الثلاثاء، مايو 20، 2008

اول ميت


هى تجربة لا اعتقد ان كثيرين منا قد مروا بها


الكشف على ميت وتقريرانه مات بالفعل


دون اللجوء الى الجدل الدائر الان من موت جذع المخ او المراكز الحيويه اووو


المهم احكى ما مر بى من....عدد كبير اوى من السنين (ربنا امر بالستر)


كنت قد افتتحت عيادتى الخاصة (الصغيييييييرة اوى ) هى فى الحقيقة


حجرة منفصلة من المنزل لها باب على السلم الخارجى مما يتيح الخصوصية


لاهل البيت وللزوار او المرضى على السواء


المهم كنت لسه فاتحه جديد ووووواخدة التعليمات التمام من اهل الخبرة وخد عندك


=زملائى


=اهلى


=جيرانى


=اصدقائى


=معارفى


=اولاد الحلال


=(ودول كتتتتتير)


الخلاصة عايزة اقول ما فى حد الا واشار علىّ بفكرة ما علشان الزباين يكتروا والناس تبقى امم


واهم واول حاجة

اوعى اوعى اوعى

واحد يجيلك وترديه ابدآ

لو فجر او ليل, لو مطر او سيل ,

المهم اوعى وحذارى وممنوع

وحسك عينك وكل ما يمكن

ان تتصوره من التحذيرات ان


ارد او ارفض كشف جه لىّ


الساعة كانت تقريبآ بعد الفجر بقليل


التليفون رن...


الو دكتورة.....


لو سمحت انا فلان جاركم حماىّ عندى وبعافيه شويه ممكن تيجى تشوفيه؟


كنت رتبت مسبقآ ان زوجة حارس بيتنا العامر تيجى معايا فى مثل هذه الاحوال


وخاصة ان معظم من ياتون لعيادتى حيكونوا من سكان الشارع


فانا لا ادعى انى مجدى يعقوب اوذهنى فراج اووووووغييرهم كثير


مما ذاع صيتهم فى انحاء المعمورة وياتى اليهم المرضى


من كل صوب يلتمسون الدواء والشفاء من الداء


ولكنى طبيبة حديثة التخرج(كان مضى على تخرجى 3اعوام فقط)


وليس لى من جمهور يذكر بعد وبالتالى مرضاى حيكونوا جيرانى


فقط على الارجح او اقاربهم كما حدث فى هذه المرة


حضرت الشنطةونزلت صحيت الست ورحنا

دخلت :السلام والتحيات المعروفة (وانا فى بالى باقول خلصونى عايزة اروح

الحق الشغل والمواعيد بتاعته)

دخلت الاوضة هدوء غريب واحساس لا يمكنك وصفه ولكنك تعرفه اذا صادفته يومآ

الموت عدى من هنا

بالاختصار

ولكن قلة الخبرة والتوتر والعيون المحيطة بك تلتمس منك كلمة واحدة وهى ان

كل شىء تمام

كل هذا يجعلك تعيد حساباتك الف مرة قبل ان تنطق بكلمة واحدة

طبعآ (هو)لازال دافئآ وغير متيبس الاطراف

يخيل لك انه ينظر اليك من خلال اهدابه

يراقبك بمكر ودهاء ماذا تفعل ؟

لم تجدى السماعة او جهاز الضغط او تلمس نبضات القلب بالاصابع او الضغط على الجبهة

لم تجدى كل هذا فى اقناعى

انه مات

بصراحة فى كل ما فعلت كنت اسمع دقات قلبى انا ونبضى انا من القلق

ولم اجد بدآ من استخدام اقدم وسيلة

المراية اضعها تحت انفه ليتكثف الهواء البارد عليها ان كان مازال يتنفس

وقد كان ولم يتكثف شىء

وهنا تاتى المشكله الكبرى :


اخبار اقارب المريض انه انتقل الى رحمةالله


وهى اصعب المواقف فى حياة الطبيب

ولا عرضكم الله لمثله ابدآ

ولكنه قضاء الله ولابد من أنفاذه



هناك 12 تعليقًا:

ghoneem يقول...

اهلاً بيكي

آه كدة فهمت !!!!!!!!

انا لسة متعرضتش للموقف ده الحمد لله
بس ربنا يثبتني لو أتعرضتله
ادعيلي

تحياتي

بالتوفيق.............

Unknown يقول...

