الأحد، سبتمبر 14، 2008

موائد الرحمن


موائد الرحمن فى رمضان
من دار الفطرة إلي خدمة الدليفري0
**********************
هى مقالة قرآتها
للاستاذ خالد المطعنى
فى جريدة الاهرام
ورايت أن انقلها هنا
للمنفعة والانتفاع
(مع بعض الاختصار
فيما لايضر بالمعنى العام)

موائد الرحمن تعبير وترجمة إيمانية علي التقرب إلي الله تعالي في شهر رمضان المبارك‏,‏ ذلكم الشهر الذي من تقرب فيه بخصلة من خصال الخير كان كمن أدي فريضة فيما سواه‏,‏ ومن أدي فيه فريضة كان كمن أدي سبعين فريضة فيما سواه‏.
‏ويرجح المؤرخون أن أول من فكر في اقامة موائد الرحمن هم المصريون‏,‏وذلك يرجع إلي العصر الفاطمي‏,‏ إذ يؤكد الدكتور عطية مصطفي الأستاذ بجامعة الأزهر أن الخليفة المعز لدين الله الفاطمي كان أول من أقام مائدة في رمضان يفطر عليها أهل جامع عمرو بن العاص وكان يخرج من قصره نحو‏1100‏ قدر من جميع أنواع الطعام توزع علي الفقراء‏,‏ ويري آخرون أن الأمير أحمد بن طولون مؤسس الدولة الطولونية في مصر هو أول من أقام إفطارا جماعيا استمر طوال الشهر الكريم‏,‏ وكان ذلك في السنة الرابعة لولايته‏,‏ .
‏وأضاف الدكتور عطية أن الفاطميين كانوا يعدون الموائد تحت اسم دار الفطرة وكانت تقام بطول‏175‏ مترا وعرض‏4‏ أمتار‏.‏وأشار إلي أنه سواء من بدأ موائد الرحمن الفاطميون أو أحمد بن طولون فإنه من المؤكد أنها فكرة وصناعة مصرية خالصة‏.‏يضيف‏:‏ تناقلت الأجيال بعد ذلك تلك الفكرة مصطبغة بصبغة كل عصر وزمن‏,‏ وتنوع تقديم تلك الموائد في الميادين العامة وافتراش قارعة الطرقات وساحات المساجد الكبري في مصر والأندية والمؤسسات الاجتماعية ويتباري الأغنياء والسياسيون وأصحاب المال والسلطات وأهل الفن في تقديم أفخم وألذ الأطعمة‏.

‏‏في الصعيد‏

‏وتختلف مظاهر تقديم موائد الرحمن في قري ومدن محافظات الصعيد‏,‏ يقول محمد حسين كرار الباحث في التراث الشعبي‏,‏ وهو من أبناء الصعيد ـ إن تقديم موائد الرحمن‏..‏ يتم طوال الشهر الكريم في الوجه القبلي بطريقة تختلف عن الوجه البحري‏:‏إذ تنتشر تلك الموائد علي مداخل ومخارج القري والمدن‏,‏ وعلي الطرق السريعة بحيث يتجمع حولها الكثير من الصائمين وأبناء السبيل‏.‏ ويقوم علي تلك الخدمة شباب القري الذين يقفون علي الطريق ويشيرون بأيديهم للسيارات ويعرضون عليهم الأفطار‏.‏بهاء الدين النقشبندي الباحث الإسلامي أكد أنه يتم أيضا تقديم موائد الرحمن في ساحات تخص أصحاب الطرق الصوفية مثل ساحة الشيخ تقادم السيد أحمد الليثي والشيخ الطيب بالأقصر‏.‏ وبعد أن يتناول الصائمون الإفطار يقومون لصلاتي العشاء والتراويح ويعقبها جلسات ذكر وتلاوة للقرآن والصلاة علي رسول الله صلي الله عليه وسلم الله عليه وسلم إلي وقت متأخر من الليل
فى النوبة
‏.‏يوضح الشيخ عبدالرحمن ركابي من أهالي النوبة أن أبناء النوبة يفطرون معا في الشوارع أحيانا‏,‏ ويقوم كل منزل بإعداد مائدة افطار للمنازل المجاورة له‏,‏ ويروي الأجداد حكايات عن رمضان أيام زمان‏,‏وكيف كانت الحياة النوبية وطقوسها.

