الأحد، مايو 10، 2009

...تدوينة ما كانت على البال (2)


اقولكم
شعرها ما صبغتهوش
...ووشها ما شدتهوش
ولغدها ما شفطتهوش

عمرها ما خبتهوش!!

كلام كبير وكتير ما قالتهوش

حينما دخلت لم تقابل بالتصفيق ولا الهتاف

بل استهجن بعضهم جراءتها حين ما قالت انها تريد الشهرة

ولربما قال بعضهم(مين ماما ستوّ دى اللى جاية تغنى)

فى بساطة اجابت على الاسئلة وغنت فقرتها وأنصرفت

ويالفرق بين دخولها وأنصرافها فقد وقف جميع من بالصالة لتحياتها

واظهار الاعجاب بها حتى ان سيمون كاوول نفسه

استحثها على الرجوع!

وأعترف هو وزميليه بأنها اكبر مفاجأة لهم

فى هذه المسابقة التى تجرى منذ

ثلاث سنوات لأكتشاف المواهب

فى بريطانيا والعمل على

تسليط الاضواء عليها

بقى ان اقول ان

سوزان عانت بعد ولادتها

نقصاً فى الاوكسيجين نتج عنه (اختلاف)

فى القدرات التحصيلية فى المذاكرة كما

وأنها تقول انها لم تعرف الاهتمام من قبِل(الاخريين)

لافتقارها الى مفردات الجمال المعروفة!.
وفيما أعتقد ان سوزان بويل

وهذا هو اسمها

قد حصلت على ما تريد وزيادة
ولتعطينا مثالاً حيّاًعلى اشياء كثيرة

الصبر-المثابرة -الامل -عدم اليأس
واهم درس على الاطلاق حسب رأيىّ
عدم الحكم على الناس من (اشكالهم)و(ومنظرهم)
فهل نستطيع ؟أأستطيع انا اوأنت او انتم أن نفعل ذلك ؟

هل نستطيع ان نتجرد من انطباعاتناالاولىّ التى يقولون عليها

حينما نحكم على الاشخاص والاشياء؟
ربما!!!

ونتفرج على الفيديو



--------------------
كلمة اخيرة وأعتذار عن
التاخير النت امبارح ما كان
راضى يشتغل وكل شوية يقطع ويجى
يقطع ويجى يقطع ويجى يقطع ويجى يقطع ويجى
قولوا معايا :يقطع ويجى يقطع ويجى :)
لما عمل لىّ استبحس وكمان تربنتينا
فى راسى فأسفة للتأخير وشكراًللانتظار

هناك 62 تعليقًا:

salma mohamed يقول...

سلامة النت عندكوا (:
وياريت فعلا نتعلم الصبر والمصابرة ودم التسرع في الحكم على الناس,
واظن احنا مش محتاجين نجيب امثلة مستورده ولا من عالم الفن التعبان ده,
احنا دينا الاسلام فيه خير امثله على كده وهو كمان امرنا ان حكمنا على الناس مش بالشكل ولا باللغه ولا الجنسية وانما بحاجة واحده بس هي اللي بتحقق الافضلية للفرد الا وهي تقواه وقربه من ربنا,
وكمان احنا مامورين بالتاني وعدم التسرع في كل حاجه,
احنا بس لو طبقنا دينا صح كله هيتعدل.

salma mohamed يقول...

يا حلاوة
ده انا كنت اول تعليق
وتاني تعليق (:
الناس شكلها لاما في الشغل او نايمه,
لكن انا بقى عندي تنظيف من بعد الفجر ):

المعتصم يقول...

