الاثنين، سبتمبر 14، 2009

.......ســــرد واقعى وحى ....(تدوينة قديمة)


يوم شم النسيم الماضى


اخدت كثيرا من طباعى وصفاتى
الحسنه والسيئة!أعترف فالكمال لله واحده
كانت تجلس وتحكى عن متاعبها الجديدة فى دنيا الزواج
الطبخ والتنضيف والمسح والكنس
(والشربات ياطنط اللى مجنينانى)
فى كل ركن( شراب مرمى)
وكأنهم( باكتريا تتوالد بالانقسام اللا زوجى)
ولكنك تلمح سيمات السعادة فى محياها وفى صوتها
وان حاولت اظهار عكس ذلك
وكيف لا
فستكون اما بعد سبعة اشهر من الان
نعم نعم نعم هى حامل

ثانتيهما

اختها التى تكبرها ب4 سنوات
وبالرغم من ان هناك من طرق بابنا طلبآ ليدها
ولكن لم يقسم الله لها ذلك بعد
أصبحت هذه الايام أسيرة فكرة مجنونة
أن هناك من عمل لها عملا بوقف الزواج
وتريد ان تذهب لمن(يفك)لها هذا العمل
واذا ما حاولت مناقشتها فى ذلك
فإما أنك عدو لها لا تريد سعادتها
وإما انها لا تسمع كلمة واحدة مما تقول انت

ثالثتهُن
زوجة اخيهن الاكبر
والذى سافر للعمل بالخارج
وتركها هى وطفلتيها وجنينآ اذن

الله

ان تولد بعد سفر ابيها
منذ اول لحظه ذهبنا لخطبتها وكأنها منا وعلينا
ياسبحان الله ياسبحان الله ياسبحان الله
متطابقة معنا ومع زوجها فى الطباع
وكأن المثل (فولة واتقسمت نصين)
صحيح مائة بالمائة وانه(المثل) عُمل لهم
كانت تجلس تحايل المحمول
من اجل ان تلتقط الشبكة
نمرة زوجها لتتصل به وتسمع صوته
وتسمعها تقول بصوت خفيض
يارب

الشبكه تلقط

يارب

يارب
هم متزوجون منذ سته اعوام ولكن حبهما ولهفتهما لم تتغير
والذى (الحب)نشأ بعد الزواج


(لم يكن هناك سابق معرفة بينهما ابدآ)
رابعتهم واكبرهن
ابنة خالتهن
الجميلة بشدة وللغاية


(جمالها كان نقمة عليها وليس نعمة لها وساقول كيف)
خريجة المدارس الفرنساوى
والحاصلة على ليسانيس الأداب فى اللغة الفرنسية
والمديرة المهمة أوى فى احدى الشركات الخاصة
متزوجة منذ سبعة اعوام ولها ولد وبنت
تقدم لها كثيرون ممن يطلبون الحلال
ولكن جمالها

وأرتباط امها الشديد بها

وبعض الطلبات المغالى
فيها حال دون ذلك
ثم وفى لحظة مفاجئة
تحدت الجميع واصرت على الزواج ممن تصورت انها

احبته
بقلبها دون الرجوع لعقلها
وها هى ذا تدفع الثمن


لاتفاهم


لا اتفاق


لا وجود لحياةاسرية

بالمعنى المتعارف عليه
وقد حضرت لنا يوم شم النسيم


تريد ان
تتطلق!!!
نعم تريد الطلاق
وفى يوم شم النسيم

تسألها:
طب والعيال؟


وووووووو
لا ترد عليك وتبكى
هذا ما تفعله
البكاء!!
فسبحان الله خالق الاكوان
ومقسم العطايا والحظوظ
من يغير ولا يتغير
بيده ملكوت كل شىء
وهو بكل شىء عليم
-------------
اقول هذا للبنات
اصبرن
أطعن أهلِكُن
اسمعن كلامهم
واستخرن الله
ما استطاعتم الى ذلك سبيلا.
ملحوظة:نجحنا فى الصلح بين الرابعة وزوجها
واعدنها الى بيتها
at
05:39 م Posted by norahaty
Labels:



