الأحد، سبتمبر 14، 2008

شعر فىّ انا ....... يادى الهنا يادى الهنا



لو تسمحولى المرة دى التدوينة خااااااااااااااااااااااااااااااااااااااااااااااصة شوية

ماهو مش كل يوم بيتقال فىّ شعر ....يعنى..... يعنى ..وايه شعر جميل كمان
وآهى الحكاية من اولها


الصديق العزيزالاستاذ مصطفى عبد المنعم بدر صاحب مدونة مع اصرارى

اتحفنا بموضوع جميل عن طبيعة العلاقات الانسانية وتشابكها
وتشعبها فيما بينها
ثم سكت وسكت وسكت
حتى طال علينا غيابه واستوحشناه كثيرآ

فارسلت له اساله عن الغياب
قائلة:
السلام عليكم ورحمة الله وبركاته
مع اصرارى
وعزمى وتصميمى

اين الجديد؟
نعلم رمضان والصيام
وصلاةالقيام وقراءة القرآن

لكنى ايضآ اسألك :)
(تلامة بقى!!)
اين الجديد؟
كل سنة وانت
والاسرة الكريمة
بألف الف خير
.
فلم يرضه منى هذا
وبسرعة رد على برد عقد لسانى
من الفرحة والدهشة

شعرآ فىّ انا
واعوذ بالله من قول انا
فجزاه الله خير الجزاء على ما أدخله
علىّ من السرور لفعله هذا
قال ايه ياسيدى بقى:


نورآهاتى
آلمنى كثيرا ما بين القوسين
ولو كان من غيرك لآلمته
فلا تؤلمينى
بل أنت نور خافت
مبهج إشراقه
مفرح اطلاله
وقور فى جوهره
بهى فى مظهره
ما علمناه منه كفانا
وما خفى كان أجمل
بهية نقية تقية
ذاكرة مذكِّرة غنية
عفيفة مطهرة قوية
وقد زادت علومى عنك علما
بكونك للأخلاّء وفية
ولا أملك لعمرك غير أملا
من الرحمن أن تبقى هنية
ويرضينى سرورا وابتهاجا
قبولك من فقير ها التحية

سلام الله دوما يحتويكى
ورحمته وبركات عليه
*********
فماذا يمكن أن اقول بعد هذا الا
شكرآ لله على مارزقنى من نعمة شكره
وكل نعمه وكمااااااااااااااان

أصدقااااااء أوفياااااااااااء
من أمثااااااااااااااال
الاستاذ مصطفى عبد المنعم بدر

حياه الله
وجزاه احسن
الجزاء

هناك 42 تعليقًا:

مدرسة سوادة الاعدادية المشتركة يقول...

بجد يا دكتوره الاستاذ/ مصطفى عنده حق
و كلامه صادق
انتي تستاهلي كل خير بجد
ربنا يكرمك و يوفقك

الفارس الملثم يقول...

ايه يا دكتوره بيكتب فيكي شعر من وراناممممممممممممممم

انتي طبعا يا دكتوره شخصيه جميله اوي واي شعر مش ممكن يوفيكي حقكك, ربنا يديم عليكي حب الناس

تحياتي وتقديري

محمد

!!! عارفة ... مش عارف ليه يقول...

اعتقد أنك تستحقين هذا وأكثر

تحياتي
وكل عام وانت بخير
وليد

هانى زينهم يقول...

هو راجل جميل زى شعره وانت تستاهلى اكتر من كدة يا دكتور . بس عشان الفطار قرب وانا هنجت وعايز اتطفى واشتغل من جديد!! رمضان كريييييييييم.

عدنان أحمد يقول...

السلام عليكم

ازيك يا نورا اخبارك ايه ؟؟

طبعا كلامه جميل ما شاء الله
و الشئ اللي زاد الكلام الحلو ده جمالا
انك فعلا تستحقيه

ادام الله سعادة قلبك
و جزاه الله خيرا
و كل سنة و انتما بألف خير

حواء يقول...

يا بختك ..

Unknown يقول...

السلام عليكم ورحمة الله وبركاته
مستر محمد سلامة
بجد! بجد! بجد! بجد!
يعنى بجد انت شايف كده؟
خلاص بدال انت شايف كده!!
متشكرة لذوقك وتعليقك وكلامك
وربنا يكرمنا جميعآ بإذنه تعالى

Unknown يقول...

السلام عليكم ورحمة الله وبركاته
محمد الفارس الملثم
اه شفت الاملة اللى انا فيه!!!
لكن اعمل ايه فى الناس اللى عندها
نظر وذوق وادب ومفهومية وفطنة!!
ومتشكرين كلامك الحلو ده (كان فين من الاول مش كنت لحقت قلته لكن ملحوقة!!)
على العموم متشكرين ذوقك وادبك الجميل
يامحمد
ياصاحبى

Unknown يقول...