شمال سيناء

ويوضح الأستاذ حسام شاهين عضو مجلس الشعب عن دائرة العريش
بشمال سيناء أن رمضان مع أهل البدو له مذاق خاص إذ تعد موائد الرحمن في الهواء الطلق وليس داخل الخيام‏,‏وتقدم أشهي المأكولات البدوية لجميع الأهل والقبائل والعشائر المختلفة‏.

‏وهكذا تدور موائد الرحمن دورتها مع الزمن صعودا وهبوطا مخترقة كل العصور والمناطق المتشعبة في مصر‏,‏ تتطور بتطور العصر‏,‏ حتي وصلت الآن إلي ما يسمي بـ خدمة الدليفري أي توصيل الوجبات لمنازل غير القادرين والأسر التي تتعفف عن السؤال وغيرهم من الفئات المحتاجة‏.

‏ومن مصر المحروسة وبلد الأزهر انطلقت موائد الرحمن لتصبح الضيف الكريم في كل مدن السعودية والإمارات وقطر وغيرها من الدول العربية‏,‏ ولكنها تظل صناعة مصرية خالصة‏.‏

هناك 38 تعليقًا:

Teva يقول...

هي دي كمان الفاطمين هما اللي عملوها ؟!!

كمان شوية هيقولونا ان الفوازير والكاميرا الخفية اختراع فاطمي هو كمان :))

مع انهم علموناعادات كتير مش كويسة في الاكل بس كويس انهم عملو حاجة حلوة أهو .

شكرا يا دكتورة على نقلك للمقالة :))

ويلا بقى اقيمي الافراح والليالي الملاح عشان دا اول تعليق ليا في مدونتكم المبجلة :))

سلام ,,,

bar2ash يقول...

السلام عليكم

هايل نقل الموضوع تستحقي كلنا نشكرك عليه

لكن عايز اقولك ان مصر دايما بخير وشعبها واهلها فيهم الخير احن واطيب شعب تحسي ان اي ست في الشارع ممكن تطبطبي عليها وتقوليلها يا خالتي ويا امي واي راجل كبير اقدر اقوله يا عمي

متلاقيهوش في اي دوله تانيه ولا في اي مكان تاني

وبمناسبة مائدة الرحمن
كنت مره راجع من القاهرة للمنصورة وقت الادان وفجأة لقيت واد راكب اوبل فيكترا بيضا راح جاي من علي اليمين زي الصاروخ واخد زاويه وشد فرامل اليد كنت فاكر اني بشوف فيلم
لقيت العربيه راحت لافه قدام بتاعتنا
والسواق اتجنن
لسه نازل السواق يزعقله لقاه واد جنتل كده وشيك نازل ومعاه كرتونه
عطي لكل واحد فينا كيس فيه سندوتشات وعصير وتمر وشيبس بجد كلنا دعيناله يومها

واللي عايز اقولهولك اني كنت فرحان بيه وكمان هقولك حديث فيما معناه
(لايزال الخير في وفي امتي الي يوم القيامة)

تحياتي يا اعز اخت

اخوكي

برقش

هانى زينهم يقول...

ازيك يا دكتور اخبارك ايه فى الصيام ده ؟؟
مش عارف ده تانى بوست ما يبقاش من كتابتك ومش عارف وجهة نظرك فى كدة ايه بس اكيد هى وجهة نظر تحترم يعنى بس انا باعتقد ان المدونات هى احنا يعنى افكارنا وانتاجنا وتجاربنا لان الكتب مالية الدنيا واللى عايز يقرا فى اى موضوع سهل قوى يلاقيه ممكن يعجبنى موضوع قريته اه انما اعلق عليه انا يعنى يبقى وجهة نظرى انا فى الموضوع ده واعتقد هى دى الغاية من التدوين والله اعلم . عموما بابقى سعيد بالمرور فى مدونتك ومستنى الجديد بتاعك انت وكفل سنة وانت طيبة

TiMmY يقول...

يا هلا بالدكتورة ..

ياااه
موائد رحمن ؟؟؟ فين المعلقة ؟؟؟ :)

شوية جد بقى ..

