الأحد، نوفمبر 16، 2008

بردون ياجماعة :استعباطية ولا استهبالية ولا غشومية ولا إفترائية



الحقيقة انا ما بقيت مركزة اوى وبنت اختى بتقرى لى الخبر
المنشور فى صفحة الحوادث فى الاهرام يوم الخميس اللى فات
لكن أذ فجأة كده تانى يوم الكلام خبط فى دماغى تانى
السااعة كانت كام بقى لما الكلام خبط يامحترم ويامحترمة
الساعة اتنين بعد نص الليل وبقى كل همى اجيب الجرنال
واشوف الخبر بنفسى وفعلا جبته وبقيت مستغربة بالضبط زى حضراتكم
ومش فاهمة ايه الحكايةفقلت لا لازم الكلام ده يتكتب هنا لعل وعسى
يفهمنى حد ايه اللى بيحصل
اقولكم الخبر من الاول
القبض على طالب بطب المنصورة
يؤدى الامتحان بدلا من خطيبته
فى احدى الجامعات الخاصة

تفاصيل الخبر لو الكلام مش واضح فى الصورة بتقول
إن استاذ جامعى كان بيمر فى احدى لجان الامتحان فى (الجامعةالخاصة وخلولى بالكو من الخاصة دى اوى مش حقد والله) بس خلي بالكو برضه
بمدينة 6 اكتوبر اندهش واستغرب وفوجىء بأن البنش
اللى قاعد عليه واحد شاب ملو هدومه وشنبه (بردون) فى وشه كيلو
المهم ما علينا الاسم المكتوب علي البنش هو لبنت
طب ازاى؟؟؟ انت مين ؟ انت فين؟ انت امتى ؟ انت الساعة كام؟
طبعآ عمنا الاستاذ مكدبش خبر وهات البوليس وهات المطافى وهات الاسعاف والبوتاجاز والغاز الطبيعى يمكن نحتاجهم كمان
وبلغ النقطة والشرطة والدرك والمباحث ومديرية الامن
وسيادة النقيب فلان وحضرة العميد علان وبلغ يابنى
سيادة مدير المباحث ومدير الامن
ورحل المذكور اعلاه متلبسآ ومضبوطاًالى النيابة
وهناك بقى يبقى يقول اللى هو عايزة
المهم الافندى قال لك ايه:ان خطيبته طالبة فى سنة ثالثة
فى كلية التجارة فى الجامعة الخاصة دى(بفلوسى يا...)ولا بلاش
وحضرتها مش راضية تيجى الامتحان لانها مش مذاكرة ومش حتعرف تحل الاسئلة
وحتسقط !!لكن لما تغيب حتضرب شهادة مرضى من اى مستشفى خاصة برضة
مختومة بأختام اد كدة ومدفوع فيها اد كده المهم حتجيب الشهادة
انها (كانت مريضة وملازمة الفراش وعندها الف وزة)وبالتالى يتحسب لها غياب مش سقوط
لكن الافندى قال هو احنا بتوع الكلام ده احنا مابنحبش الكدب هو انتى عيانة؟تؤ!تؤ!تؤ!
المهم قالها لا بدال مش مذاكرة خليك انت ياحبيبتى اروح انا بدالك الامتحان شفت ازاى اهو ده الحب ولا بلاش ودى الجدعنةوالا فاالا!ونعم الخطايب هو
حضرته رررررررررررراح بدالها شفت ازاى؟ ولا همه هو ولد واسمه ولد وهى بنت واسمها بنت
لا مش مهم ماهو محدش واخد باله !
ولا يمكن اسمهاالانسة عطية او الانسة عصمت او اى اسم من الاسماء المشتركة
بين البنات والصبيان
او الانسة حنفى مثلا
المهم بقى ادام النيابة الافندى قالك ايه انه طالب فى سنة رابعة فى كلية طب المنصورةو بيحب خطيبته اوى اوى اوى اوى
وعلشان كده جه بدالها الامتحان فى المادة دى لكن باقى المواد هى اللى جت وامتحنت لكن ماكنش لها نفس ولا رغبة ولا ارادة تيجى الامتحان ده بالذات ..ليه؟ مش عارفة؟مش بالغصب بقى ؟كل حاجة بالخناق الا الامتحان بالاتفاق! حاجةغريبة
المهم هو جه بدالها ايه يعنى ؟؟؟
انا والله مش فاهمة لحد دلوقتى هو كان بيفكر ازاى ؟
فاكر محدش حيشوفه؟ماحدش حيلاحظ الفرق بينه وبين خطيبته؟
ولا قالك ماهى جامعة خاصة ومحدش واخد باله؟ المهم المصروفات مدفوعة ؟
وعدد ساعات الدراسة متسجلة ومدفوعة!عجبى؟
ولا هو جزء من الاستهتار العام اللى صاير والموجود فى كل حاجة فى بلدنا زى مثلا
الاشارة حمرا وقف...ايه اوقف دى لا لا امشى عادى ايه المانع
نفسى اعرف ده وصل سنة رابعة فى كليه الطب ازاى؟
يعنى سنتين وكان حيعالج الناس
وياخبر
مش ابيض ابداًًًًًًًًًًًًًًً
ابداًابداًابداًابداً
ولا الحكاية اساساً ليس لها من اساس
ولا صحة وهى تلكيكة للطالب ده بالذات
ولا؟ ولا؟ ولا؟ ولا
الف سؤال وسؤال
مالهم من إجابة واضحة!!ووو
وربنا يستر علينا
وعلى بلدنا مما يحدث
ومااااااااااااااااااا
سوف يحددددددددددددددددددث
!!!!!!!!!!!!!!!!!!!!!!!!!!!!