بسم الله الرحمن الرحيم
السلام عليكم ورحمة الله وبركاته
ازيك يادكتورة نور
يارب تكونى بخير
والف سلامه على النت
(بلاش الحركات دى تانى علشان انا علقت معايا بيقطع وييجى بيقطع وييجى بيقطع وييجى .......ياخرااابى)
هههههههههههههه
عارفه انا مش هعلق على البوست
بس عاوز اقولك انه جه فى الوقت المناسب بالظبط
وكأنك بتردى على سؤال كان جوايا
تحياتى ودمتِ بكل خير وود
والسلام عليكم ورحمة الله وبركاته

صوت من مصر يقول...

هو البوست نزل كاام مره وعادى جدا جدا
الاحلى انها لا فردت شعرها ولا شدت وجهها ولا حتى عملت اى نوع من عمليات التجميل

koketa يقول...

انا سمعت المقطع ده اول مرة على برنامج العاشرة مساء بجد حاجة جميلة جدا


انا وقتها حاسبة نفسى هو انا كام مرة حكمت على حد من مظهره بجد الحكاية مش مظاهر ابدا


اما بالنسبة للنت فده حال النت فى مصر كلها

سلامته الف سلامه عليه

شمس النهار يقول...

اهم حاجه في البوست ده
انه اثبت كلامي ان الانسان لازم يدور علي الحاجه اللي بيحبها ويعملها
مش مهم سنه ايه والا الوقت ايه

فؤاد عبد المجيد اللي غنا موشحات كسرت الدنيا كان عدي الستين

والنقشبندي وحسن عابدين وكل الناس دي اشتهرت في سن متقدمه جدا

كل واحد يدور جوه نفسه هو بيحب ايه ويعمله وهو ده اول طريق النجاح اللي بحق وحقيق

dodda يقول...

:)

حسام غانم يقول...

أنا كان جالي المقطع ده عالفيس من كام يوم

صوتها جاااامد جدا

maYHam يقول...

آه من سوزان بوييل وجمالها .....

دايماً مواضيعك منورة بالأمل والقوة

الفقيرة إلى الله أم البنات يقول...

مهو عندنا كلام ربنا الأحسن من الكل
يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون

Unknown يقول...

السلام عليكم ورحمة
الله تعالى وبركاته
Salma Mohamed
ونعم الكلام ياسلمى
ونعم الكلام كلام القرآن
تسلمى يارب وأكثر
الله من أمثالك.

Unknown يقول...

السلام عليكم ورحمة
الله تعالى وبركاته
Salma Mohamed
طول عمرك شطووورة !
وطول عمرك الاووووولى!
ويعينك ربك على الشقا:)
تسلمى يارب للكلام والتعليق
الجميل ده.

Unknown يقول...

السلام عليكم ورحمة
الله تعالى وبركاته
المعتصم
الحمد لله انا بخير ياأفندم
انت كيفك؟وكيف حال الحزب:)
طيب قولى ايه السؤال وانا مش
حأقول لحد خااااااااااااااااالص:)
شرفتنا استاذ مصطفى المعتصم :)

Unknown يقول...

السلام عليكم ورحمة
الله تعالى وبركاته
صوت من مصر
علشان هى متأكدة وواثقة من قوة صوتها بالتالى مش محتاجة لاى تزويق!
شرفتنا ونورتنا بالمرور والتعليق.

Unknown يقول...

السلام عليكم ورحمة
الله تعالى وبركاته
Koketa
بالظبط مش بالمظاهر
لانها ساعات كتير بتكون
خادعة لاما للاحسن او للاوحش!
نورتينا فى اول زيارة وسلامتك
من اللعبكة ومرسى بيكووووووووو:)

Unknown يقول...

السلام عليكم ورحمة
الله تعالى وبركاته
البرنسيسة شموسة
اهلا اهلا اهلا:)
كل كلامك مضبوط يابرنسيسة
وفيه كمان من الامثلة :يوسف
داوود والدكتور فؤاد خليل
كلهم بدأووا بعد الستين تقريبا !.

Unknown يقول...

السلام عليكم ورحمة
الله وبركاته
dodda
:) :) :)

Unknown يقول...