10 قول وما تجرحش:
حمامة يقول...
اول رد :)واول زيارة برضه :)


جميلة الحكايات اوى ربنا يكرمهم يارب ويديم عليهم السعادة ويرزقهم بالخير وفعلاً طاعة الاهل واجبه واهم حاجة يكونوا راضيين عن الزواج حتى لما تتجوزى الواحد مش بيعيش لوحدهوزى ما بيقولوا ف المثل اللى ملوش خير ف اهله ملوش خير ف حدربنا يهدي كل البنات ويرزقهم بالازواج الصالحين :)
05 مايو, 2008 08:09 م
norahaty يقول...
السلام عليكم ورحمة الله وبركاته


حمامة**


الله يكرمك ويخليك الزواج ليس زوج وزوجةفقط


بل عائلتين وتاريخين وعوايد وطباع مختلفه


ونجاح الشركة بيعتمد


على قد ايه كل واحد مستعد انه يتنازل


اويتحمل لاجل الاخر.


دومتى بخير وزيارة غير مقطوعةان شاء الله


norahaty
05 مايو, 2008 08:40 م
Hina wi Hinak يقول...
السلام عليكم ورحمة الله تعالى وبركاته


...الزواج،...


الحلم لمن لم ينله


والمشكلة لمن ناله...


الموضوع ده ينكتب فيه موش بس سطور ولا حتى صفحات،


لأ، ده ينكتب فيه مجلدات...


بريد الجمعة طرح الموضوع ده للمناقشة من مدة ليست بالبعيدة، على أمل الوصول لحل يسعد كل القلوب الحزينة...زمان كانوا بيشبهوا الجواز بالبطيخ... فكل طرف ممكن يطلع حلو وممكن يطلع وحش... المشكلة إن البطيخة حلوة أو وحشة، يا إما هتتاكل يا إما هاتترمي... وده مينفعش نطبقه على الجواز، رغم إن أكل البطيخ قد إقترب من رميه...مشكلتنا إن البطيخ كثيرا ما يباع في غير سوقه...


ونادرا ما بيكون المشتري بيفهم في البطيخ!
05 مايو, 2008 10:08 م
الفارس الملثم يقول...
فعلا يا دكتوره الواحد مش ممكن يعرف الخير فين والشر فين ,واحنا لا نملك غير الدعاء لله لارشادنا الي الخير وابعادنا عن ما فيه شقاء لنا ,.بس المهم انهم اتصالحوا في الاخر ورجعوا لبيتهم ..


تحياتي وتقديريمحمد
06 مايو, 2008 04:59 ص
norahaty يقول...
السلام عليكم ورحمة الله وبركاته


hina wi hinak


(مشكلتنا إن البطيخ كثيرا ما يباع في غير سوقه... ونادرا ما بيكون المشتري بيفهم في البطيخ!)


انا ارد بعد الكلام الممتاز اقول ايه؟بس هو فى الاول والاخر قسمة ونصيب ومهما حتعمل من دراسات وابحاث هو برضة بختك يا أبو بخيت!!!!شوفت ازاى؟؟؟


وتقبل تحياتى


norahaty
06 مايو, 2008 06:01 ص
norahaty يقول...
السلام عليكم ورحمة الله وبركاته


محمد**الفارس الملثم


العلم عند الله فى كل شىءبس احنا بنأخذ بالاسباب واقولك الحمد لله انهم اتصلحوا بس والله يامحمد قلبى غير مطمئن بالمرة عليها وعلى حياتهما معآوربنا يستر

وتقبل تحياتىnorahaty


06 مايو, 2008 06:07 ص
Hina wi Hinak يقول...
السلام عليكم ورحمة الله تعالى وبركاته...أنا ممكن أوافقك على إن الجواز قسمة ونصيب، بس بالنسبة لحكاية بختك يا بو بخيت، أنا هختلف معاكي فيها وبشدة...من أول أسباب فشل عدد هائل من زيجات اليومين دول هو إن معظمنا بيؤمن بحكاية بختك يا بو بخيت دي... وللأسف موش هقدر ألوم كل من يؤمن بهذا المنطق لأنهم جميعا ضحايا لحاجات كتير أوي منها العادات والتقاليد، والمجتمع وظروفه الصعبة التي جعلت من الرجل الذي بإستطاعته أن يؤسس بيتا للزوجية، كنزا لا يمكن بل لا يجب لأي أب أن يرفض أن يزوجه بنته بغض النظر عن توافر أي شروط أخرى...هقول إيه ولا إيه... الموضوع ده زي ما سبق وقلت بيحتاج لمجلدات...
06 مايو, 2008 04:11 م
norahaty يقول...
السلام عليكم ورحمة الله وبركاته


Hina wi Hinak.


