السبت، يونيو 21، 2008

عّرفوا انفسهم بكلماتهم


السلام عليكم ورحمة الله وبركاته
**عذرآفسوف اتكلم عامية هذه المره(لن ينفع فيها غير هذا)
امبارح سرحت اى تمشيت اى اتفسحت او اى كلمة اخرى لا ادريها انا وتعرفها انت قولها لىّ ينوبك ثواب فىّ وفى الناس اللى حتقرا الكلام ده(لو قدر له النشر)
و
المهم عملت ايه امبارح؟عملت ياسيدى وما ستك الا انا-واعوذ بالله من قول انا- فسحةاو رحلة فى المدونات اللى حوالينا واللى حول اللى حوالينا واللى حول حول حول اللى حوالينا(كفاية كده؟)
وجبت جملة من التعريفات للمدونين عن انفسهم
(وبعدين هم وضعنها على الباب بتاع مدوناتهم من بره لحسن حد فيهم يتهمنا باننا (سرقنا
او(لطشنا) او (اقتبسنا ) او( نقلنا )منه حاجة( بغيرإذنه) وساعتها يبقى(ذنبنا على جنبنا)او(نهارنا مش فايت
او يجبولنا الراجل ابو بندقية يعمل فينا اللى هم عايزينه:اللى هو ايه مش عارفه؟؟
وبصوا بقى انا مش حأعمل اكتر من كوبى وباست للتعريف ومالى ذنب باللى كاتبه صاحب االتعريف
حتى ولو فيه غلطة إملائية ما حصلحها.
ايوه كمان انا حاولت ما احط تعريف احد من اصدقائى او المعلقين عندى على قدر الامكان حتى لا يزعل حد فيهم ويقول اشمعنى حطيتى فلان قبلى وفلان بعدى
وايوه ياربى افتكرت :ساعات ممكن لسانى ياكلنى واعلق على الكلام المكتوب ...معلش استحملونى ....!!.
وتعالوا ياله بينا نبتدى(لو سمحت فى الطابورانت وهو وبلاش زحمة كلنا حنشوف وكلنا حنقرأ)
***********************************************************
أنا كنت شىء, وصبحت شىء ثم شىء, شوف ربنا قادر على كل شىء, هز الشجر شواشيه ووشوشنى ،لابد مايموت شىء علشان يحيا شىء.صلاح جاهين
سبحان من له الدوام وحده
**************************************************

ساعات باحس اني باطير
او فنان كبير
.. ولكن في الأخير
التقيني رغاي .. كتير

مثل كثير منا.
*****************************************************
خجولة+مش خجولة بحب الهزار زى عنيا+بحب النكد زى عنيا هادية+شعنونة =غير متناقضة
لأ العفو متناقضة مين ال......اللى يقول كده؟
*****************************************
أنا امرأة من فضاء بعيد.. ونجم بعيد.. فلا بالوعود ألين.. ولا بالوعيد.. بدوية أنا.. أختزن فى ذاكرتى عصوراً من القهر.. ويختبئ تحت جلدى ملايين الشموس.. أنا النخلة العربية الأصول.. والمرأة الرافضة لأنصاف الحلول....فبارك ثورتى
الف مبروك ياحبيبتى خلى بالك من روحك .
***************************************************************
شعاع بعيد بغير انتهاء .. وصمت عميق المدى لا يبوح .. وحزن كآثار جرح عميق .. وسمت تجلله الكبرياء
احب انا الشياكة فى الكلام وده كلام شيك ماله رصيد
*******************************************************************
بين شطين ومية عشقتهم عنيا ياغالين عليا يا اهل اسكندرية (احسن بلد في العالم بالنسبة ليا هي اسكندرية جوها بحرها غروبها فظيع موت اما بخرج منها بتخنق ولما برجعلها باخد نفسي هي بيتي الكبير بحب البحر لانة زي بحب الهدؤ واعتبر نفسي رومانسية داخلية يعني جوايا مش بعبر عنها لاحد وبحب ابوتريكة موت ويارب يكسب طول عمرة
ابصم لك بالعشرة مافى مثل اسكندرية فى الجمال ابدآ ابدآ ابدآ
********************************************************************
بنت مسلمه قبل ما تكون عربيه قبل ما تكون مصريه قبل ما تكون زقازيقيه هدفها الجنه
و(الفردوس إن شاء الله) وسيلتها نصرة الإسلام و تحرير الأقصى كفايه كده عنى تعرفونى
من الكتابات بتاعتى

