الأربعاء، نوفمبر 12، 2008

(...........................................)


نعمة ام نقمة
نعيم أم جحيم
الله اعلم الله اعلم

هناك 27 تعليقًا:

عمرو يقول...

مش فى كل الاحوال بيكون نعمه او نقمه
لكن المفترض فى الشخص ان لا يكمل ايام حياته كلها على وتيره واحده و الا ستصبح حياته ممله جدا
بس برضو يا ريت توضحى اكتر تفاصيل عن سؤالك
مع تحياتى

هانى زينهم يقول...

خير يا دكتور ؟؟
لو اتعاملنا مع البوست على اد المعنى المباشر يبقى الاجابة هتتحدد حسب نوع الاختلاف .
يعنى لو الاختلاف ده ايجابى بمعنى انى مختلف بمعنى انى اكثر فهما وعقلا وثقافة وابداعا اكيدالاختلاف يبقى نعمة . اما لو الاختلاف سلبى بمعنى نقص لا قدر الله فى اى وظيفة او عضو او تفكير او عقل يبقى اككيد الاختلاف نقمة .
فى كل الاحوال ربنا سبحانه وتعالى له حكمة فى النعم والنقم وسيدنا على قال " لا تتعاملوا مع البشر على انكم ارباب ولكن تعاملوا معهم على انكم عبيد فاحمدوا الله على العافية وارحموا اهل البلاء " اللهم ارحمنا برحمتك .

M.K يقول...

الله أعلم....
للإختلاف وجوه كثيره و أسباب مختلفه...
وما هو بنظري خير بنظر غيري شر ..
الله أعلم..
.......
دمتي بخير

وفاء بركات يقول...

السلام عليكم

حمدالله علي السلامه يا دكتوره نور..سؤال يحتاج لوضوح أكثر
وإن كنت أتفق مع الأستاذ هاني زينهم..
علي فكره الخلفيه السوداء للسؤال قلقاني !..لعله خير إن شاء الله

TeVa يقول...

مختلف من حيث ايه يعني ؟!!

مش فاهم أيتها حاجة يا دكتورة :D

ممكن توضيح أكتر ؟

خدينا على قد عقلنا معلش :))

ahmed_k يقول...

ده بيعتمد على نوع الإختلاف
فقد يكون رحمة في حالات
ونقمه في حالات أخر


دمتي بكل خير

TiMmY يقول...

ايه بس مالك يا دكتورة .؟؟

مين اللي ضايقك بس ؟؟

موقف إيه "الكبير" اللي خلاكي ما تقدريش تكتبي غير القدر " الصغير" ده ؟؟

الاختلاف إن كان في الحق فهو نعمة ..

و إن كان في الباطل فنقمة ..

و إن كان تميزا فهو برضه نعمة .. حتى و لو سبب ليكي مشاكل ..
و إن شاء الله لي عودة بقصة عن الموضوع ده بس لما أفضى إن شاء الله

إوعي تخلي حد ينرفزك .. :)


-------------
*رد*


و عليكم السلام

دائما زيارتكِ تشرفني .. و تسعدني

هو أنا مش قد الإطراء ده كله ..
فإني على عرجتي أحاول ..
فإن سبقت فكم لرب الورى من فرج
و إن تخلفت فما على أعرج حرج

يعني ده كله من باب التعاقل .. و ليس العقل
فقد يبلغ الطالع شأو الضليع
و عد في زمرة العقلاء : المتعاقل الرقيع ..

معلش .. حبيت أخليكي ما تنخدعيش بس
ربنا يهدينا و يسترنا و يوفقنا لما يحب و يرضى

تحيتي

Dr- Hema يقول...

ان تكون مختلف شىء مميز جدا

بس الإختلاف يكون فى حاجة كويسة

يعنى الناس كلها بتشجع كورة وانت مبتشجعش

دا نعمة

الناس كلها بتصلى وانت مبتصليش دا نقمة

وهكذا

والإختلاف أيضا من سمات البشرية

ولا يوجد على وجه البسيطة متشابهان

فالإختلاف والتنوع من سمات الكائنات الحية

د/هيما

صابر وراضى يقول...

وعليكم السلااااااااام
فى كل الاحوال هى نعمت
لان الاختلاف لسبب يعلمه الله
اما بالنسبه للناس فانا اعتقد ان الناس مش هيعجبها اذا كان فى اختالاف او مكنش فى اختلاف

شمس النهار يقول...

