الخميس، مايو 14، 2009

.................هديتين أه والله هديتين... ووووأعتذار كمان...

جالى هديتين من غير لا أدرى ولا اعلم
الاولى

والتانية
اميل من الفنان الرسام الموسيقى
الاستاذ شريف الكردى يقوللى ان

الرد بتاعتى على تدوينة عنده اتذاع ببرنامج انت تسأل والكومبيوتر يجيب
ياعنى اسمى واسم المدونة جه على الرديووووووووون يابشرية جمعاااااااااااااااااااااء
عقبال ما تيجى على الصحف والمجلات والفتزيوووووووووووون وكمان البوتاجاز!


الحاجة الاخيرة
بقى
هى اعتذار
او أستئذان
اغيب كام يوم كده
لانى عقبال الحبايب يارب
حأبيض اه يعنى حادهن الشقة وش اتنين او تلاتة
لزوم الزيارة الكريمة(لبنت اختى)الشهر الجاى
واهو مصلحة للجميع
انا اسفة لتأخير الرد على الكومنتات
اللى فاتت
لكن حأحاول ارد عليها
من كومبيوترأولاد اختى(المحمول بتاعهم)واهى فرصة
نتعلم فيه شوية
(يمكن أشترى واحد؟)
مرة تانية انا متشكرة
للكل اللى اهدانى الهدايا
واللى زارنى وفات او ساب التعليق
واللى بيزور ومن غير تعليق كمان:أنا عندى رادار
نهاركم ابيض ويومكم وايامكم كلها يارب سعيدة
فى طاعة ورعاية الله سبحانه وتعالى.
مش ؛اغيب كتير باذن الله
سلاااااااااام

هناك 46 تعليقًا:

عمرو يقول...

مبروك يا دكتوره و طبعا مش حنعرف نكلمك بعد كده طبعا ما أنتى بقيتى نجمه اٍذاعيه خلاص :)
و مبروك كمان على تبييض الشقه بس مصطلح تبييض ده خلاص ماحدش بيستعمله دلوقتى :))
ده أنتى حتشوفى أيام مع النقاشيييييين !!!
مش حأحكيلك علشان ما تتعقديش بس ربنا يصبرك عليهم و ما تبطحيش أحدهم بالروله :))
بس برضو اٍبقى طمنينا على الزياره و أيه اللى تم فيها ..
تقبلى تحياتى و تقديرى ..

حسام غانم يقول...

- ألف مبروك

- ألف مبروك

- ربنا يرجعك بالسلامة إن شاء الله

akeed يقول...

مبروك على الهدية والاذاعة والمدونة الجميلة .

تحياتى

karim يقول...

مبروك عليكى السعادة التى انتى فيها هى اهم شىء ان تسعد الناس و يسعدوك, هذا هو نبض الحياة,تحياتى

salma mohamed يقول...

يسعدك دايما يا جميل,
وان شاء ترجعي بالسلامة,
ويكون دهان الشقه وشه حلو عليكِ (:

مذكرات مشاغب يقول...

مبروووووووووووووووك عليكي الراديون
وعقبال التليفزيون

تحياتي

عين فى الجنة يقول...

استعملى دهانات يوتن فينوماستيك سيلك نص لمعة
والبطانة جوليفيكس
والمعجون الجاهز من نفس الشركة

مسدس صغير يقول...

ترجعى بالسلامة

الربان يقول...

تحياتي

الف مبروك...الشهرة...لكن يارب بعد الصحف و التليفزيون و الفضائيات لا تتغيري و تنسي اصدقاء التدوين...هههه.

ايضا مبروك الدهانات...و ربنا يقويكي عليها لانها تتطلب وقت وجهد..

كل التمنيات الطيبة لك بالتوفيق الدائم...و خالص التحية و التقدير

بلاش فضايح يقول...

مبروك على رابط المصحف
ومبروك على ظهور الرد فى الاذاعة
ومبروك مقدما على تبييض الشقة

وان شاء الله متغيبيش

تحياتى

Unknown يقول...

السلام عليكم

جزاكم الله خيرا على رابط المصحف الشريف فهذا موقع رائع لتصفح المصحف الشريف وقراءته

ألف مبروك على الظهور فى الاذاعه وعقبال الظهور مرة أخرى

ألف مليون مبروك على تبييض الشقه فهذا يعتبر من الأحداث التاريخيه في بلادنا حيث أصبح من النادر أن يفكر أحد فى تحديث الشقه نتيجة الانشغالات المختلفه بالاضافه طبعا إلى ارتفاع الاسعار
وفقكم الله

z!zOoOo يقول...

