الضنا غالى -2-تجربة

يقولون أن الضنا غالى وان الضنا مابيهونش وادعى على ولدى واكره اللى يقول امينوان القطة نطت باولادها سبعة اسطح من خوفها عليهم وأن وان وان وكثير من الاقوال عن حنان الام وعطفها وحنوها على ابنائها ولكن ماذا تقول فيمن جاءت متأخرة تسأل عن مستشار جراحة الاطفال فلما علمت انه ذهب ولن يحضر الا الاسبوع القادم استدارت وبعزم قوتها (ضربت بنتها بالقلم على وشها ) ولم تكتف بهذا ولكنها قالت عجبك يابوز الفقر اهو مشى ادينا لسه حنستنى للاسبوع الجاى الخضة والمفاجأة والقسوة صدمونى ومش انا بس لكن حتى الحكيمة اللى معايا بلمّت من الموقف ولما فوقنا من المنظر طبعا زعقنا لها وكلمناها لكن هل ينفع فيها كلام هل تتغير طبيعتها لمجرد الكلام لا اعتقد فى بلاد لا تدين بالاسلام مثل هذه الام ينزع عنها اطفالها بالقانون طالما انها ليست امينة فى تربيتها لهم فهل هذا احسن لهم لا ادرى مرة قرأت حكاية حقيقية حدثت لسيدة مصرية ايام ان كانت بصحبة زوجها وطفلهما بالخارج(النمسا) للدراسة تقول السيدة انها كانت بالسوبرماركت حين ما ابتعد طفلها عنها لتجده بعد ذلك محاطا بالرعاية من قبل إدارة المكان ونسيت السيدة الامر لتفاجا بعد عدة ايام بزيارة مفاجئة من الادارة الخاصة بشئون الاطفال

(حاجة زى رعاية الاحداث عندنا )

بس مع الاختلاف ليتيقنوا من مدى رعايتهالاطفالها

(وفلذة كبدها زى ما بنقول احنا)ولا لأ ولما استفسرت عن الامر قالوا لها ان العاملة التى وجدت الطفل ابلغتهم بالحادثة سألت طب وهى مالها دا ابنى انا؟؟ فقالوا لها ما معناه يعنى غلطانة ياماما لان كل انسان فى البلد ومن قبلهم الحكومة يعتبرون ان الطفل هو مسئولية المجتمع اولا قبل ان يكون مسئولية اهله...كيف؟ لانه ان صلح فهذا يعود بالنفع على المجتمع ككل اما ان فسد فيضر بالمجتمع ككل كلام جميل اوى وحقيقى كمان نرجع للست هانم اللى ضربت بنتها ماحدش يقولى حالة فردية غيرها كثير وأن اختلفت صورة القسوة ماحدش يقولى انفعال ونرفزة ماحدش يقولى معذورة واتضايقت محدش يقولى الضغط عليها كتير كل هذا لايبرر قسوتها هذه على طفلتها التى لم يتعد عمرها الخمس سنوات لشى ء لا يد لها فيه بل واجب ان هى(الام )اللى تنضرب صراحة ولو كان بايدى لكنت عملتها لانها هى اللى اخرت البنت وليس العكس. كلام كتير عايزة اقوله لكن الوقت اتاخر وكمان اخاف انكم تزهقوا منى يعنى من ضمن الكلام مثلا لمثل هذه الطفلة هل ممكن (ام بديلة )تكون احن عليها من امها اعلم ان لا تبّنى فى الاسلام بس لما يكون فعلا اسلامنا صح ومش مجرد شعارات وهل (وعفواً يعنى)التعقيم الاجبارى لمثل هذه وغيرها وازواجهن ممن يلدن ليلقوا بأطفالهم الى الشوارع هل التعقيم الاجبارى ساعتها حلال؟ زى ما قلت كتير اسئلة عايزة اسألها لكن الوقت اتاخر ولابد من الانتهاء الان --------------

تدوينة قديمة

اعيد وضعها اليوم

ولعل وعسى بلوجر يرضى عنى

src="http://i47.photobucket.com/albums/f165/alexdale1/singlev23.swf"
flashvars="configURL=http://www.mp3-codes.com/cache/singles/71287.xml&au=false&lp=1&sh=0&bg=0x800000&vl=100&al=100"
allowfullscreen="false"
width="305"
height="108"
scale="noscale"
align="top"
wmode="transparent">