل فيها ايه؟؟
وايه المستقبل اللى مستنى طفلة عاشت القسوة دى؟؟
صحيح الاسئلة كتيرة وكلها تحير
هى الناس بقت كده ليه؟
تحياتى

tarek alghnam يقول...

الاخن نور
اولا اشكرك على رائيك فى موضوع اطفال الشوارع
وجيت هنا عشان نكما الكلام
الزواج والطلاق
من اهم اسباب مانصل اليه
ولابد ان يكون هناك توعيه
ولابد لنا كمدونين ان نعمل شئ
ومن خلال مدونتك الراقيه بنادى بعمل حمله للمدونين بالتعريف بالزواج وكيف نختار ولماذا نصل الى الطلاق ورمى اولادنا فى الشوارع
تقبلى تحياتى
ودمتى بود

rovy يقول...

السلام عليكم
اختى نور و الله مش عارفه اقولك ايه حاجة توجع القلب فعلا فيه امهات و اباء ايضا لا يصلحون لأن يكونوا كذلك و لا يشعرون بالنعمه التى وهبها لهم الله سبحانه .. ربنا يهديهم و يرحم الاطفال من قسوتهم .. لأنهم بالتالى مع الاسف بيربوا جيل معقد و عنيف ليكبر و يصب عقده فيمن يستطيعون و لن تنتهى ابدا القسوه .. و حسبنا الله و نعم الوكيل

دمتى بكل ود و خير

تحياتى

شمس النهار يقول...

المشكله ان زي الام دي كتير جدا
لازم نشوف ايه الاسباب اللي ادت لوجود هذه النوعيه من الامهات
المشكله ان الامهات دول بيهدوا للمجتمع نوعيات غريبه من البشر
يعني طفله مريضه بيتعمل فيها كده من غير ذنب عايزين منها ايه بعد كده تكون سويه يعني
ربنا يلطف بينا

Kiara يقول...

والله انا شفت امهات بتقسوي اكتر من كدا وكنت ناويه انزل بوست عن دا بس كويس انك اتكلمتي عنه

انا شفت واحده بتجر بنتها في الشارع بشكل محدش ممكن يتخيله بجد الموضوع بيزيييييييييييييييد

EMMY BABY يقول...

بجد مبعتبرهمش اصلا امهات

ربنا يهديهم والله

وخاصة الموقف ده هى البنت مالها اصلا والله ربنا يشفيها فعلا

والحمد لله افراج عن ايمن نور

دمتى بكل ود

ايمى

Unknown يقول...

سبحان الله
اولا التربية الغلط
وعدم وجود حنان
القسوة
عدم حب الزوجين يجعل ردود افعال الاباء غريبة تجاة اولادهم لكنهم شواذ القاعدة

أحمد سعيد بسيوني يقول...

مبروووووووك يا نور

عقبال البقية وخاصة الشاطر واخوانه

عاشــــــ النقاب ـقــــة"نونو" يقول...

زي ام البنات ماقالت اوقات الانفعال بيغلبنا والواحد بيمسك نفسه اد ما يقدر خاثصة اني سمعت ان ضرب الطفل بياخد الواحد به ذنب
الواحد بيتعصب بس مش كدة
واقر واعترف اني لازم وحتما ولابد ابطل اي غضب وامسك نفسي على الاخر ويارب قويني ياااااااااارب
ربنا يبارك لك يارب
ويهدي الام دي

وفاء بركات يقول...

السلام عليكم ورحمة
الله وبركاته
الظاهر إن عند بعض الناس لم يعد أىشيئ غالي حاجه توجع القلب هناك من يتمني ظفر عيل وهناك أيضا من لايحفظون علي نعمة البنون .. والله العظيم سمعت يوما واحده بتدعي ربنا أن يرزقها ولو بقرد بس يقول لها ياماما لدرجة فزعها عند ما من الله عليها بالحمل من أن الله يستجيب لدعائها فكانت تبكي الي الله بألا يستجيب ويرزقها بطفل جميل ..
بوست يدرس لأمهات من مختلف الثقافات
ويستخدم فيه الصوره كوسيلة إيضاح
دائما لماحه ومبدعه ..

jonoon 3aqel يقول...