هناك 61 تعليقًا:

مولان يقول...

هههههههههههههههههههههههههه

عارفه احلي حاجه شفتي الحب رايح مكان خطيبته

والله مهزله

احلام ضائعة يقول...

شفتي الحب اللي مقطع بعضه ,ده عم روميو نفسه مكنش عملها طبعا لان مستوي ذكاءه مكنش وصل لاخينا بتاع طب ده ومتهيالي لو مستوي ذكاء كل طلبة الطب زيه كده يبقي الاحسن نقفل كليات الطب ونستورد دكاتره صيني

وعلي راي الرحاله العرب كم فيكي يا مصر من مضحكات ولكنه ضحك كالبكاء

علي فكره هو بس غلط غلطه واحده انه نسي يحلق شنبه هههههههههه

سلاممممممممممممم

t3ban يقول...

متجرحش اه
انا مش مشكلتي انه انها خاصة
ولا مشكلتي انها تعبانة
و لا مشكلتي اي حاجة من دي يا اخي يقطع الحب و سنينه
ازاي واحد بالدماغ دي في يوم حيبقي دكتور و مسؤل عن حياة ناس
دي عقليه واحد بيجيد التصرف
و متقليش متجرحش
انت شكلكو عايزين ابو الليل

د/ رامي شهاب الدين يقول...

وإيه يعنى؟

من كام شههر فاتوا إبن نقيب المحاميين أجر واحد عشان يدخل مكانه الإمتحان فى كلية الحقوق..جات على الولد ده يعنى وهتقف ، وخصوصا إن حالات مماثلة كتيرة حصلت

وكمان أنا عايز أعرف هو كان هيدخل يعمل إيه ولا هيكتب إيه؟

طب أنا طالب طب أهو وفى سنة سادسة مش رابعة كمان .. لو دخلت إمتحان لكلية التجارة مش هجيب مجموع أكتر من سبعة فى المية، وياسلام بقى لو كانت المادة محاسبة ..مش هحط قلم فى كراسة الإجابة من الأساس

وختاما بحيى الشاب ده على حبة لحبيبته وتضحيته بمستقبله عشان حبيبته..هو ده الحب بصحيح

وعلى رأى هنيدى .. الحب ولع فى الدرة

دمتى بكل الخير .. تحياتى

عمرو يقول...

موقف كوميدى عبثى مصراوى أبن لزينه بس ناشى عادى ممكن تحصل يعنى اللى خلى الأموات يقوموا من قبرهم ينتخبوا و يرشحوا يبقى مش عايزين حنفى يمتحن بدل سعاد
مش دى القضيه
القضيه دلوقتى أنه هذا الشاب معدوم الضمير الغشاش كلها شويه و المفروض أنه حيبقى طبيب !!
طيب طبيب اٍزاى و هو أصلا عامل مثل هذه العمله اللى زى وشه ؟؟
يعنى اٍزاى يؤتمن مثل هذا الشخص على أنه يكشف علينا و على ستاتنا و بناتنا و هو مخادع و مضلل و ميت الضمير ؟؟
الصح أن يكون جزائه بجانب ما ستحكم بع عليه المحكمه أن يتك فصله من كلية الطب عقابا له على ما أقترف و درأ لشره فى المستقبل .. صح ؟

أحــوال الهـوي يقول...