السلام عليكم ورحمة الله وبركاته
عارفة ...مش عارفة ليه!!!
شكرآ لحسن اعتقادك يافندم
وربنا يجعلنا دايمآ عن حسن الاعتقاد
وكل سنة وانت بألف خير
وتشكراتى ودعواتى

Unknown يقول...

السلام عليكم ورحمة اللله وبركاته
أ.هانى زينهم
فعلا أ. مصطفى بدر انسان جميل وشعره كذلك (كله نظر مش كده).شكرآ مستر هانى لاعتقادك هذا وزى ما قلت ربنا يجعلنى عند حسن الاعتقاد
وربنا ما يجبلك
تهنيج ابدآ
دايمآ كده
اون لاين
الله اكرم

Unknown يقول...

بسم الله الرحمن الرحيم
اسير حبيبته
حرر الله اسرآنا جميعاً
عاش من شافك ياعدنان
الف حمدلله على السلامة
لعلها عودة دائمة
إن شاء الله
وشكرآ ياعدنان
على ذوقك وكلامك
مش غريب عليك فأنت
صاحب الشعرالجميل
والادب الجم
وكل لحظة وانت
بألف خير

Unknown يقول...

السلام عليكم ورحمة الله وبركاته
حواء
شكرآ

ahmed_k يقول...

أختي الكريمه نوراهاتي
قد تكون تلك اولى مداخلاتي في مدونتك
الكريمه
ولكني كنت ألاحظ تعليقاتك عند أخي
وصديقي مصطفى مع إصراري
وكنت أتلمس في كلماتك
عقلا راجحا
وأفقا مستنيرا
ودينا متأصلا
وعندما رأيت كلمات مصطفى ردا على سؤالك
أصبح الحافز أكبر لورود حوض مدونتكم
والتعرف من قرب على شخصكم
ووجدت ما كتبتيه اليوم
وأقول
لقد عودنا مصطفى على عذب الكلمات
و أدب الردود والحوارات
فهذا ليس غريبا عنه
وأعلم أنه صادق فلولا جمال أخلاق وروح
توافرت فيكي ما كتب ما كتب

فتقبليني أختي الكريمه زائرا وضيفا
ينهل من نهر مدونتكم دوما إلى ما شاء الله

وتقبلي مني خالص تحياتي وتقديري

ahmed_k يقول...

أختي الكريمه عذرا
لقد نسيت شيئا كنت أحب أن أنوه
عنه في مداخلتي السابقه
وهي ما ختم به مصطفى كلماته
فأظن أنه يقصد (عليكي )وليس (عليه)
فتكون كالتالي

سلام الله دوما يحتويكي
ورحمته وبركاته عليكي


وشكرا لسعة صدركم

Unknown يقول...

السلام عليكم ورحمة الله وبركاته
ahmed_k
بداية هو شرف لىّ كبير أن تدعونى اُختك أستاذ احمد واهلا بك وسهلا فى اولى زياراتك ومداخلاتك هنا ولا اعلم ردآ يوفى حق الاستاذ مصطفى وحقك فى الشكر لكلامكم الرقيق ولكنى احاول فاقول ما يأتينى الان شكرآآآآآآآآآآآآآآآآآآآ
جزيلآآآآآآآآآآآآآآآآآآآآآآآآآآآآآ
لكمااااااااااااااااااااااااااااا
ومرة اخرى اهلا وسهلا بك ضيفآ كريمآ
عزيزآ مرحبآ بك فى كل وقت
وتقبل تحياتى واحتراماتى

Unknown يقول...

السلام عليكم ورحمة الله وبركاته
ahmed_k
شكرآ جزيلآ لاعتنائك بتصحيح الكلمة والمعلومة وهذا إن دل فيدل على الحرص على عمل (الصح )فى كل شىء
بارك الله لك وعليك.

مصري بالغربة يقول...

انا اول مرة ازور مدونتك

ولفيت لفة سريعة كده

لغاية ما وصلت لموضوع سرد حي

وبصراحة مدونة جميلة جدا وظاهر فيها مجهودك بشكل خطير جدا جدا

ارجو دوام النجاح والتوفيق

وانت فعلا تستاهلي مدونة شعر مش قصيدة

والى الامام دائما

مدرسة سوادة الاعدادية المشتركة يقول...

طبعاً بجد يا اطيب و ارق و احن دكتورة

Unknown يقول...

ماشاء الله عليكم
وربنا يديم الود فيه
تحياتى

Unknown يقول...