قصة توجع صراحه..

تحياتي

مذكرات مشاغب يقول...

مش عارف موضوع محير
امال ليه الحكومه كانت رافضه في الاول
على الرغم ان حالته الصحيه متغيرتش ولا حاجه
يا ترى كان عناد مع الاداره الامريكيه السابقه عشان موضوع المعونه
وقالت لما تفتح صفحه جديده مع الاداره الجديده
خاصة ان ابو الغيط كان في امريكا من يومين
بتهيالي كده

المهم دي حاجه كويسه


تحياتي

maxbeta3zaman يقول...

مؤكد أن انفعال الأم على بنتها جاء تفريغا لضيق وتعب من مشوار مضنى ..لأن الأم فى حالتها العادية لا يمكن أن تكون كذلك ...إلا إذا كان بها خلل نفسى أو خلقى ..هنا يصدق كل ما قلت عن استحقاقها للمراجعة فى أهليتها للعناية بابنتها ...لا نزع الله رحمة ولا صبرا من قلب أم ...أى أم

Heba Sayed يقول...

انا زعلانة كل مرة هكون اخر تعليق


مفيش مرة الحق كده


عموما البوست جميل وحقيقى فعلا الضنا غالى وساعات الواحد بيأسى على نفسه كتير جدا عشان ابنه

والرفق واجب ولازم لاننا كلنا آدميين

بوست رائع نور

دمتى بخير

محمد مارو يقول...

يا رب يخرج و يبطل استعداء الامن ع الفاضى و المليان و يحاول يعمل حاجه للشعب الغلبان ده بقى

من غير عنـــوان يقول...

لو كان الفقر رجلا لقتلته...

اشتق الله سبحانه وتعالى اسم الرحم من الرحمه... وأنزل جزء من 99 من رحمته ...تعطف به الوحوش على صغيرها... ولكنه الفقر يا عزيزتي... والجهل...


أمنياتي

لاجئ الى متى يقول...

سمعت خبر مفاده ان اوبامااتصل بحسني
وعلى اثر الاتصال افرج عن ايمن نور
شو بدجي اقول غير حسبي الله ونعم الوكيل
ما اوسخنا ونكابر

Unknown يقول...

السلام عليكم ورحمة
الله تعالى وبركاته
الفقيرة الى الله تعالى
ام البنات
صح كلامك نحن نوجه غضبنا ومشاكلنا الى الاطفال بدون ذنب منهم نحملهم مالا طاقة ولا ذنب لهم فيه.لكن ارجع
واقولك :الغضب الغضب الغضب
لو نقدرنمسك اعصابنا فى تلك
اللحظات :كتير من مشاكلنا
ستُحل بل يمكن لم تكن لتوجد!
تحياتى لك ولمساهمتك وارائك
الراجحة والسديدة والتى
هى من واقع الخبرة
والتجربة

Unknown يقول...

السلام عليكم ورحمة
الله تعالى وبركاته
أيوشة
عارفة انا كنت زمان
بذاكر لاولاد اختى لما كانوا
كانوا صغيرين وصراحة كنت بأضربهم
ما اكدب عليكى :( لما بتذكر الحين ده
كتير بزعل من نفسى وبندم اوى على كده السن والخبرة لها عامل كبير فى تعاملنا مع الاطفال.ربنا ما يحرم طفل من امه
ولا ام من طفلها ويهدى الجميع.

Unknown يقول...

السلام عليكم ورحمة
الله تعالى وبركاته
romansy
يجى امتى وازاى التفاهم ده يارومنسى بس والست عندها 10عيال مابين رضيع
وزاحف وموأوأ:)الفقر والجهل للاسف
لهم دخل كبير بعدم التفاهم هذا

Unknown يقول...

السلام عليكم ورحمة
الله تعالى وبركاته
مصطفى ريان
ايوة بيشطر على اللى مايقدرش يدافع عن نفسه ويعمل فيها شجاع .للاسف استاذ مصطفى ناس (عايزيين الضرب)
مش اولادهم اللى يضربوا!!

Unknown يقول...

