الاثنين، نوفمبر 24، 2008

خلى بالك على بابك !!




على صباحة ربنا ولسه بنقول ياهادى
أنا :صباح الخير يادكتور صالح
الدكتور صالح زميلى:
انا :خير ان شاء الله؟

الدكتور صالح زميلى

انا : خير يادكتور صباح الخير
الدكتور صالح:
انا :ماتقول فيه ايه
الدكتور صالح ابدا اصلنا رجعنا امبارح من الشغل
لقينا باب البيت
أتسرق فى عز الضهرية
أنا:الباب اتسرق يالهوى ياخراشى
الدكتور صالح وايه احنا ساكنين فى دار السلام
اللى بيسموها الصين الشعبية من كترة الناس

انا :وماحدش شافهم ولا سمع صوت الباب بيتشال

الدكتور صالح :الناس ثلاثةأنواع نوع نايم فى العسل على طول

ونوع لا بيشوف ولا بيسمع ولابيتكلم
ولا بيفكرحتى

ودول اللى مريحين نفسهم

ونوع تالت شافهم وسألهم

انا : ها قالوا ايه؟
الدكتور صالح زميلى :ايه وخدينه نصلحه
انا :طيب وانت مبسوط كده ليه ؟
الدكتور صالح زميلى :ابداً اصل مفتاح الباب
ده كان راح منى وكنت حامل هم اطلع نسخة له
كده مفيش مشكلة بقى
حاجيب باب من اول وجديد

انا: (كنت عايزة اعملها وحياتكم بس قلت بلاش)
المرضى اللى كانوا موجوديين وسامعيين الحكاية:




من البداية للنهاية
وتسلموا من الشر كله
والحين اى حد ما يحمل هم المفتاح يضيع
لان ممكن الباب كله يضيع !!!






















هناك 63 تعليقًا:

عمرو يقول...

معلش أنا مش فاهم البوست ده أيه ؟
يا ريت توضحى لنا يا دكتوره لو سمحتى ..

norahaty يقول...

السلام عليكم ورحمة
الله تعالى وبركاته
أستاذ عمرو
معلش التدوينة
كانت نزلت قبل ما
تكمل لما حضرتك شوفتها
اول مرةوعلشان كده ماكانت
مفهومة لكن اهى كملت والكمال
لله وحده سبحانةوتعالى واديك بقيت
اول تعليق برضة .تحياتى لك
ولمتابعتك ياأستاذ عمرو

بنات صاحبة الجلالة يقول...

ههههههههههههههههههههههههههههههههههه
فكرني بمثل قديم سرقوا الصندوق يامحمد قاله متخفش مفتاحه معايا بس المرة دي المفتاح ضاع والباب كمان ههههههههههه مش فاهمة ازاي الناس شالوا الباب ونزلوا بيه عيني عينك كدا جبروت حرامية بس اية ياقمر الروسومات والاشكال المعبرة في الموضوع دا لذيذة بجد انا عايزة من دا يادكتورة

وبعدين انا كلمتك كذا مرة علي الميل منفضالي واااااااااااء هعيط ابقي طمنيني عليكي ياقمر
سلاموز

عمرو يقول...

هههه
معلش كده فهمت
يا دكتوره فى روسيا اللصوص سرقوا كنبيه حجر وراء حجر و باب ورا باب و شباك بعد شباك حتى أختفت الكنيسه و صارت أثرا بعد عين
بس زميلك المسروق بابه ده تخصص أيه ؟

زهرة الجنة يقول...

باب يتسرق مرة واحدة؟؟ ازاي
فعلا هم يبكي وهم يضحك
كان متهيألي ان الحرامي يخاف يسرق دلوقتي لان الناس كتير جدا
لا والسرقة كمان في عز الظهر
سبحان الله ههههههه

mohamed ghalia يقول...

ههههههههههههه
الواحد يخاف على الباب ولا المفتاح
حلو قوى تقسيمة الناس بتاعته دى
تحياتى
دمتى بكل الود

funckydoctor يقول...

ههههه
طب الشقة ما اتخدش منها حاجة :D

Frustrated يقول...

اما انك غريبة صحيح؟؟ الراجل فريش و ماعندوش مشكلة، تعقديها انت ليه؟؟ هه هه؟ أعمل فيكي ايه دلوقتي؟!

