الجمعة، أبريل 11، 2008

ضيف غير مرغوب


امبارح جانى على الليالى
ضيف غتت
زرزل
وسئيييييل
وبايخ
(حد يعرف وصف تانى يقوله لىّ
وكمان ماحدش دعا ه
وما ذلك قعد وانتظر
*واتعشى*كمان
وشرب اللى هو عايزه كله
ولا نفع فيه طرد ولا خبط ولا افأفاه
ولا اى حاجة خالص ولما جا له مزاجه
مششششششششششششششششششششى
الحمد لله الف حمد وشكر

هل تعلمون من هو........

نعم انه ...........البرغوث


=========================
** قصة **



**الوالى و البرغوث **


** فيكتور هوجو**


كان هناك ملكا ظالما , مستبدا جبارا على رعيته, ممثلا بهم قاسيا على صغيرهم مستهينا بكبيرهم ,.. ساجنا لكل من يقول كلمة حق او ينادى بعتقه من ظلم حل به وان شاوره مستشاريه قال ببساطة : لا شيىء يهم !!!(انا ما يمنيش حد ....)

علم برغوث صغير جدآ(يوضع سره فى اضعف خلقه)بأمرالوالى الظالم

. فقرر ان يقوم بأى عمل مهما كانت صعوبته لكنه لن يبقى ساكتا عن ظلم ناصرا له بصمته

تسلل البرغوث ليلا الى قصرالوالى ومنه الى سريره وفراشه الدافىء الناعم (زى اللى حصل لناس اعرفهم).. وما ان شعر بان الوالى قد غط فى نومه حتى قفز يلدغه يمينا ويسارا فى سرعة(يكونش هو؟؟) صحا الوالى متألما (اى اى اى)

.. غاضبا اشد ما يكون الغضب .. زعق فى حراسه وخدمه (ياخسارة انا ما عنديش بقى )ان يقوموا بتنظيف منامته و غرفته وكل ما حوله(وانا اللى عملت كل حاجة للصبح ) لكن البرغوث كان اذكى من ذلك كله واختبأ فى شعر الوالى(شوفى الاروب !!) وهو يغنى طربا بعد ان رحل الخدم (زى ما قلت انا اللى قمت بالمهمة كلها)وبالطبع لم يعثروا على شيىء عاد الوالى للنوم

ومن جديد هاجمه البرغوث فى شراهه ومن جديد تكرر نفس السيناريو السابق (مصدقاك ياخويا)جاء الصباح بعد طول امد فى ليلة كلها لدغات و لسعات ودون نوم اطلاقا (شرحهههههه)
بدا الوالى (زى حضرتى)مغتاظا عصبيا فى اوج ثورته
,, فطالب بأن تعد الجيوش لمحاربة البرغوث وجمع التعبئة العامة (فليز واخواته)
وعشرات من التدابير(كنس ومسح وتنفيض) التى تضمن القضاء على البرغوث
!!لكن الجيش كان يكره الوالى وقال ان وجدنا البرغوث وفرنا له الحمايه والرعاية استمر الملك فى التجبر علينا
وهكذا جاء الليل سريعا ليقض البرغوث مضجع الوالى لليلة الثانية على التوالى وتكرر ما حدث بالامس (بعيد عن الحاضرين).. وجاء الصباح والوالى لم يذق للنوم طعم

,, فبدا فى شروود وكأنه اصابه مس من جنون .. حتى اذا اتى الليل همس يتحدث الى البرغوث( حرام عليك!!اتمسكن لما تتمكن)... ارجوووووك ارحمنى ماذا تريد منى!!! ؟(ارحمنى ربنا يرحمك) قال البرغوث: لا شيىء يهم !!قال الوالى: ,,ارجووووووك اكاد اجن ولا استطيع النوم بسببك

قال البرغوث : حسنا بالصباح تخرج الى شعبك بالاسمال والثياب القديمة(!!!!ولا كلمة) وبالفعل لم ينم ايضا تلك الليلة وخرج من الصباح الباكر يمشى فى شوارع المدينة وقد هزل جسده وشعث شعره ويلبس اسمالآ بالية لا تتناسب ومكانته.