السلام عليكم ورحمة
الله تعالى وبركاته
د.حسام غانم
فعلاً صوتها فى
منتهى القوة.

Unknown يقول...

السلام عليكم ورحمة
الله تعالى وبركاته
طبيب جراح
صوتها جميل مش كده؟
ومتشكريين على الكلام الحلو ده

Unknown يقول...

السلام عليكم ورحمة
الله تعالى وبركاته
حبيبتى ام البنات
ما هو انا عارفة
كلام ربنا كويس
الحمد لله يارب
وادينا بنعطى
امثلة عملية
وجديدة للشباب
من واقع الحياة اليومية
تقدرى تقولى للاستدال والتقريب..

صيدلانيه طالعه نازله يقول...

للاسف فى زماننا ده دايما بيتم الحكم على الشخص من مظهره الخارجى ويتم تجاهل ثقافته و عقله و ده للاسف بيظلم ناس كتير تستحق افضل الاشياء
بوست جميل و الف سلامه على النت

محمد عبد الباسط يقول...

انا بجد سعييييييييييد انى شفت الفيديو ده
صح كلامك مينفعش نحكم على حد من اول وهله او من على حسب شكله

جزاكم الله خيرا

حلم كبير

عمرو يقول...

حيث أنى من مواليد منتصف القرن الماضى و حيث أنى عشت فى زمن أشتريت فيه كيلو اللحمه الكندوز اللى زى اللوز ب 68 قرش و لما غليت و بقت بجنيه قامت الدنيا حريقه فأنا لسه عندى أمل يعنى فى جيلى :))
ألا هو فين جيلى ده ؟؟
المدهش بجد أن جيلى هنا هكع خلاص و أتهد من شيل الهموم و الحمول اٍلا فيما ندر لكن بره اللى من جيلى بيسافر يلف العالم هو و المدام و بينتج و بيبدع و مافيش وراه شحوطه متجوزين و مخلفين و لسه مسئوليتهم فى رقبته هم و عيالهم و مراتتهم و صحتهم زى البمب و بيلبسوا كويس و متهنيين آخر هنا علشان كده لسه بيبدعوا و عندهم حافز و طاقه ..
أنا مش بأحسد يعنى و لا حاجه أنا بس بأحقد مش أكتر :)
شكرا يا دكتوره على البوست الجميل و اللى عوض عن البوست اللى قبله :)

assafo anaroze يقول...

نورا
عمر المظهر الخارجي ما يعكس الشخصية الحقيقية للانسان بل على العكس يمكن هذا المظهر اذا عرف البعض ان يستغله ان يظهر به اشياء لا توجد فيه ابدا
الجمال الحقيقي جمال الروح اما جمال الجسد فقد يندثر مع الايام
الجمال الحقيقي جمال الاخلاق و العلم و المبادئ الحقيقية التي يتميز بها الانسان
اضم صوتي الى صوتك : هل يمكننا ن نحكم على الانسان من خلال جوهره وليس من خلال انطباعاتنا الاولية على مظهره؟
مودتي

غير معرف يقول...

العزيزة نوراهاتى

لو رزتى موقعى لوجدى لقاء اذاعى مع الاستاذ صلاح حجازى اسمه انت تسأل والكمبيوتر يجيب .. اضغطى عليه وستجديه يتحدث عن تعليقك انت على مدونة عالم التدوين لدى ..

احببت ان اقول لك

mimi يقول...

فين الفيديو؟؟؟؟؟

معلش .. أشوف الفيديو وبعدين أعلق

ماليش دعوة

سلامو عليكو

MaNoOoSh يقول...

هو الاواحد يقدر ميحكمش بالشكل.. لكن الانطباعات الاولى بتيجى غصب عن الانسان.. لكن مع معرفة اللى قدامنا طبعا الانطباعات دى ممكن تتغير

jonoon 3aqel يقول...