السلام عليكم ورحمة
الله تعالى وبركاته
mohamed ghalia
للاسف بيتكرر وبيطلع لنا
الاشخاص المشوهين نفسيا اللى
بعد كده بيطلعوا عقدهم على
اولادهم او تلامذهم او أى شخص
اضعف منهم ويقع تحت ايدهم.

Unknown يقول...

السلام عليكم ورحمة
الله تعالى وبركاته
Ola
وعليكم السلام يافندم
وده اللى قصدته فعلا من
الصور وخصوصاً الصورة
التانية وكيف انثى
التمساح وبمنتهى
الحنان ترتب
بيضها فى
عشها
وهى المفترسة !

Unknown يقول...

السلام عليكم ورحمة
الله تعالى وبركاته
أحوال الهوى
والهوى احوال
متعدش فى الامثلة
وفى رأيىّ ان انجاب طفل
بدون ان تكون جدير ماديا
ونفسيا بتربيته هو قسوة وقسوة
شديدة ايضاً.....
.........
كلمة على جنب كده:
ارجو ان تكون بخير
وان تكون استقر بك
المقام فى عملك هناك
بعد عودتك من الاجازة .
ايام وتعدى على خير وترجع
لبلدك وبيتك بالسلامة بأذن الله.

Unknown يقول...

السلام عليكم ورحمة
الله تعالى وبركاته
مذكرات مشاغب
رايى ان ده غير جدير
بتربيتهم او انجابهم
من الاساس خالص.
اما عن الفيلم فاسيب
I AM SAM
يقولك رايىّ ايه؟

Unknown يقول...

السلام عليكم ورحمة
الله تعالى وبركاته
وحى القلم(just a tear)
عارفة لو الحاجات اللى بيقلدوها دى حتتعمل بالاصول وبالصح ممكن تجيب نتيجة لكن وللاسف بنلاقى (مراكز الاحداث)اكبر مصدر لتصدير المشاكل وتعليمها فى بعض الاحيان.ربنا يهدى الجميع لما فيه خير اولادهم لانهم امانة فى رقبتهم.

Unknown يقول...

السلام عليكم ورحمة
الله تعالى وبركاته
iBRAHiM sAllAm
(حد كان قالكم تخلفونا ؟؟)
جملة بقت يظهر مقررة فى المناهج :)
لانى بسمعها من كل الابناء
والله ياباشمهندس
لكن كلمة شكراً ومتشكريين
يابابا وياماما دى بس بسمعها فى الافلام والمسلسلات وكتب التاريخ
والمطالعة الرشيدة فقط.

Unknown يقول...

السلام عليكم ورحمة
الله تعالى وبركاته
واحدة مفروسة
وللاسف فعلا الضرر بيحصل للاجيال
اللى بعدها واللى حتنقله لاولادها او تلاميذها او لجمهورها لو حتتعامل مع ناس مساكين يقعوا تحت ايدها فى مصلحة حكومية ولا حاجة.
وفعلا ربنا يلطف بينا وببلدنا من اجيال جديدة طالعة فى جو كله
شد وجذب شديديين.

Unknown يقول...

السلام عليكم ورحمة
الله تعالى وبركاته
blue -wave
وللاسف وللالم يادكتور عمرو
ربنا يلطف بينا ويرحمنا .

Unknown يقول...

السلام عليكم ورحمة
الله تعالى وبركاته
موناليزا
صدقتى حبيبتى
وصدق رسول الله
صلى الله عليه وسلم.

Unknown يقول...

السلام عليكم ورحمة
الله تعالى وبركاته
Habiba
وكل لحظة وانت بالف خير
ياحبيبة الحبايب كلهم .
للاسف من الام ده كتير
وضررها بعد كده بيقع
على المجتمع كله مش عليها
لوحدها.والله ياحبيبة اهى افكار
وتساؤلات ومناقشات وربنا يهدى الجميع
للى فيه الخير.

Unknown يقول...

السلام عليكم ورحمة
الله تعالى وبركاته
salma mohamed
(صون النعمة)فعلا لو يحس
كل اب وأم ان الاولاد نعمة من
الله سبحانه وتعالى يجب شكره عليها
بالحفاظ عليها (مش ضربها)ماكنتش فيه ام او اب يمد ايده على ابنه او بنته
وربنا يهدى الجميع يارب.

