السبت، أغسطس 23، 2008

الى متى......



استقال برويز مشرف
وكالعادة نزلت المظاهرات للشوارع
وبدأ الطبل والزمر والرقص فى كل مكان
لكن السؤال :الى متى يطول هذا الفرح حتى يتسلط

برويز اخر وتبدأالمظاهرات والاضطربات مرة اخرى والمطالبة بالاستقالة؟
فيما أعتقد الوقت ليس بطويل حتى نرى السيناريو هذا يتكرر مرة اخرى...
طالما أن من جاء او من ذهب ليس واحدآ منهم وحتى إن كان فلا يستمر واحدآ منهم

بعد توليه السلطة وتركيز مقاليد الامور فى يده هو وحده
لا رقيب ولا حسيب الا الخوف من الله وحده وضميره
وهذا زمان اخرلاينفع فيه هذا
مضى زمن الانبياء
والخلفاء الراشدين
****باكستان مثلا ضربته

ولا اقصدها وحدها
فهى مثال لما
اريد أن اقول,
وصدق من قال
إن الله ليدع بالسلطان
مالا يدع بالقرآن
ولا حول ولا قوة الا
بالله العلىّ العظيم

احتراماتى ودعواتى
للجميع بالرشاد.

هناك 30 تعليقًا:

مها يقول...

الحبيبة نوراهاتى
عندك ألف حق.. فدائماً ما تجبرنا مجريات الأمور لترديد الجملة المأثورة :
ما أشبه الليلة بالبارحة
فالأحداث تتكرر .. والوجوه تتكرر.. والثابت أن لا شيئ يتغير



مع كل حبى

momken يقول...

انا جاى اعيد عليكى

واقولك كل سنه وانتى طيبه

طبعا عندك حق منتفق معاكى

نحن الشرقيون ندخل اعتى المعارك بكل ما اوتى العربى من مهاره الخطابه

وننتصر فقط بالناى والربابه

تحياتى

هانى زينهم يقول...

من غير تجريح خلى حالنا صعبان عليكى لانه مش هيتغير احنا كدة وهنفضل كدة فى باكستان ومصر والسعودية وكل الدول العربية لان الله اذا غضب على قوم سلط عليهم حكامهم وتحياتى لاهتمامك وكل سنة وانت طيبة بالشهر الكريم

كاتب مصري يقول...

ياااااااه وحشتني المدونة دي جدا والله
بحاول أدخلها كتير جدا بس مش بعرف بيقولي لا يمكن الوصول أو المدونة المطلوبة عير موجودة
مش عارف ليه والله شعلانة كنت كسبتك قارئة لمدونتي بس شكلك قلتي مبيجليش أروحلو أنا ليه مع اني بحاول كتير بس ربنا يشهد مش بعرف كل فين وفين لما تفتح معايا
كل ودي

عايزه اتطلق و يقول...

مالنا ومال باكستان بقه اليى بيته من قزاز ميحدفش باكستان بالطوب وبعدين احنا كده امه عربيه او امه مسلمه...فعادى يعنى وعادى قوى كمان..

Amgad يقول...

عقبال عندنا يا دكتورة
بس للعلم هوو مستقالش بمزاجه
هو استقال لما لقي انو سيتم عزلة
غصب عنه قال تيجي من عندي
يارب يا ستي تحصل حاجه
زي دي عندنا
وقتها مش هيصعب علينا حالك
خالص تقديري

محمد يقول...

من أعمالهم يسلط عليهم
وهل تنضح خلية النحل الا العسل
وهل تجدى فى بيت الافاعى الا السم
اولا كل سنه وانتى طيبه
ثانيا منتظر رأيك فى البلوج الى كتبته على مدونتى مشاعر وأفكار

http://kalamfekalamm.blogspot.com

norahaty يقول...

السلام عليكم ورحمة الله وبركاته
الغاليه مها
الايام والاحداث صارت نسخ متكررة فى حياتنا السياسية ياسبحان الله
وصدقتى ما أشبه الليلة بالبارحة
تحياتى لموجز كلامك الوافى(اوى)

norahaty يقول...

السلام عليكم ورحمة الله وبركاته
momken
وكل لحظة وانت بألف
خير وصحة وعافية
واسألك ايه اللى غيرنا كده
عن ايام صلاح الدين وقطز
ولا دى كانت صحوة مؤقته للامة
العربية والاسلامية(لن اذكر ايام الرسول صلى الله عليه وسلم والخلفاء من بعده حتى وصلنا الى عهد الرشيد)
وتحياتى

norahaty يقول...

السلام عليكم ورحمة الله وبركاته
أ.هانى زينهم
ليه بس يامستر ؟
داانت مفروض اكتر واحد تدينا الامل بأعتبار انك مربى اجيال وحتغرس فيهم الامل بأن بكرة احسن من النهاردة(وكلنا نرجو هذا بأذن الله تعالى)
وكل سنة وانت بالف خير وصحة وعافية

norahaty يقول...