TeVa يقول...

ههههههههه
فكرتني بالصعيدي اللي ساب الباب مفتوح عشان محدش بيص من الخرم :))

هو دا شئ طبيعي عندنا دلوقت
هو قدر الله وما شاء فعل
عاجبني قوي تصرف الراجل دا ههههه
والله زي السكر
ربنا يعوض عليه بقى
واهو هم يضحك وهم يبكي

السؤال الجامد طحن :::
هل اللي سرقوا السريقة دي يستاهلوا الدبح أو الشنق أو الاعدام رميا بالرصاص ؟
هل الدكتور صالح بس اللي "صعب عليك حاله"


يلا بقى سلام قبل ما اضرب
اصل انا علطول بفكر بالعكس

سلام ,,,,

Dr Ibrahim samaha يقول...

هههههههههههههههههههههه

يالا على البركة
:)

د إبراهيم

واحدة مفروسة يقول...

طيب على البركة
اللى يعيش ياما يشوف

حسن حنفى يقول...

هههههههههه

والله فكره حلوه

أحــوال الهـوي يقول...

السلام عليكم يا دكتور
مش فاهم المفتاح لما يضيع نطلع عليه مفتاح طيب الباب لما يضيع هنطلع عليه باب ؟؟؟

قصه لطيفة و ذات معني عظيم

تحياتي

Dr.m يقول...

السلام عليكم ورحمة الله وبركته
زمان كان الحرامي طماع ..معاه بس عايز زياده فكان يكسر الباب ويخش بسرق دهب ..تحف ..حاجه غاليه...

أما الآ فحتى الحراميه أصابهم ما أصاب الشعب من فقر وصاروا يرضون بالباب كسرقه ثمينه ..وقريب هيرضوا بالمفتاح بس

تحياتي

المحارب المتيم يقول...

دكتورة نور

ساكنين فى دار السلام ربنا يعينكوا

بجد حادثة أكتر من طريفة

يعنى هما أخدوا الباب وسابوا الشقو والعيادة واللى فيها

دى المعدات الطبية تجيب أكتر من الباب

هههههههههههههههه

ربنا يعينكوا على البلاء

تحيتى

تسنيم حسين يقول...

السلام عليكم ورحمة الله وبركاته

هههههههههههه
والله شر البلية ما يضحك خلاص الناس من كتر ماالسرقة بقت بتسمعها على الطول....بقت هى نفسا لما تسرق بقت حاجه عديه ولسان حالهم اللى يروح نشترى غيره ولا بيسألوا مين اللى سرق ولاهو فين ولا حاجه....
ربنايهديناو.......اللى كان السبب

والسلام عليكم ورحمة الله وبركاته

M.K يقول...

السلام عليكم يا دكتوره...
بجد ماشاء الله عليه....
عليه خفت دم ...
إبقي سلميلي عليه وقوليله مبروك الباب الجديد.....
..........
بس الموضوع لا يخلو من الحكمه...
......
دمتي بخير..

وفاء بركات يقول...

السلام عليكم
هههههههههههههههههههههههههههه.
قال وبينكتو علي الصعايده قال
فاكره الأغنيه القديمه سرقو الصندوق
يامحمد لكن مفتاحه معايا
لله الأمر من قبل ومن بعد..
بوست دمه خفيف.

ahmed_k يقول...

ههههههههههههه
الظاهر أن الجماعه كانوا مزنوقين فباب
فراحوا أستلفوه شويه هههههه
قولي للدكتور على ميقلقش
هما حياخدوه لفه ويرجعوه تاني

اللي يعيش ياما يشوف

TiMmY يقول...

أهلين و سهلين يا دكتورة ..

ما شاء الله .. هي دي مصر يا عبلة :)

و هي دي عبقرية شعبها .. يسرق الكحل من العين زي م ابيقولوا :)

بالمناسبة ...
الايموتيكونز عاملة شغل جامد :)

===========
رد :



و عليكم السلام و رحمة الله و بركاته يا دكتورة نور ..

