ايه رأيكم نبعد شوية عن مشاكل بلدنا والعالم الثالث واللى عملو واللى سوا وكمان عن اهم حاجة السياسة اللى مرة وصفتها بانها لعبة جيدة الصنع وبسرعة رد على مدون صديق وقال :لأ بل لعبة(....)وبصراحة انا بحترم رأيه ولما عُمنا انور السادات الله يرحمه قالك لا دين فى السياسة ولا سياسة فى الدين تبقى فعلا هى لعبة(كذا وكذا)بالضبط(جايز حد يزعل من الكلام لكن فعلآ صعب تجمع بين الاثنين فى الوقت الراهن)
يلا نروح نتفرج على متحف اوبالصح على صورة مخصوص فى (متحف الفن الحديث) اللى فى الدقى .
لوحة كبيرة جداً مقاسها 3.50م× 198سم للفنان الكبير "محمود سعيد"، واللوحة من أشهر أعماله واسمها "المدينة" وأحياناً بيسموها "بنات بحري"، وهى من أشهر لوحات الفنان السكندري "محمود سعيد" اللي عاش من 1897 إلى عام 1964 وهو من جيل الرواد الأوائل، و كان مستشار محكمة ودرس الفن في مراسم الفنانين الأجانب اللي كانوا موجودين في الوقت ده في إسكندرية لأن ماكانش فيه مدارس لتعليم الرسم في مصر علشان زي ما أنت عارف إن أول مدرسة للفنون الجميلة في مصر كانت سنة 1908...
اللوحة دي اترسمت سنة 1937 وهي مرسومة بخامة الزيت على توال "قماش".. اللوحة دي فيها خدعة كبيرة جداً زي ما أنت شايف الجو كله، تحس إنه في إسكندرية...
أيوه طبعاً... بنات بحري.. والمراكب الشراعية والبحر...
لكن بص يا صديقي في عمق اللوحة...
أيوه دي قلعة قايتباي...
أنا فضلت سنين فاكرة كده... لحد ما أخذت بالي إن دي مش قلعة قايتباي... دي قلعة صلاح الدين في القلعة... لأن قلعة قايتباي مفيهاش جامع....
لكن "محمود سعيد" في اللوحة دي حب يجمع أبطال لوحاته في لوحة واحدة... بنات بحري... بيّاع العرقسوس... راكب الحمار مع ابنه... حاملة الجرة، والمقرئ جنب الجدار، والمراكبية، والملامح المعمارية لبيوت رشيد في الوقت ده، وهو رسم كل الخليط ده فيما يشبه "الكولاج" المحكم، بس هو راعى تكبير الشخوص الأمامية والتصغير التدريجي للعناصر في الخلف علشان يحسِّسنا بالعمق في اللوحة، وكأن كل الناس الموجودين في اللوحة كانوا مع بعض في نفس الوقت وده مش حقيقي...
لكن تجمُّع الشخوص في اللوحة دي بيعبّر بيها عن تجمع مصر الحقيقية متمثلة في ولاد البلد والعامة في الوقت ده... أما بناية وتكوين اللوحة بصريا فدي حاجة عبقرية تانية...
أنا قصدي ازاي أنت بتقدر تشوف لوحة زي دي وعينك بتقدر تتحرك عليها بشكل لا إرادي بالنسبة لك وتستمتع بيها...
ازاي...
فيه نقط في اللوحة بيسموها النقط الذهبية يعني أنسب مكان في اللوحة تقدر تحط فيه شخص وعينك تبقى مستريحة، ودي دايماً بتبقى في مساحة الثلث والثلثين، أو لما يبقى فيه تكوين هرمي مثلث، وده متوفر في اللوحة دي، هتلاقي الثلث على اليمين بيّاع العرقسوس والثلث على الشمال فيه الراجل على الحمار والثلث من فوق فيه بنات بحري والثلاثة عاملين التكوين الهرمي، ورادد على مثلث مقلوب في بنات بحري، أما توزيع الألوان فهسيبه لعينك... وضميرك.