هي بجد ظاهرة حلوة جدا يعني ..

يعني أنا على الرغم من إني في مدينة صغيرة في الأقاليم -فلاحين يعني :) - إلا إن عندنا حوالي 3 موائد رحمن ..

بس ما أكلتش فيهم قبل كده :) سيب المعلقة يابني :)

بس بجد الواحد بيحس إن فيه ناس لسه بتعمل الخير .. و بترميه في "البُق" :)

و على فكرة أنا حاسس إن مصر بس اللي فيها الظاهرة دي .. أو على الأقل بالحجم ده ..

ربنا يحفظنا و يحفظ بلدنا ..

و ما تاخديش في بالك حكاية الابتسامات دي :)

.
.

أصلي لما ببقى قاعد على النت لازم أبقى "منشكح" :) علشان أعرف أرد على الناس .. و لو مش مبوط مش بعرف أرد على حد ..
معلش بقى .. استحملينا .. :) برضه :)

TiMmY يقول...

*رد* :



و عليكم السلام و رحمة الله و بركاته

أولا .. برضه :)

إنتي فعلا حطيتي تعليق بس في مدونتي التانية اللي أخفيتها لحج ما ألاقي حاجة أكتبها فيها ..
حتى بالأمارة الراجل البرتغالي كان أول واحد يعلق عندكِ :)

إنما ما علقتيش في المدونة دي

ثانيا
شكرا على التعليق على الاستايل

و بخصوص الخط أنا بحاول أكبره لكن بيدخل في بعضه ..
معلش .. استعملي النظارة و انتي هنا بقى و خلاص :)


ثالثا :
فعلا ..
فقد كان صلى الله عليه و سلم يدعو فيقول ((( الله إني أعوذ بك من أن أشرك بك شيئا أعلمه , و أستغفرك لما لا أعلمه )))

و ربنا يتوب علينا من الذنوب كبيرها و صغيرها ..

تحيتي

Beram ElMasry يقول...

ان كنت ممن يتذوقون الشعر العامى والزجل ، ارجو زيارة مدونتى والتفضل بالنقد والتعليق ، فالنقد كالنصح ، والدال على الخير كفاعله
كلنا نقدس مصر ، ولكن اليس من حقنا ان نغضب اذا ما انحرف المسار

الفارس الملثم يقول...

صباح الخير يا دكتوره , ان شاء الله تكوني في خير حال وصحه

رغم ان بعض اللي بيعموا الموائد دي بتكون علي سبيل المنظره الاجتماعيه , لكن حقيقي بشعر بسعاده بالغه مع انتشار تلك الموائد في كل مكان لانها بتؤكد ان حب فعل الخير موجود جوانا بس محتاج المحفز علي القيام به , ربنا يجزي القائمين علي تلك الموائد خير الجزاء طالما انهم يرجون وجه الله تعالي فحسب

نحياتي دائما

mahasen saber يقول...

ازيك يا نور آهاتى ...
ااقول لمين فينا انتى فين ..
وحشتينى جدا ولو انا غبت انتى متسأليش
ما كانش بوست وتعليق اليى بينا ده..
بيتهيألى المسأله اهم من كده بكتير..
حبيت اتطمن واتطمنت رمضان كريم..

مدحت محمد يقول...

جميل طريقة العرض والمادة ايضا


كل سنة وانتى طيبة

(احمد سكر ) يقول...

اختيار موفق يا دكتره

كعادتك فى انتقاء مواضيعك


دمتى بكل الود

احمد

norahaty يقول...

السلام عليكم ورحمة الله وبركاته
teva
الفاطميين كان لهم تأثير كبير فى مصر ماحدش يقدر ينكره بس سبحان الله لم يقدروا ان ينشروا المذهب الشيعى فيها
ابدآ(دماغنا ناشفة اوى انا عارفة)وحبنا للرسول ولسنته واهل بيته محدش يقدر ينكره.عادات الاكل دى بقى مشكوك فى امرها: مين السبب فيها تفتكر احنا ولا هم؟فيما اعتقد احنا مش هم.
اما الافراح فأحنا عاملينها من اول امبارح خلاص ....جالنا الخبر انك جاى
عملناها قبل ماتيجى ...احنا شاطرين!!

norahaty يقول...