لا لا لا , ألف لا بأس على عينك و قلبك و راسك و دماغك يا دكتورة .. :)

كلنا لها - الذكور بس يعني - , و أدينا هندافع عنكم أهه :)

دعواتكم بس ربنا ييسر لنا الأمور ..

-----------

خلينا بقى نرد عى حتة حتة .. ماشي ؟؟ :)

=======
انت حضرت كل ده امتى ؟وجبت كل الكتب والفديوهات دى ازاى؟لكن لى سؤال او اعتراض ماهو الهدف من هذا ؟لا انا حابقى شيعية فى يوم من الايام ولا حد فيهم حيبقى سنى فلم التقليب فى كل هذه الامور
=======

أنا بحضر في الموضوع من زمان ..

من أيام ما لقيت ناس قد اُفتتنت بحزب الله و بطولاته المزعومة في لبنان
و من أيام ما صورته الجرائد على إنه بطل قومي
وإنه حامي العروبة و الإسلام
و الذي رد لهذه الأمة كرامتها و .........

أما الهدف : فلأجل درء ما سبق عن القلوب ..
و المعرفة برضه ..
و أنا مش عاوز حد شيعي يدخل الإسلام .. و لا نصراني و لا و لا .. و أنا من ساعة ما بدأت المدونة و أنا موجهها للمسلمين و ليس لغيرهم
و طبعا مش كل واحد بيبقى زي حضرتك واثق في دينه

فيه ناس " مسلمين " و ما يعرفوش عن الإسلام غير اسمه ..

و فيه "مساجد" علقوا فيها صور حسن نصر الله !!
و فيه ناس افتتنت بيه .. مش هقول إنهم تركوا المذهب و تشيعوا - و إن كان هذا قد حصل في لبنان- لكن هقول إن عقيدة الولاء و البراء عندهم قد زالت في هذه النقطة ..

حين يحب و يُكبر و يُجل رجلا يكفر أكابر الصحابة , لأجل كام صاروخ ضربهم على إسرائيل .. و مش ضاربهم علشان سواد عيوننا , لا , ده علشان يكون بيه اليد الطولى في فرض رأيه على الحكومة اللبنانية ,
و أكيد كلنا شفنا ده في الانقلاب اللي عمله في لبنا و الذي تلاه اتفاق الدوحة !!

أنا كما سبق و قلت أنا لا أدعو أحدا لمذهبي ,
أنا أدعو أبناء مذهبي أن يعرفوا مذهبهم أولا ...
و أن يعرفوا عدوهم من صديقهم ..

فليس "عدو عدوي صديقي " على الدوام ..

أما إيجاد الحزازات .. فانظري من أوجدها بدايةً في العراق ؟؟ هم أم نحن ؟؟

ثم أنا هنا لا أدعو لقتلهم و لا غيره ..
لكن أدعو لمعرفتهم فقط !!

شكرا جزيلا على المرور يا دكتورة ..
و لو أي تعقيب اتفضلي .. أنا مش ممكن أزعل من حضرتك طبعا ..

بس بلاش "ظبوطة" دي :) .. حساسس إنها مش لايقة على الجيش خالص :)
خليها " مطحونة " أو " مهلوكة " أو أي حاجة على هذا الوزن :)

شكرا جزيلا دكتورة

تحيتي

أحمد سلامــة يقول...

عقبال ما يحب يغير الشقة ودار السلام كلها

ليه حق يضحك
وليكي حق بردو
:)

!!! عارفة ... مش عارف ليه يقول...

اهي دي عاملة
زي بتاعة الونش
اللي اتسرق من ميدان رمسيس
:))))))))))

تحياتي
وليد

z!zOoOo يقول...

السلام عليكم

ازيك يا دكتوره نور

هي حاجه مش غريبه قوي

بس الظاهر كده والله اعلم أن الحراميه معرفه للدكتور وعايزين يكسروا عينه

سرقوا بابه في عز الظهر ههههههه


يلا الحمد لله علي كل شيء

تحياتي

z!zOoOo يقول...

صحيح الايموشنز مخليه الموضوع هايل

وقلبي عنده

تحياتي مره اخري

د/ رامي شهاب الدين يقول...