*****&&&&******
منقول
بتصرف
هناك 45 تعليقًا:
بنات بحري، لم تتح لي الفرصة لرؤيتها على الطبيعة، بالرغم من معرفتي لها منذ أن كان عمري لا يتعدى الخامسة... وقتها كنت من هواة جمع طوابع البريد، وكانت اللوحة هذه قد تم طبعها على أحد الطوابع ذات الحجم الكبير، فتم التعارف بيننا... للأسف، لا أعتقد أن الكثير منا يعرفها أو يعرف من هو راسمها...
مع انى مليش فى الصور عامة
لكن شكلها كويس
بالزات الزيت اللى مليان فىالصوره
واضح ان الرسام دفع دم قلبه فى الالوان
نفسى مرة اروح المتحف الحديث , ضرورى
وبالرغم من انى بتخنق من الشرح المطول للرسومات وتحليل كل جزء فيها وقصد الفنان منه, لان ده بيفقدنى الاستمتاع بيها بصراحة وبيربط اللوحة بالواقع فتفقد معناها فورا .
حتى فيه مقولة بتقول : خلقنا الفن لكى نهرب م الحقيقة .
على اى حال الصورة مش محتاجه , روعة فعلا ولو ان الريزوليوشن بتاعها مش كفاية انى اشاهدها بتمعن .
تحياتى يا بروف وسلمت يمينك
تصرف ررائع
ونقل موضوع جميل فعلا
انا بجد اول مره اشوف الصوره بالنظره دى
تحياتى اختى الفاضله
وتقبلى بصمتى
احمد سكر
جزاكم الله خيرا موضوع رائع
و انا بقى دلوقتى عايزة اروح المتحف
ههه
و شكرا
رمضان كريم
و جزاكم الله خيرا
السلام عليكم ,
على فكره انا ماليش فى الرسم
لكن بجد عجبتنى اللو حة دى وتناول الموضوع .
شكرا على هذا البوست
وتحياتى ,
عمار صبرى
كل سنة وحضرتك طيبة
اللوحة جميلة فعلاً تدل على رسام عبقري
شكراً لك على شرحها
خالص التحية
هاني يس
هو الحقيقة ما حدش كتير متخصص فى النوع ده من الفن وانا باعتقد انه انطباعات يعنى ما ينفعش فيه التوجيه اللو حة انا شايفها جميلة يبقى مهما اقرا عنها هى حلوة والعكس
عموماالتغيير مطلوب من وقت للتانى
رمضان كريم
السلام عليكم
بالنسبة للمقدمة من غير زعل ولا حاجة دا مجرد حوار واختلاف اراء ولا يفسد اي قضية بالود .. المهم مقولة السادات جانب نصفها الصواب فلا سياسة في الدين كلام مضبوط فعلا ..
اما النصف الثاني لا دين في السياسة فهذا كلام مردود عليه فما المانع ان يصلح الدين السياسة القذرة .. وتكون علاقاتنا السياسية سليمة وسوية ..
لقد كانت سياسة الدولة في صدر الاسلام اسلامية وطبقها النبي صلى الله عليه وسلم وطبقها الصحابة من بعده ..
إذا فسدت أشياء بفساد مجموعة من البشر فهذا لا يمنع استخدامها بأخلاقياتنا واسلامنا ...
اما الوصف الرائع للوحة اواختيار الموضوع بتصرف فهذا من اعمال الفنانين او اصحاب الذوق الفني الرفيع .. وكثيرا ما اخرج لنا الطب مبدعين وفنانين ..