السلام عليكم ورحمة الله وبركاته
bar2ash
جميل احساسك ده والله ياصيدلى المستقبل
بإذن الله..بلدنا وناسها فيهم الخير يادكتور ابراهيم بس هى الظروف الاقتصادية والاجتماعية الصعبة اللى يمكن بتغطى على حاجات كتير حلوة فينا
واقرب مثل اللى انت حكيته وكمان تدافع الناس للمساعدة فى حادث الدويقة
كل دى بتدل على خيرية طبيعتنا.
وشكرآ لك انت وتحياتى لكلامك الطيب

norahaty يقول...

السلام عليكم ورحمة الله وبركاته
أ.هانى زينهم
وجهة نظر لازم تحترم لكن كمان لما يبقى موضوع صحفى مقالة وخلاص لكن هنا انت وغيرك وغيرك حتعلقوا وكل يقول رأيه كده الموضوع بقى مجاله اوسع واكبر وانت تضيف لرأيى وكذلك انا ما بقى مجرد مقالة قرأتها ياأستاذ هانى ولا انت رأيك ايه؟
زى ما قلت وجهة نظر لابد وان تحترم ولابد من سماعها وتنفيذها كمان فى اقرب فرصة إن شاء الله
تسعدنا زيارتك دائمآ يامستر هانى
وكل لحظة وانت بألف خير .

norahaty يقول...

السلام عليكم ورحمة الله وبركاته
Timmy
ياهلا ياهندزة
اكيد لسه فيه ناس طيبين ما تخافش
(الخير فىّ وفى امتى الى يوم الدين)كما قال رسول الله صلى الله عليه وسلم .
طيب يعنى الحين انا اعرف انك(منشكح) طالما رديت على الموضوع...عفارم عفارم
وماتاخدش انت فى بالك انا مش بسهولة ازعل .وماحابب علينا تكون مبسوط انت والبشر كلهم (بس صعب شوية متهيألى؟)

norahaty يقول...

السلام عليكم ورحمة الله وبركاته
Timmy(كلاكيت تانى مرة)
اولآ ..المحكمة اتنورت
ثانيآ...لا شكر على واجب
تكبير الخط ساعات فعلا بيشبك
الكلام فى بعضه.
ثالثآ:امين امين امين

norahaty يقول...

السلام عليكم ورحمة الله وبركاته
عمنا بيرم المصرى
اهلا وسهلا بك فى عالم التدوين
لكن صراحة انا لى رأى فى حكاية الاعلان
عن نفسك بالطريقة دى يمكن زعل ناس منى قبل كده لكن هو رايى :معرفة الناس بك تأتى من مشاركتك عندهم بالنقاش وابداء الراى
فيما كتبوا ولو بالاستحسان او الهجاء مش بأكلاشية تضعه فى كل مكان يمكن ما حد يقرأه.
حأقولك زى الاستاذ احمد كمال صاحب مدونة رحايا العمروانا اعتز بكلامه كثيرآ :المدونة ليست جدارآ خاليآ يملأ بالاعلانات.
(كلمة على جنب:حافوتها المرة دى بس واخلى الاعلان!!!!)

norahaty يقول...

السلام عليكم ورحمة الله وبركاته
محمد الفارس الملثم
وصباح النور والخير لك يامحمد
والله يامحمد مهما كانت النية ففى ناس بتنظرها كل سنة(بتفرج عليهم فى ايام مباركة)وربنا يحاسب ويجازى كل انسان حسب نيته
جازاك الله كل الخير
يامحمد
ياصاحبى
وكل لحظة
وانت بألف
خير

norahaty يقول...

السلام عليكم ورحمة الله وبركاته
الاستاذة محاسن صابر
(ام عبد الرحمن العزيزة)
عندنا يألف مرحبآ
معلش احنا مقصريين
فى الزيارة اعترف بهذا
لكن انتى اهوه سبّاقة
بالخير دايمآ يارب
وكل لحظة وانت وعبد الرحمن
وكل احبابك بالف خير يارب
والله اعز واكرم
سلاماتى وتحياتى

norahaty يقول...

السلام عليكم ورحمة الله وبركاته
مدحت محمد
شكرآ لكلماتك
وجزاك الله بالخير
وكل لحظة
وانت
بألف
خير

norahaty يقول...