دلوقتى الحرامى بقى بيدخل الشقة ياكل حاجة الأول ويشرب شاى وبعدين يبدأ يسرق ومفيش مانع يدخل أوضة النوم يريح له شوية ، الراجل شقيان بقى.. لصوص ولكن ظرفاء

معلشى يادكتورة ليا تعقيب تانى بسيط يتلخص فى إن الصين الشعبية ده إسم شائع على بولاق ولا شئ غيرها

دمتى بكل خير .. تحياتى

ahmedaldosoky يقول...

شغل رايق وراقى ولغة ممتازة تدخل القلب وتعمر النافوخ

الفارس الملثم يقول...

ازيك يا دكتوره , معلش النت كان فاصل عندي بقاله يومين , فهو جه بس بيشاور عقله ,انا قلت اسلم عليكي قبل ما يرجع في كلامه

تحياتي وتقديري

موناليزا يقول...

هههههههه
سبحان الله هم يبكى وهم يضحك

المستنصر بالله يقول...

دكتور صالح الرايق
طب ربنا يستر حد يخطف مراته يقول انا كنت ناوى اغير
دة باين عليه طيب قوى

تحياتى

ميرام يقول...

هههههههه
نظرية بردو ...
وكويس نظرته المتفائلة دي ....
فعلا ..
الحيـــــاه حلــــوة
بس نفهمهاااا..
(:
بانتظار الجديد
تحيــــــــاتي

norahaty يقول...

السلام عليكم ورحمة
الله تعالى وبركاته
صباح الجمعة صباح الجمعة
خير يوماً طلعت فيه الشمس
و.....نلتقى بعد صلاة الجمعة

norahaty يقول...

السلام عليكم ورحمة
الله تعالى وبركاته
عدنا
تقبل
الله منكم
ومنا

norahaty يقول...

السلام عليكم ورحمة
الله تعالى وبركاته
بنات وملكات صاحبة الجلالة
ايوة سرقوا الصندوق وكمان المفتاح
ضاااااااع!!!!!شفتى الحلاوة بقى يااا ياحلاااااااااااااااااااااااااااوة
والحمد لله ان الموضوع والرسومات اعجبوكى ياجميلة:) :) :) :)
تسلملى وتتهنى يارب .امين

norahaty يقول...

السلام عليكم ورحمة
الله تعالى وبركاته
أستاذ عمرو
على كده اللصوص بتوعنا متواضعيين
يادوبك باب بس !!ولا كنا مالاقينا البيت كله .وكلمه فى سرك (دكتور صالح ده نائب المدير بتاعنا) شفت الحلاوة بقى!
نورتنا أستاذ عمرو

norahaty يقول...

السلام عليكم ورحمة
الله تعالى وبركاته
زهرة الجنة
شفتى العجب!وليه العجب بقى ؟ ما قالك الاستاذ عمرو اهوه كنيسة بحالها اتسرقت فى روسيا يبقوا هنا متواضعين:ايه حتة باب يعنى لما يخدوه وفى عز الضهر!!
نورتينى يازهرة وشرفتينى بالتعليق
ويوعدنى ويوعدك ربك بالجنة ياااارب.

norahaty يقول...

السلام عليكم ورحمة
الله تعالى وبركاته
mohamed ghalia
يخاف على نفسه اولا
وعلى كل حاجة كمان بعد كده
واللى اتعمل مسكين فيه خلاه
فيلسوف !!!!!ده رأيىّ
تحياتى واحتراماتى
لمرورك ولتعليقك

norahaty يقول...

السلام عليكم ورحمة
الله تعالى وبركاته
funckydoctor
لأيافندم كل شىء تمام!
كانوا لهم هدف واحد: باب!!
بيحبوا التخصص هم اوى :)

norahaty يقول...

السلام عليكم ورحمة
الله تعالى وبركاته
frustrated
تعملى ايه بقى؟
عالم غاوية نكد!!:)
شرفتينى ونورتينى
بالمرور والتعليق.

norahaty يقول...

السلام عليكم ورحمة
الله تعالى وبركاته
TeVa
بقولك ايه يامهندز:بلاش التقسيمات الجغرافية دى اللى بتزعل الناس مننا !
وجواب سؤالك :لأ مش الدكتور صالح اللى صعبان علىّ حاله فيه (كتير)كمان صعبان على حالهم بس اجيب وقت ومساحة منين لاجل ما اذكرهم كلهم
ونورتنا وشرفتنا
وتعود لنا قريبا

norahaty يقول...