السلام عليكم

أزيك يا دكتوره يارب تكوني بخير وبألف صحه وعافيه

مبروك علي علي شهرتك في الاذاعه ( يارب نعرف نكلمك بعد كده ماتبقاش بمواعيد ) :)

وطبعا هديه المصحف احلي هديه

ربنا يوفقك وينورلك طريقك

ومبروك صحيح علي الدهان عقبال شقه جوازك يارب :)

تحياتي

z!zOoOo يقول...

الله الله الله

بجد ماشاء الله روعه يا دكتوره

بجد رائع مش عارف اقول ايه

ربنا يباركلك في الهديه ديه

ويبارك للي بعتها ويثوبه

تحياتي

أم أحمد المصرية يقول...

مبروك غلي بياض الشقة و مبروك علي الهدايا و ترجعي السلامة يا قمر

د/عرفه يقول...

ترجعى بالسلامة دكتورة

وعادى تبقى تدخلى كده بالليل لما العمال يخلصوا شغل
ههههههههههههههه

منتظرين عودتك دايما

assafo anaroze يقول...

نورا
في رعاية الله
ترجعي لنا بالسلامة
مودتي

وليد يقول...

ربنا يبارك فى حضرتك يارب وترجعى بالف سلامة وابقى طمنينا على حضرتك دمتى بود الحمدلله الامور بدات تفرج

جنّي يقول...

السلام عليكم

شكرا على الرابط وضعته في المفضلة ..

وان شاء الله ربنا يحقق حلمك ..

وارجعي لنا بسرعة ان شاء الله ..

اوراق قديمة يقول...

السلام عليكم
الف الف مبروك يا دكتورة
شفتى كنت زعلانة ازاى لما عرفتى ان قريبتك جاية
اهو ربنا بعتلك قصاد كدة حاجات كتير تفرحك
مبروك رابط المصحف والاذاعة
وان شاء اللة نبارك لك على التبييض والشقة تنور وتبقى فلة
وان شاء اللة الزيارة حاتكون قرفتها خفيفة وظريفة ومستنينك
ما تتاخريش علينا
ام محمد

شمس النهار يقول...

مبروك علي الهدايا
وكمان هتبيضي الشقه
عال عال دي ماشيه معاكي

البرنامج ده هيتزاع تاني وفين عشان نشجع بس

ghorBty يقول...

امممممممم

طيب هو انا كل لما اجي هنا القيكي هتخدي اجازه :(

ربنا يارب يرجعك بالسلامه وتخلصوا علي خير كدا ان شاء الله ...

ويسعد ايامك دائما يااارب

صوت من مصر يقول...

اقول ايه
مش محتاجه اى مساعده فى تبيض وش الاستاذه شقه الى هى جت بعد مشقه

وفاء بركات يقول...

السلام عليكم
مبروكات كتير علي المصحف وعلي اإذاعه والتبييض ..
بس كده يعني متغبيش علينا كتير ربنا
يسعدك
سلام كبير بقي وبكره تيجونا امال ايه علي المدونه دى تقبلونا امال ايه

حاسوباتيه يقول...

مبروك على الدهان والهدايا الحلوه ويارب ماتغبيش كتير بقى

Kiara يقول...

الف الف الف مبروك

والهديه كميله زي صاحبتها


جيت اقولك

صباح الخيييييييييييير

والف مبروك علي التجديد اللي هيتم
بس طمنينا عليكي

حسن حنفى يقول...

ان شاء الله حضرتك ترجعي بالسلامه

دعوات حضرتك

FOrty يقول...

مبروك دهان الشقه و ياريت تعملى شويه لعب بالالوان كده مش كله لون واحد و يعينى بقى لو اشتريتى شويه زرع و توزعيه فى الشقه بالمره منها اكسجين و منها جمال طبيعى
تحياتي

من غير عنـــوان يقول...

مبروك الدهانات الجديده

أصل في الهندسه البياض هو المحارة

عموما عايزين ألوان مشرقة

صباح مشرق عليك
وفي إنتظار العوده
لك تحياتي يا صديقتي العزيزة

هانى زينهم يقول...