يابنتي
السلام عليكم الاول
انت ليه ما سألتيش انه في كليه الطب راح يحضر بدل كلية التجارة هو امتحان معلومات عامه و الا برنامج مسابقات
يعني يوم ما يعرف هيكون احسن منها وهي مش مذاكره
اكيد راح يغش
و بعدين يمكن فيه شبه بينه و بين خطيبته
و الخطورة ان بعد مادتين راح يصدق نفسه و يقلب جنسه يبقي لا نافع كده و لا كده

و من الحب ما ...انقلب

romansy يقول...

يا سلام على التضحيه
ضحى بمستقبله وحياته علشان خطيبته
مش عارف اقول ايه
بس اذا كان فى كليات القمه بيحصل كده
يبقى عليه العوض

Dr Ibrahim samaha يقول...

يا نهار يا نهار

انتى هتخلينى اروح ادور فى وسط اصحابى فى سنة رابعة ليه

:)

د إبراهيم

mohamed ghalia يقول...

ههههههههههههههه
يا نهار
دا احنا شكلنا طالعين القمر وهنوصل فعلا
حد فاهم حاجة
طيب سلام

واحدة مفروسة يقول...

ياخراااااابي
الغلط من الاول اللى خالاه يدخل الجنة
مش هوه برضه فيه اسماء بتتعلق على الباب
ولا الزمايل اللى حواليه؟؟
يا شيخة ديه بقت حاجة زايدة عن حدها
حاجة تفرس

blue-wave يقول...

يا ستى عااااااااااادى
تعالى شوفى مستواهم عندنا فى القصر العينى
بيبقى هاين عليا اطردهم برة العمليات من كتر ما بيفرسونى
هوا التعليم باظ من شويه؟؟؟؟

وفاء بركات يقول...

السلام عليكم
ويقولو مفيش حب قال أدى الحب وإلا فلا
وبعدين هو كليه طب وطب جايه من طبطب
وقالت بنت عجرم في البومها العاشر بعد المائه ياطبطب يادلع ...
آيه ياجماعه هو إحنا كنا بنقول آيه ايه اللي جابني هنا .. آآآيه هو إنتم كلكو عليه ولا آيه
اه منك يازمان العجب بيقولو فيه علي الخروب رطب
تحياتي

ghoneem يقول...

السلام عليكم

وسوف يحدددددددددددددددددددددددددددث

ايه التفاؤل ده وكمان حضرتك جايبة قصة كلها تفاؤل فعلا وتحمل واقع مبهج ومفرح وياااااااااااااااااارب استر

قصة فعلا غريبة والعسولة ده من المنصورة الله يكسفه شكلنا هيبقي ايه قدام العالم الخارجي
:)

المهم حضرتك اخبارك ايه يارب تكوني بخير
انا والله بعتذر جداااااااااا لأنقطاعي ولكن انا عارف ان عذري معايا الشغل والله مش اكتر دعواتك

سعيد جدا اني زورتك وسعيد طبعا بزياراتك ودمتي بخير

تحياتي

بالتوفيق........................

من غير عنـــوان يقول...

إذا عم الفساد في الأرض ،، فقل على الدنيا السلام

ولا حول ولا قوة إلا بالله

TeVa يقول...

أنت يعني خدتي بالك من دا كله ومخدتيش بالك من إنه في طب وهي في تجارة

ولا هي عشان التجارة شطارة :))
وحد اشطر من الدكاترة يعني ... دا تلاقيه جايب قد كده في الثانوية "العامية" :))

بس والله واد جدع وشهم.
منصوري بقى ,,, يا بختها بيه :))

طيبما يتجوزوا وخلاص من دلوقت بلا تعليم بلا قرف

نيهاههاههااييي

بس أنا عايز أعرف بصراحة يعني "والصراحة راحة"
هو كام واحد من اللي بيمتحنوا مبيغشش؟
الاجابة الصريحة مش هتلاقيها هنا
ﻷن حتى الناس اللي بتعلق على الغش هتلاقيها بطريقة أو بأخرى بتغش أو غشت قبل كده وهما بيدرسوا
عشان كده متستغربيش إنك تشوفي دا
إحنا عندنا أزمة "ضمير"
وياما بكرة نشوف


سلام

3ali يقول...

looooooool
we tla2eha ya3eni ba3eto fel a7'er
:)

M.K يقول...