السلام عليكم ورحمة
الله تعالى وبركاته
DRr.Ibrahim Samaha
الله يبارك فيك
وليك يادكتور
:) :) :) :)

norahaty يقول...

السلام عليكم ورحمة
الله تعالى وبركاته
واحدة مفروسة
الله يبارك فيكى وليكى وعليكى يافندم
وقالوا فى المثل اللى يعيش ياما يشوف واللى يمشى يشوف اكتر
نورتينى بالحضور
والتعليق.

norahaty يقول...

السلام عليكم ورحمة
الله تعالى وبركاته
حسن حنفى
مالكش دعوة بالافكار دى
دول عالم شريرين مالناش دعوة بهم
خااااااااااااااااااااااااالص
نورتنى ياحسن
ومش حانسى اقولك
(ذاكر ياحسن)

norahaty يقول...

السلام عليكم ورحمة
الله تعالى وبركاته
أحوال الهوى
والهوى احوال
لأ يافندم لما يضيع الباب
نغير السكن ده خالص
لانه مابقاش امان
والسكن=امن وأمان
نورتنى بالمرور والتعليق.

norahaty يقول...

السلام عليكم ورحمة
الله تعالى وبركاته
Dr.m
ايوة يافندم
حرامية عندهم دم!
شايفين الناس تعبانة
فرقوا لحالهم :خدوا الباب
وسابوا الدهب ؟؟؟لو كان فيه اساساً؟
نورتنى بالمرور والتعليق

norahaty يقول...

السلام عليكم ورحمة
الله تعالى وبركاته
المحارب المتيم
كيفك ياعرفة؟يارب تكون فى
احسن حال وتكون امورك استقرت
وبالنسبة لزميلى :هو اللى ساكن فى دار السلام مش انا وزى ماقلت الحرامية كان عندم دم وقلبهم(حُنين)خدوا الباب بس!! وسابوا كل حاجة!!
تحياتى لك مرة تانية ودعواتى بالشفاء العاجل لكل مريض يارب شفاءاً
لا يغادر سقما يارب

norahaty يقول...

السلام عليكم ورحمة
الله تعالى وبركاته
تسنيم حسين
لكى حق تضحكى
انا نفسى بقيت ماسكة نفسى عن الضحك بالعافية وهو بيحكى لى واهو هم يبكى وهم يضحك بس ضحك كالبكا واكتر.
تحياتى واحتراماتى
للمرور والتعليق

norahaty يقول...

السلام عليكم ورحمة
الله تعالى وبركاته
M.K
وصلنا السلام يافندم خلاص بس ياترى ايه هى الحكمة اللى فى الموضوع؟
تحياتى واحتراماتى
للمرور والتعليق

norahaty يقول...

السلام عليكم ورحمة
الله تعالى وبركاته
استاذة وفاء بركات
اضحكى كمان يااستاذة
انا بحب ضحكك والله كمان وكمان
بس عمنا ده كمان كان مضيع المفتاح ولاجل كده حضرته فرحان!!!!
نورتينى ياأستاذة
بالمرور والتعليق

norahaty يقول...

السلام عليكم ورحمة
الله تعالى وبركاته
ahmed_k
الظاهر والله اعلم ياأستاذ احمد ان الباب كان (حلو شوية)عجبهم خدوه !!فيها ايه دى؟ دا حتى الناس لبعضيهم مش كده برضه؟ههههههه
نورتينى ياأستاذ احمد
بالمرور والتعليق

norahaty يقول...