صدقنى ما ممكن تعرف انسان الا لما تعاشره يوم واثنين وشهر ويمكن بعد كده يظهر لك طباع وسمات مجهولة فيه ما ممكن تصدق انها له.زى ما قلت النتيجة بتعتمد على هل ما هو مجهول لك اليوم وسيظهر غدآ :هل تستطيع العيش به ومعه ام لا.how much this unknown things are compatible with life.
06 مايو, 2008 05:08 م
Hina wi Hinak يقول...
السلام عليكم ورحمة الله تعالى وبركاته...كلامك صحيح، وأنا معاكي فيه...، بس أرجع وأقول إن العيب فينا إحنا... بنوجد المشكلة علشان نعاني منها بعد كده...إسمحي لي أن أوضح...مسألة تعرف فلان؟ أيوه... عاشرته؟ لأ... تبقى ما تعرفوش... دي بترجع لأسباب إحنا اللي عملناها... أوضح أكتر...أي إتنين بيتعارفوا وبعدين بيتجوزوا... إما بيكونوا بيحبوا بعض وعاشوا قصة حب... وإما بيكون جوازهم ده لحل عقدة إن العمر جرى ولازم نلحق أو نركب القطر...في الحالة الأولى، غالبا وأكرر، غالبا، ما ينطبق عليهما ما ذكرتي سيادتك عن مسألة العشرة وإكتشاف كل الجوانب السيئة التي كانت غير واضحة أو مخفية قبل الزواج... وده بيرجع للمثل اللي بيقول "مراية الحب عامية"... أما الحالة الثانية، فطبعا جواز لمجرد الجواز أو للهرب من نظرة متخلفة من مجتمع ينظر لمن قارب على أو تخطى الثلاثين دون زواج على أنه وباءا أو عارا، طبعا ده غالبا ما سيكون مصيره الفشل...ديننا قد أعطانا أجمل وأثمن نصيحة عند الزواج، فهناك حديثا للرسول الكريم صلوات الله عليه وسلامه، ينصحنا فيه بإختيار شريك أو شريكة الحياة بناءا على الدين، إذ أن ما عدا الدين، هو زائل... لكن وللأسف الشديد إحنا بعدنا أوي أوي
06 مايو, 2008 08:03 م
norahaty يقول...
السلام عليكم ورحمة الله وبركاته


Hina wi Hinak


طيب انا ارد اقول ايه بعد الكلام الممتاز ده؟؟زى ما قلت قبل كده المسأله بتعتمد على المحصلة : ممكن العيش بها ام لا؟ومش حكايه مراية الحب عمياء ولا لابسه نضارة لأ!!!العشرة اولا واخيرآتظهر ما يخفيه الانسان تحت طبقات من التكلف والتظاهروكلام الرسول عليه افضل الصلاة والسلام صحيح مائة بالمائةولكن تطبيقنا له هو الخطأمجرد ان (الواحد او الواحدة )ارتدت منهن خمارآ او اسدلآ وكذلك الفتى اطلق لحيته او ارتدى جلبابآ..يبقى خلاص كفايه عليه كده وهو ده المؤمن الصح.


وتشكرات افندم على خروجكم من الصمت الرهيب والذى لذت به منذ ما يقرب من الشهر اعتقد؟؟




******

**********

************

*********

*******

تدوينة قديمة إعيد نشرها اليوم


وفيها اقول ان


بنت أختى الاولى


انجبت بنت:ملك


والثانية


لم ينعم عليها بعد بالزواج


والثالثة هى تلك التى سافر زوجها للعمل بالسعودية


والرابعة مازالت فى شد وجذب مع زوجها وحياتها


ربنا يهدينا ويهديهم جميعاً

هناك 40 تعليقًا:

the giving river يقول...