شكرا ايتها الطبيبة الفنانة
وكل عام وانتم بخير
شكرا
شكرا على البوست يا دكتوره
صباح الخير
والله نفسي أروح المتحف دا
لوحة بتدل على إن مصر برضه ولادة رغم كل شيء
شكراً
اكيد انا ما بشوفش اللوحه دي بالعمق المهاري ده
مهما قولتي هي بنات بحري ودي اسكندريه
ماليش دعوه
هههههههههههههه
الدكتورة نورا
والله ابدعت انت وابدع الرسام محمود سعيد
انا مكنتش عارف ان ثقافتك واسعة قوى كدة
اكيد ذوقك عالى جداااااااااا
ويارب الحلم الموجودفى اللوحة نشوفة من تانى على ارض الواقع
تحياتى
حبيبة قلبي ماي دير فريند
الدكتورة الغالية معلش ياجميل اعذريني اني تغيبت عنك الفترة الماضية بس والله العظيم انا بمر بظروف نفسية وحشة الحمد لله انتي عارفة روحي المعدنية عالية اوي لدرجها انها قربت تصدي
اللوحة طبعا هايلة كفاية اجمل بنات فيكي يامصر بنات بحري ههههههههه تعرفي انا لفيت في زنقة الستات وسوق ليبا علشان اجيب ملاية لف زي دي ملقتش ههههههههههه
بس فعلا اول مرة اخد بالي من القلعه اصلا اللي ورا الصورة تعبر فعلا عن واقع الشعب المصري في الوقت دا ببساطته وتلقائيته ومجدعه اولاد البلد للاسف كل الحاجات دي اوشكت علي الاندثار
تسلم ايديكي ياحبي وكل سنة وانتي بالف صحة وسلامة اشوفك دايما علي خير يارب
تحياتي الغالية
أنا مش جاى علشان الصورة
ولا اللى رسم الصورة
ولا اللى كتب الكلام اللى عن الصورة
أنا جاى علشان أحلى صورة
دكتورة/ نور
كل سنة وانت طيبة
وربنا يفرح قلبك
ودايما كل رمضان احلى واجمل من اللى قابله
وربنا يوعدك بالخير
أختى العزيزة
لكى منى الف سلام
مع أبهج تحياتى
السلام عليكم ورحمة الله
السلام عليكم ورحمة الله وبركاته
Hina wi Hinak
انت كمان جمعت الطوابع؟ياسبحان الله من اوائل هواياتى زمان وكم وقت و(فلوس مصروف وعيدية)صرفتهم عليها وعرفت حبة معلومات عامة اد كددددددددددده
اعلام الدول وعواصمها وزعماء الشعوب
وبينالى الاسكندريه بدوراته المختلفة
وطبعآلوحات زى دى وغيره وغيره
اما اللوحة فأنا اعرفها من زمااااان
واعمال كثيرة اخرى للفنان محمود سعيد
(كانت مطبوعة على نتيجة دعائية عندى)
وكمان نزلت موضوع عنه فى منتدى مشتركة انا به انعش لى معلوماتى عن قريب.
وشكرآآآآآللحضور والتعليق
السلام عليكم ورحمة الله وبركاته
أوعى تفكر
(مش عارفة ازاى)
ازاى ملكش فى الصور؟
ماأنت ناقد كويس اهوه
(شكلها كويس)هى دى قليلة
وزى مابيقولوا: الغرض مرض
فكون الرسام دفع دم قلبه فيها
بيهون قصاد انه ترك لوحة بهذا الجمال!!
تحياتى وتشكراتى لمرورك وكلامك وتعليقك
السلام عليكم ورحمة الله وبركاته
wael
لازم يابرفسيير
وضرورى وحتمآ
لانها فعلا متعة وكمان
قبل ما يحصل لها حاجة
هى كمان!!!
بس صراحة الشرح
احيانا بيفهم الواحد
او بيخلى الواحد يهتم بجزء
معين ما كان فاهمه او واخد باله منه
وتحياتى لك وتمنياتى بزيارة سعيدة
لمتحف الفن الحديث بالدقى عن قريب
يابررررررررررررررررررررررروفسير.
السلام عليكم ورحمةالله وبركاته
احمد سكر
ابو التشلدرين
عندنا يامرحبا
اللوحة جميلة فعلا
وياريت زيارة المتاحف
تكون من ضمن برامج الفسح
فى العطلات زى المصايف وكده
بتعلم الاولاد شىء جديد كل مرة
وتحياتى لحضرتك ولمرورك وووووبصمتك!!