اللهم امين نحن وانت و هم جميعآان شاء الله
******************************************************************
بتمنى ادخل الجنه،ادعولى.
(اللهم امين نحن وانت وصالح المؤمنين)
***************************************************
كل موقف اتعرض ليه بحس انى جوايا كلام كتير عايز اكتبة فبكتب باسلوبى وربنا يستر
علينا وعليكى وعلى الناس كلها يارب
***************************************************************
Proud to be Muslim... Proud to be BSC Computer Science Helwan University....... (FCI-HU 2003:2007
Me Tooooooooooooooooooooooooooooooooooooooo.
*****************************************************************
لا شىء يجف أسرع من الدموع
لأاعتقد الكحول اسرع
********************************************************
ياعم انا واحد مصرى بلدياتك بحب الاهلى وبشجع مصر وبكره حاجه اسمها الحكومه وبحب الى بيشرب حشيش عشان بيبقى مهيس ومش بيهمه ولا حكومه ولا غير
معاك فى نص الكلام بس لكن نصه التانى ماليش دعوة به,عايزه اربى الفراخ اللى عندى..
*********************************************************
Faculty of Art Education Helwan University Graduates year 1995
طالب عقد عمل ده؟
*********************************************************
أنا شاب لكن عمري ولا ألف عام...وحيد ولكن بي ضلوعي زحام...خايف ولكن خوفي مني أنا ...أخرس ولكن قلبي مليان كلام
ومين سمعك , بس انا عندى سنة10000 بقى ايه رأيك؟ .
****************************************************
بنوتة شقية واسمها مها ،،، الدنيا الواسعة بيتها والشعب هما أهلها ،،، مهما تعاني .. مهما تقاسي ،،، فيه ابتسامة عنيدة ف وشها ،،، مصر بلدها وأرضها ،،، مصر بقى المفروض أمها ،،، لكن ما ارتحتش ف حضنها ،،، هي مخنوقة منها ولا بتحبها ؟!! والله محتارة من أمرها ،،، إذا فكرت مرة تنكد عليها أو حتى تيجي جنبها ،،، تديك في وشك .. تديك برجلها ،،، وكلمة واحدة هتطلع منها : "أحسن تستاهل" ، ومن قلبها
على البركة بدال هى راضية احنا مالنا
*************************************************************
رجل يتمنى رضا الله مع كثرة ذنوبة و تكرار معصيتة
.اللهم اغفر لنا ولاخواننا الذين سبقونا بالايمان
***********************************
...ولا أتوقع أن يثير هذا الأسم فضولكم، او يجعلكم ترتجفون هيبة وتوقيراً، أو تفركون أكفكم في شغف...أنا مجرد شخص ما، له كل مزايا وعيوب الآخرين، لكني مضطر لتقديم نفسي إن كان لي أن أحكي خواطري وذكرياتي... ذكرياتي التي تركتها سهواً في بيتنا القديم الذي اعود اليه ثانية بلهفة الطفل التائه الذي وجد أمه وسط الزحام
(شيلت الاسم فعذرآ)
***********************************************************
مصري مسلم أحب ديني وأحب إخواني وأتمنى أن نصل إلى الحياة الطيبة في الدنيا والآخرة
اللهم امين.
******************************************************
أنا شاب مصري .. أحب بلدي من كل قلبي شرفني الله تعالى بأن جعلني من طلاب العلم الشرعي فهو مجال تخصصي ودراستي وحبي
اكثر الله من امثاله..
******************************************************
حياتى عدة مشاريع مؤجلة 000 والآن أنا بانتظار المشروع الأجدى
ربنا يوفقك .
*******************************************************
Simple person hold the love for everybody
هو حضرتك الامم المتحدة ياخويا ولا ايه؟
******************************************************

انا مصري مسلم وبحاول اعمل اللي اقدر عليه في تصحيح أشياء شاعت في حياتنا علي انها الحق فساعدوني
قلبى معاك ومع كل من يتصدى لاصلاح شىء فى بلدنا:حيشرب المر كده
**********************************************************
Maybe ... I'm not a King , I'm not a Queen , and I'm not a Princess... But I think I'm a HERO And I believe everyone is a HERO in the life...
ده واحد يابانى بيتكلم والحمد لله انه كتب بالانجليزى لاجل ما نفهم ولأ شوف الثقة HERO
امال هم اتقدموا ازاى؟بالثقة دى اكيد.

