الجمعة، يونيو 20، 2008

حادثة حدثت

**طالعتنا جريدة الاهرام


** فى يوم 6 -6 -2008


**بأن قوات المباحث والامن العام تكثف جهودها لكشف غموض جريمة تعرض لها العاملون بشركة


الاسماعيلية للدواجن حيث فوجئوا بمجموعة من الرجال,اكثر من 40 باب..............



**باب؟



**قصدى ضلفة ........

**ضلفة؟

**قصدى راجل عريض المنكعين اشلولخ.....

**مالهم ال40 اشلولخ ده؟

**كانوالابسين.......

ياسلام بقى هم كانوا لابسين؟

وبعدين!! خلينا نحكى ولا بلاش؟

لأ احكى ,ها وبعدين؟

زى ما قلت لك كانوا لابسين كأنهم البدو وملثمين ومتسلحين كمان بالشوم والعصى والبنادق الالية وكانوا

راكبين7عربيات اشى جيب واشى نص نقل وراحوا جايين على المقر الرئيسى للشركة بالاسماعيلية (مش

فى حتة مقطوعة ولا الصحرا ولا حاجة ,لأ الاسماعيلية العمرانة المأهولة بالسكان وهاتك ياضرب فى

مخاليق الله وابعد ياجدع انت هو من هنا واللى حيقرب حأطخه رصاصة فى المليان

المهم ياحبة قلبى العمال لا ليهم فى الطور ولا الطحين وما نابهم الا التعاوير والاصابات والتكاسير لعظامهم

(12 عامل اصيبوا باصابات مختلفة بين طلقات ناريه وجروح قطعية )

**والا نفد خد لكش على الماشى

**لكش؟

**لكش هذا يعنى خبطه اوالاصدق بس انا مكسوفة اقول كف ينزل على اللى يطوله من التانى وشه قفاه اى حته والسلام.

**وبعدين حصل ايه؟


**بس ومن ضمن البجاحة كمان كانوا جابين معاهم لوادر سحبوا العربيات بتاعة الشركة والاتوبيسات


وخدوها معاهم وهم ماشين وايه سابوها فى الصحرا(ناس مؤذية لا خدوها!!! ولا سابوها لاصحابها)

**وبعدين ؟

**طبعآ بسرعة قوات الامن وصلت للمكان


**بعد اللى ضرب ما ضرب واللى انضرب انضرب ايه الفايدة, والحرامية اكيد هربوا


***هششششششش انت عايزه تودينا فى داهية


**هاه وبعدين؟

طبعآ المصابين نقلوهم لمستشف فايد العام والمستشفى الجامعى بتاعة جامعة قناة السويس( للى عايز

يزورهم ياعنى)


احنا فى ايه ولا ايه؟حصل ايه ؟عرفوا حاجة عن اللى عمل العملة السوده دى؟ ولا لسه؟

المباحث بتجرى تحرياتها والنيابة بتعمل تحقيقاتها.

واللى ظهر لحد دلوقتى بيقولك ايه؟

**ان مفروض فيه مستثمر جديد وخللى بالك من كلمة مستثمر دى


**ماله المستثمر ياستى؟


**ده ياسيدتى دفع 426مليون جنيه للشركة وكمان تعهد بدفع حبة فكة كده اد 85مليون جنيه ضرايب


**ليه ياستى؟



**للحصول على كامل ارض الشركة

**اللى هى اد ايه؟

**امسكى اعصابك كويس=3800فدان

**وبعدين ؟

**والعاملين فى الشركة دى حوالى 1587عامل وموظف حيطلعوا معاش مبكر طبعآ!!!المستثمرهو اللى



برضه حيدفع لهم اظن!!

**وحصل ايه بعد كده ؟

طبعآ عمك المستثمر زعلان وغضبان وحلف براس جده الكبير صلطح فلطح باشا انهم ما كانوش (مين

هم...لو حدق تفهم انت!!!! )انهم لو ما كنوش يشوفوا صرفة فى الاجرام ده حيفسخ العقد والبيعة تقف


والمستخبى يبان ساعتها والعمولات والهديا تنكشف

**ياخبر !!

طبعآ رأس المال جبان وماتسألينيش يعنى ايه انا سمعتها كده.