ههههه سؤال هما لسه مخطوبين ولا حصل إيه...
.........................
الله المستعان...
كيف سيكون طبيب ...
إذا حرمه المصون قالت لا دي المريضه دي بالذات مش بطيقها ..
حيعمل إيه الطبيب الوقور......
.........
المهم الله يهدي الجميع..
........
دمتي بخير..

صابر وراضى يقول...

وعليكم السلاااااااااام:

فعلا الحب بهدله

حسن حنفى يقول...

ايه يعني مهو برضه لازم يضحي علشانها هي مش ليها مزاج وهو مش عاوز خطيبته تتعود علي الكدب فراح امتحن بدالها

هههههههههههههه

:d

fashkool يقول...

يا بنيتى اللى بيقدر يعمل حاجه اليومين دول وينفد بيها بيعملها وهو كان فاهم انه حيقدر ينفد بعملته .. تعرفى الاصل ده .. والاستثناء اللى حصل واتمسك .. تقبلى مرورى وتحياتى

راجى يقول...

love is blind

habiba يقول...

والله اشطه
ادى الخطايب ولا بلاش
ربنا يوعدنا بواحد فدائى كده
لكن انا سبت كل حاجه وبحاول افهم حاجه واحده بس
هى تجاره وهو البعيد طب
ايش فهمه هو فى التجاره؟
يعنى مهما كانت بسلامتها مش مذاكره اكيد هتكون مجمعه اكتر منه
حاجه غرييييييييييييبه فعلا
ولا يكونش كان سايب مناهجه وبيذاكرلها كمان؟

اخر زمن

Mahdi Mahdi يقول...

يلزمنى رايك فكن ناصحا ولا ملامة، فهدفى افهام المرضى والموتورين ممن يتطاول او يخادع بدس السم فى العسل تحت دعوى الدفاع عن الاسلام ، ان العين بالعين والسن بالسن والبادى اظلم

الفارس الملثم يقول...

ايه ده يا دكتوره فين بقي تعليقي , انا اصلا علقت اول ما التدوينه نزلت لان الموضوع ده غظني جدا , انتي كمان بتضيعي التعليقات , يعني بعد بعد كده لما اعلق اخذ نسخه من تعليقي ضمان يعني ممممممممممممم

مليش دعوه بقي دوريلي عليه والا اعمل زي جدي الكبير ماعمل مممممممممممممممم

سلاممممممممممممممممم

تسنيم حسين يقول...

السلام عليكم

والله دى مهزله لما توصل ان حد يخش مكان التانى الإمتحان يبقى لسه فضلنا ايه..... وكمان دول اللى هيتخرجوا من الجامعات -إلامن رحم ربى-ازاى راح يفيدوا المجتمع...
وزى مانتى قلتى ربنا يستر علينا مما يحدث وما سوف يحدث

والسلام عليكم

أحمد سلامــة يقول...

:)
هو ده الحب الحقيقي
بس معرفناش بردو هو كان هيجاوب ازاي !!!!!!!!!!!

norahaty يقول...

السلام عليكم ورحمة
الله تعالى وبركاته
مولان
هم يبكى وهم يضحك
اهو ده من الحب ما قتل
ربنا يستر علينا يارب
دعواتى ياكيارا الجميلة

norahaty يقول...

السلام عليكم ورحمة
الله تعالى وبركاته
احلام ضائعة
يمكن علشان روميو مكنش عندهم الحاجات بتاعة الكليات والجامعات الخاصة دى ووالمجاميع والثانوية العامة و(كلام العقد )اللى عندنا وصدقتى .هم يبكى وهم يضحك بس للاسف ضحك كالبكاء تماما!

norahaty يقول...

السلام عليكم ورحمة
الله تعالى وبركاته
t3ban
ماهى المشكلةانه كان حيتخرج بعد سنتين او تلاتة كان حيعالج الناس ازاى؟ مساكين هو ومرضاه اللى كانوا حيقعوا تحت ايده ...ربنا رحمه ورحمهم منه.انما مين سبع الليل او ابو الليل ده؟؟؟ خليه عندكم مرتاااااح :) وانا جاية عندكم حالا اشوف مين ده؟

norahaty يقول...