يقطع و يجي يقطع و يجي يقطع و يجي يقطع و يجي يقطع و يجي يقطع و يجي يقطع و يجي يقطع و يجي يقطع و يجي.......

أنا شفت الفيديو من قبل...بحق...
هل نستطيع تعدي تلك العقبة التى نتعمد المرور من عليها؟!!

لكن ما قولش غير..
يقطع و يجي يقطع و يجي يقطع و يجي يقطع و يجي يقطع و يجي يقطع و يجي..

غليظ صح.. :)

دمتي بخير و راحة
تحياتي

FOrty يقول...

فديو جميل جدا و صوتها رائع انا بس اكيد عاوز اتناول الموضوع من وجهة نظر تانيه لو كانت اهتمت بشكلها كانت حققت نجاحات اكتر و اصبحت من اشهر المغنين يعنى اعتقد ان الواحد لازم يهتم بجوده المنتج و التغليف و التعبئه و التوزيع يعنى البضائع الجيده لا تكفى لغزو الاسواق دون الاهتمام بباقى الاوجه الاخرى و هذا ما يطلق عليه سياسه الجودة الشامله
تحياتى

حاسوباتيه يقول...

فعلا بحيي المراه دي على جراتها وعلى صوتها الرائع انا اول مره اشوفه بجد صوت جميل وتستحق التصفيق

Unknown يقول...

السلام عليكم ورحمة
الله تعالى وبركاته
صيدلانية طالعة نازلة
مشكلة!ازاى ممكن نبعد تأثير المظهر
الخارجى للشخص او للشىء على حكمنا!
ربنا يهدينا ويهدى الجميع يارب
وياربما حد يشوف اللى بشوفه
من النت الايام دى:(
نورتينا دكتورة .

Unknown يقول...

السلام عليكم ورحمة
الله تعالى وبركاته
محمد عبد الباسط
انا الاسعد بسعادتك يادكتور
وتحكيم عقولنا عند الحكم على
شخص وخاصة اول انطباع ده
هدف وامل اتمنى انا
نفسى تحقيقه!!!
شرفتنا
دكتور
محمد عبد الباسط

Unknown يقول...

السلام عليكم ورحمة
الله تعالى وبركاته
أستاذ/عمرو
جيلك هو الخير كله :)
لكن فعلاً ما تعرفش غلطة مين ؟
يفضل الاب حامل هم اولاده واولاد اولاده بعد كده !حنّية زيادة ولا ....؟
مش عارفة والله ياأستاذ عمرو اللى عندك وعندنا منه للعلم يعنى
اسمه ايه؟حب زائد ولا
حب امتلاك مننا؟
ومالله بس البوست اللى قبله :)
كنت مستعجلة شوية:)فيها حاجة دى؟:)

Unknown يقول...

السلام عليكم ورحمة
الله تعالى وبركاته
assafo anaroze
(الجمالالحقيقي جمال الاخلاق و العلم و المبادئ الحقيقية التي يتميز بها الانسان)كلام كويس اوى لكن ارجع
اقولك ياأسافو تعمل ايه فى
حكاية:الانطباعات الاولى تدوم !
تحكم ازاى عقلك من اول لحظة بتشوف فيها شخص مثلا!ربنا يقدرنا على كده.
تحياتى واحتراماتى اسافو.

Unknown يقول...

السلام عليكم ورحمة
الله تعالى وبركاته
Sherif
يادى الهنا يادى الهنا :)
انا بقيت (ان ذا راديو تو:)
متشكريين استاذنا وجمال تدوينتك
ومدونتك هو اللى خلانا نقول الكلام
الحلو ده.مرة تانية متشكريين استاذ شريف يافنان وياأنسان.

Unknown يقول...

السلام عليكم ورحمة
الله تعالى وبركاته
mimi
انتى لسه ما شفتيه؟
بعد الكلام على طول شوفيه
وقولى رأيك فيه:بأنتظارك:)

Unknown يقول...