Unknown يقول...

السلام عليكم ورحمة
الله تعالى وبركاته
حسن حنفى
(في مجتمعنا التربيه اعتقد محتاجه تظبيط كتير لان بقت اما رفاهيه مطلقه او قسوه واجحاف مطلق)
ياحسن انا شاكّة فيك ياحسن :)
بجد كلامك وارائك اكبر بكتير من
السن اللى انت كاتبه:)
يارب تنجح ياحسن وتجيب
مجموع كبببببببببببببر
وتعمل حاجات حلوة
كتير لنفسك ولبلدك
ولاولادك بعد كده.

Unknown يقول...

السلام عليكم ورحمة
الله تعالى وبركاته
تسنيم حسين
عارفة اتفرجت السنه اللى فاتت
على فيلم امريكى اعتقدكان اسمه
(Children of babies)مش متاكده
اوى من الاسم لكن اللى فاكراه انه
بيحكى ازاى الام او الاب الغير ناضجين
نفسيا ممكن يؤذوا اطفالهم وكأنهم هم اللى محتاجين التربية والعناية.

Unknown يقول...

السلام عليكم ورحمة
الله تعالى وبركاته
dodda
وللاسف يادودو دول اللى بيخلفوا كتيررررر وزى ما قلتى بيوردوا
للمجتمع المرضى النفسيين
اللى بنشوفهم.

Unknown يقول...

السلام عليكم ورحمة
الله تعالى وبركاته
د/عرفة
والا لو كنت شفته كمان
وصوابعها الخمسة معلمين
على وش البنت مسكينة
شىء كان مؤلم ساعتها
صحيح:(

Unknown يقول...

السلام عليكم ورحمة
الله تعالى وبركاته
Gannah
وعليكم السلام يادكتورة
عارفة ما انساش منظر كنا فى لندن ساعتها فى المطعم بنت زى ماتقولى اتنرفزت اومش عايزة تاكل أو حاجة زى كده المهم بدأت فى العياط جامد
ومن سكات والله يادكتورة الاب (مش الام خلى بالك )خدها ووقف بها بره لحد لما سكتت خالص من غير ما يزعق او يعلى صوته او حتى يتنرفز على البنت لكن فهمها انها طول ما بتعيط مش حتقعد على الاكل او مش حتقعد معاهم.
بيجيبوا الاعصاب دى منين ؟مش عارفة!

Unknown يقول...

واسمحوا لىّ نكمل بكرة
إن شاء الله تعالى.

Unknown يقول...

السلام عليكم ورحمة
الله تعالى وبركاته
Tark Alghnam
الشكر لله ثم لحضرتك على موضوعك اللمؤلم الجميل وفعلا كلنا بتعترف ان(اطفال الشوارع واشباهم كثير )لكن ايه الحل ياأستاذ الحل بيكون بمنظومة من الجهود المجمعة والمرتبة مع بعض تحت قيادة سليمة مخلصة همها الحل للمشكلة مش
التصوير فى التليفزيون او الاحاديث للمجلات مثل ما نشوف احيانا فى بعض البرامج .مشاكلنا الاجتماعية صارت كثيرة استاذنا وربنا يرحمنا ويسامحنا.

Unknown يقول...

السلام عليكم ورحمة
الله تعالى وبركاته
rovy
اعرف (واحد)كان عامل درج فى دولابه للعصيان اللى بيضرب بيها اولاده !!!!
وقبل ما يضرب الولد يقوله روح هات العصاية اللى عايزتنضرب بيها !!!المهم انه لما كبر بقى اب صار
يعمل كده مع اولاده مع
اختلاف الظروف لكن
قصدى انه طلع
اللى اتعمل
فيه على
اولاده!!
وحسبى الله ونعم الوكيل
حسبى الله ونعم الوكيل
حسبى الله ونعم الوكيل

Unknown يقول...