السلام عليكم ورحمة الله وبركاته
أحمد سكر
ابو التشلدرين
عندنا ياهلا ياهلا
وكعادتك انت قمة الذوق
فى اختيار الكلمات والتحايا
ادام الله عليك رضاه
ومتعك بالصحة
والعافية

نهر الحب يقول...

بصراحة عجبانى اوى الربط التاريخى اللى اننتى عاملاه وكمان اظاهر طابع كل مكان على المائدة
بجد حلو اوى البوست
جزاكى الله خيراا وكل عام وانتى بخير

Mohamed Dawod يقول...

والله يا دكتوره عادة موائد الرحمن دى عندنا تميز مش موجود فى بلاد العالم كلها حتى مش موجود فى المغرب العربى منشأ الفاطميين. الظاهر انها عاده نابعه من كرم وطيبة المصريين وحب اللمه والتجمع. المشكله ان فى ناس غلسه سمعت انهم بيحاولوا انهم يقننوا اقامة موائد الرحمن يعنى بمعنى اخر يزهقوا اللى بيعملوها لحد ما يبطلوها. ربنا ما يوفقهم ابدا.....خالص نحياتى وشكرا

Amgad يقول...

اولا ميرسي علي تصليح الريدر
اهو كده نعرف نجيلك علي طول
ثانيا فيه مشكلة في الفيديوهات اللي في الجنب عندك لمتصفحي الموزيلا مش عارف التيمبلات ضيق اوي
بس في الاكسبلورر الكلام واضح اما موزيلا فالفيديو مغطي علي الكلام
ثالثا انتي ليع عملتي اشراف علي التعليقات؟
ثالثا ميرسي اوي علي المقال
وربنا يديمها نعمه علي الغلابة ونعمة في الترابط
تحياتي

غير معرف يقول...

انا بحبك يا نور الاهات فى الله
فمحبش اننا نقصر فى بعض فى السؤال ..
ده كل الامر المهم بالنسبه ليا..
دمتى فى امان الله
ورمضان كريم عليكى وعلى كل من تحبين..

norahaty يقول...

السلام عليكم ورحمة الله وبركاته
نهر الحب
كل عام وانتى بالف خير
وجزاكى الله كل الخير على
جميل افعالك ودعواتك للخير
ومتشكرة لكلماتك الطيبة
ولو انى لم افعل الشىء الكثير
(مقالة الاستاذ:خالد المطعنى ممتازة)
مرة اخرى شكرآ كثيرآ للكلمات الطيبة.

بنات صاحبة الجلالة يقول...

حبتتي وصديقي الدكتورة الغالية

كعادتك بصراحة بيعجبني كل بوست ليكي بيكون وراه هدف معين مش مجرد بوست والسلام ومشاء الله الموضوع به كم كبير من المعلومات هايل بجد اكتر حاجة بتسعدني في رمضان اني بشوف موائد الرحمن بتزيد عن كل سنة بيتوافد عليها الغلابة والمحتاجين وبعض العمال الغلابة اللي ملهمش مكان ويدوب بيحصلوا علي جنيهات قليلة بعد يوم شاق وعمل اشق

جزاكي الله كل خير عن كل موضوع ياروح قلبي ووحشتني خالللللللص وعندي خبـــــــــر حلو هيفرحك باذن الله

سلام ياحبتتي

Beram ElMasry يقول...

سيدتى
شكرا على العرض الذكى للموضوع ولكن ودون غضب ، ابن طولون كان تركيا ولم تكن هذه الظاهرة موجودة فى زمن الولاة قبله فى عهد الخلفاء الراشين وطول الدولة الاموية وصدر الدولة العباسية ولا بعده زمن الاخشيد ، بمعنى ان الاجانب من الحكام ( وارجو ان لايلتبث الفهم على احد غيقول انى من انصار الملك )اقاموها من خير ارضنا للفقراء لكن حكامنا اكلو الخير وافسدوا الباقى

مع اصرارى يقول...

أنا جاى أسلم ع الدكاترة الشطار
موضوع جميل يا نور
والأجمل إنتى
علشان "بتغصصى" علينا لما بتقرى حاجة حلوة
وبتدى كل واحد حتة

كل سنة وانت طيبة
مع اعز التحيات
السلام عليكم ورحمة الله

norahaty يقول...

