الخميس، مارس 27، 2008

حيرتنا دار الافتاء....اه والله

من حق المعاق ذهنيا ان يتزوج ما دامت اركان الزواج متوافرة وان كان فى هذا الزواج مصلحةللمعاق-نفسية او صحية او مادية-فيكون فى تعمدالقائمين على رعايته تاخيراو تعطيل زواجه اثم وتقصير.

هذه سطور مقتبسة من نص فتوى شرعية اصدرتها دار الافتاء المصرية بعد دراسة مستفيضة مع

مجمع البحوث الاسلامية وتوصلت فيها الى اعتبارالزواج حقا من حقوق المعاق ذهنيا لا يجوز منعه خشية الانجاب,حيث اكد الرأى الشرعى ان الزواج شىء والانجاب شىء اخر(شفت ازاى ياعبده!!!!)

فالزواج فيه انس ورحمة ومودة وتعاون وانفاق ومصاهرة ومعان سامية كثيرة بالاضافة الى الانجاب (قول ياسيدى اطربنى)
وانه اذا كانت العلة من الزواج فقط الانجاب :لما صح زواج الآيسين والعقماء او الصغار(كلام فى الصميم)
وتأسيسآعليه فلا لزوم لا ضرورة للربط بين الزواج والانجاب!!!!!!!!
اما عدم الانجاب او تاخيره فهو امر يوكل الى الخبراء واهل الاختصاص(الدكاترة يعنى الصيادلة لاولا بتوع الاعشاب ههه...سامعين اوعو تقربوا انا بقولوكوا اهوه!!)
لم يخف على القائمين على هذه الفتوى مراجعةكتب الفقة لكل المذاهب والتى تناولت من ضمنها زواج المجنونة فى فقة الحنابلة وجاء فيه ما يلى:
المجنونة::: فلجميع الاوصياء عليها تزويجها اذا ظهر منها الميل للرجال لدفع ضرر الشهوة عنها او الفجوروتحصيل المهر والنفقة والعفاف وصياتة العرض فلذا ابيح زواجها...
واشارت الفتوى انة اذا كانت الشريعة قد اباحت زواج المجنون والزواج من المجنونة فان المعاق اعاقة عقلية زواجه جائز من باب اولى ما دام محوطا بالحرص على رعايته ومحفوفا برعاية منافعة (اهله واخدين بالهم منه ومنها كمان بعد كده...صح!!!),مشيرة الى انه مع الفارق بين المجنون والمعاق ذهنيا الا ان هناك جامعا بينهما مؤثرا فى قضية الزواج00شانهم فى هذا شان باقى جنسهم مع الزيادة عليهم باحتياج فى بعض المواضع الى مراجعة حالتهم الخاصة.
وحددت الفتوى دور القيّم على تصرفات المعاق ذهنيا سواء الوالدين او غيرهما بمعيار مصلحة هذا المعاق التى لا يجوز تعطيلها طالما ثبتت اهميتها بمعرفة المتخصصين من اهل الطب(برضه احنا الاطباء بييرموا الكره فى ملعبنا!!!)
بل وذهبت الفتوى لوجوب تشجيع هذا الامر من خلال التاليف بين الحالات المتشابة او قريبة التشابة بينهما من خلال الجمعيات والروابط التى تنتظم امثال هؤلاء.(يابخت من وفق راسين فى الحلال)
واخيرآ نقول هذا راى الدين والفقهاء والعلماء 00فهل يكفى هذا العوام ممن يتندرون على المبتلين بهذه الاعاقة وينكرون عليهم ما هو اهم من حق الزواج.......حق الحياة نفسها!!!
لى تعليق وسؤال:
**المعاق ذهنيآا له حق الزواج اما الغارق فى البحرفى **لجات وغيابات المتوسط** هاربا من ظروف وطنه القاسي**’ فليس بشهيد!!!! (الفتوى الشهيرة اياها!!!!!! فاكرنها)
**هل توافق انت وانتى على زواج المعاق ذهنيا ؟
من ناحيتى انا (وبعيدا عن حكم القلب والهوى ومعلش وحرام والنبى ....بس كفاية )فلا اوافق...ليه بس؟؟
***الزواج مسئوليه عظيمة ينبغى للاخذ لها ان يكون على قدر هذه المسئوليه فكيف يطلب هذا ممن لا يستطيع ان يسيير امور نفسه*
حكاية واقعيه :تزوجت (خ)ذات القدرات العقليه المحدودة من (ف)وكان له ولد...
يوم واثنين وثلاثة ويصيح الصغير صارخا من الالم الشديد فى معدته :اه اه اه اه
نقل الى المستشفى بسرعه واجري له غسيل معدة وتم انقاذه (اللى له عمر ماتهونوش شدة!!!)
سالت (خ) من قبل النيابة بعد الابلاغ عن حالة التسمم :هل وضعت له شيئا فى الطعام للصغير؟
قالت اه بودرة الصراصير.
لماذا؟؟؟؟؟(ده حضرة البيه وكيل النيابة بيسأل)
لانه (يضايقنى) ويصر الى الجلوس بينى وبين زوجى ولا يريد ان يفارقنا!!
**اريت ما اريد ان اقول نعم: قد تقدم زوجه اب بدم بارد على قتل ابن زوجها ولكنها لا تعترف بهذا بسهوله اولا تعتبر انه امرا طبيعيا ان تتخلص ممن يضايقها ببساطة هكذا!!
وارجو الافادة والردبالموافقة او المعارضة على رأىّ مع شرح الاسباب
=============
موضوع شخصى لو سالتم عما تم فى موضوع عريس بنت اختى
فالحمد لله تمت الزيارة بسلام بعد ان نشف دمنا منه لله(مفروض يجى 5 ايوه 5 جه 8 اه والله بدون اعتذار او تليفون حتى......بدايه لا تبشر بخير)
المهم جه والللللللللذى منه(الجاتوة والبيبسى)والكلام والسلام00000000
اقولكم انا حأبقى احكى بقية الموضوع بعدين علشان الحق اعمل شوية حاجات كده فى البيت.
سلام مؤقت

