الله .......بيت اللى اخترعه
الله.........بيت اللى فكر فيه
الله .......بيت اللى صنعةا.......بيت اللى استورده
.....ايه بس اللى حصل ؟هو ايه اللى يستحق كل النياشين دى؟
الصنادل والكوتشى بتاعة العيال الصغيرين اللى فيها الصفارة
النهارده اتلم اربعة عيال صغيرين فى صالة العيادة وكانوا لابسين ال.......ده
بس راحين جايين عملين يصفرو ويزمارواوحاجه اخر وجع دماغ
وان ام واحدة فيهم تحس على دمها وتقعد عيلها جنبها ابدآ ولا هى هنا
امال هى جايه ليه؟ علشان تستريح من ابنها وشقاوته وتسيبه ينطلق فى سماء الفن
.سماء الفن؟
قصدى فى صالة العيادة
وانتى عملتى ايه؟
حاأعمل ايه سكت
.......ياسلام ليه انشا الله ?فين الحكيمة ال.......بتاعتك؟
كانت اجازة النهاردة وجابولى انسة دبلوم تجارة تشتغل معايا
ودى لو ام واحده بس نفخت مش زعقت لها فى وشها حطيرهاها
وبعدين ؟
ولا قبلين قعدت ساكته وحطيت قطن فى ودانى!!!!!!!!!!!!!!!!!
ياخبر والشغل ؟
مالله الشغل ؟
تسمعى العيانين ازاى وتسمعى شكوتهم ؟
الحمد لله صوتهم كان يخترق الاسمنت المسلح مش القطن بس!!
طيب وقياس الضغط والسماعة وووووووووكل الحاجات اللى بتحتاج سمع
للاسف الحاجات دى ما بتتعملش عندنا بصراحة لكل مريض
ليه؟
لما تكون بتكشفى على 60 او 70 واحد كل يوم تكشفى امتى وازاى ؟
للاسف المرضى يأتون الان لاخد الادوية فقط ومهما حاولت تفهمهم
ان الادوية دى لها اضرار جانبية كتيرة مفيش فايدة ولا هو هنا !!
هو جاى وعايز (شنطة الدوا بتاعته)وماتحاول تغير رأيه انت
حتتعب وكمان حيروح للمدير يشتكيك!!
يشتكيك؟؟!!!
ايوه امال ما كل مدير دلوقتى خايف على الكرسى اللى تحته
من اول مدير الجمعية التعاونية اللى قدمنا ل... انتو عارفين مين....
خايف على الكرسى
وحسبنا الله ونعم الوكيل.
====================
بسبسبسبسبسبسسسسسسسس
انت حاطة برضة صورة مالها علاقة بالموضوع!!!
يعنى بالعقل كده حاحط صورة.........
مش معقول.....
رحت حاطه البنت الحلوة الامورة دى
هناك 14 تعليقًا:
على عجالة...، بس حبيت أقولك الله يكون في عونك!
أهلاً بحضرتك
انا أول مرة أعرف ان حضرتك طبيبة
أهلاً وسهلاً زُمُل يعني
يافندم الأول بس ايه موضوع فنان وشاعر دي والله ده دور سخونية كدة مش عارف جالي منين ممكن عشان احنا في شهر خمسة ولسة الجو برد قولت أسخن انا
أما شيطان الشعر ده ربنا يعيذنا منه ويصرفه عننا
انا مش قصدي أضايقك بموضوع كتابتك الكتير طبعاً براحتك
انا بس قصدي انك بتكتبي حاجة مفيدة يعني يبقي فيه فرصة ان أكتر ناس تقرا الكلام ده وتعلق عليه
يعني انا من امبارح للنهاردة فاتني 2 بوستس بس......الحمد لله
حضرتك انا لو الكوتشي ده لقيت عيل لبسه في رجله بجيبه وأخليه يقلعو يا أما امه تشيله علي رجليها لأنها مش بتبقي ناقصة وش........
أما موضوع العلاج ده فالناس فاكراه زي الأكل والشرب كدة
أما الصورة فطبعاً أحسن من الكوتشي بكتييييييييير
هوة حضرتك تخصصك ايه ؟؟؟
طبعاً خالص تحياتي ليكي وتمنياتي بالتوفيق..............
السلام عليكم
آيه خفة الدم دي ...شوفي ياحبيبتي انتي ترشي عليهم ميه وتقولي كل واحد يروح يلعب قدام بيته ...بس آيه برود الأمهات ده هوكلمة عيب إتلغت من القاموس....ربنا يقويكي
السلام عليكم ورحمة الله وبركاتة
Hina wi Hinak
Thank you 4 your kindness,and sympathy.
