الأربعاء، يونيو 18، 2008

فضفضة

السلام عليكم
ورحمة الله وبركاته
ومساء الخير
وعواف عليكم
فى كل مكان

ياله نشرب العصير الفرشّ ده

و نقعد نتكلم مع بعض من غيركلام

مستحضراو اى كلام موزون

حنتكلم بحرية

اقولكم ايه مثلا على الصبح كده بافتح كيس
الفلوس وببص على الجنيه الاقى مكتوب عليه ايه ؟
علشان تعرفوا حظى سابقنى حتى ياربى فى التذكارات اللى على الفلوس
ياعنى معظم الناس يكتبوا اسمائهم ,للذكرى الخالدة,اعياد ميلادهم
اسماء "الجو بتاعهم "اويرسموا قلوب ,اوحتى يحسبوا باقى حساب مثلا
لكن انا طبعآ متميزة (شكرآ)لازم الاقى حاجة مكتوبة مختلفة خالص عن كل ده
المهم ايه اللى مكتوب(وانا لا أكذب هذا ما هو مكتوب)
الدنيا مليئة بالمصائب
وانتى
اكبر مصيبة فى حياتى


ياحياتى !!!!!!
ياعم انا اعرفك ؟ ليه كده ياعم !


على الصبح على رأى

محمد سعد فى اللمبى.

**********************

تانى حاجة برضة حصلت النهاردة مريض جه وقعد

وادانى الدفتر بتاعه ابص فى الصورة ياخواتى مصطفى قمر

ابص فى النفر اللى قاعد ادامى الرجل الاخضر,طيب ازاى ؟

امتى وفين وليه؟حصل التغير بس ده؟والمهم اسأله :انت فلان؟

اهه ويهز فى راسه ويضحك اوى وفى منتهى الانبساط

المهم ما لقيت فيه فايدة طلبت منه الرقم القومى لاجل ما أتأكد

طبعآ ماطلع هوه!!امال بترد ليه؟انا رديت؟ده هو اللى بيقول !!

امال د ه دفتر مين؟ ده دفتر اخويا اصلى مش لاقى دفترى ,فيها ايه؟

يالهوووووووووووووووووووووووووووووووووووووووووووووى

ده انا اللى باقولللللللللللللللللللللللللللللللللللللللللللللللللللللللللللللللللللللللللللللللللللللل.

*************************************************

تالت لقطة ودى كانت مسك الختام وبعد الشغل ما كان حيمشى كده من كترته

المهم ست كده يمكن بتاعة 45 سنه جت وقعدت علىالكرسى ادامى

وتحكى عن انها عملت العملية الفلانية السنه الفلانية وحصل كذا وكذا

وتحكى وتحكى لما جبت لى الضغط وانا ماسكة اعصابى مش عايزة

اتنرفز على اخر اليوم ووفرى النرفزة لبكرة.(انا اللى باقول لنفسى)

فى الاخر سألتها: فين دفترك ياست؟

دفتر ايه؟انا ماليش دفتر

امال جايه ليه؟

انا ببيع حاجات حلوة وتحبى تشترى؟

اتاريها مندوبة مبيعات(دلالة سابقآ)!!

انا نقصاك ياختى!!

قومىىىىىىىىىىىىى مع السلامة
***********************************************

من بعد ما قرأت امبارح شوية حاجات
ودموعى بتنزل غصب عنى
ياريتنى ما قريته ولا شفتها
ايه الفايدة الا العكننة بس.

هناك 10 تعليقات:

عدنان أحمد يقول...

السلام عليكم
في مواقف كدة بتعدي على البني آدم
مش بيكون لها تفسير
متستغربيش
بس بجد اضحكتيني
لأن ال3 مواقف دول بيعبروا عن الشعب المصري فعلا

تحياتي
عدنان

ghoneem يقول...

اهلاً بيكي طبيبتنا الفاضلة

أيوة كدة طلعي البهاريز والمواقف السكر دي

هههههههههههههههههههه
بجد انا ضحكت جداً موضوع الفضفضة ده بجد تحفة .....ربنا يكون ف عونك
مش بقوللك أنا مش عايز الصحة خاااااااااااااااااااااااالص

متيجي يا دكتورة نديها جراحة مع بعض
لا بنشوف عيانين ولا بنتكلم معاهم
المريض بيبقي ف البنج
وبعد لما يفوق وربنا يقدر له الشفاء هيدعيلك ومش هيحكي زي الوش اللي انت فيه ده
الله يكون ف عونك بجد
بس هية مواقف ظريفة انت أكيد بتضحكي كتيييييييير

متحرمناش من الفضفضة دي ويارب موفقة دايماً وربنا يجعلك سبب ف الشفاء
حضرتك ف التأمين الصحي ولا ايه ؟؟

أنا لسة والله مش عارف أعمل ايه
لسة ربنا ما يسرش أمر الجراح اللي أشتغل معاه أنا عايز حد أولاً يكون متميز ثانياً انه يوافق
أدعيلي لأني زي ما قولت لحضرتك عايز الاختيار التاني وهفضل صابر لحد ما ربنا يكرمني بيه ان شاء الله

تحياتي لحضرتك ولمدونتك الجميلة

بالتوفيق...................

