الأحد، مارس 30، 2008

قال تعالى "وجعلنا من الماء كل شىء حى"

انا مش مصدقه نفسى لحد دلوقتى

اصل الميه موجودة ..اة والله موجودة

فين؟ ...

ايه فين دى ؟؟

فى الحنفيه طبعآ

لحد دلوقت؟؟؟؟


يمكن باحلم ولا حاجة

يمكن انا موجودة فى حياة اخرى

كما يقولون عن تناسخ الارواح


انا ساكنه فى الدور التانى

والميه ماكانتش بتتقطع عندنا ابدا قبل كده

وكذلك الكهربا

وده كان فى عهد الرئيس انور السادات
لماذا؟؟

لانه كان يسكن فى حى منزلنا العامر

وشوف انت الآملة انك تسكن

جنب الريس

ايام جميلة

ياريتها دامت

والحمد لله فضل الحال زى ما هو لحد يمكن 10 اشهر فاتوا

لانعرف ايه اللى جرى؟

على طول الميه ضعيفة(لو انت سعيد الحظ)

ومقطوعة لوانت زىّ!!!

بعد كده بقينا نترصد للميه زى ما بيرصدوا هلال رمضان كده!!
لازم يكون حد صاحى بليل (الوقت الوحيد لاحتمال مجىء الميه)
وتفضل تحوش وتملى وشغلانة ما ليها اخر
لدرجة انى فكرت اركب موتور!!!!
مع رفضى للفكرة جدآ
بس حاعمل ايه؟؟
اذا كنا فى الشتا ومغلبانى كده امال فى الصيف حنعمل ايه؟؟
نسيت اقول ان احنا بحثنا ودورنا ولفينا وغلبنا وفى الاخر
عرفنا ان البرج اللى اتبنىّ جنبنا ركب موتوور عملاق
مش عارفة كام حصان يا خوىّ
شفط مية الشارع كله(مش بيتنا بس)
ولاعزاء للضعفاء فى دنيا الاقوياء
ولنا الله ولنا الله ولنا الله



.

هناك 6 تعليقات:

maYHam يقول...

ألف ألف مبروك .... أنا مقدر إحساس عدم وجود المية لأني مجربه جداً... بس على فكرة .. موضوع الماتور دا عادي ومن حقكم لأنكم متضررين

بس أنتوا مش كفاية عليكم العز اللي عيشتوه أيام السادات ....؟؟؟؟

Unknown يقول...

السلام عليكم ورحمة الله وبركاته
**يامن كنت محتاجا
الله يبارك فيك وعقبال الدوام يارب
ومش حتصدق الميه فضلت طول الوقت موجودة او على الاقل لحد ما كنت صاحيه
"تفتكر قطعوها لما نمت؟!!
على العموم الميه تكدب الغطاس انا شويه اقوم اتوضىءواشوف بنفسى
مبروك للمود الجديد والبروفيل الجديد
خليتنى شكيت اول ما قرأته ورحت شفت مين ده...لقيتك انت!!!شوفت ازاى!!
بقولك والله الليله دى فيها حاجه غريبه!!
ربنا يلطف بعباده

الفارس الملثم يقول...

الف مبروك لحضراتكم , مفروض تعزمينا علي حاجة بالمناسبة دي ..

عارفة الحكاية دي بقت عامة , لان يبدو ان الناس كلها بقت مركبة موتورات , واللي مش ايركب يبقي يقابلني لو الميه وصلتله ...

سلام يا فندم ومستنين العزومة بمناسبة الميه ..

Unknown يقول...

السلام عليكم ورحمة الله وبركاته
الفارس الهمام الملثم**
الله يبارك فيك يافندم
بس يظهر ان انا اللى بقيت اعجوبة من اعاجيب الدنيا والله ....ليه؟؟عايز التفاصيل مافى مشكله
اولا-ماعندى تليفون ارضى دلوقت (ودى حكاية طويله اوى حابقى احكيها مره تانيه على رواقة
ثانيآ-ماعندى محمول.....والله العظيم مش باكذب وده برضه له حكايه وبعديييين ..علشان عندى حاجات تانيه عايزه الحق اعملها قبل الشغل
وثالثا معنديش موتور اهوه بس يظهر حنهزم امامه واجيب واحد وامرى الى الله وفاتورة الكهرباءحتولع اكتر ما هى مولعة(وعلى راى صحبى من لم يمت بالحر مات بغيره =فاتورة النور
وتقبل تحياتى
norahaty

عاشــــــ النقاب ـقــــة"نونو" يقول...

ربنا يعينك يارب
تعرفي ان قطعان الميه دة بنسميه انا وزوجي الكابوس بس مفيش حل يا اختي ولا موتور ولا الموضوع اصلا من الماسورة الام ولا ايه ربنا يعينك
تحياتي ودعواتي

Unknown يقول...

السلام عليكم ورحمة الله وبركاته
nonoymm
لنا ولكم الله ولصبرنا على ما بلانا به
ولكن الريد ان اخبرك خبر حلو
الميه لسه موجودة لحد دلوقت
اه والله
اتمنى الدوام
وتفضلى بقبول فائق الاحترام
norahaty