السلام عليكم ورحمة الله وبركاته
مصرى بالغربة
اهلآ وسهلآ بك لاول مرة ولمرات كتيييييير
قادمة إن شاء الله .بس يعنى انا مش عايزة اللفة السريعة دى وبس :لألألألأ انا عايزة الزيارات المتكرررررررررة
تشكراتى لكلامك الطيب وجزاك الله بكل الخير .
تحياتى واحتراماتى

Unknown يقول...

السلام عليكم ورحمة الله وبركاته
مستر محمد سلامة
الله يخليك يامستر
ويسعدك ويفرحك
وتنجح انت والمدرسين كلهم فى امتحانات الكادر بالغصب عن عين وزارة التربية والتعليم كلها وبالعند فيها كمان!!!
اه هو كده هه!!!!
احتراماتى

Unknown يقول...

السلام عليكم ورحمة الله وبركاته
نهر الحب
اللهم امين
يارب العالمين
واهلآ بكى فى اول زيارة
نورتينا نورتينا نورتينا

مها يقول...

لا فض فوك يا د. مصطفى
والله قلت اللى فى قلوبنا جميعاً

دكتورة نوراهاتى البهية النقية التقية.. هكذا نراها على البعد.. وهكذا سكنت فى القلوب..

Abu Shahin يقول...

انا صديق تدوينى جديد
وبالرغم من المواضيع القليلة اللى قريتهالك
لكن الظاهر فعلا ان الاستاذ مصطفى عنده حق

تحياتى

Unknown يقول...

السلام عليكم ورحمة الله وبركاته
الغالية مها
والله هذا على كثير
ولكنه ادبك الجم
واخلاقك العاليه
فشكرآ لله ان منحنى
اصدقاء اوفياء
مثلك ومثل
الاستاذ
مصطفى.

Unknown يقول...

السلام عليكم ورحمة الله وبركاته
abu shahin
مرحبآ بك فى
دنيانادنياالمدونات
وارجو ان اكون عند حسن الظن
تحياتى ودعواتى لمرورك وتعليقك

Mostafa Abdelmoneam Badr يقول...

إيه الحفلة الهايلة دى

أنا نادرا ما أشعر بمثل تلك السعادة

أنا نادرا ما باكون مش عارف أعبر

أنا هاكتب فيكى شعر كل يوم

لأنك تستاهلى

سلام يانور

مع أهم تحياتى
السلام عليكم ورحمة الله

Mostafa Abdelmoneam Badr يقول...

نور
Ahmed_k

من بعد اذنك يا دكتورة
اصل أحمد منور التدوينة دى وعاجبانى تعليقاته الحميمية.

وأشكره على محاولة تصحيح الخطأ
أنا فعلا أخطأت وهاء بدل تاء
وكان قصدى "علية" على أسم بنت خالى الكبيرة أبلة علية خريجة علوم زيى وأول كيميائية أعرفها فى حياتى.
وعلى اسم عمة أمى
بس ده مش موضوعنا
أنا قصدى بركات رفيعه القدر بقدر مانحها سبحانه وتعالى

تقبلا أسمى تحياتى
السلام عليكما ورحمة الله وبركاته العلية

TIMMY !! يقول...

ما شاء الله ...

ده انتي طلعتي مشهورة أهه :)

زي مصر بالضبط :) بيتقال فيكم شعر :)

أنا بصراحة لسه لم أتعرف عليكِ حتى أحكم ..

لكن بداية و الانطباع الأول بيقول إ، الشعر ده في محله :)

تحيتي

Amgad يقول...

دكتورة نور
ربنا يديم عليكي اصدقائك يا رب
ويخليكوا لبعض
وتظلي في تقدم ولمعان دائم يا رب
اسف علي غيابي بقالي مده ولكن انتي السبب
اقولك ازاي
لينك المدونة بتاعك مش بيتعمله تحديث يعني لما بينزل بوست جديد عندك مش بيبان عندي انو نزل
وده تقريبا لشيء في السيتنج حاولي تعرفي هو ايه
خالص تقديري وتحياتي وتقبلي اعتذاري

أ / أحمد عبد المنعم يقول...

بسم الله الرحمن الرحيم
أكثر ما يعجبنى فى هذه المدونات
هو التعبير عن المشاعر دونما زيف
ولماذا الزيف ؟
ولماذا المجاملة ؟
فكل فرد يكتب إلى صاحبه حسبما يراه
كما أن الغالبية العظمى من المدونين يتسمون بالأخلاق العالية والاحترام
اللهم أكثر من الخير بين خلائقك .
أسعدتنى تلك الزيارة
وأدعوك لزيارة مدونتى " أمــــى "
كما يسعدنى تعليقك عليها

بنات صاحبة الجلالة يقول...