انت ماوضحتيش الاختلاف في ايه
بس لو ست جميله جداو جمالها مختلف ده ساعات بيكون نقمه لو هي ماصانتش جمالها ده
لو واحد بيعرج الناس اللي ماشيه بتتفرج عليه من غباوتهم بيكون الاختلاف هنا نقمه
يعني جاوبتك علي قد مافهمت من السؤال

Hina wi Hinak يقول...

كلنا مختلفين وهذه نعمة، لكن أغلبنا بيحب يكون متشابه وعندها بيكون الجحيم

أحمد كمال يقول...

يا عزيزتي كل منا مختلف ، حتى لو حاول أو حاولنا ادعاء العكس ، كل محاولات القولبة لم تنشأ إلا فيما بعد الموجة الصناعية ، و من وقتها زادت تعاسة الإنسان .

اللهم أدم علينا نعمة الاختلاف ، و احفظها من الزوال .

تحياتي

كـــيــــــــارا يقول...

الله اعلم فعلا

kochia يقول...

انا اتفق مع بعض التعليقات ان نوع الاختلاف هو الذي يحدد ذلك
وارجو ان يكون الاختلاف نعمة .. حتي يحقق هدف مختلف في الحياة

تحياتي

من غير عنـــوان يقول...

العزيزة نور
فجرتي قضية رائعة...هامة .... مثيرة للجدل...

رد في كلمتين :
طبقي نظرية النسبية

خدي كل عوامل الإختلاف.. وكل معطيات المحيط.. والنتيجه مؤكده

مختلفه عن مين..مختلفه في إيه..

وكان عليه الصرة والسلام حبيبي.. مختلفا حين جاء بالدعوة...ومتوافقا حين أتمها.. أقصد مع محيطه...

أدام لنا ربنا نعمة الإختلاف عن الخاطئين ... ونعمة التوافق مع الأخيار...

أنا أفكر إذن أنا موجود وعاقل .. ولي مستقبل...

أنا وراء قطيع رايح في داهية.. أشذ أفضل...

وحنروح بعيد ليه..

يقول كرم الله وجهه سيدنا عليّ

رب إعطني الشجاعة على تغيير ما أستطيع تغييره..
والقناعة على تقبل ما لا أستطيع تغييره...
والحكمة على معرفة الفرق بينهما...

أمنيات كثيرة لشبابنا بالنجاح والفلاح... بالفرح والتغيير

TeVa يقول...

احم احم
السلام عليكم ورحمة الله وبركاته

هي الدكتورة مختفية عن الساحة ليه ؟

ايه مش ناوية تُدلي بدلوك معانا !!
ولا انت بتختبرينا :D

هييييييييييييه دنيا

سلام :))

norahaty يقول...

السلام عليكم
ورحمة الله تعالى وبركاته
الاصدقاء الاعزاء اوى اوى اوى
*أستاذ عمرو: وحبتشكاناته الفلسفية اللى تخليك تفكرررررررررررررر.
أستاذهانى زينهم واستراحتيه المريحتين أوى
بوجوده وكلامه وأختيارته للموسيقى بهما
m.k* :واخبارها عن الامارات الصاعدة الواعدة الرائعة ونوعيه اخرى من الاحداث.
*أستاذة وفاء بركات: من تدخل الى مدونتها فلاتريد أن تذهب لانك وكأنك جالس معها تحاكيها وتحاكيك.
TeVa*:من يفهمها وهى طايرة ولكن يريد ان تعيد عليه الكلام حتى يستعد أكثر وأكثر للاجابة.
ahmed_k*ودرداشاته العاقلة اوى فى حالنا العربى(المؤلم للاسف)
*timmy:المهندز المستنى لاوراق الجهادية
وربنا يفرجها عليه وياخد اعفاء(نهائى)يارب
dr-hema*:ومواضيعه واجاباته والمستعد دائمآ ابدآ بالحقنة والسماعة وجهاز الضغط والقلم.
*صابر وراضى:وكلامه واللى دايمآ بيخلينى احس انه متفائل ومنشرح(يارب دايمآ)
*شمس النهار :المنورة دايمآ فى مدونتها وفى مطبخها كمان العامر بها ابداً
Hina wi Hinak*:وكلماته القليلة لكنها كافية فهى كلمات من كتاب تعريف الحياة وكيف لا وهو من يقول: الصمت هو أفضل من كلام جاء في غير وقته ..والصمت إن جاء في وقته هو كلام
*أستاذ احمد كمال :ورحايا العمر مدونته التى ننتظر كل يوم احد لنتعلم منها عن انفسنا الكثير والكثير
*كيارا :المتوثبة والتى تحس بنبض الشقاوة والشباب فى كل كلمة تقولها
kochia*:الظريفة ومغامراتها مع ooooopsعلى الفيس بوك وقصاقصها اللطيفة
*من غير عنوان :ولا ادرى لماذا فالعنوان معروف جدآ:ذكريات وقراءات وخبرات وتجارب وحكايات ممتازة للمهندس محمد البنا
*TeVa:كلاكيت تانى مرة.لأ مش مختفية انا هنا اهوه بوضب الرد وحينزل حالا بالا
............
احط الرد ده
وارجع اكتب رأيىّ