السلام عليكم ورحمة الله وبركاته
ghoneem**
اهلآبحضرتك انت يادكتور غنيم
بصحيح اول مرة تعرف؟
يبقى انت كده ما بتقرا الردود الموجودة على المدونة ,لان مثلآ ***محمد الفارس الملثم على طول بيقولى يادكتورة.المهم حصل خيرواحنا زملاء نقابة واحدة(اينعم نقابة غلبانة ومالهاش صوت ولا عين ولا اى حاجة ولما ياحسرة قلبى حبت تعمل اضراب عن العمل ما نجحش خالص (انا اول واحدة لم اقتنع بيه,لان اول كلمة بيقولها لك المريض:انا ذنبى ايه؟وفعلا هو ذنبه أيه؟)
المهم نجى للحته اللى بتوجعنى ولازم كل مرة حد يسألنى عنها
تخصص ايه؟؟؟؟
اقولك انا لم انجح فى التخصص لاسباب كتتتتتتتتتتتترة لكن الوم نفسى على 99% منها.انا ممارس عام يادكتور غنيم وعلشان كده العدد الرهيب اللى انا بأشوفه ده كل يوم
وبعدين فى التواضع بتاعك ده؟؟امال (بلدتى القديمة) و(التوقيع الاروع)يبقوا ايه؟نثر ؟ده شعر وجميل كمان!!!.
واذا كان على كثرة الانتاج(وهو قليل لما اريد ان افعله يوميآ لو كنت استطيع الكتابة بسرعة اكبر)اقولك علق على اللى تقدر عليه,وانا باعترف لك مش كل البوستات بنفس القوة او الاقناع
يعنى ساعات بتبقى نص نص.
رد على اللى تقدر عليه وتبقى مشكوووور
وبرضه الاجراء اللى انت ممكن تاخده انا ما اقدرش (حضرتك انا لو الكوتشي ده لقيت عيل لبسه في رجله بجيبه وأخليه يقلعو يا أما امه تشيله علي رجليها )انت من القاهرة او الجيزة يادكتور غنيم ؟اصل الامهات هنا مستقوين القلب شوية وكمان انت طبيب راجل ...وما تقول لى مافيش فرق....بلدنا وناسنا حيفضلوا مفرقين بين الراجل والست فى حاجات كتير
ياعنى انا لو وقفت وعليت صوتى علشان الامهات يشيلوا عيالهم ....حيتقال على شوفى ال... عامله ايه وصوتها عالى ازاى؟
فى حين لو انت اللى زعقت ...ياسلام موسيقى ياختى ويتقال دكتور حمش وما يحبش الدلع ولا الدوشه"ومعلش هو عصبى شويه النهاردة"
اقولك ايه؟شرفتنا ونورتنا يا أبو زمل وارجو مدوامة التواصل
وربنا يقويك على عملك.
ولك احتراماتى
norahaty
السلام عليكم ورحمة الله وبركاته
أ.وفاء بركات**
نورتينا ياأستاذة لكى وحشه والله.
اذا كان على برود الامهات الايام دى فحدث ولا حرج . الارضيه عندنا فى العيادة سيراميك يعنى بيزحلق بسهولة والوقوع على الارض من اسهل الاشياء ,ومع ذلك تلاقى الواحده من دول قاعدة ولا سأله ابنها يقع ينكسر مش مشكله هى عايزة تسمع بقيه الحكايه من جارتها او تكمل الكلام مع صحبتها...وترجع تعيط وتصوت لما مشكلة تحصل مع الطفل.
اقولك ايه ده جزء قليل من كثير نراه من الجمهور
فعلا ياستاذةكتير من سلوكياتنا اتغير
للللللللللا سوووووووووووووووووووووء
وللاسف.
وتقبلى تحياتى.
norahaty
السلام عليكم ورحمة الله وبركاته
سعيد جدا بمرورك وتعليقق الكريم في حطام انسان بس
والله موضيع تاكيد الكلمة دة في ناس كتير مضايقة وزعلانة
منة اروح داخل في الاعدادات والخصوصية وافضل اشيل واحط
في نقط خضرة وبفتكر اني شيلتها وبعد ما قراءة تعليقق نفس
النظام دخلت الخصوصية وعملت الا ربنا قدرني علية وابقي لو سمحتي
جربي كدا وقوليلي اتشالت ولاا ليسة اما بقي بالنسبة للاطفال والزمامير
دي غلطت اهاليهم لازم صنادل وجزم تذمر يلبسوهلهم في البيت او
في اي خروج عام يا حلاوة يا اولااد الواحد وهو صغير كان بيجيب جزمة بلاستيك في شوية كراسي تحت 9 والله اعلم علي ما كنا نتائقلم
معاها وناخد عليها تكون شالت اجزاء من رجلينا وللا سف موضوع الدواء
او العلاج دة مشكلة والناس عندنا بيفتكروا كل ما يبلع حبوب او يشرب داوء
اكتر هيخف زي الا خد شريط المنوم علشان ينام اسبوع نام مصحيش تاني
سعدت بمرورك الكريم دومتي اخت وصديقة
فائق احترامي وتحياتي
ياسر
السلام عليكم ورحمة الله وبركاته
ياسر**
الحمد لله رب العالمين
تم المراد من رب العباد ياياسر .
عارف ساعات ببقى نفسى امسك الام او الاب اللى بيشترى الحاجات دى واضربهم والله
بس مش كل اللى الواحدنفسه بيعمله!!!!
وبعدين يا ياسر يلبسولهم الصنادل ام زماماير فى البيت ليه؟ علشان راسهم هم توجعهم؟
هم عايزين الناس هى اللى راسها توجعها!!!