السلام عليكم ورحمة
الله تعالى وبركاته
د/رامى شهاب الدين
والله ما حلاقى احسن من تعليقك اعلق به على كلامك(وختاما بحيى الشاب ده على حبه لحبيبته وتضحيته بمستقبله عشان حبيبته..هو ده الحب بصحيح
وعلى رأى هنيدى .. الحب ولع فى الدرة!!)بتحيه على ايه بس يادكتور ؟
على الخيبة! انا عارفه قصدك ....
وتشكراتى يادكتور للحضور والتعليق.

norahaty يقول...

السلام عليكم ورحمة
الله تعالى وبركاته
عمرو
ماهى دى المشكلة الكبرى :كيف سيصون الامانة اللى حيتحط فيها بعد كده؟ طبعا وللاسف مش حيصونها ويمكن ربنا كشف سره لدرأ الضرر اللى كان حيجى منه .ربنا حليم ستّار ولا اعتقد ان الكليه ستسمح له باستكمال الدراسة ......معقول تسمح؟؟
تحياتى لتعليقك الجميل يااستاذ عمرو.

norahaty يقول...

السلام عليكم ورحمة
الله تعالى وبركاته
احوال الهوى
والهوى احوال
لأماهم اللى زى دول (مخلصين ) فى كل حاجة هندسة تجارة زراعة طب كله كله مش مشكلة ربنا يخليلهم الفهلوة والغش وكلمة من هنا وهنا والتصحيح اللى اى كلام ماتنساهوش كمان......ينجح ليه لأ؟
ربنا يستر علينا!!!

norahaty يقول...

السلام عليكم ورحمة
الله تعالى وبركاته
romansy
من الحب ما قتل
ياأستاذ احمد اهو ده
الافندى بيمتحن بدل خطيبته
هو مش شايفها مشكلة !!!!!!
ربنا يستر علينا والله يارومنسى .

norahaty يقول...

السلام عليكم ورحمة
الله تعالى وبركاته
Dr.Ibrahim samaha
ايوة يادكتور دور عندك وجيب لنا اصل الحكاية احسن تكون غير صحيحة ولاحاجة يكون مثلا هو اخوها مش خطيبها !!!
اعمل ايه انا قصاد الناس؟
نورتنا دكتور:)

norahaty يقول...

السلام عليكم ورحمة
الله تعالى وبركاته
mohamed ghalia
هو احنا لسه ما طلعناه؟؟؟
انا طلعناه من زمان !!!!
فى الاحلام وفى الامانى والاغانى
لكن فى الحقيقة لأ!!!!
وسلام طيب. :)

norahaty يقول...

السلام عليكم ورحمة
الله تعالى وبركاته
واحدة مفروسة
الغلط من الاول على اللى ما علمه ايه الصح وايه الغلط ؟ وان فيه رقيب اكبر من المراقب بتاع لجنة الامتحان وخلافه
لكن تعملى ايه بقى؟
لازم يفففففففرسونا !!!

norahaty يقول...

السلام عليكم ورحمة
الله تعالى وبركاته
blue -wave
والله ساعات ماببقى عارفة يادكتور عمرو
ازعل عليهم ولا منهم :عليهم لانهم مش عارفين حاجة فعلا (ما اتعلموا حاجة فى الكليه الا الكتابة والنظرى فقط )لكن العملى فحدث ولا حرج!!
ولاازعل منهم لانهم برضه ما حاولو هم يعلما نفسهم ويصروا زى ما بيتعلموا اشياء اخرى (الكومبيوتر مثلا)
ربنا يرحمنا يافندم.

norahaty يقول...

السلام عليكم ورحمة
الله تعالى وبركاته
الاستاذة وفاء عندنا
يامرحبا يامرحبا
حب ايه بس ياأستاذة! ده بالضبط حب الدبة اللى قتلت صاحبها وه بتهش عن وشه الذبابة!اهو لا حل لها الامتحان ولا حتى حيتجوزا بعد كده (ماهو حضرته حيروح الاوبرج قصدى السجن يعنى )
تحيتى لتعليقك الجميل ياأستاذة
ودايماً منوارنى يارب.

norahaty يقول...