السلام عليكم ورحمة الله وبركاته
حمدلله على السلامة ونورتنا اوى
وخطوة عزيزة كمان .اقولك حل خليها على المفضلة وبكده ممكن تجيبها على طول
وانا بأعترف لك هى مشكلة لكن ما أعرف ايه حلها ........ربنا يحلها من عنده
تحياتى للمرور والتعليق وكل سنه وانت طيب وبصحة وعافية.

norahaty يقول...

السلام عليكم ورحمة الله وبركاته
عايزة اتطلق
ياأستاذة محاسن ما انا قلت ان باكستان مجرد مثل لما يحدث فى عالمنا العربى والشرق للاسف الشديد طول ما بآله الحاكم بمجرد تنصيبه للحكم ويبقى الاله(استغفر لله العظيم من كل ذنب واتوب اليه)ماشى على قدمين !!!!
تحياتى واحتراماتى ليكى .

norahaty يقول...

السلام عليكم ورحمة الله وبركاته
Amgad
تعرف ياباشمهندس ساعات بخاف أن هذا يحدث عندنا برضه الهرجلة والغوغائية ماهى كويسه وبيروح فيها الناس الغلابة اكتر من الظلمة(بياخدوا نفسهم ويطلعوا على بره والبركة فى الحسابات السرية و الجنسيات المزدوجة السريه برضه) .وزى ماقلت هو استقال خوفآ من المساءلة لكن واحد تانى حيجى ويكرر المسألة........صدقنى متكررررررررات

norahaty يقول...

محمد
السلام عليكم ورحمة الله وبركاته
كل سنة وانت بالف خير وصحة وعافيه
عارف فكرتنى برأى للكاتب بهاء طاهر كان يتساءل عن تفسير ان احنا يامصريين ليه عصورنا الذهبية كانت فقط ونحن تحت حكم الحديد النار من امثال (الحكم الفرعونى او الدولة العثمانية)وان لما بناخد مساحة من الحرية فى التعبير والكلام حالنا الاجتماعى والاقتصادى بيتقهقر!!!!!!!

ذو الوجه المبتسم يقول...

بشعور ملؤه الحب
اجمل التهانى
بحلول شهر رمضان المبارك
كل عام وانت بخير
تحياتى

الطائر الحزين يقول...

هل من اعمالنا سلط علينا

أم اننا نحتاج الى الراية لنسير خلفها

هانى زينهم يقول...

الاخت الفاضلة نورهاتى:أولا انا باشكرك على مرورك الكريم بمدونتى الناشئة.. وثانياانا باعتقد ان فى مفردات بتختفى من حياتنا بتقدم العمر زى الامل.. والرغبة فى التغيير.. تحقيق الذات.. وبتحل مكانها مفردات اخرى زى الرضا بالواقع.. والقسمة والنصيب ..وربنا عايز كدة.. احنا هنكفر.. وهكذا...وبعدين وبحكم المهنة الاجيال اللى جاية مش بتاعة امل ولا عمر.. يا دوب دول يلحقوا تذكرة فى حفلة لتامر حسنى وتبقى كدة جبرت واتعشت كمان . مش كدة ولا ايه؟!! صباح الفل

كاتب مصري يقول...

كل ودي لك سيدتي
شاكر لك مرورك وتعليقك الذي انتظرته طويلا أتمنى أن لا تغيبي عني
ودمتي بخير
رمضام كريم

canary يقول...

هو انتى متعرفيش ليه بيسمو الشعوب غوغاء؟ بسبب نوعيه تصرفات زى دى
اعتقد فى المثال عن باكستان ان برويز مشرف لما جه نفس الناس اللى بترقص دى هى هى اللى كانت بترقصله وتهتفله لما جه وهيهتفو لغيرة لما يجيى وبرضه هيغنو فى الشوارع لما يسقط .
(أن الله لا يغير ما بقوم حتى يغيرو ما بأنفسهم) تقبلى مرورى
تحياتى

Angel يقول...

كل رمضان و أرواحكم البيضاء بخير
اللهم أجعل في قلوبنا نوراً يضيء ظلمة الليالي برضاك عنّا ,
و أجعل في أجسادنا هِمَمٌ تحتوينا فترتقي بنا نحو عفوك ” آمين ”

كل سنة وحضرتك طيبة
أختك في الله
Angel

الفارس الملثم يقول...

ازيك يا دكتوره , عامله ايه , اتمني تكوني في خير حال

طبعا كلامك صح , احيانا بتكون المشكله مش انا طاغيه راح لان ممكن يكون الجاي طاغيه اسوأ برده , لكن يجب ان القانون والشريعات تحد من سلطةالحاكم , فالسلطه المطلقه مفسده مطلقه ...

طبعا رغم كده فكونهم تمكنوا من ازاحة مشرف من الحكم ده شئ ايجابي جدا , ياريت حتي نقدر نكون عندنا نفس القدره في عالمنا العربي ..