السلام عليكم ورحمة
الله تعالى وبركاته
MaNoOoSh
هى المشكلة انك ممكم ما تعطعيه الفرصة دى بمعنى بردون يعنى
ما عجبكيش المظهر حتروحى
قالباه طوالى:(حتعرفى
الجوهر امتى بقى؟
نورتينا منووووشة

Unknown يقول...

السلام عليكم ورحمة
الله تعالى وبركاته
jonoon 3aqel
(و يجي يقطع و يجي يقطع و يجي يقطع و يجي يقطع و يجي يقطع و يجي يقطع و يجي يقطع و يجي يقطع و يجي.......)
حتى عندكم انتم كمان فى امريكا:)
WOWكنت فاكرة عندنا بمصر بس:)
وانا برضه بأدعى ربنا اتخطى
عقبة الحكم على الشخص
بالنظرة او الاحساس
الاول وللاسف
بيغلبنى
كتير!
احتراماتى ودعواتى لك
بالسلامة فى الغربة .

Unknown يقول...

السلام عليكم ورحمة
الله تعالى وبركاته
OverForty
جهة نظر سليمة ومعقولة
والاهم عدم تغليب جهة على جهة
بمعنى المظهر والجوهر لابد من الاهتمام
بهما :صح كده.
نورتنا يافندم.

Unknown يقول...

السلام عليكم ورحمة
الله تعالى وبركاته
حاسوباتية
بجد اول مرة تشوفيه؟
طيب كويس !وإن كان على
جمال وقوة صوتها فمفيش خلاف
لدرجة زى ما شفتى سيمون كاوول وده عامل (زى الليمونة القرفانة) ما بيعجبه حاجة ولا حد ابداً اعطها
الدرجة النهائية ودى اعجوبة
بالنسبة له وللمسابقة الا
فيما ندر!
نورتينا حاسوباتية
واتمنى ترجعى تنورينا بقى :)

الربان يقول...

تحياتي

فعلا تجربة انسانية جميلة تذكرني بتجربة
الكاتبة الامريكية التي فقدت بصرها و مع هذا تعلمت و ثابرت و اصبحت من اشهر الكاتبات العالميات...


المثابرة...و قوة الارادة يأتيان بعد توفيق الله سبحانه و تعالي....


تحياتي و تقديري

Unknown يقول...

السلام عليكم ورحمة
الله تعالى وبركاته
الربان
الصبر والمثابرة
مفتاحان للخير الكثير
بعد رضى وتوفيق الله سبحانه
وفعلا قصة حياة ونجاح هيلين من
احسن الامثلة المعاصرة للصبر والامل.
شرفتنا ونورتنا بالمرور والتعليق.

ذو الوجه المبتسم يقول...

السلام عليكم
معلش دايما بتاخر عليكى
بس انا عارف انك بتحجزى لى نصيبى من العزومة

ازيك اختى العزيزة
بصراحة البوست رائع وطبعا كل واحد بيشوف الاشياء من وجهة نظره هو
منا بيشوف ان فيه امل ومنا بيشوف مفيش يئس ومنا مش بيشوفش حاجة خالص
ههههههههههههه
اتعودت على انى معرفش شئ اسمه مستحيل بجد
طالما اننا عايشين فى الدنيا وربنا خلقنا احرار يبقي احنا احرار بجد باختيارتنا بالحياة
من حقنا نثبت وجودنا فيها
العمر مش مشكلة بالعكس كلما زاد العمر زادت خبرة الحياة والتعلم منها وفيها وحتى الانسان ممكن يتعلم وهو صغير بالعمر وده بيتوقف على تجاربه الفعلية بالحياة

الحياة مدرسة حقيقية لمن يريد ان يتعلم
واثبات الذات هو الشئ الطبيعى لكل واحد فينا
وهذه السيدة مثال حى وفيه منها كتير موجودين ستات ورجالة

اعتذر عن التأخير مرة تانية
تقبلى تحياتى

منــار فايد يقول...