هناك 6 تعليقات:

Wael يقول...

السلام عليكم (:

اولا مش عارف ايه علاقة زواج المجنون بحكاية الغرقى , بلاش ندخل الامور ف بعضها

ثانيا : مادام الحكاية بقت ف ملعب الاطباء , خلاص يبقا كل حاله ولها حكمها الخاص حسب راى الطبيب النفسى الثقة , فين المشكله بقا ؟

ثالثا : ربنا يتمم بخييييييييييير

أنا محتاج يقول...

سلامو عليكو
هوا قصدهم بالمعاق ذهنياً ده Mongolism ولا إيه بالظبط
وبعدين الحكاية كده بقت مجرد إرضاء للغريزة فقط لأن الإنسان ما بيحسش بالحاجة للإرتباط النفسي والإجتماعي بالجنس الآخر إلا مع بلوغه العقلي الكامل ... أنا مش عارف الناس دي بتفكر إزاي ... وأعتقد إن المعاق ذهنياً اللي خايفين عليه من الفتنة بيبقى الموضوع عنده زي تفكير الطفل الصغير الفضولي
لكن برضة هوا ممكن يكون قصدهم على حالات الPsychosis Or Neurosis
لأنهم شكلهم كدا في الأزهر شاربين مية لفت عل الريق

وربنا يتمم بخير في موضوع الجوازة

الفارس الملثم يقول...

انا يمكن شايف اطلاق حكم عام هكذا امر ليس صحيحا , فليس كل حالة كالاخري , انا علي اي حال لا استطيع ان اجزم بحكم قاطع فهذا الموضوع يحتاج لدراسة وافية من اطباء ومن رجال دين ذو عقل واتزان " بصراحة في شيوخ لا يمتلكون هذا العقل الراجح في الحكم علي الاشياء "

اخيرا الف مبروك وانشاء الله الموضوع يتم لنهايته بلا مشاكل

سلام يا فندم

norahaty يقول...

السلام عليكم ورحمة الله وبركاته
د.وائل باشا **1= انا مش باقول ان فيه علاقه لكن باستغرب من.. اقول ايه شويه غرابه او تناقض فى الاراء لبعض الفتاوى
2=وما اقدر اقول حاجه بدال الحكاية بقت فى ايدى المختصين
3=ويارب يسمع منك(علشان ارتاح) ولو انك طول ما انت عايش فى البيت الكبير عمرك ما حترتاح ...ليه؟لان الكل بيبصوا او بيفكروا او غريزة مثلا ان ده بيت ابوهم وامهم وجدهم وجدتهم بصرف النظر: الناس الكباّرة دول ماتوا بقى لهم كام سنه .
ورابعآ من عندى كل يوم وانت طيب
norahaty

norahaty يقول...

السلام عليكم ورحمة الله وبركاته

انا محتاج***
والله هم مافسروا بالضبط قصدهم مين هم؟
وزى ما قلت هم رموا الكره فى ملعب ا"الاطباء المختصين""واخدلى بالك!!!
وبلاش نخبط فى الحلل الازهر وعلماء الازهروطلبة الازهر كمانننننن على راسنا من فوق*عايز يرفعوا علينا قضية ..احنا لسه بنقول على المحاكم ووجع القلب بتاعها
وسلام كبير
norahaty

norahaty يقول...

السلام عليكم ورحمة الله وبركاته
الفارس الملثم**
ثانيآقبل اولا
شكككككككككككككككككككككككرآويستجيب الله منى ومنك.
اولا:صح التعميم فى الموضوع ده غلط ولو انى رافضه الموضوع من اساسه
صديق بيقول ان الاصل فى كل الامور هى الاباحه(خللى بالك ده ازهرى وشاطر كتيير فى كل حاجه )وبالتالى يبقى مسموع الزواج لهذه الفئه!!!انا صراحه مش موافقه!!
وزى ما قلت بلاش نزعل حد مننا.
وتقبل تحيتى ياابو الفوارس.
norahaty