تحياتي وتقديري

norahaty يقول...

السلام عليكم ورحمة الله وبركاته
ذو الوجه المبتسم
(يارب دايمآ)
وكل عام والناس كلهم
طيبن وصحة وخير وسلام
تشكراتى وتحياتى

norahaty يقول...

السلام عليكم ورحمة الله وبركاته
الطائر الحزين
أعتقد نحن نحتاج الاثنين
نصلح انفسنا وذات بيننا
ورايه وقائد امين ومخلص نمضى معه
لما فيه خير البلاد والعباد
تحياتى واحتراماتى

norahaty يقول...

السلام عليكم ورحمة الله وبركاته
أ.هانى زينهم
اولآ: بلاش الاخت (الفاضلة) دى بتفكرنى بالسيدة الفاضلة .....ربنا يجعل كلامنا خفيف عليهم!!!!!!!!!
ثانيآ :انا الاسعد يافندم وبشكرك على رد الزيارة والشكر كمان عليها
ثالثآ:ايوة فيه مفردات بتختفى من حياتنا لكن حاجات تانية بتجى بتقدم العمر :مفيش امتحانات (مشكلةةةةةةةة)
مفيش :انتظار النتيجة(مشكلةةةةةةةةة)
والرضا بالواقع (يعنى فى رأيى نعمةةةةة)
وبأعترف لك بمشكلة الاجيال اللى جايه(حاسه بيها جدآ مع اولاد وبنات واحفاد اخواتى كمان ...حاجة تانيه خالص غيرنا وغير اللى بعدنا كمان بس ارجع اقولك مش هم اللى عملوا نفسهم كده :
احناعلينا جزء
المجتمع عليه حزء
وحكم التقدم (للخلف احيانآ )جزء
منظومة متكاملة من الاسباب لو بدأت التكلم فيها ما حنخلص ولا حنتفق ....
وصباحنا ابيض ان شاء الله تعالى

norahaty يقول...

السلام عليكم ورحمة الله وبركاته
كاتب مصرى
الشكر لله تعالى
ومعرفة فى الخير
إن شاء الله.

norahaty يقول...

السلام عليكم ورحمة الله وبركاته
canary
يحضرنى كلمة (المجاميع ليس لها عقل)بمعنى انها تُقاد ولا تفكر فإن قيض الله لها من يقودها الى الصواب فنعم وحمدآلله
وإن لا ترى ما ترين من تدمير وتخريب للاماكن والممتلكات (بغير عقل ولا تفكير)
وشاكرة المرور والتعليق الواعى المفيد

norahaty يقول...

السلام عليكم ورحمة الله وبركاته
angel
)كل رمضان و أرواحكم البيضاء بخير
اللهم أجعل في قلوبنا نوراً يضيء ظلمة الليالي برضاك عنّا ,
و أجعل في أجسادنا هِمَمٌ تحتوينا فترتقي بنا نحو عفوك ” آمين ”(
اللهم امين لكل دعواتك الطيبة للاسلام والمسلمين اجمعين يارب العالمين
وكل لحظة وانت طيبة وسعيدة بزيارتك
(يا أنجل)وفرحانة بتعليقك.

norahaty يقول...

السلام عليكم ورحمة الله وبركاته
محمد الفارس الملثم
الحمد لله رب العالمين فى احسن حال والحمد لله وشكرآ لسؤالك يامحمد.
عارف يامحمد المثل البلدى (قالوا ايه يافرعون اللى فرعنك قال مالقيتش اللى ردنى )فعلا احنا مش متعوديين على المناقشة والاخد والعطا بيبدأ من الاسرة الطفل يتربى على سماع الكلام واطاعة الاوامر فى البيت والمدرسة(واسكت ياولد انت !!!)
واقولك زى اللى قال برويز ما مشى برضاه ابدآ لكن تجنب للاقالة ومين يعرف بكرة فيه ايه؟
تحياتى لك انت
على المرور والتعليق
يامحمد ياصاحبى.

حكومتى ملاك يقول...

السلام عليكم ,
لا بد أن تكون القضية اكبر من استقالة الحاكم الفاسدأو بقائه المهم عندنا وما يجب ان نسعى له هة الديموقراطية
ان تطبق الحرية ان يختار الناس من يمثلهم وعندها نصل للاصلاح المطلوب
ولا ايه ؟


عمار صبرى

norahaty يقول...

السلام عليكم ورحمة الله وبركاته
حكومتى ملاك
تطبيق الحرية واختيار الناس لمن يمثلهم كل ده كويس لكن مشكلتنا (المتابعة )بمعنى المحاسبة المستمرة للحاكم ويقال له ده صح,وده غلط هذا لا يجىء بين يوم وليلة هذا يتعلمه الانسان من اول حياته فى البيت الديمقراطية تبدأمن البيت.....هذا رايىّّ..فما هو رأيك؟