السلام عليكم ورحمة الله وبركاته
ghoneem
اهلا وسهلا بك انت دكتور غنيم
هو موقف صعب للغايةفى حياة الطبيب
ولابد من المرور به مادمت ستمارس المهنة
يازميلى
المهم اولا ان تكون بينك وبين نفسك عارف ومتاكد انك بذلت ما فى وسعك
وما قبل وما وبعد ذلك
هو قضاء الله.
امتنانى العميق لصداقتك والتعرف اليك يادكتور غنيم

Wael يقول...

موقف صعب فعلا

ربنا يرحمنا جميعا ):

الفارس الملثم يقول...

طبعا موقف صعب اوي , عندما تتوقف الانفاس وتتعلق الانظار بشخص وكأنه سيضع كلمة الفصل في حياة انسان او موته وهنا لا مجال لاي خطأ ..

ربما كلامك هذا بشئ يدعو للسخريه حيث كان عندنا طبيب في المنطقه كان يتصادف استدعائه في اكتر من حالة وفاء ,فتم اتهامه انه دكتور نحس !!!!

كلنا موتي حين يجئ اجلنا لكن لحظة مفارقة من نحب صعبة جدا علي النفس

تحياتي وتقديري
محمد

Unknown يقول...

لسلام عليكم ورحمة الله وبركاته
Wael**
موقف فى منتهى الصعوبة جدآ
ولا اراك الله مكروهآ
ويرحمنا ربنا جميعآ
يابروفسيييير.

Unknown يقول...

السلام عليكم ورحمة الله وبركاته
محمد**
الفارس الملثم
هى من اصعب المواقف التى واجهتنى فى حياتى :اخبار اقارب الشخص.
وفى بلادنا فعلا الناس يشائمون يتفألون لاى سبب ,ثم يحاسبون الشخص على اعتقادهم هذا!!
واقولك يامحمد ما ادعو به دائمآ
اللهم احيينى ما دامت الحياة خيرآلى
وامتنى أذاكان الموت راح’لىّ
وتسلم للمرور والتعليق

عاشــــــ النقاب ـقــــة"نونو" يقول...

كل نفس ذائقة الموت
الموقف رهيييييييييييييييب جدااااااااااااولم اقفه بنفسي مع ان لي اخ متوفي بس ما لحقتهوش
لكن مش عارفة حاسة اني لو وقفت ادام واحد متوفي اشعر انها لحظة رهييييييبة لا تقوى عليها قدماي
ربنا يعافينا ويدينا القوة ياب
ويحسن ختامنا
تجربة مفيدة بحق
تحياتي

Unknown يقول...

السلام عليكم ورجمة الله وبركاته
nonoymm
هى تجربة متفردة ليست مثل باقى التجارب ,لها رهبة شديدة فى النفس لا تنسيها ابدآ لكن مشاغل الحياة واشتغالها يجعلك تتناسينهااو انها تقع فى الجزء الخلفى من الذاكرة (لا تتذكريه الا اذا مررت به ثانية)
لكى شكرى وتمنياتى الطيبة بدوام الصحة والعافية.

غير معرف يقول...

السلام عليكم ورحمة الله تعال وبركاته...

الموت بالنسبة لناس كتير، هو حقيقية غير ملموسة، يجب أن تتحقق أولا ليتحققوا من حقيقته...

كان الله في عونك، موقف لا يحسدك عليه أحد!

Unknown يقول...

السلام عليكم ورحمة الله وبركاته
Hina wi Hinak
يقولون (ان الموت هو الحقيقة الوحيدة فى الكون)
قابلت هذا الموقف على المستوى الشخصى اربع مرات
وعلى المستوى المهنى قابلته ثلاث مرات
(كما قلت حينما تدخل الى الحجرة لا تخطأ ابدآ فى الاحساس به اذا كنت مررت به من قبل)
ولا اراك الله مكروآابدآ.
ولك تحياتى.

بنات صاحبة الجلالة يقول...

بجد من اصعب المواقف اللي ممكن تمر علي طبيب انه ازاي يخبر اهله بانه خلاص انتقل الي رحمه الله بجد اكيد الموقف هيفضل في ذاكرتك ربنا يعينك يادكتورة ياقمر ويرحم جميع موتنا اللهم امين

تحياتي لاجمل نورهاتي

بنات صاحبة الجلالة يقول...

بجد من اصعب المواقف اللي ممكن تمر علي طبيب انه ازاي يخبر اهله بانه خلاص انتقل الي رحمه الله بجد اكيد الموقف هيفضل في ذاكرتك ربنا يعينك يادكتورة ياقمر ويرحم جميع موتنا اللهم امين

تحياتي لاجمل نورهاتي