السلام عليكم ورحمة الله وبركاته
"خديجةمحسن"لؤلؤة الاسلام
الله يخليكى ويبارك فيكى
طيب وقاعدة ليه ؟يلا اوام
كتير مواصلات توصلك للدقى
واللى يسأل مايتهوش ولما يحصل
تعالى احكى لنا ايه اللى حصل واللى انت شوفتيه... ايه رايك ؟؟؟؟؟؟؟
اعتقد حيكون بوست روعة
وكل لحظة وانت بألف خير
وجزاكى الله بكل الخير
السلام عليكم ورحمة الله وبركاته
حكومتى ملاك
أ.عمار صبرى
الرسم نوع من انواع
الجمال ومين منا لا يتذوق الجمال
بأى شكل من الاشكال ؟؟
والشكر لحضرتك للزيارة
والتعليق كمان
وتحياتى
السلام عليكم ورحمة الله وبركاته
hany yassin
وكل لحظة وانت بألف خير
دا الاستاذ محمود سعيد مش اى حد
لازم اللى يعمله يكون روعة فعلا
والشكر لحضرتك للمرور والقراءة
والتعليق كماااااااااااان
وخالص الود والاحترام
والتحية لحضرتك
السلام عليكم ورحمة الله وبركاته
هانى زينهم
الانطباعات مهمة اوى بس ارجع اقولك
الشرح والتحليل بيدوا للواحد اشارات او مفاتيح يشوف بيها حاجات ممكن تغفل عنه وخصوصآ ان احنا مش متخصصين ولا وتبحرررررررررررررين فى الفن ياعنى
وتحياتى لمرورك وتعليقك المتميز.
السلام عليكم ورحمة الله وبركاته
جنَى
ربنا مايجيب زعل وانا من اول الكلام قلت لازعل ولا اسف بين الاصدقاء وكمان قلت ان الكلمة (لا سياسة فى الدين ولادين فى السياسة )ممكن تزعل حد..!
عارف ايه المانع؟ ان احنا ما بقينا فى زمن الانبياء والخلفاء والتابعين ناس غير الناس واقوام غير الاقوام والرسول صلى الله عليه وسلم قال (ما معناه لانى لا اتذكر نص الحديث ان احسن قرن أو قوم هم الموجودون معه فى ذلك الوقت ثم الذى يليهم وهكذا وهكذا
وشكرآ شكرآ شكرآ للكلام الجميل ده ارجو ان استحقه
وكل لحظة وانت بألف خير
السلام عليكم ورحمة الله وبركاته
مستر محمد سلامة
الشكر لله سبحانه وتعالى
ثم لحضرتك للمرور والتعليق
السلام عليكم ورحمة الله وبركاته
انت من كنت محتاجآ
واغناك الله من فضله
صباح الخيرات بإذن الله
ولازم ياطبيب تروحه هو وغيره
ولو لمرة واحده لاجل ماتعرف ايه الموجود
مش مصر بس اللى ولادة دى الامة السلامية كلها مش الرسول صلى الله عليه وسلم قال (الخير فىّ وفى امتى الى يوم الدين)وصدق رسول الله
وتشكررررررررررراتى
السلام عليكم ورحمة الله وبركاته اسكندرانى اوى
وماشى كلامك ياأبو اسكندر
انت اول مرة تزورنا ومانقدرش نقول لأ لاى حاجة تقولها :هى اسكندرية وبنات بحرى وقيتباى وابو قير والمعمورة كمان
ولا يهمك ونورتنا وشرفتنا بالتواجد والتعليق الجميل.