واعتقد الناس انه مجنون فقذفوه بالقمامة وهم لا يعلموا انه الوالى !(عزيز قوم ذل )
وعاد مساءا الى القصر يبغى النوم
.. فأبى البرغوث ذلك فقال له الوالى : حسنا سألبى اى طلب تأمر به .. فأمنية حياتى الان هى ان انام وفقط
.. قال البرغوث ارحل ,, قال الملك لك هذا ولكن سأخذ معى جواهرى و اموالى
قال البرغوث بل ترحل بلا اى شىء جزاء ما اقترفته من أثام فى حق شعبك ,, كنت غير اهلا للمسئولية
فلماذا لم تتركها لمن هو اهل لها

ارحل ارحل ارحل.

رحل الوالى عن البلاد و التى حكمت بعد ذلك بالعدل و المساواة ,و كان لا يجرؤ احد فيها على ظلم اخر,,
فلكل برغوث ما سوف يقض مضجعه حتى يتأدب او يرحل او يموت.
-----------------

**قامت دار نشرفرنسية بأصدارهذه الحكاية وكانت تتمنى ان يقرأها كل الولاة

**مع انهم عادة لا يقرأون !
عسانا نحن ان نكون قد استفدنا منها

القصة منقولة من مدونات هريدى (مع تصريف كتيييير)
------------------------- بس بس بس بس انتى انتى !!!
نعم فيه حاجة؟؟
انتى حاطة صورة كتكوت
مش.......... برغوت
انا عارفه بس لقيت شكله
وحششششششششششش
اوى اوى اوى
قلت الكتكوت احلى
ايه رايكم ياجماعة
وتسلموا من كل شر

هناك 16 تعليقًا:

لاجئ الى متى يقول...

اكيد الكتكوت احلى
بس هيك قصة بدها صورة برغوث غتت
لعلهم يتعظون

ادام الله البراغيث عليهم . وبس

DayDreaming يقول...

ارزق اللي في بالي ببرغوووووووووت زيه يااااااااارب

قصه جميله اوي خصوصا صورة الكتكوت
تقبلي مروري

استراحة محمد يقول...

برغم العذاب اللى ورهولك البرغوت لكن ادالك فكرة بوست جامدة زى ده ، الموضوع كان ليه مميزات برضه
ثانيا انا اول مرة اقرا القصة دى كان فى مدونتك ، وبجد اثرت فيا
اى حد قادر على التغيير ، فقط استخدم امكانياتك جيدا

norahaty يقول...

السلام عليكم ورحمة الله وبركاته

لاجىء الى متى
انا عارفه (هيك )قصة محتاجة الى براغيت كالافيال لعلهم يتعظون ويحسون ويستيقظون من سباتهم العميق

شرفتينا ونورتنا وقلوبنا معكم جميعآفى صمودكم هناك
بيت لحم حياها الله وحىّ اهلها جميعآ
وتسلمى للمرور والتعليق
ولاتحرمينا التكرار
norahaty

norahaty يقول...

السلام عليكم ورحمة الله وبركاته
**daydreaming
فقط يرزقه ببرغوث واحد؟
واحد فقط!! هل انت بخيله؟ كونى كريمه معه 2 او 3
ولما لا نقول وابل من البراغيث
لا يعرف لها حلا الى القاء نفسه فى النهر
ليأخذه بعيدآ عنا
وتقبلى تحياتى
norahaty
لا تحرمينا تكرار الزيارة .

norahaty يقول...

السلام عليكم ورحمة الله وبركاته

يامحمد ياصاحب الاستراحة **
اول زيارة لك هنا بالصوت والصورة
اة والله
كل مرة كنت تأتى اسمآ فقط
ولكنك اليوم
نورتنننننننننننننننننننننا
كتابة وصورة كمان
**ايه الاملة اللى انا فيها النهاردة دى*
شرفتنا يامحمد ياصاحب الاستراحة
ولا تحرمنا تكرار الزيارة
norahaty

أنا من كنت محتاجاً يقول...

