السلام والتحية لكل من يقرأ هذا الكلام.
النهارة الجمعة يوم مبارك عند الله"فى الارض جمعه وفى السما عيد.......هكذا كانو يقولون اهل زمان" ولكن قاسم امين واعوانه (الله يرحمهم جميعآ علشان ما يجوز على الميت الا الرحمة)حوله لنا الى يوم شقاء...ليه؟علشان ده اليوم اللى الواحد بيغسل وينضف ويستحمى(ده لو فضلت الميه موجودة وماتقطعتش)ويكوى اللى يقدر عليه وده علشان اتعلمنا واشتغالنا وياسلام اتحررنا من القيود والاغلال بتاعة عصر الحريم وسى السيد (نعمة وياريتها دامت).ويادهيه سوده لو كمان حد من قرايبنا زارنىّ(قال ايه وحشاهم !!!والنبى ايه!!!!)وانا لا وحشاهم ولا حاجة بس هم عايزين يضيّفوا عند غيرهم ويرتحوا هم من خدمة نفسهم وياسلام لوكانوا كمان عندهم عيييييييييييييييييييييييييييييييييييييييييييييييييييييييييييييييييييييييال تلاقى الواحدة من دول ساحبة عيالها وجاية....ازيك ياطنط؟اناحبيت اشوفك اصلك واحشنى اوى!!!! ياسلام ياختى؟؟؟؟؟وعنها وعيينك ما تشوف الا النور والست هانم تتلزق على الكرسى او الكنبة علشان تمدد رجليها( احسن برضه) ولا تفكر تقول لعيل من عيالها اقعد او اسكت ,امال هى جايه ليه ...مش علشان ينطلقوا عند طنطططططططط....(.ياشيخة قطعت طنط وسيننها)وطبعآ المحترم جوزها يجيى ياخدها بعد الغدا (لو عنده دم) وبعد العشا (لو معندوش...ودول الاغلبية)
ساعات والله بفكر انى ما افتح لهم الباب واعمل نفسى مش موجودة لكن بيفضلوا يخبطوا على الباب لحد مش بس الجيران يصحوا ..دول كمان يدخلوهم ويطلبونى فى التليفون من عندهم!!!!!!! على رأى شويكار فى مسلسل زمان مع الله يرحمه فؤاد المهندس(انت اللى قتلت بابايى)بتقول شويكاار بطريقتها المعروفه""شئ لايصدقه عقل.""اقول ايه الحمد لله الذى لايحمد على مكروه سواه
الجمعه الجايه ان شاء الله فرح بنت اختى (وربنا يجيب العواقب سليمه)ويعديها على خير ,اصل انا بصراحه بكره الافراح والدوشه والظيطه...ايه لازمتها؟مش عارفه!!!الحمدلله ان انا عامله لبس مخصوص للافراح ومش حأضطراشترى حاجه جديدة...اللهم لا أسالك رد القضاء ولكنى أسالك اللطف فيه..امين
يمكن حد يسأل ايه علاقه الصوره اللى حطها بموضوعى ده :دى تقريبآ حالتى النفسية وانا رايحه اى فرح .بس والنبى ايه رأيكم فى التسرحه دى ؟ممكن اعملها؟بس الحمد لله ان انا محجبه ,الاكنت عملتها.!!!!1
ليست هناك تعليقات:
إرسال تعليق