اما عن الدوا فده حديث لا ينتهى
واضحكتنى ياسر والله اول مره اسمع عن المحترم اللى شرب شريط المنوم مرة واحدة
ناس مخها
كبببببببببببببببببببببببببببببر
ههههه
حبيبة قلبي والله
وانا كمان معاكي متعب جدا
بس انا لما اجيبه والعيال تقعد تتمشى بيه يبقى في البيت واول ما ازهق على طول اشيل الزمارة منه ممكن جدا تتشال وتركب تاني بس الظاهر ماماهتهم مش عارفة ولا ايه
تحية من قلبي لغاليتي
السلام عليكم ورحمة الله وبركاته
nonoymm**
ماهو مش كل الناس بعرفوا التكنولوجيا دى
وكمان لو اشتروها وشيلوا الصفارة امال هم شايرينها ليه,ما كانوا وفروا فلوسهم احسن
وكمان الله احنا حريين
!!!الله الله الله
ده هم اللى بيقولوا
وتسلمى لى للمرور والتعليق.
ولكى تحياتى
norahaty
D:
معلش يا دوك الاطفال احباب الله بقا
زمان كانت العياده دى مكان مخيف بالنسبة للطفال , كانت الام تقول لابنها : اشرب اللبن بدل ما اوديك المستشفى وتاخد حقنة .
انما دلوقتى خلاص واضح ان حالة الطبيب التى يرثى لها انعكست على حالة المستشفيات والعيادات , لدرجة انها اصبحت لا تخيف حتى الاطفال الغلابة .
very nice post :)
أولا السلام عليكم
أزيك يا نورا
شكرا على زيارتك وتشريفك ليا
على فكره انا بشوف عيال كتير زى كده
ودماغى بتبقى هتفرقع منهم
بس صدقينى برائتهم وهما بيتحركوا بيه
بينسينى صوت الكوتشى
وبينى وبينك بقول دول أطفال مينفعش أقولهم بس هحبس حريتهم من دلوقتى
يعنى دايماأفتكرى انهم أطفال هيروح من دماغك الصوت حتى وان كنتى مصدعه
صحيح عايز أسئلك سؤال هو أنتى عرفتى مدونتى منين
وعلى فكره الي انا بكتبه عندي دي كتاباتى انا ولو شعر او كلام لحد تانى هذكر المصدر للأمانه
بشكرك كمان مره على تشريفك ليا
وارجو انك تتقبلى زيارتى الى أن شاء الله مش هتكون الاخيره
دمتى برعايه الله
السلام عليكم ورحمة الله وبركاته
دكتور وائل***
ياسلام ياطيب! ياحنين! انت! يابروفسيييير !!,واللى يدور عليك يلاقيك ما بتطيق حد يقولك بم حتى (والايام بيننا سواء فى العمل بكرة تشتغل ونشوف حتعمل ايه وسط الموالد التى تقام بأسم العيادة الخارجية.
وعلى المستوى الشخصى انشاء الله حيبقى لك عيال وتفتكرنى ساعتها وهم عاملين المورستان عندك فى البيت)
واعتقد كمان ياوائل انهم شوية كده مع الاجيال الصاعدة الجاية
(حيخوفوا الدكتور ايوة حيخوفوا الدكتور بالعيال وليس العكس كما كان يحدث فى الماضى !!!!!يعنى ان شاء الله يجى لك المدير ويقولك حتسمع الكلام وتيجى بدرى ولا اجبلك سوسو او فوفو يقعدوا عندك....ههههههههههههه)
سلام يابروفسييييييير
(:THANK UUUUUUUUUU
السلام عليكم ورحمة الله وبركاته
Z!ZOoOo
اولآ :عليكم السلام ورحمة الله وبركاته
الله يسلملك يا(زوزووو.....مضبوط كده)
ولا شكر على واجب بل فعلا الزيارة لمدونتك اسعدتنى للكلام الحلو اللى فيها وخلانى اشك ولو لحظه انه اقتباس مثلا (ماتزعلش اوى كده ...احنا جبنالك الشاويش يعنى)
انا ما بلوم على الاطفال ياجماعة والله هم ما عليهم عتب ولو سألناهم وجاوبوا حيفضلوا يمشوا من غيره خالص...بالبلدى حافيين يعنى
انا بلوم على الكبار اللى صفة الا مبالة صارت هى القاعدة فى حياتهم وحياتنا
عملت بنصحتك وفكرت انهم عيال وحرام نضيق عليهم >>>>>الصداع مارحش برضه!!!
وان كان عرفت مدونتك ازاى عن طريق صلاح سالم تانى حودايه بعد الاستاد !!!!
ههههه.
اوعى تزعل انا بقولك اهوه...انا احب الضحك علشان ما اطقش .
ارجوانك تكون انبسط بالزيارة بنفس قدر انبساطنا بزيارة حضرتك
ونرجو المدوامة على الحضور(مدونتنا متنوعة سوف تعجبك دائمآان شاء الله.
وتقبل تحياتى
إرسال تعليق