السلام عليكم ورحمة
الله تعالى وبركاته
TiMmY
هو حضرتك مش مصرى برضه ياتيمى ولا ايه؟مالهم المصريين؟اجدع ناس...صح ولا لأ؟
ومتشكرين يافندم على ان الايموشن عجبتك(حضرتك صاحب السبق فى هذاومنك نستفيد)
ونيجى للرد:-
الله يسلمك ياتيمى ده العشم برضه.
وباقى كلامك على عينى وراسى لكنى لست ارى بهذا وقتا مناسبا لتقليب كل هذه الامور. من قلب ملته فى لبنان الى الشيعة هو سنياُ اسماُفقط وبالتاكيد من يرضى ان يبايع ملة يهان فيها اصحاب رسول الله صلى الله عليه وسلم على المنابراقول من يقبل بهذه ملة جديدة له عن طيب خاطر واختيار أو كما تسمى انت افتتان اقولك بالبلدى (مع الف سلامة ويشبعوا به ويشبع بهم)هذارأيىّ وكما قلت لا زعل ولا خصام لاختلاف وجهات النظر وربنا ينجينا من المهالك كلها وينجينك من كل ما تحمل همه(انت ادرى به )
وانا اشكرك ياتيمى
على المرور والتعليق
ولا تحرمنا الزيارة
فى المستقبل
إن شاء الله

norahaty يقول...

السلام عليكم ورحمة
الله تعالى وبركاته
أحمد سلامة
من بقك لباب السما يارب
ولو ان املى انها(دار السلام)تتغير للاحسن ليه لأ؟وتبقى السكن والشقة فيها نعمة .يارب يارب يارب
احتراماتى للمرور والتعليق.

norahaty يقول...

السلام عليكم ورحمة
الله تعالى وبركاته
عارفة ..مش عارف ليه!!!
تصدق صحيح!!!
ازاى الواحد
ينسى الحادثة دى!!!
احتراماتى للمرور والتعليق.

norahaty يقول...

السلام عليكم ورحمة
الله تعالى وبركاته
z!zOoOo
تصدق وجهة نظر برضه
ماهو ايه معنى يسرقوا الباب
ويسبوا بقية الشقة ؟على رأى زكية زكريا (احترس نفسك)!!!!!!!!ههههههه
نورتنا بالمرور والتعليق
وماتقطع الزيارة حتى وإن
اغلقت مدونتك وارجو الا تفعل!!

norahaty يقول...

السلام عليكم ورحمة
الله تعالى وبركاته
z!zOoOo
متشكرة يافندم
الحمد لله انها أعجبتك
ودايما منورنا يارب

norahaty يقول...

السلام عليكم ورحمة
الله تعالى وبركاته
د/رامى شهاب الدين عارف بمنطق ايه بيعمل كده :منطق البيت بيته !!منطق غريب انا عارفة لكن هو ده منطق اللص اى بيت هو بيته وبالتالى كل ما فيه (يحل له أخذه)!!منطق مريض...اعلم
ومعلش بقى معلش الصين الشعبية =دار السلام من زمان وعن جدارة كمان :) :)
نورتنا وشرفتنا
بالمرور والتعليق

norahaty يقول...

السلام عليكم ورحمة
الله تعالى وبركاته
ahmedaldosoky
شهادة اعتز بها أستاذ احمد
كما اعتز بزيارتك هذه
فشكرى الجزيل لك
على المرور والتعليق

norahaty يقول...

السلام عليكم ورحمة
الله تعالى وبركاته
محمدالفارس الملثم
يارب النت يكون ثبت فى مكانه ومستمر ومتواصل لاجل ما يحرمنا من تواصلك معنا يارب يارب يارب يارب يارب
نورتنا
يامحمد
ياصاحبى

norahaty يقول...

السلام عليكم ورحمة
الله تعالى وبركاته
موناليزا
سبحان الله العظيم
وكم فيكى يابلدى
من المضحكياتِ المبكياتِ
تسلمى للمرور والتعليق

norahaty يقول...

السلام عليكم ورحمة
الله تعالى وبركاته
المستنصر بالله
هو طيب صحيح !!بس ما كنت اعتقد للدرجة دى !!ربنا يصبره!!ويقويه!
احتراماتى للمرور والتعليق

norahaty يقول...

السلام عليكم ورحمة
الله تعالى وبركاته
ميرام
هو راجل طيب ربنا يعطيهالقوة والصحة ويعوضه عن بابه بباب احسن منه يارب
والحياة لونها بمبى على رأى سعاد حسنى
تىرن تيررررن تيرن ترررررن
نورتينى واسعدتينى
بكلامك وتعليقك.

Narish يقول...

Thanks for visit..

norahaty يقول...

Narish
U r welcame
Thanks 4 revisit.

غير معرف يقول...

~.....................................................