احكى وبعدين؟

مصدر فى الشركه (شرولوك هولمز ياعنى)قالك ان الشركةمن سنة 1981 عمر ما حاجة زى دى حصلت

لها.اشمعنى بقىلما المستثمر جه؟ افهم انت بقى؟

المهم للحين ما ظهر اى حاجه توضح او تبين ولو علامة عن الجانى او الجناة

ومازال البحث مستمرآ عن الجناة

وشكلها حيلبسها كتكوت ابن ام فرخة


وبكرة افكركم وتقولولى.

**************************************************************
انا جبت التاريخ بتاع الجرنال لاجل ما يجى (صديق ) ويسأل


امتى اتنشر الكلام ده ؟ انا بقرأ الجرنال كويس مافى حاجة من دى!!!


اهوه التاريخ بتاع الجرنال مكتوب اهوه واللى عايز يتأكد يروح يتفضل


يشوف الجرنااااااااااااااااااااااااااااااااااااااااااااااااااااااااااااااااااااااااااال ويدور

هناك 22 تعليقًا:

Dr.m يقول...

السلام عليكم
يسعدني أن يكون تعليقي هو الأول المهم

الكلام اللي قولتيه ده أشه بشغل المافيا ولاعجب..طالما إن في حيتان في البلد وحيتان تانيه بتحمي الحيتان الأوليه وحيتان مضايقه من حيتان وبقينا أشبه بصراع بقاء فطبيعي جدا إن ده يحصل..والبقيه تأتي..

تقبلي تحياتي
سلام

Unknown يقول...

السلم عليكم ورحمة الله وبركاته
Dr.m
بلدنا صار فيها حاجات (ومحتاجات مثل ما بيقولوا) عجيبة .
عارف احيان اجلس الاحظ الناس السائرة بشارعنا ,عارف وكأنى اجلس (فى برج بابل كما يحكون عنها فى الاساطير القديمة:من كل صنف ولون,ومن كل الجنسيات بأخر شارعنا يوجد3 او 4 فنادق بين نجمتين اقول نعم نجمتين واربع نجوم)مع العلم انه شارع سكنى عادى لكن العشوائية فى كل شىء زرعت ال4فنادق تلك بين السكان العاديين..موبقات كثيرة نراها دائمآوابدآ) وإذا تكلمت فأنت عدو للسياحة وللبلد كلها ,,,,,,
واقول لك
ربنا يستر علينا جميعآ
وزيارة مشكورة وخطوة عزيزة
وتقبل تحياتى

funckydoctor يقول...

هههههههه
هم يضحك وهم يبكى
حاجة تخنق فعلا اللى فوق فوق وهيفضل يدوس على اللى تحت
اه يا بلد حاميها حراميها
الشرطة معاليكى أكيد ليها يد فى الموضوع مش مستيعد ان الأربعين باب وشباك دول يكونوا عساكر
ارحمنا يارب
وسلامات

مدحت محمد يقول...

يانهار اسوس

ربنا يستر ميبعوناش وياخدو علينا هدايا

قصدى رشاوى

اه بجد مش لاقى تعليق على اللى بيحصل ده
مهزلة

Unknown يقول...

السلام عليكم ورحمة الله وبركاته
funckydocror
اهلا ياطبيب.
انا متهيالى الحين كله الهم (بيضحك)بس,
مش من الحلاوة ,اسمعنى بس, لكن من عقلنا اللى طار خلاص من كثرة الهموم والمشاكل.
ومعلش بقى بقولك ايه:
الشرطة احسن ناس واحسن واحسن و احسن ناس!!!!
انا بقول اهوه(تروح انت بالسلامة) وانا يجوا يلاقونى هنا ياخدونى(حتنفعنى انت ساعاتها!!!)
احتراماتى .

Unknown يقول...

السلام عليكم ورحمة الله وبركاته
أ.مدحت محمد
تفتكر ما حاولوش........اكيد حاولو
بس البيعة ماتمتش
اصلنا بضاعة راكدة
وموديلها قديم
(بتوع الشرف والمثاليات)
امال هم متغاظين مننا ليه؟
احتراماتى وامتنانى للمرور.