السلام عليكم ورحمة
الله تعالى وبركاته
ghoneem
اهلا اهلا اهلا
بالطبيب والزميل والصديق
شفت ياسيدى بلدياتك عملكم ايه؟
عمالكم شهرة عالمية بس للاسف عكسية
ربنا يسامحه بقى :)المهم انت ذاكر وربنا يوفقك فيما انت فيه المهم خلى بالك من شغلك ومذاكرتك ووووووووووو
(((((حد كده :) :) :) :):) ))))))
وانا الاسعد بزيارتك والله ياطبيب
وربنا سبحانه وتعالى يوفق الجميع.

norahaty يقول...

السلام عليكم ورحمة
الله تعالى وبركاته
من غير عنوان
ربنا يرحمنا ويرحم الجميع
اللهم اهدى قومى
فأنهم لا يعلمون.

norahaty يقول...

السلام عليكم ورحمة
الله تعالى وبركاته
TeVa
واخدة بالى كويس اوى وعارفة ان التجارة شطارة واهو كان حيقضى الاستمحان بحته من اللى جنبه على حته من المعلومات العامة على حته من (برشامة) ممكن كان محضرها مين يعرف ؟؟بس بقى كل ده راح على فشوش ياخسارةاهىء اهىء اهىء
وربنا يرحمنا جميعاً
وتشكر للتعليق.

norahaty يقول...

السلام عليكم ورحمة
الله تعالى وبركاته
3ali
اهو حظهم كده بقى
جم على اخر امتحان
والحكاية باظت !!!
ربنا يصبرهم:)

norahaty يقول...

السلام عليكم ورحمة
الله تعالى وبركاته
M.K
حسمع كلامها طبعاً
من سلك كلام مراته
كسب طبعاً....اعتبرى
ده امر مؤكد
ههههههههه
مش متاكدة من
استمار خطوبتهم
ولا فركشوها مش عارفة
ابقى اسألك حاضر !!
تحيتى واحترامى .

norahaty يقول...

السلام عليكم ورحمة
الله تعالى وبركاته
صابر وراضى
احب بهدلة
خلانى (قندلة)
ماكدبش الله يرحمة
عمنا شكوكو!!

norahaty يقول...

السلام عليكم ورحمة
الله تعالى وبركاته
حسن حنفى
والله انت اللى فاهمهم ياحسن
هى ملهاش مزاج وهو مابيحبش الكدب
ام راح بدالها فيه ايه دى؟؟
حاجة غريبة!!!!
:) :) :) :)

norahaty يقول...

السلام عليكم ورحمة
الله تعالى وبركاته
استأذن فى تكملة
الردود باكر
إن شاء الله
سبحانه وتعالى

norahaty يقول...

السلام عليكم ورحمة
الله تعالى وبركاته
وكمان صباح الفل
وصباح الجمعة
ونكمل الردود
بأذن الله .

norahaty يقول...

السلام عليكم ورحمة
الله تعالى وبركاته
fashkool
بالضبط يافندم وكما قلت
لصديق غايب عن مصر بقى له مده
وما يعرف التغير(العظيم)اللى حصل فيها
(الان إن استطعت ان تأخد حقك بيدك فأفعل ,فأن لجئت الى سلطة شرعية ما فلا تلومن الا نفسك !!!وللاسف الشديد هذا هو الحادث فى بلدنا العزيزة....مصر
شكراااااااللمرور والتعليق

norahaty يقول...

السلام عليكم ورحمة
الله تعالى وبركاته
راجى
فى الحالة دى مش بس blind
ده كمان idiot وووووووو
ولا بلاش النهاردة الجمعة
ومش عايزيين الناس تزعل
نورتنا ياأستاذ راجى
ويارب دايماً

norahaty يقول...

السلام عليكم ورحمة
الله تعالى وبركاته
habiba
ماهو التجارة شطارة
يابيبى مش بيقولوا كده
والافندى مفتح ومخلص من يومه
فأكيد كان عامل حسابه :حته فهلوة
على حته غش على حته سيبك سيبك سيبك
وتنجح بسلامتها زى ما كتير سمعنا
عنهم نجحوا وخدوا الشهادة
وهم بيحلوا ستين يمين
انهم كاتبين الاسئلة
بس فى ورقة الاجابة
وربنا يستر والله
على ماهو قادم
تشكراتى يانوررررر

norahaty يقول...

السلام عليكم ورحمة
الله تعالى وبركاته
Mahdi Mahdi
قول وانا احكم !!

norahaty يقول...