كمان هتبيضى الشقة !! ليكى حق تتخنقى من الزيارة دى والله يا دكتور بس معلش كله عند الله . مبروك الشقة والذكر الاذاعى الجميل ده بس ما تغيبيش علينا كتير .

Unknown يقول...

هههههه المصحف جميل جدا
اما انت تسال و الكمبيوتر يجيب ممكن تعلقي عندهم و تعرفي بالظبط مواعيداذاعة التعليقات بتتنشر يوم التلات الساعة 10 و نص كده بالليل في مدونتهم

بالمناسبة انا كنت بعلق عندهم و سجلت حلقات كتيييييييييير اوي

و بالنسبة لبنت اختك شكلها كده هتغرمك جامد

رحلتنا في الحياة يقول...

مبروووك يادكتورة وعقبال ما تشوفك فى التليفزيون كمان :)
ومبروووووك على بياض الشقة كمان
وترجعى بالسلامة ان شاء الله

Unknown يقول...

مبروك
بجد تستاهلى كل الخير
اسعد الله قلبك
ان شاء الله ترجعى لنا بالسلامة

Unknown يقول...

السلام عليكم ورحمة
الله تعالى وبركاته
النهاردة على ما يبدو
هو اليوم المووووووووعود
فى الغالب حنبتدى دهان الحجرة دى
وبالتالى حنشيل الكومبيوتر والنت
وعالم نعرف نركبه فى حته تانية من الشقة ولا يبقى لقانا بعد ما نخلص خالص ......ربنا يكون بعوننا جميعا
ونبتدى الرد على قدر ما يسمح الوقت اللى فاضل لحد ما انزل الشغل
وماحدش يزعل ....نبتدى :

Unknown يقول...

السلام عليكم ورحمة
الله تعالى وبركاته
أستاذنا عمرو بدر
ولا عمرى اتكبر عليكم
ابداًوفعلا يافندم بدأت
اشوف من النقاشين ولما أرجع
حأبقى احكى مسلسلات عن اللى شفته:)
***************
دكتور حسام غانم
الله يبارك فيك يافندم
عقبال التخرج والعيادة والزواج
**************
akeed
الله يبارك فيكم
ده من ذوقكم
**********
karim
الله يبارك فيك ياكريم
وعقباااااااااااالك
********
Salma Mohamed
الله يخليِكِ يارب
ويحفظك من كل شر
*********
مذكرات مشاغب
الله يبارك فيك وليك
عقباااااااااااااالك.
************
أستاذ راجى
متشكريين للنصايح الهايلة دى
حأشوف الحكاية دى (مع المايسترو لو سمحتى) ده جنابه اللى بيقول :)
***********
مسدس صغير
الله يخليك
يسلمك من الشر كله.
**********
حضرة الربان
عمررررررررررى
ما أتكبر على الناس
الطيبين دول ابدأ أطمئن:)
***********
بلاش فضايح
الله يبارك فيكى وليكى يارب
***********
باشمهندس محمود فوزى
الله يبارك فيك يافندم
هى علقة بس لابد منها
حانعمل ايه؟لابد منها :)
***********
Z!zOoOo
وعليكم السلام
ولا شهرة ولا حاجة
ما تكسفنيش بقى
متشكريين جداً

Unknown يقول...

السلام عليكم ورحمة
الله نعالى وبركاته
زيزووو مرة تانية
الله يبارك فيك وليك يارب
وجزاها الله خير حبيبة الحبيبة
**********
أختى ام احمد
الله يبارك فيكِ يارب
علقة ياأم احمد وانتى ست العارفين
بس لابد منها ربنا ييسر ويسهل.
**********
دكتور عرفه
الله يخليك يادكتور
ومش عارفة بقى
حاقدر اجى تانى
ولا لأ؟ ربنا يصبرنى:)
*********
assafo anaroze
ربنا يخليك ياأسافو
************
وليد الاسلام
ويبرك فيك ولك ويفرجها
ربى وربك ورب الناس اجمعين.
طمنتى الف حمد وشكر لله رب العالمين.
********
أستاذ جنّى
وعليكم السلام
الشكر لله رب العالمين
وربنا ييسر ويسهل
دعواتك ياأستاذ سعيد.
*********
أم محمد(اوراق قديمة)
علقة ياأم محمد
وانتى أدرى بيها بقى:)
**********
البرنسيسة شموسة
الله يبارك فيكِ
والبرنامج اتذاع:)
وده التسجيل بتاعه:)
*********
ghorBty
معلش حظك كده :)
بأذن الله نخلص ونقعد
بقى قعدة كبييييييرة:)
***********
صوت من مصر
متشكررررررين
عارفينك قدهاوقدود.

