الأحد، مارس 09، 2008

هل سيكون هناك اضراب؟؟






على صباحة ربنا لاقينا يافطططططططططططططططططططططططططططططططططططططططططة

قد كده محطوطه فى لوحة الاعلانات ؟ايه ياجماعة ..اللى شايف حاجه يقول لنا....قال ايه ممنوع الاضربات !!! اضرابات ايه؟؟وبعدين افتكرت ان د.حمدى السيد نقيب الاطباء (الراجل ده انا سلمت عليه شخصيآ اه والله ثلاث مرات ..حتقولوا وايه يعنى....وبعدين......بلاش نقفل على بعض, القعده لسه فى اولها.)المهم الدكتور حمدى دعا لعمل اضراب عام للاطباء زى الجماعه بتوع الضرائب العقاريه لما عسكروا بعيالهم وحالهم ومحتالهم امام مجلس الشعب (احنا مش زيهم وهم مش زينا ابدا)علشان يتساووا فى الحوافز والمكافأت مع بتوع الضرائب العامه وكمان الجماعة عمال مصانع الغزل والنسيج فى المحلة وعمال مصانع الغزل بتوع كفر الدوار قبل كده برضه .الاضراب المقصود منه الضغط على الحكومة لاصدار كادر خاص للاطباء زى كادر المدرسين اللى بيه بداية التعين يكون حاطط فى باله السنتين الزيادة فى الدراسة وطبيعة العمل المختلفه وكل حاجة بقى (ده لو بقى فيه تعين بعد كده والبركه فى الجامعات الخاصة اللى غرقتنا خريجين) المهم الادارة(والادارة شطاره زى ما بيقولوا) استبقت الاحداث وسبقت بوضع اليافطة(امال يتشالوا من على الكراسى وهم مش حاسيين). المهم بكل صراحة لا اعتقد على الاطلاق ان موضوع اضراب الاطباء ده حينجح ليه؟لان نقابتنا من اضعف النقابات فى مصر(وده عامة حال كل النقابات ماتبصش لحكاية الغزل والنسيج دى كانت مره ومش حتكرر )الاطباء شاننا كلنا فى مصراما فووووووووووووووووق اوماشيييييييييييييييييين على قد حالهم


==الكبار(اقصد المبسوطين ماديآ اوى) مشغولين بالعيادات والاولاد اللى لازم يطلعوا دكاتره والشاليه فى مارينا وحضور المؤتمرات العالميه صيفآفى اوروبا وشتاءآ فى اسوان والاقصر

دول المبسوطين اما ===المجموعة التانيه اللى ماشين على قد حالهم فيدوبك بيدبروها من هنا علشان تتقطع من الناحيه التانيه.ولا لازم اوبيعاملوا بمنطق انهم دكاترة وبياخدوا قد كده فى كل حاجه ,(ابدآوالله)

اما شباب الطباء فدول غلابه وخليهم على جنب امالهم كبيره ولكن العقبات كثيره التخصص الجواز الشقه وال وال واللسته لاتنتهى(انا دمى تقيل النهاردة وعامله زى الواد هانى رمزى فى مسرحية وجهة نظر لما كل حاجه يقول عليها ..لا مفيش فايدة لا مفيش فايدة

المهم انتى حتعملى الاضراب ولا لا .....؟انا عارفة ان ده السؤال اللى بتسال بصراحه

لألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألألأ

اولا الثورات وال حاجات دى بتاعه الشباب مش بتاعتناولو حبيت اجيب لك مثل :



عبد الناصركان عنده كام سنه لما قام مع زملاؤه بالثورة تقريبا 35 سنه نابليون كان عنده 28 سنه وتشى جيفارا كان برضة شاب فى العشرينات





ثانيا لى تجربه سابقه فى حكاية الاضراب عن العمل والناس اللى حرضوا المجموعه بتاعتنا على كده تانى يوم لاقينهم موجودين وشغلين عادى واحنا اللى طلعنا وحشات اخخخخخخخخخخخ كده برضة!!!وتالت حاجه ودى الاهم انا من ساعة ما سمعت حديث رسول الله صلى لله عليه وسلم وانا قلبى ارتاح اوى اوى اوى0 قال ايه رسول الله ؟ما معناه (لانى مش فاكراه بالنص)ساله احد الرجال :ايكون المؤمن بخيلا ؟قال رسول الله صلى الله عليه وسلم نعم ساله الرجل مره تانيه ( وخللى بالك من الحته دى علشان مهمه) ايكون المؤمن جبانا؟قال رسول الله:نعم 0ساله الرجل مره ثالثه :ايكون المؤمن كاذبآ؟قال رسول الله :لالالالالا لا يجتمع الايمان والكذب فى قلب واحد.وصدق رسول الله صلى الله عليه وسلم




وعلشان كده ياساده ياكرام انا شخصيآ اول واحده مش حاقدر اعمل لا اضراب ولا يحزنون ولما نشوف يوم 14 ده حيحصل فيه ايه؟؟؟ وربنا يسهل للخير دايما.

متهيألى مفيش حاجه مناسبه لختام الموضوع ده أ حلى من الاغنيه بتاعه محمد قنديل يامهون اللى شغاله مع المدونه.

هناك تعليقان (2):

أحمد منتصر يقول...

ههههههههه والله لو اعتصام ممكن مقدرش عليه لأني مرفه لكن لو معايا ناس عزيزة عليا ممكن أعمله كام يوم :)

بالنسبة للإضراب فهو سهل منشتغلش وخلاص وهو في أسهل من الإضراب؟

تحياتي :)

Unknown يقول...

السلام عليكم وشكرا على سرعة الرد.بس حكاية مانشتغلش دى ما اقدرش عليها لان اول كلمه بتتقالك من العيان :وانا ذنبى ايه؟وفعلا هو ذنبه ايه ؟احط هم فوق همه ليه؟هى مشكله ولما نشوف حتتحل ا زاىىىىىىىىىىىى؟؟
ياخبر النهارده بفلوس بكره يبقى ببلاش.سلاممممممم
ايوه صحيح قبل ما انسى ابقى تعال زورنا كتير كده وكل مره تيجى تسيب رد000اتفقنا ياطنطاوى؟؟؟؟؟سلام عليكم