السلام عليكم ورحمة
الله تعالى وبركاته
شمس النهار
وللاسف وللألم ياباشمهندسة
بيجيبوا للدنيا اطفال ضحايا
يجنوا على اولادهم بعد كده زى
ما حكيت لروفى من قبلك مباشرة
وهى (حكاية واقعية واعلم ابطالها)
كلهم .ربنا يحمنا يارب .

Unknown يقول...

السلام عليكم ورحمة
الله تعالى وبركاته
كيارا
اتفضلى!الطفلة(المجرورة)دى لما تكبر حتعمل ايه فى اولادها ولافراد اسرتها!
ربنا يرحمنا.

Unknown يقول...

السلام عليكم ورحمة
الله تعالى وبركاته
EMMY BABY
للأسف هن امهات !!
مفروض ان الام رحمة ورحوووووم
لكن تعملى ايه فى (اللى مش كده)
وربنا يهدى الجميع يارب.

Unknown يقول...

السلام عليكم ورحمة
الله تعالى وبركاته
نهر الحب
للاسف يانهر الحب (شواذ القاعدة)دول ساعات بياثروا على عدد واقدار اطفال وكبار ليس لهم ذنب الا ان
القدر وقعهم تحت ايديهم.

Unknown يقول...

السلام عليكم ورحمة
الله تعالى وبركاته
أحمد سعيد بسيونى
الله يبارك فيك يافندم
ويارب يسمع منك ويتحرر كل المحبوسين والاسارى من غير اثم ولا ذنب الا ان يقول ربى الله!

Unknown يقول...

السلام عليكم ورحمة
الله تعالى وبركاته
عاشقة النقاب"نونو"
ايوة لازم تمسكى اعصابك
الطفل مابيبقى فاهم انك
بتقسى عليه لمصلحته! لأ بيبقى
مش فاهم ومش شايف غير نرفزتك عليه
وبيبقى فى نفسه حيرة مايعلمها الا الله
ولسان حاله يقول:هو عملت حاجة لكل ده؟؟

Unknown يقول...

السلام عليكم ورحمة
الله تعالى وبركاته
أستاذة /وفاء
معانا زميلة منّ الله عليها بعد سنوات طوال بطفل (مختلف)ان كنتى تعرفين قصدى
ومع ذلك هى فى منتهى السعادة به وتقول(رزقنى الله بسبب اعيش له كل يوم وعايزةاعيش علشانه اطول مده ممكنة!)
ربنا يهدى ويرحم الجميع يارب.

Unknown يقول...

السلام عليكم ورحمة
الله تعالى وبركاته
May be Soon
سى لا فىّ!!
هى كده الدنيا!

Unknown يقول...

السلام عليكم ورحمة
الله تعالى وبركاته
مذكرات مشاغب
والله يامشاغب
البلد بلدهم!
وهم احرار يعملوا
اللى هم عايزينه
المهم (دى حاجة كويسة)
يااااااااااااااااارب
يعملوا حاجات كويسة
من دى كتير اوى اوى

Unknown يقول...

السلام عليكم ورحمة
الله تعالى وبركاته
maxbet3zaman
الام رحمة ورحووم وكل حاجة لكن برضة فيه شواذ للقاعدة زىما انت عارف
وكمن ومن رأيىّ يعنى (لو سمحت)مش ضرورى القسوة بالضرب لكن لمااجيب عيال وانا عاجزة ماديا عن الانفاق عليهم او تربيتهم يبقى قسوة ولا لأ؟
وشكراًياماكس بتاع زمان
وبكرة ودلوقتى كمان

Unknown يقول...

السلام عليكم ورحمة
الله تعالى وبركاته
Heba Sayed
لأ حبيبتى ماتزعليش
كتير شرفونا ونورونا
اهوه والكل من اول معلق او معلقة لاخر واحد وواجدة فى غلاوة واحدة
ماتقلقيش الكل غالى وعزيز.

Unknown يقول...

السلام عليكم ورحمة
الله تعالى وبركاته
محمد مارو
يارب يخرج كل المظلومين
مش بس فى مصر لكن فى العالم كله !
والشعب الغلبان ده له رب اسمه الكريم.

Unknown يقول...

