الاثنين، مارس 10، 2008

محاكم التفتيش؟؟؟؟؟

Portrait of Jacqueline

متهياللى ان دى هى انسب وصف لحالتى النهارده بعد شوية احداث كده.............
احداث ؟؟؟؟؟؟احداث ايه ماتقولى...........ماتقولى ساكته ليه؟اتكلمى ..."قولى اللى فى نفسك"يالله اتكلمى ...

ابتدى الصباح الجميل فى الشغل مالقيتش العيادة اه والله 000رحت الاوضه بتاعتى لا لقيت لا المكتب ولا السرير ولا الدولاب لاحاجه خالص؟؟؟؟؟الله الله ماكونش غلطت فى العنوان ولا حاجه.....؟؟؟؟سبحان الله............

المهم التمورجيه جت 000 معلش ياست الدكتورة اصلهم حيباضوا الاوضه والحاجه وحضرتك حتقعدى فى الاوضه ()كذا.المهم قعدنا وابتدى الشغل ولاحظت كده الحركه مش هى (ذياده شويه وكل شويه المدير الادارى والمدير الطبى والمعاون بيلفواعلى الاوض!!! ,ايه يابنى فيه ايه؟اسمع ياسيدى اللى جاى........اشل فح فشش فحافحانى (فهمتم حاجه؟)ده لان اللى كان بيقوللى كان بتكلم بصوت واطىىىىىىىىىىىى لدرجة انى ما فهمتش منه ولا كلمه .المهم الواد ياعينى نطق بعد ماشرب كوباية ميه:فيه تفتييش فجائى !!!!!والله والله احنا عارفين حكايه االتفشيش الفحائى ده قصدى الفجائى ده يمكن من اربع ايام.....

ماعلينا الشغل ابتدى واللجنه بتاعته التفتشش جت لجنة ايه ياسيدى :مكافححححححححححححححه العدوى

بص بقى والبنى عينه من الكلام لانى مش حاقدراقوله كله:لوسمحتى الترمومتر مش يتحط فى فم العيان لألألألألألألألألألألألألألألأ ده كان زمان ... امال ايه؟الحرارة تتقاس بالترمومتر من الaxiallary fossa

بعدين الترمومتر يتمسح بالسبرتو ويتحط فى العلبه بتاعته وممنوععععععععععععععععععععععع بتاتا اوى خالص وضعه فى القطرميس بتاع زمان ...........ده بيجيب امراض؟ان شاء الله انا اللى حاجيب وقت منين لكل ده مع كتابه الروشته وقياس الضغط ومجاوبة الاسئله بتاعة العيانين؟؟؟لا لا يادكتوره مش حضرتك اللى حتعملى كده.... دى المدام.......ان ان ان بأة !!قصدها على الحكيمة مدام( )الست راحت بصه لها حته بصه والله ولا الرصاص.

وايه كمان يا لجنة الززززززز ولا بلاش عيب !!! اهه !!! لو سمحتم ماتفرشوا ملايات على السرير ؟امال ايه؟الملايه علشان المريض يتغطى بيها بس ...واسمعوا الانقح بعد كده ..وبعد ما المريض يقوم, تقوم الستتتتتتتتتتتتت الحكيمه وماسحه السرير بالقطن والسبرتوعلشان تطهره على الماشى كده (لحد ما يغلوه يظهر هههههه)مش عايزه اقولكم انا مسكت نفسى من الضحك بالعافيه اولا علشان ده كلام ناس عايشين فى برج عالى(مش لاقيين عيش..... ياكلو جاتوه على راى مارى انطوانت)وثانيا من نظرة مدام ()للمفتشه وكلامها.عايزه اوصفلك مدام ()باضبط زى واحدة كانت بتمثل زمان اسمها رفيعه هانم واسالوا عليها الاكبر منكم.اهى مدام()زى رفيعه هانم بس ثلاث مرات

بس كفايه انا مش قادره اكتر من كده

ولنا بكره لقاء لو كان فى العمر بقيه.......

هناك 8 تعليقات:

غير معرف يقول...

سوري يعني .. بس إيه هي Axillary Fossa
دا على أساس أن القياس من البؤ كفر على آخر الزمن
ولو سمحتي الجزء بتع الإلتزام بالقوانين ... أعتقد أن هوا دا الي كنا بنذاكره في الCommunity

الشموع البيضاء يقول...