*****************************************************

اقولكم كفاية كده النهاردة
ولنا عودةان شاء الله
ده لو الجماعة اللى كتبت عنهم ما جم بطحونى
او طخونى كام ازازة فاضية فى الباب اللى ورايا
ايوة كمان
اعتقد ان غيرى حياخد الفكرة ويكررها
بأحذره واحذره
واحذره
واحذره
واحذره
يعمل كده
حيبقى نهاره مش فايت
وذنبه على جنبه
وحجيب 1000000 واحد بالشوم يكسروا الشبابيك
بتاعة الجيران اللى بعد بعد بعد بعد بعد بعد بعد بعد بعد
بعده لاجل ما يعرفوش مين اللى عمل العمله السودا دى

سلاااااااااااااااااااااااااااااااااااااااااااااااااام
اااااااااااااااااااااااااااااااااااااااااااااااااااالحين
************************************
بسسسسسسسسسسسسسسسسسسسسسسسسسسسسسس
انتى يا بسسسسسسسسسسسسسسسسسسسسسسسسسسسسس
ايه علاقة الوردة البيضا الجميلة دى بالموضوع الجميل برضه ده؟
زى كل مره ما فى علاقة بتاتآ بس انا احب واموت موت كده فى الورد الابيض
وايش لون كمان لما يكون على ارضية حمرا كيف اقدر اقاوم واقاوم واقاوم واقاوم
كل هذا الجمااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااال!!!!

هناك 11 تعليقًا:

سارة درويش يقول...

هييييييييييييييييييه اول تعليق لووووولووووووولوووووووولى
على فكرة دى اول زيارة ليا لمدونتك يا نورهاتى بس بجد مش هتكون اخر زيارة باذن الله

عجبنى اووووووى البوست بجد جاااااااااامد وزى ما كنت حاسة انتى بنوتة دمااااااااااغ

فى توضيح بس علشان ماحدش يضربنى بالنار

شعاع بعيد بغير انتهاء .. وصمت عميق المدى لا يبوح .. وحزن كآثار جرح عميق .. وسمت تجلله الكبرياء

دا مش كلامى دا كلام عمونا فاروق

بس بصراحة نسيت فاروق مين جويدة ولا شوشة .. يلا مش فارقة ههههههههه

Unknown يقول...

السلام عليكم ورحمة الله وبركاته
سمو الاميرة سارووورة
عندنا يامرحبا
يامرحبا يامرحبا
لولولووووووووووى
نورتينا وشرفتينا
وفرحتينا واسعدتينا
وكل حاجة حلوة سويتنا
المهم وعد الحر دين عليه
وانت وعدتى بتكرار الزيارة
وسننتظر وننتظر وننتظر وننتظر
حتى يمل الانتظارمناولكن نمل نحن الانتظار
ونحن على موعد ان شاء الله.
وتقبلى تحياتى واحتراماتى ودعواتى .

المـــفـــــــقــــــــوعـــــة مــرارتـهــا يقول...

انا كنت فاكرة نفسي بس اللي بقرأ اللي المدونين بيكتبوه عن نفسهم في البروفايل
بس ده انتي بتسجليه كمان
انا لاحظت ان فيه ناس كتيرة واخدة من صلاح جاهين تلات ابيات كدة منتشرة اوي
تصدقي انا مش حاطة حاجة في التعريف عن نفسي
لو عرفت نفسي
هااقول واحدة مجنونة عندها لاطشة في نافوخها
ساعات بتحب تضحك وساعات بتحب النكد ذي عينيها

كفاية كدة عشان مااكشفش كل أوراقي

Unknown يقول...

