السبت، مايو 24، 2008

هموم الناس العادين

كتب يوسف:


فى تصريح لنائب رئيس شعب المستوردين اعلن ان سبب الارتفاع الجنونى فى الاسعار هو جشع المستوردين حيث بلغت ارباحهم عنان السماء:

..مثلا مستوردو السكرارباحهم700%


مستوردوالحبوب ارباحهم600%


مستوردو اللحوم المجمدة500%


مستوردوالدقيق والالبان والدواجن المجمدة والسمن300-400%

فلماذا لم تتم مراقبتهم من جهاز حماية المستهلك ؟

ولماذا لم تفرض عليهم ضرائب بمقدار هذه النسب الخرافية فى الارباح


======


كتب احمد....نبروة الدقهلية


حدثنى ابى انه فى السبعينيات طاردت الحكومة عالمآ فذا الدكتور فاروق البازليدفع مبلغ 12جنيهآ قيمة مصاريف رسالة الدكتوراة,اذا بى اليوم اقرا فى بعض الصحف ان العالم الشاب عصام محيى رئيس مركز اكتشاف الكواكب فى المجموعات الشمسية فى وكالة ناسا الامريكية والجالس فى مركز نيل ارمرسترونج


لم يحضر للمراقبة فى الامتحانات ليضبط كام برشامة ويحرركام محضرللطلبة الغاششين!!

فطيرت اليه الجامعة الى مقر عمله بالعنوان اعلاه محضرآ لا يعرف يمناه من يسراه انه مطرود من رحمة الله.

فصحت انا وقلت الله الله هذه هى العدالة الاجتماعية ياولداه ولازم يحضر عالم مصر الالمعى ويقف فى طوابير العيش والروتين والتخلف...

وووواأسفاه!!!!

===========


كتب وحيد...القاهرة


قامت بعض النقابات والهيئات بالاعتصام والاضراب على الظلم كنقابات الاطباء والمهندسين واعضاء هيئات التدريس وعمال الغزل بالمحلة و استجابت لهم الحكومة....


ماعدا فئة واحدة افنت عمرها فى خدمة الحكومة انهم اصحاب المعاشات فلا تجد احدا يتكلم باسمهم ويعبر عن مدى معاناتهم وهم فى اواخر العمر


فما آن الاوان لقيام نقابة خاصة باصحاب المعاشات تحمى حقوقهم وتتكلم باسمهم كباقى النقابات؟ولا اقول هذا من فراغ فلقد قام وزير المالية بطرس غالى بمنحهم 20%علاوة (وبحد اقصى 100 جنية)وللعاملين 30% وبدون حد اقصى.......


فلما هذا الاختلاف؟؟


........................


كتب محمد00000طنطا


احدى الصيدليات بمدينتا طنطا تعلن عن فرصة عظيمة للحصول على الدواء مع تسديد الثمن بعد 50 يومآ


من الشراء


000السؤال وهل السداد ملزم للمريض حتى لو لم يتحقق الشفاء

............................................


كتب ظريف.القاهرة
كشف حديث جزار الحمير للصحافة انه يذبح ويسلخ الحمير والحيوانات النافقة ولا يسلخ الكلاب....



منتهى المصداقية والرأفة بنا وقال ان الناس صحتها بمب وان المعدة المصرى تهضم الزلط وربما كان السؤال الذى يشغل الكثيرين ماذا بعد ان تنفدالحيوانات الضالة والنافقة والحمير الناهقة هل ستكون التجارة القادمة هى لحوم البشر ؟؟



رحمتك يارب.........

.........................................


كتب محمد إمبابى


المحافظون الذين تركوا الخدمة وبذلوا جهودآواصبحت لديهم خبرة لا يمكن انكارها ...واذا لم يثبت المحافظون الجدد ان القيادة التى دفعت بهم لتضخ دمآ جديدة لتحدث تغير آ ا لى الافضل وتكون لهم بصمات واضحة وانجازات سريعة وملحوظة فى تنمية اقاليمهم وخدمة المواطنين فى محافظاتهم .. اذا لم يحدث هذا سريعآ .فسوف تظل المحليات كعادتها غارقة فى همومها ...



وكأنك ياأبو زيد ما غزيت


هناك 6 تعليقات:

HANY YASSIN يقول...

السلام عليكم
شئ يدعو للعجب و ليتنى عندى القدرة ان لا اصدقه لكن للاسفيحدث هذا و اكثر فى مصر فالعصابات الكبيرة تفعل ما يحلو لها
لا رقيب و لا يوجد من يحاسب
شئ مقزز

حكاية العالم عصام محيي تؤكد ان هناك من يكرهون اى شخص ناجح و بالتأكيد هذا لانهم اسياد الفشل فى الدنيا والدين

ما يحدث لاصحاب المعاشات يدل على جبن حكومة غبية لا تنظر اى نظرة عادلة و حيادية تخاف فقط ممن يرهبوها

موضوع جميل لكنه يدعو للآسي والحزن
لك منى خالص الحية والاحترام
دمتم بكل ود
هانى يس

Unknown يقول...