ربنا يرزقنا ببراغيت متحولة ومتكلمة زي الرجالة دولا

الفارس الملثم يقول...

هههههههههه

لا حضرتك احنا عاوزين البرغوت والا ده يعتبر تزوير في بوستات رسمية ..

بقي كل ده عمله الرغوت , يا سلام لو عندنا كام واحد من دول ونحطهم في قفا... طبعا مش اقولك فين .. البرغوت في بال الشاعر

تسلمي يا دكتورة علي الرغوت ,قصدي علي البوست ..

سلام يا فندم

ابناء صاحبة الجلالة يقول...

هههههههههههههههه صح ضيف رخم اوي
جي يتعشي ويمشي اتعشي اية تيب ولا كان ناوي ينام خفيف كويس انه مشي احسن كان يقضي الويك اند كمان

بجد جميل اوي الموضوع هايل

norahaty يقول...

السلام عليكم ورحمة الله وبركاته
انت يامن كنت محتاجآ
واغناك الله من فضله

والله ما تستبعد حاجه فى الايام المقبله واللعب بالجينات الحين على ودنه

اخر حاجه سمعت انهم عملوا والعياذ بالله تزاوج بين جينات انسان وحصان وحصل اخصاب والجنين عاش لمدة ثلاث ايام ولم يكن منتظرآ له الحياة اكثر من اسبوعين
واقولك ايه
ربنا يستر
وشكرآآآآآآآآآآآآآآآآآآآ
إإإإإإإإإإإإإإإإإإإإإإإ
متشكرةاوى
norahaty

norahaty يقول...

السلام عليكم ورحمة الله وبركاته
محمد الفارس الملثم
بقى عايز البرغوت لزوم العهدة والذى منه؟؟
فاكر كان فيه مسلسل اسمه (ناس وناس)تاليف احمد رجب وانت ادرى بقى باحمد رجب المهم فى حلقه منه عائشه الكيلانى حكيمه فى مستشفى جايه وجايبه الكماشه والزرديه وعايزه تفك وتطلع المساميروالشرايح من رجل عيان هم الهدة بتاعتها ,كانت حلقات بمليون جنيه من كمية الضحك اللى فيها
وتسلم من كل شر
norahaty
بتشكرنى يامحمد؟
الشكر لك ياصاحبى مليون مرة

norahaty يقول...

السلام عليكم ورحمة الله وبركاته
ابناء صاحبة الجلالة**
الحمد لله ان الزيارة ماطولت اكتر من كده والا كنت شوفت لىّ حته تانيه اعيش فيها
انا عندى حساسيه مفرطة ضد لسعات الناموس واخواته
وبتبقى مشلكة كبيرة عندى لو حصل ده.والسلام
norahaty
مبروك الوصول الى عالم المدونات
اراك جديدة ؟؟ ام كانت هناك مدونات قديمه وهذه جديدة

مها يقول...

الله عليك .. القصة تحفة بجد
وعندك خفة دم وروح مرحة مافيش بعد كدة!! يعنى خليتى القصة لها طعم تانى بتعليقاتك بين السطور .. القصة جميلة والكتكوت جميل ولكن أنت الأجمل..

تحياتى ومحبتى

TeVa يقول...

حلو الكتكوت دا

والبرغوت العفريت دا عجبني برضو ,,و عفارم عليه

الاقيش عندك واحد صغير كده بس يكون بلدي :))

norahaty يقول...

السلام عليكم ورحمة
الله تعالى وبركاته
مها
انت الاجمل والاجمل
ودائما وابدا الاجمل !

norahaty يقول...

السلام عليكم ورحمة
الله تعالى وبركاته
TeVa
غالى والطلب رخيص يافندم
ادينى العنوان وانا ابعت القطة
ايوة القطة ما هى مصدر كل البراغيت
اللى بتيجى عندنا حين هى تشرف
بالزيارة امام باب الشقة.