السلام عليكم ورحمة
الله تعالى وبركاته
محمد الفارس الملثم
بقولك ايه يامحمد :احنا
مفيش حاجة بتروح ولا تضيع
عندنا !شوف انت كنت روحت فين
وفين وفين وفين قبل ما تيجى هنا
يافارس الليل واخره!وجدك
الكبير ده عمل ايه
احب اعرف يعنى
للعلم بالشىء
مش اكتر!!
نورتننا
اوىىىى
يامحمد
يا صاحبى

norahaty يقول...

السلام عليكم ورحمة
الله تعالى وبركاته
تسنيم حسين
حصلت مرات من قبل كتير ولم تكتشف
لكن كانت واحدة بدلا من اختها التوأم
(لانها كانت معقدة من مادة معينة ورسبت سنتين بسببها )فدخلت بدالها ونجحت !!!)
لكن ان يدخل ولد مكان بنت فهذه
(بجااااااااحة )على ومن الاخر!!!
نورتينى ياتسنيم
ونرجو ان ارآك كثيراً

norahaty يقول...

السلام عليكم ورحمة
الله تعالى وبركاته
أحمد سلامة
هو ده الحب الاعمى
بعيد عنك ياأستاذ احمد
اللى خلاه ما فكرش فى مصلحتها
هى قبل حتى مصلحته كفاية الشوشرة
والمشكلة اللى عملها لها .وان كان على الحل تتدبر زى ما قلت :حبة غش ,على حبة فهلوة ,على حبة برشام !!!!!!
شرفتنى استاذ أحمد.

Wael يقول...

هههههه

انا بحييه بصراحة على شجاعته , مش انه يدخل بدل خطيبته لأ , انه يحل امتحان تجارة :)

norahaty يقول...

السلام عليكم ورحمة
الله تعالى وبركاته
Dr.Wael
مش مشكلة يابروفسير
زى ما قلت شوية التجارة
شطارة,وشوية من اللى حواليه
وشوية بردون براشيم والذى منه
وشوية هو يعنى فيه حد بصحح
بحق وحقيقى على الاعداد
الرهيبة اللى فى
الجامعات دى!!

بنات صاحبة الجلالة يقول...

هههههههههههههههههههههههههههههه

اية الحب الجميل دا تضحية تضحية مش اي كلام بعد كدا الواحدة تتخطب لواحد في نفس كليتها علشان يعرف يحل مكانها هههههههههههههه هو دا انا هقول عليه الحب في اللجنة هههههههههههه اسم فيلم جديد اية العيال اللي بيعموا دا وازاي معلش دخل اللجنة واعد في مكان البنت من غير ماحد ياخد باله علي ايامنا كان بيزلونا ويطلبوا الكارنيهات علشان يتاكدوا اننا اصحاب الاسم التعليم بقا كرنب ياجدعان هههههههههههههه بجد ضحكت والله من قلبي علي الموضوع دا

وحشتني ياحبي

بحبك اه بس ادخل اللجنة مكانك لااااااا ههههههههههههه

norahaty يقول...

لسلام عليكم ورحمة
الله تعالى وبركاته
بنات وملكات صاحبة الجلالة
شفتوا (روميو وجوليت القرن الواحد وعشرين بيعموا ايه ؟ادى الشطارة ولا بلاش!مش تقوليلى يطلع على سلم البلكونة ومش عارفة ايه؟
ومن ناحية كرنب ولا
ورق عنب ما أقدرش اقولك الا لماادوق
وانتى كمان وحشتينى اوى وربنا يطمنا عليكم كلكم يارب ويشفى كل مريض .امين

اسماعيل يقول...

اجمل ما في الموضوع كميه الحب و الوفاءالي عند دكتور المستقبل
بس المشكله انه عبر عن حبه في زمن الفهلوه. متعتبوش عليه اعتبو على الى ربوه على ان ممكن تعمل اى حاجه المهم ماحدش يشوفك ولا يعرف ...

كبروا دماغكم و فكروا فى المصيبه الي حلت على دماغ شعب مصر
ايه مصير الطرب بعد موصوع الحشيش الى في جيب الجاكت بتاع شعبوله؟

norahaty يقول...

لسلام عليكم ورحمة
الله تعالى وبركاته
أسماعيل
المستقبل بقى ما يطمنش والله فى ظل الجامعات الخاصة وما تخرجه علينا كل يوم من اعاجيب ونوادر.
ربنا يستر علينا
وعلى بلدنا.
نورتنا
بمرورك
وتعليقك
اسماعيل

غير معرف يقول...

~.....................................................