السلام عليكم ورحمة الله وبركاته
أ.هانى ياسين
ما كتب هو قل واحد على ملايين من الحقيقة...هناك اعاجيب تحدث فى بلادنا لاتصدق انها حتى تحدث فى الروايات الخيالية
ما يحدث مع علمائنا والجمود الاداري فى التعامل معهم لو خير مثال على تغليب مبدأ ان اهل الثقة افضل من اهل الخبرة.
ما يحدث مع ارباب المعاشات وهم من هم.
مثلما قلت الموضوع موجع ومؤلم ومحزن ولكن للاسف هذا يحدث فى بلادنا
ووووووو
الفقراء يزدادون فقرآ وقهرآ و(غلبآ)
والاغنياء يزدادون غنآوتجبرآ
ولك تحياتى .

ghoneem يقول...

اهلاً بيكي

طبيبتنا الفاضلة
لكي مني كل التحية

ربنا يعجل بالنصر ويرزقنا أسبابه انه ولي ذلك والقادر عليه

صباح ومساء الأنوار علي حضرتك وكل أصدقاء المدونة اللي يشرفني أني منهم

أما هموم الناس العاديين ...

الحكومة بتدينا فرصة نستورد أحنا كمان أي حاجة ونبقي حرامية بردو بس أحنا اللي بنرفس النعمة وقال ايه " اللهم ارزقنا حلالاً طيباً "

أما طرد العلماء ومطاردتهم فده علشان أحنا خايفين نبقي كويسين

أصحاب المعاشات خلاص حسن الختام يشتكو لربنا اللي أحسن من الكل همة لسة هيشتكو للبشر هناك هياخدو حقهم تالت ومتلت

أما السداد هوة حد لاقي ياكل عشان يدفع اللي عليه

انا مش بحب أتكلم في موضوع اللحمة ده عشان أنا لسة برجع كل اللحمة اللي أكلتها لحد دلوقتي

يافندم هوة غير المحافظين ولم يغير الوزراء ليه ؟؟؟؟؟؟
هوة المحافظين بيعملو ايه ؟؟؟؟؟؟
بياخدو الفلوس والميزانيات اللي يصرفهالهم الوزراء يحطوها في البنوك سنة ولا أكتر
ياخدو الفوايد في جيبهم وأصل المبلغ يتصرف علي المشروع اللي المفروض كان يتعمل من سنة فاتت
وظيفة جميلة وتكريم للواءات طلعو علي المعاش والمسمي " محافظ "
أبو زيد في ظل هذه السياسات وتلك العقول عمره ما هيعرف يعمل غزوة واحدة

تحياتي وتقديري لتشريفك وردك الرائع علي كلماتي البسيطة

بالتوفيق...........

Unknown يقول...

السلام عليكم ورحمة الله وبركاته
ghoneem**
دكتورغنيم:
مالك النهاردة؟ليه زعلان اوى كده؟
معلش ان مع العسر يسرآ ان شاء الله.
الاستيراد بقى لعبة اللى معاه فلوس لو معاك :هات لنا شوية نفتح بيهم سجل تجارى ونعمل بطاقة ضريبية ونعمل اشتراك فى شعبة المصدرين والمستوردين.
وكام ورقة ادارية كده (شوية اختام اتحدى حد يقهم مكتوب فيها ايه؟)
بعد كده نشوف لنا حاجة نستوردها ونعمل لنا كام اعلان فى القنوات الفضائية وبس تلاقى الفلوس نازلة عليك مطررررررررررررررررررررررررر
اظن سهلة الشغلانة؟
منورنى والشرف لنا والله يادكتور وربنا يهيىء ما فيه الخير .
وتقبل تحياتى

غير معرف يقول...

السلام عليكم
اللي
يتجاره في قوت الناس بالبشاعه دي يستحق الشنق ...أماعلمائنا أصحاب العقول المستنيره دماغهمة أكبر من انهم يعلقوا علي رأي المثل إبن جحا سأله يابا علمني الهايفه قال له تعالي في الفارغه وتصدر ... أما اصحاب المعاشات اللي زي حلاتي لينا رب خصوصا اني معاش مبكر كنت بقبض 1500جنيه في 2004غير المكافأت زملائي الان ربنا يبارك ليهم وصلو لحولي آلفين وشوية فكهأنا يدوب معاشي 500 جنيه الحمد لله علي كل حال محدش بياخدأكثر من نصيبه وربنا يجعله عامر
آلف سلامه عليكي ياأم الدنيا

Unknown يقول...

السلام عليكم ورحمة الله وبركاته
أ.وفاءبركات
دهول ياريت يكتفوا بالفلوس وبس الا الافساد فى الارض(المبيدات المسرطنة )والافساد فى صحة الناس(الاغذية العالجة وراثيآ بعد ثبوت ضررها كذلك اطعام الناس لحوم الحيوانات النافقة)
حسبنا الله ونعم الوكيل
دول بالذمة مش مفروض يقام عليهم حد الافساد فى الارض:يقتلوا او يصلبوا او تقطع ايديهم وارجلهم من خلاف اوينفوا من الارض....لكن تقولى لمين
وإذاكان عن المعاشات فحدث ولا حرج ومرضاى معظمهم منهم ويقصون علىّكل يوم ما يعانونه من...
اقولك ياأستاذة مش حأزود عليكم الهم
ربنا يرفع عننا الظلم جميعآ.