اول تعليق الحمد لله
ازيك يانورهان ايه معلقتيش على البوست الجديد بتاعى ليه

the giving river يقول...

والتانى كمان ده ايه الرضا ده

the giving river يقول...

والتالت عشان الحبايب وعشان نورهان

the giving river يقول...

ربنا يجزيكوا خير اهن حاجه انكم نجحتوا فى الصلح بين الرابعه وزوجها وعايزين نشوف بوست تكتبيه جديد بقى ولا انتى مش فاضيالنا بقى ياست نورهان انا مستنى تعليقك على البوست الجديد مستنيه وتنورى المدونه والله
دمتى بخير وسعاده
تحياتى لكى
محمد

ياريح هدي يقول...

سررت باتعرف علي مدونتك أختنا العزيزه،وهي مدون ثرية المحتوي والشكل .
سؤال ،لماذ لا يوجد باب لتعليقات الزوار في مدونتك (جوابتي وأغنياتي وحاجاتي ومحتاجتي)؟
أتمني لك التوفيق.
تقبل مودتي.

لقد خلقنا الله احرارا يقول...

اسلوبك فى السرد جميل جدا
ربنا يكرمهم ويصلح حالهم
بس انا استغربت ان بنات اختك كبار ما شاء الله كده
انا حاسة انك صغنونة جدا

دموع القمر يقول...

اسلوبك فى السرد جمييل

بارك الله فيكى

تحياتى لكى واكيد مستنية زيارتك

نورهان

دموع القمر يقول...

شكلك يامحمد يانجيب

اتعدييت منى
بمرض الاحتلالات


ههههههه

تحيااتى للجميع

أبو العريف يقول...

ازيك يا دكتوره

كل سنه وانت طيبه

وعيد سعيد مقدما

يمكن مش اعرف اشوفكم في العيد

بس ايه حكاية البوستات القديمه دي

فين جديدك

وكمان مره تفتحي التعليقات

ومره تقفليها

بس عموما

ربنا يرزق اللي ما اتجوزتش باين الحلال

ويصلح حال الجميع

Sherif يقول...

عزيزتى نورا

كما قلتى الكمال لله وحده .. وليست هناك جنة غير التى هى عند الله .. لكن الحكيم من ينظر الى شئ مضئ ويتمسك ويعيش به .. فأنا مؤمن بانه ليس هناك شئ مش كويس على طول الخط .. لابد ان يكون فيه خير فى جانب منه

والمولى سبحانه يقول
لكيلا تاسوا على ما فاتكم ولا تفرحوا بما اتاكم (الحديد 23)
كما يقول أيضا
فعسى ان تكرهوا شيئا ويجعل الله فيه خيرا كثيرا (النساء 19)

مارأيك؟

عمرو يقول...

مبروك للأولى و ربنا يسعد التانيه و التالته و يهدى سر الرابعه ..
و الله يا دكتوره ماحدش أبدا يعرف الخير فين ربك وحده هو اللى يعلم ..
فعلا يا دكتوره الجمال أحيانا كثيره بيبقى نقمه مش نعمه و لله فى أمره شئون بس دى فعلا أنا لاحظتها كتير و فى مواقف و ظروف متعددهه ..
تدوينه غريبه شويه لكن عميقه فعلا ..
تقبلى تحياتى و تقديرى ..

زهراء يقول...

بجد مش لاقيه اى حاجه اقولها غير انتى رائعه عن جد
اسلوبك تحفه بجد حاجه رقيقه اوى راقيه اوى بجد مش عارفه اوصف كلامك رغم انى كلامنجيه لكن معاكى مش اعرف اتكلم
ربنا يفرح قلبك انتى وكل اخواتك
كل سنه وانتى طيبه بمناسبة قرب عيد الفطر المبارك وان شاء الله اقدر اتواصل معاكى من المكان اللى هاكون متواجده فيه
كل مره ادخل البلوج هنا اكون مبسوطه اوى وبينقلنى بجد فى حالات جميله اوى اوى
على فكره ان شاء الله عن قريب احتمال تشوفى حاجه من شغلى وهى هتكون معروضه فى حاجه مكان يعنى هو مشروع كده دعواتك وان شاء الله تكونى من اول الناس اللى تعرف وتشوف شغلى
يارب كل لحظه تمر عليكى انتى واسرتك بكل سعاده وحب وخير

jonoon 3aqel يقول...