السلام عليكم ورحمة الله وبركاته
المحارب المتيم
الاديب الشاعر
عرفة الاسيوطى
عندنا ياهلا ياهلا
هذا من بعض ماعندكم
وما اكذب كمان من بركات
النت والسباحة فيه (بحر
(النت يعنى) ياعرفة
ماله قرار ما يخلص )
وتشكراتى لكلامك الجميل
وامين لكل دعواتك الاجمل
السلام عليكم ورحمة الله وبركاته
بنات وملكات صاحبة الجلالة
حبيبتى ريمو الف لاباس عنك
ويارب شدة وحتزول بإذن الله
وانتِ مش محتاجة توصية اذكرى الله دايمآ
وهو حيكون معاك ولن يتخلى عنك ابدآ
اللوحة جميلة بدليل اننا بنتكلم عنها لحد الحين من بعد شوفى كام سنه هى معمولة !!!!وعبقرية الفنان تتواجد فى مثل هذا ..كل يوم تتكشف اسرار او تشوفها عين بنظرة مختلفة عن من سبقوها
وماتخافيش بلادنا بخير ان شاء الله
طول ما فيها ناس طيبة زيك
وتحياتى واحتراماتى ودعواتى لكى فى
كل وقت وكل مكان براحة البال .امين
السلام عليكم ورحمة الله وبركاته
مع اصرارى
وعزمى وتصميمى
ياااااااااااااااخبر
انااستحق الكلام الحلو ده
كترررررالف مليون خيرررررررك
يارب ويفرح قلبك برضا الله سبحانه وتعالى وطاعته واتباع اومره واجتناب نواهيه ويطمنك على احبابك كلهم يارب
لك منى مرة تانيه الف مليون شكر وسلام
صباح الخيرات والجمال والتفاح الأحمر والبركة إن شاء الله
جاي أصبح يوم الجمعة
وكل سنة وإنتي طيبة
ممممممممممممم
تخيلى عمرى ما اخدت بالى من القلعه دى؟؟؟
ربنا يكرمك
وكل سنه وانتى طيبه
السلام عليكم
حبيت بس اسلم واطمن عليكي واقولك ان مدونتك وحشتني اوي
لكن بالنسبة للبوست
معلوماتي محدوده جدا في مجال الرسم
لكن توضيحك مفيد
ربنا يوفقك
تحياتي
كل سنة وحضرتك طيبه
كاتب قصة وعوزك تقريها
بليز
هاني
كل سنة وانتى طيبة واحسن حاجة عملتيها بلاش السياسة
كل سنة وانت طيب
اللهم بلغنا رمضان و اعنا على صيامه و قيامه و اجعلنا من عتقائك من النار في هذا الشهر الفضيل
امين
أختكم
عبير عبد الشافي صاحبة مدونة طهقانة و كلبوزة لكن سمباتيك
السلام عليكم ورحمة الله وبركاته
انت من كنت محتاجآ
واغناك الله من فضله
مساء الانوار يافندم
وكل لحظة وانت بالف خير
وصحة وعافية إن شاءالله.
السلام عليكم ورحمة الله وبركاته
blue -wave
ماتفكرش كتير
خد بعضك وعلى
المتحف واتفرج هناك
براحتك على كل سم فيها
ويارب بركة ربنا ورمضان
تعم علينا كلنا بأذن الله
السلام عليكم ورحمة الله وبركاته
bar2ash
صيدلى المنصورة العزيز
كيف حالك وحال الدنيا معك.
الحاجة الحلوة ماعليها خلاف
والصورة حلوة والشرح
وضح شوية لكن هى حلوة
ومتشكرين للزيارة
وماتغبش عنا
كتيييييير
السلام عليكم ورحمة الله وبركاته
جنىَ
شكر الله لك
كل هذه التمنيات
الطيبة وجعلها فى ميزان
حسناتك .امين امين امين
السلام عليكم ورحمة الله وبركاته
hany yassin
كل لحظة وانت بالف خير
وتمت الزيارة يافندم
وهى قصة ممتازة كالعادة
مرة تانية كل لحظة وانت طيب.
السلام عليكم ورحمة الله وبركاته
بنت سيناء
بنت الارض الطيبة
كل لحظة وانتى بالف خير
(واحسن حاجة عملتيها
بلاش السياسة)مابقدرش
باموت فى الكلام عنها وعليها
على العموم ااااحااااااااااول
وتحياتى
السلام عليكم ورحمة الله وبركاته
شفقة هانم واحسان بك
عندنا ياااااااامرحبا
خطوة عزيزة فى وقت جميل
وكل لحظة وانت فى الخير كله.
السلام عليكم ورحمة الله وبركاته
طهقانةbastokka
اللهم امين لكل
دعواتك الحلوة دى
ويجعلنا من عتقاء
الشهر الفضيل.
اللهم اميييييين
إرسال تعليق