الفارس الملثم يقول...

صباح الخير يا دكتوره

ما هو قليل الحظ يلاقي العضم في الكرشه " نفس اعرف ازي يحطوا العضم في الكرشه يلا ما هو مكنش فيه قوانين لتاليف الامثال , اللي يطلع في دماغه مثل يقوله زي مطربين اليومين دول "

تلاقي العالم اللي بتحكي عنهم دول فطرانين فول علي الصبح وعامل مفعوله معاهم " مع اني مدمن فول بس بحاول اتعالج "

سلام يا دكتوره وتكوني دايما في صحه وسعاده

عاشــــــ النقاب ـقــــة"نونو" يقول...

هههههههههههههههههههههههههه
الجنيه ابو مروحة دة نكتة
الست الدلالة دي جاية وقاعدة ولت وعجن ما هي دي شغلتها يا امي
الراجل بتاع البطاقة دة فظيع بجد
المهم عملتي معاه ايه
كشف ولا انكشف
ههههههههههههه
اوعي تزعلي على حاجة ولا تعيطي على حاجة
لسبب بسيط
ان اللي يزعل مش حاجة واحدة ولا هنعيط عليه حاجة واحدة
ربنا يرحمنا
ودي وحبي

غير معرف يقول...

السلام عليكم
ازيك يادكتوره ...رزقك في رجليكي آيه ياأختي ده حرام عليكو أأأقطع نفثي أأأأأأأأأأأبعزق نفثي حد يهوي لي
والله العظيم إنتي دكتوره عسل اديني عنوان المستسفي(أصلي لدغه في الشين) بتاعتك علشان أشوف بعض من هذه النماذج البشريه التي تستحق الدراسه
ولا أقولك ابعتيها للعالم بلدينا يمكن يكون عنده تفسير

Unknown يقول...

السلام عليكم ورحمة الله وبركاته
اسير حبيبته
حرر الله اسرآنا جميعآ
يحدث مثل تلك الامور كثرآ والله
ومن كثرتها اصبحت عادية عندى والا اتذكر الا القليل منها مثل اليوم مثلآ.
والحمد لله نحن اضحكناك
كما تمتعنا انت بقصائدك.
ولك تحياتى

Unknown يقول...

السلام عليكم ورحمة الله وبركاته
ghoneem**
يازميلى الجديد فى المهنة
ده انت بكره ياما حتشوف لما تشتغل زينا ويرزقك ربنا بعيادةمثل عيادتنا المحترمة عارف انا قاعدة فى ...ولا اقولك بعدين ,خلينى اخلص الواجب الاول وبعدين نفضفض تانى...
وان كان على تخصص الجراحة ربنا يوفقك فيها يارب طالما انت تحب هذا وتعثر على طبيب محترم وعالم علامّة فاهم فهامة
(ينشر عليك جناحه)و(يتبناك علميآ وعمليآ)
قول يارب
يارب امين لك وللناس الطيبين كللللللهم
وانت اللى واجب نشكرك على المرور والتعليق فلك الشكررررررررررررر.

Unknown يقول...

السلام عليكم ورحمة الله وبركاته
الفارس الملثم محمد
(كما اسميت نفسك
وجددت
فى التعريف بك)
عادى ليه ما يلاقى العضم فى الكرشة؟
والله يامحمد الحين انا ما استغرب على شلىء الا فيما ندر من الاشياء لانى من كتر ما بشوف خلاص كل شىء بقى عادى ويحدث.(وعفوآ بجاحةمن يفعل شىء مخالف ينظر لك بأستغراب إذا قلت له ان هذا مخالف وكأنك بتتكلم هندى)
وسلامى وتحياتى ودعواتى لك دايما يامحمد.

Unknown يقول...

السلام عليكم ورحمة الله وبركاته
نونو العزيزة
ربنا يرحمنا والله من (استعباط) الناس
واقولك زى ما قلت قبل كده وتجدى من يفعل الخطأ ينظر اليك بكل جرأة حين تواجهيه ويقول لك(ايه فيه ايه؟عادى مفيش حاجة!!)
المريض ياستى كشفت عليه(اعمل ايه لازم ما اقدر اشوفه وامشيه لكن لم اصرف له العلاج(كان عندى عينة مجانية اعطيتها له وخلصته)
واه واه واه يانونو من البكاء احيان كتير الايام دى (يغلبنى ولا ادرى لماذا)
وشكرآ للمرور والتعليق
ويرحمنا الله جميعآ يارب.

Unknown يقول...

السلام عليكم ورحمة الله وبركاته
أ.وفاء بركات
اله يسلمك من كل شر ولو عايزة تشوفى العجب العجاب ابقى تعالى هناك وانا اخدك معايا
وليه روحى اقعدى جنب اى موظف حكومى ويكون بيتعامل وجهآ لوجه مع الجمهور حتشوفى العجب ياأستاذة!!!
وارجع اقولك الجمهور معذور(عايز حقه)
والموظف برضه معذور(يحكمة 10000 قانون وقانون والويل له لوكسر واحد فيهم)
ولك منى الف مليون تحية على المرور الحلو ده.