السلام عليكم و رحمة الله و بركاته


الله يصلحهم و يسعدهم و يرزقهم الذرية الصالحة و يجعلهم خير ازواج لخير زوجات لخير ذرية..
و الله يبعد عنهم اباليس الانس و الجن.

و الله يسعدك كمان و يرزقك السعادة و الخير ف طريقك..

دمتي بخير
تحياتي

شمس النهار يقول...

هي الدنيا كده ماحدش مرتاح

عارفه ليه
علشان ماحدش بيحاول يتعب نفسه ويسعد الاخر

مع ان المعادله سهله
اسعدني اسعدك

اتعبني اتعبك

وقبل ده كله ان نتقي الله في بعض

norahaty يقول...

the giving river
الاول:مبروك!
لووووىىىىوى

norahaty يقول...

the giving river
والتانى:مبروك تانى:)
لووووىىىىىىىىىىىى

norahaty يقول...

the giving river
والتالت:تسلم يارب:)
لووووىىىىىىىىىىىىىى

norahaty يقول...

the giving river
ربنا يصلح احوال
البنات والشباب
كلهن وكلهم يارب
وبأذن الله تشوف جديد
بس بعد رمضان يمكن:)
وبعدين دى فرصة
تشوف (الماضى السعيد)
بتاع (صعبان على حالنا)
ولاهو مش عاجبك يامحمد؟

norahaty يقول...

ياريح هدى
يااهلاً باهل ليبيا
والناس اللى من ليبيا
وانا الاسعد بالتعرف الى
مدونتك وخير ما فعلت نشر
فنك ورسماتك على المدونة
ليستمتع اكبر عدد من
الناس بما فيها.

norahaty يقول...

لقد خلقنا اللهاحرارا
الله يخليك :)دى من ذوقك
وكمان من بعض من عندكم
من طريقة جميلة لحكى
التاريخ.جزاك الله
خيراً .

norahaty يقول...

دموع القمر
وبارك الله فيكِ
وانا ببقى الاسعد
بزيارتى لمدونتك

norahaty يقول...

دموع القمر
سيبيه يادموع
انت زعلانة ليه؟
انت وهو منورنا
خليكم قاعدين
واروح اشوف لىّ
انا حتة تانية
اقعد فيها
ههههههههه

norahaty يقول...

ابو العريف
كل سنة وانت بألف
خير ياباشمهندس يارب
انت بتهرب من العيدية
امممممممممم قول بقى كده:)
ماشى ياعم روان ماشى ماشى:)
جديدى بيتسوى فى الفرن ونجيبه
مع الكحك والفطير باذن الله
أما عن التعليقات فدا بقى
تقدر تقول :باصحى النايم
وانيم الصاحين :فهمتموا حاجة:)
المهم كل سنة وانت طيب ويارب
السنة الجاية تكون أكملت مأموريتك
وترجع لأسرتك وبيتك وبلدك بالسلامة .

norahaty يقول...

Sherif
والله انا موافقة
على كل كلمة حضرتك
قلتها المشكة هم او الاصح
(هن ..هن...هن...)اللى مش
عايزين يرضوا بالمقسوم ويعيشوا
به ما ستطاعوا الى ذلك سبيلاً.

norahaty يقول...

عمـــــرو
الله يبارك فيك يارب
الرضا فى رأيى ياأستاذ
عمرو هو مفتاح السعادة
بعض الناس حيقولك دا
(خنوع وخضوع للظروف)
لكن فى رأيى هو السعادة.

norahaty يقول...