اول مره ازورك بس بجد بوست حلو اوى واسلوبك فوصف الحدث وتعليقك معبر لانى كمان دكتوره وعارفه الاحداث دى ناس فعلا بيروقراطيه وكمان حلول مش واقعيه تماما..بالتوفيق ومتظرين المزيد ومنتظره زيارتك

Unknown يقول...

السلام عليكم ورحمة الله وبركاته
**غير معرف :axillary fossa=ماتحت الابط ,ومش فاهمه النص الثانى للتعليق
بس انا متشكره لتعليقك
وما حان الوقت اعرف مين انت ياغير معرف ؟؟؟
احسن الجماعه المعلقين الاخرين يقولوا انى باعتاه لنفسى ولا حاجه
ومره تانيه شكرا للتعليق
ودايما كده.

Unknown يقول...

السلام عليكم
**الشموع السوداء:شرفتينىيادكتورة ومتشكره لتعليقك(وانك ماكسلتى تكتبى زى ناس تانيين انا عارفهم كويسسسسس)
انا خاخلص على طول شوية حاجات واجى ازورك فى مدونتك
ومرة تانيه شرفتينى ويارب دائما منورانى باتعليقاتك
(والله يصبرنى ويصبرك على بيروقراطيه الجهاز الادارى بتاعنا)
ودمتى بخير.

Moustafa` يقول...

السلام عليكم
شديده موت رفيعه هانم دى
طب وانتى عايشه معاها ازاى
بيفكرونى بالورود والتبيض والفرش الى بيحصل عند كل زياره لمسئول
قال يعنى هو موش عارف
بس المره الجايه يبقى من
anal
والترمومتر يترمى علطوووول
ع العموم ..البوست جنان طبعا وأسلوبه بلاشك فظيع
انتى شكلك هتقطعى علينا ف سكه الادب
يلا سلام يا دكتره

Wael يقول...

هههههههه كالعادة .

ولو انى مش عارف ايه هو " القطرميس " ده , انما من اسمه واضح انه اله عتيقة اوى . والله اعلم يمكن غلاية مية بيتحط فيها الترمومتر ؟ يمكن .

بس والله انا شايف انها مش بيروقراطيةولا حاجه يعنى , مادام السبرتو موجود , والـ " أكسيلارى فوصا " موجوده والقرطميس موجود هو راخر , يبقا ليه لأ ؟
الوقاية خير من العلاج , على رأى الشاعر .
صحيح : وصلتك الرسالة بتاعةالبلاى ليست ؟

Unknown يقول...

*****امين سر
السلام عليكم ورحمة الله وبركاته
على رأى واحد زميلى فى الشغل """"شرفت"""""يسعدنا زيارتك لنا بس بردون ياعنى طريق او حتة ايه دى اللى حنروحها " ولم تدنسه عجلات سيارة فارهة وقودها من عرقك ودمى"دى حته مقطوعة على كده وانا اخاف اروح لحتت زى دى لوحدى ياعنى لو حنعمل رحلة جماعية لكل البلوجات "واعضاء اسرهم كمان الاحتياط واجب" ما عندى مانع.وبعدين اروح حته صاحبها لسه جى ويقولى ياسارقة!!!!انا!!!!ياكربنتس!!!
على كده لو رحت عندكوا حتلبسنى جريمة قتل.
شكرآلدعوتك وان شاء الله اعمل بوليصة تامين على الحياة لصالح الورثة واجيب شوية :بودى جارد "واجى ازوركم
ولا تحرمنا من زيارتك وتعليقاتك وتسلم الايادى والخطوات.

Unknown يقول...

***
s@gi lombre &wael
فضلت ان انا ارد عليكم انتم الاثنين مع بعض علشان اعرف بالضبط؟؟انتم مفروض انتو الاثنين فى كلية الطب وبعدين !!واحد يقول لىّ نحط الترمومتر *** وبعدين نرميه(والله ياحلاوة حنكفى ترمومترات منين؟)والثانى يسألنى ايه القطرميس ونغلى الترمومتر!!!واكسيلارى فوصا يادكتور وائل!!!هى كلية الطب بقت بتدرس ايه الايام دى
معلش بقى تعالوا لى على جنب ,وورونى بطايقكم لو سمحتم,الصراحة ماتزعلش!!
شرفتونى ونورتونى ومش عارفه لو ماكنتم ما عرفتم طريق مدونتى دى كان دمها وشكلها كان حيبقى اي÷(اكيد احسن.....هههههه)
وتسلمولىّ دايما