السلام عليكم ورحمة الله وبركاته
المفقوعة مراراتها
(الف بعد الشر عنها)
مش فى المثل الحربى
بيقولولك اعرف عدوك
انا اقول اعرف مُدونك
كلمة فى سرك اول ما دخلت
الدنيا الواسعة البرحه دى
بتاعة التدوين ادبست فى كام
تعليق كده عند ناس (نص كم اووووى)
المهم قررت بعدها انى ما ارد او اكتب عند حد الا لما اعرف هو كاتب عن نفسه ايه ولو من باب العلم بالشىء حتى وزيادة فى المعلومات كمان.
المهم انتى نسيتنى ارحب بيكى واعمل الواجب لانها خطوة عزيزة جدآآآآآآآآ
لولولووووووولولولولووووووووووووولى
زغروطة ترحيب بكى من عينة زغاريط زينات صدقى فى افلام اسماعيل ياسين
وكتاكيتو كتاكيتو بنى
تحياتى ليكى يافيفى العزيزة اللذيذة.

عدنان أحمد يقول...

السلام عليكم
الموضوع جميل كما عودتينا
لكن ربنا يستر عليكي من اصحاب المدونات دي

تحياتي
عدنان

الفارس الملثم يقول...

ممممممممممم

ايه الفكره الجامده دي , بجد فكره جديده اوي ورائعه بس متخفيش مش اخدها منك ولا حاجة احنا صحاب وجيران والمدونه بتاعتي قصاد المدونه بتاعتك

خلي بالك بس لحد يبلغ المدونين دول ويجوا بالشوم يدغدغولك مدونتك , وانا طبعا وقتها اقول يا فكيك , احنا جيران اه بس موصلتش للشوم ههههههههههه

سلام يا دكتوره

Unknown يقول...

السلام عليكم ورحمة الله وبركاته
اسير حبيبته
حرر الله اسرآنا جميعآ
تشكرات افندم
"قل لن يصيبنا الا ما كتب الله لنا"
اللى معاه ربنا ما يهمه شىء
وبعدين هم واضعين التعريفات على الباب من بره,يعنى انا لم (اقتحم)مدونة احد ,اليس كذلك؟
اححتراماتى ودعواتى.

Unknown يقول...

السلام عليكم ورحمة الله وبركاته
محمد الفارس الملثم
الله يخليك يامحمد ......!!!بقى ده العشم يامحمد!!!حتقول يافكيك اول ماتلاقى الشوم !!!وانا اللى بقول حتكون معاى فى مثل هذه الحالات الصعبة ,طيب على الاقل اطلب البوليس,هات شوية قطن وشاش
او شوية ميه حتى اشربهم
...........يافكيك يامحمد......!!!!
ما كان العشم كده!!
سلاماتى واحتراماتى.

Maha Shahen يقول...

فكره جميله جدا
بس كنت احب اعرف لينك لبعض المدونات
اكيد في كثير منهم تستحق القراءه
بس مين يضمن لو نشرتى فكره محدش يسرقها او يعدل فيها وساعتها هتبقى بتاعته للأسف
الافكار شيء جميل لو تمدنا بفكره جديده نعملها, مش ناخد نفس الفكره ونقدمها
في تقدم مستمر
تقبلى تحياتى

Unknown يقول...

السلام عليكم ورحمة الله وبركاته
nour shahen
اهلا وسهلا
زيارة اولى
مشكورة ومردودة
ان شاء الله
ولىّ اكمال وتكملة
للرد بعد العودة
من العمل ان شاء
الله لىّ العودة
ولكِ احتراماتى

Unknown يقول...

السلام عليكم ورحمة الله وبركاته
nour shahen
شكرآ ان الفكرة اعجبتك
وإذا كان على اللينكات فموجودة فى كل مكان(اعملى جولة وسوف تجدنى كثير من المدونات تستحق الزيارة والتعليق.
وإذا كان على اخذ الفكرة(اى لطشها )ربنا يستر بقى !!طب اعمل ايه؟ اعين لها بودى جارد مخصوص يعنى؟
تحياتى واحتراماتى.