يارب يدينا شويه عزم بس
تقدر نكمل بيهم
الناس دي فعلا بتدينا قوه هايله لما نعرفهم ونعرف المعاناه اللي كانوا عايشينها
ربنا يوفقنا كلنا يارب ان شاء الله
وبشكر مرور حضرتك الرائع عندي

مهرة سالم يقول...

السلام عليكم...
فعلا للأسف لازال الأغلبيه ...
ولا أبرأ نفسي ..
في بعض الأحيان نحكم دون معرفه وعن جهل ...
بالرغم من أن ديننا يأمرنا بالعكس ...
........
الله يهدي الجميع ...
...
دمتِ بخي يا دكتوره...

arsenalwy يقول...

جميل الصبر وعدم الاصغاء لاى كلمة يقولها اى حد

ولنا فى الصحابى والخلفاء ورسولنا الكريم الكثير من الدروس

موفقة دائما

أم أحمد المصرية يقول...

الف سلامة علي النت يا قمر مصدقاكي
اصل بقي له يومين عندي
كان بيقطع و يقطع و يقطع ....
اما درس المثابرة فهو درس فعلا مطلوب للجميع حتي لا ننسي بغض النظر بنتكلم علي مصر و لا بريطانيا
و بغض النظر هي مساقة غناء و لا شيء اخر المهم المعني

Unknown يقول...

السلام عليكم ورحمة
الله تعالى وبركاته
ذو الوجه المبتسم
ولا يهمك استاذ ناجى
المهم انك حضرت ونورتنا
(الحياة مدرسة حقيقية لمن
يريد ان يتعلم واثبات الذات
هوالشئ الطبيعى لكل واحد فينا.)
الله ينور عليك ياأستاذ وفعلا طول
ما فيه عمر يبقى فيه امل وحياة
ونورتنا استاذنا بالمرور والتعليق.

Unknown يقول...

السلام عليكم ورحمة
الله تعالى وبركاته
شباك موارب
يارب يادكتورة يارب
ويقوينا ويصبرنا على ما
هو آت !.
ونورتنينا يادكتورة

Unknown يقول...

السلام عليكم ورحمة
الله تعالى وبركاته
نهار
مشكلة الانطباعات الاولى
التى تدوم وتدوم وتدوم
وزى ما بيقولوا :فعلا مشكلة
ربنا يهدينا للحكم الصح على
الجوهر وليس المظهر فقط!
نورتينا يانهار.

Unknown يقول...

السلام عليكم ورحمة
الله تعالى وبركاته
arsenalwy
الصبر مفتاح الفرج
زى ما بيقولوا!
ولنا فى الرسول صلى
الله عليه وسلم واصحابه
احسن المثل على ذلك.
شرفتنا فى اول زيارة.

Unknown يقول...

السلام عليكم ورحمة
الله تعالى وبركاته
حبيبتى أم أحمد
انتى كمان؟يبقى المشكلة
صارت قومية عالمية :)
وفعلا زى مابتقولى
الصبر والمثابرة
مطلوبين فى كل
نواحى الحياة.
وربنا يقوينا على هذا.
نورتنا أم احمد وشرفتينا وربنا
يقويك وتثبتى وجودك وقدرتك كمان وكمان.

ghoneem يقول...