norahaty يقول...

السلام عليكم
ورحمة الله تعالى وبركاته
اقول والله المستعان والمعين
ان تكون مختلفاً:هى نعمة قد فضلك الله بها عمن حولك فكل هبة من الله هى نعمة وان قصر فهمنا عن أسبابها ولكل شىء سبب .
ان تكون مختلفآ هى جحيم لانك تعيش وسط من انت مختلف عنهم فسواء كنت احسن منهم او اقل منهم فأنت مختلف والناس لا ينسون هذا ابدآ
هكذا افهم انا او تصورت الموضوع.

وفاء بركات يقول...

السلام عليكم

آممممممممممم يادوبك فهمت ..
وقعتي قلبي يادكتوره ...أفتكرت فيه حاجه مزعلاكي.
أهم حاجه الواحد يعمل الحاجه اللي تخليه ينام من غير قلق يعني يرضي ربنا
ويحكم دايما ضميره ماأجمل أن نتقي الله في كل أفعلنا ...بعد كده اللي يزعل يزعل
لكي مني كل إحترام وتقديرودعوات مخلاصات بالصحه والعافيه وراحة البال

أحــوال الهـوي يقول...

الاختلاف هو التميز او الشذوذ
فاذا كانت الاولي فهي نعمه و اذا كانت الثانيه فهي حاجه من اثنين
شذوذ عن المألوف او عن القاعده
اذاكانت الاولي فهي نعمه و اذا كانت الثانيه فهي حاجة من اثنين
القاعدة العامة او الخاصه
اذا كانت العامة تبقي مشكلة و اذا كانت الثانيه تبقي مشكلتين
اصلي انا اتاخرت عن الرد و انت حليت اللغز قلت اضحك معاك شويه

تحياتي

واحدة مفروسة يقول...

كلنا مختلفين
و ربنا خلقنا مختلفين
لاننا لو متشابهين حيكون فيه رتابة
لازم نكون مختلفين
و لو تشابههنا
قولى على الدنيا يارحمن يارحيم

norahaty يقول...

السلام عليكم
ورحمة الله تعالى وبركاته
أستاذة وفاء بركات
نورتينى مرة كمان ياأستاذة وربنا
ما يحرمنى من قلبك الطيب يارب وإن كان على الزعل فهو فى القلب مستقر والحمد لله لكن هى دنيا ولازم نعيشها سواء شئنا هذا أم لم نشأ.
صبحك الله بكل خير ومتعك
بالصحة والعافية.

norahaty يقول...

السلام عليكم ورحمة
الله تعالى وبركاته
أحوال الهوى
والهوى أحوال
طالما أن حضرتك جيت فتبقى ما تأخرتش ابدآ والحمد الله وهذا يكفينى ويزيد
دايمآ منورنى وشكرآ للتعليق اللطيف

norahaty يقول...

السلام عليكم ورحمة
الله تعالى وبركاته
واحدة مفروسة
ماهو دده رأيىّ
أن الاختلاف هبة من الله فهى نعمة
ولكن الاختلاف فى دنيا البشر نقمة
وللاسف الناس مش فاهمين كده !!!
تحياتى لكى ولكلامك الجميل

ابو حمزة يقول...

انك تؤمن بمبدء خالف تعرف وهذ ماركسى
كما تعلم ورحم الله امرء عاشر زمانه

ابو حمزة

norahaty يقول...

السلام عليكم ورحمة
الله تعالى وبركاته
ابو حمزة المصرى
انا لا اؤمن بهذا كمبدأ
ولكنه فرض علىّ من الله
ومادام قال ربك وجب
فلا تسألن عن السبب
قضاء الله لابد من قبوله

غير معرف يقول...

~.....................................................