السبت، فبراير 23، 2008

فرح بنت اختى
















بسم الله الرحمن الرحيم والحمد لله رب العالمين والصلاة والسلام على خاتم المرسلين سيدنا محمدوالّه وصحبه ومن اهتدى بهداه الى يوم الدين وسلم تسليمآ كثيرا.




عايزه اقول الحمد لله كل شى تم على خير ...اه والله انا نفسى مش مصدقه ان الحمل انزاح قصدى ان الفرح خلص على خير(واللى تحمل همه مايجيش احسن منه...على رأى المثل)مفيش حد زعل اواتخانق(على الاقل امامنا فى الفرح)والبوفيه كان ممتاز وزيادة (اصل احنا كنا عاملين حساب 120"نفر"وماجاش الاتقريبآ80"الحمد لله")وابو العروسة(جوز اختى يعنى اللى كنت حامله همه جدآ يعمل الشو بتاع كل مره ويفتعل خناقة وسط المعازيم كان وديع خالص!!!! يمكن علشان مش متكلف حاجة او كمان عايز يرسم نفسه وسط نسايبه الجداد)وكمان الواد الاتم(=كئيب)اخوها الكبير كان اخر انبساط!!!!!وقعد يرقص ويغنى!!!!!!والله العظيم لو تعرفوه مش ممكن تصدقوا ان ده هو هو اللى بيخانق دبان وشه كل صبح,وبرضه اقول يمكن كان بيكايد اهل خطيبته الاولانيه واللى كانو موجودين فى الفرح....عالم سيكوبتييييييييييييين على الاخر انا عارفه.






المهم ان احنا خلصنا من الموال ده ولما نشوف حيطلع لنا ايه تانى...يارب تستر.



وعقبالكم جميعآ بس ماتعزمونيش علشان انا قررت ما احضرش افراح تانى قبل سنه على الاقل عقبال ما اكون خفيت من الصداع اللى عندى من الخبط والرزع بتاع امبارح(ماهو احنا اقارب العروسه ولازم يقعدونا فى مكان محترم...فين ياحلاوة؟جنب السماعات لزم علشان هى جنب الكوشه بس وعينك ماتشوف الا النور....طاخ.. طيخ... طوخ.... لما دماغى النهارده صاحيه وفيها مصنع حداده او نجاره ,وعلشان كده ماروحتش الشغل.

هناك تعليقان (2):

s@gi l'ombre يقول...

جميل الخبط ده كله انا حسيت انو دماغى صدع
ومبروك الفرح
وكويس انو عدى على خير
تحياتى كتير للعريس
ولجوز اختك
مقال كيف تجذب الناس ده نقاوه جميله
تسلم الايادى
يا دك
تحياتى كتير

norahaty يقول...

السلام عليكم ورحمة الله وبركاته
s@gi lombare**

الله يبارك فيك

ولو ان الرد عليك الان صار متاخرآ جدآ
لكن عذرى انى كنت جديدة فى هذه الدنيا الغريبه
تحياتى وسلاماتى وتسلم من كل شر
norahaty