Ahmed Kamal يقول...

أظن من تحليلي للموقف كده إن كتكوت ابن ام فرخه فعلا هو اللي عملها زي ما تفضلتي ، لكن التحقيقات لازم تاخد مجراها ، و الناس تتكلم ، و يتعمل كام حوار في التوك شوز (يعني لا مؤاخذة جزم) يبين إن الموضوع لغز كبير (طب ما احنا عارفين) ، و في النهاية يصدر حكم المحكمة ، و نكتشف إن الجماعة دول ولاد عم المختل عقليا بتاع بني مزار ، و انهم بينتقموا من الحكومة بالطريقة دي ، لكن حايصدر قرار رحيم يقول لهم عيب ماتعملوش كده تاني و النبي .

مش عارف ليه مابقاش في أخبار جديدة؟

...

المهم أنا كنت جاي لك في موضوع تاني ، حضرتك مطلوبة في حكاية بسيطة خالص في رحايا العمر ، بس مش عايز أقول تفاصيل و اعمل شوشرة هنا ، فيستحسن تتفضلي معايا بالراحة كده علشان ماحدش يزعل .. بعد إذنكم يا جماعة كل واحد يشوف حاله ، مش عايزين لمه من فضلكم ..

Unknown يقول...

السلام عليكم ورحمة الله وبركاته
أ.احمد كمال
هو حضرتك كنت مباحث قبل كده ولا ايه؟
عارف كل حاجة اسم الله عليك.
وعلم يافندم وتم التنفيذ
(استنى علىّّ ......!!!!!)
متشكريين ياأستاذ احمد
على مرورك وتعليقك
وعلى التدبيسة كمان.

mostafa rayan يقول...

ربنا يستر علينا

الباحث عن الحقيقة يقول...

هو ده الكلام
هو ده الشغل
هي دي مصر يا عبلة
هو ده حال البلد

كنت قريت عن المستشار السابلق اللى اتأجر بلطجية علشان يعتدي على قطعة ارض مش فاكر التفاصيل
بس واخده بالك من كلمة المستشار

ادي رجال القانون

يبقى من حقهم رجال الاعمال يعملوا اكتر من كده

بيعوها البلد ..هو فيه حد بيهموا حاجه في البلد دي
الناس بتنداس بالجزمة ..وكله عادي وكله بيسكت بعد كده

maYHam يقول...

دا حقه الأصيل

لأن اللي يلاقي دلع ما يدلعش يبقى إيه؟
البلد اتحولت لخربة أو لغابة بس بشرية بقوانين غبية والسلطة في إيد الحرامية والقانون في أجازة

تقبي تحياتي وإحتراماتي وصباحات خيراتك

الفارس الملثم يقول...

بداية صباح الخير يا دكتوره

انتي عارفه في الافلام القديمة دايما البوليس يجي في الاخر , يعني حضرة البوليس المحترم كان فين , يعني مفيش حد كان معاه موبيل يتصل بالبوليس يقولهم بهذا الهجوم الكاسح ولا بس تلاقي الامن المركزي قفل شوارع لمجرد ان في ناس بتشاور عقلها تعمل مظاهره ؟؟؟؟؟؟؟

عموما الواحد مش ايستغرب لو صحي الصبح لقوا الحكومة بايعه الهرم وابو الهول لمستثمر اجنبي ؟؟؟؟

سلام يا دكتوره وربنا يستر علي البلد

شمس يقول...

السلام عليكم

الموضوع واضح والمجرم واضح ومش عايز بخث يعنى

مستثمر ودفع وعايز ومحتاج والعمال خافين

يبقى مين

وبعدين ضرب فة وسط البلد والشرطة ولا حس ولا خبر ولا علم باللى حصل دى خيبة

تحياتى

Mafrousa يقول...

البلطجه موجوده من زمان
بي الايام ديه واخد شكل مختلف
ربك يستر ......محدش عارف حنوصل لغاية فين
كله ماشى بالدراع و البلطجه
تحياتي

Unknown يقول...