السلام عليكم ورحمة
الله تعالى وبركاته
من غير عنوان
بفكر كتير ياباشمهندس
ايه السبب الاول :الفقر
ولا الجهل ؟مش قادرة احدد لانهم
فعلا متداخلى الاثار على الانسان جدا.

Unknown يقول...

السلام عليكم ورحمة
الله تعالى وبركاته
لاجىء الى متى
ياسيدى يارب يطلب كل الرؤساء بالعالم كله لاجل الابرياء اللى بالسجون يطلعوا
ماعنديش انا شخصيا مااااااااااااانع

Unknown يقول...

الحمدلله رب العالمين
والصلاةوالسلام على خاتم
الانبياءوالمرسلين سيدنا
محمد وآله وصحبه ومن
اهتدى بهداه الى
يوم الدين.

عمرو يقول...

العنف الموجه للطفل من قبل الأم او الأب أو المدرس هو فى رأيى المتواضع اٍسقاط منهم على الطفل بيعبر عن حالة الغضب و الكبت و التشوه النفسى المصاب به الكبار نتيجة عدة عوامل أدت بهم لمثل هذا السلوك المسخ
و فى حاله زى حالة الطفله اللى أنضربت بالقلم لأن الطبيب سافر فالبفعل يوجد فى القانون المصرى نص يجيز نزع حضانة الطفل اللى بيقع عليه عنف أسرى و يودع فى اٍحدى دور رعاية الأيتام أو ما شابه يعنى
و لكن فين اللى يبلغ الجهات الرسميه بمثل هذه الواقعه ؟؟ و فين اللى يتخذ خطوه اٍيجابيه ضد هذه الأم القاسيه اللى أتوقع كده أن ربنا حيحاسبها أشد الحساب و هو وحده علام الغيوب
و فين أصلا الجهه المنوط بها القيام بواجبها تجاه هذا الموقف ؟؟ و لا حول و لا قوة اٍلا بالله العلى العظيم

Unknown يقول...

السلام عليكم ورحمة
الله تعالى وبركاته
استاذ/عمرو
والله استاذنا المشكلة معقدة اوى فى نظرى فرضاً طبقنا القانون واخذنا الطفل هل بنضمن انه يكون بايدى فعلا امينة بالملاجىء ودور رعاية الاحداث والايتام وهو كل يوم بيظهر علينا اوبيظهر لنا فساد مابعده فساد فى
هذه الاماكن وتهاون كتير من المسئولين عنها .

أسما عواد يقول...

تعرفي
احنا بنتعامل مع الطفل على انه ملكية خاصة في العالم العربي
الفساد في وجود حكومة موش عارفة تحمي أطفالها
سيبك انت من اتفاقيات حقوق الطفل اللي الدولة ماضية عليها في الأمم المتحدة
كل دي قوانين غير ملزمة ولا عقوبة للدول على انتهاكها
حقوق الطفل دي قضية لازمة في رقابنا وضمائرنا البشرية
انت بتفتحي عليا الأوجاع وانا موش قادرة اتكلم في الموضوع ده من شدة شعوري بالقهر لما يعانيه الاطفال ومهما فعلت
مهما فعلت
أشعر بالتقصير والعجز امامهم
حتى لو كتبت لهم في المجلات
أو أنشأت لهم دور حضانة ومؤسسات خيرية
حتى لو كنت أبحث في حقوق الطفل بالريف المصري في الماجستير
كل هذا ولا زلت اشعر بالعجز
صدقيني ان اشعر باني آخذ منهم وحتى الآن لم أشعر بأني اعطيتهم بما يريح ضميري

Unknown يقول...

لسلام عليكم ورحمة
الله تعالى وبركاته
أسما عواد
كلامك كله صدق.الطفل ما هوش ملكية خاصة للابوين بالعكس تأثيره غن صلح
او فسد بياثرعلى المجتمع كله اكتر من على الاب او الام لكنى تقولى الكلام لمين؟ وفين ؟وأمتى ؟ فى الاحتفالات الرسمية وقت والصور والذى منه!!ربنا يرحمنا والله دكتورة اسما ومثل ما قلت للاستاذ عمرو قبل منك الواحد مش لاقى لها حل !