بعد التحية والتقدير

اخبار حضرتك ايه يا طبيبة وزميلة ومن قبل هذا كله يا صديقة

يارب موفقة وسعيدة وتكون الغسالة اتصلحت وتكوني عملتي احسن فم غسيل ياااااااااااارب

احمدي ربنا انك النت عندك بيروح وبييجي
انا النت عندي بيروح ومشس بييجي
او بمعني اصح مفيش نت اساسا

المكان اللي انا فيه من القرون الوسطي وبضطر ادخل موبايل وطبعا كدة وبهذا الشكل هبيع العربية والشقة وهستلف من كمية كروت الشحن اللي باشتريها

سعيد جدا بزيارتك لمدونة نظرة وتعليقك الجميل اللي اسعدني جدا وفي انتظار تشريف دايما ان شاء الله

ربنا يوفقك
انا نجحت علي فكرة ف الفرست بتاع الزمالة
وبتدرب مع دكتور جراحة
وهستلم تكليفي
ادعيلي ربنا يهديلي الدكتور لأنه ساعة يروح وساعى ييجي
لسة مش محدد موقفه معايا

كمان مرة سعيد جدا بتعرفي علي مدونتك وشخصك الكريم

تحياتي

بالتوفيق.................

Unknown يقول...

السلام عليكم ورحمة
الله تعالى وبركاته
ghoneem
ياطبيب ويازميل وقبل
واهم من هذا ياصديق
الف مبروك النجاح فى
فرست وعقبال السكند
بارت يارب.ايوة كده
اخيرا الحمد لله الواحد سمع
اخبار كويسة النهاردة
شد حيلك وأفضل ورا الدكتور
وربنا يحنن لك (قلبه القاسى )
هو والنت :)ويجى ما يروحش بأذن الله
تمنياتى ودعواتى لك بالنجاح دايما
بأذن الله تعالى.

maha zein يقول...

اكيد طبعا
ربنا مبيفرقش بين شخص وشخص الا بالعمل و التقوي
ورسولنا كذلك لم يفرق بين عربي ولا اعجمي الا بالتقوي
وهو ده اسلامنا الصح

و طبعا الزم احنا كمان نكد ونصبر ونصابر لحد ما نحقق هدفنا
بقولك ايه انتي النت عندك بيجي ويفصل يجي ويفصل يجي ويفصل؟
ولا بيفصل ويجي يفصل ويجي يفصل ويجي
دوختيني

rovy يقول...

ازيك يا دكتوره نور
وحشاانى و بأعتذر انى اتأخرت شويه

انا شقت البرنامج ده فعلا و كنت معجبه جدا بها و رأيت فعلا نظرة الانبهار فى عيون كل من ضحك و اتريق او استهتر بها اول ما طلعت .. سبحان الله دى نماذج بتعلمنا ما نحكمش ابدا بالظاهر على اى حد ..

الف سلامه على النت و يارب ما يقطع تانى ..

ارق تحياتى

حسن حنفى يقول...

للاسف كتير منا بيحكم علي المظهر واعتقد ان ده بقي شئ من طبيعتنا علشان نتخلي عنه عاوز مجهود كبير

Unknown يقول...

السلام عليكم ورحمة
الله تعالى وبركاته
maha zein
كلامك مضبوط .ربنا سبحانه وتعالى هو العدل ولا يخيبولا يضيع جهدانسان.
اما النت بقى يقطع ويرجع
ويرجع ويقطع ويقطع ويرجع:)

Unknown يقول...

السلام عليكم ورحمة
الله تعالى وبركاته
rovy
صوتها جميل ياروفى صح؟
فاكرة الفيلم بتاع ليلى مراد
لما مميمى شكيب عملت حفلة لاجل
ما الناس يضحكوا عليها وكل من بالحفلة اعجب بيها وبصوتها
اهو حصل وفى الحقيقة كمان.
نورتينا أم ياسمين.

Unknown يقول...

السلام عليكم ورحمة
الله تعالى وبركاته
حسن حنفى
مجهود كبير واله ياحسن
لاجل ما نحكم بالعقل
قبل العين والاحساس
وربنا ينجحك ياحسن
يااااااااااااارب.

من غير عنـــوان يقول...

جميل

Unknown يقول...

السلام عليكم ورحمة
الله تعالى وبركاته
من غير عنوان
جداااااااا