السلام عليكم ورحمة الله وبركاته
mostafa rayan
اللهم امين يارب العالمين
ومتشكرين للمرور والتعليق
ياأستاذ مصطفى
ونرجو المداومة
على الزيارة.

Unknown يقول...

السلام عليكم ورحمة الله وبركاته
الباحث عن الحقيقة
(صعب تلتقيها فيما اعتقد)
المهم كل كلامك صح ,بس برضه فيه مثل بيبرروا به افعالهم
افعل فى روما كما يفعل الرومان
وكل واحد يعمل الغلط يقولك هو انا اللى حاصلح البلد
انا عايز حقى والسلام!!
(هذه وجهة نظر ناس كتير وللاسف عنده حق الى درجة ما
وحمدلله على السلامة مرة تانية
ودايمآمنورنا كده بالحضور والتعليق

Unknown يقول...

السلام عليكم ورحمة الله وبركاته
يا من كنت محتاجآ
واغناك الله من فضله
فيلسوف بحق والفلاسفة قليل ياحكيم مثل ما قلت لك قبل كده.
بس انا عندى رأى تانى :
ان اللى يلاقى دلع وما يتدلعش يبقى
حرااااااااااااااااااااام عليه
ومتشكريين للاحترامات والصباحات والخيرات الكثيرة منك ولك مثلها ان شاء الله.

Unknown يقول...

السلام عليكم ورحمة الله وبركاته
محمد الفارس الملثم
مساء الانوار يامحمد(1:07مساءآحسب التوقيت الصيفى المحلى لبيتنا ربنا يخليه لنا يارب)
يامحمد ايه حكايتك الايام دى ؟بقى لك شوية بتتكلم فى السياسة وتخبط فى الحلل زى ما بيقولوا!!!
خلينى اربى الكام فرخة اللى جيباهم يامحمد وحياة كتكوت ابن ام فرخة
ومتشكرييين للمرررررور والتعليق.

Unknown يقول...

السلام عليكم ورحمة الله وبركاته
شمس
ياعمُنا
مساء الانوار
لا ياسيدى الشرطة تيجى ليه؟مالها هى ومال الخناقات والمشاكل بين الناس العادين وبعض؟
عجبك كده ...جررتنى للكلام فى الممنوعات وحتمشى تروح لميدان الرياضة بتاعك وتسيبنى هنا يجوا يخدونى!!!
لومسكونى حاقول انت اللى امليت على الكلام واعترف عليك.
تحياتى وتشكراتى.

Unknown يقول...

السلام عليكم ورحمة الله وبركاته
واحدة مفروسة
البلطجة الان هى القاعدة والقانون للاستثناء(للى مش عارفين يجبوا حقهم يأيدهم للاسف الشديد)
نفسى فى واحد بلطجى أأجرة يمشى معاى فى الشارع بتاعنا شوية يعمل لى منظر كده امام بقية الخلق........نفسى بس ازاى؟واجيبه منين؟
تحياتى واحتراماتى

لاجئ الى متى يقول...

انا عايز أضيف

شيييييييييييربخ زر

كفاية كدة

ـــــ

على كل حال مدونتك جميلة جدا جدا واسلوب حلو كثير
بصراحة اكبر بتجبري القاريء انه يتكلم اللهجة المصرية ولو لبعض الوقت
طبعا انا مش مصري انا فلسطيني ولكني اتشرف ان اتعرف على مصريين احرار
بيحبو بلدهم زبلدهم رافعة راسها بيهم

Unknown يقول...

السلام عليكم ورحمة الله وبركاته
لاجىء الى متى**
(مدونة القادم اخطر)
شكرآ لكلماتك المشجعة .
وعلى قدر الامكان احاول ان اتكلم الفصحى البسيطة حتى ,ولكن الموضوع وكما ترى يتحدث عن حادثة وقعت بالفعل هنا ولا يسعنى التعبير عنها بالفصحى:قل انفعالآ قل تصويرآ ولكن لا يصير فيها التحدث بالفصحى
*(شيييييييييييربخ زر؟؟؟؟؟؟؟)ما معناها؟؟؟؟
وتقبل تحياتى.