Unknown يقول...

السلام عليكم ورحمة
الله تعالى وبركاته
استاذة وفاء بركات
ربنا يسهل ياأستاذة
والنقاش يخلص على طول
ولو ان البشاير لا تبشر بخير:(
********
حاسوباتية
الله يبارك فيكِ يارب .
********
كيارا
الله يخليكِ
انت الاجمل
صباحك سكرررر
********
حسن حنفى
ربنا يخليك ياحسن
وينجحك وينجح كل الطلبة
ياااااااااااااااااارب
********
OverForty
الله يبارك فيك
وحاضر نشوف موضوع
الزرع الاخضر
ولو ممكن تنفيذه.
********

Unknown يقول...

السلام عليكم ورحمة
الله تعالى وبركاته
من غير عنوان
احنا دقة قديمة معلش:)
والبياض عندنا=الدهان:)
وأن كان على الالوان انا احب الفواتح جداااااااااااااااا:)
*********
استاذ هانى زينهم
عذرتنى؟عرفت اتضايقت ليه؟
الله يسهل ويبارك فى حضرتك يارب.
********
المعلم محمد صاحب المطعم
طيب عازيين نسمع بقى
جزء من الحلقات دى
******
أيوشة
الله يبارك فيك
عقبااااااالك
*******
نهر الحب
الله يبارك فيك
انتى اللى تستاهلى
الخير كله يامنبع الخير

Unknown يقول...

الحمد لله رب العالمين
والصلاة والسلام على
خاتم النبيين سيدنا
محمد وآله وصحبه ومن
اهتدى بهداه الى يوم
الدين وسلم تسليماً كثيراً.
***********
ألقاكم على خير
بأذن الله تعالى

غير معرف يقول...

نوراهاتى

أرجو الا تغيبى كثيرا عن البستان .. ومبروك التجديد

تحياتى اليك

Unknown يقول...

انا مسجل شوية من الحلقات اللي اتقال فيها اسمي انا ! لحد ما زهقت من التسجيل و كان لسه في حلقات كتيرة فيها اسمي سبتها !

حازم النبراوي يقول...

هذه اول زيارة لى لمدونتك

تصفحتها واعجبتنى جداا

بالمناسبة مبروك وعقبال التليفزيون

ويسعدنى مرورك بمدونتى الصوتية
راديو العرب الحر)


تحياتى وتقديري

Unknown يقول...

السلام عليكم ورحمة الله وبركاتة
الف مبروك على الهدايا
والدهان الشقة
والراديووووووووووووون
ههههههههههه
ربنا يكرمك ويزيدك هدايا كمان وكمان
دمتِ بالف خير وود وحب

kochia يقول...

والله حاجة جميلة اوي وخاصة لما تكون مفاجئة حكاية اسم مدونتك وتعليقك
وكمان مبروك علي الهدية بتاعة المصحف الشريف
وانتي تستحقي اكثر من كدة
وتروحي وتيجي بالسلامة
وعقبالنا يارب نبيض احنا كمان
تحياتي

Unknown يقول...

السلام عليكم ورحمة
الله تعالى وبركاته
أستاذ شريف
ربنا يسهل وييسر
يافندم ويتم المراد
من رب العباد
********
المعلم محمد صاحب المطعم
----طعمية سخنة----
ما انا قلت حضرتك
عااااااايزين نسمع
********
حازم النبراوى
شكراً يافندم
وربنا يسهل ونزورك
وكمان تتشهر كده
وتبقى (فتزيون العرب الحر)
********
حتى تشرق الشمس
متشكررررررررة
لكل الامنيات الجميلة دى
يارب اكون من مستحقيها
ويكرمنا المولىّ عز وجل جميعاً

Unknown يقول...

السلام عليكم ورحمة
الله تعالى وبركاته
kochia
الله يبارك فيكى يارب
وفعلا على اد التعب بتاع
النقاشة والبياض وكده على
اد ما الواحد بيبقى مبسوط
اوى بعد كده بالنظافة والتجديد.

Unknown يقول...

الحمد لله رب العالمين.