حبيبة قلبي نورهاتي

انتي انسانة رائعة وتستحقي كل خير مش شعر وبس ربنا يحبب فيكي خلقه يارب واشوف اسمك دايما منور الاشاعر والدواوين

وحشتني جدا وعاملة اجرب في الماسك مفيش فايدة هههههههههههه

خالص تحياتي

Unknown يقول...

السلام عليكم ورحمة الله وبركاته
مع اصرارى
وعزمى وتصميمى
الحفلة دى انت السبب فيها
ياأستاذ مصطفى وبدعيلك يارب
دايمآ فى سعادة وفرح
(ادينا حينونا
من الفرح جانب )
متشكرة اوى جدآ خالص
لذوقك الرفيع وحسن الادب
تحياتى ودعواتى بدوام الرضا
من الله علينا جميعآ

Unknown يقول...

السلام عليكم ورحمة الله وبركاته
مع اصرارى
وعزمى وتصميمى
تشكراتى ياأفندم لك وللاستاذ
Ahmed_k
على التوضيح والتصحيح والتبيان
وكمان تشرفنا بكل من ذكرتهن فى توضيحك
حصل لنا عظيم الشرف ياأستاذ مصطفى
وشفت اهى غلطة املائية لكن عرفتنا بكل هؤلاء الاعزاء(رب ضارة نافعة)
مرة تانية تحياتى لك .

Unknown يقول...

السلام عليكم ورحمة الله وبركاته
TiMmY
اهلا وسهلا
بالهندزة!!
والمهندزيين!!
وايش اجى انا جنب مصر!!!!
لكن بس اعرف انت ليه حاطط علامة الابتسام جنب الكلام (ياترى ياهل ترى هو تريقة ولا يعنى يعنى ياعنى انبساط بس كده!!!
على العموم اتعرف على المدونة كويس وابقى قول لنا رايك ...ايه رأيك؟؟
تحياتى

Unknown يقول...

السلام عليكم ورحمة الله وبركاته
Amgad
اللهم امين يارب العالمين لكل دعواتك الطيباتولك مثلها واحسن يابشمهندس امجد إن شاء الله.
حكاية الريدر دى مشكله انا عارفة لكن مش عارفة الحل ايه؟ ادينا بنبحث ونسأل وربنا الموفق
المهم شكرآ للكلام الطيب ومنتظريين منك
مواضيع جديدة (تكسر الدنيا زى موضوع حمدى بلالاهذا)
وتشكراتى وتحياتى مرة تانية

Unknown يقول...

السلام عليكم ورحمة الله وبركاته
أحمد
زيارة اولى ميمونة بأذن الله تعالى
وانت اسعدتنى اكثر بكلامك الطيب هذا
وإن شاء الله حاضر
ازور مدونتك حالآ
لاجل ما يحصلنا
عظيم الشرف
تحياتى

Unknown يقول...

السلام عليكم ورحمة الله وبركاته
بنات وملكات صاحبة الجلالة
حبيبتى ريمو
كيفك حبيبتى
وكيف الاحوال معاكى
ارجو ان تكونى فى احسن حال
وييسر الله لكى كل امر عسير
كما قرأت انك كنت فى الزيارة لمستشفى
ابو الريش للاطفال جازاكى الله بالخير
ومتشكرة لكلامك الطيب
ارجو ان استحقه يارب
دعواتى لك وللوالدة
الغالية بتمام الشفاء
إن شاء الله رب العالمين

مصطفى محمود يقول...

احم احم

ازيك يا دكتورة

طبعا انا مش هزود كتير عن كلام الناس الحلوة اللي فوقي

بس سعيد جدا بالروح الحلوة اللي باينة بينكم ربنا يخليكم لبعض .

وليك حق طبعا لازم تفرحي بالشعر
مهو مش كل يوم من دا :))

كل سنة وانت طيبة

واديني بقول ومش مبجرحش اهو
ولا بجرح ؟!! هههه

سلام

Unknown يقول...

السلام عليكم ورحمة الله وبركاته
Teva
الحمد لله يافندم
كيفك انت باشمهندس؟
عساك بخير وصحةوعافية
الحمد لله ربنا يديم الود
ومايجبش لا زعل ولا جرح ولا جراح
وكل لحظة وانت بخير
يارب يارب يارب
(معلش قولى
حد قال فيك شعر
قبل كده؟مش يبقى
عندى حق بقى!!!)

وفاء بركات يقول...

السلام عليكم
الدكتور عبر عنامشاعرنا جميعانحوك فهي مظاهرة حب ياأختاه ففرحي من احبه الله احبب فيه خلقه....

Unknown يقول...

الف مليون شكر ياأستاذة وفاء
ده من ادبك وأخلاقك العالية والله
معلش ما شفت ان حضرتك علقتى الا النهاردة كنت بدور على حاجة
اسفين يافندم للتأخير وسماح
ياست الكل .:)