السلام عليكم ورحمة الله وبركاته
Mohamed Dawod
هى عادة جميلة بما لاشك فيه وكون انها تنسب الى الفاطمين او المصريين فى البدء فهذا شرف عظيم لنا نرجو المحافظة عليه
واستمراره وربنا يكفينا شر(ناس غلسه سمعت انهم بيحاولوا انهم يقننوا اقامة موائد الرحمن يعنى بمعنى اخر يزهقوا اللى بيعملوها لحد ما يبطلوها. ربنا ما يوفقهم ابدا)امين يارب العالمين
لكل دعواتك الطيبات .
وتشكراتى للتعليق والمرور.

norahaty يقول...

لسلام عليكم ورحمة الله وبركاته
Amgad
اولا :مش لىّ لكن للى صلح الريدر هو انسان لو اقعد اشكره 55 ثانية لألألأ قصدى 55 سنة مش حأوفيه حقه من الشكر
ثانيآ مشكلة الفيديوهات دى حابقى اشوف لها حل بأذن الله ياباش مهندس
ثالثآ:علمت الاشراف علشان(...)بس كده!
رابعآ (أو ثالثآ مكرر)العفو يافندم الحمد لله انه عجبك ويسمع منك ربنا ويديم علنا نعمه ظاهرة وباطنة.

norahaty يقول...

السلام عليكم ورحمة الله وبركاته
الغير معرف
ادام الله علينا جميعآ حبنا فى الله
وكل عام والمسلمين جميعآ بخير يارب

norahaty يقول...

السلام عليكم ورحمة الله وبركاته
بنات وملكات صاحبة الجلالة
حبيبتى ريمو
يارب يزيد الخير فى كل بلدنا ويصلح شأن الناس جميعآويحببهم فى عمل الخير كمان وكمان.وشكرآ لكلامك (العسل)
وانا فى انتظار الاخبار الحلوة (خير ياترى ياهل ترى ؟؟ايه اللى كان واللى جرى؟؟)
دعواتى وتشكراتى

norahaty يقول...

السلام عليكم ورحمة الله وبركاته
Beram ElMasry
افهم كلامك ومقصدك ومعك فيه ومن نتغنى بامجادهم فى تاريخنا من امثال صلاح الدين وقطز وحتى محمد على (المغبون حقه فى كتب التاريخ المكتوبة على مزاج حفنة من الناس غيروا ى التاريخ) اقول كل هؤلاء لم يكن فيهم واحدآ عربيآ ولكنهم كانوا جميعآ مسلمين يربطهم الاسلام بعمل الخير للرعية من بنى البلد
اما الان فأنت ترى وتعلم بما يحدث...
تحياتى للمرور والتعليق هذه المرة
وشكرآآآآآآآآ جزيلآآآآآآآآآآآآ

norahaty يقول...

السلام عليكم ورحمة الله وبركاته
مع اصرارى
وعزم وتصميمى
الاستاذ مصطفى بدر
عندنا يامرحبا يامرحبا
الله يخليك ويكرمك ويسعدك
(ياسى الاستاذ) جزاء
هذا الكلام الجميل
وكل لحظة وانت
والاسرة الكريمة
بكل خير يارب
(بس قولى انت كان
قصدك تفصصى ؟؟)
سلاماتى وتحياتى

Habiba يقول...

والله اول مره اعرف !!!!
وديليفرى كمان؟
والله كويس جدا
جزام الله خيرا وجزاكم
كل سنه وحضرتك طيبه يادكتوره

norahaty يقول...

السلام عليكم ورحمة الله وبركاته
حبيبة
حبيبة الحبيبة
ربنا يحبب عمل الخير
للناس اكتر واكتر يارب
وينشر بينهم الحب والسلام
وكل لحظة وانتى بألف خير
ياحبية
ياحبيبة الحبيبة

Amgad يقول...

مش فاهم يعني ايه عشان بين قوسين نقط
عموما اتز اب تو يو
تحياتي

norahaty يقول...

السلام عليكم ورحمة الله وبركاته
Amgad
اسباب