الاثنين، مارس 03، 2008

صفحة الوفيات


حتقولولى ياساتر يارب


الله!!!ما الموت علينا حق ياجماعة وشىء لابد منه وزى ما قال رسول الله صلى الله عليه وسلم فى دعائه "ما معناه لانى مش متاكدة من الكلام بالنص" قال ايه رسول الله ...اللهم اجعل الحياة زيادة لنا فى كل خير واجعل الموت راحة لنا من كل شر.وبرضه من ضمن الامثال الشعبية :اللى ما يموت منين يفوت


المهم انا بعدت عن الموضوع وهو صفحة الوفيات 00000000 مالها بقى صفحة الوفيات وخلصينا؟ ده اكيد انت او انتى بتقولى كده, حاقول انها صفحةعجيبة يعنى ممكن تقعد تقرأها ما تخلص منها وتاخد منها شوية معلومات عجب وعجب العجب كمان نعطى امثلة(ايام التلمذه كنت باموت فى الامثله واقعد اقراها مره واثنين وثلاثه كمان وبرضه مافهمش حاجه ها00 ها 000ها)

000000خد عندك ياسيدى:سقط سهوا وخللى بالك من سهو دى وبعد كده يافطة طويلة امال لو كان عمدآ كنتوا نسيتو كام واحد,وساعات تلاقى المنسين اقارب من بعيد,دول اكيد زعلوا وحلفوا ما حيجوا المأتم الا لما اسمهم يتكتب,وساعات المنسيه تكون الزوجه!!!(تكون الزوجه الثانيه ولا حاجه؟)

000000توفى الى رحمة الله مسكينا فى عالم الرضا فلان الفلانى ويرجو التخفيف على كل من له علاقة به فلا عزاء وان ا صر البعض(دماغه ناشفه وبصراحه كمان تلم)لواجب فليتصدق بثمن تليغراف العزاء على روحه وليدعو الله وتلك هى رغبتى(فلان)0000الله يرحمه راجل بيفهم مش عايز الناس تتعب نفسها وتتلم وتعمل ازمة وزحمة من غير لزوم والدنيا مش ناقصه زحمة ورايحين فين ياجماعة رايحين العزاء بتاع فلان طب خدونى معاكم واتوبيسات المصلحه تطلع وتدور على موظف واحد ما تلاقى واحد يقضوا لك طلبك0000000معلش اصلهم فى عزاء زميلهم ,وكمان اللى رايح يجرى ده يمكن ما كان بيصبح على فلان ده وهو حى!!!

0000000توفيت الى رحمة الله الحاجه فلانه زوجة الاستاذ/الدكتور/ المهندس/المستشار/رئيس مجلس ادارة كذا,العضو المنتدب لكذا/حائز وسام كذا 0000000000 وخد من ده حاجه بتاعة نص متر فى الجرنال ليه؟الله !!!!!جوزها بيعلن عن نفسه شويه0000فيها ايه؟

00000000نيجى بقى للكلام اللى بيتقال000ماما الحبيبه00 بابا الغالى 000ياتوأم الروح000 يارفيق العمر000 ياجوهرة000 يامحبه 000يااغلى حبيب0000 ومن ده كتير عايزه اعرف الناس دول بيكتبوا الكلام ده لمين؟للميت !!هو حيقرأ!!!!

000000برضه مثلا فلانة زوجة العميد او العقيد كذا مدير ادارة كذا فى سلاح كذا وطبعا عنوان البيت علشان التليغرفات

من الاخر معلومات كثيره وعديده ممكن تتحط جنب بعضها وتبقى حكايه
دايما بفتكر فيلم زمان كان بيجى فى التليفزيون اعتقد اسمه : كلهم ابنائى, كان هندى, ومدبلج بالعربى(كانت زمان موضة دبلجة الافلام الروسيه والهنديةعلشان اللى مابيعرفش يقرأ ورمز لدول اوكتلة عدم الانحياز)المهم الفيلم بيبتدى وكالعادة فى السينما الهنديه بمأساة موت الاب عائل الاسرة الوحيد وطبعا ماحيلتهومش حاجه ومع ذلك اضطروا يعملوا واجب العزاء بالكامل ويضيفوا المعزين استضافه كاملة ولا فندق 5 نجوم وكانوا اولاد الميت حيموتوا من الجوع والضيوف بياكلوا كل حاجه!!!!!!!!!وده صحيح اللى بيحصل فى الهند زى صاحبتى سوسيلا ما حكت لى
حتقولوا سوسيلا مين ؟ وصحبتك الهندية دى عرفتيها فين؟
دى حكاية تانيه بعدين بقى ابقى احكيها
باىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى

هناك تعليقان (2):

s@gi l'ombre يقول...

السلام عليكم
هو حضرتك متاكده من العمر اللى قلتيلى عليه
أصلك بصراحه يعنى ومن غير زعل
شبابيه قوى
وعارفه الجو بتاعنا قوى قوى
بس بجد نظرتك لموضوع صفحه الوفيات دى كاريكاتوريه قوى
عجبنى تعليقك الساخر من الهبل اللى بنقراه
إعلان .. غرام فى ميت .. رسم وتقضيه واجب
دماغك حلوه فى المووضع ده قوى
مستنين نعرف من سوسيلا
إسقاطه حلوه جدا على أفلام هنديه
كتل إتحاديه
مش عارف ايه اللى جاب روسيا
ونظريه المؤامره هنا
ماعيلنا
مبسوط بالموضوع ده قوى
سلام

norahaty يقول...

السلام عليكم ورحمة الله وبركاته
اولا حمدالله على السلامة !!انت كنت مسافر ولا حاجة؟الامتحانات برضه؟ربنا معاك ومع الجميع
ثانيآ00والنبى بصحيح ؟الموضوع عجبك؟ياخبر ابيض ده انت كده طلعتنى للسما0 لان فعلا كتاباتك مميزة000خلاص انا مش حانام النهارده من الفرحة0
اقولك متشكرررررررررررررررررررررررة
اوىىىىىىىىىىىىىىىىىىىىىىىىىىىىى
لىّ رجاء لوعندك وقت يعنى يادكتوراقرأ المواضيع الاخرى وخصوصآموضوع مقلة الاستاذ عطاالله وقول لى رايك فى الايميل0
والسلام ختاممممممممممممممممممممممممم0