زهــــــراء
أيه كل الكلام دا:)
بجد بجد بجد علشانى انا؟
الله يجبر بخاطرك ويسعدك
كما اسعدتنى وانا منتظرة
اعلمينى اين شغلك على النت
وانا اجى جررررررررررررررى
ومعايا بوكية ورد وعلبة بخور
على طوووووووووووووووووووول

norahaty يقول...

onoon 3aqel
عليكم السلام ورحمة
الله تعالى وبركاته
اللهم آمين يارب العالمين
ويسترك فى غربتك ويبعد عنك
شياطين الانس والجان وترجع
سالم غانم الى بلدك يارب.

norahaty يقول...

شموســـــة
البرنسيســــة
(اسعدني اسعدك
اتعبني اتعـــبك)
حلووووووووووووة
اوى المعادلة دى
فعلا لو كل حد
شال شوية
انانية
من قلبه ونفسه
وحاول يسعد الاخرين
حيسعد ويسعدوا هم كمان.

Yusuf يقول...

كلام جميل يا دكتورة

وخلاص العيد قرب
يعني احنا مستنيين جديدك
وكل سنة وانتي طيبة

norahaty يقول...

Yusuf
وكل سنة وانت
بألف خير يايوسف
وبأذن الله يـكون
جديد وجميل ومفيـد
ايضـــــــــــــــاً

** القلـــب المنكـــسر ** يقول...

السلام عليكم

بجد مدونه حضرتك جميله اوووي

ده غير البوست الهائل ده ربنا معاكي و نشوف حاجات جميله زي البوست ده

تحياتي

اتمني زيارتك لمدونتي المتواضعه

هتنوريني بجد والله

TiTo

norahaty يقول...

القلب المنكسر
وعليكم السلام
دا بس من ذوقك
وحاضر عينا اجى على طول
اشوووووف بس لو انا أتأخرت
على الشغل يبقى انت السبب:)

زهراء يقول...

تسلمى يا قمرايه على كلامك ربنا يعزك
معلش بقى شغلى مش هيكون على النت انما هيكون معروض للجمهور هو مشروع كده لسه اخد له شوية خطوات دعواتك بس وان شاء الله توصل لك دعوه لحد مكانك
وانتى تستاهلى اكتر من كده والله
فى انتظار كل ما هو جديد منك

norahaty يقول...

زهـــــــراء
ربنا يوفقك فى
حياتك وفى عملك
وفى مشروعك كمــان

فاتيما يقول...

عارفة يا نورهانتى
بغض النظر عن التدوينة و جمال ما انحكى فيها
لكن انا اللى حببنى فيها أكتر حاجة تانية خالص غير موضوعها
عارفة اللى شدنى قوى إيه؟؟
تعليق محمد الفارس الملثم الله يرحمه و يحسن إليه و يسكنه فسيح جناته يا رب
معرفش ليه حسيت إنه حى يرزق بيننا
و كأن اللى كتبه دا مبقلوش شهور و ايام دا لسه حالاً
الله يرحمه
و يبارك ف عمرك يا حبيبتى
و كل سنة و إنتى بألف خير
يا رب

norahaty يقول...

وعارفة يافاطيما
ياحبيبتى هو فعلاً
بينا بكلامه الطيب
وبتذكرنا له فى كل
وقت.محمد الفارس الله
يرحمه بيفكرنى بزميل
عزيز كان معايا فى الشغل
توفى من يمكن 4سنوات واكتر ومع
ذلك لا يمر يوم فى الشغل الا ولازم
نذكره بالخير ونترحم عليه وكأنه
معانا لسه.اللهم اغفرلأمى ولأبى ولأموات المسلمين أجمعين.
المسلمين

أحمد سعيد بسيوني يقول...

بسم الله الرحمن الرحيم

تقبل الله طاعاتكم

وكل عام وانت بخير

جعله الله عيد حب وسعادة وهناء

دمتم بود

د. ياسر عمر عبد الفتاح يقول...

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

norahaty يقول...

دكتور احمد سعيد بسيونى
وانت بالصحة والسلامة
وعفواً للتأخر بالرد
ولكنى لم الحظ التعليق
فأرجو المعذرة:)

norahaty يقول...

د.ياسر عمر عبد الفتاح
وانت بالصحة والسلامة
ياصيدلى وارجو المعذرة
للتأخر بالرد.تحياتى.